See in Reader
553 lines
76 KiB
Plaintext
553 lines
76 KiB
Plaintext
\id REV
|
|
\ide UTF-8
|
|
\h Obufimbuli
|
|
\toc1 Obufimbuli
|
|
\toc2 Obufimbuli
|
|
\toc3 rev
|
|
\mt Obufimbuli
|
|
\c 1
|
|
\cl Obufimbuli 1
|
|
\p
|
|
\v 1 Eshitabu shino shirimwo obufimbuli obwa Yesu kristo yamanyia Yohana. Nyasaye yafunula amakhuwa kano mbu khukholire abarumishi. Ne amakhuwa kanokalekholekha mubwangu buno. Yesu yaboola amakhuwa kano olwayaruma malaika khu sie omurumishi uwe Yohana.
|
|
\v 2 Shinga omukobosheri, esie Yohana, ndaboola bulishindu shindalola nende eshandahulira khwikhuwa liaNyasaye khandi obuloli bwahabwene obwahanwa khuYesu kristo.
|
|
\v 3 Nyasaye yetsa okhumukholera amalayi ousoma amakhuwa kano nende yesi ouhulira olwakaba nikasomwa obutinyu. Yetsa okhubakholera amalayi ne boosi abarecheresia khandi nibahulira, shichira ebise biamakhuwa kano okhwikholekha biola bwangu.
|
|
\p
|
|
\v 4 Esie, Yohana, ehandikanga ibarwa yino khu ebituma saba biabasubirwa mushitonye shia Asia. Nyasaye abalolere eshisa khandi abaheresie omulembe, shichira niye oumenyanga bulilwosi, khandi oumenyanga bulano khandi yetsa okhumenya inziayo. Lekha etsiroho saba etsikhalaanga imberi weshifumbi shioluyali tsikhole kano khuinywe.
|
|
\v 5 mana Yesu kristo owa mubusubirwa yakhuboolera obwatoto khuNyasaye, khandi abe weshisa khunywe mana abaheresie omulembe. Shichira niye owamberi owaNyasaye yasimulukusia okhurula mubafuu, khandi niye ourukanga abaruchi mushialo. Niye owakhuheera ifwe khandi owakhununula okhurula mutsimbi tsiefu khumatsai keke olwayafwa khumusalaba.
|
|
\v 6 Niye owachaka okhuruka oburuchi bubwe; niye wakhwaula okhuba abakuhani abamwinamira Nyasaye papa uwe shinga olwa yalachirisia. Ni Yesu kristo owa okhuula khumuheresie oluyali nende okhumwitsomia inziayo. Buno nobwatoto.
|
|
\p
|
|
\v 7 Lola! Kristo yetsanga mwilesi. Ne shabuli mundu yetsa okhumulola, halala nende abamwira nibamukhoma khumusalaba. Etsimbia tsiosi etsia mushibala tsiakhabe mushibeera olwa nibamulole niyetsanga. ibwo nobwatoto!
|
|
\v 8 Omwami Nyasaye aboola, "Nesie Alpha - owaachaka ebindu biosi, khandi nesie Omega - oumalanga. Nesie oumenya, buli lwosi, nesie ourukanga buli shindu nende buli mundu"
|
|
\p
|
|
\v 9 Esie, Yohana, omusubirwa halala ninenyu, enyakhananga shingana enywe shichira Yesu akhuruka fwesi. Khusanga halala omulango kukwe mminyakhano khulwa obusubiri bwefu. Khuli balala muburuchi bubwe nende okhuruka ebindu biosi, Ndabohwa nende okhurumwa mushikhalachinga shia Patimosi shichira buli lwosi ndaboleranga abandu akaNyasaye nende akarumbulwa khuYesu.
|
|
\v 10 Ndali nendi muroho khunyanga yoMwami neulira omwoyo omukhongo munyuma wanje okufwana shinga okwolwika.
|
|
\v 11 Kaboolungwa mbu, "akawalola okahandiche mushitabu nokoobera amakanisa saba akaEfeso, neSimurina, nePerigamo, neTsiatira, neSaride, neFiladelafia, nende eLodekia".
|
|
\v 12 Mana ndashukhana okhulola omwene omwoyo okwabolanga ninasi, ne nimalire okhushukhana ndalola ebichibi saba bietsitaha bietsitsahabu.
|
|
\v 13 Hakari webichibi bietsitaha oundi owafwana shinga omwana womundu owali niyeefwalire ingubo irambi eyula hasi khubirenje, nomushipikweitsahabu okhubotokhana eshirifu shie.
|
|
\v 14 Omurwekukwe neliswilie biali ebilafu shinga obwoya bwamakondi amalafu tsirerere shinga itseluchi tsimonitsie tsifuana olumemu lwo muliro.
|
|
\v 15 Ebirenjebie nibiingana emikasa echiaruufwa neching'inag'ina shinga echialabibwa mumuliro omululu okwomwirumbi.
|
|
\v 16 Ne yali nende tsing'ining'ini saba mumukhonokwe saba khandi okhurula mumunwakwe mwarulamwo olukanga olumemu etsimbeka tsiosi, mumunwa namwo nimwingana eliuba nilirangaala mumaani kalio.
|
|
\v 17 Olwa ndamulola ndakwa hamakuluwe shinga omufu, naye niyarakhwo omukhonokwe omusaatsa, naboola ari olaria ta nisie owamberi khandi wokhumalirikha.
|
|
\v 18 Khandi oumenyanga. Ndali omufu, halali lola, endi mwoyo ebisoni nebisoni! khandi endi nende tsifnguo tsielifwa nende emakoombe.
|
|
\v 19 Khulwa ishio ehandiiche amakhuwa akandalola, nako kaliho, khandi aketsa okhwikholekha olunyuma lwakano.
|
|
\v 20 Khu amakhuwa akebisire aketsing'ining'ini saba etsiamwalola khumukhono kwanje omulunji, nende ebichibi saba ebie itsahabu; Tsing'ining'ini yitsio saba nabamalaika saba abetsikanisa saba, khandi ebichiba saba netsikanisa saba."
|
|
\c 2
|
|
\cl Obufimbuli 2
|
|
\p
|
|
\v 1 Khu likanisa elia ebuEfesu handika: Kano namakhuwa aka wulia owatiira tsing'ining'ini saba mumukhono kukwe omusatsa khandi ouchendanga hakarikari wetsitaya saba etsiasinjisibwa khubichibi bieyitsahabu;
|
|
\v 2 "Emanyire ebikhole bibio nende emirimo chichio chiosi; nende obwisimirisi bubwo, nende shingana onyala okhwiifira balia abamayaanu; mana khandi wabateemere balia abelanganga mbu abarume nabo shibali tawe, mana wabanyoolere okhuba ababeeyi.
|
|
\v 3 Eyuwe olumiriranga mubwisumirisi, nende obwiifiri khulwa eliira lianje nende okhuula okhuwererera.
|
|
\v 4 Kata kario endi nende likhuwa lino khuyuwe, shichira eyuwe waamala okhulekha obuheeri bubwo bwali bwamberi,
|
|
\v 5 Kario wiitsulire halia ewa wakwiira, mana wikanire, khandi okhole emirimo chiali chiokhuranga; kalali kario nekhwitsire lwangu, mana erusieo eshichibi shishio shietaya okhurula mubwiiyangu bwashio, nikaba mbu shimwikanira tawe.
|
|
\v 6 Habutswa oli nende shino, mbu eyuwe wasira ebikhole bia balia aba Nikolai, aba siesi ndasira.
|
|
\v 7 Wulia yesi ouli namarwi, leshe ahulire eshia Roho aboolera amakanisa; ne wulia ouhula esie ndalamuheresia okhulia okhurula khu omusala kwobulamu, okuli hakarikari womparadiso ya Nyasaye.
|
|
\p
|
|
\v 8 Khandi khu malaika owelikanisa elia Smarna handika; Ebindu bino ebia aboola ouli owamberi khandi owokhumalirikha, owali nafwiiri ne bulano ali mwoyo khandi;
|
|
\v 9 Esie emanyire emirimo chiichio, nende obusandibwi, nende obutakha, (habutswa enywe muli abayiinda) ne khandi emanyire obufukuli bwa balia ababoolanga mbu ni Abayahudi, ne shibli tawe, habutswa neihekaalu ya Setani.
|
|
\v 10 Sholaria eminyakhano chilia echia wiitsa okwakana inachio tawe: Lola! Shetani alasukuna balala benyu mumbohe, mbu muteemwe; ne nenyu mulaba abokhusanda khulwa tsinyanga ekhumi: mube abasubirwa okhuula khukhufwa, ne nasi ndalabaheresia olusimbi lwobulamu.
|
|
\v 11 Wulia ouli nende ehirwi ahulire kalia aka Omwoyo aboolera amakanisa; Wulia oulayoomba shiyetsa okhusalisibwa nende lifwa liakhabiri tawe.
|
|
\p
|
|
\v 12 Khandi khu malaika owelikanisa lia Pergamo handika; Ebindu bino nibio ebia aboola ouli nende olukanga lwamema tsimbeka tsibiri;
|
|
\v 13 Esie emanyire emirimo chichio, nende halia ewomenyere, halia eweshifumbi shia Shetani shili: ne nawe watiira elira lianje obutinyu, ne oshiri okhunzikaana mubusubiri, kata mutsinyanga tsilia etsia Antipas yeerwa shinga omusubirwa wanje, oweererwa hakarikari wenyu, ewa Shetani yamenya.
|
|
\v 14 Habutswa endi nende abindu ebitiiti ebiokhukhuyiinga, shichira oli nende abandi abatiirira amechesio aka Balaam, owechesia Balak okhulasa lichina liokhwisichirasia imberi wa abana ba Israeli, mbu balie ebindu bihanirwe omusango khubifwanani, nende okhukhola obwiilasi.
|
|
\v 15 Endio wesi khandi oli nende balia abatiiririra amechesio aka Abanikolai, eshindu shilia eshia ndasira.
|
|
\v 16 Wikanire, nohomba nekhwiitsire lwangu, mana ekhupane ninawe nerumushira olukanga lwomunwa kwanje.
|
|
\v 17 Naye wulia ouli neshirwi, leshe ahulire eshia Roho aboolera amakanisa; Khu wulia ouyoomba ndalamuheresia okhulia manna akebisa, khandi ndalamuhesia lichina lilafu, elihandikwekhwo eliira liyia, elia abandu bandi shibamanyire ta okhuyiiniakhwo wulia ouhebungwa.
|
|
\p
|
|
\v 18 Khu malaika welikanisa lia Thiatira handika; Bino nibio ebindu ebia Omwana wa Nyasaye aboola, ouli nende tsimoni shingana olumemu lwomuliro, nabio ebirenje bibie shingana omukasa omweerereshe;
|
|
\v 19 Emanyire emirimo chiichio, obuheeri bubwo, oburumushi bubwo, nende obwisumirisi bubwo; mbu akowakholere ahambi hano kayombere akowaranjirira.
|
|
\v 20 Kata kario esie endi nende ebindu bitiiti biokhukhuyiinga yuwe; shichira omwifiiranga omukhasi wuyo Yezebeli, owilanganga omwene mbu omunabii omukhasi, mbu yechesie naserera abarumushi banje okhwilaasia, nende okhulia ebindu ebihanirwe omusango khubifwanani.
|
|
\v 21 Ne nasi ndamuhesia obwiiyangu mbu yekanire obwiilasi bubwe; naye ashiri okhwikanira tawe.
|
|
\v 22 Lola! Ndalamura khushitanda shiobulwale, ne nabo abeelasinjia ninye balaba mukhusaalira okhukhoongo, nikaba mbu shibekanira ebikhole biabo tawe.
|
|
\v 23 Khandi ndakhakhupe abana bebe nende olufuu; nako amakanisa koosi pe kakhamanye mbu Nesia wulia oukhabirisinjia amapaaro nende emioyo. Ne ndalaheresia buli shia mulala wenyu okhulondana nebikhole bienyu.
|
|
\v 24 Habutswa eyuwe, nende abandi abali eThiatira, emboola, Balia abalatiira amechesio kano tawe khandi shibamanyire kalia aka abandi balanganga mbu ebindu ebiyinikhu bia Shetani; emuboolera mbu, 'Shindalabarakhwo obusiro bwosi bwosi tawe.'
|
|
\v 25 Kata kario, okhuula mutiire naamani okhuula olwa ndakhetse.
|
|
\v 26 Naye wulia oulawula, mana khandi nakhola emirimo chianje okhuula khubumalirishi, omwene wuyo ndakhamuheresie obunyali ikulu wamahanga:
|
|
\v 27 Yakhakaruche nende omutiichiro kweshibia; yakhabaarache shinga isiongo yomulonji mubikonjio; shingana esie ndanyoola okhurula khu Papa wanje.
|
|
\v 28 Mana ndalamuheresia ing'ining'ni yomabwibwi.
|
|
\v 29 Wulia ouli nende eshirwi ahulire aka Roho aboolera amakanisa
|
|
\c 3
|
|
\cl Obufimbuli 3
|
|
\p
|
|
\v 1 Khumalaika belikanisa lia eSadide ehandika kano: "Nemboola mbu nisie ouli nende abaroho saba ba Nyasaye nende tsing'ining'ini saba. Emanyire kosi akamwakholere, mulolekha abalamu, halali mwafwa.
|
|
\v 2 Be meso! Mukholere emilimo eminji, nohomba chiria echiamukholere chilaba emikhaya. Okhuula mukhole kano shichira Nyasaye wanje amanyire hamulakholere obulayi.
|
|
\v 3 Kho khulwa yisho, mwitsulirenje obulosie bwa Nyasaye nende obulamba obwa mweyama olwa mwahulira, okahulirenje niwikalukhasia buli eshise okhurula mutsimbi tsitsio. Ne nimulakhola murios ta, ndalamwitsira shingana omwifi. Shimulamanya ebise bia ndiitsa okhubakhalachira eshiina ta.
|
|
\v 4 Kata kario, muli nende ameera matiti mwitookho lia Saride ka balia abalayonoona ta, abalamaliyia tsingubo tsiabo ta. Khulwesho balachenda ninasi shichira bakhoyere, nibamenya ninasi khandi bali aberereshe shinga abandu bafwalirwe tsingubo tsinzerereshe.
|
|
\v 5 Ne wulia ouyomba Setani yetsa okhufwalwa tsingubo tsindafu. Shindalayinia eliira lirie okhurula mushitabu shiobulamu eshirimwo ameera aka balia abalinjira mubulamu bweinziayo. Mushirenjeshio ndakhabarumbule imberi wa Papa nende abamalaika mbu muli abanje.
|
|
\v 6 Yesi owenya okhumanya, ahulirisie obulayi oburume bwa roho wa Nyasaye aboolanga khutsikanisa.
|
|
\p
|
|
\v 7 Handika oburume buno khumalaika betsikanisa tsielitookho lia Filadelifia, Emboola kano khunywe. Nesie omutsienukhu, wobwatooto. Shinga olwa Omuruchi Daudi yali nende obunyali bwokhwinjira mwitookho lia Yerusalemu, siesi endi nende obunyali bwokhubeyamira abandu benjire muburuchi bwanje. Nesie ouli nende obunyali bwokhwikula emiliango echia omundu yesi yesi alanyala okhwikala ta khandi endi owikala omuliango kwomundu alanyala okhwikula ta.
|
|
\v 8 Emanyire kosi akokholere. Manya mbu emalire okhwikula omuliango kwomundu yesi alanyala okhwikala ta. Emanyire mbu kata noba noli nobunyali butiti ohulirisie akembolere. Khandi shiolobere okhusuubira ta.
|
|
\v 9 Be meso! emanyire mbu abanji khunywe mwakanaanga halala nende balia abamulondangakhwo Setani. Beekatinjia mbu nabaYahudi halali bobwatieri ta. Babehanga. Ndiitsa okhubakhola betse khunywe bamwinamire mubwitutuyi mubirenje bienyu nende okhumanya mbu ndabachama.
|
|
\p
|
|
\v 10 Shichira mwahulira olwa ndabalachirisia okhwifira okhunyakhana mubwisuumirisi, nditsa okhuhonookosia okhurulana nende balia abakhukhola oleshe okhuhulira sie. Balakhola kano khandi khubandu boosi bali mushialo.
|
|
\v 11 Ndiitsanga. Kho lwangu tsiririre okhula akandamuboolera mbu omundu yesi shialachira mwabula okhunyoola omukabo kwa Nyasaye yamubishira ta.
|
|
\v 12 Ndiitsa okhubahonokosia balia abamwikaana Setani. Balasinjisibwa shinga tsisiiro muhekalu ya Nyasaye, ne balamenyamwo khasootso. Ndiitsa okhumurakhwo eshilolero shieliira lia Nyasaye wanje, limanyinjia muli abebe. Khandi ndalamurakhwoeshilolero nende eliira lielitookho lia Nyasaye wanje, Yerusalemu yimbia, khandi ndalarakhwo eshilolero nende eliira lianje liyia okhumanyisia mbu mulaba abanje.
|
|
\v 13 Yesi yesi wenya okhuma okhuula ahulirisie obulayi oburume bwa roho aboola khutsikanisa.
|
|
\p
|
|
\v 14 Ohandichire Malaika betsikanisa tsia Laodikia: "Emboolanga kano khunywe. Nisie urusinjia obwitsoomi mubusuubirwa nende mubwatoto. Nesie omusinjiriri webilonje biosi bia Nyasaye.
|
|
\v 15 Emanyire kosi kamukholere: Shimukananga mbu shimusuubiraanga ta, halali khandi shimwayinjama muno. Mufwana shingana amatsi kalali amanyifukhandi kalayiire. Ndakhekombere mbu mube abanyifu nomba abayire.
|
|
\v 16 Okhuba shooli ouyiire ta khandi omunyifu ta, endi ahambi okhukhufutsa, shingana ufutsa amatsi kayire okhurula mumunwa kwanje.
|
|
\v 17 Muboolanga, 'mbu endi omuyinda khandi enyolere emiandu eminji, shendamba ta! Halali shimumanyire mbu mutamba mutsinjira tsinyinji ta. Ofwana shingana omundu wamasira, owafwa khandi omumanani, khandi amubofu, ouchendanga eshiechenyi ta?
|
|
\v 18 Ndakhakhwibalira mbu obukule kosi akawenya okhurula khusie, shingana olwa wakula ithahabu okhurula khusie mbu obe amuyinda. Lekha ekhutsienule, kata shingana wakula khusie ebifwalo ebilafu mbu ofwale tsingubo obukhala bwokhwikhala eshiechenyi khandi weshifimbwa murwe. Lekha ekhukhonye okhumanya obwatoto, shingana abakulanga amafura ketsimoni bu mure khutsimoni tsindwale.
|
|
\v 19 Okhuba ebahuka nebakololosia boosi abandaheera, rule nende emioyo chienyu chiosi okhurula mumero yetsiimbi.
|
|
\v 20 Endi hano! Enanganga buli mundu, ne esinjiire enindanga hamuliango khandi ekhong'ondanga khumuliango. Noba nohulira owoyo kwanje niwikula omuliango, ndiitsa okhwinjira mukari, nikhwitsa okhuliira halala shingana abalina.
|
|
\v 21 Ndalamwiyamira yes yesi oumuhula Setani okhwikhala ninasi khushifumbi shianje shioburuchi, shinga olwa ndamuhula Setani ne bulano ndiikhala neruka nende Papa wanje khushifumbi shioburuchi.
|
|
\v 22 Buli shamundu owenya okhumanyirisia okhuula ahulirisie obulayi oburume bwa Omwoyo aboolera amakanisa.
|
|
\c 4
|
|
\cl Obufimbuli 4
|
|
\p
|
|
\v 1 Olunyuma olwa amakhuwa kano ndahenga, mana nendola omuliango kwikushe mwikulu. Omwoyo kwamberi okwandaulira kwali nikuboolanga ninasi shinga mushisiriba, mbu, Yitsa hano, ekhumanyie akaletsa okhurulira olunyuma
|
|
\v 2 Mubwangu yibo nendi muroho, nendolaho eshifumbi shiobunyali mwikulu, naye omundu yekhalekhwo.
|
|
\v 3 Hulia owali niyekhalekhwo yalolekha shinga Lichina lia Yaspi nende akiki. Khwali nende olulindi lweifula lubotokhanire eshisala eshioluyali olulindi lweifula lwafwana shinga zumaridi.
|
|
\v 4 Okhubotokhana eshifumbi shioluyali ewa khwali nende ebifumbi bioluyali biindi amakhumi kabiri nebiine, ne abekhala khubifumbi bioluyali bali abakofu amakhumi kabiri nende bane nibafwalire tsingubo tsindafu nende etsisimbi tsieitsahabu khumirwe chiabo.
|
|
\v 5 Okhurula khu shishifumbi shioluyali khwali nende oluhenu nende emikukumo. khandi ebitseso biomuliro nibiakha imberi weshifumbi shioluyali, tsitaya tsiali tsiroho saba etsia Nysasaye.
|
|
\v 6 Khandi imberi weshifumbi shioburuchi khwali nende inyanza eyalolekha shinga eshiho khandi niyibotookhana eshifumbi shioburuchi nende ebilonje bine, abietsula khwo tsimoni, imberi nende inyuma.
|
|
\v 7 Eshilonje shiamberi shiobulamu shiafwana shinga italanyi, eshilonje shiakhabiri shiafwana shinga eshimosi, eshilonje shiakhataru shiobulamu shiali nobweni shingana bwomundu, eshilonje shiakhane shiobulamu shiafwana shingana indutsu eiruukanga.
|
|
\v 8 Ebilonje bine ebiobulamu, buli shilala shiali netsisiimbi tsisasaba, tsisimbi yitso tsiali netsimoni ikulu nende hasi watsio. Eshiro nende shiteere shibalekhanga okhuboola mbu, Omutakatifu, omutakatifu, omutakatifu, niye Omwami Nyasaye, omuruchi ikulu khubiosi owaliho, ouliho khandi oulibaho.
|
|
\p
|
|
\v 9 Buli olwa ebilonje biobulamu nebihananga oluyali nende okhwitsomiaimberi waulia owikhale khushifumbieshia oburuchi, oyo oumenyanga etsindalo tsiosi.
|
|
\v 10 Abakofu amakhumi kabiri nende banne benamanga abeene imberi wa ulia owali niyekhaale khushifumbi shioburuchi benamanga okhuula hasi khuulia oumenyanga tsindalo tsiosi, nokhura hasi tsisimbi tsiabo imberi weshifumbi shioburuchi nibaboola ari,
|
|
\q1
|
|
\v 11 Okhoyeere eywe, Omwami khandi Nyasaye wefu, onyoole oluyali nende amaani khula okhubera walonga bioosi khukhwenyakhwo, khuleinya lirio ebiamenyanga khandi ebialongwa.
|
|
\c 5
|
|
\cl Obufimbuli 5
|
|
\p
|
|
\v 1 Mana nendola mumukhono okwa wulia owali niyeekhale khushifumbi shioburuchi eshitabu eshikanye eshiali nishihandikwe imberi nende emukongo, ne shiali nende ebibalikho saba.
|
|
\v 2 Esie nendola malaika wobunyali obukhongo nalanjirisinjia nomwoyo omukhongo, Ni wiina oukhoyere okhukanyulula eshitabu, nende okhufinaka ebibalikho biashio?
|
|
\v 3 Ne yabulaho omundu mwikulu, kata khushialo, kata haasi mushialo, owali nanyala okhwikula eshitabo, nohomba kata okhuyeenga mwo.
|
|
\v 4 Ndalira nobululu muno, shichira yabulao omundu owanyoolekha okhwikula eshitabo nokhushisoma, kata okhuyeenga mukari.
|
|
\v 5 Mana mulala khu balia abakofu niyamboolera sie mbu, "Lekha okhulira: lola! Italanyi, eyoluyia olwa Yuda, Omusi okwa Daudi, yamala okhuhula. Ye anyala okhwiikula eshitabu nende okhufinaka ebibalikho saba birikhwo.
|
|
\v 6 Mana nendola, khandi, lola, hakarikari weshifumbi shioburuchi, nende tsisolo tsine, khandi hakarikari wabakofu, Likondi yali nasinjire shingana owali owiirirwe, nali nende tsinzika saba nende tsimoni saba, etsiri nitsio tsiRoho saba etsia Nyasaye arumanga mushialo shiosi.
|
|
\v 7 Yatsia nabukula eshitabo eshikanye okhurula mumukhono omusatsa okwa wulia owali niyeekhale khushifumbi shioburuchi.
|
|
\v 8 Ne olwa yali nabukuule eshikanye, ebilonje bine ebilamu nende abakofu amakhumi kabiri nende bane, bakwa hasi imberi weLikondi, buli shiamulala yali nende obukhana, nende tsibakuuli tsieitsahabu nitsiitsuule obubane bwa buliera, ebili niko amasayo aka abandu abatakatifu ba Nyasaye.
|
|
\v 9 Mana nabo nibemba olwimbo oluyia, oluboola, "Eyuwe okhoyere okhubukula eshitabo, nende okhwikula ebibalikho biashio: okuba yuwe wali niwasinzwa, ne wamalire okhukhununulira Nyasaye mumatsayi koko okhurula mutsimbia tsiosi, nende tsinimi, nende abandu, nende amahanga.
|
|
\q1
|
|
\v 10 Mana wakhukhola fwe khu Nyasaye wefu abaruchi nende abakuhani: mana nefu khularuka khushialo.
|
|
\p
|
|
\v 11 Mana nehulira, khandi nehulira omwoyo okwa abamalaika abanji nibabotokhananga eshifumbi shioburuchi nende eshilonje shimenyanga nende abakofu: ne obubali bwabo bwali tsiyelefu ekhumi nokhupira tsiyelefu ekhumi, khandi tsiyelefu khu tsiyelefu.
|
|
\v 12 Nibaboolanga nende omwoyo omukhongo, Okukhoyere niye Likondi owali okhusinzwa okhunyoola obonyali, obuyiinda, amachesi, amaani, okhuriibwa, oluyali nende tsikhabi.
|
|
\p
|
|
\v 13 Nehulira buli eshindu shiali nishialongwa mwikulu, nende khushialo, kata hasi mukari weshialo, nende bilia biosi ebiali munyanza, nende biosi ebialimwo, ndabihulira nibiboolanga, Tsikhabi, okhuriibwa, oluyali, nende obunyali, bibe khuye owiikhaale khushifumbi shioburuchi, nende khu Likondi inziaiyo nende inziaiyo.
|
|
\p
|
|
\v 14 Nabio ebilonje bine bilia nibiboola mbu Amina. Nabo abakofu amakhumi kabirir nende bane nibekhupa hasi nibamwinamira wulia oumenyanga inziaiyo nende inziaiyo.
|
|
\c 6
|
|
\cl Obufimbuli 6
|
|
\p
|
|
\v 1 Mana nendola Likondi niyekula eshibalikho shilala khubilia saba, mana nehulira oluyoka shinga olwelikulu, ne mulala khubilonje bine ebimenyanga naboola, Yitsa olole!
|
|
\v 2 Mana nehenga, nendola ifarasi indafu: naye owali niyeekhalekhwo yali nali nende oluyiingo; mana nahebwa olusimbi, naye narula nahulanga okhuula.
|
|
\v 3 Mana omwana welikondi nafunula eshibalikho shiakhabiri, mana neulira eshilonje shiakhabiri nishiboola mbu, yitsa.
|
|
\v 4 Olwa shiaboola shirio, ifarasi inzakhanyu niyirulira. Ne khwali nende owali naninirekhwo, ne Nyasaye yali namuheresiye obunyali bwokhukhola abandu babule okhumenya nomulembe, nebutswa mbu beerane abene khubene. Khulwa eshifune esho, yachiinga 'oli kano olukhongo.
|
|
\v 5 Olunyuma Likondi niyekula eshibalikho shiakhataru, mana nehulira eshilonje shiakhataru eshimenyanga nishiboola, "Yitsa!" Bulano buno ndamala endole ifarasi imali niyilolekhana. Ne khwali nende omundu owali naninire nachirusinjia, ne khandi yali nende iratili yokhupiima obusiro mumukhono kukwe.
|
|
\v 6 Olunyuma esie ndahulira omwoyo okwali nobuyoka shinga obwarulanga hakarikari webilonje bine ebimenyanga. Nikuboolera omundu wali khufarasi mbu, Chira kekholeshe mbu, Eshipiimo shilala eshia yingano shiakhabe eshiobukusi bweikulu mbu omundu yakheyunjie okhurula okhutiiya inyanga yoosi kho anyoole amapesa kokhuyikula. Khandi chira kekholeshe mbu eshipiimo shilala eshia amakhumbiri shiakhakusibwe obukusi bulala yibo. Habutswa sholatitiiyia obuhaani obwa amafura kemitsabibi nende idivayi tawe."
|
|
\v 7 Olunyuma Likondi niyekula eshibalikho shiakhane, mana nehulira eshilonje shiakhane eshimenyanga nishiboola, "Yitsa!"
|
|
\v 8 Olunyuma nendola ifarasi eyobukondo shinga amafira. Omundu wundi yali nachininire khwo nachirusinjia: eliira lirie liali mbu, Wulia oureranga okhufwa, naye owundi wali namulondanga khwo yali; eliira liomundu wuno liali, Habundu halia ewa abafu batsitsanga." Nyasaye nahesia abandu babiri bano obunyali bwokhwiira abandu irobo yabandu khushialo. Beere nende ebimanulwa bielihe nohomba inzala ikhongo nohomba amateshere nohomba nende tsisolo tsiomubulimo.
|
|
\p
|
|
\v 9 Olunyuma Likondi wuyo niyekula eshibalikho shiakharaano, ne nasi nendola mulwalo wobwaali bwomwikulu emioyo chia abarumushi ba Nyasaye aba abandi babeera shichira abarumushi bano bali nibasubiire oburume bwa Nyasaye, oburume obwa Nyasaye mwene yabukholera akobuloli.
|
|
\v 10 Nabo obutinyu nibamureeba Nyasaye, "Omwami Wamiahanga mubukhongo, oli omutakatifu khandi owobwatoto. Nalube oluhoono shiina kho okhalache eshiina nende okhuyaasia abandu bomushialo abakhwiira fwe?"
|
|
\v 11 Mana Nyasaye nahesia buli shamulala wabo ingubo indafu iraambi, mana nababiira mbu befiire khwo eshise eshiraambi hatiiti. Babe nokhwifiira okhuula olwa obubali bwa balia abakhalabanira Omwami ninabo abali abasiani babo nende abakhana babo muKristo-babe abeerwa khulwa obusubiri bwabo.
|
|
\p
|
|
\v 12 Olunyuma nendola Likondi niyakula eshibalikho shiakhasasaba, mana omurengo kweshialo omukhongo nikubaho. Eliuba niliirima shingana ingubo yobuusi obumali. Nakwo omwesi kwosi nikuba omwakhanyu shinga amatsaayi.
|
|
\v 13 Natsio tsing'ining'i tsio mwikulu nitsibungulukha khushialo mubunji, shingana olwa omukhuyu kubungululanga imbumbuyeka niyihuutsa.
|
|
\v 14 Likulu liarandukhamwo khabiri nilikukha mana nilikanya shinga eshikanye eshikhulu shikanyanga olwa shiba nishirandukha. Buli eshikulu nende eshikhalachiinga biaresibwa okhurula mubwiyangu bwabio.
|
|
\v 15 Akarulira kali mbu, abandu boosi abokhusialo, halala nende abaruchi, nende abandu boluyali, abasinjiriri abamahe, abandu abayinda, nende abandu bobunyali obunji, halala nende buli shiamulala yesi, abasumba nende abalakhuule, nibebisa mutsimbiimga nende hakarikari weshikulu nende amachina.
|
|
\v 16 Nibakhupira ebikulu nende amachina obuyoka mbu, "Mukhukwiire fwe mana mukhubise fwe mbula wulia owikhaale khushifumbi shioburuchi shalakhulola tawe khandi mbu Likondi shalaba ounyala okhukhuheresia eshinyaasio tawe!
|
|
\v 17 Yino niyo inyanga yimbi muno eya betsa okhukhuheresia fwe eshinyaasio. Abulaho kata mulala oulinyalirwa okhuhonokokha.
|
|
\c 7
|
|
\cl Obufimbuli 7
|
|
\p
|
|
\v 1 Olunyuma olwa kano ndalola abamalaika bane nibasinjiire khushialo. Mulala yali nasinjiire enotsi, mulala ebukwe, mulala emulaambo, khandi mulala nali mumbo. Bali nibekaliire emiyeka chileshe okhuhuutsa nende okhwononia khushialo, khunyanza kata nende omusaala kwosi kwosi.
|
|
\v 2 Khandi ndalola malaika wundi niyetsanga okhurula ikulu ebukwe. Yali nende eshibalikho shia Nyasaye, ouli owobunyali bwosi, ouretsanga tsimbala khubalia abandu bebe mbu abalinde. Malaika wuno nalanga nomwoyo omukhongo khu, balia abamalaika aba Nyasaye nabaheresiiye obunyali mbu basalisie eshialo nende inyanza.
|
|
\v 3 Nababoolera, Shimulasalisia eshialo tawe, kata inyanza tawe okhuula olwa khuba nikhumalire okhura tsimbala khu abarumishi ba Nyasaye wefu khubweni bwaabo."
|
|
\v 4 Mana malaika nende abamalaika bashie nibara tsimbala khu abarumishi ba Nyasaye. Nehulira inamba ya abandu bali nibareerwe khwo tsimbala. Obubali bwaabo bwali 144,000. Bali abandu okhurula mu buli oluyia olwa Israeli.
|
|
\v 5 Abamalaika bara tsimbala khu abandi 12,000 okhurula muluyia olwa Yuda, 12,000 okhurula muluyia olwa Rubeni, 12,000 okhurula muluyia olwa Gadi,
|
|
\v 6 12,000 okhurula muluyia olwa Ashuri, 12,000 okhurula muluyia olwa Naftali, 12,000 okhurula muluyia olwa Manase,
|
|
\v 7 12,000 okhurula muluyia olwa Simoni, 12,000 okhurula muluyia olwa Lawi, 12,000 okhurula muluyia olwa Isakari,
|
|
\v 8 12,000 okhurula muluyia olwa Sabuloni, 12,000 okhurula muluyia olwa Yusufu, nende 12,000 okhurula muluyia olwa Benjameni.
|
|
\p
|
|
\v 9 Olunyuma olwa ebindu bino okhwikholekha, esie ndalola omukanda omukhongo. Kwali okwa abandu abanji mbu shiyaliho omundu kata mulala owakhanyalire okhubabala tawe. Bali nibarula mumahanga koosi, mutsimbia tsioosi, mubandu boosi, nende tsinimi tsioosi. Bali nibasinjiire imberi weshifumbi shiobwami nende imberi weLikondi. Bali nibefwalire tsingubo tsiraambi tsindafu khandi nibatirire amasaka aka amashindu nibahuutsanga.
|
|
\v 10 Nibakhupa omwoyo omukali, Nyasaye wefu-omwene wuyo owekhala khushifumbi shioburuchi-nende omwana weLikondi bakhuhabiine efwe okhurula mubunyali bwa Setani!"
|
|
\v 11 Abamalaika boosi bali nibasiinjire imberi weshifumbi shiobwami, nibabotokhane abakofu, khandi nibabotookhane ebilonje bine ebimenyanga. Nibamwinamira Nyasaye,
|
|
\v 12 nibaboola, Amina! Obwitsoomi, oluyali, obuchesi, okhukhupa orio, obwinamirwi, amaani, nende tsingofu bibe khu Nyasaye wefu tsinyanga tsiosi! Amina!"
|
|
\p
|
|
\v 13 Mana omukofu mulala niyareeba, "Abandu abafwalire tsingubo tsiraambi tsindafu bano, omanyire nibaango wiina ne barulire heena?
|
|
\v 14 Nasi nemukalusia, "Omwami omukhongo, esie shemanyire tawe. Totomwene yuwe obamanyire obulayi!" Naye niyambiira, "Bano nibo abandu bali abarula mubusandibwi obukhongo. Omwana weLikondi yafwa khulwa bo, khandi mana Nyasaye yababeera ebionono biabo. Bali shinga aboosiye tsingubo tsiaabo mumatsayi keke naye nabakhola abalafu.
|
|
\v 15 Khulwa eshifune shino, bali imberi weshifumbi shia Nyasaye, mana ba mwinamiranga eshiteere nende eshiro muhekalu yiiye. Nyasaye, niye mulala owekhala khushifumbi, alabashiinga.
|
|
\v 16 Ne shichira, shibalilola inzala tawe khandi. Shibaliba nobuloho khandi tawe. khandi eliuba shiliakhabasaambe tawe, kata olumemu shilwakhabasambe tawe.
|
|
\v 17 Okhuba Omwana weLikondi owikhaale khushifumbi shioburuchi yakhabahendere, shinga olwa omwayi ahendera amakondi ke. Alabemirira okhuula khubuchachiro bwobulamu bweinziayio, shinga olwa omwayi yemirira amakondi keke khusebere eya amaatsi. Nyasaye alachira balaba nende eshibeera tawe. Kaliba shinga yali nabeeyanga amasika koosi okhurula mutsimoni tsiabo.
|
|
\c 8
|
|
\cl Obufimbuli 8
|
|
\p
|
|
\v 1 Ne olwa yafinaka eshibalikho shia saba, mwikulu mwaulera khubise inusu yelisaa.
|
|
\v 2 Mana nendola abamalaika saba abasinjira imberi waNyasaye, nende etsitrumbeta saba etsiabahebwa.
|
|
\v 3 Omumalaika hundi niyetsa, natirire olutaabo olweitsahabu yobubane, nasiinjire khubwali. nahebwa obubane obuunji mbu abwanire halala nende amasayo kabandu boosi abaNyasaye omutakatifu imberi weshifumbi shioburuchi.
|
|
\v 4 Omwosi kwobubane halala nende amasayo aka abahule, nikunina ikulu imberi waNyasaye okhurula mumikhono chia omumalaika.
|
|
\v 5 Omumalaika nabukula olutaabo olwo obubane mana niyetsusiamwo omuliro khubwali, mana nabusukuna khushialo, ne kuhulirikhana omukukumo omukhogo kwo olwenu, nende okhutechera khweshialo.
|
|
\p
|
|
\v 6 Abamalaika saba abali nende etsitarumbeta saba nibaba nibeerecheshe okhukhupa.
|
|
\v 7 Omumalaika wambeli nakhupa itarumbeta yiyie, ne ifula yamachina nomuliro kutsokanire amatsai nibisundukha hasi khushialo mbu ubumeri bweshialo, imbeka ndala khutsitaru yemisala niyia khsandi obunyasi bwosi nibuuyia.
|
|
\v 8 Omumalaika wakhabiri nakhupa itarumbeta yiyie, mana eshindu shinga eshikulu eshikhongo eshiali neshiitsanga khulwo omuliro nishisukumwa munyanza. Elubeka lulala khutsitaru tsienyanza niba amatsai koonyene.
|
|
\v 9 Eshitonye shiakhataru eshiebilonje bimenyanga munyanza, khandi eshitonye shiakhataru shia imeli tsia sasibwa.
|
|
\v 10 Omumalaika wakhataru nakhupa itarumbeta yiyie mana ing'ining'ini ikhongo nikwa okhurula mwikulu niyakha shinga eshitsese, eshitonye shiakhataru shiomwalo.
|
|
\v 11 Elira elia ing'ining'ini eyo ilangwa mbu indululusia. Eshitonye shikhataru shiamatsi nishiba indululusia, mana abandu nibafwa okhurulana nende amatsi amalulu.
|
|
\v 12 Omummalaika wakhanne nakhupa itarumbeta yiyie, eshitonye shiakhataru eshieliuba, omwesi halala nende ing'ining'ini nikhupwa, kho buli eshitonye shiakhataru khu biosi neshikalukhana okhuba eshirima; eshitonye shiakhataru shieshitere nende shieshiro bilaba nende obulafu tawe.
|
|
\p
|
|
\v 13 Nehenga, mana neulira indutsu, eyali nipulukhanga hakari weshialo nende likulu neilanganga khumwoyo omukhongo, "Wowe, wowe, wowe, khubalia abamenya khushialo, khulwo okhubeera okhukhupwa khwi turambeta itonyere khuli ahambi okhukhupwa nende abamalaika bataru".
|
|
\c 9
|
|
\cl Obufimbuli 9
|
|
\p
|
|
\v 1 Malaika owa kharano yamala nakhupa olwiika lulwe. Ndalola ing'ining'ini okhurula mwikulu eyali niyikwire khushialo. Ing'ining'ini yahelesibwa olufunguo olwa obwina bulia obubula obumalirishi.
|
|
\v 2 Niyekula obwina bubula obumalirishi, omwosi nikuniina ikulu okhurula mushisambiro. Eliuba nende omuhuya bierimimwa nende omwosi okhurula mushisambiro.
|
|
\v 3 Mukari mwomwosi tsisiche tsiarula nitsitsa khushialo, ne tsia hebwa obunyali shinga obwa amakatie khu eshialo.
|
|
\v 4 Baboolerwa mbu shibalasasia obulimo bwo khushialo tawe nohomba obulimo kata emisala, habutswa abandu balia ababula eshibalikho shia Nyasaye khu obwrni bwabo.
|
|
\v 5 Shibahebwa omunwa kwokwiira abandu yabo tawe, habutswa mbu babasandie butswa khulwa emiesi chirano chionyene. Obutsuune bwabo bwakhabe shingana olusiba olwa likatie olwa shimota omundu.
|
|
\v 6 Mutsinyanga yitso abandu bakhekoombe olufu habutswa Shiva khaki tools tawe. Bakhanaye mbu bafwe, habutswa olufuu lwakhaberushe.
|
|
\v 7 Tsisiche tsiafunana nende tsifarasi etsirechesheerwe liihe. Khumirwe chiabo khwaliho nende eshindu shifwana olusimbi lweitsahabu, nabwo obweni bwabo bali shinga obweni bwabomundu.
|
|
\v 8 Bali nende liswi shinga elia omukhasi, nako ameeno kaabo kali shinga akeitalanyi.
|
|
\v 9 Bali nende ebishingo biokhushirifu, ebiali ebishingo bieshibia, nabwo obuyoka obwa amabahaa kaabo bali obuyoka shinga obwa amakaari aketsifarasi etsirukhanga mwiihe.
|
|
\v 10 Bali nende emishira chiobusiba shingana amakatie; mumishira chiabo balimwo nende obunyali bwokhusalisia abandu khulwa emiesi chirano.
|
|
\v 11 Bali nende owuli shinga omuruchi waabo, ni malaika wulia owomubwiina obubula obumalirishi. Eliira lirie muluHeburania liali mbu Abaddoni, khandi muluYunani mbu, Apollyoni.
|
|
\p
|
|
\v 12 Wowe eyokhuranga yimalire okhubira. Lola! Khushiri nende obusasishi bubiri obwitsanga okhubaho.
|
|
\p
|
|
\v 13 Malaika owakhasasaba nakhupa olwiika lulwe, mana nehulira omwoyo nikurulanga mutsinzika etsia eshimaliro shiemisango sheitsahabu eshiriho imberi wa Nyasaye,
|
|
\v 14 Nabooleranga malaika wakhasasaba owali nende olwiika, Lekhuulamalaika bane abali nibaboyuwa mumuchera omukhongo Eufreta.
|
|
\v 15 Malaika balia bane abali nibarechekhwa khulwa lsa yilo, inyanga yiiyo, mumwesi yilo, mana omwiika yiko nibebalwa mbu beere abandu eshiakhataru.
|
|
\v 16 Obubali obwa abeliihe abali khumikongo chietsifarasi bali 200,000,000. Ndahulira obubasi bwabo.
|
|
\v 17 Endi nilwa ndalola tsifarasi mumalolo nende balia abali nibatsiyiranga: ebishingo biabo biali shinga omuliro omwakhanyu, blu imali nende mayayi eya eshiribiti. Emirwe chietsifarasi chiafwanana nende emirwe chieyitalanyi, ne khandi okhurula muminwa chiatsio omuliro kwarulamwo nende omwosi kweshiribiti.
|
|
\v 18 Abandu eshikhataru beerwa nende nende amakhupache kataru kano: Omuliro, omwosi, nende eshiribiti ebiarula muminwa chiabo.
|
|
\v 19 Okhuba obunyali bwetsifarasi bwali muminwa nende emishira chiabo-- shichira emishira chiabo chiali shinga tsinzokha, nitsiri nende emirwe chiabo echisalisia amakonzo khubandu.
|
|
\v 20 Abandu bali nibatonyere, balia abali nibaleerirwe nende amakhupache kano, shibeekanira ebikhole ebia emikhono chiabo tawe, kata shibalekha okhwinamira amatimoni nende eminyasaye chieyitstahabu, ifetsa, emikasa, amachina, nende emisala; ebindu bilanyala okhulola, okhuhulira, nohomba okhuchenda tawe.
|
|
\v 21 Kata khandi shibeekanira obwiiri bwabo, obulosi bwabo, obuheyi bwabo nende ebikhole biobwiifi.
|
|
\c 10
|
|
\cl Obufimbuli 10
|
|
\p
|
|
\v 1 Mumalolo ndalola malaika wundi owa amaani niyekhanga hasi okhurula mwikulu. Naye nabotookhanwe nelireesi. Yali nabotookhanwe nende olulindi khumurwe. Obweni bubwe bwali nibwakhanga shinga eliuba. Ebirenje biibie nibifwana shinga tsisiiro etsia omuliro.
|
|
\v 2 Yali nende eshikanye eshitiiti eshiali nishikuulwe. Yaseena eshirenje eshisatsa khunyanza nashio eshikhasi khushialo.
|
|
\v 3 Nachinguula omwoyo naboola omwoyo nikuhoola shinga okhweitalanyi. Olwa yakhupa obuyoka, likulu liatululukha khandi saba niliboola nobuyoka bwalio.
|
|
\v 4 Olwa amakulu saba kaboola erwanyi, ndali nendi ahambi okhuhandika, habutswa ndahulira omwoyo okhurula mwikulu nikuboolanga, "Biikha libiso kalia aka amakulu saba kaboolere! Sholahandika hasi tawe!
|
|
\v 5 Mana malaika owa ndali nenduutsi nasinjiire khunyanza nende khushialo nachiingula omukhono omusatsa nachoomiye mwikulu,
|
|
\v 6 Mana nareeba mulala wulia ouli mwoyo inziaiyo-wulia owalonga likhulu nende buli shindu shirimwo, owalonga eshialo nende bioosi ebirikhwo, khandi owalonga inyanza nende bioosi ebirimwo-okhuba eshia yetsa okhuboola nobwatooto. Malaika naboola mbu Nyasaye shiyetsa okhushiinda oluhoono mukhukhola kalia akayalosia mbu akhole tawe.
|
|
\v 7 Yaboola mbu olwa ebise bioola ebia malaika owa saba okhukhupa itarumbeta, libiso elia obuloosie obwe libiso lia Nyasaye bwakhaweeho, shinga olwa yali niyaboola khale muno nende abanabii.
|
|
\p
|
|
\v 8 Naye omwene wuyo owa ndali nehuliire okhurula mwikulu naboola inasi khandi. Naboola, "Tsia obukule eshikanye yisho eshikuushe okhurula mumikhono chia malaika wulia owali nasinjire khunyanza nende khushialo."
|
|
\v 9 Kho ndatsiira malaika wuyo mana nemusaba yambesie eshikanye eshitiiti. Niyambiira, "Shibukule mana oshilie. Shilaba eshilulu munda, ne mumunwa kwo shilatsanzama eshiuya shinga obuushi.
|
|
\v 10 Ndabukula eshikanye eshititi okhurula mumukhono okwa malaika mana neshilia. Mumunwa kwanje shiatsanzama eshiuya shingana obuushi, habutswa ni ndakhashilia shiali eshilulu muunda yanje.
|
|
\v 11 Mana omundu wundi niyamboolera esie, "Kakhuyunjia mbu ohane obunabii khandi khu bandu abanji, amahanga, tsinimi, nende abaami."
|
|
\c 11
|
|
\cl Obufimbuli 11
|
|
\p
|
|
\v 1 Mana malaika niyambesia litundu shinga olusaala lwokhupiimira. Nyasaye niyamboolera mbu, Tsia khu yihekaalu, mana ochipiime nende obwali bulimwo, mana obale abandu abenamiranga habwene yaho.
|
|
\v 2 Habutswa sholapiima olwanyi lwerwanyi weihekaalu tawe, shichira emalire okhuluhaana khu abandu abalasubira tawe. Akalaruliramwo kali mbu, balasenakana mitookho lia Yerusalemu khulwa oluhoono lwa emiesi amakhumi kane nende chibiri.
|
|
\v 3 Ndalaruma abakobosheri babiri balandie kalia akebabuulira khu bo khulwa tsinyanga 1,260. Nabo balalolesia mbu babeerere khulwa ebionono biabandu khulwa okhwifwaala tsingubo tsiakasibwa okhurula khumaswa kelisero lieimbusi."
|
|
\v 4 Abakobosheri yabo nibo balia abasinjirirwe nende emitsabibu chibiri nende ebichibi bibiri echiri imberi wOmwami ourukanga eshialo.
|
|
\v 5 Nikakhaba mbu omundu yesi alaba owenya okhubasalisia abakobosheri yabo, omuliro kurula muminwa chiabo mana kubamulule. Nikakhaba mbu omundu yesi yesi alenya okhubasalisia, abakobosheri babiri yabo kalabayunjia babeera shaluba munjira yene yiyo.
|
|
\v 6 Abakobosheri babiri yabo bakhabe nende obunyali khu likulu mbu bekalire ifula okhukwa ebise bibaba nibalandia kalia aka Nyasaye yabafunulira bo. Khandi bakhabe nobunyali bwokhukalukhasia amaatsi koosi buli habundu okhuba amatsayi; khandi bakhabe nobunyali bwokhuruma khushialo amakhupo aketsimbia tsiosi. Nabo bakhakhole nibakalushira oluhoono shingana kabachamisia.
|
|
\v 7 Olwa bakhabe nibamalire ukhulandiria abandu obuloli bwokhurula khu Nyasaye, okusolo kulia okurulanga mubwiina bubula obumalirishi, alakhola lihe ninabo. Okusolo yiko kulabahula mana kubeere.
|
|
\v 8 Emilambo chia abaloli babiri yabo chiakhalambiri khumihanda chielitookho likhongo ewa Omwomi wabo yabambirwa, litookho liria eliri omufwano okwa Sodoma nohomba Emisiri shichira abandu babo nabakholi betsimbi okhushira, shingana abandu balia abamenyanga Sodoma nende Emisiri.
|
|
\v 9 Khulwa tsinyanga tsitaru nende inusu balala okhurula mubuli abandu, tsimbia, tsinimi, nende amahanga bakhayenje khu mibiri chiemilambo chiabo. Habutswa shibakheyame omundu yesi yesi okhubayabira tawe.
|
|
\v 10 Olwa abandu abamenya khushialo bakhalole mbu abaloli babiri balia nibafwiire, bakhatsahatsale nibekhoya. Bakharumiranire ebihaanwa shichira abanabi babiri bano bali nibabarereere amakhupache nende eshinyasio.
|
|
\v 11 Habutswa olunyuma olwa tsinyanga tsitaru neinusu, Nyasaye alachira khandi bachache okhuheera nende okhumenya. Balabukha nibasinjira, mana abandu abetsa okhubalola balerundukha.
|
|
\v 12 Abaloli babiri yabo balahulira omwoyo omukali okhurula mwikulu nikuboolanga: "Yitsa yino!" Mana nabo balatsia okhuula mwikulu nibali mwiresi. Abasuku babo balabahenga nibatsia ikulu.
|
|
\v 13 Ebise biene yibo, khwakhabeho nende omurengo kweshialo omukali, akakharuliremwo kali mbu, eshielikhumi shiemiumbakho echia mwitookho chiakhabungulushe, mana abandu tsiyelefu saba bakhafwe. Abandu bandi abakhabe nibatoonyere bakhabe noburii mana bakheyame mbu Nyasaye ourukanga mwikulu ni owokhuhuchisia.
|
|
\p
|
|
\v 14 Mbu shino nishio eshikhole shiakhabiri eshiokhuriisia. Mumanye mbo eshikhole shiakhataru shiokhuriisia shiakhalonde khwo lwangu lwangu.
|
|
\p
|
|
\v 15 Mana malaika wa saba yakhupa itarumbeta. Emioyo okhurula mwikulu nichikhupa obuyoka obutinyu, "Omwami wefu nende Kristo wuwe owa yamalire okhwaula alaruka abandu boosi mushialo, naye Kristo alaruka inziaiyo!"
|
|
\v 16 Mana abakofu amakhumi kabiri nende bane, abekhalanga khubifumbi bioburuchi imberi wa Nyasaye, nibenamia obweni bwabo khwiloba mana nibamwinamira.
|
|
\v 17 Nibaboola mbu: "Omwami Nyasaye, eyuwe neyuwe ourukanga ikulu wa buli shindu! Eyuwe niwe oumenyanga bulano! Eyuwe niwe wulia owakhabetsangaho khasotso! Khukhuupira orio shichira wamalire okhuhula buli shamulala wa yabo abaukha khuywe nende okhukhuyiinga, ne bulano orukanga ikulu wa abandu boosi mushialo.
|
|
\q1
|
|
\v 18 Abandu balia abamahanga abalasubira bakhutiirira liruma elinji. Nikachira nawe noba neliruma ninabo muno. Nawe yuwe omalire okhukhalaka mbu bino nibio ebise ebikhoyeere mbu yuwe oyaasie balia boosi abamalire okhufwa. Nabio ebise bimalire okhuula ebia yuwe okhubahesia emikabwa abarumushi bobo boosi abali abanabii nende abandi abakhusubira nende balia boosi abakhuriitsanga yuwe, ne bano balimwo balia abali abatiiti nende balia abali abakali. Ebise bino nibio ebiokhusasia abandu abasasinjia eshialo."
|
|
\p
|
|
\v 19 Mana Nyasaye niyekula yihekalu yiiye eyomwikulu, mana nendola lisanduku lieindakano. Oluhenu lwali nilubalukhanga: likulu liali niliatulukhanga nilihuuma; eshialo nishitechera, imbubuyeka yamachina niyibaho ikhoongo po.
|
|
\c 12
|
|
\cl Obufimbuli 12
|
|
\p
|
|
\v 1 Mana eshilolero shiamakana shialolekha mwikulu mbu omukhasi owali niyefwalire omwesi nikuli hasi webirenjebie. Khumurwe yali nende olusimbi lwetsing'ning'ini ekhumi natsibiri.
|
|
\v 2 Yali nali ahambi okhwibula omwana ne yalira obutinyu shichira yali nalumungwa.
|
|
\v 3 Eshilolero shialolekha khwikulu. Kwali okuyokha okukhongo okwakhanyu. Kwali nende emirwe saba nende tsinzika ekhumi. Khu buli omurwe khwali nende olusimbi lwoluyali.
|
|
\v 4 Omushira kwakwo nikukhwesa eshitonye shikhataru eshietsing'ining'ini etsia mwikulu nikutsisukuna khushialo. Okuyokha nikusinjira imberi womukhasi wuyo owali nali ahambi okhwibula mbu kho kulie omwana olwa aba niyakhebulwa.
|
|
\v 5 Omukhasi yamala niyebula omwana omusiani, wuyo ouliruka amahanga kosi neindabushi yeshibia, naye omwanawe yakaamwa nayirwa ewa Nyasaye khandi khushifumbishie shioburuchi.
|
|
\v 6 Omukhasi naye niyerukha natsia mushitsimi, ebweneyo ewa yali nende obwikhalo obwa Nyasaye yamukasiria mbu anyale okhumulinda obulayi khulwa tsinyanga 1260.
|
|
\p
|
|
\v 7 Mana lihe libaho mwikulu mbu Mikaeli nabamalaikabe nibaseere okuyokha. Okuyokha nakwo nikubaseera halala nabamalaika bakwo,
|
|
\v 8 Habula shibahula ta kata Nyasaye shi yayeyama obwiyangu bwabo okhutong'a mwikulu tawe.
|
|
\v 9 Nakwo okuyokha okukhongo yiko nikuhangulusibwa hasi, inzokha yiyo eyakhale, niyo eilangwa ibilisi, nohomba Setani, oukaatinjia eshialo shiosi, yangulusibwa hasi khushialo, abamalaika bebe nibasukunwa halala ninaye.
|
|
\v 10 Mana ndahulira omwoyo omukhongo mwikulu nikuboola mbu, Bulano buno obuhonia bwa Nyasaye weefu bulire, khandi obunyali bwe nende obwami bwe, nende oburuchi bwa Kristo wuwe. Okhuba omusitachi wabana befu wasukuunwe hasi, oyo oubasitakanga imberi wa Nyasaye wefu eshiro ne shiteere.
|
|
\q1
|
|
\v 11 Ne bamuhula khulwa amabanga keLikondi, khandi khulwa likhuwa liobuloli elia burumbuule ne shibaheera obulamu, kata okhula okhufwa.
|
|
\q1
|
|
\v 12 Khulwako wikhoye ewe likulu nende nywe abamenyangamwo. Woowe khunywe eshialo nende Inyanza khba Setani yayeshire, yayenjiire mwinywe nali noburima obunji nomanyire shinga indukhoye shinga olwa yili inyimbinjiti.
|
|
\p
|
|
\v 13 Ne olwa okuyokha kwalola shinga olwa kwahangulusibwa khushialo kwamunyasia omukhasi wuyo owali niyeebule omwana omusiani.
|
|
\v 14 Mana omukhasi tsana yaheebwa tsimbaha tsibiri tsie indutsu ikhongo yiyo enyale okhupulukha atsie mushitsimi habundu wuwe ewa ahenderwa eshise, ebise nende inusu yebise; ehale okhurula mukhubaho khweinzokha.
|
|
\v 15 Inzokha yarusia amaatsi mumunwa kwayo shinga omuchera mbu kube omuyembo okwitsa okhunyala okhumuyuula omukhasi neikhula yayo.
|
|
\v 16 Halali eshialo shiakhonya omukhasi. Eshialo nishiasama omunwa kwashio ne nishimira omwalo kwokuyokha kwarusia mumunwa kwakwo.
|
|
\v 17 Mana nakwo okuyokha nikusinyikha nikutsia okhukhola line nende olwibulo lwomukhasi, balia abalondanga amalako ka Nyasaye, nibahanda khubuloli bwa Kristo.
|
|
\v 18 Mana okuyokha nikusinjira khuluyeshe khulukuku lweyinzanya.
|
|
\c 13
|
|
\cl Obufimbuli 13
|
|
\p
|
|
\v 1 Mana nendola isolo niyirula munyanza, niyiri nende tsinzika ekhumi nemirwe saba, ne khu tsinzika khalikwo nende tsisimbi ekhumi ebimwata ekhumi, ne khu buli omurwe lialikhwo eliira lilinyeko.
|
|
\v 2 Nayo isolo yindalola yafwanana shinga ingwe, habula ebirenje biayo biafwana shinga ebieitubu, omunwa nakwo nikwingana okweitalanyi, okuyokha nikuchiheeresia amaani kakwo, eshifumbi shioburuchi, nende obunyali obunji bwokhuruka.
|
|
\v 3 Omurwe mulala okweisolo kwalolekha shinga ouli nende olukuma olwokwiira, nikufwana shinga, habutswa olukuma lwokhufwa lwali nilwahona. Ne eshialo shiosi shiali nishihukanga kata nishiali nishilondaga khu isolo tsana.
|
|
\v 4 Boosi khandi benamira okuyokha, shichira kwali nikuheesiye isolo obunyali bwakwo. Khandi boosi nibenamira isolo, nibaboola mbu, Ali heena owingaanga isolo eyo kata ali heena owakhanyala okhuchiseera.
|
|
\v 5 Mana isolo yaheebwa obwiyango okhuboola nomunwa kwayo amakhuwa akeinjinia nende amanyeko. Niyihebwa obwiyangu obwokhukhla oburuchi khumiesi amakhumi kane nachibiri.
|
|
\v 6 Kho isolo niyikula omunwa niyiboola amanyeko khu Nyasaye, niyifukula eliira lirie nende lihema lirie liokhwakaniramwo kata nende yabo abamenyanga Mwikulu.
|
|
\v 7 Khandi isolo niyiyamirwa okhuseera lihe nende abatakatifu ba Nyasaye mana abahule. Khandi nahebwa obunyali khu buli oluyia nende buli abandu, olulimi nende lihanga.
|
|
\v 8 Nabo boosi abamenya mushialo balachiinamira, buli mundu owa eliira lie shiliahandikwa Mushitabu shia Obulamu eshia Likondi eliali okhusinzwa okhurula khumuse kweshialo ta.
|
|
\v 9 Omundu yesi nali neshirwi, leshe ahulire.
|
|
\v 10 Mbu yesi naba niyenya okhuyirwa mumbohe, alayirwa mumbohe. Nikakhaba mbu omundu akhoya okhwiirwa nolukanga, aleerwa nolukanga. Kuno nomulango khu balia abefwiiranga abalumirira nende obusubiri obwa abandu abatsienukhu ba Nyasaye.
|
|
\p
|
|
\v 11 Olunyuma nendola isolo yindi khandi niyirula mwiloba khushialo. nayo yali netsinzika tsibiri shinga likondi, ne yaboola shinga okhuyokha.
|
|
\v 12 Nayo niyiba nende obunyali shingana obweisolo yamberi mukhubaho khwayo, mana niyikhola eshialo nende abamenyamwo okhwinamira isolo yokhuranga; eya olukuma lwayo lwokhufwa lwali nilwahona.
|
|
\v 13 Nayo niyikhola ebilolero ebikhongo, kata okhuula khukhwishia omuliro khushialo okhurula mwikulu imberi wabandu.
|
|
\v 14 Niyibakatia abamenya mushialo khulwa ebilolero ebia yeyamirwa okhukhola imberi weisolo niyiboolera abamenyanga mushialo bakasie eshifwanaani sheisolo; eyaremwa nolukanga nebutswa yishiri nobulamu.
|
|
\v 15 Khandi niyiyamirwa okhushiheeresia obulamu eshifwanani shieisolo yisho, mbu eshifwanani shieisolo shiboole, khandi shichire yabo abaleenamira eshifwanani yisho ta, babe ni beerwa.
|
|
\v 16 Khandi nabayunjia abandu butswa, abobunyali, abayinda, nende abatakha, abalekhuule, nende abasumba, banyoole imbala khu omukhono omulunji nohomba khubweni.
|
|
\v 17 Khandi mbu omundu yesi shaleyamirwa okhukula kata okhukusia ta nalali nende imbala yeisolo, mbu, ne yinamba eyisinjirira eliira.
|
|
\v 18 Hano niho ahobuchesi bwenyekha, ouli nobumanyirisi, leshe abasie isabu yeisolo. Isabu yeene yisinjirira eliira liomundu. Inamba yene ni yiri 666.
|
|
\c 14
|
|
\cl Obufimbuli 14
|
|
\p
|
|
\v 1 Ndahenga mana nendola Likondi nasinjire khushikulu shia Sayuni mu Yerusalemu. Halala nende abandu 144,000. Aba eliira Lirie nende eliia Samwana liali niliahandikwa khubweni bwaabo.
|
|
\v 2 Neulira obuyoka okhurula okhurula mwikulu, obuyoka bwali obukhongo shinga okhukwa khwa amaatsi amanji nohomba okhwatulukha khwelikulu okhukhoongo. Bwahulirikhana shinga abandu abanji nibakhupanga amatungu.
|
|
\v 3 Nabo bali nibembanga olwimbo oluyiiya olwa bali nibashisiinjire imberi weshifumbu shioburuchi, imberi webilonje bine ebili mwoyo, nende khandi imberi wabakofu. Abulaho kata mulala owakheechere olwimbo yilo okhuyiniakhwo balia 144,000 aba omwana weLikondi yali ni yakula okhurula khushialo.
|
|
\v 4 Bano nibo balia abaleelasia nabakhasi tawe, beelinda okhurula mubwiilasi tawe. Nibo abalondanga omwana weLikondi buli habundu watsia. Bano nibo balia aba omwana weLikondi yali niyanunula mubandu shingana ebiamo biamberi khulwa Nyasaye nende omwana we Likondi.
|
|
\v 5 Bubulaho obubeyi obwanyoolekhana muminwa chiabo; babula eshikha.
|
|
\p
|
|
\v 6 Mana nendola malaika wundi napulukhanga hakarikari weshialo nende likulu. Yali nareranga amakhuwa amalayi ekeinziayo aka Nyasaye khushialo mbu akalandirie khu bandu abamenya khushialo; buli lihanga, oluyia, olulimi, nende abandu.
|
|
\v 7 Nalanga nende omwoyo omukali naboola "Mumurie Nyasaye, nimumuheresia oluyali. Shichira bino nibio ebise bibie biokhuyaasia buli shia mulala! Mumwinamire ye, owalonga likulu, eshialo, inyanza nende tsisebere tsia amaatsi."
|
|
\v 8 Malaika wundi-owakhabiri niyeetsa olunyuma lwe, naboolanga, "Litookho liene liibi muno Babiloni bulano buno liamalire okhwononibwa elala! Babiloni yikhongo yiria, eyakatirisia abandu boosi abebialo okhunywa ninaye idivayi yobuyii bwomubiri.
|
|
\v 9 Malaika wundi, owakhataru yabalondakhwo, naboolanga nomwoyo omukhongo, Nikali omundu yesi alenamira isolo nende eshifwanani shiishie khandi yeyame okhureebwa imbala khubweni bubwe nohomba khumukhono kwe omusatsa,
|
|
\v 10 Alanywa khandi idivayi yeliruma lia Nyasaye, idivayi yitsushirwe mushikombe shie shieliruma yishiri okutsula ta. Omundu wulia owitsa okhuchinywa alanyaasibwa nende omuliro nende eshiribiti imberi ewa malaika ba Nyasaye nende Likondi.
|
|
\v 11 Omwosi okhurula mukhusandibwa khwabo kutsitsanga ikulu inziayo nende inziayo, ne babula obuhulushi eshiteere nende eshiro; abenamiri beisolo nende eshifwanani bano, kata balia boosi abanyoola imbala yeliira lie.
|
|
\v 12 Omulango ngwokuno khu abefwiiri abulumirifu abandu abatsienukhu ba Nyasaye, balia abalindanga amalako ka Nyasaye nende obusubiri bwabo mu Yesu.
|
|
\v 13 Mana neulira omwoyo okhurula mwikulu nikuboolanga mbu, Handika kano: Nabeikhabi abafu bafwiira mumwami. Eee, nilwa Omwoyo aboola, Mbu babe abahuluukha okhurula khu mirimo chiabo, okhuba ebikhole biabo biakhabalonde khwo.
|
|
\p
|
|
\v 14 Khandi ndahenga, mana lialiho liresi lilafu. Owali niyeekhalekhwo yali shingana Omwana wOmundu. Yali nende olusimbi lweitsahabu khumurwe kukwe nende olukhaayiro olumemu mumukhono kukwe.
|
|
\v 15 Mana Malaika wundi narula muhekalu mana nalanga nende omwoyo omukali khu wulia owali niyeekhale khwiresi: Bukula olukhaayiro lulwo ochache okhuchesa. Shichira ebise biokhuchesa biakhoola, okhuba lichesa liokhusialo liulire.
|
|
\v 16 Mana owali niyeekhale khwiresi nahuutsa olukhaayiro khushialo, nashio eshialo nishicheswa.
|
|
\v 17 Malaika wundi niyeetsa ukhurula muhekalu mwikulu. Yesi khandi yali nende olukhaayiro olumemu.
|
|
\v 18 Malaika wundi khandi yarula khubwaali obwa obubane. Niye omwene wuyo ousundanga omuliro khubwaali. Nalaanga nomwoyo omukhongo wulia owali natirire olukhaayiro olumemu, "Nende olukhaayiro lwo khuung'asi ebisaka okhurula khu ebiemitsabibu echia mushialo! Shichira ebiamo biachio biakhomeere!"
|
|
\v 19 Malaika nahutsa olukhaayiro khusialo nachesa emitsabibu chiokhushialo. Nasukuna emitsabibu mushitiinyiro shiliruma likhongo lia Nyasaye.
|
|
\v 20 Eshitiinyiro shiasenachirwa erwanyi welitookho, mana amatsaayi nikasundukha erwanyi, nikatsia obwiyinikhu buula khumunwa kweifarasi, nikatsia tsimaili 1,600.
|
|
\c 15
|
|
\cl Obufimbuli 15
|
|
\p
|
|
\v 1 Mana esie nendola eshilolero shindi mwikulu, eshikali khandi eshiokhuhuchisia: baliho abamalaika saba nibali nende amakhupo saba akali niko amakhupo akokhumalirikha, okhuba muko liruma lia Nyasaye lilaweeramwo.
|
|
\p
|
|
\v 2 Esie ndalola eshindu shialolekha shinga inyanza ye shiho eshia tsokasibwa nende omuliro. Nesinjire khundulo khweinyanza ewa balia abali nibahulire okusolo nende eshifwanani shiayo nende inamba eyisinjirira eliira lie. Bali nibatiirire obukhana obwa bahesibwa nende Nyasaye.
|
|
\v 3 Bali nibembanga olwimbo lwa Musa, olwa abasumba ba Nyasaye, nende olwimbo olwa omwana weLikondi: Ebikhole ebia okhoolangago nebikhoongo khandi ebiokhuhuchisia, Omwami Nyasaye, Owobunyali bwoosi. Omubulunjishi nende owobwatooto nitsio tsinjira tsio, Omuruchi owamahanga.
|
|
\q1
|
|
\v 4 Ni wiina owuletsa okhukhuria yuwe, Omwami, mana baheresie oluyali eliira lio? Okhuba eyuwe Eyuwe wenyene niwe omutsienukhu. Amahanga koosi kaletsa mana kenamire imberi wuwo khulwa ebikhole bibio biobulunjishi bamalire okhwubuulwa.
|
|
\p
|
|
\v 5 Olunyuma olwa ebindu bino ndalola, mana yihekalu nende lihema liokhwakaniramwo okhwa abaloli biekulwa mwikulu.
|
|
\v 6 Malaika saba barula muhekalu nibatiirire amakhupo saba. Bali nibefwalire ikitani inzerereshe eyimweekhanga nibali nende emishipi chieyitsahabu khubirifu biabo.
|
|
\v 7 Mulala khu ebilonje ebimenyanga bilia yahesia malaika saba yabo tsibakuuli saba tsieyitsahabu etsitsuulemwo liruma liruma lia Nyasaye, oumenyanga inziayo.
|
|
\v 8 Yihekalu niyitsulwamwo omwosi okurula khuluyali lwa Nyasaye khandi okhurula mubunyali bubwe. Abulaho yesi owakhanyalire okhwinjira mwo ta okhuula olwa amakhupo saba aka malaika saba kali nikaweere.
|
|
\c 16
|
|
\cl Obufimbuli 16
|
|
\p
|
|
\v 1 Ndahulira omwoyo nikulanganga okhurula muhekalu namuboolera abamalaika saba balia, Tsie mana musundule tsibakuuli saba tsiriruma lia Nyasaye khushialo.
|
|
\v 2 Kho malaika wamberi natsia nasundula ibakuuli yiiye khushialo; obunji nende amabure akobutsuune obunji obwetsa khubandu bali nende imbala yokusolo, kata abenamira eshifwanani.
|
|
\v 3 Mana malaika wakhabiri nasundula ibakuuli yiiye khunyanza. Amaatsi kakalukhana okhuba amatsaayi, shingana amatsaayi akomundu wufwiire, mana buli shindu shiali munyanza nishifwa.
|
|
\v 4 Malaika wakhataru nasundula ebiali mubakkuli ye mumialo nende tsisebere etsia amatsi, mana amaatsi nikakalukhana okhuba amatsaayi.
|
|
\v 5 Ndahulira malaika owamatsi naboola mbu, Eyuwe niwe obulunjishi; wulia owuli, khandi owali, Omutsienukhu Mulala; shichira yuwe omalire okhuyaasia ebindu bino.
|
|
\v 6 Shichira bo basundula amatsaayi aka abandu ba Nyasaye nende abanabii, wubahere amatsaayi mbu benywe; niko aka bali nibakhuyeere.
|
|
\v 7 Neulira omundu wundi habwaali nareeba, "Eee, Omwami Nyasaye Owobunyali, obuyaasi bubwo nobwatooto khandi obulunjishi.
|
|
\v 8 Malaika owa khane nasundula ibaakuli yiiye khuliuba, mana Nilihebwa obwiiyangu obwokhusamba abandu nende omuliro.
|
|
\v 9 Kho abandu nibasambwa obubi bwene nende olumemu olubi po, nabo nibanyeka eliira lia Nyasaye, ouli nende obunyali khumakhupo kano. Shibeekanira tawe kata okhumuheresia oluyali.
|
|
\p
|
|
\v 10 Malaika owakharano nasundula ibakuuli yiiye khushifumbi shiokusolo, mana eshirima nishifiimba obwami bwako. Nibanyanya tsinimi tsiabo khulwa obutsuune.
|
|
\v 11 Nabo nibanyeka Nyasaye womwikulu khulwa obutsuune nende amabure, kata khandi baloba okhwinamira ebikhole biabo.
|
|
\v 12 Malaika owakhasasaba nasundula ibakuuli ye khumuchera omukhongo, Eufurata. Amatsi kali mumwalo yiko nikakhama nikuuma mbu kukasie injira khulwa abaruchi abokhurula ebukwe.
|
|
\v 13 Esie nendola tsiroho tsitaru etsiashibwabi etsiali nitsifwana shinga amashere nitsirulanga muminwa chiokuyokha, okusolo, nende abanabii abobubeeyi.
|
|
\v 14 Okhuba netsiroho etsia amatimoni etsikholanga ebilolero biokhuhuchia. Nabo bali nibatsiitsanga khubaruchi abeshialo shioosi mbu babe nibabakhungasia halala khulwa line likhongo khunyanga eya Nyasaye Owobunyali.
|
|
\v 15 Lola! Nditsanga shingana omwiifi! Noweikhabi wulia outsiiririra okhuba meeso, niyefwala tsingubo tsitsie mbu shalachendana nali eshihechenye tawe mbu alafimbibwa omurwe mubandu ta.
|
|
\v 16 Mana nibabareera halala habundu halangwa mbu Armageddoni muluHeburania.
|
|
\p
|
|
\v 17 Malaika owa saba nasundula ebiali mubakuuli ye mumuuya; mana omwoyo omukali nikurula muhekalu nende mushifumbi shioburuchi, nikhoboola, Kamalire okhwikholekha!
|
|
\v 18 Nikhubaho nende tsimbenu nitsibalukhanga, emikukukuma, nende emirengo chia shialo chia amarisia; omurengo kweshialo omukhongo mbu kubulaho okwakhabaho okhurula omundu naba khushialo, omurengo emioyoyo, nende likulu okhwatulukha, tsimbenu, nende omurengo kweshialo okhukhoongo okhushiri okhubaho okhurula abandu nibabaho khushialo, omurengo kwali omukali po.
|
|
\v 19 Litookho likhoongo liakabukhanamwo khataru, khandi amatookho aka amahanga kabungulukha. Mana Nyasaye niyetsulira Babiloni yikhoongo, mana naheresia litookho yiro eshikombe shieyidivayi eyikaasibwe okhurula mwiruma lirie.
|
|
\v 20 Buli eshikhalachiinga shikhamulukha, mana nabio ebikulu shibialolekhana tawe.
|
|
\v 21 Mana ifula eyamachina, akobusiro bulayera italanda ndala, yetsa niyikwa hasi okhurula mwikulu khubandu. Nibanyeka Nyasaye Khulwa amakhupo amachina welikulu shichira amakhupo kali akokhurisia.
|
|
\c 17
|
|
\cl Obufimbuli 17
|
|
\p
|
|
\v 1 Malaika mulala khu balia saba owali natiirire tsibakuuli saba yetsa naboola inasi, Yitsa, nasi ndalakhumanyia yuwe omuyaasi obwa omutaamba omukali owiikhaale khu amaatsi amanji.
|
|
\v 2 Owabaruchi beshialo bakhola ninaye obuheyi, nende idivayi eyobuheyi abamenanyani biomushialo bameerera.
|
|
\p
|
|
\v 3 Mana malaika niyanjinga niyayira muroho mushitsiimi, mana nendola omukhasi niyekhale khusolo inzakhanyu eyali niyirikhwo ameera kamanyeko. Isolo eyo yali nende emirwe saba netsinzika ekhumi.
|
|
\v 4 Omukhasi wuyo yali nafwalire tsingubo tsieyisambarau nende tsinzakhanyu mana nasiiyirwe nende yitsahabu, amachina akobukusi, nende tsilulu. Ne yali natiirire eshikombe shieyitsahabu nishiitsule ebindu biobubii nende eshifwabi shiobwilasi.
|
|
\v 5 Khubweni bubwe bahandikakhwo elira lielibiso; "BABELI OMUKHONGO, MAMA WABATAAMBA NENDE EBINDU BIEBISINYO MUSHIALO".
|
|
\v 6 Nendola mbu omukhasi wuyo yali namerire amatsaayi aka abandu abatakatifu ba Nyasaye nende amatsaayi akabalia abeerwra muYesu. Olwa ndamulola, nderudukha okhushira.
|
|
\p
|
|
\v 7 Habutswa malaika niyamboolera, Shichira shiina ohukanga? Ndalakhwibaalira libiso elia omukhasi wuyo nende isolo imuchiingire, Isolo eyo eyemirwe saba nende etsinzika ekhumi.
|
|
\v 8 Isolo yiwaalutsi yalinjiho, ne shiyimenyanga bulano tawe, ne yiri ahambi okhurula mubwiina obubul obumalirishi. Mana yilatsa mukhusasibwa. Balia abamenyanga khushialo, balia aba ameera kaabo shikaali nikalahandikwa mushiTabo shia Obulamu okhurula khumise chieshialo; bakheruundushe olwa ba lola okusolo, shichira olundi yaliho, khandi bulano shaliho ta, khandi yaakhetse.
|
|
\v 9 Kano keenya obupaari obwenya amachesi. Emirwe saba nebikulu saba ebiomukhasi wuyo yekhekhaalekhwo.
|
|
\v 10 Baliho khandi nabaruchi saba. Abaruchi barano bamalire okhukwa, mulala ashimenyaga, naye oundi ashiri okhwitsa, okhuula alashiinda khushise eshiribiti.
|
|
\v 11 Isolo yaliho ne bulano shiyiriho ta, niye omuruchi owomunaane. Ni mulala khu balia saba naye achoomere mukhwononokha khukhwe.
|
|
\v 12 12 Tsinzika ekhumi tsiawaluutsi yitso ne abaruchi ekhumi abashiri okhunyoola obwami ta, halali bakhanyoole obunyali shinga abaruchi khwisaa elala nende isolo yiyo.
|
|
\v 13 Bano bali namapaaro malala, ne bahananga amaani nende obunyali bwabo khu isolo yiyo.
|
|
\v 14 Bakhakhupane liihe nende omawna weLikondi. Habutswa omwana weLikondi alabahula shichira ye niye Omwami owa abaami; Omuruchi owa abaruchi' ne nabo abali ninaye balangungwa, abahule, khandi abasubirwa bene.
|
|
\v 15 Malaika niyambiira, amaatsi aka olutsi, ewa omutaamba yekhaale, nabaandu, emikanda, amahanga nende etsinimi.
|
|
\v 16 Tsinzika ekhumi tsia waalutsi, tsio nende isolo biakhamusire omutaamba wuyo. Bakhamukhole okhuba omulekhwa khandi eshiekenye, bakhalie omubiri kukwe, mana bamusaame nomuliro.
|
|
\v 17 Shichira Nyasaye yara mumioyo chiabo aketsiyemi tsitsie okhukhola akayenyanga, okhuhana amaani kabo akokhuruka khukusolo okhuula olwa likhuwa lia Nyasaye liuula.
|
|
\v 18 Omukhasi owawalola wuyo, nelitookho likhongo elili nende amaani akokhuruka ikulu waabaruchi beshialo.
|
|
\c 18
|
|
\cl Obufimbuli 18
|
|
\p
|
|
\v 1 Olunyuma olwa ebindu bino ndalola malaika wundi niyeekhanga okhurula mwikulu. Yali nende obunyali obukhongo, ne naye yakhanga muluyali lulwe.
|
|
\v 2 Nayiiba nomwoyo omukhongo, naboola, Yiikwire, eyikwiire ni BBiloni yikhoongo! Amalire okhuba eshimenyo eshia amatimoni, imbohe ewa buli linyonyi lieshifwabi nende tsisolo etsiokusinyo.
|
|
\v 3 Owa abandu boosi bamahanga beyinjisia mubwilasi ninaye, obufwana shinga obunywi obunji bwe idivai, mbu kata abaruchi beshialo bakhola ebindu bilala ninaye. Abakholi bobukhala beshialo nibaba abayinda shichira yenya mbu akhole obwilasi nobuheyi ".
|
|
\p
|
|
\v 4 Neulira Yesu naboola mwikulu, yaboola, abandu banje, mwirushe okhurula muBabeli, mbu mubule okhwonona shinga abandu abo bakhola etsimbi nimuba nimwonona shinga olwa bakholanga ndalabaheresia eshinyasio mutsinjira saba tsiabukhane, shinga butswa ndalabahesia eshinyasio.
|
|
\v 5 Kafwana shingana ebionono biabwe biabunjikhwa halala okhuula mwikulu ne khandi Nyasaye atsitsuliranga khulwa eshio alabaheresia eshinyasio,
|
|
\p
|
|
\v 6 Khu malaika waNyasaye khulwa okhuheresia Babeli eshinyasio, Yesu naboola, orunje abandu belitokho khushichero mbu bahumisa abandu bandi. Bakhole banyakhane olwakhabiri shinga olwa bakhola abandu bandi okhunyakhana.
|
|
\v 7 Mushikha shilala mbu Babeli, shinga omukhasi yaheresia oluyali omwene, nakhola amakhuwa komwene yenya okhukhola, mushikha yishio munyasie mukhole abe oeshibeera. Khola endio shichira mumapaaro keyapaara erukanga shinga omukhaye womuruchi, shendi omulekhwa, khandi shendilola eshibeera ta.
|
|
\v 8 Kho khunyanga ndala, amabii okhushira kalamwitsira, abandu mwitokho omo balafwa, abandi balaberera khulwabo, abandi balaba inzala shichira eshiokhulia shinashibeho ta, ne litokho lilayia, Omwami Nyasaye alinobunyali bwokhumuhesia eshinyasio shichira owokhunyala biosi.
|
|
\p
|
|
\v 9 Abaruchi khushialo abakholanga obuheyi ninaye mana khandi yakhola butswa akabali bachomeshe okhukhola ninaye, balekhuule nibaberera khulwa ye olwa balola omwosi kwomuliro okulaakhayo.
|
|
\v 10 Balasinjira ehale nende Babeli shichira balaba abarii mbu balanyakhana butswa shinga olwa akholanga, balaboola nobutinyu burie khubabeli litokho liria liamaani! Nyasaye amuheresinjia eshinyasio metsukhana khandi bwangu!"
|
|
\v 11 Abakholi bobukhala beshialo balalira nibeekhuula khulwa ye shichira abulaho kata mulala muye yakhanyale okhukula ebindu bie.
|
|
\v 12 Bakusinjia ebindu biakasibwa neitsahabu, ifedha, amachina kobukusi nende etsilulu. Bakusnjia tsingubo tsiekitani indorondoro ne tsingubo tsie
|
|
\v 13 zambarau, netsiranzayi, tsimbao tsiosi tsieshiuya nebindu biosi bia meeno ketsinzofu, nebibaho biobukususi obutinjyu nebie mikasa nebieshiba nebiemarimari.
|
|
\v 14 Ebindu ebilayi ebia abandu mwenyanga biamala khurulaho, emikhoyo chienyu nende obuunji bwobuyinda bwawaho, nebilabula inziayo.
|
|
\v 15 Abakholi bobukhala bakusia ebindu bino khandi bekhola abayinda, bakhasinjire ehale shichira baliba abarii mbu balanyakhana butswa khandi shinga olwa litokho lianyakhana. Balalira nibekhuula,
|
|
\v 16 Mana balaboola, "amakhuwa amatinyu kekholeshera litookho elio elikhongo! litokho elio liali shinga omukhasdi niyefwalire tsingubo tsieizambarau indorondoro eybukusi bweikulu, netsilulu netsiranzai, niyesiaha, ebieitsahabu, netsinyuma tsiobukusi obutinyu netsilulu.
|
|
\v 17 Nebutswa metsukhana khandi mubwangu, Nyasaye yasasia ebindu bino biosi biobukusi obutinyu. Buli mukhulundu weliaro, abandu bosiabachenderanga muliaro nende yabo bosi abanyoolanga inganga khunyanza balasinjira ehale okhurula mwitokho.
|
|
\v 18 Olwa balola omwosi kwomuliro okwakhangaho, balayiiba, libulaholitokho liali shimga litokho likhongo elio.
|
|
\v 19 Balasukuna amakoshe khumirwe okumanyisia mbu bali neshibeera mana balayiiba, okhulira nende okhwikhula. Balaboola mbu amakhuwa amatinyu kekholeshe Babeli. Litokho elio liakhola abandu abanji abayiinda abandu bali nende amaaro akerukhanga khunyanza mbu khobanyale okhukusia ebindu biabo biobukusi obutinyu. Nyasaye metsukhana ana khandi mulwangu yasasia litokho elio.
|
|
\p
|
|
\v 20 Mana omundu naboola okhurula mwikulu, naboolanga mbu, enywe abamenyanga mwikulu, sangaalakhuyako akekholeshera Babeli enywe abali abandu baNyasaye, halala nende enywe abarume nende abanabii sangaale, mikhuyere okhusaangala, Nyasaye khulwa habwene yabaheresia abandu eshinyasio ebwene iyo shichira babakholera obubii muno!
|
|
\p
|
|
\v 21 Mana malaika omukhongo nabukulas lichina likali shinga lichina liokhusia imere, mana nalisukuna munyanza. Mana naboola mbu inywe abandu abali mwitokho elio likhongo Babeli, Nyasaye alasukuna hasi litokho elio mbu maana, libuleho butswa shinga olwa lichina liabulahomunyanza! litokho lilaba nilitsiririre elala.
|
|
\v 22 Mulitokho elio, mbu shinakhubekhwo khandi nende omundu yesiyesi okhupa amatungu nabukhana nende itarumbeta, Shikhwakhabekhoho nende abandu khandi abasietsanga iera mutsinjina ta.
|
|
\v 23 Ibulaho itaha ilaakha ebwenyiyo, shikhulibakhwo khandi nende emioyo chiobusangafu bwomwami weshiserero nende omweha we, Nyasaye alasasia litokho elio shichira abakholi bobukhala nibo abali beinganga muno mushialo, warumushira obulosi okhukatia abandu bosi bamahanga.
|
|
\v 24 Khandi obalishiranga khukhusira abanabii nende abandu bandi abaNyasaye, obwatoto obasiribwa nohomba okhalachirwa eshiina khu buli bwiri bwakholwa khushialo!"
|
|
\c 19
|
|
\cl Obufimbuli 19
|
|
\p
|
|
\v 1 Olunyuma lwamakhuwa yako ndaulira obuyoka obwa abandu abaanji mwikulu nibalanganga, "halleluyah! Obuhonia, oluyalinende obunyali nibiaNyasaye.
|
|
\q1
|
|
\v 2 Okhuba obukhalachibwe nobwatoto, okhubera mbu amukhalachire omutamba oyo omukhongo owononia eshialo shiosi khulwa obutambabwe. Khandi wamalire eshikwoli shiamatsai khubasumba be okhurula mumikhonochie."
|
|
\m
|
|
\v 3 Olwakhabiri baboola, "halleluyah! omwosi kurulanga khuye inziayo neinziayo".
|
|
\q1
|
|
\v 4 Abakofu amakhumi kabiri nende banne khandi ebilonje bilimwoyo binne bamwinamira nokhumwitsomia Nysasye owikhalanga khushisala shioburuchi. Nibaboolanga mbu "Amina. halleluyah!"
|
|
\m
|
|
\v 5 Kho omwoyo nikurula khushisala shioburuchi, nikuboola, "Mumwitsomie Nyasaye wefu, enywe abarumishi bebe boosi, enywe abamwitsiranga, enywe ababula obukhala nimuli nobunyali".
|
|
\m
|
|
\v 6 Kho neulira omwoyo shinga amayosi komukanda omukhongo kwa abandu, shinga okhuhola khwa amatsi amaanji, khandi shinga omukurumo kwolweni kuboola, "Halleluyah! Omwami ni Nyasaye wefwe, omuruchi khuboosi abarukanga.
|
|
\q1
|
|
\v 7 Khwikhoye nikhutsatsala nikhusangala nikhumuhesia oluyali! shichira eshiserero shielikondi shiulire, khandi omusatsa weshiserero amwirecheshere.
|
|
\q1
|
|
\v 8 Afuchirirwe okhufwala ikitani indorondoro indafu "{ ikitani indorondoro niyo ebikhole ebiinji biabatsienukhu}.
|
|
\p
|
|
\v 9 Omumalaika naboola ninasi, "Haandika kano; Nibeikhabi abenjisibwa mushiserero shielikondi." Khandi endio niyamboolera, "Kano namakhuwa kobwatoto kaNyasaye"
|
|
\v 10 Ndenama mubirenje bibie mbu emwitsomie, halali niyamboolera," alakhola endio tawe! siesi endi omurumishi shinga enywe khandi omwana wenyu outiriranga obuloli bwa Yesu. Mwinamire Nyasaye, khulwokhubera obuloli bwa Yesu ni omwoyo omutsienukhu kwobulakusi."
|
|
\p
|
|
\v 11 Mana nendola likulu niliikushe, lola okubera neifarasi indafu newulia owali namuninie alangungwa mbu omusubirwa khandi owobwatoto. Nomulunjishi mubuyaasi khandi mwihe.
|
|
\v 12 Tsimoni tsie nishinga olumemu lwomuliro, ne khumurwe kwe ali neshibalikho. Ali neliira liahandikwakhwo liomundu yesi yesi alamanyire tawe halali ye mwene.
|
|
\v 13 Afwalire ingubo eyenikhwa mumatsai, ne elira lie alangwa likhuwa liaNyasaye.
|
|
\v 14 Amahe yako akaliho mwikulu kamulondakhwo nikali khutsifarasi tsindafu nibafwalire tsikidani tsindayi, tsindafu mana tsindorondoro.
|
|
\v 15 Khuli nolukanga olumemu okhurula mumunwakwe, olumalanga abeshialo, kho olukanga neshiboko shieshichuma. Mana asenanga ebindu biamalwa khuliruma liaNyasaye, arukanga boosi.
|
|
\v 16 Mana yahandikwa khunguboye nende khwirangalie mbu, OMURUCHI WA BARUCHI khandi OMWAMI WABAAMI.
|
|
\p
|
|
\v 17 Nendola omumalaika nasinjiire khuliuba. Nalanga khumoyo omukhongo amanyonyi koosi akarukanga ikulu "itse, mwibunjeresie halala khushiokhulia eshikhhongo shiaNyasaye.
|
|
\v 18 Itsa mulie inyama yabaruchi, inyama yabemirisi, inyama yabandu abakhongo, inyama yetsifarasi nende inyama yabaandu boosi abali abalakhule nende ababohe abalali nobukhala nende abetsingu".
|
|
\v 19 Ndalola isolo nende omuruchi weshialo halala nende amajeshi kabo. Bali niberecheshe khulwokhupana nende mulala owali khufarasi nelijeshilie.
|
|
\v 20 Isolo eyo nitiirwa halala nende omulakusi wayo wobubeyi owakhola amalolesio khubunyalibwe. Khumalolesio yako yakaatia balia abanyoola eshimanyro shie Isolo nende okhunamira eshifwanani shie. Ne boosi babiri basukunwa nibali mwoyo munyanza yomuliro eyakhanga neshibiriti.
|
|
\v 21 Mana abatong'a beerwa khulukanga lwarula mumunwa kwaulia owaniina khufarasi amanyonyi nikalia inyama yemibiri chiabo.
|
|
\c 20
|
|
\cl Obufimbuli 20
|
|
\p
|
|
\v 1 Mana nendola niyeekhanga okhurula mwikulu, nali nende olufungwo olwa obwiina bubula hasi wabwo nende omunyololo mumukhono kwe.
|
|
\v 2 Natiira inzokha, inzokha yikhulu yilia, eyili mbu Shetani mwene, man namuboya khulwa emiyiika 1000 ndala,
|
|
\v 3 Namusukuna mubwiina bubula hasi wabwo, namwikaliramwo, mana narakhwo omuhuri, mbu shialakatia amahanga khandi tawe, okhuula olwa emiyika 1000 chiba nichiweere: olunyuma lwene alekulirwa khulwa ebise ebitiiti.
|
|
\p
|
|
\v 4 Mana nendola ebifumbi bioburuchi, nabo bali nibeekhale khwo, khandi bali nibaherwe nobunyali bwobuyaasi: mana nendola emioyo chia balia abali nibaremwa emirwe khulwa obuloli bwa Yesu nende likhuwa lia Nyasaye, khandi shibali nibenamira okusolo kulia kata eshifwanani shiako tawe, kata shibali nibarebwa khwo imbala yiiye khubweni, kata khumikhono tawe; mana nabo bamenya nibaruka khulwa emiyika 1000.
|
|
\v 5 Habutswa abali nibafwa bandi shibamenya khandi tawe okhuula olwa emiyika 1000 chiali nichiweere. Buno nibwo obusimukushi bwokhuranga.
|
|
\v 6 Noweikhabi khandi omutakatifu yesi wulia ouba mubusimukushi bwokhuranga: khubene bano olufuu lwakhabiri lubula khwo obunyali, habutswa balaba abakuhani ba Nyasaye nende Kristo, mana balaruka emiyika 1000.
|
|
\p
|
|
\v 7 Mana olwa emiyika 1000 chiakhabe nichiweere, shetani yakhabololwe okhurula mumbohe.
|
|
\v 8 naye yakhatsie erwanyi okhukaatia amahanga akali mutsimbeka tsine etsieshialo, Gog nende Magog, okhubareera halala khulwa lihe: aba obunji bwabo buli shinga oluyeshe lwomunyanza.
|
|
\v 9 Mana nibarula nibatswana khusialo, nibabotokhana abatakatifu, nende litookho liaheerwa: Mana omuliro nikurula ewa Nyasaye mwikulu, nukubamalirana.
|
|
\v 10 Mana shetani wali nabakatiye nasukunwa munyanza yomuliro nende eshiribiti, ewa okusolo nende abanabii abobubeyi bali, nabo balasandibungwa eshiteere nende eshiro inziaiyo.
|
|
\p
|
|
\v 11 Mana nendola eshifumbi eshikhongo eshilafu shioburuchi, nende wulia owali niyeekhale khwo, owa imbeir wuwe eshialo nende likulu bierukhanga; ne nabulaho habundu khulwa bio.
|
|
\v 12 Khandi nendola abali nibafwa, abatiiti nende abakhongo, nibasinjiire imberi wa Nyasaye; nabio ebitabo nibifimbulwa; nashio eshitabo shindi nishifimbulwa, nashio nishio Eshitabu Ehiobulamu; nabo abali abafu bayaasibwa khubindu bilia ebiali nibiahandikwa mubitabu, okhulondana nende ebikhole chiabo.
|
|
\v 13 Mana inyanza niyirusia abafu abali nibali muyo; lifwa nende emakombe nibebala abafu ablia mu bio; nabo nibayaasibwa buli shiomundu okhulondana nende emirimo shiabo.
|
|
\v 14 Mana olufuu nende emakoombe nibisukunwa munyanza yomuliro. Luno nilwo olufuu lwa khabiri.
|
|
\v 15 Naye yesi yesi oweliira lilrie shilianyoolekha Mushitabu Shibulamu tawe yasukunwa munyanza yomuliro.
|
|
\c 21
|
|
\cl Obufimbuli 21
|
|
\p
|
|
\v 1 Mana ndalola likululiyia nende eshialo eshiyia. Likulu liamberi nende eshialo shiamberi biali nibihwereho, inyanza nayo bilaano yibulaho.
|
|
\v 2 Khandi ndalola litookho litakatifu Yerusalemu liyia niliikha okhurula mwikulu ewa Nyasaye, niliirecheeshe shinga omweha owishierere omusatsawe.
|
|
\v 3 Nehulira omwoyo omukhongo okhurula mushifumbi shioburuchi nishiboola mbu lole, eshimeno shia Nyasaye mubandu, naye alamenyanga mubo, balabetsanga abandube ne Nyasaye wabo.
|
|
\v 4 Aleey amasika koosi mutsimoni tsiabo, kata okufwa shikhulabaho ta, kata shikhulabaho okhwikhuula kata okhulira kata okhusalira khandi tawe, ako akaranjirira kahweere.
|
|
\p
|
|
\v 5 Ne owali niyekhaale khushifumbi shioburuchi naboola lola, engalukhasia biosi bibe ebiyia naboola mbu hulirisia, okhuba amakhuwa kano nameesikwa khandi akatoto.
|
|
\v 6 Niyamboolera ari kamalire okhwokhola. Nesie obuchachiro nende obumalirishi. Oyo owa obuloho bilia, ndalamuheresia butswa akokhusebere yamatsi kobulamu.
|
|
\v 7 Oyo ouhula alalamirwa bino, nasi ndalaba Nyasayewe, naye alaba omwana wanje.
|
|
\v 8 Habula abo abali, nabo ababula obusuubiri nabeshisinyo, nabeeri, nabaheyi, nabafira, benamira ebifwanani nende ababeyi bosi, omukabo kwabo kulanyoleshera munyanza yamuliro namanda keshibiriti shiyiitsanga, nikhwo okhufwa khwakhabiri.
|
|
\p
|
|
\v 9 Mana mulala wokhubamalaika yabo saba abali nibali nende tsindaalo saba estietsulakhwo amanyasio saba akahereresia, niyetsa naboola ninasi ari, yitsa ekhumanyisie abandu baliimasibwa nende likondi shinga okmukhasi olwa aba nateshere omusatsa.
|
|
\p
|
|
\v 10 Niyanjiinga muRoho, niyahira mushikulu eshikhongo. Niyamanyia litookho lia Nyasaye litakatgifu Yerulemu nilikhanga hasiokhurula mwikulu ewa Nyasaye.
|
|
\v 11 Yerusalemu yali nende obukhongo bwa Nyasaye, ne okhwakha khwayo khwali shingana lichina liobukusi obutinyu, eliereshe shinga ibarafu liayapesi.
|
|
\v 12 Ne lisiisi lirambi liabotokhana litookho lino, ne liali nende ebilibwa ekhumi nabibiri. Ne malaika mulala yali khubuli eshilibwa. Ameera aketsimbia ekhumi natsibiri tsia Isiraeli kahandikwa khubuli eshilibwa. Buli eshilibwa shiali nende eliira lioluyia lulala.
|
|
\v 13 Ebilibwa bitaru biali mumbeka tsiebukwe, bitaru biali enotsi, bitaru Esautsi, ne bitaru biali olubeka lwemulambo.
|
|
\v 14 Olukoba lwelitookho elo lwali namachina ekhumi nakabri komuse ne khuko kalikhwo ameera ekhumi nakabiri kabarume beLikondi abo ekhumi nababiri.
|
|
\p
|
|
\v 15 Ne uyo owaboola ninasi yali nende eshichero shifwana shinga litundu lieitsahabu eshikhuchera litookho nebilibwa bialio, nolukoba lwalio.
|
|
\v 16 Obumbashi bwelitookho elo tsimbeka tsialio tsine tsiyeraana, oburambi bwalio bwayerana nende obuchiikha bwalio, mana yachera litookho nende litundu tsimayilo eshikhumira ebikhumi biraano, oburami, nobuchiikha, nobuchingukhu biyerana biosi.
|
|
\v 17 Mana nachera olukoba lwalio emikhono eshikhumi amakhumi kane mukhuchera khwomundu schichira nibio ebia Malaika ekhonyera.
|
|
\p
|
|
\v 18 Olukoba lwene lwombashirwa amachina Kayasepi, nalio litookho liali lieitsahabu enzerereshe shinga eshiho esherereshe.
|
|
\v 19 Amachina komuse kwolukoba lwelitookho kali nikakasibwa obulayi okhurula khumachina kobukujsi obutinyu tsimbia tsiakwo tsiosi. Lichina liomuse liamberi liali eliayasepi, eliakhabiri Isapari, elikhataru kalekadoni, elikhane itsumaridi.
|
|
\v 20 Eliakharano Saridoniki, eliakhasasaba akiki, eliasaba Kirosolito, eliomunane sabarajadi, eliatisa yakuti, eliekhumi Kirisopurasi, eliekhumi nalulala Hiakinitso, elikhumi nakhabiri ametsisito.
|
|
\v 21 Ebilibwa ebo ekhumi nabibiri biali tsululu ekhumi natsibiri buli shlala khubilibwa ebo nishili ilulu ndala: injira yelitookho nayo yeitsahabu inzerereshe shinga eshiho eshierereshe.
|
|
\p
|
|
\v 22 Shindalolakhwo ihekalu yosi yosi mubwenomo ta, okhuba Omwami Nyasaye ounyala biosi nende Likondi nibo Ihekalu yalio.
|
|
\v 23 Kata litookho elo shiliakhenya eiuba kata omwesi bilirangaalire ta, okhuba oluyali lwa Nyasaye lwalirangalira, ne itaha yalio ne Likondi.
|
|
\v 24 Nabo abandu amahanga balachendanga mubulafu bwamatookho obubashira. Abaruchi beshialo bakharere emiandu chiabwe mumatookho nibamwinamira Nyasaye ne Likondi.
|
|
\v 25 Emiliango chiamatookho shilikalwa mukhumalirikha khweinyanga tawe shinga olwa chiekalungwa okhu shikhwakhabeho nende eshiro tawe.
|
|
\v 26 Ne bakharere obukhongo bwamahanga koosi mumatookho.
|
|
\v 27 Ne eshindu shiosi eshiomusiro shishileenjirakhomwo ta, kata oyo oukholanga akasinya nobubeyi ta. Halali balia bonyene bameera kabo kahandikwa mushitabi shieLikondi-eshitabu shili nende ameera akali nende obulamu bweinziayo nishibeho.
|
|
\c 22
|
|
\cl Obufimbuli 22
|
|
\p
|
|
\v 1 Mana malaika yamanyia omwalo okkholanga abandu abanywetsanga mwo, bamenya inziayo. Amatsi kasundukhanga okhurula mushifumbi shioburuchi shia Nyasaye nende eshiomwana welikondi.
|
|
\v 2 Kasundukha hasi nikabirira hakari womuhanda omukali kwe litokho khulubeka lwa omwalo tsana, khwali nende emisala nende ebiamo ebikholanga ababilitsangakhwo bamenya inziayo. Emisala chiamanga omumera mulala buli mwesi. Abandu abamenyanga mumahanga koosi akokhushialo, balarumushira amasafu kemisala ichio shinga emisala chikhusirikha amakonzo kabo kahone.
|
|
\v 3 Shinakhubeho nende omundu yesi yesi nohomba eshindu shiosi shiosi eshia Nyasaye alalaka aeshilaka munwa eshifumbi shioburuchi shia Nyasaye nende khandi eshio mwana welikondi shilaba mwitokho abarumishi baNyasaye ebwene yiyo.
|
|
\v 4 Balamulola mumoni namoni, neliira lilie liakhahandikwe khubweni bwemirwe chiabo.
|
|
\v 5 Mbu khandi shikhulabakhwo nende eshilo tawe. Abandu baNyasaye shibalenya khandi obulafu bwe itaha nomba obweliuba tawe, shichira obulafu bwomwami Nyasaye bulabaashira. Nabo balaruka inziayo.
|
|
\p
|
|
\v 6 Malaika niyamboolera, "Amakhuwa kano kaNyasaye okhumanyiye nikobwatoto, ne bwangu alakakhola kekholeshe. Omwami Nyasaye owimiranga abanabii, yaruma malaika okhumanyia abandu bamurushiranga amakhuwa ketsa okhwikholekha bwangu.
|
|
\v 7 Yesu aboleera abandube boosi bwangu, "Mbu ulirisie kano, esie nditsanga bwangu! Nyasaye bwangu bunoalalaamira ikhabi buli shiamulala oulira oburume bwa handikwa mushitabu shino.
|
|
\p
|
|
\v 8 Esie, Yohana, nesie owahulira nende okhulola mumalolero amakhuwa kano aka ehandiiche hasi, olwandali neulire nende okhuikalola ndamala nengwa hasi bwangu imberi wa malaika owali niyamanyiye amakhuwa kano, mbu emwinamire.
|
|
\v 9 Nebutswa niyamboolera, "Shilanzinamira ta, esie endi butswa omurumishi waNyasaye shinga yiwe, endi butswa omurumishi washio shinga abasubiri bashio abanabii nende khandi shinga abeneyabo abahuliranga oburume bweshitabu shino. Kho kario mwinamire Nyasaye.
|
|
\v 10 Mana niyamboolera, "olafunikha amakhuwa keshitabo shino shiobunabii ta, shichira ebise biulire.
|
|
\v 11 Okhuba mbu ebise biene yibo biulire nikakhaba mbu abene yabo abakholanga obumayanu benya okhutsirira okukhola bario, lekha batsirire okhukhola bario. Mbu ahambi hano Nyasaye alabarunga okhukhola bario. Ne abeneyabo abenya okhukhola obubatsa nende obulakhola obulunjishi ta batsirire okhukhola bario, okhuba Nyasaye alabarunga khulwa okhukhola bario. Ne yabo abakholanga obulunjishi batsirire okhukhola obulunjishi. Abene yabo abakholanga akahabwene batsirire bario.
|
|
\p
|
|
\v 12 Yesu abooleranga abandu boosi mbu ulire, nditsanga bwangu! ne ndalarunga eshinyasio khubuli mundu okhulondokhana nende shinga olwa yakhola,
|
|
\v 13 Esie nesie owachaka ebindu biosi khandi nesie oulabikhola biule khubumalirshi
|
|
\v 14 Nyasaye achamisibungwa nende abandu abosinjia tsingubo tsiabo, nibatsikhola tsindafu kho kachire banyale okhuliakhwo khu biamo biomusala kuchiranga abandu nibamenya inziayo, mana khandi mbu mwitokho litakatifu.
|
|
\v 15 Elwanyi khuliyo nende abandu abalali abatsienukhu tawe. Balimwo abandu abakholanga obulosi, nende abandu abakholanga imbii yobuheyi, abandu abeeranga abandi, abenamiri bebifwanani nende abandu bosi abasaangaliranga okuhboola obuubeyi shibanyala okhwinjira mwitokho elio ta."
|
|
\p
|
|
\v 16 Esie Yesu, eruma malaika wanje mbu anyale okhuboolerana ninenyu enywe abandu abali abemikanda chiabasubira mbu amakhuwa kano kosi nakatoto. esie endi owolwibulo lwo muruchi Daudi owabanabii balachirisia mbu aletsa. Esie nesie ouli shinga ing'ining'ini yokhumabwibwi."
|
|
\p
|
|
\v 17 Roho waNyasaye halala nende abandu bebe, abali shinga oweshiserero shia Kristo, boolera bulimundu yesi owikombanga okhusuubira, "yitsa!" abandu balia abenya okhwitsa, betse, omundu yesi owikomba amatsi kalia akakholanga abandu okhumenya inziayo bakabukule eshikhaya.
|
|
\p
|
|
\v 18 Esie Yohana, endachirisia buli shiamulala ouhuliranga oburume okhulondokhana khukandaboola olwamberi mushitabu shino, omundu yesi oumeta eshindu shiosi khuburume buno Nyasaye alamuhesia eshinyasio mutsinjira tsia eshitabu shino shiboolerangamwo.
|
|
\v 19 Omundu yesi naba nayinyiakhwo liosi liosi khuburume akeneyako akandaboola olwa mberi mushitabu shino, Nyasaye alamurusiriakhwo omundu oyo obunyali bwokhulia ebiamo ebirula khumusala okwo okukholanga abandu bamenye inziayo. Khandi alamurusiriakhwo omundu oyo kano kabiri kahandikwa mushitabu shino.
|
|
\p
|
|
\v 20 Yesi ouboolanga mbu amakhuwa kano kosi nakobwatoto, aboola metsukhananditsanga bwangu! "Esie Yohana, engalusia" kakhoyeere mbu kabe kario! Omwami Yusu yetsa!
|
|
\p
|
|
\v 21 Esaaya mbu Omwami wefu Yesu alatsirira okukhola mubuholo khuinywe mwesi abali abandu ba Nyasaye. Amina.
|