See in Reader
77 lines
6.7 KiB
Plaintext
77 lines
6.7 KiB
Plaintext
\id 2TH
|
||
\ide UTF-8
|
||
\h 2 Tesalonika
|
||
\toc1 2 Tesalonika
|
||
\toc2 2 Tesalonika
|
||
\toc3 2th
|
||
\mt 2 Tesalonika
|
||
\c 1
|
||
\cl Angati 1
|
||
\p
|
||
\v 1 Ani Paulo iko Silivano ojo Timoteo, egyorok hohoi jyo eklesya otto miji Tesalonika on owon’to jyo Hollum Monye hohoi iko Hobu Yesu Kristo.
|
||
\v 2 Ijara amehino iko nelik taji on ottu’to jyo Hollum Monye iko Hobu Yesu Kristo hatawana jihatai.
|
||
\p
|
||
\v 3 Illarak hohoi, oŋida hohoi edulo esyoryo ahumo jyo Hollum tetai, nyo obis ana, nyo oboboloro neruk hatai bebe bwo fe osyaro amuno hatai daŋ jyo illarak hatai.
|
||
\v 4 Tania etadara hohoi tetai ta ahwattek hohoi iklesyahyen huno Hollum, ta adihan iko neruk hatai ihiji edyahiti hatai daŋ iko ettigemita hun idihuna tai.
|
||
\p
|
||
\v 5 Arai erre hunia etamijanita huno aŋoco Hollum on obis’to, jo oŋida irata tai awati hul osiruni’to to olobye Hollum. Te eram ana idihuna tai ettigemita.
|
||
\v 6 Obis ana jyo Hollum inienuniere laati hul ittigemye’to itai,
|
||
\v 7 bwo isyoryere ayiri jihatai hul idihuna’to ettigemita, ayiri ikohoi iholoŋ an italeyeunierek Hobu Yesu t’edou iko anjelohyen honyi hul odwari’to iko aŋadyefa hima.
|
||
\v 8 Ottu adi inyi inienuniere hya hul otimoi’to Hollum iko hya hul obeŋi’to ifahai asayyo hun oyiji huno Hobu hohoi Yesu.
|
||
\v 9 Ifwotuni adi isi abahyo, inyi etatturyo tulaŋ iko apyaharo to homom Hobu, ojo apyaharo to kwatan ono adwaran honyi.
|
||
\v 10 To oloŋ on ottuniere inyi oleyo adi akwatan honyi ihwattek wati honyi, bwo illillihai adi laati al igonyuni isi akwatan honyi itwajin heruhok, nyo iruhoto tai etamijani hohoi.
|
||
\p
|
||
\v 11 Te eram ana edulo hohoi mojotyo tetai, jo oŋida Hollum hohoi ihenio itai awati hul osiruni’to te eloŋo honyi. Bwo fe ta adwaran honyi oŋida inyi itafutak ayiji hatai daŋ iko ehanita hatai daŋ huno neruk,
|
||
\v 12 jo oŋida afure Hobu hohoi Yesu Kristo okwat itwajin hatai, bwo itai inyurana akwatan itwa honyi, ta amehino ono Hollum hohoi iko Hobu Yesu Kristo.
|
||
\c 2
|
||
\cl Angati 2
|
||
\p
|
||
\v 1 Ihwania illarak hoŋ, te eram ono attuna Hobu hohoi Yesu Kristo iko ta attubanio hohoi irwaŋaniere ikonyi, emojo hohoi jihatai jo,
|
||
\v 2 oŋida itai ibyaŋata itagirriŋyete ta egigilita hatai, kuyya bu ilafuhoti jo ara ana oloŋ ono Hobu. Kuyya ikyana obo atulo jo itahutak Oloyiri inyi oloŋ ono Hobu, kuyya bu ifwotu awaraga tohohoi, heruhoto.
|
||
\v 3 Helaha obo atulo inyobyo itai to obo ekoi, nyo obeŋ adi oloŋ ania ottu many ipalarik omuk laati jyo neruk hosi addi, bwo many oleyere atulo olo eyyau, inyi lya ol olo’to ihima.
|
||
\v 4 Inyi alya al itahabuyo’to ahwan honyi agalik ajohin daŋ iko Hollum, bwo iha inyi erre daŋ hun itahabuye laati. Itoŋo inyi ihaji Hollum itahutaniere jo ara inyi Hollum ta ahwan honyi.
|
||
\v 5 Ibyaŋata tai igiluna erre huna hunya eramak ni jihatai to ninya awanari ni ikatai?
|
||
\v 6 Ihwania imijana tai anyo an itik inyi, jo oŋida inyi oleyo ta asaa honyi.
|
||
\v 7 Nyo ihwania igyama arrohoji an idimani, ati itik etihoni arrohoji ania many iyari etihoni addi.
|
||
\v 8 Bwo iholoŋ ania oleyo adi lya al iha’to efahita. Ottoho adi Hobu Yesu inyi to oyyami hutuk honyi bwo itattur adi Hobu inyi ta aleyo honyi.
|
||
\p
|
||
\v 9 Ottu adi lya al iha’to efahita rahan ahegyamani olo Sitan bwo fe oleye adi edwariti honyi daŋ hun obolori’to, iko etamijanita, iko ellillihita hun inyobye’to,
|
||
\v 10 bwo fe oleye adi arrohojita daŋ iko enyobita daŋ jyo hya hul ofwoi’to ihima. Ofwoi isi ihima nyo obeŋi nya isi ifwotuni nelahode inyuraniere etalahuna.
|
||
\v 11 Te eram ana ifak Hollum jihosi epali jo oŋida isi iruhi agesemi
|
||
\v 12 an iyaŋuniere isi iŋoco. Isi hya hul obeŋi’to iruhi nelahode ati omunoi isi eyyata daŋ.
|
||
\p
|
||
\v 13 Ati illarak hohoi hul omuno Hollum, oŋida hohoi edulo esyoryo ahumo jyo Hollum tetai. Nyo many t’etteri onyimu Hollum itai inyuraniere etalahuna to Oloyiri ol Olibo al ittaŋu’to itai bwo fe ta neruk hatai jyo nelahode.
|
||
\v 14 Te eram ana iloŋo inyi itai ta asayyo hun oyiji hun ettiyenio hohoi inyuraniere akwatan ono Hobu hohoi Yesu Kristo.
|
||
\p
|
||
\v 15 Tania illarak, owotyati on ogol bwo iniefatyete emohiti hunya ettiyenio hohoi jihatai, ara dwo bu te ekyanita kuyya bu te egyerita.
|
||
\p
|
||
\v 16 Amojo ni jio Yesu Kristo, Lamonye hohoi ta ahuan honyi iko Hollum Monye hohoi hullo obuori atajia hosi hohoi, hulle isiarani 'to jihohoi abijon tajia iko eyihina onno oyyu 'to te nelik tajia;
|
||
\v 17 Ihwania ijara Hobu hohoi Yesu Kristo ta ahwan honyi iko Hollum Monye hohoi itilihye itai. Inyi Hollum ol omuno’to hohoi bwo isyarak jihohoi etilihyo on odulo’to fur iko neyihina ta amehino. Ijara inyi itagol itai te ekyanita iko te egyamita daŋ hun oyiji’to.
|
||
\c 3
|
||
\cl Angati 3
|
||
\p
|
||
\v 1 Ihwania illarak hohoi te esidi, omojoti tohohoi jo oŋida nekyanita huno Hobu isarrahini kokwak bwo inyuraniere akwatan, ihwa ninya ihanierek isi ihiji hatai.
|
||
\v 2 Bwo fe omojoti jo oŋida hohoi itahoruni jyo apolorok bwo fe jyo laati hul igigiloi on orroho, nyo hobeŋi laati daŋ iruhi.
|
||
\p
|
||
\v 3 Ati odulo Hobu igigilo tetai bwo itagol adi inyi itai. Irrirrya adi inyi itai bwo fe jyo olorroho.
|
||
\v 4 Eyihi hohoi jyo Hobu tetai ahode, jo ihaniete tai erre hunya eramak hohoi jihatai bwo ihaniete adi itai fur.
|
||
\v 5 Ijara Hobu itadihoro atajya hatai jyo namuno ono Hollum bwo jyo nadihan ono Kristo.
|
||
\p
|
||
\v 6 Ihwania illarak hoŋ, eramak hohoi itai ta afure ono Hobu hohoi Yesu Kristo, igyalati ahwattek hatai addi jyo illarak daŋ hul iboyoji’to, hul obeŋi’to ijifatye emohiti iko ettiyenita hun ifwotuna tai jihohoi.
|
||
\v 7 Ta ahwattek hatai imijana tai aŋai oŋida itai ijifatyete hohoi, nyo ebeŋ nya hohoi eboyo ihiji hatai.
|
||
\v 8 Bwo fe ebeŋ nya hohoi eŋiyo emune ono obo atulo ta abyaŋan idumit, ati te egyamita iko te ehanita, egyama hohoi ta attari iko ta afanni jo oŋida hohoi ebeŋ ettigemyo obo tehiji hatai.
|
||
\v 9 Ebeŋ hohoi ejo obeŋ adwaran jihohoi ifiyere ta aŋiyo, ati era hohoi ahetamijanak ihiji hatai, jo oŋida itai ijifatyete hohoi.
|
||
\v 10 Nyo inya ewanari hohoi ikatai eramak hohoi itai jo, Al iha obo atulo egyama, helaha inyi oŋiyo.
|
||
\v 11 Nyo etaniŋu hohoi jo owoni omuk hul iboyoji’to, hul obeŋi luŋa igyamai obo egyama ati arai isi ahadyoforok wati.
|
||
\p
|
||
\v 12 Eramak hohoi bwo esiŋyo hohoi hul arai’to ihwa hulo te elolya ta afure Hobu Yesu Kristo, jo oŋida isi igyamai ol okwai ette ŋiyo aŋiyo hosi.
|
||
\p
|
||
\v 13 Ati itai illarak hohoi, heyuhoti ihaniere on oyyu.
|
||
\p
|
||
\v 14 Kuyya owon obo atulo ol obeŋ’to oniŋyo nekyanita hohoi huno awaraga ana, imijyete atulo alya bwo herryahati ikonyi, jo oŋida inyi iloriri te ehanita honyi.
|
||
\v 15 Hegigiloti jihonyi ihwa amyotononi ati isiŋyete inyi ihwa illatai.
|
||
\p
|
||
\v 16 Ijara Hobu olo nelik taji ta ahwan honyi isyo jihatai nelik tajya asahyen daŋ te ekota daŋ. Ijara Hobu hatawana jihatai daŋ.
|
||
\v 17 Ani Paulo al egyoro efonya ana ta aani hoŋ, an ara’to etamijani iwaragat hoŋ daŋ. Ara ana egyoro hoŋ.
|
||
\v 18 Ijara amehino ono Hobu hohoi Yesu Kristo hatawana jihatai daŋ.
|