\v 1 Ani Simone Petro apit iko efahata olo Yesu Kristo, egyoro ni jyo hulya hul enyurak’to ikohoi neruk on oyyu ta abisan ono Hollum hohoi iko Etalahani Yesu Kristo.
\v 2 Ijara amehino iko nelik tajya ofonihino jihatai ta amijana ono Hollum iko Yesu Hobu hohoi.
\p
\v 3 Nyo ara ta adwaran ono Hollum an isyaraniere inyi jihohoi erre daŋ hun olwahye’to hohoi ta nesu ana iko te etamunoyo Hollum. Isyo inyi erre huna jihohoi ta amijana hohoi inyi linya iloŋu’to hohoi ta akwatan honyi iko ta ayiji honyi.
\v 4 Tania isyo inyi jihohoi ecoriti honyi hun obolori bwo fe oyiji agalihini daŋ, ette hohoi remehina ifwotuna Oloyiri olo Hollum tesi nyo eris hohoi t’eyyata iko ewahiti hun orrohoji’to huno afau.
\v 8 Kuyya obolori ehanita hunia jihatai bwo osyarai, ibyaŋata adi itai iboyojoto bwo fe iŋijuna adi itai aŋer ta amijana ono Yesu Kristo Hobu hohoi.
\v 9 Nyo lya ol obeŋ’to owon iko erre hunia oŋodo inyi, nyo igonyu inyi erre hutteger honyi hama bwo ogworo inyi ellillayo ono eyyata honyi hunya beryen.
\v 10 Tania illarak hoŋ, okyamata bebe itagolyere neloŋuna hatai iko anyimuna hatai, nyo kuyya ihaniete tai erre hunia ibyaŋata adi itai ikwahati ’tuŋ.
\v 11 Bwo fe isyori adi jihatai ijiŋaniere ta namuno ilobye on obeŋ iko esidi. Ara inyi olobye ono Hobu hohoi Yesu Kristo Etalahani.
\p
\v 12 Tania adulo adi ni itagiluta itai te erre hunia dwadi imijana tai isi bwo fe igolihina ilahode on owon’to itwajin hatai.
\v 13 Al harasa ni itoŋo ta ahwan hoŋ egigilo ni jo oyyu jihoŋ itagilutari itai erre huna,
\v 14 nyo amijak ni jo ilyaha naye hoŋ ihwa itahutak nya Hobu hohoi Yesu Kristo jihoŋ.
\v 15 Bwo ehum adi ni itagiluta itai jo oŋida itai igotyete erre hunia ta asahyen daŋ ihalu ye hoŋ.
\p
\v 16 Ninya eramaniere hohoi jihatai adwaran iko attuna ono Hobu hohoi Yesu Kristo, ebeŋ nya hohoi ejifatyo eyabita hun inyobye’to, ati egonyu nya hohoi akwatan honyi to oŋite hohoi.
\v 17 Nyo ifwotu nya inyi etahabuyo iko akwatan ono Hollum Monye hohoi ninya itaniŋuniere inyi nekyana ono Adwarani olo akwatan al ojo inyi, “Lonyi hoŋ olo, al amuno ni bebe.”
\v 18 Etaniŋu nya hohoi ta ahwattek hohoi nekyana ania t’edou ninya ewanari hohoi ikonyi ihide doŋe on odwa’to.
\v 19 Tania itasiruni nekyanita huno eyak sayyo jihohoi bwo oŋida itai ihumata itayiryo many afaŋari amotye bwo idwoŋori elelyef otto taŋatyo motye itajya hatai ihwa allomo on owulo’to idumele.
\v 20 Ati omijana ana jo, obeŋ obo atulo oremik ittiyenio nekyanita hutto buk Hollum ihwa awak inyi.
\v 21 Nyo obeŋ nya obo ekiluna ottu ta awahan ono atulo ati ikyanai laati Hollum ihwa iramak Oloyiri ol Olibo isi ikyanari.
\c 2
\cl Angati 2
\p
\v 1 To oŋitek huno eyak sayyo odyotoi nya tehiji wati ebwanak hul inyobye’to ihwa owoni adi omuk ettiyanak hul inyobye’to ihiji hatai. Isi hulya hul itulunyai ettiyenita hosi itipalyere laati. Ihari isi Eleittok linya inyyaŋu’to isi, bwo ottu adi naye jihosi kokwak.
\v 2 Bwo ijifatye adi omuk laati arryai esomiti hosi bwo fe omyanai adi laati ekoi ono nelahode te eram hosi.
\v 3 Adayai isi bwo ottifyai isi ipocouniere erre hatai ta nekyanita huno enyobita. Aŋot nya Hollum isi many beryen bwo ottu adi naye hosi ahode.
\p
\v 4 Nyo obeŋ nya Hollum omehino jyo anjelohyen hul iyyauni’to, ati ibirok inyi isi ihima bwo ottunani isi iwure an iryok’to bebe many oloŋ ono aŋoco.
\v 5 Bwo fe obeŋ nya inyi omehino jyo laati hunya beryen ninya ifahu inyi ebulyo hari jyo hul otimoi’to Hollum, ati italahu inyi Noa ettiyanani olo abisan iko omuk laati hattarik.
\v 6 Oŋot inyi etatturyo jyo amisihi Sodoma iko Gomora ette isi rahan anwara bwo fe arai isi etamijani jyo laati hul ihari’to Hollum.
\v 7 Italahu nya inyi Loto ahabisani nyo odyaha ataji honyi te esomiti huno arrohojak.
\v 9 Tania bwo fe omijak Hobu bwo oremik inyi italahuniere laati hul omijani’to Hollum t’ehiji esusuta. Omijak inyi bwo fe ittunaniere hul obeŋi’to obisi ta abahyo many iholoŋ ono aŋoco.
\v 10 Ati obolo abahyo jyo hya hul adahai te ewahiti hun itarrohojyerek ahwattek hosi bwo omyanai elaballok. Iŋereji isi bwo itabahasye isi ekyanita, bwo obeŋi isi abaŋi imoryere edwariti hutte dou.
\v 11 Ati anjelohyen hul agalihini’to isi ta adwaran iko ta agolon, obeŋi bu isi itisyahai laati hya ihosyere Hobu.
\v 12 Ati arai laati hulo ihwa acaŋi hun obeŋi’to iko egigilo hun isiuni ette laati inefuna ette ’tohoro. Omorye laati hulya erre hun otimoi isi, tania te ehanita hosi hun orrohoji’to oyei adi isi.
\v 13 Onyurani adi isi arrohoji te ehanita hosi hun orrohoji’to. Omunoi isi ibalari asai bwo irumari ta afanni. Arai isi ihwa aforoi iko atoŋosa nyo omunoi isi inyobyere itai al oŋiye isi ikatai.
\v 14 Awahi oŋite hosi esomiti bwo obeŋi isi oyuhoi iyyautari. Itiryetuni isi laati hul ilihi’to bwo omohini atajya hosi adaya. Arai isi laati hul osiruni jyo ajore Hollum.
\v 15 Idyaharai isi ekoi on oyyu ette isyabara addi, nyo ijifatye isi ekoi ono Balama lonyi Beora ol omuno’to agurusi hun ifwotu inyi ta arrohoji honyi.
\v 16 Ati isiŋyo asigirya inyi ta arrohoji honyi ninya ikyanari asigirya jihonyi te etuk ono atulo itihyere esita ono ebwanani lya.
\p
\v 17 Arai laati hulo ihwa otilihi hun oyohoji’to bwo fe arai isi ihwa eriri hun oniŋye’to ahuco oyyami, bwo ottunani edumele an iryok’to ’tir ’tir tesi.
\v 18 Ihutuhi isi ta nekyanita hun obolori’to hun itadararik isi ette isi inyyak itiryetuna laati te esomiti; isi laati hul hetehi irisuna addi t’ehiji leyyak.
\v 19 Ocoroni jihosi ahohina, ati arai isi ta ahwattek hosi apiti hulo arrohoji, nyo ara atulo apit jyo erre hun agalihini’to inyi.
\v 20 Nyo al ofuhoi laati addi to ’rohojita huno afau ta amijana ono Hobu Yesu Kristo Etalahani hohoi, bwo ihalu inyyahi eyyata inefuna isi ette galihina isi, orroho adi bebe esidi hosi agalik etteri hosi.
\v 21 Oyyu dwo jyo laati hulo agalik al obeŋi nya isi omijani ekoi ono abisan, kuyya ihalu hosi mijana, acaharai isi ette busana efahita hun odwari’to hunya isyori jihosi.
\v 22 Idwoŋi jihosi ihwa nekyana wati on ojo, “Acaharo eŋok jyo aseta honyi,” bwo fe, “Acaharo adi abatak on olibo’to itadaha ibalaŋatyere.”
\c 3
\cl Angati 3
\p
\v 1 Itai hul amuno ni, ara ana awaraga etarrihi an egyoro ni jihatai, bwo fe tesi daŋ itagiluta ni egigilita hatai hun obeŋi iko epali,
\v 2 jo oŋida itai igotyete nekyanita hunya ikyanai eyak sayyo hul olibori’to bwo fe oŋida itai igotyete efahita huno Hobu Etalahani hohoi hunya isyori jihatai ta lefahat hatai.
\p
\v 3 Ati ahosyere omijana jo te esidi fau ofwonni adi amorok hul omorye erre daŋ, hul adahai te ewahiti huno ahwattek hosi,
\v 4 bwo fe ojori isi jo, Tani attuna honyi ninya ocoroni? Nyo to ye ono hohonyok hohoi harasai erre daŋ ihwa inya beryen ara dwo bu many t’etteri fau orrijori erre daŋ.”
\v 5 Nyo obeŋi isi igigiloi te eram ana jo, oyyeuni nya edou ta nekyana Hollum bwo fe oyyeuni afau tehiji hari bwo oyyeuni inyi to hari.
\v 6 Ette ebulyo hari imuhonia afau ette erre daŋ ye.
\v 7 Bwo fe ta nekyana Hollum ottunak inyi edou iko afau hun owoni ihwania te eema. Ottunak inyi isi many iholoŋ ono aŋoco iko attohyo wati hul otimoi’to Hollum.
\v 8 Ati itai hul amuno ni, hegwoti eram ana jo, te egigilo ono Hobu ara oloŋ abotye ihwa aŋasi alif abotye, bwo fe arai aŋasi alif abotye ihwa oloŋ abotye.
\v 9 Obeŋ Hobu illiŋya ihaniere erre hun ocorok inyi ihwa illiŋyai laati, ati obolo adihan honyi jihatai nyo obeŋ inyi awak obo atulo hotoye ati awak inyi laati daŋ heloitohi atajya hosi.
\v 10 Ati ottu adi oloŋ ono Hobu ihwa olohoho. To oloŋ ania oŋulyamanie adi edohwo te etiri on obolo. Ilwajarai adi bwo fe erre hutte dou bwo oswaharo adi afau iko erre daŋ.
\p
\v 11 Tania ihwa emijak hohoi jo ilwajarai adi erre daŋ, hamanyati ihwa aati hul olibori’to bwo fe omijani Hollum.
\v 12 Itilatyete ta awahan on obolo’to ta attuna ono oloŋ Hollum, nyo to oloŋ ania ilwajarai adi edohwo te eema bwo fe itaŋoloyom adi eema on onok’to bebe erre daŋ.
\v 13 Ati ta neyihina etila hohoi edou aŋejuk iko afau aŋejuk hun olibori fur ihwo ocoroni nya.
\p
\v 14 Tania itai hul amuno ni, ihwa itilatyete tai ta neyihina erre hunia oŋida itai ihumata manya te nelik tajya jo al ottu inyi onyurak adi inyi itai awati hul obeŋi iko aforoi, kuyya bu epali.
\v 15 Bwo omijana jo, ta adihan on obolo ono Hobu hohoi italahunie aati, ihwa igyoro nya illa hohoi Paulo jihatai to ofyoro hun isyori jihonyi. Inyi illa hohoi al emuno hohoi bebe.
\v 16 Igyorok inyi erre hunia iwaragat honyi daŋ. Ogoli omuk erre hun igyoro inyi itaniŋuniere, bwo iloiti atimok iko epalak erre huna ihwa iloiti isi egyerita daŋ tania orroho adi jihosi.
\v 17 Ati itai hul amuno ni, ihwa imijana nya itai erre hunia, ihumata ŋadi ettiyanak hul inyobye’to itipali itai bwo isyabara adi itai te ekoi on olufa’to.
\v 18 Ati oboboloroti ta amehino iko ta amijana Hobu Yesu Kristo Etalahani hohoi. Ijara akwatan hatawana jihonyi ihwania tulaŋ. Isi hunia.