See in Reader
156 lines
13 KiB
Plaintext
156 lines
13 KiB
Plaintext
\id PHP
|
||
\ide UTF-8
|
||
\h Filipi
|
||
\toc1 Filipi
|
||
\toc2 Filipi
|
||
\toc3 php
|
||
\mt Filipi
|
||
\c 1
|
||
\cl Angati 1
|
||
\p
|
||
\v 1 Paulo iko Timoteo apiti hulo Yesu Kristo, egyoro hohoi jyo aati hulo Yesu Kristo daŋ bwo eleittaha iko egyamak klesya imiji Filipi.
|
||
\v 2 Ijara amehino hatawana jihatai iko nelik taji on ottu’to jyo Hollum Monye hohoi iko Hobu Yesu Kristo.
|
||
\p
|
||
\v 3 Esyoryo ni ahumo jyo Hollum hoŋ tetai oŋitek daŋ al agilu ni itai.
|
||
\v 4 Te emojiti hoŋ oŋitek daŋ amojo ni tetai daŋ ta amuno,
|
||
\v 5 nyo to oloŋ inya iruhoti tai many iko ahana ilwahyete tai ani itisarrahiniere asayyo hun oyiji.
|
||
\v 6 Tania eyihi ni bebe eram ana jo, lya inya itteryo’to igyama on oyyu itajya hatai otuhok adi inyi egyama honyi itajya hatai many iholoŋ ono Yesu Kristo.
|
||
\v 7 Oyyu jihoŋ igigilori bebe tetai, nyo iwanata tai itaji hoŋ, bwo fe dwadi ara ta aririk hoŋ huna, kuyya bu te ewwaha iko ettittota hoŋ asayyo hun oyiji, erumak itai daŋ ikoŋ amehino.
|
||
\v 8 Hollum inyi etamijanani hoŋ jyo awak ni itai bebe ta namuno on obolo itwa Yesu Kristo.
|
||
\p
|
||
\v 9 Amojo hoŋ ana, jo oŋida dwo amuno hatai oboboloro fur fur to ofyoro iko amijana.
|
||
\v 10 Tania iremehina tai ikikemyere erre daŋ imijaniere anani on oyyu’to jo oŋida dwo itai iliboroto bwo ibyaŋata iko epali many iholoŋ ono Kristo,
|
||
\v 11 bwo ifutata tai iko aŋer huno alibori to Yesu Kristo, ta akwatan iko etahabuyo ono Hollum.
|
||
\p
|
||
\v 12 Illarak hoŋ awak ni itai imijana jo erre hunya idwoŋi’to jihoŋ olwahye dwadi asayyo hun oyiji bebe.
|
||
\v 13 Tania omijani errirryak hulo hobu iko aati hul omuk daŋ jo arai aririk hoŋ te eram Kristo.
|
||
\v 14 Bwo fe itagol ababus hoŋ illarak arryai huttotwa Hobu, bwo itiŋere isi bebe ittiyeniere ekyanita Hollum ta abyaŋan baŋi.
|
||
\p
|
||
\v 15 Ahode ittiyenie omuk eram Kristo ta ahaini iko aŋalafa, ati ittiyenie omuk ta atajya hun oyiji.
|
||
\v 16 Ittiyenie omuk ta amuno nyo omijani isi jo awon ni dini te ettittoyo hoŋ asayyo hun oyiji.
|
||
\v 17 Ati ittiyenie omuk eram Kristo ta ahaini, obyaŋara ta amuno nyo igigiloi isi ifonihiniere ejiriŋa jihoŋ ibabus.
|
||
\v 18 Anyo attadi? Amuno ni nyo harasai isi ittiyenio eram Kristo. Dwadi ittiyenie isi te enyobyo kuyya bu ta nelahode, amuno ni daŋ.
|
||
\p
|
||
\v 19 Ahode amuno adi ni fur nyo amijak ni jo oyitunie adi erre hunia te etalahuna hoŋ, nyo te emojiti hatai bwo ta alwahyo ono Oloyiri olo Yesu Kristo.
|
||
\v 20 Ihwania eyihina hoŋ ana bwo fe agilok ni jo abeŋ adi ni ajo eloriri ’tuŋ. Ati ihwania ihwa nya beryen oŋida ani etakwaco Kristo ta ahwan hoŋ ta abyaŋan baŋi iko te eŋere, kuyya ara ta nesu kuyya bu ta aye.
|
||
\p
|
||
\v 21 Nyo ara Kristo awoyo hiram ono amanya hoŋ. Ati oyyu aye jihoŋ agalik.
|
||
\v 22 Anani an anyimu adi ni? Nyo oyyu jihoŋ bwo fe imanyari dini iŋijuniere aŋer te egyama hoŋ.
|
||
\v 23 Epihotye ani erre huna arrihai. Nyo awon ni iko awahan on obolo ilari addi iwanari iko Kristo, nyo oyyu ana agalik,
|
||
\v 24 ati te eram hatai oyyu dwo jihoŋ imanyari ta ahwan ana.
|
||
\v 25 Tania amijak ni ana ahode, arasa adi ni ikatai ilwahyere itai daŋ itaboboloruniere itai ta amuno iko neruk,
|
||
\v 26 jo oŋida itahabuyete tai Yesu Kristo toni agalik al enyyak ni ’tuna jihatai.
|
||
\p
|
||
\v 27 Oduloro amanya on osiru ta asayyo hun oyiji huno Kristo, jo al attu ni mijo itai kuyya bu abeŋ ni attu etaniŋu adi ni eram hatai, attadi ni mijana jo igoloto tai iwotyari eluluŋ to Oloyiri abotye iko egigilo abotye igyamari ta asayyo hun oyiji.
|
||
\v 28 Bwo fe helahahi amyorok itabaŋi itai. Nyo ta abyaŋan hatai baŋi itahutana tai arrohoji on ottu’to jihosi bwo etalahuna on ottu’to jihatai jyo Hollum.
|
||
\v 29 Nyo isyori jihatai neruk iruhori jyo Kristo, ati obyaŋara ta ana ijai, ati isyori jihatai bwo fe idihuniere ettigemita te eram honyi.
|
||
\v 30 Owoni ettigemita jihatai ihwania ihwa hunya igonyuna tai jihoŋ bwo fe arasai ettigemita ihwania jihoŋ ihwa itaniŋuna tai.
|
||
\c 2
|
||
\cl Angati 2
|
||
\p
|
||
\v 1 Itilik Kristo atajya hatai? Itilihyete tai atajya illarak hatai ta namuno honyi? Irryahati tai arabotye iko Oloyiri? Iwanata tai iko namehino bwo anyalami?
|
||
\v 2 Itufutana namuno hoŋ te etoŋo hatai arabotye te egigilo abotye. Omunoti illarak hatai bwo fe amanyati iko ataji abotye.
|
||
\v 3 Hehaniete obo ariŋ ta aŋalafa iko etadara. Igigiloti ababo ta atajya hun anyalami bwo fe ihaniete jyo illarak hatai ihwa arai isi eleittaha.
|
||
\v 4 Hegigiloti te erre hatai hama ati igigiloti te erre huno illarak hatai.
|
||
\p
|
||
\v 5 Ijara egigilo inya owon’to jyo Yesu Kristo hatawana jihatai.
|
||
\q
|
||
\v 6 Nyo dwadi bu ara inyi Hollum ahode obeŋ nya inyi igigilo awanan honyi a Hollum ara ariŋ an inef inyi ’tid.
|
||
\q
|
||
\v 7 Ati obusak inyi olohwo honyi daŋ ette ’tuna rahan ihwa apit ette isiuna ihwa atulo.
|
||
\q
|
||
\v 8 Bwo fe ihalu ratan honyi atulo, itanyalam inyi ahwan honyi ette iruk aye, dwadi iyeri ikruce.
|
||
\q1
|
||
\v 9 Tania itahabuyo Hollum inyi an agalik ette isyarana jihonyi afure an agalik afureta daŋ.
|
||
\q
|
||
\v 10 Tania ta afure Yesu oŋida laati daŋ origoŋi, laati hutte dou iko hutta fau iko huttowoyo fau.
|
||
\q
|
||
\v 11 Bwo iruhi adi laati daŋ jo ara Yesu Kristo a Hobu ette isyarana akwatan jyo Hollum Monye.
|
||
\p
|
||
\v 12 Ihwania illarak hoŋ hul amuno ni, ihwa ifahati nya itai inya hawon ni ikatai ihwania oduloro ifaha al abeŋ ni jihatai. Igyamati bebe ta abaŋi iko te ekikiro many atuhuniere etalahuna hatai.
|
||
\v 13 Nyo ara Hollum al igyama’to itwajin hatai iwahari awahan honyi bwo fe ihaniere inyi.
|
||
\p
|
||
\v 14 Ihaniete erre daŋ ta abyaŋan iŋuŋunita bwo fe ta abyaŋan ŋalafa,
|
||
\v 15 jo oŋida irata tai awati hul obeŋi iko obo epali kuyya arrohoji. Oŋida irata tai lonyirok hulo Hollum hul obeŋi iko obo eboti ihiji wati hul ipali’to bwo fe hul orrohoji’to. Nyo irata tai ihwa efaŋiti jyo laati hutta fau,
|
||
\v 16 hul itahutani ekyanita huno nesu jihosi. Tania aremik ni itadara iholoŋ ono Kristo jo obeŋi eŋetti iko egyamita hoŋ arai asai.
|
||
\p
|
||
\v 17 Ahode dwadi ijuhoni nooto ono nesu hoŋ ihwa ehuma ilwahyere neruk hatai adulo adi ni muno tetai,
|
||
\v 18 bwo fe ihwo nya, oŋida itai iduloro muno toni.
|
||
\p
|
||
\v 19 Ihwania eyihi ni ta afure ono Hobu Yesu ifahiniere Timoteo jihatai kokwak, jo oŋida awon ni iko nelik taji al etaniŋu ni asayyo hatai.
|
||
\v 20 Nyo abeŋ ni awon iko obo atulo ihwa inyi al igigilo tetai.
|
||
\v 21 Nyo ottifyai isi daŋ erre hosi obyaŋara huno Yesu Kristo.
|
||
\v 22 Ati imijana tai ayiji ono Timoteo aŋai egyama inyi ikoŋ ittiyeniere asayyo hun oyiji ihwa an olwahyere lonyi monyonyi.
|
||
\v 23 Tania eyihi ni ifahiniere inyi jihatai kokwak al amijak ni aŋai oŋoti adi eram hoŋ.
|
||
\v 24 Bwo fe eyihi ni jyo Hobu jo ilyaha adi attuna hoŋ jihatai.
|
||
\p
|
||
\v 25 Ati egigilo ni jo oŋida ani efak illaŋ Eforodito jihatai linya ifahina tai jihoŋ. Egyama inyi ikoŋ on oyyu bwo fe olwak inyi ani bebe ittiyeniere asayyo hun oyiji.
|
||
\v 26 Awak inyi imijyere itai daŋ bebe nyo ijiriŋa inyi ninya itaniŋuna tai jo oŋwai inyi.
|
||
\v 27 Oŋwai nya inyi ahode ilyaha aye ati omehino Hollum jihonyi, obyaŋara jihonyi hama ati jihoŋ bwo fe jo oŋida ejiriŋa obeŋ ofonihino jihoŋ.
|
||
\v 28 Tania awak ni ahode ifahiniere inyi jihatai jo oŋida imunoti al igonyuna tai inyi bwo fe abeŋ adi ni enyyak ijiriŋa.
|
||
\v 29 Ifwotuna inyi to Hobu ta namuno, bwo fe oyyu itahabuyere laati ihwa inyi,
|
||
\v 30 nyo ara te egyama ono Kristo an ilyaha inyi aye, nyo isyo inyi nesu honyi igyamari jihoŋ egyama an ittallihoto tai igyama.
|
||
\c 3
|
||
\cl Angati 3
|
||
\p
|
||
\v 1 Ihwania illarak hoŋ te etubit, oduloro muno to Hobu. Abeŋ ni ayuho igyorori erre hunia inyyak jihatai nyo irrirryai isi itai.
|
||
\p
|
||
\v 2 Ihumata mijo aŋohe hunia hul arai’to enyabak, ihumata mijo isi nyo oŋocel isi laati.
|
||
\v 3 Hohoi hul etahabuyo’to Hollum to Oloyiri era hohoi hul efwotu aŋoco an ara’to ahode. Etakwat hohoi afure Yesu Kristo bwo fe ebeŋ hohoi eyihi jyo aŋoco ono ahwan.
|
||
\v 4 Ara bu ani, aremik ni iyihina igyamita hwan hoŋ. Kuyya iyihi obo atulo igyamita hwan honyi, aremik ni iyihina agalik inyi.
|
||
\p
|
||
\v 5 Nyo oŋoti nya ani to oloŋ itahottohunihi, bwo fe ara ni olo Israele to woyo ba Benjamino, ara ni Ebreitanani ahode. Te eram ono efahita ara ni Afariseitanani el efaha efahita daŋ.
|
||
\v 6 Te efiriwa ettigemyo ni eklesya. Te eram ono alibori ono efahita alibo ni nyo abeŋ ni amesyo obo efahi.
|
||
\p
|
||
\v 7 Ati erre hunya egigilo ni jo oyiji isi, ehenu ni isi ahirre asai to Kristo.
|
||
\v 8 Ahode ehenu ni erre daŋ ahirre asai itaryamauniere ariŋ on oyyu’to agalik, inyi amijana ono Yesu Kristo Hobu hoŋ. Nyo tenyi abusak ni erre daŋ bwo arai isi ihwa aharanyanya jo oŋida ani amijak Kristo agalik.
|
||
\v 9 Bwo oŋida ani etoŋo itwa honyi ta alibori on obeŋ’to ara ahonoŋ kuyya bu ono efahita, ati an ara’to ta neruk jyo Kristo. Inyi alibori on ottu’to jyo Hollum ta neruk.
|
||
\v 10 Ariŋ an awak ni agalik ara amijana inyi ahode iko adwaran ono ebuhuna honyi, bwo idihuniere ettigemita ihwa odihu nya inyi ette ye ihwa oye nya inyi,
|
||
\v 11 jo oŋida ani anyurak ebuhuna to ye.
|
||
\p
|
||
\v 12 Ati habeŋ ni anyurak inyi bwo habeŋ ni ayyu bebe, ati adulo ni ’tifotyo inefuniere ayiji nyo inef Yesu Kristo ani inyuraniere ayiji.
|
||
\v 13 Illarak hoŋ, ahode habeŋ ni anyurak inyi, ati ariŋ abotye ana an ehanio ni, abusak ni erre daŋ ihalu bwo fe egyama ni bebe idahari ahosyere,
|
||
\v 14 ifanyari isidi inyuraniere esyoryo. Inyi ana jo iloŋo Hollum hohoi to Yesu Kristo imanyari idou.
|
||
\v 15 Tania ijara hohoi hul eyyu’to egigilo ihwania ati kuyya igigiloti tai on olufa itahutak adi Hollum eram ana jihatai.
|
||
\v 16 Oŋida hohoi edaha te ekoi ninya italeyehini jihohoi.
|
||
\p
|
||
\v 17 Illarak hoŋ, ijifatyete ani arabotye bwo fe imijyete hul adahai’to te etamijani an etahutak ni jihatai.
|
||
\v 18 Nyo owoni laati arryai hul adahai ihwa amyorok hulo akruce ono Kristo. Eramak nya ni itai eram hosi bwo fe enyyak ni dasana ihwania ta neyyo.
|
||
\v 19 Ara esidi hosi aye, arai ohyai hosi ajohin hosi, itadarai isi te ehanita huno ariri hosi, bwo fe igigiloi isi te erre hutta fau.
|
||
\v 20 Ati owon amiji hohoi idou bwo fe etila hohoi Etalahani ol ottu adi t’edou, inyi Hobu Yesu Kristo.
|
||
\v 21 Ottu adi inyi iloit ahwattek hohoi hun orrohoji’to irari ihwa ononyi an ilaman’to, ta adwaran honyi an ihananiere inyi erre daŋ iwoyo hejek honyi.
|
||
\c 4
|
||
\cl Angati 4
|
||
\p
|
||
\v 1 Tania illarak hoŋ hul amuno ni, oduloro wotya ta agolon jyo Hobu nyo irata tai ihwa egorya hoŋ an ilaman’to an eyyafak adi ni ihou. Iyaŋuniete tai amuno itaji hoŋ bwo fe awak ni itai bebe.
|
||
\p
|
||
\v 2 Elolya ni jyo Eudia bwo elolya jyo Sintika hatawanahi iko egigilo abotye jyo Hobu.
|
||
\v 3 Elolya ni bwo fe jihoi illaŋ al igyama’to on oyyu, olwaha aŋorwo hunia nyo egyama nya isi ikoŋ ta asayyo hun oyiji. Igyama nya bwo fe Klemente iko omuk oryahat hoŋ bwo fe igyoroni afureta hosi ibuk ono nesu.
|
||
\p
|
||
\v 4 Oduloro muno to Hobu bwo fe enyyak ni jaran jihatai omunoti.
|
||
\v 5 Ijara laati daŋ omijani anyalami hatai nyo ilyaha Hobu.
|
||
\v 6 Helafuhoti to obo ariŋ, ati omojoti te erre daŋ jyo Hollum ta ahumo ifiyere ariŋ an iwahata tai.
|
||
\v 7 Bwo fe nelik taji ono Hollum an agalik’to egigilita daŋ, irrirrya adi atajya iko egigilita hatai to Yesu Kristo.
|
||
\p
|
||
\v 8 Ihwania illarak hoŋ, igigiloti te erre huna: erre daŋ hun arai’to ahode, erre daŋ hun osiruni’to ta etahabuyo, erre daŋ hun obisi, erre daŋ hun olibori, erre daŋ hun ilamani, iko erre daŋ hun oyiji.
|
||
\v 9 Ihaniete erre hunya ittiyenuna tai jihoŋ, iko hun ifwotuna tai, iko hun itaniŋuna tai, iko hun igonyuna tai; ihaniete isi daŋ bwo Hollum olo nelik taji owon adi ikatai.
|
||
\p
|
||
\v 10 Amuno ni bebe to Hobu nyo ihwania inyyahata tai igigilo te erre hoŋ, igigiloti nya itai ahode ati obeŋ asiruna miji jihatai ilwahyere ani.
|
||
\v 11 Abeŋ ni ekyana te elocaŋ hoŋ ati ettiyenu ni itoŋori ta nelik taji ihiji hirre daŋ.
|
||
\v 12 Amijak ni elocaŋ bwo amijak ni ebariti, nyo amok ni itoŋori iko erre daŋ, ara bu aniama kuyya bu efoŋ, kuyya erre hun olwaji’to iko abyaŋan hirre.
|
||
\v 13 Aremik ni ihanio erre daŋ to Kristo al isyoryo’to jihoŋ agolon.
|
||
\v 14 Ati ihaniete tai on oyyu to ninya ilwahyete tai ani te ettigemita hoŋ.
|
||
\p
|
||
\v 15 Bwo itai aati hulo Filipi, imijana tai ta ahwattek hatai tetteri ono ettiyenio asayyo hun oyiji al edyaharo ni Masedonia, obeŋ obo eklesya isyo jihoŋ erre hun efwotu ni arari itai hama.
|
||
\v 16 Nyo ninya hawon ni Tesolonika ifahina tai erre ilwahyere ani enyyahita arrihai.
|
||
\v 17 Obyaŋara jo attifya ni agurusi hatai ati attifya ni aŋer hun obobolororoi ta ayiji hatai.
|
||
\p
|
||
\v 18 Ati awon ni iko erre daŋ hun olwaji bwo oremehini isi jihoŋ, nyo efwotu ni to Eforodito erre hun ifahuna tai. Arai isi ihwa ehuma on oyyu on oŋwo’to gir gir an itamuno’to Hollum.
|
||
\v 19 Ati isyarak adi Hollum hoŋ erre daŋ hun iwahata tai ihwa owoni ebariti honyi idou to Yesu Kristo.
|
||
\v 20 Ihwania ijara akwatan hatawana jyo Hollum Monye hohoi fur. Amen.
|
||
\p
|
||
\v 21 Itifonyana aati Hollum daŋ huttotwa Yesu Kristo. Illarak hul ewon’to ikoŋ itifonyai isi itai.
|
||
\v 22 Itifonyai aati Hollum daŋ itai. Itifonyai laati hutta haŋ ba Cesare itai bebe.
|
||
\p
|
||
\v 23 Ijara amehino ono Hobu hohoi Yesu Kristo hatawana jyo oloyirihyen hatai.
|