See in Reader
163 lines
15 KiB
Plaintext
163 lines
15 KiB
Plaintext
\id 1TI
|
||
\ide UTF-8
|
||
\h 1 Timoteo
|
||
\toc1 1 Timoteo
|
||
\toc2 1 Timoteo
|
||
\toc3 1ti
|
||
\mt 1 Timoteo
|
||
\c 1
|
||
\cl Angati 1
|
||
\p
|
||
\v 1 Ani Paulo efahata olo Yesu Kristo te efahi ono Hollum Etalahani hohoi iko Yesu Kristo al ara’to neyihina hohoi.
|
||
\v 2 Egyoro ni jyo Timoteo lonyi hoŋ ahode ta neruk. Ijara amehino bwo namuno iko nelik taji on ottu’to jyo Hollum Monye iko Yesu Kristo Hobu hohoi hatawana jihoi.
|
||
\p
|
||
\v 3 Ninya alari ni Masedonia elolya ni jihoi irasari Efisa ifahari laati omuk hotobyaŋahi ittiyenie ettiyenita hun olufaji’to.
|
||
\v 4 Oŋida isi obeŋi itaniŋye eyabita iko erre hohonyok hun obeŋi’to otuhunie nyo iyaŋunie isi aŋalafata asai, obyaŋara neruk jyo eram ono Hollum.
|
||
\v 5 Ati eram on obolo’to inyi namuno on ottu’to to taji on olibo’to iko egigilo on oyyu’to, bwo neruk on obeŋ’to iko enyobyo.
|
||
\v 6 Ati ipali omuk laati te erre huna jyo etafudita asai.
|
||
\v 7 Awahi isi ratan ahettiyanak ifahita huno Mose, ati obeŋi isi omijani nekyanita hun ikyanai isi kuyya erre hun ittiyenie isi.
|
||
\p
|
||
\v 8 Ati emijak hohoi jo oyiji efahita al ittiyenio atulo isi on obis.
|
||
\v 9 Omijana ana, obeŋi efahita arai ta abisak, ati ta amyosok ifahita iko eharak ifahita, to hya hul obeŋi omijani Hollum iko eyyak, te ebwatak iko amorok fure Hollum, ta attok monyye iko honyye, ta attok wati,
|
||
\v 10 ta asomok, ta afarak, te etinyyaŋak wati, ta agemosok, te ellamak, bwo isyarani efahita jyo laati daŋ hul ihari’to ettiyenita hun oyiji.
|
||
\v 11 Enyurak hohoi ettiyenita huna ta asayyo hun oyiji huno akwatan Hollum al itahuye, isi asayyo hunya isyarani jihoŋ.
|
||
\p
|
||
\v 12 Humo jyo Yesu Kristo Hobu hohoi al isyo jihoŋ agolon bwo ihenio inyi ani atulo al egyama’to on oyyu ette inyi nyimuna ani ahegyamani.
|
||
\v 13 Ara nya ni ahamoroni Kristo bwo fe ahettigyamani honyi iko olorroho, ati anyurak ni amehino nyo ehanio nya ni ihwania ta abyaŋan mijana iko ta abyaŋan iruk.
|
||
\v 14 Bwo fe osyaro amehino ono Hobu jihoŋ bebe ta neruk iko namuno on owon’to itwa, Yesu Kristo.
|
||
\p
|
||
\v 15 Arai nekyanita huna ahode bwo oŋida laati daŋ ifwotuni isi jo, ottu nya Yesu Kristo ifau italahuniere leyyak, bwo ara ni aheyyani agalik isi daŋ.
|
||
\v 16 Ati te eram ana anyurak ni amehino jo oŋida Yesu Kristo itahutak adihan honyi on obolo’to toni, al ara’to aheyyani agalik isi daŋ. Ara ana etamijani jyo hya hul ofwonni adi iruk jihonyi ihalu, inyuraniere nesu on osyo fur.
|
||
\p
|
||
\v 17 Tania ijara etahabuyo iko akwatan hatawana jyo Hobu fur. Inyi Hollum abotye ol osyo’to fur, ol obeŋ’to oye, bwo fe obeŋ oleyo. Amen.
|
||
\v 18 Esyo ni efahi ana jihoi Timoteo lonyi hoŋ, jo oŋida iye irrem arrem on oyyu ihwa ninya ikyanarak eyak sayyo teye.
|
||
\v 19 Iniefatye neruk ta agolon iko ataji on oyyu. Ihari omuk laati esiŋyo ono atajya ette itarroho neruk hosi.
|
||
\v 20 Ihiji laati hulo owoni Humenayo iko Alesandro hul esyo ni ihas Sitan ibahyere isi jo oŋida isi omijani jo orroho amoryo Hollum.
|
||
\c 2
|
||
\cl Angati 2
|
||
\p
|
||
\v 1 Ahosyere elolyahi ni jihatai jo oŋida imojoti, ifiyete, ogyatati, bwo isyatta ahumo jyo Hollum ta laati daŋ.
|
||
\v 2 Omojoti to hobwok iko eleittaha daŋ, jo oŋida hohoi emanya ta abyaŋan’rem bwo ta nelik tajya, ta amijana Hollum, iko ta abisan daŋ.
|
||
\v 3 Oyyu amojo ihwa ana bebe, nyo itamuno inyi Hollum Etalahani hohoi,
|
||
\v 4 al awak’to laati daŋ italahunie bwo fe imijaniere nelahode.
|
||
\v 5 Nyo owon Hollum abotye bwo fe etimwarani abotye ihiji Hollum iko aati, atulo alya inyi Yesu Kristo.
|
||
\v 6 Inyi alya al isyo ahwan honyi ta aduma ta laati daŋ. Oleyo nya etamijani ania to oloŋ on osiru’to.
|
||
\v 7 Te eram ana ihanani ani ahettiyanani iko alefahata ittiyeniere paganohyen ta neruk iko nelahode. Ekyana ni nelahode, abeŋ ni agesem.
|
||
\p
|
||
\v 8 Tania awak ni alyawa akafatye ahas hun olibori ta amojo imasik daŋ, ta abyaŋan ijorya iko ta abyaŋan itarisa.
|
||
\v 9 Oŋida bwo fe aŋorwo iyyafatye aboŋojin hun oyiji bwo itoŋoi dee te errirriyo hwattek, obyaŋara ta ayyeo hofir, kuyya aŋata ta ayyel, kuyya onoroi hun obwori’to, ara dwo bu aboŋojin hun ogoli te enyyaŋa.
|
||
\v 10 Ati oŋida isi ihanie egyamita hun oyiji, nyo obis ana jyo aŋorwo hun ojori ebaŋ isi Hollum.
|
||
\v 11 Ijara aŋotte itaniŋu ettiyenita ta anyalami iko ta aniŋyo.
|
||
\v 12 Abeŋ ni awak aŋotte ittiyenio ara dwo bu irari eneittok ono alle, ati oyyu kuyya itoŋo inyi dee.
|
||
\v 13 Nyo oyyeuni nya Adam ahosyere, bwo ihalu Eva.
|
||
\v 14 Bwo fe obeŋi nya inyobye Adam, ati inyobye nya aŋotte bwo okwahino inyi iyyau.
|
||
\v 15 Ati italahuno aŋotte te esiuna ono eito, al itoŋo inyi ta neruk iko namuno bwo alibori iko errirriyo hwan.
|
||
\c 3
|
||
\cl Angati 3
|
||
\p
|
||
\v 1 Arai nekyanita huna ahode jo, atulo al awak’to rahan eleittok klesya awak inyi egyama on oyyu.
|
||
\v 2 Tania oŋida eleittok klesya adaha ta abyaŋan ipali, oŋida owon inyi iko aŋotte abotye hama, oŋida inyi ara aherrirryani wahiti hutto hwan honyi, ahegigiloni ol obis, ahadahani ol obeŋ adaha asai asai, ahalwahani tamonok, bwo fe ahettiyanani ol oyyu.
|
||
\v 3 Oŋida inyi ara atulo ol obeŋ’to oruma ta abalu, ol obeŋ’to abahyo laati ati anyalam inyi. Oŋida inyi obeŋ aŋalafai iko obo, bwo fe obeŋ igigilo ta agurusi.
|
||
\v 4 Oŋida inyi irrirrya ahaŋ honyi on oyyu, bwo fe owon iko aduri hul oniŋye inyi ta abaŋi.
|
||
\v 5 Nyo atulo ol obeŋ’to oremik irrirrya ahaŋ honyi, ?irrirrya adi inyi eklesya ono Hollum aŋai?
|
||
\v 6 Oŋida inyi obeŋ ara atulo al hetek’to iruk, ŋadi inyi itadara bwo okwaharo liŋoco inya oŋocere Hollum etisyahani.
|
||
\v 7 Bwo fe oŋida laati hutto let ikyanai on oyyu ta afure honyi, ŋadi emoriti itakwahari inyi ilofidik hetisyahani.
|
||
\p
|
||
\v 8 Ihwania oŋida egyamak klesya itoŋoi awati hul obiji hwattek, hotobyaŋahi owoni iko aŋadyefa arrihai, hotobyaŋahi amatai abalu bebe, bwo hotobyaŋahi igigiloi ta agurusi.
|
||
\v 9 Bwo fe oŋida isi inefuni neruk an idimani itajya hosi hun olibori.
|
||
\v 10 Oŋida okemye hulya ahosyere, bwo ihalu ijara isi igyamai ihwa egyamak klesya, kuyya obeŋi onyurani obo epali.
|
||
\v 11 Oŋida aŋorwo bwo fe itoŋoi awati hun obiji hwattek, hotobyaŋahi itisyahai, heterrirryahi ewahiti hutto hwattek hosi bwo fe hetehaniehe erre daŋ hun oyiji.
|
||
\v 12 Ijara egyamani klesya owon iko aŋotte abotye, heterrirryai aduri honyi iko ahaŋ honyi on oyyu.
|
||
\v 13 Nyo laati hul ihanie’to egyama ono egyamak klesya on oyyu onyurani adi isi etahabuyo iko eŋere ta neruk on owon’to jyo Yesu Kristo.
|
||
\p
|
||
\v 14 Egyoro ni erre huna jihoi ati eyihi ni ifanyari jihoi ihalu kai.
|
||
\v 15 Al elliŋya ni imijak adi iye oŋida laati igyamai aŋai ihiji wati Hollum hul arai’to eklesya Hollum leswoni. Ara eklesya ania attunani iko etamijani ono nelahode.
|
||
\v 16 Bwo ahode obolo bebe eram ono amijana Hollum ninya idimani. Olyeo nya Kristo ta ahwan tulo, Itahutak Oloyiri ayiji honyi, Igonyuni anjelohyen inyi, Ittiyenie aati eram honyi ihiji paganohyen, Iruhi aati hutta fau eram honyi, Bwo ifwotuni inyi idou ta akwatan.
|
||
\c 4
|
||
\cl Angati 4
|
||
\p
|
||
\v 1 Bwo ojo Oloyiri, te esidi fau ipali adi omuk jyo neruk addi, nyo itaniŋye isi abwana hun inyobye’to iko ettiyenita johin.
|
||
\v 2 Inyobye adi agesemok isi, nyo omohini atajya gesemok hya ta agesemita hosi.
|
||
\v 3 Ojori isi oŋida laati obeŋi oyamai, bwo hotobyaŋahi oŋiye aŋiyo hun isyo Hollum jyo eruhok hul omijani nelahode ifwotuniere ta ahumo.
|
||
\v 4 Nyo oyiji aŋiyo daŋ hun isyo Hollum, bwo oremehini laati ŋiyo daŋ kuyya ifwotuni isi ta ahumo.
|
||
\v 5 Nyo italibori aŋiyo daŋ te ekyana Hollum iko ta amojo.
|
||
\v 6 Al ittiyenio iye erre huna jyo illarak, ira adi iye ahegyamani ol oyyu olo Yesu Kristo, nyo ibolororo iye ta nekyanita huno neruk, iko ta nettiyenita hun oyiji hun ijifatyo iye.
|
||
\v 7 Ati ihai eyabita hun orrohoji’to iko hunya beryen. Ittiyenie ahwan hoi ta amijana Hollum.
|
||
\v 8 Oyiji ebaliti hwan kai, ati oyyu amijana Hollum te erre daŋ, nyo owon inyi iko ecorit ono nesu on owon’to ihwania bwo ono nesu on ottu’to.
|
||
\v 9 Arai nekyanita huna ahode bwo oŋida laati daŋ ifwotuni isi.
|
||
\v 10 Te eram ana egyama hohoi bwo fe edihu hohoi ettigemita, nyo eyihi hohoi jyo Hollum leswoni al ara’to Etalahani wati daŋ ati ara inyi Etalahani ahode jyo eruhok.
|
||
\v 11 Oduloi ettiyenio bwo iramyo erre huna jyo laati.
|
||
\p
|
||
\v 12 Helaha obo atulo omyana iye ta arahan hoi ahito, ati itahutak etamijani jyo eruhok ta nekyana, ta amanya, ta namuno, ta neruk, iko ta alibori.
|
||
\v 13 Ihuma ihenio abuk Hollum, ittittoye, bwo fe ittiyenie eram honyi many attuniere ni.
|
||
\v 14 Hepwak esyoryo on owon’to itaji hoi, inya isyori jihoi ihwa ikyanarik eleittaha iholoŋ an iyyabanierek isi ahas hosi jihoi.
|
||
\v 15 Ihanie erre hunia on oyyu, ihanie isi ta agolon hoi daŋ, jo oŋida laati daŋ igonyuni aboboloro hoi.
|
||
\p
|
||
\v 16 Irrirryai ahwan hoi iko ettiyenio hoi. Oduloi te erre huna, nyo al ihanio iye ana italahu adi iye ahwan hoi iko hul itaniŋye ettiyenita hoi.
|
||
\c 5
|
||
\cl Angati 5
|
||
\p
|
||
\v 1 Hekyana ta agolon jyo obo amarwani, ati isiŋye inyi ta anyalami ihwa monyohoi, bwo ikyanai jyo monyomiji ihwa illarak hoi.
|
||
\v 2 Ikyanai jyo aŋorwo hun imarwahi ta anyalami ihwa honyohoi, bwo fe jyo odwo ihwa haniarak hoi ta nalibori daŋ.
|
||
\p
|
||
\v 3 Olwaha ehidahi ŋorwo hun arai ehidahi ahode, hun obeŋi’to owoni iko hutto woyo hosi.
|
||
\v 4 Ati ehidak on owon iko aduri kuyya bu lonyirok lonyi honyi, oŋida hulo itaniŋuni jo ara ana egyama hosi etteri irrirryari laati hutta haŋ hosi iko esyok hosi, nyo oyyu ana tohosyere Hollum.
|
||
\v 5 Ihwania olwaha ehidak an ara’to ahode on obeŋ’to owon iko hutto woyo hosi kuyya iyihi inyi jyo Hollum bwo odulo inyi amojo iko efiyo ta attari iko ta afanni daŋ.
|
||
\v 6 Ati ania an amanya’to te ewahiti hwan honyi ara inyi ihwa aŋotte an aye’to dwadi isu inyi.
|
||
\v 7 Iramak erre huna jihosi jo oŋida isi adahai ta abyaŋan ipali.
|
||
\v 8 Ati kuyya obusak obo atulo aati hutto woyo hosi kuyya bu hutta haŋ hosi, bwo obeŋ olwahyo ta aŋiyo iko erre omuk, iha inyi neruk honyi, bwo orroho inyi agalik atulo ol obeŋ’to iruk.
|
||
\p
|
||
\v 9 Hegyorok iwaraga afure ehidak an hobeŋi aŋasi honyi ottubai atomwana ille, kuyya bu an ayamai nya enyyahita arrihai.
|
||
\v 10 Oŋida laati daŋ omijani ehanita honyi hun oyiji jo ara inyi ahahoyani duri, ahalwahani heruhok tamonok, ahellillani hejek wati Hollum, ahalwahani hejiriŋak, iko ahegyamani hirre daŋ hun oyiji.
|
||
\v 11 Ati hegyorok ehidahi hun hobeŋi’to imarwahi, nyo ihalu ayahari adi isi addi jyo Kristo bwo inyyahi wahan ayama.
|
||
\v 12 Bwo onyurani adi isi aŋoco nyo obusani isi erre hun ocoroni isi ahosyere.
|
||
\v 13 Adahatye isi ihaŋitek wati bwo isugai isi asai, obyaŋara ania ijai ati iyabai isi erre asai bwo fe idyeferi isi ikyanari erre hun obeŋi oyiji te ekyana.
|
||
\v 14 Tania awak ni ehidahi hun hobeŋi’to imarwahi oŋida inyyahi yama, isiuni aduri, irrirryai ahaŋitek hosi, bwo obeŋi isyori obo ekoi jyo amyotononi ikyanari on orroho tesi.
|
||
\v 15 Nyo ihwania ipali omuk addi ijifatyere Sitan.
|
||
\p
|
||
\v 16 Kuyya owon obo eruhoni iko ehidahi ihaŋ honyi ijara inyi olwahyo isi, oŋida eklesya obeŋ olwahyo isi nyo oŋida eklesya olwahyo hun arai’to edidahi ahode hun obeŋi’to owoni iko hutto woyo hosi.
|
||
\p
|
||
\v 17 Ijara amarwak klesya hul irrirryai laati on oyyu hotonyuraniehe etahabuyo iko edumit. Ati kuyya igyamai isi bwo fe ittiyeniere iko ittittoyere laati onyurani adi isi agalik.
|
||
\v 18 Nyo ojori egyerita, “Hefitata etuk hiteŋ al igisyo’to ema.” Ojori isi bwo fe, “Osiru egyamani ifwotuniere edumit ono egyama honyi.”
|
||
\p
|
||
\v 19 Heruk al itisyak obo amarwani klesya, al obeŋi etamijanak arrihai kuyya bu hunihoi.
|
||
\v 20 Isiŋye laati hul iyyauni’to ihosyere wati daŋ jo oŋida hul omuk daŋ abaŋi bwo fe.
|
||
\p
|
||
\v 21 Eramak ni iye ihosyere Hollum iko Yesu Kristo bwo anjelohyen hul onyimu Hollum jo oŋida iye ihanio erre huna ta abyaŋan igigya iko ta abyaŋan ŋocyo on orroho.
|
||
\p
|
||
\v 22 Heyyabak ahas kwak jyo obo atulo ihaniere egyama ono Hollum ŋadi laati ojori iruk iye eyyata hosi. Amanyai on olibo.
|
||
\v 23 Hemata aari hama, ati amatu aari ajalaŋi kai ta adyaha hohe hoi bwo te eŋwati hoi arryai.
|
||
\v 24 Oleye eyyata wati omuk bwo itadihoroi isi iŋoco, bwo oleye eyyata wati omuk ihalu hosi.
|
||
\v 25 Ihwania bwo fe oleye ehanita hun oyiji, dwadi bu obeŋi isi oleye kokwak obeŋi oremehini idimana.
|
||
\c 6
|
||
\cl Angati 6
|
||
\p
|
||
\v 1 Ijara apiti daŋ itahabuye eleittaha hosi, jo oŋida obeŋi laati omorye afure Hollum iko nettiyenita honyi.
|
||
\p
|
||
\v 2 Bwo hya hul owoni iko eleittaha eruhok, helahahi isi omyanai isi nyo arai isi illarak hosi. Ati ijara isi igyamai on oyyu, nyo eleittaha hul igyamarik isi arai aheruhok bwo omuno Hollum isi. Ittiyenie bwo isiŋye laati ihaniere erre huna.
|
||
\p
|
||
\v 3 Kuyya ittiyenio obo atulo nettiyenita hun olufaji bwo obeŋ inyi iruk nekyanita huno Hobu hohoi Yesu Kristo iko nettiyenita huno amijana Hollum,
|
||
\v 4 itadara inyi bwo obeŋ inyi omijak omuk erre. Ifiyo inyi erre asai asai bwo aŋalafa inyi te ettiyenita. Iyaŋunie erre huna ahaini, ajore, amoro, iko egigilo hirre hun orrohoji’to.
|
||
\v 5 Itarisai isi iko laati hul orrohoji egigilita hosi bwo obeŋi omijani nelahode. Igigiloi isi jo eremik isi nyurana ebariti ta amijana Hollum.
|
||
\p
|
||
\v 6 Ati amijana Hollum arabotye iko anyalami iyaŋuno ebariti huno ataji.
|
||
\v 7 Nyo efwonni nya hohoi jyo afau ana ahania bwo fe ebeŋ adi hohoi eyaro omuk erre jyo afau ana addi.
|
||
\v 8 Ati al ewon hohoi iko aŋiyo bwo aboŋojin etoŋo adi hohoi te elik tajya.
|
||
\v 9 Ati hya hul ottifyai ebariti okwahinie adi isusuyo iko ilofidik iko ewahiti huno ahwan hun orrohoji’to, iko hun arai’to asai bwo orihoroi adi erre huna isi liye ono ahwan iko ono oloyiri.
|
||
\v 10 Nyo ara amuno gurusi etteri ono arrohojita daŋ. Nyo awahi omuk laati agurusi bebe tania ipali isi addi to hiruk bwo itihanyi isi atajya hosi te ejiriŋita arryai.
|
||
\p
|
||
\v 11 Ati iye atulo olo Hollum, ofuhoi addi jyo nerre huna daŋ, bwo ijifatye alibori iko amijana Hollum, neruk, namuno, adihan ettigemita, bwo anyalami.
|
||
\v 12 Orryemonie arrem on oyyu ono neruk, inefatye nesu on osyo fur ninya iloŋorik iye. Inyi neruk inya iwwaha iye ta newwaha on oyyu ihosyere hetamijanak arryai.
|
||
\p
|
||
\v 13 Eramak ni iye ihosyere Hollum al isyo’to nesu jyo nerre daŋ, iko Yesu Kristo al iwwaha newwaha on oyyu ihosyere Pontio Pilato,
|
||
\v 14 ifahai nefahita jo oŋida obeŋ eboti iko amoro itarrohoji ettiyenita many jyo oloŋ on oleyere Hobu hohoi Yesu Kristo.
|
||
\v 15 Italeyehi adi Hollum oloŋ ania alla attuba asaa nyia; Hollum oloyijo, Elettok alla agalik 'to 'daŋ, Oobu olo obuok.
|
||
\v 16 Inyi hama ol obeŋ’to oye. Itoŋo inyi ifaŋan on obeŋ tulo oremik hutonia dia. Obeŋ nya tulo igonyu Hollum bwo obeŋ obo oremik igonyuna inyi. Ijara etahabuyo iko adwaran on osyo fur hatawana jihonyi. Amen.
|
||
\p
|
||
\v 17 Iramak abarak hul owoni’to iko ebariti huno afau ana jo oŋida isi obeŋi itadarai kuyya iyihini jyo ebariti hun otuhunie’to, ati oŋida isi iyihini jyo Hollum al isyo’to jihohoi erre daŋ itamunoyere hohoi.
|
||
\v 18 Iramak isi ihanie on oyyu. Oŋida dwo isi abarai te ehanita hun oyiji bwo fe olwahye laati omuk ta aharana erre hosi jyo laati.
|
||
\v 19 Te ehanita hunia ottunani adi isi ebariti idou jo oŋida isi inefatye nesu an ara’to ahode.
|
||
\p
|
||
\v 20 Ahode Timoteo, irrirryai erre hun isyori jihoi. Oyitoi addi jyo ekyanita hun arai’to asai iko olofyoro hun obeŋi’to arai ahode.
|
||
\v 21 Iruhi omuk laati erre huna tania ipali isi addi to hiruk. Ijara amehino hatawana jihoi.
|