See in Reader
138 lines
12 KiB
Plaintext
138 lines
12 KiB
Plaintext
\id 1JN
|
|
\ide UTF-8
|
|
\h 1 Yuhana
|
|
\toc1 1 Yuhana
|
|
\toc2 1 Yuhana
|
|
\toc3 1jn
|
|
\mt 1 Yuhana
|
|
\c 1
|
|
\cl As-hah 1
|
|
\p
|
|
\v 1 De al kan min bidaya-al nina asuma, al nina ayinu ma uyun ta nina, al nina ayinu fugu, wa iden ta nina lemesu-de an kelima ta haya.
|
|
\v 2 Wa kaman, haya biga maruf le nina, wa nina ayinu huwo, wa nina gi ash-had le huwo. Nina gi alino le itakum haya al abadiya, al kan ma abu, wa kutu biga maruf le anina.
|
|
\v 3 De al nina ayinu wa asuma nina bi alinu kaman le itakum, ashan itakum kaman bi kun indu sherika ma nina. Sherika ta nina de ma abu wa jena bito Yesua al mesih.
|
|
\v 4 nina kaman gi katibu hajat de le itakum ashan farah ta nina bi kun kamil.
|
|
\p
|
|
\v 5 De yau risala al nina asuma min huwo wa nina bi alinu le itakum: Allah nur, wa mafi duluma fugu huwo ta kulukulu.
|
|
\v 6 Kan nina kelim gali nina indu sherika ma huwo wa bi ish fi duluma, nina bi kabasu wa ma bi marisu hagiga.
|
|
\v 7 Lakin kan nina bi ish fi nur ze huwo fi nur, nina indu sherika ma badun, wa dom ta jena tuo Yesua bi nedifu nina min ayi katiya.
|
|
\v 8 Kan nina kelim gali nina ma indu katiya, nina gi kabasu nufus ta nina, wa hagiga mafi fugu nina.
|
|
\v 9 Lakin kan nina iterif be kataya ta nina, uwo amin wa adiil ashan bi afi kataya ta nina wa bi nedifu nina min kulu adam bir.
|
|
\v 10 Kan nina kelim nina ma amulu katiya, nina bi kelimu huwo kadab, wa kalam tuo mafi fugu nina.
|
|
\c 2
|
|
\cl As-hah 2
|
|
\p
|
|
\v 1 Eyal, ana bi katibu kalam de le itakum ashan itakum ma bi amulu katiya. Lakin kan fi zol amulu katiya, nina indu Muhami le Abu ta nina, Yesua al Mesih, al waheed al baar.
|
|
\v 2 Huwo yau zabiha le kataya ta nina, ma bes le kataya ta nina barau, lakin le dunia kulu.
|
|
\v 3 Be kalam de nina aruf gali nina aruf Huwo: kan nina bi hafiso wasaya tuo.
|
|
\v 4 Zol al bi kelim, ``Ana arufu Allah`` lakin ma bi hafiso wasaya bito, huwo kadab, wa hagiga mafi fugu huwo.
|
|
\v 5 Lakin de al bi hafiso kelima bito, hagiga muhaba ta Allah biga kamil fi zol de. Kida nina be aruf nina fi fugu huwo.
|
|
\v 6 Le de al bi kelim gali huwo sabit fi Allah kede huwo ish benefsa teriga al Yesua al mesih ish.
|
|
\p
|
|
\v 7 Mahbubin, ana ma bi katibu wasiya jedid le intum, lakin wasiya gedim al intum asuma min bidaya. Wasiya al gedim de yau kelima al itakum asuma.
|
|
\v 8 Wa lisa ana bi katibu le intum wasiya jedid, al huwo hagiga fi al Mesih wa intum, shan duluma bi ruwa bar, wa nur al hagiga kalas bi wala.
|
|
\v 9 Zol al bi kelim gali huwo fi nur, wa bi karahu aku tou lahadi hasa huwo lisa fi duluma.
|
|
\v 10 Zol al gi hibu aku tuo bi fadulu fi nur wa mafi haja bi jada huwo.
|
|
\v 11 Wa lakin de al bi karahu aku tuo huwo fi duluma wa bi ish fi duluma; huwo ma aruf huwo bi ruwa wen, ashan duluma kati ena tuo.
|
|
\p
|
|
\v 12 Ana bi katibu le intum, eyal, ashan katiya takum affi ashan isim bito.
|
|
\v 13 Ana bi katibu le intum, abuhat, ashan intum arufu de al min bidaya. Ana bi katibu le intum, shabab, ashan intum gilibu al sherir de. Ana katibu le intum, eyal sukerin, ashan intum arufu al Ab.
|
|
\p
|
|
\v 14 Ana katibu le intum, Abuhat, ashan intum arufu de al min bidaya. Ana katibu le intum, shabab, ashan intum gowi, wa kalam ta Allah fadulu fi intum, wa itakum gilibu al sherir de.
|
|
\v 15 Ma takum hibu dunia wele hajat al fi dunia. Kan ayi zol gi hibu dunia, muhaba ta abu mafi fugu huwo.
|
|
\v 16 Ayi haja al fi dunia -neiya ta gisim, neiya ta ena, wa kebir nefsa -de ma min abu lakin min dunia.
|
|
\v 17 Dunia wa neiyat tuo bi kalasu. Lakin de al bi amulu irada ta Allah begeni lel abad.
|
|
\p
|
|
\v 18 Eyal sukerin, de saa al akir. bes ze ma intum asuma gali dit al mesih bi ja, hassa ketirin dit al Mesih kalas ja. bekida nina arufu gali de saa al akir.
|
|
\v 19 humon ruwa bara min anina, Lakin humon kan ma min anina. la anu lo kan humon min nina kan humon bi fadulu ma anina. lakin zaman humon ruwa bara, de bi weri inu humon kan ma min anina.
|
|
\v 20 Lakin intum indu misha min al kudus, wa intum kulu arufu al hag.
|
|
\v 21 Ana ma katibu le intum ashan intum ma aruf hagiga, lakin ashan itakum arufu wa ashan mafi kidib bi ja min hagiga.
|
|
\v 22 Munu yau kadab de zol al bi angoru gali Yesua ma Mesih? Zol de yau dit al mesih, ze ma huwo anguro abu wa jena.
|
|
\v 23 Mafi zol al bi anguro jena Gali indu abu. de al bi arufu jena indu abu kaman.
|
|
\v 24 Ze le intum, kede haja al itakum asuma min bidaya de fadulu fugu itakum. Kan haja al intum asuma min bidaya de fadulu fugu intum, intum kaman bi fadulu fi jene wa fi abu.
|
|
\v 25 De yau waad al huwo wedi le nina: Haya abadiya.
|
|
\v 26 Ana katibu hajad de le intum an delin al der woduro intum.
|
|
\v 27 Ze le intum, misha al intum akudu min huwo bi fadulu fugu intum, wa intum ma muhtajin le ayi zol ashan bi derisu intum. Lakin ze misha tuo bi derisu intum ayei haja wa uwo hagiga wa ma kidib, wa bes ze ma uwo derisu intum, fadulu takum fugu huwo.
|
|
\p
|
|
\v 28 Wa hassa ya eyal, fadulu takum fugu uwo, shan zaman al huwo bi bainu, nina bikon indu shuja wa bidun fadiya gidam bito fi ja tatuo.
|
|
\v 29 Kan intum arufu gali huwo baar, intum arufu gali ayi zol al bi amulu haja al sah weledo min huwo
|
|
\c 3
|
|
\cl As-hah 3
|
|
\p
|
|
\v 1 Ayinu yatu lon ta muhaba al Abu wedi le anina, ashan be nadi anina Eyal ta Allah, wa de nina yau kida. Le sabab de, dunia ma arufu nina, la anu dunia ma arufu huwo.
|
|
\v 2 Mahbubin, nina hassa eyal ta Allah, wa lisa ma zahiru nina bi ja kun kef. nina aruf gali kan al Mesih zahir, nina bikun ze huwo, ashan nina gi ruwa ayinu ze ma huwo.
|
|
\v 3 Ayi zol al indu sikah an mustakbal bi kutu bala fugu huwo, huwo bi tahiru nefsa tuo bes ze ma huwo tahir.
|
|
\v 4 Ayi zol al gi amulu katiya bi kasuru ganoon; laanu katiya de kasuru ganoon.
|
|
\v 5 Itakun arufu gali Yesua zahiru ashan bi-shilu katiyat, wa ma fi katiya fugu huwo.
|
|
\v 6 Mafi zol al bi fadulu fugu huwo bi-istemir amulu katiya. Mafi zol al gi-istemir amulu katiya ayinu huwo aw arufu huwo
|
|
\v 7 Eyal tai, matakum sibu ayi zol woduro itnum. Zol al bi amulu shukul bir huwo baar, bes ze ma al Mesih baar.
|
|
\v 8 Zol al bi amulu katiya huwo min iblis, ashan iblis amulu katiya min bidaya. Ashan kida Jena ta Allah zahiru, ashan huwo bi-demiru shukul ta iblis.
|
|
\v 9 Ayi zol al weledu min Allah ma bi istemir fi amulu katiya lanu bizira ta Allah bi fadulu fugu huwo. huwo ma bi agider istemir fi katiya ashan huwo moluod min Allah.
|
|
\v 10 Asahan kida Eyal ta Allah wa Eyal ta iblis zahiru. Ayi zol al ma bi amulu haja al nedif ma min Allah; wele zol al ma gi hibu aku tuo.
|
|
\v 11 De yau risala al intum asuma min bidaya: inu nina kede hibu badun,
|
|
\v 12 ma ze kain, al kan min iblis wa katulu aku tuo. Le huwo katulu huwo? Asha amayiel bito kan batal, wa ta aku tuo kan al kwes.
|
|
\p
|
|
\v 13 Matakum istagrab, akuana tai, kan dunia bi karahu intum.
|
|
\v 14 Inna arufu inu nina tala min mutu le haya, la anu nina gi hibu akuan. Ayi zol al ma bi hiba bi fadulu fi mut.
|
|
\v 15 Ayi zol al bi karihu aku tuo huwo zol al bi katulu. Itakum arufu gali ma fi zol al bi katulu indu haya abadiya fugu huwo.
|
|
\v 16 Be de nina aruf muhaba, ashan Mssih wedi haya tuo le nina. Kele ina kaman wedi haya ta nina le akuana ta nina.
|
|
\v 17 Lakin de al indu mali ta dunia, wa ayinu aku tuo muhtaj, wa gufulu geliba ta rahma min huwo, kef muhaba ta Allah bi fadulu fi zol de.
|
|
\v 18 Eyal tai, kede nina ma hiba be kalam aw be lisan, lakin fi shukul wa hak
|
|
\v 19 Be kida nina aruf gali inna min al hak, wa nina bi akiddu gulub ta nina gidam tuo.
|
|
\v 20 Kan gulub ta nina bi hukumu nina, Allah azim min gulub ta nina, wa huwo aruf ayi haja.
|
|
\v 21 Mahbubin, kan gulub ta nina ma bi hukumu nina, nina indu sikha fi safa ta allah.
|
|
\v 22 Ayi haja al nina bi asalu nina bi ligu min huwo, ashan nina gi hafisu wasayat bito wa nina bi amulu hajat al kwes gidam bito.
|
|
\v 23 De yau wesiya tuo: nina bi amin fi isim ta Jena tou Yesua al Mesih wa hibu badun, ze ma huwo wedi le nina wasiya de.
|
|
\v 24 Zol al gi hafiso wasahyat ta Allah bi fadulu fugu huwo, wa Allah be fadulu fugu uwo. be denina aruf gali bi fadulu fugu ina, be wasat Ruhu al huwo wedi le nina.
|
|
\c 4
|
|
\cl As-hah 4
|
|
\p
|
|
\v 1 Mahbubin, ma ta sedek fi ayi Roho. Lakin imtehin takum arwah ashan intum bi aruf kan humon min Allah, ashan Anbiya al kadabin kalas shetetu fi dunia.
|
|
\v 2 Be de intum bi aruf Ruhu ta Allah - ayi Roho al gi wonusu gali Yesua ja fi gisim de min Allah,
|
|
\v 3 wa ayi Roho al gi kelim Yesua ma min Allah. De yau Roho al dit al Mesih, al intum asuma gali gi ja, wa hassa kalas fi fi dunia.
|
|
\v 4 Intum min Allah, ya eyal, wa intum gilibu humo, la anu de al fi fugu intum huwo azim min al fi fugu dunia de.
|
|
\v 5 humon min dunia; ashan kida kalam al humon gi wonuso de min dunia, wa dunia gi asuma le humon.
|
|
\v 6 anina min Allah. Ayi zol al aruf Allah bi asuma le nina. de al ma min Allah ma bi asuma le nina. Be de nina aruf Roho ta hag wa Roho ta woduru.
|
|
\p
|
|
\v 7 Mahbubin, kele nina hibu badun, Lanu muhaba min Allah, wa ayi zol al bi hibu weledu huwo min Allah wa arufu Allah.
|
|
\v 8 Zol al ma gi hibu ma bi aruf Allah, la anu Allah muhaba.
|
|
\v 9 Ashan kida muhaba ta allah bainu fi nus ta nina, inu allah rasulu Jena bito al wahid le dunia ashan nina bigeni hai ashan uwo.
|
|
\v 10 Fi de yau muhaba ma gali nina hibu Allah, lakin uwo yau hibu nina, wa uwo rasulu Jena bito ashan bikun zebiha ta katiya ta nina.
|
|
\v 11 Mahbubin, lo Allah hibu nina shedit, nina kaman bi hibu badun.
|
|
\v 12 Mafi zol al ayinu Allah. Kan nina Hibubadun, Allah bi fadulu fugu nina, wa muhaba tuo kamil fugu nina.
|
|
\v 13 Be de inna aruf nina gi fadulu fugu uwo wa uwo fugu nina, la anu huwo wedi le nina Roho tuo.
|
|
\v 14 Kaman nina ayinu wa shahidu inu al ab rasulu Jena ashan bikun mukalis ta dunia.
|
|
\v 15 Ayi zol al bi rudu inu Yesua Jena ta Allah, Allah bi fadulu fugu huwo wa huwo fi Allah.
|
|
\v 16 Kaman, nina arufu wa sedek muhaba al Allah indu le nina. Allah muhaba, wa de al bi fadulu fi muhaba de bi fadulu fi Allah, wa Allah bi fadulu fugu huwo
|
|
\v 17 Ashan kida, muhaba de biga kamil fugu nina, ashan nina bikun indu siga fi yom ta hukum, ze ma huwo, kaman nina bikun fi dunia de.
|
|
\v 18 Mafi kafu fi muhaba. Bes, muhaba al kamil bijada kafu bara, lanu kafu bi ruwa ma tadiib. Lakin de al bi kafu lisa ma kamil fi muhaba.
|
|
\v 19 Nina bi hibu ashan Allah hibu nina awel.
|
|
\v 20 Kan fi zol kelim,``Ana hibu Allah`` lakin gi karahu aku tuo, huwo kadab. Ashan de al ma bi hibu aku tuo, al huwo gi ayinu, ma bi agder hibu Allah, al huwo ma ayinu.
|
|
\v 21 Wa bardu de wasiya al nina indu min huwo: Ayi zol bi hibu Allah lazim kaman bi hibu aku tuo.
|
|
\c 5
|
|
\cl As-hah 5
|
|
\p
|
|
\v 1 Ayi zol al bi amin inu Yesua yau al Mesih huwo molud min Allah, wa ayi zol al bi hibu Abu bi hibu Jena al weledu min huwo.
|
|
\v 2 Ashan kida nina aruf gali nina bi hibu eyal ta Allah: kan nina bi hibu Allah wa bi amulu wasaya tuo.
|
|
\v 3 De yau muhaba le Allah: inu nina bi hafisu wasaya tuo. Wa wasaya tuo ma tegil.
|
|
\v 4 Ayi zol al weledu min Allah bi gilibu dunia. De yau nusra al gilibu dunia: iman ta nina.
|
|
\v 5 De munu yau bi gilibu dunia? De zol al bi amin inu Yesua jena ta Allah.
|
|
\v 6 De yau zol al ja be moyo wa dom: Yesua al mesih. huwo ma ja bes be moyo, lakin bemoyo wa dom.
|
|
\v 7 Ashan fi talata al gi shahidu:
|
|
\v 8 Roho, Moyo, wa dom. Wa talata de fi tifagia.
|
|
\v 9 Kan ina gabilu shihada ta nas, shihada ta Allah azim. Ashan shuhuda ta Alah yau de inu huwo wede shuhuda an Jena bito.
|
|
\v 10 Ayi zol al bi amin fi jena ta Allah indu shuhuda fi nefsa tuo. Ayi zol al ma bi amin Allah bi tal huwo kadab, la anu huwo ma ami fi shuhuda al Allah wede an Jena tuo.
|
|
\v 11 Wa shuhuda yua ze de: Allah wedi le nina haya abadiya, wa haya de fi fi Jena tuo.
|
|
\v 12 Zol al indu Jena indu haya De al ma indu Jena ta Allah ma indu haya.
|
|
\p
|
|
\v 13 Ana katibu le intum hajat de ashan intum be arufu gali itakum indu haya abadiya- le inta al amin fi isim ta Jena ta Allah.
|
|
\v 14 Kaman, de yau sigah al nina indu gidam tuo, inu kan nina asalu ayi haja hasab irada tuo, uwo bi asuma le anina.
|
|
\v 15 Kaman kan nina aruf inu uwo gi asuma nina- ayi haja al nina bi asalu min huwo indu ayi haja al nina asalu min huwo
|
|
\v 16 Kan fi zol ayinu aku tuo bi amulu katiya al ma bi jibu mutu, huwo lazim bi seli, wa Allah bi wedi le huwo haya. Ana gi wonusu an delin al gi amulu katiya al ma bi jibu mutu. Fi katiya al bi jibu mutu; Ana ma bi wonuso inu huwo bi seli an kalam de.
|
|
\v 17 Kulu adam birr de katiya, lakin fi katiya al ma bi jibu mutu.
|
|
\p
|
|
\v 18 Nina arufu inu de al weledu min Allah ma bi amulu katiya. Lakin de al weledu min Allah bi hafiso nefso, wa al sherir ma bi augu huwo.
|
|
\v 19 Nina arufu gali nina min Allah, wa nina aruf inu dunia kulu gi teki fi al sherir.
|
|
\v 20 Lakin nina arufu inu jena ta Allah ja wa wedi le nina fihim asahn nina bi arufu de al hagiga. Bardu, nina fi de al hagiga, fi Jena tou Yesua al Mesih. huwo Allah al hagiga wa haya al abadiya.
|
|
\v 21 Eyal, hafiso nefus takum min asnam.
|