lko_reg/55-1TI.usfm

\id 1TI
\ide UTF-8
\h 1 Timoteo
\toc1 1 Timoteo
\toc2 1 Timoteo
\toc3 1ti
\mt 1 Timoteo

\c 1
\cl Omuliango 1
\p
\v 1 Paulo, omurume wa Yeso Kirisito khulwe lilako lia Nasaye omuonia wefwe, nende Omwami Yeso Kirisito, oli linaaya liefwe,
\v 2 khu Timoteo, omwana wange mubusubiri: Obukosia, nende sisa, nende omulembe, okhurula khu Nasaye Sefwe nende Yeso Kirisito Omwami wefwe.

\v 3 Kori ngolwa ndakhusabu mbwe odenge Efeso, nga ndali ninjia Makedonia, mbwe okanie abaandu bandi barekesia emekesio kandi khaba;
\v 4 kose bararekeresia echingano nende chinjibulo chibula obumalirikhi, echirerenga sa mareebo mubweyango bwa makhuwa ka Nasaye akali mubusubiri: khukario khola orio.

\v 5 Bulano obumalirikhi bwe lilako ni obukheri khurula mumwoyo mulafu, nende mapaaro malayi, nende obusubiri obubula obwekaadi.
\v 6 ne abaandu bandi bakhirwa nibamala nibakalukhanira amakhuwa akarakhoyera.
\v 7 Nibekoomba okhuba bekesia ba malako; arali khasi manyire makhuwa akababolanga kose okhukosirisia.
\v 8 Arali khumanyire mbwe amalako ni malayi nikaba mbwe omuundu achia khukekhonyera mungira yikhoyera.

\v 9 Khumanyire mbwe malako khasi kareribwao khulwo muundu mulungifu, arali khulwa bakhayi, nende abaandu abarali nende ingeenda yindayi, ababula obunasaye, nende abakholi be chimbi, abarali batakatifu nende abaralaama Nasaye, abeeri aba basaabwe nende abeeri aba bangina mwana, abeeri ba baandu,
\v 10 khubayirani, khubayirani basaacha khu basaacha, khu bala abebanga abaandu, khubabacha, khu bala abechubaanga khububacha, nende niliri khoo liosi liosi ilirachiana nende mekesio;
\v 11 Khulondana nende ifanjili yoluyaali eya Nasaye we chikhabi, eyandaberesibwa mubwesikwa.

\v 12 Khandi ndebasia Kirisito Yeso omuonia wefwe, owandaamo maani, khulwoo khubeera yabona mbwe esie ndi mwesikwa, ne namala niyangeenga muburumikhi bwaye;
\v 13 katakario khale esie ndali omunyekani, owakhusandia baandu, omwalaba, arali ndanyoola esisa, khulwo khuba ndakholanga akene ako mubusiru nimbula obusubiri.
\v 14 Khandi obukosia bwo mwami wefwe bwemeeda lukali, alala nende obusubiri nende obukheeri obuli mukari mwa Kirisito Yeso.

\v 15 Amakhuwa kano okalagire, mbwe bakhaye okhunyolamwo likhuwa libi.
\v 16 Arali omuundu yesi oranyala khulinda baandu baye, khandi okhirhoo bala abeinyuumba yaye mwene.
\v 17 Amalire khukana obusubiri, khandi nomubi lukali khukhirakho ula orasubira.

\v 18 Khuberesia kano kosi kabe imbekhiiro yao, ewe mwana wange Timoteo, khulondana nende obunabii obwarusibwa khwewe, mbwe onyoole okhukhuyana eliiye lilayi;
\v 19 obe nende obusubiri nende mapaaro malayi; aka baandu bandi balekhana nako, ne nibasasikha khulwa makhuwa kobusubiri:
\v 20 Mubene abo alimo Himenayo nende Isikanda; aba ndaberesia Sietani, mbwe bonyoole okhweka okhurasinyisia Nasaye.

\c 2
\cl Omuliango 2
\p
\v 1 Bulano, mbola mbwe, imberi wa biosi amasabo, echisaala nende okhusayira, okhukhuba orio, biekholerwe abaandu boosi.
\v 2 Khulwa baruki nende bala boosi abali mubunyala; mbwe khunyale okhumenya obulamu bwo bwedemberefu nende omulembe mubunasaye bwoosi nende siribwa,
\v 3 Khubeera lino nelilayi khandi lifukirirwa imberi wa Nasaye omuonia wefwe,
\v 4 ochia khukhola abaandu boosi baonisibwe, nende okhunyoola khumanyarisia obwadieri.

\v 5 Khubeera khuli sa nende Nasaye mulala, nende omwabini mulala akari wa Nasaye nende abaandu, omuundu Kirisito Yeso; khuba esimala musaango khu boosi,
\v 6 owerusia okhuba obununuli khulwa boosi, obakhayalwe mubikha biabwe.
\v 7 Nange khulwo bwene obwo ndarebwao okhuba omuyali, nende omurume,(nomanoma obwadieri mukirisito, ne khasi mbacha khaba;) omuyali wa banasialo mubusubiri nende obwadieri.

\v 8 Bulano ndakha mbwe abaandu basaye buli abuundu, nibakingula akulu amakhono matakatifu, oburabamo elirima nende chinganakani.
\v 9 Khandi mumbeera eyo sa, mbwe abakhasi bakhoyere okhwefwala ebiefwalo bibafunikha bilayi, nende muburi, nende amakesi; ne biraba sa mbwe ni khwesuka lifwiri kose ebiuma kose ebitadi, kose chingubo echio bukusi;
\v 10 arali nende ebikhole bilayi kori bikhoyera abakhasi abafukirira obunasaye.

\v 11 Ne omukhasi yeeke mukhwedmberesia nende okhuria khwoosi.
\v 12 Ne khasi fukirira omukhasi okhwekesia, kose okhuba nende obunyala khu musaacha, arali abe omwedemberefu.

\v 13 Khubeera Adamu niye owalongwa imberi khu Eba nalondakho.
\v 14 Khandi Adamu khasi yabachwa, arali omukhasi ngolwa yabachwa, yengira muyimbi.
\v 15 Kata kario achia khuonisibwa mukhwibula omwana, ni kali mbwe achiririra mubusubiri nende obukheeri nende obutakatifu nende amakesi.

\c 3
\cl Omuliango 3
\p
\v 1 Lino ni likhuwa elia khwesika, nikali mbwe omuundu yekoomba obweyango bwo mupisikopi, yekoomba emirimo milayi.
\v 2 Omupisikopi akhoyere abe omuundu orabolwakho elibi, omusaacha wo mukhasi mulala, owe biima bilayi, owingisianga abaandu, onyala okhwekesia.
\v 3 Orali mungwi we ifini, orali mukhuyani, orali owo kuliira; orali akhoyere khuba omwesimirifu, orali owo khusolana, orali omweekombi.

\v 4 Ula owalinda inyuumba yaye, ne abaana baye bamuberesia esiribwa.
\v 5 khulwo khuba nikali mbwe omuundu khasi amanyire okhuruka inyuumba yaye mwene, achia khulinda arie likanisa lia Nasaye?

\v 6 Araba omuundu owalokokhe ambi ano, areecha yekingula nende isunga mani yakwa mubukhalaki bwa Sietani.
\v 7 Khandi akhoyere alomalomekhwo ebilayi nende abaandu berwanyi. Areecha yakwa mukhwalabirwa nende muluriimba lwa Sietani.

\v 8 Kata abadikoni bosi bakhoyere babe abakhoyera, baraba baandu be chinimi chibiri, baraba abangwi be ifini, baraba abaandu bo khwekoomba echisende echie sifwabi.
\v 9 nibedira khu kala akekisa mubusubiri mungira yelichoomo lilayi.
\v 10 Khandi bakhoyere bateemwe mberi, ne lunyuma bachake okhukhola emirimo kio budikoni nibakhanyolwa mbwe babulamo esiegumule.

\v 11 Kata abakhasi babwe bosi bakhoyere babe abakhoyera, abarali bakhubakhubania, abali nende obumanyirisi, abesikwa mubiindu bioosi.
\v 12 Abadikoni babe abasaacha bo mukhasi mulala, abaliinda bakhasi babwe nende abaana babwe bilayi.
\v 13 Khubeera bala abamalire okhuula bilayi mubweyango bwa dikoni, bekuliranga obweyango bulayi, nende ichwoni ikhoongo mubusubiri buli mukrisito Yeso.

\v 14 Bandikiranga makhuwa kano, nimbaara okhwicha khweng'we ambi ano.
\v 15 Arali nikhinda, mumanye kori mukhoyere khuchiririra munyumba mwa Nasaye, eyili likanisa lia Nasaye mulamu, isiiro nende olwalo lwo bwadieri.

\v 16 Ne khubula obuyingani mbwe akobwekisi ko bunasaye ni makhoongo: " Nasaye yalolesibwa mumubiri, yosirisibwa muroho, bamalayika bamubona, yayalwa mubanasialo, yafukirirwa Mubialo, yabukulibwa akulu muluyaali."

\c 4
\cl Omuliango 4
\p
\v 1 Bulano Roho aboola mubwakhakhu mbwe muchinyanga chiobumalirikhi abaandu bandi bakhalekhe obusubiri, ne bakhabulire echiroho chiobubacha, nende amekesio ka Sietani,
\v 2 nibalomaloma obubacha mubwekaaadi; nibakhola imbeera yabwe eya mapaaro okhusambwa nende esichuma sibafu.

\v 3 Nibaandu okhudekhia, nende okhulagira abaandu okhaya khulia ebiakhulia, ebia Nasye yalonga mbwe khunyoole khulia nende okhukhuba orio khu bala abasubira nende okhumanya obwadieri.
\v 4 Khubeera buli silonge esia Nasaye ni silayi, khukario sibulao esikhoyera okhukhayibwa, nikali mbwe khusinyoola mukhwebasia.
\v 5 Khulwo khuba sialabisbwa nende likhuwa lia Nasaye nende amasaayo.

\v 6 Nikali mbwe ochia khukhola abakheerwa bechulisie ebiindu bino, ochia khuba omukholi mulayi wa Yeso Kirisito, owakhusibwa mumakhuwa kobusubiri nende aka mekesio malayi, akawanyola.
\v 7 Arali echingano chikhale echibulamo obunasaye, ochikhaye, mani nawe mwene wenasie okhubamo obunasaye.
\v 8 Khubeera akomubiri kali nende bikha bididi: arali obunasaye buli nende ingaanga khu bindu biosi, buli nende elakaano liobulamu bwe bikha bino nende bula obwichayo.

\v 9 Lino ni likhuwa liobwesikwa khandi elikhoyera khufukirirwa lukali.
\v 10 Khubeera mbwe khwesandianga nende okhubirira mubidinyu, khulwk khuba khwasubira mu Nasaye mulamu, oli omuonia wa baandu boosi, ne okhirakhoo bala abasubira.

\v 11 Amakhuwa kano okalagire khandi wekesie.
\v 12 Omuundu yesi aralekerersia oburaaga bwao; arali obe esilolero sio busubiri, mu khweliabia.
\v 13 Okhuula ngolwa ndakheche, khola sinani mu khusoma, mu khulabula nende okhwekesia.

\v 14 Orakhaya esianwa esili mukari mwao, esia waberesibwa khubirira mubunabii, nende okhurebwakho makhono ka bakofu.
\v 15 Paririsia mumakhuwa kano, mani werusie mubwichufu muniko; mbwe obuchiriri bwao bubonekhane khu baandu boosi.
\v 16 Welinde mwene khu mekesio, chiririra muniko. Khubeera mukhukhola kano, ochia okhweonia ewe mwene nende bala abakhubulira.

\c 5
\cl Omuliango 5
\p
\v 1 Oralabiranga omuundu mukhulundu, arali omulomalomere kori baba wao; ne khu basiani baraaga kori abasiani beng'we,
\v 2 abakhasi bakofu kori mama bao, ne abakhasi besiraaga kori abakhana beng'we, nende khwelabia lukali.

\v 3 Beresia siribwa abakhasi balekhwa abobwadieri.
\v 4 Arali omulekhwa yesi yesi nali nende abaana kose abechukhulu, mberi beeke okhukhola akabakhoyere khukhola ingo wabwe, nende okhubaruunga abebusi bwabwe. Khubeera ako nimalayi khandi kafukirirwa imberi wa Nasaye.

\v 5 Bulano ula oli omulekhwa owobwadieri, owalekhwa, owasubira munasaye, khandi ochiririranga mukhasaaya nende echisaala siro nende sideere.
\v 6 Arali ula owamenya mukhwesangasia yafwa kata kario asiri omulamu.

\v 7 Amakhuwa kano okalagire, mbwe bakhaye okhunyolamwo likhuwa libi.
\v 8 Arali omuundu yesi oranyala khulinda baandu baye, khandi okhirakhoo bala abeinyuumba yaye mwene, amalire khukana obusubiri, khandi nomubi lukali khukhirakho ula orasubira.

\v 9 Mukhasi arabalirwa okhuba omulekhwa nali asi we miaka makhumi kasasaba khaba, ne khandi abe niyali mukhasi owo musaacha mulala.
\v 10 Olomalomwakho khulwe mirimo milayi, nikali mbwe yalera abaana, kose yengisianga abakeni, kose yosianga amakulu ka batakatifu, kose niyakhonyanga bala abasandisibwanga, kose nikali mbwe yerusia khubuli mulimo mulayi nende sinani.

\v 11 Arali okhaye abalekhwa abesikhana, khulwo khuba nibachaka khudirwa nende obwekoombi oburali mubuchiane nende Kirisito bachia khudeekha.
\v 12 Ni bali nende okhalakirwa, khubeera balekhere obusubiri bawabwe obwamberi.
\v 13 Khandi alala nende ako, beeka okhuba abakara, abakendakendanga khurula munyuumba ndala khuchia muyindi, khandi khasi kali mbwe nikhuba sa abakara, arali bakhubakhubania khandi nende abokhweingisia mumakhuwa ka baandu, nibaboola makhuwa akabarakhoyera khuboola.

\v 14 Khulwako kheera mbwe abakhasi abasiri abesikhana banyoole khudekha, bebule abaana, balinde inyuumba mani bakhaye khuberesia omusuku obweyango bwa khulomaloma mukhusinyisia.
\v 15 Khulwo khubeera abandi bamalire khukalukhana khuloonda Sietani.
\v 16 Nikali mbwe aliwo musaacha kose mukhasi owasubira ne ali nende abalekhwa, bakhoyere babakhonye, ne likanisa liraberesibwa emirimo ekio khaba, likanisa linyoole khukhonya abalekhwa bo bwadieri.

\v 17 Abakofu abaruka bilayi bakhoyere babalirwe khuberesibwa esiribwa sikhoongo, okhirakhoo bala ebesandianga mulikhuwa nende okhwekesia.
\v 18 Khubeera amaandiko kaboola mbwe orakayira ingombe yokhulima okhulia madimwa, "khubeera omukholi akhoyera murungo."

\v 19 Orafukiriranga omusaango khu mukofu, khula kube nende abaloli babiri kose badaru.
\v 20 Yalabira abakholi beyimbi imberi wa baandu boosi, mani abandi banyoole khuria.

\v 21 Khulagira imberi wa Nasye, nende imberi wo Mwami Kirisito Yeso, nende malayika balobole, mbwe olonderere amakhuwa kano oburakhalakira mubwangu, orakhola sindu siosi siosi mukhuyekhera lwande lulala khaba.
\v 22 Orabechaanga mwangu wo khura makhono khu muundu yesi yesi, oreecha weyingisia muchimbi chia baandu bandi: okhoyere welabie ewe mwene.

\v 23 Orangwechanga sa amachi kongene, arali ngwechangakho ifini yindidi khulwe yinda yao nende khulwo bulwaye bwao obwa buli buli.
\v 24 Echimbi chia baandu bandi chiebakala, chirangiriranga khuchia mubukhalaki, ne abaandu bandi chibalondanga inyuma.
\v 25 Kario ebikhole bilayi ebia baandu bandi biebakala, khandi kata kario kala akarebakala khasi kakhakiswa khaba.

\c 6
\cl Omuliango 6
\p
\v 1 Abakholi boosi mubungi bwabwe abali asi we lijoki bakhoyere baberesie abaami babwe esiribwa siosi, mbwe eliira lia Nasaye nende amekesio kaye kakhaye okhunyekwa.
\v 2 Khandi bala abali nende abaami basubira, bareecha babalekeresia, khubeera mbwe ni bakheerwa. Arali babakholere, khubeera ni besikwa khandi ni bakheerwa, abasangirani abeyingaanga. Yekesia makhuwa kano khandi okasalasie.

\v 3 Nikali mbwe omuundu yesi yekesia amekesio kandi, khandi khasi afukirira amakhuwa kobwadieri, akomwami wefwe Yeso Kirisito, nende amekesio kalondana nende obunasaye,
\v 4 oli nende isuunga, akorerwe sindu siosi, oli nende amapaaro mabi,
\v 5 nende amayingani akabula lichoomo, aka baandu ba mapaaro kabwe kanyasikha, ababulamo obwadieri, abaparanga mbwe obunasaye ni yingira eyokhunyoola emiandu: werusie mumakhuwa kori ako.

\v 6 Arali obunasaye alala nende khusirisibwa ni ingaanga ikhoongo.
\v 7 Khulwo khubeera sibulao esia khwarera musialo muno, khandi nobwadieri mbwe sibulao esia khunyala khubwao nasio.
\v 8 Bulano nikhuli nende esiokhulia nende khwefwala khubiene ebio khwichusibwe nabio.

\v 9 Arali bala abenyanga khuba bayiinda bakwichaanga mukhuteemwa nende muluriimba mubusiru bungi nende obwekoombi bwo musialo, obuyiraanga baandu mubusasikhi nende bukori.
\v 10 Khubeera okhukheera amapesa nikwo muse kwe chimbi chioosi: echia khubirira mubwekoombi buno, abandi bachilonda, ne bamala barula khubusubiri, khandi befudula abene nende amachuni mangi.

\v 11 Arali ewe nawe omuundu wa Nasaye, yirukha ebiindu bino, mani oloonde obulungifu, obunasaye, obusubiri, obukheeri, obwedemberefu, nende okhweduduya.
\v 12 Khuyana eliiye lilayi eliobusubiri. diririra obulamu bwo bumeri, obwa walangirwa, niwekanira eliekanira lilayi imberi wa balobole bangi.

\v 13 Khulagira imberi wa Nasaye, oberesianga bulamu ebiindu bioosi, nende imberi wa Kirisito Yeso, owolerera imberi wa Pontio Pilato yolerera khweyama khulayi,
\v 14 mbwe olinde esilagiro oburabakha siboondo, oburanyekwa, okhula khukalukha khwo Mwami wefwe Yeso Kirisito.

\v 15 Owayakhafunule mubikha biaye, oyo owaberesibwa chikhabi, khandi oli mwene obunyala yeng'ene, omuruki wa baruki, khandi Omwami wa baami.
\v 16 Oli yeng'ene oranyala khufwa, omenyere mubulafu obwo muundu arakhanyala khusuda ambi; owo muundu yesi asiri khumulola, kose anyala okhulola. Esiribwa nende amani kobumeri bibe khuniye. Kabe kario.

\v 17 Keraka bala abali bayiinda musialo muno mbwe barebulisia, kose bareesika obuyiinda oburamenya chinyanga chioosi arali besike Nasaye mulamu, oruberesianga biindu bioosi mubungi mbwe khwebulire.
\v 18 Babolere mbwe bakhole malayi, babe bayiinda mubikhole bilayi, berekekhe okhuberesania miandu kiabwe, babe nende lienya lio khusangirana nende abasiabwe.
\v 19 Bebikhire musiaki omuse mulayi khulwe bikha bichayo, mbwe banyoole okhwedira khu bulamu bwo bumeri.

\v 20 Ewe Timoteo, linda sila esiarebwa mubwesikwa bwao, wekenderesie nende amakhuwa karali ekeyidini nende amayingani kabulamo sindu, nende obulialliasi bwo busomi obulangwa obwobubacha.
\v 21 Obwa bandi bafukirira, ne bamala barula khubusubiri. Obukosia bube ninanwe. Kabe kario.