70 lines
10 KiB
Plaintext
70 lines
10 KiB
Plaintext
\id TIT
|
||
\ide UTF-8
|
||
\h Тит
|
||
\toc1 Тит
|
||
\toc2 Тит
|
||
\toc3 tit
|
||
\mt Тит
|
||
\c 1
|
||
\cl Шеро 1
|
||
\p
|
||
\v 1 О Павел слугас Божие тай апостоли на Исуса Христа за подпомагане и вяра е Божие избраноненге тай ленгоро познание е истинаке, която си по благочестие,
|
||
\v 2 служещо анди надежда е животоске, колато преди вечна времена обещингяс о Дел, Ковато нана хохавел,
|
||
\v 3 а Пере временде явингяс о изпълнение далке Пере словоскоро чрез о послание, повериме манге ки заповед е Девлеске, амаро Спасители -
|
||
\v 4 жи ко Тит, о истинско моро чадос ки общо амари вяра: Благодат тай мири те овел туса таро Дел Отца тай Христа Исуса, амаро Спасители.
|
||
\v 5 Муклом тут андо Крит по кайка причина, те товес андо редос о недовършиме тай те поставинес презвитериен анде секоне градосте, сарто ме заръчингиом туке.
|
||
\v 6 Ако декой си непорочно, иеке ромняке ром тай иси лес вярваща чада, колато нанай обвиниме андо разпуснато животос или непокорство, савка те поставинел пес.
|
||
\v 7 Соскето о епископи требе те овел непорочно, сар Божие настойники, ма своеволно, нито гневливо, нито пияница, нито побойники, нито те овел лакомо гнусноне печалбаке;
|
||
\v 8 а гостолюбиво, любители е лачипнаске, разбрано, праведно, благочестиво, самообладиме;
|
||
\v 9 ковато те икерел о верно словос, според сарто уло сикавдо, за те ащи те увещинел е зорале учениеса тай те опровергинел колкен, колато противоречинен.
|
||
\p
|
||
\v 10 Соскето иси мнозина непокорна, празнословция тай хохавне, а особено таро обрязана,
|
||
\v 11 коленгоро муи требе те панлол, мануша, колато развращинен цела кера, като учинен гнусноне печалбаке далкесте, колесте на требе.
|
||
\v 12 Иек лендар, десаво ленгоро пророки, пенгяс: “О критияния си винаги хохавне, зла зверовя, безделна лакомция*.”
|
||
\v 13 Давка твърдение си верно. По далке причинате изобличине лен строго, за те овен зорале анди вяра,
|
||
\v 14 тай тена ден внимание юдейсконе басненде тай заповедия таро мануша, колато иринен пес тари истина.
|
||
\v 15 Е чистоненге всичко си чисто, а за е оскверноненге тай е невярващоненге нищо нанай чисто, но ленгири годида тай и съвест ленгири си осквернена.
|
||
\v 16 Твърдинен, кай пенджарен е Девлес, но пе деловиенца отричинен пес Лестар, като си мелале тай непокорна, неспособна за савото да те уло лачо делос.
|
||
\c 2
|
||
\cl Шеро 2
|
||
\p
|
||
\v 1 Но ту хоратине давка, ковато прилежинел е зорале учениеске, именно:
|
||
\v 2 о пуре те овен самообладана, сериозна, разбрана, зорале анди вяра, анди любов, андо търпение;
|
||
\v 3 също о пуре ромня те овел лен благоговейно поведение, тена овен клеветникия, нито предиме бут те пиен мол, те поучинен давка, ковато си лачо;
|
||
\v 4 за те сикавен е терне ромниен те дехен пе ромен тай пе чавен,
|
||
\v 5 те овен разбрана, целомъдрена, къщовникия, те овен блага, покорна пе роменге, за тена хулинел пес о Божие учение.
|
||
\v 6 Чука е терне ромен увещине те овен разбрана.
|
||
\v 7 Анде сичконасте покажине тут примери лаче деловиенге; анде те поучениесте покажине искреност, сериозност,
|
||
\v 8 зорало тай безукорно хоратиба, за те лажал о противники, като нанай со канило те пенел аменге.
|
||
\v 9 Увещине е слуген те покоринен пес пе господариенге, те угодинен ленге андо сичко, тена противоречинен ленге,
|
||
\v 10 тена присвоинен о чуждо, а те покажинен винаги съвършено вярност, за те украсинен андо всичко о учение е Девлескоро, амаро Спасители.
|
||
\p
|
||
\v 11 Соскето и Божие благодат, спасително саворе манушенге, явисали,
|
||
\v 12 тай сикавел амен те отречинас амен таро нечестие тай таро светска страстия, тай те живинас разбрано, праведно тай благочестиво андо сегашно светос*,
|
||
\v 13 като очаквинен те сбъднингиол амари блажено надежда, о славно явяване амаре великоне Девлескоро тай Спасители о Исус Христос,
|
||
\v 14 Ковато диняс Пес за аменге, за те изкупинел амен секоне беззакониестар тай очистинел Песке люде за Пере притежаниеске, ревностна лаче деловиенге.
|
||
\p
|
||
\v 15 Чука хоратине, увещине тай изобличине пълновластно. Никои тена презиринел тут.
|
||
\c 3
|
||
\cl Шеро 3
|
||
\p
|
||
\v 1 Напомнине ленге те покоринен пес е началствоненгге тай е властиенге, те шунен лен, те овен готова секоне лаче делоске,
|
||
\v 2 тена злословинен никаске, тена овен крамолникия, те овен блага тай те покажинен съвършено кротост карик саворе манушенде.
|
||
\p
|
||
\v 3 Соскето амеда декана улам неразумна, непокорна, хохавде тай поробиме таро разна страстия тай удоволствия, тай като живинасас анди злоба тай завист, улам мразиме, тай мразинасас амен иек аверес.
|
||
\v 4 Но като явисали и благост е Девлескири, амаро Спасители, тай Лескири любов карик о мануша,
|
||
\v 5 Ов спасингяс амен ма според о праведна дела, колато аме кергямас, а по Пери милост, чрез о окъпване, демек о неворождение тай о обновяване е Святоне Духоскоро,
|
||
\v 6 Колес излеингяс обилно упрал аменде чрез о Исуса Христа, амаро Спасители,
|
||
\v 7 тай, оправдиме чрез Лескири благодат, те ачовас според и надежда, наследникия е вечноне животоске.
|
||
\p
|
||
\v 8 Верно си давка словос. Тай ме мангав те настоявинес упрал далкесте, с цел колка, колато повервинде андо Дел, те упражнинен пес старателно андо лаче дела. Давка си лачо тай полезно е манушенге.
|
||
\v 9 А отбегвине глупава разисквания, родословия, препирни тай чингара относно о закони; соскето он си безполезна тай суетна.
|
||
\v 10 След като съветвинес иек-дуи дрома е манушес, ковато сеинел раздоря, мук лес,
|
||
\v 11 като жанес, кай савка мануш извратисало тай съгрешинел, тари коркоро пестар си одъсиме.
|
||
\p
|
||
\v 12 Като бичалав жи туте Артема или Тихик, постараине тут те аве паш манде андо Никопол; соскето решингиом оте те презимувинав.
|
||
\v 13 Погрижине тут те бичалес дроместе е законикиес о Зина тай о Аполос, чука кай нищо тена липсвинел ленге.
|
||
\v 14 Нека сиклон амареда те упражнинен пес старателно анде салке лаче деловиенде, за тена овен безплодна за о посрещане е необходимоне нужденге.
|
||
\p
|
||
\v 15 Поздравинен тут саворе, колато си манца, Поздравине колкен, колато дехен амен анди вяра. Благодат те овел саворенца туменца. (Амин).
|