See in Reader
127 lines
11 KiB
Plaintext
127 lines
11 KiB
Plaintext
\id 1TH
|
||
\ide UTF-8
|
||
\h 1 Tesalonika
|
||
\toc1 1 Tesalonika
|
||
\toc2 1 Tesalonika
|
||
\toc3 1th
|
||
\mt 1 Tesalonika
|
||
\c 1
|
||
\cl Angati 1
|
||
\p
|
||
\v 1 Ani Paulo iko Silivano ojo Timoteo, egyorok hohoi jyo eklesya otto miji Tesalonika, on owon’to jyo Hollum Monye iko Hobu Yesu Kristo. Ijara amehino hatawana jihatai iko nelik tajya.
|
||
\p
|
||
\v 2 Edulo hohoi esyoryo ahumo jyo Hollum tetai daŋ, bwo eleco hohoi afureta hatai ta amojo hohoi.
|
||
\v 3 Ihosyere Hollum Monye hohoi edulo hohoi agiluta egyama hatai ono neruk, bwo ehanita hatai huno amuno, iko neyihina hatai on odulo’to fur jyo Yesu Kristo Hobu hohoi.
|
||
\v 4 Illarak hul omuno Hollum, emijak hohoi jo onyimu inyi itai.
|
||
\v 5 Obeŋi nya asayyo hun oyiji’to hunya ettiyenio hohoi afanyi jihatai ta nekyanita hama, ati afanyi isi jihatai ta adwaran iko to Oloyiri ol Olibo iko ta amijana ahode. Imijana tai aŋai egyama hohoi tetai ihiji hatai.
|
||
\v 6 Bwo ijifatyete tai hohoi iko Hobu nyo ifwotuna tai ettiyenita ta namuno on ottu’to jyo Oloyiri ol Olibo, dwadi ofwonni ettigemita hun obolori.
|
||
\v 7 Tania irata tai ahetamijanak jyo eruhok daŋ hulo Masedonia iko hulo Akaya.
|
||
\v 8 Nyo tetai ohu nekyana ono Hobu many jyo Masedonia iko Akaya. Obyaŋara imisihi hunia hama, ati ohu eram ono neruk hatai jyo Hollum imasik daŋ. Tania ebeŋ hohoi ekyana omuk erre tetai.
|
||
\v 9 Nyo isi ta ahwattek hosi itahutani isi aŋai ifwotuna tai hohoi, bwo aŋai ibusana tai arrijorihyen ittata yito jyo Hollum, igyamari jyo Hollum leswoni iko lahode.
|
||
\v 10 Bwo itilatyete tai attuna ono Lonyi honyi t’edou, linya itubuhu inyi to ye, inyi Yesu al italahu’to hohoi to jore on ottu adi.
|
||
\c 2
|
||
\cl Angati 2
|
||
\p
|
||
\v 1 Illarak hoŋ, imijana tai ta ahwattek hatai jo obeŋ afwanna hohoi ihiji hatai ara asai.
|
||
\v 2 Imijana tai enyurak nya hohoi edyahiti iko ettigemita hun orrohoji imiji Filipi, ati ta adwaran ono Hollum hohoi enyurak hohoi eŋere ikyanari jihatai asayyo hun oyiji huno Hollum, ara dwo bu ihiji ŋalafa.
|
||
\v 3 Nyo ebeŋ hohoi ettiyenio epalita, kuyya ebotita, kuyya enyobita.
|
||
\v 4 Ati omuno Hollum isyaraniere jihohoi asayyo hun oyiji, tania ekyana hohoi. Ebeŋ hohoi ekyana itamunoyere laati ati ekyana hohoi itamunoyere Hollum lakemani tajya hohoi.
|
||
\v 5 Ati imijana tai ebeŋ hohoi etamunoyo itai ta nekyanita asai bwo ebeŋ hohoi ettifya erre hatai te enyobyo. Ara Hollum etamijanani hohoi.
|
||
\v 6 Ebeŋ hohoi ettifya etahabuyo wati ara dwo bu jihatai kuyya bu jyo laati omuk dwadi eremik hohoi ’tifya etahabuyo, nyo era hohoi efahat Kristo.
|
||
\v 7 Ati inya ewanari hohoi ihiji hatai, enyalam nya hohoi ihwa aŋotte on omuno’to aduri honyi.
|
||
\v 8 Tania ta amuno hohoi itai ewak hohoi ikyanari jihatai asayyo hun oyiji huno Hollum. Obyaŋara ania hama, ati esyo hohoi bwo fe ahwattek hohoi jihatai, nyo emuno hohoi itai bebe.
|
||
\v 9 Nyo illarak hoŋ, igotyete tai egyama hohoi iko ehanita hohoi. Egyama nya hohoi ta attari iko ta afanni inyuraniere agurusi jo oŋida hohoi ebeŋ ettigemyo itai al ettiyenio hohoi jihatai asayyo hun oyiji’to huno Hollum.
|
||
\v 10 Irata tai etamijanak arabotye iko Hollum jo, emanya nya hohoi ihiji hatai heruhok ta alibori iko ta abisan bwo ta abyaŋan ipali.
|
||
\v 11 Imijana tai aŋai esiŋyo hohoi itai ababo te elolya ihwa isiŋyo monye aduri honyi, bwo etawulo hohoi atajya hatai bwo eramak hohoi itai jo,
|
||
\v 12 oŋida imanyati on osiru jyo Hollum al iloŋo’to itai ijiŋaniere ikwatan honyi iko ilobye honyi.
|
||
\p
|
||
\v 13 Te eram ana edulo hohoi esyoryo ahumo jyo Hollum jo al ifwotuna tai nekyanita huno Hollum hunya itaniŋuna tai jihohoi, ibyaŋata tai ifwotuna isi ihwa ekyanita wati, ati ihwa ekyanita Hollum. Arai isi ahode ekyanita huno Hollum hun igyamai’to itwajin hatai heruhok.
|
||
\v 14 Illarak hoŋ, ifwanna nya itai rahan ahejifak hulo eklesyahyen huno Hollum hun owoni’to itwa Yesu Kristo ifau Yudea. Idihuna nya itai ettigemita jyo laati hutto miji hatai ihwa odiuni nya isi ettigemita jyo laati Yudea.
|
||
\v 15 Isi Yudea hunya ottohori’to Hobu Yesu iko leyak sayyo, bwo ifuhari isi hohoi addi to fau hosi. Obeŋi isi itamunoye Hollum bwo fe arai isi amyorok jyo laati daŋ.
|
||
\v 16 Itihye isi hohoi ikyanari jyo paganohyen nyo ŋadi isi italahuni. Odulori isi afwafwanaro eyyata hosi, bwo ottu ajore ono Hollum jihosi on obolo.
|
||
\p
|
||
\v 17 Ati illarak hoŋ, dwadi ebeŋ hohoi ewon ikatai to omuk oŋitek, ewon hohoi ikatai ta atajya bwo fe ewak hohoi bebe igonyuna omomite hatai.
|
||
\v 18 Ahode ani Paulo, awak nya ni iko illarak omuk ifwonniere jihatai enyyahita arryai, ati itik Sitan hohoi.
|
||
\v 19 Irata tai neyihina hohoi, iko namuno hohoi, bwo egorya ono etahabuyo hohoi. Emuno adi hohoi tetai al ewotya hohoi ihosyere Hobu hohoi Yesu ta attuna honyi.
|
||
\v 20 Nyo itai, irata tai akwatan hohoi iko namuno hohoi.
|
||
\c 3
|
||
\cl Angati 3
|
||
\p
|
||
\v 1 Tania al odyaha ataji hoŋ bebe ta abyaŋan hoŋ igonyuna itai, egigilo nya ni jo, oyyu arasari ni hama imiji Atena,
|
||
\v 2 ette ni fahina Timoteo illa hohoi al ara egyamani olo Hollum ta asayyo hun oyiji huno Kristo. Ottu adi inyi itagolyere itai bwo itilihyere itai ta neruk hatai,
|
||
\v 3 jo oŋida ettigemita huna obeŋi ituhutori obo atulo addi. Nyo imijana tai ta ahwattek hatai jo onyimuni hohoi idihuniere ettigemita.
|
||
\v 4 Nyo ahode, ninya hewon hohoi ikatai eramyo nya hohoi itai ahosyere jo enyurak adi hohoi ettigemita. Idwoŋi nya erre huna ihwa imijana tai.
|
||
\v 5 Odyaha ataji hoŋ bebe ta abyaŋan hoŋ igonyuna itai. Te eram ana efak ni imijaniere neruk hatai, ŋadi esuswani isusuyo itai, ette egyama hoŋ ratan asai.
|
||
\p
|
||
\v 6 Ati ihwania afany Timoteo jihoŋ tetai, bwo iramak inyi ani asayyo huno neruk hatai iko namuno hatai, bwo iduloti tai igigilo toni on oyyu. Iramak inyi ani bwo fe jo iwahata tai igonyuna ani, ihwa awak ni bwo fe igonyuna itai.
|
||
\v 7 Illarak hoŋ, te eram ono neruk hatai enyurak hohoi etilihyo tetai ihiji edyahita iko ettigemita hohoi daŋ.
|
||
\v 8 Ihwania esu hohoi ahode al emijak hohoi jo iwotyati tai on ogol jyo Hobu.
|
||
\v 9 Aŋai esyarak hohoi ahumo jyo Hollum on osiru tetai? Nyo te eram hatai ewon hohoi iko amuno on obolo ihosyere Hollum hohoi.
|
||
\v 10 Emojotyo hohoi bebe ta attari iko ta afanni jo oŋida hohoi egonyu omomite hatai, bwo oŋida hohoi etafutak neruk hatai te erre hun ibyaŋata tai imijana.
|
||
\p
|
||
\v 11 Ihwania ijara Hollum Monye hohoi ta ahwan honyi iko Hobu hohoi Yesu itadihoroi hohoi te ekoi ifanyari jihatai.
|
||
\v 12 Ijara Hobu ofonik jihatai namuno many osyaro jyo illarak hatai iko jyo laati daŋ, ihwa emuno hohoi itai.
|
||
\v 13 Jo oŋida inyi itagol atajya hatai ta alibori iko ta abyaŋan ipali ihosyere Hollum Monye hohoi, ta attuna ono Hobu hohoi Yesu iko aati honyi daŋ.
|
||
\c 4
|
||
\cl Angati 4
|
||
\p
|
||
\v 1 Tania illarak hoŋ te esidi emojo hohoi jihatai bwo elolya hohoi jihatai to Hobu Yesu jo, ihwa ifwotuna nya itai jihohoi ettiyenita imijana tai aŋai idahari itamunoyere Hollum, tania oduloti daha te ekoi on oyyu ihwa idahati tai ihwania.
|
||
\v 2 Nyo imijana tai efahita hunya esyo hohoi jihatai to Hobu Yesu.
|
||
\p
|
||
\v 3 Ara alibori hatai awahan Hollum, jo oŋida itai iwanyati addi jyo erre somon.
|
||
\v 4 Jo oŋida itai daŋ ababo imijana itihyere ahwattek hatai ihwa ariŋ an ittaŋuni te etahabuyo.
|
||
\v 5 Obyaŋara ihaniere ewahiti huno ahwan, ihwa ihanie paganohyen hul otimoi’to Hollum.
|
||
\v 6 Tania oŋida obeŋ obo atulo iyyau itarrohojyere illanyi te eram ana, nyo inienu adi Hobu erre huna daŋ, ihwa ninya eramaniere hohoi itai te ekyanita hohoi.
|
||
\v 7 Nyo obeŋ nya Hollum iloŋo hohoi ibotita ati iloŋo inyi hohoi ilibori.
|
||
\v 8 Tania atulo al iha’to nekyanita huna, obeŋ inyi iha laati ati iha inyi Hollum al isyo’to jihatai Oloyiri honyi ol Olibo.
|
||
\p
|
||
\v 9 Te neram ono namuno jyo illarak, ibyaŋata tai iwahata ani egyoro jihatai, nyo Hollum ittiyenio itai imunori illarak hatai.
|
||
\v 10 Ahode imunoti tai illarak daŋ hutto Masedonia. Ati elolya hohoi jihatai illarak, jo oŋida namuno hatai ifut hiny hiny.
|
||
\v 11 Ottifyati bebe itoŋori dee igyamari egyama hatai, bwo fe igyamari ta ahas hatai luŋa ihwa ninya eramaniere hohoi itai;
|
||
\v 12 jo oŋida obis adaha hatai ihosyere wati hutto let, adahati bwo fe ta abyaŋan wahan hirre.
|
||
\p
|
||
\v 13 Illarak hoŋ, ebeŋ hohoi ewak itai itimoti neram wati hul oye’to, bwo hejiriŋati ihwa laati omuk hul obeŋi’to iko eyihina.
|
||
\v 14 Nyo kuyya eruk hohoi jo oye nya Yesu bwo fe ibuhu, tania eruk hohoi bwo fe jo al acohuno Yesu iyaŋuno adi Hollum ikonyi hul oyei’to.
|
||
\v 15 Ejo hohoi ana jihatai ta nekyana ono Hobu jo, hohoi hul hesu’to, hul hewon’to ifau many jo oloŋ on ottuniere Hobu, ebeŋ hohoi eremik kyomoro jo laati hul oyei’to.
|
||
\v 16 Nyo isuru adi Hobu ta ahwan honyi t’edou iko eloŋo, bwo te ewuwoŋita ono eleittok olo anjelohyen, iko ta aforojo ono Hollum. Bwo ahosyere ibuhuni adi ayak hunya oyei’to itwa Kristo.
|
||
\v 17 Ihalu hohoi hul idyaharai, hul hesu, akafuni adi arabotye ikosi ihide idisi irwaŋaniere iko Hobu, bwo ewon adi hohoi iko Hobu tulaŋ.
|
||
\v 18 Tania oŋida itilihyete atajya hatai ta nekyanita huna.
|
||
\c 5
|
||
\cl Angati 5
|
||
\p
|
||
\v 1 Ati illarak hoŋ, ebeŋ hohoi egyoro jihatai ta neram ono asahyen iko oŋitek,
|
||
\v 2 nyo imijana tai on obis ta ahwattek hatai jo, ottu adi oloŋ ono Hobu ihwa ottu olohoho ta arwe.
|
||
\v 3 Al ojori laati jo, Oyiji erre daŋ bwo etoŋo hohoi iko nelik tajya, to oloŋ ania oburak adi etatturyo isi, ihwa aŋotte on ohonya’to iko eito. Bwo obeŋ adi obo ekoi jihosi irisari.
|
||
\v 4 Ati itai illarak hoŋ, ibyaŋata tai itimoti ihwa aati hulo edumele, bwo obeŋ adi oloŋ ania oburak itai ihwa olohoho.
|
||
\v 5 Ati irata tai aati hulo afaŋan iko aati hulo oloŋ. Obyaŋara hohoi hulo arwe kuyya bu hulo edumele.
|
||
\v 6 Tania oŋida hohoi ebeŋ ejoto ihwa laati omuk, ati oŋida hohoi emijo bwo ehum irrirrya.
|
||
\v 7 Nyo hul ojotoi’to ojotoi isi ta attari, bwo fe hul orumai’to orumai isi ta attari.
|
||
\v 8 Ati hohoi hulo oloŋ oŋida hohoi ehum irrirrya ahwattek iyyafaniere isuhe abilata an ara’to neruk iko namuno. Bwo fe oŋida hohoi eyyafak attamu an ara’to neyihina ono etalahuna.
|
||
\p
|
||
\v 9 Nyo obeŋ nya Hollum oŋotok jihohoi ajore, ati onyimu inyi hohoi inyuraniere etalahuna to Hobu hohoi Yesu Kristo.
|
||
\v 10 Inyi alya inya oye’to tohohoi, jo dwadi esu hohoi kuyya bu eye, emanya adi hohoi arabotye ikonyi.
|
||
\v 11 Tania itilihyete illarak hatai bwo itaboloroto isi ihwa ihaniete tai ihwania.
|
||
\p
|
||
\v 12 Ati emojo hohoi jihatai illarak hoŋ, jo omijana hul igyamai ihiji hatai, hul arai eleittaha hatai to Hobu, bwo fe ahesiŋak hatai.
|
||
\v 13 Itahabuyete isi bebe ta namuno te egyama hosi. Amanyati ta nelik tajya ihiji illarak hatai.
|
||
\p
|
||
\v 14 Illarak hoŋ, elolya hohoi jihatai jo oŋida itai isiŋyete hul iboyoji’to, itagolyete hul abaŋi’to, olwahyete elihak, bwo odihuna isi daŋ ta namuno.
|
||
\v 15 Oŋida obeŋ obo inienu obo ta arrohoji honyi, ati ottifyati ihaniere erre hun oyiji’to jyo illarak hatai iko jyo laati daŋ.
|
||
\p
|
||
\v 16 Oduloro muno.
|
||
\v 17 Hepwahata amojo.
|
||
\v 18 Isyatta ahumo te erre daŋ, nyo ara ana awahan ono Hollum tetai to Yesu Kristo.
|
||
\p
|
||
\v 19 Hetadunyata Oloyiri ol Olibo.
|
||
\v 20 Hemyanati eyak sayyo,
|
||
\v 21 ati okemyete nekyanita hosi daŋ bwo ogolihina jyo erre hun oyiji’to.
|
||
\v 22 Ihara erre daŋ hun orrohoji’to.
|
||
\p
|
||
\v 23 Ijara Hollum olo nelik taji hetettaŋu itai ta ahwan honyi te erre daŋ. Ijara Hollum heterrirryai oloyirihyen hatai iko egigilita hatai iko ahwattek hatai te epalita daŋ many attuna ono Hobu hohoi Yesu Kristo.
|
||
\v 24 Lya al iloŋo’to itai obeŋ adi itapwak ecoriti honyi. Ihanio adi inyi ihwa ikyana inyi.
|
||
\p
|
||
\v 25 Illarak hoŋ, omojoti tohohoi.
|
||
\v 26 Itifonyana illarak daŋ ta ahas.
|
||
\v 27 Eramak ni itai ta afure Hobu jo oŋida iheniete awaraga ana jyo illarak hatai daŋ.
|
||
\v 28 Ijara amehino ono Hobu hohoi Yesu Kristo hatawana jihatai.
|