lko_reg/44-JHN.usfm

\id JHN
\ide UTF-8
\h Yokhana
\toc1 Yokhana
\toc2 Yokhana
\toc3 jhn
\mt Yokhana
\c 1
\cl Omuliango 1
\p
\v 1 Mukhuchaaka elikhuwa lialiwo, naye elikhuwa yali nende Nasaye, naye elikhuwa yali Nasaye.
\v 2 Omwene oyo yaliwo mukhuchaaka alala nende Nasaye.
\v 3 Ebiindu bioosi biakholwa khulwaniye, araali niye sibulao sioosi esiakhekholekhe.
\v 4 Muye nimwo omwa obulamu bwali, ne obulamu buno bwali obulafu obwa abaandu.
\v 5 Nabwo obulafu bwadukhaanga musirima, nasio sirima sisianyala okhubukhira dawe.
\p
\v 6 Yarulirao omuundu owarumwa okhurula khu Nasaye, owalangwa mbwe Yokhana.
\v 7 Omwene oyo yeecha nga omuloli, khulwo burumbusi obwobulafu, mbwe boosi banyoole okhusubira khubirira khuniye.
\v 8 Uno khasi yali obulafu bwene obwo, arali omuloli nende omurumbusi owobulafu bwene obwo.
\v 9 Obulafu obwobwadieri, obukhoserianga abaandu boosi, bwali nibwichire musialo.
\p
\v 10 Yaali musialo, ne khandi esialo siakholwa khubirira muye, kata kario esialo sisiamumanya dawe.
\v 11 Yeecha khubalia abaye, ne beene abo simala bamufukirira.
\v 12 Ne boosi abamufukirira, abasubirira muliira liaye, yababeresia obunyala obwokholwa abaana ba Nasaye.
\v 13 Abeene bano sibebulwa khulwa mabaanga dawe, kata khulwa elieenya liomubiri, kata elieenya liomuundu, arali elieenya lia Nasaye.
\p
\v 14 Ne Likhuwa yeekhola omubiri, namenya mwifwe, ne nikhulola oluyaali lwaye, oluyaali lulia ngolwa omwaana mudeerwa owarula owasefwe, niyechulemo obukoosia nende obwadieri
\p
\v 15 Yokhana yarumbula obuloli khuye, mudoboosi naboola ari, "Uno niye owandalomalomengekho owiicha lunyuma lwange, oli noluyaali okhukhira, khulwo khuba yandangirira okhubao."
\v 16 Kario khurulana khubwichufu bwaye, efwe fweesi khwanyoola okhunina khurula khu bukoosia khuchia khubundi.
\v 17 Khulwo khuba amalako kaberesanwa khubirira khu Musa. Obukosia nende obwadieri bweecha khubirira khu Yeso Kirisito.
\v 18 Abulao owamala okhumulola Nasaye mubikha biosi biosi: oli Nasaye yeng'ane, arali oyo oli alubafu wasamwana, omalire okhurumanyia Nasaye.
\p
\v 19 Buno nibwo obuloli bwa Yokhana yaboola, ebikha bia bayahudi baruma abakukhani nende Abalawi khurula Yerusalemu, bachie bamurebe mbwe, "Ewe oli wina?"
\v 20 Naye yafukirira, oburekaana dawe, naboola ari,"Sinesie Kirisito khaba."
\v 21 Nibamureeba khandi, "Mbwe oli wina? Niwe Eliya? Naye, niyekana ari siniye khaba, khandi nibareeba bari, "Oli munabii? Kario yakana ari, "Khaba."
\v 22 Bamala bamureebe khandi bari, "niwe wina, mani khuyirire abo abarurumire amakalusio? Welomalomakho orie ewe omwene?
\v 23 Naye naboola ari, "Nesie idoboosi, ilangirisia musichiimi: Mukololosie ingira yomwami, ngolwa munabii Isaya yaboola."
\p
\v 24 Ne balala khu Bafarisayo abarumwa,
\v 25 bamala bamureebe bari, "Khulwasina oli khubatisianga norali Kiristo, Eliya kose omunabii?"
\v 26 Yokhana yabakalusia, nababolera ari, "Esie mbatisia nende amaachi. Ne kario aliwo owemere mwing'we owamuramanyire.
\v 27 Omwene oyo niye owicha lunyuma lwange, owesie ndarakwanirwa kata okhubolola echisia chiebilaro biaye dawe."
\p
\v 28 Amakhuwa kano kekholekha ela Bethania, ingerekha ewa Yorodani ow Yokhana yali nabatisianga.
\p
\v 29 Inyaanga yalondakho Yokhana yalola Yeso namwichira, namala naboola ari, "Lole, Elikoondi lia Nasaye elichia okhurusiao echimbi chiesialo!
\v 30 Omwene uno niye owa ndalomalomengekho, mbwe ulia owiicha lunyuma lwange, nomukhoongo okhukhira, khulwo khuba yandangirira okhubao.'
\v 31 Sindakhamumanyire, arali biaali birio mbwe anyale okhufunulwa khu Israili, ne kakera ndeecha nende elibatisia eliamaachi."
\p
\v 32 Yokhana yarusia obuloli, naboola ari: "Ndalola Rokho niyeekha mufwaani yeliusi khurula mwikulu, namala namwemakho.
\v 33 Sindali nimumanyirisia dawe, arali ulia owanduma okhubatiisia mumaachi yali niyamboleere ari, "Ulia owawakhalole Rokho niyeekha namudong'akho, niye owakhabatisie nende Rokho Mulafu.'
\v 34 Malire okhubona khandi ndusia obuloli mbwe uno nomwana owa Nasaye."
\p
\v 35 Khaandi, inyaanga yalondakho, ngolwa Yokhana yali niyemere nende babiri khubeeka baye,
\v 36 Balola Yeso nakendaanga, ne Yokhana naboola ari; "Lole Elikoondi lia Nasaye!"
\v 37 Abeka baye babiri ngolwa babulira naboola kano bamala bamuloonde Yeso.
\v 38 Kario Yeso olwa yabalola nibamuloonda yabareeba ari, "Nisina esia mukonyaanga?" Bamukalusia bari,' "Rabbi"(elikalulwa mbwe Omwekesia), 'wamenya ena?"
\v 39 Yamala ababoleere ari, "Mwiiche mulole." Ne bamala bachie bamanyirisie owayali namenyaanga: ne baonga ninaye inyaanga eyo, khulwo khuba biali musaa chine echia ichuli.
\p
\v 40 Mulala khu babiri abali nibabulire Yokhana nalomaloma yamala naloonda Yeso, yali Andereya, mwanang'ina Simoni Petero.
\v 41 Omwene oyo yarangirira okhubukanana nende mwanang'ina Simoni, namala namubolera ari, "Khunyolere Messia" (nilikalukhanisibwa mbwe "Kiristo").
\v 42 Yamala amurere khu Yeso, naye Yeso yamulingeera namala namubolera ari, "Niwe Simon omwana wa Yokhana, Onalaangwa mbwe Kefa" (nilikalukhanisibwa mbwe "Elikina").
\p
\v 43 Inyaanga yalondakho, ngolwa Yeso yali nadakha okhurula okhuchia Galilaya, yabukanana nende Filipo namala namubolera ari, "Noonde."
\v 44 Naye Filipo mwene oyo yali omuundu khurula Bethesaida, Edookho lia Anderea nende Petero.
\v 45 Filipo yanyoola Nathaniel namubolera ari, 'khunyolere ula owa Musa yandiikakho mumalako, nende abanabii: Yeso omwana wa Yosefu, okhurula Nasareti."
\v 46 Naye Natanieli namubolera ari, "Esiindu silayi sioosi siakharula Nasareti?" Ne Filipo namubolera ari, "Icha olole."
\v 47 Yeso yalola Natanieli namwichira, ne nalomaloma khulondana naye ari, "Mulole Omwisiraili owobwadieri, obula obubacha mukari mwaye!"
\v 48 Naye Natanieli namureeba ari, "Omanyire orie?" Ne Yeso namukalusia ari, Filipo nasiakhulaanga, ngolwa obere niwikhale asi womusaala, Esie khubwene."
\v 49 Natanieli namuboolera ari, "Rabbi, oli Omwana wa Nasaye! Newe Omuruki wa Isiraili!"
\v 50 Naye Yeso yamukalusia namubolera ari, "Khulwo khuba khuboleere mbwe khubwene niwikhale asi womusaala, 'bulano osubira? Ochia okhulola ebiindu bikhoongo ebikhira lino."
\v 51 Yamala namuboolera  ari, "Mubwadieri, mubwadieri, khuboolera mbwe, ochia okhubona elikulu nilikuukhe, ne abamalaika ba Nasaye nibaniina nende okhwikha khumwana womuundu."
\c 2
\cl Omuliango 2
\p
\v 1 Lunyuma lwechinyaanga chidaru, khwali nende esiserero mu Kana ya Galilaya, ne ng'ina Yeso yaliwo.
\v 2 Yeso nende abeeka baye bali nibalangirwe musiserero.
\v 3 Ngolwa ifini yababwera, Ng'ina Yeso yamuchiira namubolera ari, "Babwererwe ifini."
\v 4 Naye Yeso yamureeba ari, "Mukhaaye, khulwa sina nonjichira? Ebikha biange bisiri okhuula."
\v 5 Naye Ng'ina yamala abolere abakhalabani ari, "Mukhole lioosi elia anababolera."
\v 6 Bulano khwali nende chindamu chisasaba echielikina echia maachi, akabekhonyeraanga mumikholo kie Siyaudi ekiokhwosania, buli indamu yali inyala okhuchiamo echisiongo chibiri kose chidaru echia maachi.
\v 7 Yeso yababoleera ari "mwichusie echindamu echio nende amaachi." Bechusia chioosi ngolwa babolerwa.
\v 8 Abweneao yabolera abakhalabani ari, "Mudaye mani muyirire omwemeresi weng'we." Ne bakhoola bario.
\v 9 Omwemeresi wesiserero yabilakho amaachi, ne khane kali nikamalire okhwekalukhania ifini, okhumalakho khasi yaali namanyire owayali nirulire (arali abakhalabani abali nibadayire amaachi bamanya). Yamala alaange omwene siserero,
\v 10 namureeba ari, "Buli muundu aberesanianga ifini indayi mukhuchaaka khwo mukholo, namalirisia nende inyaangu mukhumala, abaandu nibajong'ere. Khumalakho ewe obikhire ifini indayi okhuula bulano?"
\v 11 Esilolero siamberi sino Yeso yasikhola Kana ya Galilaya, abwene ao niyekesia oluyaali lwaye, ne abeeka baye nibamusubirira
\p
\v 12 Olunyuma lwakano, Yeso, Ng'ina, bamwanang'na, alala nende abeeka baye bachia Kaparnaumu ne nibamenyayo khulwe chinyaanga chindiidi.
\p
\v 13 Mundaalo echio Pasika ya Bayaudi yali ambi, khukario Yeso yachia Yerusalemu.
\v 14 Ne ngolwa yengira muikhekalu yanyoola abachurusi beching'oombe, nende amakoondi, nende amakaburuku, ne balia abobukhala bwokhukalukhania echisende bali nibekhalemo.
\v 15 Yamala akhwanie omusarita okwebifundikho mani nabarusia boosi okhurula mukhekalu, alala nende chimbusi nende ching'oombe. Yasalania amatongolo kabachurusi, nafumamia echimesa chiabwe.
\v 16 Ne khu bakusi abamakaburuku, yalagira ari, "murusie ebiindu bino erwanyi. Yakame okhukhola inyuumba ya Baba okhuba esiiro."
\v 17 Abeeka baye bechulisia mbwe kaandikwa kari, "imbalikha ye inyuumba yao inaamala"
\p
\v 18 Olunyuma Abayaudi bakalusia nibaboola bari, "Nesilolero sina esiorwekesia, khukano akooli khukhola?"
\v 19 Yeso yabakulusia naboola ari, "kwiisie ikhekalu ino, nange ndayiemekha khandi muchinyaanga chidaru."
\v 20 Olunyuma Abayaudi  baboola bari, "Ikhekalu yino yombakhwa khulwemiika amakhumi kane nende kisasaba, nawe onayombakha munyaanga chidaru?"
\v 21 Kata kario, yali nalomalomeraanga ikhekalu yomubiri kwaye.
\v 22 Ne ngolwa yalamusibwa okhurula mubafu, abeeka baye bechulisia mbwe yaboola lino, khu kario basuubira amaandiko nende elikhuwa lia Yeso yali nalomalome.
\p
\v 23 Ngolwa yali Yerusalemu mumukholo kwa Pasika, abaangi basuubira muliira liaye ngolwa balola ebilolero biayakhola.
\v 24 Naye Yeso siyabeesika khulwo khuba yabamanya boosi,
\v 25 Khandi kario siyeenya obuloli khurula khumuundu yeesi, khulwokhuba yamanya biria ebili mumuundu.
\c 3
\cl Omuliango 3
\p
\v 1 Khwali nende Mufarisayo owalangwa Nikodemo, omwemeresi owa Bayaudi.
\v 2 Omusaacha uno yeechera Yeso musiro namuboolera ari, "Rabbi (omwekesia), khumanyire mbwe oli omwekesia owarula owa Nasaye, khulwo khuba abulao onyala okhukhola akamakana akokholaanga, Nasaye naraali naye."
\v 3 Yeso yamukalusia naboola ari, "Mubwadieri, mubwadieri omuundu narebulwa ekhabi liokhubiri, khasi anyala okhubona obwami bwa Nasaye."
\v 4 Nikodemo namureeba ari, "Binyalikha birie omuundu okhulire okhwibulwa khandi? Khasi anyala okhwingira ekhabi liakhabiri muunda yang'ina, khandi anyoole okhwibulwa, binyalikhana?"
\v 5 Yeso yamukalusia ari "obwadieri, obwadieri omuundu narebulwa mumaachi nende mu Rokho, khasi anyala okhwingira mubwami bwa Nasaye.
\v 6 Silia esiebulwa mumubiri nomubiri, ne silia esiebulwa mu Rokho ni rokho.
\v 7 Oraukisibwa nende eliakhubolere mbwe, okhoyeere okhwibulwa khabiri."
\v 8 Omuyaka kuuchanga mumbeka chioosi, ne siwakhamanya owakurula nende owakuchia. Kario nilwo olwa ali oyo owibulwa mu Roho."
\v 9 Nikodemo namukulusia ari, "Kano kakhekholekha karie?"
\v 10 Yeso namukalusia namubolera ari, "Oli omwekesia mu Israeli, ne khasi omanyire amakhuwa kano?
\v 11 obwadieri obwadieri, khuboolera mbwe, efwe khulomalomaanga esia khumanyire, nikhurusiria obuloli kalia akakhubwene. Ne khumalakho simwafukirira obuloli bwefu.
\v 12 Nikakhaba mbwe khuboolere ebiindu ebilondana nende esialo, ne sosuubira, onasuubira orie nikhuboolera okhulondana nende ebiindu biomwikulu?
\v 13 Abulao owamala okhuniina mwikulu arali oyo owekha okhurula mwikulu_ Omwana womuundu.
\v 14 Kori ngolwa Musa yakinguula esifwanani sieinjukha musichiimi, kario nilwo olwa Omwana wo Muundu achia okhukinguulwa,
\v 15 mbwe balia boosi abamusubirira banyoole obulamu oburalibweyo dawe.
\p
\v 16 Khulwo khubeera Nasaye yakheera esialo, mani narusia Omwana waye mudeerwa, mbwe ulia yeesi omusubira khasi anasasikha, arali anyoole obulamu buralibwayo.
\v 17 Khulwo khuba Nasaye khasi yaruma Omwana waye musialo mbwe asikhalakire, arali anyoole okhusiwonia.
\v 18 Ulia yeesi omusuubira sakhalakirwa, arali oyo orasuubira yamala okhukhalakirwa khulwo khuba khasi yasuubira muliira liomwana wa Nasaye mudeerwa.
\v 19 Sino nisio esifune esiobukhalakirwi mbwe: Obulafu bweecha musialo, ne abaandu nibakheera esirima okhira obulafu khulwo khuba ebikhole biabwe biali bimaanu.
\v 20 Khulwo khuba yeesi okhola obumaanu siakheraanga obulafu, ne khandi siyakheecha owobulafu buli, mbwe ebikhole biaye birabakalwa.
\v 21 Kata kario, oyo okholaanga akobwadieri yechaanga mubulafu, mbwe bilolekhane mubwakhakhu mbwe ebikhole biaye biekholekhe mu Nasaye."
\p
\v 22 Ounyuma lwako, Yeso nende abeeka baye bachia mumaloba Kebuyudea. Yamenya ebwene eyo khulwechinyaanga alala ninabo nabatisianga.
\p
\v 23 Yokhana yeesi yali nabatisianga Ainoni ambi nende Salimu khulwo khuba amaachi maangi kali nikanyolekha ebweneyo. Abaandu bali nibamwichiranga nababatisia,
\v 24 khulwo khuba Yokhana yali narasukunwa musiboye.
\v 25 Ne amaingani karulirawo akari wa balala khu beeka ba Yokhana nende omuyaudi mulala khulondana nende omukholo kwokhwosania.
\v 26 Bachiira Yokhana nibamubulera, "Omwekesia, ula owa wabere ninaye ingerekha womwalo kwa Yorodani, owa wabolere obuloli bwaye, alikhubatisia, ne abaandu boosi bali khumuchiira."
\v 27 Yokhana yabakalusia ari, "Omuundu siyakhanyala okhunyoola esindu sioosi naraberesibwe khurula mwikulu.
\v 28 Eng'we abeene munyala khurusia obuloli mbwe ndaboola, "Mbwe khasindi Kiristo, okhumalakho ndarumwa imberi waye mbwe murangirire.'
\v 29 Omukhana ochia okhudeekha abechaanga owa mwene siserero. Naye omulolera womwene siserero, ngolwa yemaanga narekeresia owesiserero, asangaliraanga idoboosi yomwene siserero. Kho kario, isangaalo yange yolerere.
\v 30 Akhoyera owemeeda, nange bili mbwe nduduye.
\p
\v 31 Oyo orula akulu ali akulu webiindu bioosi. Oyo orula musialo niwomusialo, ne khandi alomalomaanga akomusialo. Ne oyo orula mwikulu ali akulu webiindu bioosi.
\v 32 Arusianganga obuloli khubila ebiabwene nende ebiabulire, arali abulao ofukirira obuloli bwaye.
\v 33 Ula ofukirire obuloli bwaye yekesie mbwe Nasaye nowobwadieri.
\v 34 Khulwo khuba oyo owa Nasaye arumire alomalomaanga amakhuwa ka Nasaye. Khandi siaberesanianga Roho musikero.
\v 35 Sefwe yakheera Omwana khandi yaberesania ebiindu bioosi mumukhono kwaye.
\v 36 Yeesi yeesi osubirira mu Mwana ali nende obulamu buralibwayo, arali ula oraria Omwana khasi achia khulola obulamu, arali oburima bwa Nasaye buli akulu waye."
\c 4
\cl Omuliango 4
\p
\v 1 Bulano Yeso olwayamanya mbwe Abafarisayo bali nibamalire okhubulira mbwe alikhunyoola abeeka baangi nende khubatisia, abaandu baangi khukhira Yokhana
\v 2 (katakario Yeso mwene khasi yabatisianga khaba, arali abeeka baye),
\v 3 yarula Yudea nakalukha Galilaya.
\v 4 Ne biali mbwe abirire mu Samaria.
\v 5 Khukario yola mulukoongo lwa Sikari mudookho lia Samaria, ambi nende indalo ya Yakobo yali niyaberesia Yosefu omwana waye.
\v 6 Isebere ya Yakobo yali abweneao. Yeso yamala yekhale ambi nende isebere eyo khulwo bujoong'u bwolukeendo. Ne biali mubikha bia esidere musaa chisasaba.
\v 7 Omukhasi Musamaria yeecha okhudaya amaachi, ne Yeso namubolera ari, "mberesia amaachi ng'we."
\v 8 Khulwo khuba abeeka baye bali nibachiire mudookho okhukula ebiakhulia.
\v 9 Naye omukhasi Musamaria namubolera ari, "Bikeenda birie, ewe Muyaudi, usabe amaachi, esie mukhasi Musamaria?" Khulwo khuba Abayaudi sibakholeraanga alala nende Abasamaria.
\v 10 Ne Yeso namukalusia namubolera ari, "Wakhamanyirekho esianwa sia Nasaye, nende ula oli okhusabaanga amaachi, wakhamusabire, naye yakhakhubere amaachi kobulamu."
\v 11 Naye omukhasi oyo namubolera ari, "Omwami, obula indo yokhudaira khandi eliina niliraambi. Orusirie ena amaachi kobulamu?
\v 12 Khasi oli omukhoongo okhukhira sefwe Yakobo, owaruberesia isebere ino eyayang'wechangamo alala nende abaana baye nende emiruko kiaye?"
\v 13 Yeso namukalusia namuboolera ari, "Ula yeesi ong'wa khumachi kano ananyoola obuluo khandi,
\v 14 arali ula ywesi ong'wa amaachi kamuberesia khasi ananyoola obuluo khandi. Arali, amaachi kamuberesia kanekhola isebere mukari mwaye, nikakhulukusia mubulamu buralibwayo."
\v 15 Omukhasi namubolera ari, "Omwami, mberesie amaachi ako mbwe ndaranyoola obuluo khandi nende okhuchiririra okhwicha ano khudaya amaachi."
\p
\v 16 Naye Yeso namubolera ari, "Chia, olaange omusaacha wao, mani okalukhe ano."
\v 17 Naye omukhasi oyo namubolera ari, "Mbula omusaacha." Yeso namukalusia ari, "Obolere obwadieri, 'Mbula omusaacha,'
\v 18 khulwo khuba wakhamala okhuba nende abasaacha barano, ne kata owoli ninaye mubikha bino yeesi khasi nomusaacha wao. Obolere obwadieri."
\p
\v 19 Omukhasi oyo namubolera ari, "Omwami, ndola mbwe oli munabii.
\v 20 Abasefwe balamiraanga khulugulu luno, nang'we mubolaanga mbwe Yerusalemu niwo abuundu wa baandu bakhoyere okhulamira."
\v 21 Yeso namubolera ari, "Subire, mukhaye, mbwe ebikha biicha ebia murachia okhulaama Sefwe khulugulu luno kose kata Yerusalemu.
\v 22 Mulamaanga esiamuramanyire. Efwe khulamaanga owakhumanyire, khulwo khuba obuonia burula khu Bayaudi.
\v 23 Kata kario, ebikha biicha, ne nibio bino, ebia abalaami bobwadieri bachia okhulaama Sefwe muroho nende obwadieri, khulwo khuba Sefwe alikho akoonya abaandu nga abeene abo bamulaame.
\v 24 Nasaye ni Roho, ne bala abamulaama bakhoyera okhumulaama muroho nende obwadieri."
\v 25 Omukhasi oyo namubolera ari, "Manyire mbwe Messia alikho yeecha (oyo olangwa mbwe Kiristo). Omwene oyo namala yeecha, yakharufunulire amakhuwa koosi."
\v 26 Yeso namubolera ari, "Nisie omwene oyo, olomalomanga ninawe."
\p
\v 27 Mubikha biene ebio abeeka baye bamala bakalukhe. Ne baukisibwa muno ngolwa yali nalomalomaanga nende omukhasi, arali abulao yeesi owamureeba, "Mbwe okonyaanga sina? kose Khulwasina olomalomaanga ninaye?"
\p
\v 28 Khu kario omukhasi oyo yamala alekhe isiongo yaye, nakalukha mudookho lia Samaria, nabolera abaandu ari,
\v 29 "Mwiche, mulole omuundu ombolere amakhuwa kange koosi akandakhola. Omwene uno siafwana khuba niye Kiristo?"
\v 30 Abaandu barula mudookho nibamala nibamwichira.
\p
\v 31 Mubikha biene ebio, abeeka baye bali nibamwekwedaanga bari, "Omwekesia, liakho esiindu."
\v 32 Naye yababoolera ari, "Esie ndi nende ebiakhulia ebiokhulia ebiamuramanyire."
\v 33 Khukario abeeka barebana, niyaliwo omuundu wali namurerere esiindu esiokhulia siosi siosi?"
\v 34 Yeso nababoolera ari, "Ebiakhulia biange nikhukhola elienya lia oyo owanduma nende okhusirisia emirimo kiaye.
\v 35 Eng'we simubolaanga muri, 'Kisiiri emiosi kindi kinne khu likesa liule'? Mbabolera mbwe, lingale mulole echindalo, khulwobera ebikese biangale biolere okhukeswa!
\v 36 Oyo okesa anyoola omuruungo khandi abusianga ebiamo khulwo bulamu buralibwayo dawe, mbwe omuraaki nende omukesi banyoole osangalira alala.
\v 37 Khulwo khuba mulukaado luno olubolwangwa mbwe, mulala araaki, ne oundi akesa, 'nibwadieri.
\v 38 Barumire mbwe mukese ebiamurakholere emirimo. Abaandi bakholera emirimo, nangwe mwingire mumirimo kiabwe."
\p
\v 39 Omukaanda mukhoongo kwa Basamaria mudookho elio bamusubirira, khurulana nende elikhuwa liobuloli bwomukhasi oyo mbwe, "Ambolere amakhuwa kange koosi akandakhola."
\v 40 Khulwesio, Abasamaria nibeecha ewayali, nibamusaba mbwe amenye ninabo, ne namalayo echinyaanga chibiri.
\v 41 Obuungi bwabwe bamusubira khulwe likhuwa liaye.
\v 42 Nibamala nibaboolere omukhasi oyo mbwe, "Sikhusubira sa khulwobuloli bwao bwong'ane, khulwo khuba efwe abeene khwakhabulira, ne khandi khumanyire mbwe uno obwadieri nomuonia wesialo."
\p
\v 43 Lunyuma lwe chanyanga echio chibiri, yarulayo nachia Galilaya.
\v 44 Kata kario, Yeso omwene yali nabolere ari omunabii abulanga oluyali ewabwe.
\v 45 Olwayola Galilaya, Abagalilaya bamwingisia nende omwoyo kwoosi, khulwo khuba bali nibabwene bioosi ebiayali nakholere Yerusalemu musiserero.
\v 46 Khandi yakalukha Kana ya Galilaya, owayali nakalukhanie amaachi khuba ifini. Yaliwo omuundu mulala omukhoongo owomwana waye yali omulwaye eria Kaperenaumu.
\v 47 Niyaulira mbwe Yeso yali niyolere Galilaya khurulira Buyudea, yamuchira nende okhumusaba mbwe achie ninaye anyole okhuwonia omwana waye, owali nakhirirwe ambi nende okhufwa.
\v 48 Kata kario Yeso yamuboolera, "Noralola ebilolero nende akamakana siwakhasubira."
\v 49 Omukhoongo oyo namusaba ari, "Omwami, khuchie khwakanire omwana wange nasiri okhufwa."
\v 50 Yeso yamuboolera mbwe, "Bwao. Omwana wao nomulamu." Omuundu oyo yasubira elikhuwa lia Yeso yamuboolera, yamala abweo.
\v 51 Ngolwa yali nachia, abakholi baye bamwakanira, nibamuboolera mbwe omwana waye nomulamu.
\v 52 Yamala abarebe ebikha biayaoneramo. Bamukalusia bari, "Ekulo ebikha bia esaa saba musidere omusuuja kwamulekhere."
\v 53 Abwene ao samwana yamanyirisia mbwe nibio ebikha bia Yeso yali namuboolere mbwe, "Omwana wao nomulamu." Kario ye mwene alala nende boosi beinyumba yaye basuubira.
\p
\v 54 Sino nisio silolero siakhabiri esia Yeso yakhola niyakharula Ebuyudea nachia Galilaya.
\c 5
\cl Omuliango 5
\p
\v 1 Lunyuma lwako khwaliwo nende omukholo kwa Bayaudi, naye Yeso yachia Yerusalemu.
\v 2 Ne Yerusalemu bweneyo ambi nende omuliango okwa makondi, khwaliwo nende ediba elialangwa mbwe Betisaida eliri nende amasaga karano.
\v 3 Omukanda omukhoongo kwa balwaye, abaofu, abalema nende abekhuyuka bali nibakona awo.
\v 4 Khulwokhuba bi. liwo ebikha bia malaika yekhanga mumaachi okadubuula. Ne oyo yeesi owarangiranga okhwingira mumaachi, lunyuma lwokhudubusibwa, yaonanga amalwaye kaye koosi.
\v 5 Abwene ao yaliwo omusaacha yali niyakhalwala emiaka makhumi kadaru nende munane.
\v 6 Ngolwa Yeso yamulola nakonere ao, ne khandi mukhumanyirisia mbwe yali mumbeera eyo mubikha biraambi, yamureba ari, "Wenya khuwona?"
\v 7 Omulwaye wekhuyuka yamukalusia ari, "Omwami, mbula omuundu owukhunjira mumaachi nikakhadubusibwa, mubikha biamberanga ninjia, omuundu uundi andangiriranga."
\v 8 Yeso namuboolera ari, "Buukha, obukule omubaliso kwao obweo."
\v 9 Mubikha ebiene ebio yanyoola okhuwona, yamala abukule obuliri bwaye nakenda nachia: ne inyanga yene eyo yali Isabato.
\v 10 Khu kario Abayaudi bamala baboolere oyo muundu waona, "Ni inyanga ya Isabato, sofukirirwa okhukinga obuliri bwao dawe."
\v 11 Naye yabakalusia ari, "Oyo ombonisie niye omboolere mbwe, bukula omugodoro kwao wedwikhe okende nobwao."
\v 12 Bamureba khandi,"Niwina oyo oukhuboolere mbwe bukula obuliri bwao okende nochia?
\v 13 Kario, oyo owali naonere siyali namumanyire ebilayi, khulwokhuba Yeso yali niyeyibire nabwereo, khubirira mumukaanda okwa baandu kwali ao.
\p
\v 14 Ebikha nibiakhabirao, Yeso yanyoola omuundu oyo mukhekalu, namuboolera, "Lola omalire okhuwona! Orakhola esionono khandi, wichukhana esindu siindi simanu siakhunyoola."
\v 15 Kario omuundu oyo yamala abweo, ne naboolera Abayaudi mbwe ni Yeso niye wali namuonisie.
\v 16 Ne okhulondana nende akeene kano, Bayaudi bamusandia Yeso, khulwo khubeera yali nakholerenge ebiindu bino inyaanga ya Isabato.
\v 17 Naye Yeso yabakalusia nababoolera ari, "Baba wange alikho akhola emirimo khulwa bulano, Siesi, ndikho khola emirimo."
\v 18 Khulwo Khybeera kano, Abayaudi bakonya muno okhumwira, khulwokhuba siyali nafunake sa Isabato yong'ane, arali yali nalangire Nasaye Samwana, niyekeranisie khu Nasaye.
\p
\v 19 Yeso yabakalusia nababoolera ari, "obwadieri obwadieri mbaboolera, Omwana siyakhakhola siosi omwene, arali kalia akaalola Samwana nakhola, okhubeera siosi esia Baba akhola Omwana yesi akhola ario.
\v 20 Khubeera Baba yakheera Omwana, manu amwekesianga ebindu biosi ebia akholanga: khandi achia okhumwekesia ebikhongo okhukhira bino, mbwe munyole okhuukisibwa.
\v 21 Khulwo khuba ngolwa Samwana alamusia abafu nababeresia obulamu, nilwo olwa Omwana yesi aberesanianga obulamu khu yesi owakheera.
\v 22 Khulwo khuba Sefwe sakhalakiranga omuundu yesi dawe, arali yaberesia obukhalaki bwemisango bwoosi Omwana
\v 23 Khu kario buli omuundu anyale okhumuria Omwana, ngolwa amuria Samwana. Oyo oraria Omwana, khaba siyaria Sefwe owamuruma.
\v 24 Obwadieri, obwadieri mbabolera, oyo yeesi obulira elikhuwa liange nasubira oyo owanduma, ali nobulamu burabwayo ne khandi salikhalakirwa, arali amalire okhubira mulifwa nachia mubulamu.
\p
\v 25 Obwadieri, obwadieri, mbaboolera mbwe ebikha biicha, ne khandi nibio bino, ebia abafu bachia okhubulira idoboosi ya Omwana wa Nasaye, naye abo ababulira banamenya.
\v 26 Ngolwa Sefwe alinobulamu mukari mwaye, nilwo lwayaberesania Omwana, mbwe kario abe nobulamu mukari mwaye,
\v 27 Khandi sefwe yabersia Omwana obunyala obwo khukhalaka omsango, khulwo khuba nomwana owa omuundu.
\v 28 Muraukisibwa nende lino, khulwo khuba ebikha bicha bia balia boosi bali muching'ani bachia okhubulira idoboosi yaye.
\v 29 Ne bachia okhurula erwanyi: balia abakhola amalayi khubulamusibwi bwo bulamu, naye balia abakhola amabi khubulamusibwi bwo khukhalakirwa omusango.
\v 30 Esie sieng'ane sinyala okhukhola esindu sioosi khaba. Ngolwa mbulira, nilwo olwaakhalaka, ne obukhalaki bwange nobwa abweene khulwo khubera singonyanga elienya liange omweene, arali elienya lia ula owanduma.
\p
\v 31 Esie nindekholera obuloli omweene, obuloli bwange sibuba bunaba obwa bwadieri.
\v 32 Aliwo ourusianga obuloli bulondana ninange, nange manyire mbwe obuloli bwa akhola khwesie nobwadieri.
\v 33 Mwarumanisie khu Yohana, naye yarusisie obuloli bwo bwadieri.
\v 34 Naye obuloli bwanyoola siburula khu muundu khaba, kario mbolanga ebindu bino mbwe munyole okhuwonisibwa.
\v 35 Yohana yabeere itara yadukha nilolesia obulafu, naye eng'we mwabeere nimusangalira  mubulafu obwo mubikha bidiidi.
\v 36 Kata kario ndi nende obuloli bukhongo obukhira obwa Yohana, khulwo khuba emirimo ekia Baba yamberesia okhusirisia, ekia ndi okholanga, ekiene nobuloli buyera mbwe Baba yanduma.
\v 37 Baba owanduma omwene yamala okhurusia obuloli bwange. Eng'we musiabulirakho idoboosi yaye kata okhubonakho ifwani yaye mubikha biosi khaba.
\v 38 Khaba simuli nende elikhuwa mukari mweng'we, khulwo khubeera simusubira mu ulia owayaruma.
\v 39 Mukonyeresianga mumaandiko khulwo khubeera mupaara mbwe obulamu buralibwayo buli muniko, khumalakho amaandiko kene kano akanomanomangakho,
\v 40 Khandi simuli abaangu boo khunjchira mbwe munyoole obulamu.
\p
\v 41 Esie sinyolanga oluyali khurula khu baandu,
\v 42 Ne kario bamanyire, mbwe mubula obukheeri bwa Nasaye mukari mweng'we.
\v 43 Esie ndeecha mulira lia Baba, ni simufukirira khaba. Oundi niyechukhana yeecha muliira liaye mwene, mucha okhumufukirirai 
\v 44 Munasubira murie, eng'we bafukiriranga oluyaali lurula khubasieng'we, ni simukonya oluyaali lurula khu oyo oli Nasaye yeng'ane?
\p
\v 45 Murapara mbwe njia khubayasia imberi wa Baba. Oyo oubayasia niye Musa, oyo owamusubiramo.
\v 46 Kaba mbwe mwasubira Musa, siesi mwakhaasubire, khulwo khuba koosi akayaandika niko akanomanomakho esie.
\v 47 Nikakhaba mbwe simwakhasubire akayaandika, munasubira murie amakhuwa kange?
\c 6
\cl Omuliango 6
\p
\v 1 Lunyuma lwa amakhuwa kano koosi, Yeso yambukha ingerekha weinyaanja ya Galilaya, khandi eyilwngwa mbwe inyaanja ya Tiberia.
\v 2 Omukaanda mukhoongo okwa baandu kwamuloonda, khulwo khuba bali nibabwene ebilolero biingi ebia yali nakholeere abalwaye.
\v 3 Yeso yanina khu lugulu niyekhala ebwene eyo alala nende abeeka baye.
\v 4 Omukholo kwe Siyaudi okwa Pasika, kwali nikuli ambi.
\v 5 Ngolwa Yeso yalola omukaanda omukhoongo okwa baandu nikumwichira, yamala areebe Filipo ari, "Khunakula ena emigaati ekiyera abaandu bano khulia?"
\v 6 Arali Yeso yalomaloma lino kheteema Filipo, khulwo khubeera omwene yali namanyire esia yali nachia okhukhola.
\v 7 Filipo yamukalusia namuboolera ari, "Emigaati ekia chidinari mia chibiri sikiakhayera kata buli muundu okhunyoola mudidi."
\v 8 Mulala khu beeka olangwa, Anderea, omusiani wabwe Simoni Petero, yaboleera Yeso,
\v 9 " Khuli ano nende omusiani oli nemigaati kieingano kirano nende ching'eni chibiri, kata kario bino nisina khubaandu baangi?"
\v 10 Naye Yeso nabola, "Mwikhasie abasaacha mumikaanda." Ne obunyasi buungi bwali abuundu ao. Khu kario abasaacha bekhala, abayera elifu chirano.
\v 11 Yeso yabukula migaati, ne niyakhamala okhwebasia, yaberesania khu beeka nabo nibaberesia abaandu, yamala akhole ario khandi nende khuching'eni chosi nibanyola ngolwa lienya liali.
\v 12 Ngolwa abaandu bali nibakhekura boosi, yaboleera abeeka baye ari, "Busie ebimeka biemigaati bioosi bidong'ere, sibuleo esikora."
\v 13 Bamala babuusie ebimeka biemigaati nibarumbia ebikapo ekhumi nabibiri, ebiarulana khu migaati kirano.
\p
\v 14 Ngolwa baandu balola esiamakana sino esiayali nakholere, baboola bari, "Uno mubwadieri niye omunabii owakhoyera okhwicha musialo."
\v 15 Naye Yeso olwa yamanya mbwe abaandu bali nende elipaaro elio okhumukhola omuruki wabwe, yabarulakho nachia mulugulu yeng'ane.
\p
\v 16 Ingolobe ngolwa yoola, abeeka baye bakholomokha munyanja.
\v 17 Bengira muliaro  nibachia Kaperenaumu khubirira munyanja. Esirima siali nisiakhadira mubikha bino, naye Yeso yali nasiabeechera.
\v 18 Nayo inyanja yekinga khu mafinda khulwo muyaka mukhongo kwali nikuucha nende amaani.
\v 19 Kata kario nibakhafuka eliaro khulwa ebikha birambi, balola Yeso nakeenda khunyanja nasuda ambi nende eliaro, nabo nibadirwa nende noburi.
\v 20 Naye nababoolera ari, "Nesie! muraria khaba."
\v 21 Bamala babe nende omwoyo kwo okhumufukirira muliaro, ne mubwangu eliaro liola musikobero khulukongo owa bali nibachia.
\p
\v 22 Inyaanga yalondakho, omukaanda kwa baandu bali nibemere lwande lundi lweinyanja, sibalolakho eliaro lioosi, khumalakho elia abeeka baye bali nibaninire, arali Yeso siyali nachire ninabo.
\v 23 Kata kario, amaro kaandi kamala keeche ambi nende abali nibalirire migaati, khurula Tiberia.
\v 24 Ngolwa mukaanda kwamanyirisia mbwe Yeso nende beeka baye sibali ao, abeene bamala bengire mumaro nibachia Kaparenaumi okhukonya Yeso.
\p
\v 25 Nibakhamunyola olwande lundi lweinyanja, bamureba bari, "Omwekesia, wechere eno lina?
\v 26 Yeso yabakalusia, ari, "obwadieri, obwadieri, simuli khungonya khulwo khuba mwabwene ebilolero, arali mbwe mwaliire migaati mwekura.
\v 27 Murakholeranga mirimo siakhulia sibiiya, arali mukholere siakhulia siria sio bulamu burabwayo khaba, esia Omwana wo muundu achia khubaberesia, khulwo khuba Sefwe Nasaye yamala okhumurakho esibalikho."
\p
\v 28 Nabo nibamureba mbwe, "Khukhole sina, khu khunyale okhukhola emirimo kia Nasaye?
\v 29 Yeso yabakalusia nababoleera ari, "Kuno nikwo omulimo kwa Nasaye: Mbwe musubire mu oyo owayaruma."
\v 30 Kario nibamuboolera, "Nisilolero sina esiocha okhukhola, mbwe khubone mani khunyole okhusubira? Nisina esiochakhola?
\v 31 Basefwe balichanga manna musichimi, ngolwa kaandikwa, mbwe 'Yababeresia omugaaati khurula mwikulu balie."
\p
\v 32 Naye Yeso nabakalusia ari, "obwadieri, obwadieri, khaba siyali Musa owababeresia mugaati khurula mwikulu, arali ni Baba wange niye oli khu baberesianga omugaaati kwo bwadieri khurula mwikulu.
\v 33 Khulwo khuba omugaaati kwa Nasaye nikwoorula mwikulu nikwikha musialo nende okhuberesania obulamu."
\p
\v 34 Khu kario bamala bamuboolere, "Omwami, ruberesie Omugaati kuno buli lwoosi."
\v 35 Yeso nababoolera, "Nesie omugaati kwo bulamu: oyo yesi owicha khwesie khaba sanabona injala, khandi ulia yesi osubirira khaba sanaba nende obulwuo. Ne khandi malire okhubaboolera
\v 36 mbwe kario mumalire okhumbona, ni simusubira.
\v 37 Oyo yesi owa Baba amberesia ananjichira, naye oyo yeesi onjichira sindakhamusukuna khaba.
\v 38 Khulwo khuba sindeekha khurula mwikulu, okhwicha khukhola lienya liange, arali elienya lia oyo owanduma.
\v 39 Naye lino nilio lienya lia Baba owanduma, mbwe balia boosi bayamberesia, ndarakosia kata mulala, khumalakho boosi balamusibwe khunyanga yobumalirikhi.
\v 40 Khu kario lino nilio lienya lia Baba, mbwe ulia muundu yeesi obwene Omwana namala amusubirea, abe nande nobulamu oburabwayo khaba, nange ndakhamulamusie khunyaanga yo bumalirikhi."
\p
\v 41 Abayahudi bamala babe namabuburo khuye, khulwo khuba yali nababoleere ari, "Nesie omugaati kwekha khurula mwikulu."
\v 42 Khandi bamala barebane mbwe, "Uno siniye Yeso omwana wa Yosefu, owa samwana nende ng'ina khubamanyire? Bikenda birie bulano abole mbwe,' Ndeekha khurula mwikulu'?"
\v 43 Yeso nabakalusia nababoolera ari,"Mulekhe mabuburo akari weng'we.
\v 44 Abulao omuundu wakheecha khwesie Baba naramugamire, oyo owanduma, nange ndakha mulamusie inyanga yobumalirikhi.
\v 45 Kaandikwa mubanabii, 'boosi bahekesibwe nende Nasaye.' Ulia yesi owakhabulira nende okhweeka khurula khu Baba yechanga khwisie.
\v 46 Sikali mbwe omuundu yesi yamala okhumubona Baba, arali oyo ourula owa Nasaye _ yabona Baba.
\v 47 obwadieri, obwadieri mbabolera, oyo yeesi ousubira ali nobulamu burabwayo khaba.
\v 48 Nesie omugaati kwobulamu.
\v 49 Baseng'we balia manna musichimi, nabo nabafu khulwa bulano.
\v 50 Kuno nikwo omugaati kwekha khurula mwikulu, mbwe omuundu anyoole okhukulia, naye arafwa.
\v 51 Nesie omugaati omulamu okwekha khurula mwikulu: omuundu yesi nalia omugaati kuno, aba anamenya obulamu burabwayo: ne omugaati okwanjia oberesania nomubiri kwange khulwo bulamu bwesialo.
\p
\v 52 Bayaudi badirwa nende lirima beene khu beene nibaingana, nibaboola, "Omuundu uno yakharuba arie omubiri kwaye mbwe khulie?"
\v 53 Khandi Yeso nababoolera ari, "obwadieri, obwadieri, nimuralia omubiri kwa Omwana Womuundu nende okhung'wa amabanga kaye, mubula obulamu mukari mweng'we.
\v 54 Ula yesi olia omubiri kwange nende khung'wa amabanga kange ali nobulamu oburalibwayo, khandi ndakha mulamusie inyanga yobumalirikhi.
\v 55 Khulwo khuba omubiri kwange nesiakhulia siadieri, naye amabanga kange ne esia khungwa siadieri.
\v 56 Oyo olia omubiri kwange nende okhung'wa amabanga kange adong'anga mukari mwange, nange mukari mwaye.
\v 57 Ngolwa Baba oli mulamu yanduma, nange ngolwa menyanga khulwa niye, kario oyo onandia, yesi anamenya khubirira khwesie.
\v 58 Kuno nikwo omugaati kweekha khurula mwikulu: okukabukhane nende okwa baseng'we balia nibafwa. Oyo yeesi olia omugaati kuno achia okhumenya obulaamu buralibwayo khaba."
\v 59 Kano koosi Yeso yakaboola musinagogi nali mukhwekesia Kaperinaumu.
\p
\v 60 Kario baangi khu beeka baye ababulira mekesio baboola, "Amakhuwa kano namadinyu: niwina onyala okhukabulira?"
\v 61 Ngolwa Yeso yamanyirisia mukari mwaye mbwe abeeka baye bali namabuburo khu lino, yabareba ari, "Likhuwa lino libasinyisie?"
\v 62 Ne biakhafwane birie nimwakhabone Omwana Womuundu nanina nakalukha owa yali mukhuchaaka?
\v 63 Ni Rokho niye oberesanianga obulamu: omubiri sikuli nende nganga yosi. Amakhuwa kababoolere ni Rokho, khandi niko obulamu.
\v 64 Kata kario, baluwo balala    khweng'we abarasubira. "Khulwo khuba Yeso yamanya khurula mukhuchaaka abo abarakhasubire, nende oyo owakhamukhobe.
\p
\v 65 Yameda okhubaboolera ari, "Nikhubeera liene lino, ndamala okhuboola mbwe abulao onyala khwicha khwesie Baba naramunyalire."
\p
\v 66 Khulwa liene lino, abaangi khu beeka baye bamulekha, oburakenda ninaye khandi.
\v 67 Khulwesio Yeso yamala arebe abo ekhumi na babiri, "Mwesi mwenya okhubwao?"
\v 68 Simoni Petero yamukalusia namuboolera ari, "Omwami niwina oundi owa khunyala okhuchira? Oli nende amakhuwa kobulamu,
\v 69 Naye efwe khwasubira khandi khumanyire mbwe newe Kiristo, Omwana wa Nasaye mulamu."
\v 70 Yeso nakalusia nababoolera, "Sinesie owa _ balobola, eng'we ekhumi nababiri, naye mulala khwing'we ne sikhieno?"
\v 71 Lino yalomaloma khu Yuda Isikarioti omwana wa Simoni: omulala khu ekhumi nababiri oyo owaKhamukhobe.
\c 7
\cl Omuliango 7
\p
\v 1 Lunyuma lwa makhuwa kano koosi, Yeso yabodokhana Galilaya, khulwo khuba siyadakha okhuchia Buyudea esikera Bayaudi bakonyanga okhumwira.
\v 2 Ne omukholo kwa Bayaudi okwa mayeema kwali nikuli ambi okhuula.
\v 3 Abasiani babwe bamala nibamuboolera bari, "Rula mumaloba kano ochie Buyudea, mbwe abeeka bao bosi banyale okhubona emirimo ekiokholanga.
\v 4 Abulao omuundu okholanga esiindu sioosi mukhwekisa niyenya okhumanyikha mubwakhakhu. Nibili mbwe okhola ebiindu bino, werusie abulafu musialo."
\v 5 Kata nende abasiani babwe bosi sibamusubira.
\v 6 Naye Yeso namala nababoolera ari, "Ebikhabiange bisiri okhuula, ne ebikha bieng'we biliwo bulilwoosi.
\v 7 Esialo sisinyala okhubasiula eng'we, arali sisiula esie khulwo khubeera mboolanga obuloli bubola mbwe ebikhole biasioo nebibi.
\v 8 Eng'we muchie mumukholo: Esie khasinjia khulwo khubeera ebikha biange bisiola." Niyakhamala okhubaboolera
\v 9 amakhuwa kano, omwene yadoong'a Galilaya.
\p
\v 10 Arali abasiani babwe nibali bakhamala okhuchia mumukholo, yeesi yachia, mukhwekisa.
\v 11 Abayaudi bali nibamukonyaanga mumukholo nende okhureebana bari, "Ali ena?"
\v 12 Khwali nende okhurebana khungi akari womukaanda khulondana ninaye. Abaandi baboola bari, "Nomuundu mulayi." Naye abaandi babola bari," khaba, alikhukosia nende okhubacha abaandu."
\v 13 Ne kata kario abulao omuundu walomaloma mubwakhakhu khulondana naye khulwo khuria Bayaudi.
\p
\v 14 Ngolwa omukholo kwali nikuli akari, Yeso yachia muhekalu nachaaka okhwekesia.
\v 15 Abayaudi baukisibwa muno, nibaboola bari, "Omuundu uno amanyire arie amakhuwa maangi? Ne khandi abula amasomo."
\v 16 Yeso yabakalusia nababoolera ari, "Amekesio akandi ninako khasi nikange, arali nika ula owanduma.
\v 17 Omuundu yeesi niyenya okhukhola elienya liaye, ananyoola okhumanya amekesio kano, nikali mbwe karula khu Nasaye, kose nindeboolanga omwene.
\v 18 Ula owa mbolangakho omwene akonyaanga oluyaali lwaye mwene, naye ula okoonya oluyaali lwa ula owamuruma, omuundu oyo nowobwadieri, khandi obubi bwoosi sibumulimo khaba.
\v 19 Musa siniye owababeresia amalako? Ne kata kario abulao khwing'we owakadiira. Khulwa sina mukonyaanga okhunjira?"
\p
\v 20 Omukaanda kwamukalusia kuri, "Oli nesikhieno. Niwina okhukonyaanga okhwira?"
\v 21 Yeso yabakalusia nababoolera ari, "Kholerekho sa omulimo mulala, nimweesi muli khuukisibwa ninakwo.
\v 22 Musa yababeresia esikhebo (sikali mbwe siarula khu musa, arali siarula khu bakuuka), naye khandi mukheba omuundu inyaanga ya Isabato.
\v 23 Nikakhaba mbwe omuundu akheberwe inyaanga ya Isabato ne elilako lia Musa silifunakwe, khulwa sina mudiirwe nende elirima khulwo khubeera mbwe mbonesie omuundu inyaanga ya Isabato?
\v 24 Murakhalakaanga omusaango ngolwa mubona, arali mubulungifu."
\p
\v 25 Balala khu abo abarula Yerusalemu barebana bari, "uno siniye ula owabakoonyanga okhwira?
\v 26 Lole, ali ano mubwakhakhu, alomaloma nende ichuoni, ne sibulao esia bamuboolera. Sibinyalikha mbwe abaruki bamanyire obwadieri mbwe uno niye Kiristo, binyalikha?
\v 27 Kata kario khumanyire owa uno arula, arali Kiristo niyeecha, abulao owakhamanye owayakhabe narulire."
\p
\v 28 Yeso yakingula idoboosi yaye akulu muhekalu, niyekesia naboolaari, "Eng'we mweesi mumanyiire khandi mumanyire abuundu owandulaanga. Sindeecha khulwange omwene, arali oyo owanduma nowabwadieri, naye eng'we simumumanyire.
\v 29 Esie mumanyire khulwo khuba ndula khuniye ne niye owanduma."
\p
\v 30 Bakoonya nga bakhamudiira, arali abulao yeesi owamurakho omukhono khulwo khuba ebikha biaye biali bisiri okhuula.
\v 31 Arali abaangi mumukaanda bamusubira, nibamala nibareeba bari, "Kiristo nachia okhwicha, yakhakhole ebilolero bikhira ebia uno akholere?"
\v 32 Abafarisayo babulira abaandu nibabwebwerana amakhuwa kano khulondana nende Yeso, ne omukukhani mukhoongo alala nende Abafarisayo baruma abasikari okhuchia okhumudiira.
\p
\v 33 Yeso yamala ababoolere ari, "Siri ninang'we khulwebikha bidiidi, nibiakhabwa khoyera okhukalukhira ulia owanduma.
\v 34 Mwakhangoonye nisimwakhanyoole: owesie njia, eng'we simwakhechayo."
\v 35 Abayaudi balomaloma abene khubene, "Anachia ena omuundu uno owa khuranyala khwamunyoola? Anachia ye yambane nende Abayunani abasalana mani anyoole okhukesia Abayunani?
\v 36 Nilikhuwa sina lino eliaboolere, "Mbwe mwakhangoonye nisimwakhanyoole; owanjia: eng'we simwakholayo?"
\p
\v 37 Bulano khunyaanga ikhoongo yila imalirikha, eyomukholo, Yeso yeema mani nalangirira, naboola ari, "Omuundu yeesi oli nobuluo lekhe yeeche khwesie ang'we.
\v 38 Oyo yeesi osubirira, ngolwa maandiko kaboola, emialo kia amaachi akobolamu kinakhulukusia khurula munda yaye."
\v 39 Khumalakho yaboola kano khulondana nende Roho, oyo owabala qbamusubira bachia okhunyoola: kario Roho yali nasiri okhuberesanwa, khulwo khuba Yeso yali nasiri okhukingulwa.
\p
\v 40 Abaandu khubala abali mumukaanda, ngolwa babulira amakhuwa kano, baboola bari, "nibwadieri uno nomunabii."
\v 41 Abaandi baboola bark, "Uno niye Kiristo. Arali abaandi baboola bari, "Kirisito arula Galilaya?
\v 42 Amaandiko sikaboola mbwe Kiristo yakheeche khurula khu lwibulo lwa Daudi khandi khurula Bethelehemu, olukoongo lwa Daudi yamenyangamo?"
\v 43 Khulwako obukabukhani bwarulirao akari wabaandu okhulondana ninaye.
\v 44 Abaandi khu nibo badakha adiirwe, arali abulao owamurakho mikhono kiaye.
\p
\v 45 Abasikari bamala bakalukhe khu bakhoongo ba bakukhani nende Bafarisayo, nibabareba bari, "Khulwasina nimuramurera?"
\v 46 Ne abasikari nibabakalusia bari, "Abulao omuundu owamala okhulomaloma kori uno."
\v 47 Ne Abafarisayo babareeba bari, "Engwe mwesi mumalire okhubachwa?
\v 48 Balikhoo balala khubaruki kata Mufarisayo abamalire okhumusubira?
\v 49 Arali omukaanda kuno kuramanyire malako, kwachubwa."
\p
\v 50 Nikodemu (mulala khu Bafarisayo) owamuchiira esiro, yababoolera ari,
\v 51 "Amalako kefwe kakhalakira omuundu nasiri okhubulirwa nende okhumanyirisia esiakholanga?"
\v 52 Bamukalusia nibamureba bari, "Wesi orula Galilaya? Koonya mani olole mbwe abulao omunabii orula Galilaya."
\p
\v 53 Abaandu boosi basalaana buli siamulala nachia iingo waye.
\c 8
\cl Omuliango 8
\p
\v 1 Yeso yachia khulugulu lwa Emisiyituni.
\v 2 Khandi ichuli mumabwibwi yeecha mukhekalu, ne abaandu boosi bamala beche: yekhala asi nachaaka okhubekesia.
\v 3 Ne Abaandiiki nende Abafarisayo barera omukhasi owali nanyolekhane musikhole siobudaamba, nibamala nibamwemekha akari womukaanda.
\v 4 Nibamubolera bari, "Omwekesia, omukhasi uno anyolekhane nakhola obudaamba.
\v 5 Bulano mulilako, Musa yarulagira okhukhuya abaandu kori bano nende amakina, ewe oboola sina khulondana ninaye?"
\v 6 Baboola lino khulwo khumuteema, mbwe banyoole esiokhwemerakho, mani bamusitake, arali Yeso yagunama asi nachaaka okhwaandika khu maloba nende olwala lwaye, nabulerere nga omuundu orabaulire.
\v 7 Ngolwa bachirira okhumureeba mareebo, yakingukha niyeema nababoolera ari,"Oyo oli akari weng'we obula esionono, abe owamberi khumulasa elikina."
\v 8 Khandi yagunama asi, nachiririra khwandiika asi nende olwala lwaye.
\v 9 Ne ngolwa babulira lino, buli siamulala nakhalakirwa mumwoyo kwaye, bachaaka okhubwao, khuchaakira khu mukhulundu wabwe okhuula khumudidi. Yeso yenyoola nadong'ere yeng'ane, nende, omukhasi ula niyemere.
\v 10 Olwa Yeso yeema, nibinyolekhana mbwe omuundu yeesi siyaliwo okhumalakho omukhasi oyo, yamureeba ari, "Omukhaye abasitaaki bal baliena? Abulao kata mulala oukhukhalakire omusaango?"
\v 11 Yamukalusia namuboolera ari, "Abulao, Omwami." Yeso namuboolera, "Siesi sikhukhalakira khaba. Bwao norakhola esionono khandi."
\p
\v 12 Yeso yabalomalomera khandi naboola ari, "Nesie obulafu bwesialo, oyo ounoonda khasi nakeenda musirima, arali achia okhuba nende obulafu bwo bulamu."
\v 13 Abafarisayo nibamuboolera bari, "Ewe oli khwerusirianga obuloli omwene, obuloli bwao khasi nibwo bwadieri."
\v 14 Yeso yakalusia nababoolera ari, "Kata kario ninderusiria obuloli omwene, obuloli bwange nobwadieri: khulwo khuba manyire owandarula, nende owanjia, naye eng'we simumanyire owandarula nende owanjia.
\v 15 Mukholaanga obukhalaki bwo mubiri: naye esie sikholaanga obukhalaki khu muundu yeesi.
\v 16 Kata kario nikhalaka, obukhalaki bwange nobwadieri khulwo khubeera siindi sieng'ane, ari ndi alala nende Baba owanduma.
\v 17 Kaandikwa mumalako keng'we mbwe obuloli bwa baandu babiri nibwadieri.
\v 18 Nesie omwene orusia obuloli bwange, naye Baba owanduma arusia obulondana nange."
\p
\v 19 Bamureeba nibaboola bari, "Baba wao aliena?" Yeso yabakalusia ari, "Eng'we simumanyire esie kose Baba: bibere mbwe mwaamanya, mwakhamanyire Baba yeesi."
\v 20 Yaboola amakhuwa kano muimbikhiro ngolwa yachiririra okhwekesia mukhekalu, naye abulao omuundu yeesi owamudiira khulwo khuba ebikha biaye biali bisiola.
\p
\v 21 Khandi Yeso nababoolera ari, "Ndikho mbwao: muchia okhungoonya, ne muchia okhufwira mubionono bieng'we owanjia, eng'we simwakhechayo."
\v 22 Abayaudi nibarebana bari, "Achia okhweira? khulwo khuba aboola mbwe, owachia efwe sikhunyala khwachiayo?
\v 23 Yeso nababoolera ari, "Eng'we murula asi, nange ndula akulu. Eng'we muli abomusialo; Esie sindi owomusialo muno.
\v 24 Khulwako, mbaboolere mbwe mwakhafwire mubionono bieng'we: khulwo khuba nimurasubira mbwe NISIE, muchia okhufwira mubionono bieng'we."
\p
\v 25 Nibamala nibamureeba bari, "Ewe niwe wina? Yeso nababoolera ari, nisie ula owa mbaboolere okhurula mukhuchaaka.
\v 26 Ndi nende ebiindu biingi ebioboola nende okhuruisa obukhalaki akulu weng'we. Khumalakho, oyo owanduma niwobwadieri: ne mbolera esialo amakhuwa ka mbulire khuniye."
\p
\v 27 Sibamanyirisia mbwe yali nabalomalomeranga khulondana nende Samwana.
\v 28 Yeso nababoolera ari, "Nimwakhabe nimukingulire Omwana womuundu akulu, khumwakhamanye mbwe NESIE, mbwe khandi sibulao esiakholaanga khulwange omwene: khumalakho ngolwa Baba yanjekesia nilwo lwamboolanga ebiindu bino.
\v 29 Naye oyo owanduma ali ninange, Baba siyandekha sieng'ene, khulwo khuba buli lwoosi kholaanga bila ebimukheresia."
\v 30 Ngolwa Yeso yameeda okhuboola amakhuwa kano, obuungi bwa baandu bamala bamusubirire.
\p
\v 31 Yeso naboolera Abayaudi abo abamusubira ari, "Eng'we nimuchiririra mulikhuwa liange, abwene ao, munaba abeeka bange bobwadieri:
\v 32 Ne, munamanya obwadieri, nabwo obwadieri bunabakhola okhuba abalekhule."
\v 33 Nabo nibamukalusia bari, "Efwe khuli abolwibulo lwa Ibraimu, ne khusiri okhubakho abarumwa bomuundu yesi yeesi, oboola orie, "Mbwe munakholwa abalekhule?"
\v 34 Yeso nabakalusia ari, Mubwadieri, mubwadieri, mbaboolera, Oyo yeesi okhola esionono, nomurumwa wasio.
\v 35 Naye omurumwa khasi amenyaanga munyuumba echinyaanga chioosi: arali omwana amenyaanga chinyaanga chioosi.
\v 36 Khu kario, Omwana nabakhola okhuba abalekhule, munaba abalekhulwe bobwadieri.
\v 37 Manyire mbwe muli abolwibulo lwa Ibraimu: ne kata kario mukoonya okhunjira, khulwo khuba elikhuwa liange libula obweyaango mukari mweng'we.
\v 38 Nomanomanga kalia akambwene khurula khu Baba: nang'we mukholaanga akamubwene khu baseeng'we."
\p
\v 39 Bamukalusia nibaboolera bari, "Ibraimu niye sefwe." Naye Yeso nababoolera ari, "Mubeere abaana ba Ibraimu, mwakhakholere emirimo kilondana nende Ibraimu.
\v 40 Ne khulwa bulano mukoonya ookhunjira, omuundu obabooleere obwadieri obwambuliire khurula khu Nasaye.
\v 41 Mukholaanga ebikhole bia seng'we. Nabo nibakalusia nibamuboolera bari, Efwe sikhwebulwakho mubucheke: khuli nende Sefwe mulala, oli Nasaye."
\v 42 Yeso nababoolera ari, "Nasaye abere mbwe niseng'we, mwakhakheerere, khulwo khuba ndarula khu Nasaye, sindeecha khulwange omwene, arali niye owanduma.
\v 43 Khulwa sina simumanyirisia amakhuwa kange? Nikhubera simunyala okhubulira amakhuwa kange.
\v 44 Eng'we muli abaseng'we sietani, ne mukheresebwa okhukhola ameenya kaseng'we. Yali omwiri okhurula mukhuchaaka, khubeera siyemaanga mubwadieri khulwo khuba obwadieri sibuli mukari mwaye. Nalomaloma obubacha, abechaanga alomaloma  eimera yaye khulwo khuba nomubacha khandi niye simwana obubacha.
\v 45 Ne, khulwo khuba mbaboolera obwadieri, khaba simuli abasuubira.
\v 46 Niwina khweng'we owakhambolakho esionono? Nikali mbwe mbolaanga obwadieri khulwa sina simusubira esie?
\v 47 Oyo oli owa Nasaye abuliraanga amakhuwa ka Nasaye, arali eng'we simukabuliranga, khulwo khuba simuli aba Nasaye."
\p
\v 48 Abayaudi nibamala nibamukalusia bari, "Efwe sikhuboolanga obwadieri mbwe oli Omusamaria, khandi olimo esikhieno?
\v 49 Yeso nabakalusia ari, esie mbula esikhieno, arali mberesianga Baba wange esiriibwa, eng'we nag'we simumberesia esiriibwa khaba.
\v 50 Esie singonyaanga oluyaali lwange omwene: aliwo mulala konyaanga nakhalaka.
\v 51 Mubwadieri, mubwadieri, mbaboolera mbwe, omuundu yeesi niyelinda mulikhuwa liange, siyakhalole eliifwa khaba."
\p
\v 52 Ne Abayaudi nibamuboolera bari, "Bulano khwakhamanya mbwe olimo esikhieno. Ibraimu nende abanabii bafwa: nawe oboola mbwe, "Omuundu yeesi naliinda elikhuwa liao khasi anaboona eliifwa.'
\v 53 Ewe khasi oli omukhongo okhukhira sefwe Ibraimu nende abanabii bafwa, ewe wekhola okhuba wina?
\v 54 Yeso nakalusia ari, "Esie nindekingimasia omwene, okhwekingimasia khwange nebikhaya: Baba niye oungingulanga _ owamubolaanga mbwe ni Nasaye weng'we.
\v 55 Eng'we simwamumanya khaba: arali esie mumanyire. Nimboola, mbwe sindamumanya, mba ndaba kori eng'we, ababacha. Ne kata kario, esie mumanyire khandi nindaanga elikhuwa liaye.
\v 56 Seng'we Ibraimu yasangalira okhuboona oludalo lwange, ne ngolwa yalubona, yali omusangafu lukali."
\p
\v 57 Khandi Abayaudi nibamuboolera bari, "Ewe osiri okhusia emiaka makhumi karano, noboola mbwe wamubona Ibraimu?"
\v 58 Yeso nababoolera ari, Mubwadieri, mubwadieri, mbaboolera, Ibraimu nasiabao, Ndaliwo."
\v 59 Badoola amakina okhumulasa, arali Yeso yekisa namala narula erwanyi weikhekalu.
\c 9
\cl Omuliango 9
\p
\v 1 Ne ngolwa Yeso yali nabira, yalola omuundu mwoofu khurula okhwibulwa khwaye.
\v 2 Abeeka baye bamureeba bari, "Omwami, niwina owakhola echiimbi, nomuundu uno, kose abebusi baye, khuniyebulwa omwoofu?"
\v 3 Yeso nabakalusia ari, "Omuundu uno siyakhoola chiimbi, kata abebusi baye, biekhola birio mbwe emirimo kia Nasaye kinyoole okhuloleekha muniiye.
\v 4 Khoyeera okhukhoola emirimo kia ula owanduma nisisiri esidere, esiro silikho siicha esiomuundu aranyaala okhukhoola omulimo.
\v 5 Esie nisiiri musialo, Nisie obulafu bwo musialo."
\p
\v 6 Lunyuma lwa Yeso okhuboola makhuwa ako, yafuucha mare khuloba, nakhola lidosi elia mare, namala nabakha khuchimoni chiaye nende elidosi elio.
\v 7 Namala namuboolera ari,"Chia weyosie mulidiba lia Siloamu" (sifunane sielira lino ni "owarumwa"). khulwesio yabwao nachia niyeyosia, manu yakalukha nabona.
\v 8 Abamenyeranwa bo muundu oyo nende balia boosi, abali nibamumanya ngomwofu, bareebana mbwe, "Uno siniye owekhaalenge nasabirisia?
\v 9 Abaandi baboola mbwe," Niye ", Nabandi nibaboola mbwe siniye, khumalakho afwanana ninaye." Naye omwene naboola mbwe, "Nisie."
\v 10 Nibamureeba khandi mbwe, "Chimoni chiao chilimbukhe chirie?
\v 11 Yabakalusia ari, "Omuundu olangwa Yeso, akasiisie lidosi nambakha khu chimoni namboolera mbwe, 'Chia mudiba lia siloamu weyosie. Njiire nindeyosia, awo niwo owanjakire okhuboona."
\v 12 Bamala bamureebe mbwe, "Aliena? Yabakalusia ari Simanyire ewaali.
\p
\v 13 Bamala bareera omuundu oyo, owaali mwoofu khu Bafarisayo.
\v 14 Nayo yaali inyanga ya Isabato, niyo ya Yeso yanyooba lidosi namubwikhula chimoni.
\v 15 Khandi kario Abafarisayo bosi nibamureba ngolwa anyolere okhubwikhulwa chimoni. Namala nababoolera ari, "Abakhire lidosi khuchimoni chiange, Nimala chioosia, ne bulano mbona."
\v 16 Abalala khu Bafarisayo nibaboola, "Omuundu uno siwa Nasaye khaba, khulwo khuba saliindanga Isabato khaba." Ne baandi nibaboola bari, "Binyalikhana birie omwononi okhukhola ebia makana nga bino biri? Obukabukhani bwarulirao akari wabwe.
\v 17 Khandi nibareeba oyo owaali omwoofu mbwe, "Ewe obolakho sina khu oyo okhuwoniisie chimoni chiao? Nabakalusia ari, "nomunabii."
\p
\v 18 Arali, Abayaudi sibamala basubire mbwe yali omwofu, mani yali nanyolere okhuwona, okhuula olwa balanga abebusi baye.
\v 19 Bamala bareebe abeebusi baye, "Uno niye omwana weng'we owebulwa omwoofu? Bifwana birie mbwe bulano alikho abona?
\v 20 Abeebusi baye bakalusia nibaboola bari, "Khumanyire mbwe uno niye omwana wefwe, owebulwa nali omwoofu.
\v 21 Khumalakho, ngolwa anyoolere khuchaaka khubona, efwe sikhumanyire, omwene nomukhulundu mumureebe, anyala yelomalomera."
\v 22 Abeebusi balomaloma bario, khulwo khubeera baria Abayaudi, sifune siali mbwe Bayaudi bali nibamalire okhufukirisania mbwe omuundu  yesi oweyama mbwe Yeso niye Kiristo, yerusibwe khurula Musinagogi.
\v 23 Khulwo khubera ebiene bino, nibio ebiakera abeebusi baye nibaboola mbwe, "Omwene nomukhulundu, mumureebe."
\p
\v 24 Balaanga khandi Omuundu oyo owali mwoofu, nibamuboolera bari, Beresia Nasaye oluyaali. Efwe khumanyire mbwe omuundu oyo nomukholi wechiimbi" Omuundu oyo nabakalusia
\v 25 ari, "Esie simanyire nali omukholi wechiimbi, manyire sindu silala: Ndabeere omwoofu, ne khulwa bulano ndikho mbona."
\v 26 Khandi nibamureba bari, "Nisina esia akhukholere? Afungule arie chimoni chiao?"
\v 27 Naye nabakalusia mbwe, "Malire okhubaboolera, nang'we simubulire. Khulwa sina mudakha khuulira khandi? Mwenya mweesi okhuba abeeka baye?"
\v 28 Bamala bamwalabire nende khumunyeka, Omalire okhuba omweeka waye, efwe khuli abeeka ba Musa.
\v 29 Khumanyire mbwe Nasaye yalomaloma nende Musa, naye sikhumanyire owa muundu uno arula."
\v 30 Omundu oyo yabakalusia nababolera, "Lino nelikhuwa liukisia, mbwe simumanyire owarula, ne kata kario abwikhuule echimoni chiange.
\v 31 Khumanyire mbwe Nasaye siabuliranga abakhooli bechiimbi khaba, ne, kario omuundu nali omulaami wa Nasaye, nikhandi akholaanga lienya liaye, amubuliraanga.
\v 32 Khurula esialo nisibao bisiaulirikhana mbwe omuundu yeesi yamala abwikhule chimoni chia ulia yebulwa naali omwoofu.
\v 33 Bibere mbwe omuundu uno siarula khu Nasaye, siayakhakholere esindu khaba."
\v 34 Bamukalusia nibamuboolera bari, "Ewe webulwa muchiimbi, ne, bulano wenya khurwekesia? Bamala bamusukune erwanyi.
\p
\v 35 Yeso yabulira mbwe bamusukune erwanyi wa Isinagogi. Ne, niyali niyakha munyoola, yamureeba ari, "Osubira mu Mwana wa Nasaye?
\v 36 Yakalusia naboola, "Omwami, aliena, musubirire?"
\v 37 Yeso yamuboolera ari, "Omalire khumuboona, niye oulomalomanga ninawe."
\v 38 Naye naboola mbwe, "Omwami, subira ", namala namwinamira.
\p
\v 39 Yeso naboola ari, "Khulwa bukhalaki esie ndeecha musialo sino, mbwe kata kario abo abarabona banyoole okhubona, naye abo ababona babe aboofu."
\v 40 Balala khu Bafarisayo abaali ninaye babulira makhuwa kano, ne, bamala bamurebe bari, "Fwesi khuli boofu?"
\v 41 Yeso nababoolera ari, "Mubere boofu, mwakhaumire echiimbi, ne, khulwo khubera muboola, mbwe mubona, kario echiimbi chieng'we chidong'a nichiriwo."
\c 10
\cl Omuliango 10
\p
\v 1 "Obwadieri, obwadieri, mbaboolera, ula oreengira khubirira mumuliango kwesidwoli sia makondi, naye anina okhubirira buleka yindi, omuundu oyo nomwibi khandi no mung'uusi.
\v 2 Oyo owingiira khubirira mu muliango nomwayi wa makondi.
\v 3 Khumwene oyo, omwemeresi amalanga amufungulira omuliango. Amakondi kabulira ldoobosi yaye, naye alanga amakondi kaye khulira nakemirira okhurula erwanyi.
\v 4 Niyakhamala okhukarusia koosi erwanyi, akarangirira imberi, naye makondi kamala kamulonde, khulwo khuba kamanyire idoobosi yaye.
\v 5 Naye omurende sikakhamuloonda, ne khumalakho kana mwirukha, khulwo khubera sikamanyire ldoobosi yabakeni."
\p
\v 6 Olukado luno, Yeso yababoolera, ne khumalakho sibanyoola okhumanyirisia kalia akayali nababoleranga.
\v 7 Yeso khandi nababoolera ari, "Obwadieri, obwadieri, mbaboolera, "Nisie omuliango kwa makondi.
\v 8 Abo boosi abandaangirira nabeebi khandi bang'uusi, ne kario amakondi sikabarekeresia khaba.
\v 9 Nesie omuliango: omuundu yeesi niyeengira khubirira khwesie, anaonisibwa: naye khandi aneengira narula nende okhunyoola olwayiro.
\v 10 Omwibi siyechanga arali mbwe yeebe, yeere nende okhunyasia. Esie ndeecha mbwe babe nobulamu khandi babe ninabwo mubwichufu.
\p
\v 11 Nesie omwaayi mulayi: Omwaayi mulayi arusianga obulamu bwaye khulwa makondi.
\v 12 Naye oyo owo khurungwa, orali omwaayi mwene makondi, naloola isolo niicha niyerukha alekha makondi, ne isolo imala idira khandi isaakula amakondi.
\v 13 Omwene oyo yerukhaanga khulwo khubera nomukhosi wokhurungwa oradeberera makondi.
\v 14 Nesie omwaayi mulayi, ne khandi manyire amakondi kange, naye koosi kamanyire.
\v 15 Ngolwa Baba aamanyire, nilwo lwa siesi mumanyire, naye esie mberesania obulamu bwange khu makondi.
\v 16 Ne ndi na makondi kandi karali kesidwoli sino, koosi khoyere khukarera, ne kanabulira idoobosi yange, ne khunaba nesidwoli silala nende omwaayi mulala.
\v 17 Niko kakira Baba nakheera, khulwo khubeera mberesania obulamu bwange, khuumale mbubukule khandi.
\v 18 Abulao muundu obubukula khurula khwesie, nesie omwene obuberesania. Ndi nobunyala bwo khuberesania, ne khandi ndi nobunyala bwo khububukula khandi. Nyoola elilako lino khurula khu Baba wange."
\p
\v 19 Obukabukhani bwarulirao khandi akari wa Bayaudi khulondana nende mekesio kano.
\v 20 Obuungi bwabwe baboola mbwe, "Uno alimo sikhieno, khandi nomulalu, khusiina mumurekeresie?
\v 21 Balala khunibo nibaboola mbwe, "Kano sinamakhuwa karula mu muundu ulimo sikhieno khaba. Sikhieno sisinyala okhubwikhula echimoni chiomwoofu?
\p
\v 22 Mubikha ebio omukholwa kwo khurebwakho mukhono kwali kubekho mu Yerusalemu, chiali chinyaanga chieimboo.
\v 23 Naye Yeso yaali nakendaanga muikhekalu mubweru bwa Solomoni.
\v 24 Khandi Bayahudi bamala beeche nibamubodookhana chimbeka chioosi, nibamuboolera bari, "Ochia khurukhoola khukhae okhusubira khula liina? Nibiri mbwe niwe Kiristo, ruboolere mubwakhakhu."
\v 25 Yeso nabakalusia ari, "Ndababoolera, ne simwamala musubire, emirimo kia kholanga mulira lia Baba, ekiene nobuloli bulondana nange.
\v 26 Ne kata kario khaba simusubira, khulwo khubera simuli makondi kange.
\v 27 Amakondi kange kabuliraanga idoobosi yange: khandi kaamanyire, naye kaanondanga.
\v 28 Mbaberesianga obulamu burabwayo khaba, sibakhabone eliifwa, naye khandi abulao ochia khubarusia khu mukhono kwange.
\v 29 Baba, owamberesia nibo nomukhoongo khukhira boosi, khaandi sialiwo omuundu onyala khubarusia mumukhono kwa Baba.
\v 30 Esie nende Baba khuli sindu silala.
\p
\v 31 Khaandi Bayaudi babukula amakina nibali nelichomo lio khumukhuya.
\v 32 Yeso yabakalusia nababoolera ari, emirimo miingi milaayi kiandakhabekesia okhurula khu Baba: Nimulimo sina khwekio, kwamudakha okhukhuya makina?
\v 33 Bayaudi nibamukalusia bari, "sikhukhuya makina Khulwomulimo mulayi kwosi khaba, arali khulondana nende okhwekerania khwao khu Nasaye, ewe omuundu, oli khwekhola Nasaye."
\v 34 Yeso nabakalusia ari, "Sikaandikwa mumalako keng'we mbwe, "Ndaboola, "Eng'we muli runasaye "?
\v 35 Nikakhaba mbwe yabalaanga runasaye, balia belikhuwa lia Nasaye liecheera (maandiko sikakhafunakwa)
\v 36 Muli khuboleranga ulia owa Nasaye yamulabia namuruma musiaalo, 'Oli khwekerania khu Nasaye: khulwo khubera mbolere, mbwe ndi Omwana wa Nasaye'?
\v 37 Nikakhaba mbwe siindi okhukhoola emirimo kia Baba, murasuubira.
\v 38 Ne nikali mbwe ndi okikhola, kata nimurasubira esie, subire mumirimo, mbwe munyoole okhumanya, mani musubire mbwe Baba ali mukari mwange, nange mukari mwaye.
\p
\v 39 Bateema omukwakho khaandi, naye kata kario yabeibakho khurula mumakhono kabwe.
\p
\v 40 Yamala abweo khaandi khubira Yorodani khuula abuundu wa Yokhana yachakira okhubatisia, naye namenya eyo.
\v 41 Abaandu baangi bamuchira, ne nibamuboolera mbwe, "nobwadieri Yohana siyakhoolakho ebilolero bioosi, naye khumalakho amakhuwa koosi ka Yohana yaboola khulondana nende omuundu uno nikobwadieri."
\v 42 Obuungi bwabaandu bamala bamusubire eyo.
\c 11
\cl Omuliango 11
\p
\v 1 Naye omuundu undi yali omulwaaye, yalangwa Lasaro, owa Bethania, elidookho lia Maria nende omukhana wabwe Marita.
\v 2 Niye Maria ula owachukha amafura kesing'ari khu makulu ko mwami, ne niyeeya amakulu kaye nende elifwiri liaye, owo musiani wabwe Lasaro yaali omulwaye.
\v 3 Abakhaana babwe bamurumira elikhuwa, nibaboola, Omwami loola, ulia, owawakheera alwaala.
\v 4 Ngolwa Yeso yabulira ako, yaboola ari, obulwaaye buno sinobweliifwa, arali khulwoluyaali lwa Nasaye, mbwe Omwana wa Nasaye akingulirwemo
\v 5 Naye Yeso yakheera Marita, nende omukhana wabwe, nende Lasaro.
\v 6 Ngolwa yaali nabulire mbwe Lasaro nomulwaaye, yakhindayo khulwechindalo chibiri abuundu ayaali.
\p
\v 7 Ne lunyuma naboolera abeeka baye ari, khuchie khaandi Buyudea
\v 8 Abeeka baye nibamubolera bari, Omwami, Abayaudi ambi ano benyere okhukhuya nende makina, khaandi wenya khuchiaayo?
\v 9 Yeso nakalusia ari, sichirimo echisaa ekhumi nende chibiri muinyanga. Omuundu nakeenda esideere, siyegumula khaba, khulwo khuba aloola obulafu bwesialo.
\v 10 Naye omuundu nakeenda esiro, yegumula, okhuba obulafu bumubulamo.
\p
\v 11 Ebindu bino yaboola, nolunyuma nababoolera ari, omwicha wefwe Lasaro akonere, naye njiia, mbwe mubuusie mundoolo.
\v 12 Naye abeeka baye nabo nibaboola bari, Omwami, nakona anaba ebilayi.
\v 13 Naye Yeso yalomalomera khu liifwa liaye, nabo bapara mbwe yaali alomalomere khu khubuluukha khwechindoolo.
\v 14 Ne yeso nababoolera mubwakhakhu ari, Lasaro afwiire.
\v 15 Ne ndi musangaafu khulweng'we mbwe sindabereyo khaba, mbwe munyaale khusubirira; araali khakhuchieyo.
\v 16 Naye Tomasi oulangwa mbwe Didimo naboolera abeeka basie ari, khakhuchie fwesi khufwe ninaye.
\p
\v 17 Ne Yeso niyeecha, yanyoola mbwe yaali akonere mung'ani chinyanga chinne.
\v 18 Bulano Betania yaali ambi nende Yerusalemu, oburambi bwa maili chibiri.
\v 19 Abayaudi bangi becheera Marita nende Maria, okhubesasira khulwa omusiani wabwe.
\v 20 Naye Marita, olwa yabulira mbwe Yeso yechaanga, yaacha khumubukananira, naye Maria niyeekhala mubwedemberefu munyumba.
\v 21 Ne Marita naboolera Yeso ari, Omwami, oba mbwe waliano, omusiani wefwe khasi yakhafwiire.
\v 22 Ne manyire mbwe kata ebikha bino, sioosi esionasaba Nasaye, anakhuberesia.
\v 23 Yeso namuboolera ari, omusiani weng'we anabuukha khaandi.
\v 24 Marita namuboolera ari, manyire mbwe yakhabuukhe khaandi mubulamukhi bwoinyanga yobumalirikhi.
\v 25 Yeso namuboolera ari, esie nesie obulamukhi, nende obulamu, oyo ousubiramo, kata naafwa, alimenya khaandi.
\v 26 Naye oumenya niyasubiriremo, kata naafwa siyakhafwa khaba. osubirira kano?
\v 27 Namuboolera ari, ee, Omwami; subirira mbwe newe Kirisito, omwana wa Nasaye, akhoyera yeeche musialo.
\p
\v 28 Niyakhamala khuboola ario, yarulao, nalaanga Maria mukhana wabwe masididie, namuboolera ari, omwami yakheecha, ne akhulaanga.
\v 29 Ngolwa yabulira ako, yabuukha lwaangu niyeecha owa yaali.
\v 30 Yeso naye yaali asiri abuundu wa marita yamubukananira.
\v 31 Abayaudi abali naye munyuumba, nibamwesaasiranga, olwababoona narula lwaangu erwanyi, bamulondakho nibapara mbwe achia khusirindwa khulira. Olwa Maria yeecha owa Yeso yali,
\p
\v 32 niyakhamuloola, yakwa mumakulu kaye, namuboolera ari, Omwami, oba mbwe waliano, omusiani wefwe khasi yakhafwiire khaba.
\v 33 Ngolwa yeso yamuboona nalira, alala nende Abayaudi abeecha ninaaye, yabesaasira mumwoyo nende khunyasibwa.
\v 34 Nareeba ari, mwamurere ena? Nibamuboolera bari, Omwami, icha olole.
\v 35 Yeso yalira.
\v 36 Abayaudi nibaboola bari lolakho kori ngolwa yali yamukheera.
\v 37 Abaandi nibaboola bari, omuundu uno owekula echimoni chia abaofu, abao siyakhamukayiire khufwa?
\p
\v 38 Yeso khaandi nali okhuchunisibwanga mumwoyo yeecha khusirindwa. Eliali likhokho, naye likina liarebwakho.
\v 39 Yeso nababoolera ari, rusieyo elikina. Marita omukhana wabwe omufu, namuboolera ari, Omwami, ebikha bino aunya: okhuba yakhamala chindalo chinne nafwiire.
\v 40 Yeso namuboolera ari, sibaboolere mbwe nimusuubira munaloola oluyaali lwa Nasaye?
\p
\v 41 Nibamala nibarusiayo elikina ala owa omufu yaali narerweo, Ne Yeso nakinguula chimoni akulu, naboola ari, Baba, khubira orio mbwe umbuliranga,
\v 42 Ne manyire mbwe ombuliranga buli lwoosi: Ne khulwa khubera abaandu beemere ano mboolere kene kano, mbwe bamanye mbwe waanduma.
\v 43 Niyakhamala khuboola kene ako, yalira nende idoobosi ikhoongo, naboola ari, Lasaro, rula erwanyi.
\v 44 Naye owali nafwiire nabuukha, nabooyerwe makhono nende makulu nende isaanda: obweni bwaye nibuboyerwe nende sitambaya. Yeso nababoolera ari, mubmubolole, mulekhe abweeo.
\p
\v 45 Naye abayaudi baangi abaali becheere Maria, nibakhamala khuboona aka Yeso yakhoola, bamusubiriramo.
\v 46 Naye abaandi barulao niibachira Abafarisayo, nibababoolera aka Yeso yaali akholeere.
\v 47 Abakukhani bakhoongo nende Bafarisayo nibakhoola omukhuung'ano, nibareebana bari khukhoole siina? Okhuba omuundu uno akhoola ebiamakana biingi.
\v 48 Nikhumulekha khurio, abaandu boosi banamusubiramo: naye Abarooma baneecha babukule esimenyo siefwe nende esialo siefwe.
\p
\v 49 Arali mulala khunibo, olangwa mbwe Kefa, owali mukukhani mukhoongo omwaka okwo, nababoolera ari, mukorerwe liosi,
\v 50 kose simumanyire mbwe bienyekhana, omuundu mulala khufwiira abaandu, mbwe asiaalo sioosi sikhaye khusasikha.
\v 51 Ne kano siyeboolera omwene: nabere omukukhani mukhoongo omwaka okwo, yarusia obunabii ari, Yeso akhooyere afwiire esiaalo esio.
\v 52 Sinesiaalo esio sionge'ne, araali mbwe abuusie alala abaana ba Nasaye abasaalana mubiaalo.
\v 53 Ne okhurula inyanga eyo babulirisiania mbwe bamwire.
\p
\v 54 Yeso siyachiririra okhukeenda mubwakhaakhu khu bayaudi; araali yaachia musiaalo esili ambi nende luumirira, mu lidookho lilangwa mbwe Ephraim, nachiririra nende abeeka baye.
\p
\v 55 Nayo pasaaka ya Bayaudi yaali ambi, ne abaangi barula musiaalo nibachia Yerusalemu pasaaka niisiri okhuula, khulwo khwelabia,
\v 56 Ne nibakoonya Yeso, nga baboolanira beene nibemere muikhekalu, mbwe mupara aneecha mumukhoolo kuno?
\v 57 Ne mukhoongo wabakukhani nende Owbafarisayo bali nibabisisie likhuwa mbwe niyakhabao omuundu omanyire owaali, aboole, bamale bamukweekho.
\c 12
\cl Omuliango 12
\p
\v 1 Naye chindaalo chisasaba Pasika niisiri khuula Yeso yeecha Betania, Owa Lasaro yaali, owali nafwire, yamulamusia.
\v 2 Nibamukasiria ebiakhulia ebiakhulia bieingolobe, Marita nabakhalabaniranga: Ne Lasaro nali omulala khu balia abali khumesa.
\v 3 Maria namala nabukula iratili yamafura aka narido akobukusi bwaakulu, nachukha khumakulu ka Yeso, niyeeya nende lifwiri liaye, inyuumba niyichula esing'ari sia amafura.
\p
\v 4 Ne omulala khubeeka baye, Yuda Iskarioti, omusiani wa Simoni, ochia okhumukhoba, naboola ari,
\v 5 Nisina sikera amafura kano nikarakusibwa echidinari echimia chidaru, chiberesibwe abamanani?
\v 6 Kano siyaboola khulwo khuba adeeba abamanani khaba, arali khuba yali omwibi, khubeera niyewali nomufuko okwa yabukulangamo ebirimo.
\v 7 Yeso naboola, mulekhe abe, akholeere lino okhulindirira indaalo yokhusikhwa khwange.
\v 8 Okhuba buli lwoosi muli nende abamanani, araali esie simuli ninasie buli lwoosi.
\p
\v 9 Abayaudi baangi bamanya mbwe aliwo: kata kario sibeecha khulwa Yeso yeng'ene araali babone Lasaro yeesi, owali nalamusibwe khurula mubafu.
\v 10 Abakukhani bakhongo bakhobana ngabakhamwira Lasaro yesi:
\v 11 mbwe khulwo khubeera Abayaudi baangi bali nibabwao, nibamusubire Yeso.
\p
\v 12 Inyanga yalondakho abaandu baangi bali becheere mumukholo, olwababulira mbwe Yeso yali yecha Yerusalemu,
\v 13 babukula amasafu kamakhiindu, nibachia okhumubukananira, Nibaayula, Hossana: noweikhabi Omwami omuruki owiicha mulira lio omwami wa Isiraili.
\v 14 Yeso naye: yanyoola omwana weipuunda, niyekhalakho: ngolwa kaandkwa,
\q
\v 15 Oraria, omukhana wa Sayoni: lola, Omuruki wao yeecha niyekhaale khumwana weipuunda."
\p
\v 16 Mukhuchaaka abeeka baye sibamanyirisia amakhuwa kano, okhuula olwa Yeso yakingulibwa, nibamala nibamanyirisia mbwe ebiindu bino biandikibwa okhulondana ninaye, ne mbwe bali bamukholera amakhuwa kano.
\p
\v 17 Khu kario abaandu bala abali ninaye nabuusia Lasaro khurula, musirindwa, namulamusia khurula mubafu bali nende obuloli.
\v 18 Khulwesifune sino abaandu bachia okhumubukanira, okhuba babulira mbwe yakhoola esiamakana sino.
\v 19 Abafarisayo nibamala nibabolerana bari, "Mubona nga muranyala okhukayira sioosi? esialo sioosi simulondere."
\p
\v 20 Munibo balimo Abayunani balala abali beechere okhumwinamira mumukholo.
\v 21 Beene abo beecha khu Filipo, owali wa Betasaida yebugalilaya, bamusaba, nibaboola, omukhongo, khwenya okhulola Yeso.
\v 22 Filipo yeecha naboolera Anderea: khandi Anderea nende Filipo nibaboolera Yeso.
\v 23 Ne Yeso nabakalusia, naboola, ebikha biakhoola, mbwe Omwana womuundu akingulibwe.
\v 24 Obwadieri, obwadieri mbaboolera mbwe eimwo yeingano nirakwa muloba yafwaa, idong'anga sayong'ne: araali niifwa, yiibulanga ebiamo biingi.
\v 25 Oyo okheera obulamu bwaye alibukosia: naye oyo osiula bulamu bwaye musialo muno alibuwonia okhuula mubumeri.
\v 26 Omuundu yeesi nakholera, anonde, ne ewandakhabe, nindi, omukholi wange yesi yakhabeo: omuundu nakholera, Baba wange anamuba siriibwa.
\p
\v 27 Bulano omwoyo kwange kunyakhana, ni mbole sina? Baba, mbonie mubikha bino: ne khulwo khubera omulimo kuno, ndi mubikha bino.
\v 28 Baba kinguula, lira liao. Ne idoboosi yamala niirula mwikulu, niiboola iri, malire okhilikinguula, khandi, ndakhalikiinguule.
\v 29 Bulano, abaandu bali nibeemereo, olwababulira, baboola mbwe yadulukha: bandi nibaboola bari, malaika yamulomalomera.
\v 30 Yeso nakalusia naboola, Idoboosi ino siichire khulwo khubeera esie, araali khulweng'we.
\v 31 Bulano nebikha biesialo khukhalakirwa: bulano omuruki wesialo sino anasukunwa erwaanyi.
\v 32 Naye esie, ninginguulibwa khurula khusialo, ndarera baandu boosi khwesie.
\v 33 Kano yaboola, khulwokhumanyisia elifwa lia akhoyere afwe.
\p
\v 34 Abaandu nibamukalusia bari, "khwabulira khurula mulilako mbwe Kiristo achia khubao chinyanga chioosi: nawe okenda orie waboola mbwe, omwana wo muundu achia khukinguulibwa? Omwana wo muundu uno ni wina?
\v 35 Ne Yeso Nababoolera, bisiri ebikha bididi ebiobulafu khuba ninang'we. Mukende nimusiri nobulafu, esirima sirabechakho: okhuba oyo okendera musirima samanyire ewa achia.
\v 36 Nimusiri mubulafu, musubirire mubulafu, mbwe mube abaana bo bulafu. Yeso yaboola bino, narulao, namala nabekisakho.
\v 37 Naye kata niyali nakholere ebiamayia biingi imberi wabwe, basiri si bamusubiramo.
\v 38 Mbwe elia omunabii Isaya yaboola liulirire, naboola, "Omwami, wina owasubira elikhuwa liefwe? naye omukhono kwa Nasaye kwafunulirwa wina?
\v 39 Bulano sibali basubirira, ngolwa Isaya yaali naboolere:
\v 40 Yoofusia chimoni chiabwe, khaandi niyomirania emioyo kiabwe: mbwe baralola nende chimoni chiabwe, kose okhubulira nende emioyo kiabwe, mbwe bekalukhanie, mani baonie.
\p
\v 41 Kano Isaya yaboola, ngolwa yabona oluyaali lwaye, namulomalokho.
\p
\v 42 Kata kario obuungi bwa baruki bakhongo bosi bamusubiramo: Ne khulwo khubera bafarisayo sibamweyama, khubeera barusibwe muchisinagogi.
\v 43 Okhuba bakheera ifuma ya baandu khukhira ifuma ya Nasaye.
\p
\v 44 Yeso yalira naboola, oyo osubiriramo, sasubirire mwesie, araali ulia owanduma.
\v 45 Naye oyo oundola, alola owanduma.
\v 46 Ndeecha ngobulafu musialo, mbwe oyo osubiriramo aramenya musirima.
\p
\v 47 Naye Nikki mbwe omuundu yesi abulira makhuwa kange, ne sasubira, simukhalakira khaba: okhuba sindeecha okhukhalakira esialo, araali okhunia esialo.
\v 48 Oyo okhaya esie, ne safukirira makhuwa kange, ali nende omukhalakira: elikhuwa lianomanome, elio nilio liakhamukhalakire munyanga imalirikha.
\v 49 Okhuba sindelomalomekho, araali Baba owanduma, yamba elilakesalaagiro, kalia akakhoyeere mbole, nende akakhoyere nomanome.
\v 50 Ne manyire mbwe elilakano liaye nobulamu buralibwayo; Kario ngolwa Baba yamboolera, nilwo olwanomanoma.
\c 13
\cl Omuliango 13
\p
\v 1 Bulano omukholo kwa Pasika nikusiri okhuula, Yeso namalire khumanya mbwe ebikha biaye biokhurula musialo nachia owa samwana biulire, namalire khukhera abali baye musialo, yabakhera khuula khumalirikha.
\v 2 Esiakhulia esia ingolobe nisibwere, sietani namalire okhura elichomo liokhumukhoba mumwoyo kwa Yuda Iskarioti omwana Simoni,
\v 3 Yeso _ namanyire mbwe samwana yara ebindu bioosi mumakhono kaye, Ne mbwe yarula owa Nasaye khaandi akalukha khu Nasaye:
\v 4 Yabukha khurula khusiakhulia sie ingolobe, nara indulo echikanju chaye nabukula itaulo niyeboya.
\v 5 Niyakhamala ario yachukha amaachi mu ikaraya, nachaka okhwosia amakulu kabeeka nende okhubapangusia nende itaulo ya yaali niyeboyere.
\p
\v 6 Ne olwayola khu Simoni Petero, ne Petero namubolera, "ewe omwami, wosie amakulu kange?"
\v 7 Yeso nakalusia namuboolera, akakhola bulano ewe okakororwe, araali wakhakamanye lunyuma lwa ano.
\v 8 Petero namuboolera, ewe sonyala okhwosia makulu kange. Yeso nakalusia namuboleera ari, nindarakhwosia, obula esimeka ninange.
\v 9 Simoni Petero namuboolera, Omwami, sinamakulu kange kong'ane, araali amakhono kosi nende omurwe.
\v 10 Yeso namuboolera, ula owamala okhweyoka "adakhasa okhwosiwa siyenya khwosia amakulu kong'ane, khubeera amalire khuba mulafu buli abuundu: ne muli abalafu araali simwesi khaba."
\v 11 Okhuba yaali namanyire onamukhoba: khunaboola mbwe, simuli mwesi abalafu.
\p
\v 12 Kho niyakhamala okhubosia makulu, khaandi niyakhabukula elijora liaye, niyakhekhala asi yababoolera ari, mumanyire eliandakhabakholera?
\v 13 Munanganga mbwe omwekesia nende omwami: ne mubolanga abwene, nilwo olwandi.
\v 14 Nikali mbwe ndi omwami khandi omwekesia weng'we, nindkhaboosia amakulu keng'we, kenyekhana mwesi mwosanie amakulu.
\v 15 Bulaano ndakhamala okhubekesia esilolero, mbwe mukholenge ngolwa ndakhabakholera.
\v 16 OBwadieri obwadieri, mbabolera, omurumwa sakhira omwami waye: kata omurumwa sakhira owamuruma.
\v 17 Nikali mbwe mumanyire kano, muli abasangafu neng'we nikali mbwe mukakhola.
\v 18 Sinomnomaga khulweng'we mwesi: manyire owandalobola: araali mbwe maandiko kolerere, ulia olia nange mugaati akingulire sisiiro siaye.
\p
\v 19 Bulano baboolera nikasiekholekha, mbwe, nikekholekha, mumanyirisie mbwe nesie.
\v 20 Obwadieri obwadieri mbabolera, omufukirira yesi owaanduma afukirira esie, naye oufukirira esie afukirire owaanduma.
\p
\v 21 Yeso niyakhamala okhuboola ako, yanyakhana mumwoyo, narumbula ari, obwadieri obwadieri mbaboolera mbwe, mulala khweng'we acha khukhoba.
\v 22 Lunyuma abeeka nibalingalana, malala khuundi nibakanakana ni wina owalomalomangakho.
\v 23 Bulano yaliwo omulala khubeeka baye nayekhere khusirifu sia Yes
\v 24 Simoni Petero yamukingulira mukhono mbwe amurebe, owayali nalomalomangakho.
\v 25 Nayekhere khusirifu sia Yeso yamureba, omwami, niwina?
\v 26 Yeso nakalusia, niulia owa ndaberesia esironge nimalire okhuronga. Ne niyakhamala okhuronga sironge, yaberesia Yuda Iskarioti omwana wa Simoni.
\v 27 Olunyuma lwesironge sitani yamwingiramo, naye Yeso namuboolera ari, esiawenya khukhola khola lwangu.
\v 28 Abulao khumesa owali namanyire esiakera namulomalomera ario.
\v 29 Okhuba baandi bapara mbwe, khuba Yuda yali nende omufukoo kweimbikhiro, nbio ebiakera Yeso namuboolera ari, kula ebundu ebia khudakha mumukhoolo, kose mbwe aberesianie siindu akhubamanani.
\v 30 Niyakhamala okhunyoola esironge yanguya okhurula erwanyi; ne siali siro.
\p
\v 31 Olunyuma, niyakharula erwanyi, Yeso yaboola ari, bulano Omwana womuundu aberesibwe luyaali, naye Nasaye akingulirwe muniye.
\v 32 Nibiri mbwe Nasaye akingulirwe muniye, Nasaye yesi achia okhumukingula muye, achia khumukingula mulwangu.
\p
\v 33 Abaana badiidi, mubikhabidiidi siri ninang'we mucha khunogonya: ngolwandabolera bayaudi, mbwe ewanja, simwakhoolayo, kho bulano mbabolera.
\v 34 Esilagiro siyakha baberesia, mbwe mukherane, ngolwa ndabakhera, mbwe mwesi mukherane.
\v 35 Khulwa lino abaandu boosi banamanya mbwe muli abeeka bange, niba nende bukheeri mulala khuundi.
\p
\v 36 Simoni Petero yamuboolera, Omwami ochia ena? Ne Yeso namukalusia, ewanja simwakhanondakho bulano, araali mwakhanondekho lunyuma.
\v 37 Petero namuboolera, Omwami, esikira nikhaya khukhulonda ebikha bino nisina? Ndakharusie obulamu bwange khulwewe.
\v 38 Yeso yamukalusia, wakharusie obulamu bwao khulwange? obwadieri obwadieri, khubolera, idaywa sicha okhukholiokha, nosiri khundekaana makhabi kadaru.
\c 14
\cl Omuliango 14
\p
\v 1 Emioyo kieng'we kiranyakhana: musubire mu Nasaye, musubiriremo siesi.
\v 2 Munyuumba ya Baba khulimo nobwikhalo buungi: kaba mbu sikali kario, ndakhababoolere. Njia okhubarereseria abwikhalo.
\v 3 Ne ninjia manu barereserie obwikhalo, ndakhakalukhe khaandi, babukule: mbwe amba nindi, mwesi mubeo.
\v 4 Naye owanjia mumanyire, khaandi ingira muimanyire.
\p
\v 5 Tomasi namuboolera, Omwami, khukororwe owochia: khwakhamanya khurie ingira?
\v 6 Yeso namuboolera, esie nisie ingira, obwadieri, nende obulamu: abulao omuundu owakheche owa Baba, araali khubirira khwesie.
\v 7 Muba muumanyire, mwakhamanyire Baba yesi: ne okhuchaka bulano mumumanyire, khaandi mumubwene.
\p
\v 8 Filipo namuboolera, Omwami, rwekesie Baba, esio sinaruyera.
\v 9 Yeso namuboolera, ndakhaba ninang'we ebikha birambi, ne khaandi khane ongorerwe, Filipo? ula Ombweene esie amalire obona Baba: ne wakhabola orie, mbwe rwekesie Baba?
\v 10 Simusubirira mbwe ndi mubaba, ne Baba ali mwisie? Amakhuwa kababoolera sinomanomaanga akange: arali aka Baba omenyere mwesie akhoolanga emirimo.
\v 11 Musuure mbwe ndi mubaba, naye Baba ali mwisie: arali awo musuubire khulwe mirimo kiene ekie.
\v 12 Obwadieri, obwadieri, mbaboolera, oula osubirira emirimo kiakhola yesi anakikhola; anakhola emirimo mikhongo okhira kino; khulwo khuba njia ewa Baba.
\v 13 Naye siosi siamuchia okhureeba mulira liange, ndalikhoola, mbwe Baba aberesibwe luyaali mu Mwana.
\v 14 Nikali mbwe musaaba sioosi mulira liange, ndakhola.
\p
\v 15 Nimwakhera muliinde ebilaagiro biange.
\v 16 Ne ndasaba Baba, ababeresie omukhonyereri undi, mbwe abechenge ninang'we bulilwosi.
\v 17 Oyo Roho wobwadieri wesialo siranyala okhunyoola, okhuba sisimulola khaba, kata khumumanya: naye eng'we mumumanyire: okhuba amenyanga nang'we khaandi anaba mweng'we.
\v 18 Sindabalekha kori abaana abalekhwa: Ndabakalukhira.
\v 19 Bisiri ebikha bidiidi, Ne esialo sisinandola khaandi: naye eng'we munandola okhuba menyere, mwesi munamenya.
\v 20 Inyanga eyo mwakhamanye mbwe ndi mubaba, nang'we mwesie, nasie mweng'we.
\v 21 Oli nende amalaako kange, ne khaandi akalindanga, oyo niye owakhera: ne oyo owakhera anakherwa nende Baba wange, ne ndamukhera nende okhweyekesia khuniye.
\p
\v 22 Yuda (orali Iskarioti) namuboolera, Omwami, kakhaba karie mbwe wakhelolesie khwefwe, ne siwakhelolesie khusialo?
\v 23 Yeso namukalusia namuboolera, omuundu niyakhera, analiinda amakhuwa kange: ne Baba anamukhera, ne khunecha muniye, nikhumenya ninaye.
\v 24 Orakheera sabikhanga amalaako kange: ne likhuwa eliamubulira sineliange khaba, araali niliababa owanduma.
\v 25 Kano baboolere, nisiiri ninang'we.
\v 26 Naye omukhoonyi, oli Roho Mulafu, owa Baba anaruma mulira liange, anabekesia biindu bioosi, nende okhubechulisia ebiindu bioosi, ebiandababoolera.
\v 27 Omuleembe mbalekhera, omulembe kwange baberesia: Simbaberesia ngolwesialo siberesanianga. Emioyo kieng'we kiranyakhana, kose kiraria.
\p
\v 28 Mwabulira ngolwa ndababoolera, mbwe mbwao, khaandi ndabakalukhira, muba mwakhera mwakhasangalire, khuba ndaboola, njia ewababa: okhuba Baba nomukhongo khuukhira.
\v 29 Ne bulano baboolere nikasiekholekha, mbwe nikekholekha munyale khusuubirira
\v 30 Esie sindabola maangi ninang'we: okhuba omuruki wesialo sino yeecha, ne siali nasie elikhuwa liosi.
\v 31 Araali mbwe sialo sinyoole khumanya mbwe ndakheera Baba: ne ngolwa Baba yamberesia malaako, siesi mbaberesia, bukhe khubweo.
\c 15
\cl Omuliango 15
\p
\v 1 Nesie omusabibu kwadieri, naye Baba niye omuliimi.
\v 2 Elisaga liosi mwisie eliraama ebiamo alimalangayo: naye buli lisaga eliama ebiamo alireresianga mbwe limeede okhwama lukali.
\v 3 Bulano muli balafu okhubirira mulikhuwa eliababoolere.
\v 4 Mwikhale mwisie, nange mweng'we, ngolwa elisaga liranyala okhwama ebiamo liene, araali nilikhala mumusabibu: simunyala khaba, arali nimwikhale mwesie.
\p
\v 5 Nesie omusabibu, nang'we muli amasaga: oyo owikhala mwesie, nasie muniye, oyo yama ebiamo biingi: okhuba sibulao esiamunyala nimurali nasie.
\v 6 Omuundu narekhala mwesie, asukunwanga ngelisaga, niyoma, nabaandu balibusia, nibalisukuna mumuliro, nilisambwa.
\v 7 Nimwikhala mwesie, namakhuwa kange kekhala mweng'we, munasaba esiamwenya sioosi, nimukholerwa.
\v 8 Abwene awo Baba wange abereesibwa luyaali, nimwamire ebiamo biingi: eliene elio linekesia mbwe muli abeeka baange.
\p
\v 9 Ngolwa Baba yakheera, nilwo nga siesi ndabakheera: Muchiririre mubukheeri bwange.
\v 10 Nimulinda malaako kange, munekhala mubukheeri bwange: ngolwa ndaliinda amalaako kababa, nende khwikhala mubukheri bwaye.
\v 11 Ebiindu bino baboolere, mbwe isangaalo yange idong'e mweng'we, khaandi mbwe isangaalo yeng'we ichule.
\v 12 Lino nelilako liange mbwe mukheerane, ngolwa ndabakheera.
\v 13 Aumao omuundu oli nobukheeri obukhoongo obukhira buno, mbwe omuundu ara obulamu bwaye asi khulwa beecha baye.
\v 14 Muli abeecha bange, nimukhoola k akabalagira.
\v 15 Okhuchakira ano sibalanga abarumwa: okhuba omurumwa samanyanga akomukhoongo waye akhola: araali balaangire abeecha: okhuba ebiindu bioosi ebiambulira khu Baba mbekesianga.
\v 16 Sineng'we mwandoboola, araali nesie owabaloboola, nbarao mbwe muchie mwame ebiamo, ne ebiamo bieng'we bimenye: mbwe esia mureba Baba mulira liange, ababeresie.
\v 17 kario balagira, mbwe mukherane.
\p
\v 18 Nikali mbwe sialo sibasiula, mumanye mbwe siasiula mukhuchaka imberi nisisiri obasiula.
\v 19 Kaba mbwe mwali abesialo, esialo siakhakherere abasio: Nokhuba simuli besialo, ne ndabaloboola khuruula musialo, kario esialo siabasiula.
\v 20 Ichulisie elikhuwa lia ndababoolera, omurumwa sakhira omwami waye: nikali mbwe baasandia, mwesi bachia okhubasandia; nibalinda elikhuwa liange, mwesi banalinda elieng'we liosi.
\v 21 Arali Kano koosi banabakholera okhubera elira liange, okhuba sibamanyire owanduma.
\v 22 Kaba mbwe sindeecha ndalomaloma nabo, sibakhabere nende hiimbi: ne bulano babula esifuunikha hiimbi chabwe.
\v 23 Olia ousiula yasiula Baba yesi.
\v 24 Kaba mbwe sindakholere munibo emirimo kio omuundu undi asiiri okhukholakho, sibakhabere nende echiimbi: araali bulano barubwene nibarusuula alala nende Baba wange.
\v 25 Ne kano keecha okhwekhola mbwe likhuwa liandikwa mulilako liabwe liulirire, baasiula oburali ne sifune.
\p
\v 26 Naye omulemesi niyeecha, owa ndakhabarumire khurula khu Baba, Rokho owabwadieri, orula khu Baba, anarusia buloli bwange.
\v 27 Ne mwesi munarusia buloli, okhuba mwakhaba ninasie khurula mukhuchaka.
\c 16
\cl Omuliango 16
\p
\v 1 Ebiindu bino mbaboolera, murola mwasinyikha.
\v 2 Banabarusia muchisinagogi: Ebikha bichaanga mbwe yesi yesi, obeera achia khupaara mbwe akholera Nasaye emirimo.
\v 3 Ne ebiindu bino banabakholera okhuba bakororwe Baba, khaandi siesi bakorerwe.
\v 4 Ne ebiindu bino mbaboolere mbwe ebikha nibiula, mwichulisie mbwe lndababoolera khulondana nabio, ne bino sindababoolera okhurula mukhuchaaka, okhuba ndali ninang'we.
\p
\v 5 Bulanu mbwao njia owa ulia owanduma, naye abulao khweng'we oundeeba, ari ochiaye?
\v 6 Ne khulwa khuba mbaboleere ebindu bino, emioyo kieng'we kichuulemo esibeera.
\v 7 Kata kario mbaboleere obwadieri: Nebiobukhoonyi khweng'we mbwe mbweo: okhuba nindarabwao, omukhonyereri sanabechera, ne nimbwao, ndamuruma yeeche khweng'we.
\v 8 Ne niyeecha anamanyisia esialo akobwononi, nende akobwadieri, nende akobukhalaki.
\v 9 akobwononi, okhuba sibamusubiriramo:
\v 10 Okobulungikhi, okhuba njia ewa Baba, ne simwakhambone khaandi:
\v 11 Akobukhalaki, okhuba omuruki wesialo sino akhalakirwe.
\p
\v 12 Ndi nende ebiindu biingi ebiasiiri khubaboolera, araali ebikha bino simunyala khubiesimirisia.
\v 13 Ne kario ye, Rokho wobwadieri niyeecha, anabakhoonya mubwadieri bwoosi: okhuba sanaboola khulondana ninaye omwene: araali liosi elianabulira, nilio elianalomaloma: ne anabamanyia akeecha imberi.
\v 14 Anamberesia oluyaali: okhuba ananyoola khurula khwesie, nabekesia.
\v 15 Bioosi ebia Baba alininabio nebiange: kho kario ndaboola, mbwe anabukula khubiange neabeekesia.
\p
\v 16 Mubikha bidiidi, simuchia khumbona: khaandi, mubikha bidiidi, munambona, okhuba njia ewa Baba.
\v 17 Ne balala khubeeka baye nibareebana, Sina sino esiali khuruboolera, mbwe ebikha bidiidi simunambona: khaandi, mubikha bidiidi, munambona: okhuba njia owa Baba?
\v 18 Kario, nisiina siino esia aboolanga, ebikha bidiidi? khasikhumanyire esiaboolanga.
\p
\v 19 Ne bulanu Yeso namanya mbwe bekoomba khumureeba, nababoolera, muli khurebananga esiambolere, ebikha bidiidi, simuucha khumboona: khaandi, ebikha bidiidi, nimumboona?
\v 20 obwadieri obwadieri, mbaboolera, mbwe munalira, nimwekanyirisia, nasio sialo silisangaala; ne munabeerera, ne okhuberera khweng'we khuchia khwekalukhania khube isangaalo.
\v 21 Omukhasi nalumwa abereraanga, okhuba ebikha biaye biakhoola; naye olwa amala okhwibula omwana, siyechulisianga khaandi obuchuuni, khulwe isangaalo mbwe omuundu yebuulwe musialo.
\v 22 Ne eng'we bulanu muli abokhubeerera; Ne ndabalola khaandi, ne emwoyo kweng'we kinasangala, ne isangaalo yeng'we omuundu siyakhabarusiakho.
\v 23 Inyanga eyo sibulao esiamwakhandeebe, obwadieri obwadieri, mbaboolera, siosi siosi esiamureeba Baba mulira liange, anababeresia.
\v 24 Okhuula ebikha bino musiiri khureebakho liosi mulira liange; Reebe, ne munanyoola, mbwe isangaalo yeng'we yulirire.
\p
\v 25 Ebindu bino mbaboolere muchingaado; ne ebikha biichanga, sindakhalomalome ninang'we khaandi muchingaado, araali ndakhabamanyie mubwakhaakhu akalondana nende Baba.
\v 26 Inyanga eyo mwakhasabe mulira liange; Ne simbaboolera mbwe ndilisaba Baba khulwa eng'we;
\v 27 Okhuba Baba mwene yabakheera, okhuba mwakheera, khaandi mwasubirira mbwe ndarula owa Nasaye.
\v 28 Ndarula khu Baba, ne ndeecha musialo; khaandi, ndula musialo, nifunya khu Baba.
\p
\v 29 Abeeka baye nibamuboolera, awo bulano olomaloma mubwakhaakhu, ne soboola chingaado.
\v 30 Bulanu khusubira mbwe omanyire makhuwa koosi, ne sikenyekhana omuundu yesi khukhureeba; Khulwa kano khusubira mbwe orula owa Nasaye.
\p
\v 31 Yeso nabareeba, bulanu musubira?
\v 32 Lola, ebikha bicha, bulanu builire, mbwe munasalanisibwa, buli muundu khulwaye. Ne munandekha sieng'ene; nasie siindi sieng'ene, okhuba Baba ali ninasie.
\v 33 Ebiindu bino nomanoome ninang'we, mbwe mwesie mube nende omuleembe, musialo munaba nende obunyakhani; araali mweberesie omwoyo; okhuba ndakhira esialo.
\c 17
\cl Omuliango 17
\p
\v 1 Yeso yaboola makhuwa kano, nakinguula chimoni chiaye mwikulu, naboola, Baba, ebikha biakhoola, beresia oluyaali omwana wao, mbwe omwana wao yesi akhube oluyali.
\v 2 Ngolwa wamuba obunyala khu bioosi ebiomubiri, mbwe aberesie obulamu buralibwayo khu boosi abawamuba.
\v 3 Ne buno nibwo obulamu buralibwayo, bamanye ewe weng'ene Nasaye waobwadieri, nende Yeso Kiristo owa waruma.
\v 4 Ndakhubeersia oluyaali musialo; malire emirimo ekiawanduma khukhola.
\v 5 Ne bulanu, Baba, mbe luyaali alala ninawe mwene nende oluyaali lulia olwandali nalwo ninawe esialo nisisiabao.
\p
\v 6 Ndamanyisia liraa elio khubaandu abawamberesia musialo; bali abao, nobamberesia, ne nibadiira likhuwa liao.
\v 7 Bulanu bamanyire mbwe ebiindu bioosi ebiawamberesia nibiao.
\v 8 Khulwo khuba ndababeresia amakhuwa kosi akawamberesia, ne basubira mbwe wanduma.
\v 9 Mbalamira; sinamira esialo, araali abo abawamberesia; okhuba nabao.
\v 10 Ne boosi abange nabao, nabo abao nabaange; ne ngingulibwanga munibo.
\v 11 Ne bulano siindi khaandi musialo, ne bano bali musialo, ne njicha khwewe, Sefwe Mutakatifu, balinde khubirira mulira liao liene abo abawamberesia, mbwe babe mubulala, ngolwa khuli.
\v 12 Nindi ninabo musialo, ndabaliinda mulira liao; abo abawamba ndabaliinda, abulao owakora, araali omwana wobukori; mbwe liandiko liulirire.
\p
\v 13 Ne bulanu njicha Khwe; nebindu bino nomanoma musialo, mbwe banyoole isangaalo yange niyulirire munibo.
\v 14 Mbabereesie likhuwa liao; nesialo sibasiulire, okhuba sinabesialo, ngolwa siesi ndarali owesialo.
\v 15 Simbasayira mbwe obarusie musialo, araali obakaye nende obubi.
\v 16 Sibesialo, ngolwa siesi ndarali owesialo.
\v 17 Balabie okhubirira mubwadieri bwelikhuwa liao; elikhuwa liao niliadieri.
\v 18 Ngolwa wanduma musialo, kario siesi mbaruma musialo.
\v 19 Ne khulwa nibo ndelabia, kario bosi balabisibwe okhubirira mubwadieri.
\p
\v 20 Sisayira bano bong'ene khaba, ne kata balia abakhaasubirire okhubirira mulikhuwa liabwe;
\v 21 Mbwe babe silala; ngolwa ewe, Baba, oli mwesie, nange mwewe, mbwe bosi babe silala mwefwe; mbwe sialo simanye mbwe wanduma.
\v 22 Ne oluyaali lwawamberesia baberesia; mbwe babe silala, ngolwefwe khuli silala.
\v 23 Esie munibo, nawe mwesie, mbwe bakholwe abolerefu mubulala; mbwe sialo simanye mbwe wanduma, khaandi wabakhera, ngolwa wakheera.
\p
\v 24 Baba, ndekoomba mbwe boosi, abawamberesia, babe ninasie owandi; mbwe balole oluyaali lwange, olwa wamba, khulwo khuba wakheera okhurula khuchaka khwemise ekiesialo.
\p
\v 25 Ewe Sefwe omulungifu, esialo khasi siakhumanya; arli esie khumanyire, nebano bamanyire mbwe wanduma.
\v 26 Nasie ndabamanyisia eliira liao, khaandi ndabamanyisia mbwe obukheeri obwawakheera ninabwo bube munibo, nasie okhuba munibo.
\c 18
\cl Omuliango 18
\p
\v 1 Ngolwa Yeso yamala khulomaloma makhuwa kano, yeecha nende abeeka baye niyambukha omwalo kwa Kidroni owa mukunda kwali, niyengiramo, nende abeeka baye.
\p
\v 2 Naye Yuda yeesi, owamukhoba, yamanya abuundu ao; okhuba buli sikha Yeso yabukanananga ao nende abeeka baye.
\v 3 Lunyuma Yuda, niyakhamala okhunyoola omukaanda kwabaandu nende abasikari khurula khubakukhani bakhoongo nende Bafarisayo, beecha nende chitaara nende echitochi nende ebiiraniro.
\v 4 Naye Yeso, khulwo khuba amanyire bioosi ebiicha khumwekholekhanakho, yeecha imberi, nabareeba ari, mukonyaanga wina?
\v 5 Nibamukalusia bari, Yeso wanasareti; Yeso nababoolera ari, nesie. Ne Yuda yeesi, owamukhoba, yali yemere alala ninabo.
\v 6 Ne ngolwa yababoolera ari, nisie, bakalukhira inyuma, nibaakwa asi.
\v 7 Khaandi nabareeba ari, mukonyanga wina? Khaandi nibaboola bari, Yeso wa Nasareti.
\v 8 Yeso nakalusia ari, baboolere mbwe nesie; nikaba mbwe mukonyanga esie, lekhule bano babwewo;
\v 9 Mbwe elikhuwa liaboolwa liulirire, "mbwe abawamba boosi abulao owandakosia."
\p
\v 10 Lunyuma Simoni Petero owali nolugaanga yalukhwesa narema omukholi womukukhani mukhoongo, nakhenga okhurwi khwaye okhwomukhono musaacha, omukholi oyo yalangwa Maliko.
\v 11 Yeso naboolera Petero ari, kalusia olugaanga lwao musifuko; Esie sikhoyere ngwe esikombe sia Baba yambeeresia?
\p
\v 12 Bulano abasikari nende omukhoongo wabwe nende abakhoongo Babayaudi nibadiira Yeso, nibamuboya,
\v 13 Nibabwao naye nibarangirira khumuira ewa Anasi, khulwo khuba yali omukhwe wa Kayafa, owali mukukhani mukhoongo omwaka okwo.
\v 14 Naye Kayafa oyo, niye ulia owali yaberesia Bayaudi likerako ari, bikhoyere omuundu mulala khufwira abaandu.
\p
\v 15 Ne Simoni Petero naloonda Yeso, nende omweka undi; khandi omweka oyo yali amanyikhane khu mukukhani mukhoongo, niyengira nende Yeso munyumba yoburuki yomukukhani mukhoongo.
\v 16 Naye Petero niyema erwanyi womuliango. Omweka undi oyo narula erwanyi, nalomaloma nende omuliindi womuliango, niyengisia Petero mukari.
\v 17 Omukhana muliindi womuliango namuboolera Petero ari, ewe wesi sioli mulala khubeeka bomuundu uno? Naye naboola ari, sindi khaba.
\v 18 Ne abakhalabani nende abakhoongo babwe bali bemere ao, owabali bambisie omuliro kwamaanda; niboraanga okhuba imboo yalikho, ne khandi Petero yeesi niyemere ninabo niyoraanga omuliro.
\p
\v 19 Omukukhani mukhoongo yamala yareeba Yeso khulondana nende abeeka baye, nende amekesio Kaye.
\v 20 Yeso namukalusia ari, ndalomalomerenge esialo mubwakhakhu; ndekesieenge muchisinagogi, nende muikhekalu, owabayaudi boosi babukanananga; ne libulao eliandaboola mubwekisi.
\v 21 kulwa sina undeebe? Mureebe abambulira, akandababoolera; bamanyire ebiandababoolera.
\v 22 Ne ngolwa yaamala khulomaloma, mulala khu barumwa owali yemere ambi ninaye yamukhuya olukhofi, naboola ari, okalusia orio mukukhani mukhoongo?
\v 23 Yeso namukalusia ari, nimboolere ebibi mubole obubi obwo: nikarali kario, esikera wambama nisi?
\v 24 Naye Anasi yamuyiira khumukukhani mukhoongo naboyerwe.
\p
\v 25 Naye Simoni Petero yali niyemereo niyoranga omuliro, nibamuboolera, ewe wesi sioli mulala khubeeka baye? Yakana naboola ari, sindi mulala khunibo.
\v 26 Mulala khubarumwa bomukukhani mukhoongo, owali mwikho wa ulia owa Petero yakhenga khurwi, naboola ari, sikhubwene wesi noli ninaye mumukunda?
\v 27 Petero nakana khandi; ne mubikha ebio idaywa yakholiokha.
\p
\v 28 Nibarusia Yeso ewa kayafwa nibamuira munyuumba yobukhalaki; ne biali ichuli; nabo abene sibengira munyuubmba yesikhalako, baroola bemaliia; mbwe banyoole okhulia Pasika.
\v 29 Pilato nachia erwanyi ewabali, naboola, muli nende likhuwa sina limaanu khumundu uno?
\v 30 Bamukalusia nibamuboolera, biiba mbwe sinomukholi wamabi, sikhwakhamurerere khu ewe.
\v 31 Bulano Pilato nababoolera, mumubukule mumuire mumukhalakire okhulondana nende lilako lieng'we. Abayaudi nibamuboolera, sikhufukirirwa nelilako okhwira omuundu;
\v 32 Mbwe liulirire, elia Yeso yaboola okhulolesia elifwa yali afwe.
\p
\v 33 Pilato niyengira munyumba yobukhalaki khandi, nalanga Yeso, namureba, newe omwami wa Bayaudi?
\v 34 Yeso nakalusia, kano oboola khulwao mwene, kose bakhuboolere khulondana ninasie?
\v 35 Pilato namukalusia esie ndi muyaudi? Esialo siao nende abakukhani bakhoongo nibo bakhundererekho; wakhola sina?
\v 36 Yeso nakalusia, obwami bwange sinobwesialo sino; obwami bwange buba obwesialo sino, abarumwa bange bakhalwanire, mbwe khaye khuberesanwa khu Bayaudi; araali bulano obwami bwange sibwaano.
\v 37 Pilato namuboolera, kario oli omwami? Yeso nakalusia, newe oboola mbwe ndi omwami. Ndebulwa khulwa kano, ne khulwa mulimo kuno ndeecha musialo, mbwe ndusie obuloli khubwadieri. Oyo yesi owabwadieri abuliranga idoboosi yange.
\v 38 Pilato namureeba, Obwadieri nisio sina? Niyakhamala khuboola kano, yarula khandi erwanyi nachira Bayaudi, nababoolera, simulolamo elikhuwa liosi limaanu.
\v 39 Araali muli nende omulukha mbwe, khoyeera okhubaleekhulira omuboye mulala mupasika; mufukirira bulano balekhulire Omwami wa Bayaudi?
\v 40 Nibaayula bosi khandi, nibaboola, uno Khaba, araali Baraba. Naye Baraba yali omwibi.
\c 19
\cl Omuliango 19
\p
\v 1 Pilato namala nabukula Yeso, namukhuya emisarita.
\v 2 Abasikari nibasinga ingara yamabwa, nibara khumurwe kwaye, nibamufwasia ingubo yobukoondo yasambarao.
\v 3 Nibaboola bari, aberesibwe luyaali, Omwami wa Bayaudi; ne nibamupama chikhofi.
\p
\v 4 Pilato nabachiira khaandi, namala nababoolera, lole, mureera khweng'we, ne mumanye mbwe sinyoolere yiimbi yoosi muniye.
\v 5 Lunyuma Yeso yeecha, nafwalire ingara ya mabwa, nende ingubo yobukoondo bwomusambarao, ne Pilato nababoolera, lole omuundu uno.
\p
\v 6 Ngolwa bakukhani bakhongo nende balindi bamuboona, baayula nibaboola, "Abambwe, abambwe." Pilato nababoolera, mumubukule, muchie mumubaambe; arali sindola limaanu muniye.
\v 7 Abayaudi nibamukalusia, khuli nelilako, khulondana nende lilako elio akhoyeere afwe, okhuba yekhoola Omwana wa Nasaye.
\p
\v 8 Pilato olwayabulira elikhuwa elio, yamala naria muno;
\v 9 Khandi naachia munyumba yobukhalaki, nareba Yeso, orula ena? Naye Yeso siyamukalusia.
\v 10 Pilato namureeba, solomaloma nange? somanyire mbwe ndi nende obunyala bwo khukhubaamba, khaandi ndi nende obunyala bwo khukhulekhuula?
\q
\v 11 Yeso nakalusia ari, obula obunyala bwoosi khwesie, araali noberesebwa khurula akulu; khu kario oyo owandeera khweewe ali nende esionono sikhongo.
\p
\v 12 Okhuchaka ao Pilato yakonyeresia khumulekhuula; nabo Bayaudi bayokera nibaboola, nolekhula omuundu uno yaachia, sooba oli omwicha wa Kaisari; yeesi owekhola omwene omuruki aba ayingana nende Kaisari.
\p
\v 13 Pilato niyakhamala okhubulira, elikhuwa elio yarusia Yeso niyekhala musisala esiobukhalaki abuundu alangwa muluyaudi mbwe, Gabbata.
\p
\v 14 Biali ebikha ebiokhwerekekhera Pasika ambi echisaa chisasaba; naboleera abayaudi, lole Omwami weng'we.
\p
\v 15 Nabo baandu nibachiririra okhwayula, arusibweyo, arusibweyo, abambwe. Pilato nababoleera, mubaambe Omwami weng'we? Abakukhani bakhongo nibaboola, khubula omuruki araali Kaisari.
\p
\v 16 Namala nabalekhulira bamubaambe, nibabukula Yeso, nibabwao naye.
\p
\v 17 Ne nakingire omusalaba kwaye yachia abuundu alangwa mbwe Abuundu Wesianganga, yalangwa Muluibrania Goligota;
\v 18 Ewabamubaamba, alala nende  abaandi babiri, mulala buli lwande naye Yeso nali akari.
\p
\v 19 Naye Pilato niyandiika obwandiike nabura khumusalaba, obuboola mbwe, YESO WA NASARETI OMWAMI WABAYAUDI.
\v 20 Abayaudi baangi basoma obwandiike buno; okhuba abuundu owa Yeso yabaambirwa biali ambi nende lidookho; ne biandiikwa muluibrania, luyunani, nende lulatini.
\p
\v 21 Abakukhani bakhoongo babayaudi nibaboolera Pilato, oraandika mbwe, Omwami wa Bayaudi; araali ye yaboola, Ndi Omwami wabayaudi.
\p
\v 22 Pilato nakalusia, akanyandikire malire okhwandiika.
\p
\v 23 Ne abaliindi, nibakhamala khubamba Yeso, babukula echingubo chiaye, nibareresia ebimeka bine, buli mulindi simeka alala nende elikoti liosi lirio; ne elikoti liabula omusono, yalukhwa yosi khurula akulu.
\v 24 Nibabolerana beene khubeene, khurairandula, arali khuyubire ikura, mbwe inaba eyawina; liulirire liandiiko, eliboolwa, bakabaana ebiefwalo biange, Ne khulwa obweyango bwange boba chikura. Ebiindu bino abasikari nibamala nibakhola.
\p
\v 25 Ambi nende omusalaba kwa yeso bali nibemere ng'ina nende omukhana wabwe, nende, Maria mukhasi wa Kiliopa, nende Maria Magadalena.
\v 26 Yeso niyakhamala khulola ng'ina, naye omweka ulia owayakhera yemere ambi ninaye, yaboolera ngi'na ari, mukhasi, lola omusiani wao.
\q
\v 27 Ne naboolera, omweka ari, lola mao, ne okhurula ebikha ebio omweka oyo yamubukula namuira mudala liaye.
\p
\v 28 Olunyuma lwakano, Yeso niyakhamanya mbwe ebiindu bioosi biolerere, amandiiko kanyale okhuliriira, yaboola ari, mbulira obuluo.
\v 29 Ne awo khwaliwo nende esikombe sichulemo ifini; nibara esiponji mufini, nibara khulusala lurambi, nibamura khumunwa.
\v 30 Nibakhamala okhuyira ifini khumunwa kwaye, yaboola ari kabweere, niyenamia omurwe, nakhalaka omwoyo.
\p
\v 31 Ne khulwo khubeera yali inyanga yabayaudi yokhwerekekhera, ne khulwokhuba emibiri sikiali kikhoera khudong'a khumusalaba inyanga ya Isabato (okhuba isabato yali inyanga ikhulundu) bamwekweda Pilato mbwe babafunake makulu, mani bamale barusibweyo.
\v 32 Abalindi nibeecha nibabafunaka amakulu babiri balia abali nibabambirwe ninaye.
\v 33 Olwaboola khu Yeso, nibanyoola mbwe amalire okhufwa, sibafunaka makulu kaye khaba.
\v 34 Naye omulala khu baliindi owali nende elifumo yamufumira mumbafu mwaye, abwene ao amabanga nende amachi nibirula.
\v 35 Naye owalola yali nobuloli, khandi buloli bwaye bwali obwadieri; ne amanyire mbwe aboola obwadieri, mbwe munyale khusubirira.
\p
\v 36 Ebiindu bino biekhoola mbwe eliandiiko liulirire, elikumba liaye khasi liakhafunakwe.
\v 37 Khandi liandiiko lindi liboola, bakhalingire oyo owabafumira.
\p
\v 38 Lunyuma lwa kano Yosefu wa Arimatia, oli omweka wa Yeso, oremanyisia khulwo khuuria bayaudi, yasaba Pilato mbwe anyoole khubukula omubiri kwa Yeso; ne Pilato namufukirira, niyeecha nabukula mubiri kwa Yeso.
\v 39 Khandi Nikodemu yesi yeecha, ulia owechera Yeso musiro, narera amafura nende obubani, ebiyera chiratili imia.
\v 40 Nibabukula omubiri kwa Yeso, nibakuboya muchingubo echia obukusi nende obubani, mungira yabayaudi basikhirangamo.
\v 41 Ne abuundu  owabamubambira khwaliwo nende omukuunda, ne mumukuunda omwo khwalimo nende esirindwa siyaakha esiomuundu yeesi yali asiasikhwamo.
\v 42 Nibamala nibamuramo Yeso omwo khulwo khwerekekhera indalo yabayaudi; okhuba esirindwa siali ambi awo
\c 20
\cl Omuliango 20
\p
\v 1 Inyaanga yamberi eya ijum, Maria Magadalena yauuna mumabwibwi nisisiri esirima khusiriindwa, nalola elikina nilirusibwe khusirindwa.
\v 2 Yerukha nachia Simoni Petero yali, nende ulia omweka owa Yeso yali yakheera, nababoolera ari, barusisie Omwami musirindwa, ne khukororwe owabamumurere.
\p
\v 3 Petero nende omweka uundi barula nibachia khusirindwa.
\v 4 Berukhira boosi alala; ne omweka uundi ulia yabiramo Petero, narangirira okhuula khusirindwa.
\v 5 Olwa yagunama, okhulingeera mukari, yalola echingubo chamang'iniesi nichikonere ao; arali siyengiramo khaba.
\p
\v 6 Naye Simoni Petero owali namulondanga yola, yengira musirindwa, naloola echingubo echamang'iniesi nichikonere ao,
\v 7 nende esitambaya, esiali khumurwe kwaye, esirali alala nende chingubo chamang'iniesi, araali siali sieboyere siong'ene.
\v 8 Omweka uundi oyo owali arangirire okhwicha khusirindwa, yeesi yengira, nalola, mani nasubira.
\v 9 okhuula ebikha ebio bal nibasiri khumanya amaandiko mbwe akhoyere okhubukha mubaafu.
\p
\v 10 Abeeka nibabwao mumadala kabwe khandi.
\v 11 Naye Maria yachirira okhwema erwanyi wesirindwa naliranga; ne ngolwa yachirira okhulira, yagunama asi nalingeera musirindwa.
\v 12 Yaloola abamalaika babiri muchingubo chindafu nibekhale, mulala namurwe, naye oundi namakulu, owomubiri kwa Yeso kwali nikurerwe.
\p
\v 13 Nibamureeba bari, mukhasi ewe, oliranga khulwa sina? Nabakalusia ari, khulwo khuba babukule Omwami wange, ne ngororwe owabamurere.
\v 14 Niyakhamala okhuboola ario, yakalukhana inyuma, naloola Yeso niyemere, oburamanya mbwe niye.
\q
\v 15 Yeso namureeba ari, omukhasi ewe, oliranga khulwa sina? Okonyanga wina? Nngolwa yapaara mbwe nomulimi niye, yamuboleera ari, omukhoongo wange, nikaba mbwe omurusisie ano, mboolere owomurere, nyoole khumubukula.
\p
\v 16 Yeso namala namubolera ari, Maria, naye nakalukhana, namuboolera, Raboni; nikhwo khuboola mbwe, "omukhongo wange".
\q
\v 17 Yeso namuboleera ari, orandirakho; khulwo khuba siri okhunina khuchia owa Baba; araali chia khubakheerwa befwe obaboolere mbwe njia owa Baba, nende oli seng'we; khandi Nasaye wange oli Nasaye weng'we.
\q
\v 18 Maria Magadalena yeecha naboolera abeeka ari, ndakhalola Omwami, ne yakhamuboolera amakhuwa ako.
\p
\v 19 Inyaanga yene eyo ingolobe, inyaanga yokhurangirira eye ijuma, emiliango nikisiri nikikale owaabeeka bali nibakhung'anire khulwo okhuria abayaudi, Yeso yeecha niyema akari wabwe nababoolera ari, muleembe kube khweng'we.
\v 20 Niyakhamala khuboola ario, yabekesia amakhono kaye nende mumbafu mwaye. Abeeka nibamala nibasangala, khulwokhumulola Omwami.
\p
\v 21 Khand Yeso nababoolerari, muleembe kube khweng'we; ngolwa Baba yanduma esie, siesi baruma eng'we.
\v 22 Niyakhamala khuboola ario, yabafurakho omuyia, nababoolera ari, munyoole Roho mulafu.
\v 23 Oyo yeesi owamunalekhera echimbi chiaye, analekherwa, naye oyo owamuralekhera echimbi chiaye, khasi analekherwa khaba.
\p
\v 24 Naye Tomasi mulala khubeeka olangwa mbwe Didimo, siyali alala ninabo nga Yeso yeecha.
\v 25 Abeeka baandi nibamuboolera bari, 'Khwakhalola Omwami.' Naye nababoolera ari, okhuula ngandaloola nende chimoni chiange amafumire kemisumari, khandi ndiirekho nolwala lwange mulubafu lwaye khasindasubira.
\p
\v 26 Olunyuma lwechinyaanga munane abeeka boosi nibali mukari, ne Tomasi yeesi yali alala ninabo; Yeso yeecha, emiliango nikisiri nikikaale, niyema akari wabwe, naboola ari, muleembmbe kube khweng'we.
\q
\v 27 Naboolera Tomasi ari, "Reera olwala lwao, khandi oliinge amakhono kange; khandi orere omukhono kwao, obabasie mulubafu. lwange; olekhe khukanakana, arali osubirire.
\q
\v 28 Tomasi namukalusia namuboolera ari, "Omwami wange khandi Nasaye wange."
\q
\v 29 Yeso namuboolera ari, "Tomasi, okhuba wakhandola, bulano wakhasubirira; nabeyikhabi abo abasubiriranga nibarabweene.
\p
\v 30 Khandi bwadieri Yeso yakhola ebilolero biingi imberi wabeeka baye, ebirandiikwa musitabo sino.
\v 31 Ne kano kaandikwa mbwe, munyoole khusubirira mbwe Yeso niye Kiristo, Omwana wa Nasaye; ne mbwe mukhusubira munyoole okhuba nende obulamu khubirira mulira liaye.
\c 21
\cl Omuliango 21
\p
\v 1 Olunyuma lwebiindu bino Yeso yemanyisia khandi khubeeka baye khumwalo kwa Tiberia, ne yelolosia mungira ino:
\v 2 Bali boosi alala, Simoni Petero, nende Tomasi olangwa Didimo, nende Nathanieli owa Kana Yebugalilaya, nende abaana ba Sebedayo, nende babiri khubeeka baye.
\v 3 Simoni Petero nababoolera ari njia khunaba, nibamuboolera, fwesi khuchia ninawe nibachia lwangu nibengira mubwaro; ne esiro esio, nibaranabakho ing'eni yoosi.
\p
\v 4 Ne ngolweichuli yola, Yeso yema khulukuku; abeeka nabo nibaramanya mbwe Yeso niye.
\q
\v 5 Naye Yeso nababoolera ari, abaana, muli nende esiamulia? Nibamukalusia bari, khubula.
\q
\v 6 Nababoolera ari, "musukune olwero khumukhono musaacha kwobwaro, ne munanyoola, nibareka, nibaranyala okhukhwesa khulwa obuungi bweching'eni.
\v 7 Ne omweka wa Yeso yakheera yaboolera Petero ari, nomwami, ne ngolwa Simoni Petero yabulira mbwe, nomwami yamusukunakho ingubo yokhunaaba (khubeera yali esiekenye), namala niyedumbula munyaanja.
\v 8 Nabeeka baandi beecha mumeli indiidi; (khubeera sibali ale nende khulukoongo, khubeera biali oburambi bwochidiraa echimia chibiri,) nibali khukhwesa olwero lulimo ching'eni.
\v 9 Ngolwa boola khulukuku baloolao omuliro kwamaanda, ing'eni niirerwekho, nende omugaati.
\p
\v 10 Yeso nababoolera, rerekho ching'eni chamunabire.
\v 11 Simoni Petero yengira, nakhwesa olwero narera khulukuku nilwichulemo ching'eni chikhongo, imia ndala nende amakhumi karano nende chidaru; ne muchiosi chiali chinyingi muno arali olwero silwakhalikha.
\p
\v 12 Yeso nababooloera ari, mwiche mulie, naye abulao omweka yeesi owebulira khumureba, ari oli wina? Ngabamanya mbwe nomwami.
\v 13 Yeso yamala niyeecha, nabukula omugaati, nababeresia alala nende ing'eni.
\v 14 Lino bulano liali elikhabi liakhadaru Yeso niyelolosianga khubeeka baye, namalire khubuukha mubafu.
\p
\v 15 Nibakhamala okhulia, Yeso yababoolera ari,"Simoni Petero, Simoni, omwana wa Yona, wakheera khukhira bano? Namuboolera ari, kali kario Omwami, omanyire mbwe ndakhukheera, namuboolera ari, liisia amakoondi kange.
\p
\v 16 Namuboolera khandi ekhabi lia khubiri ari, Simoni, omwana wa Yona, wakheera? namuboolera ari, kali kario Omwami; omanyire mbwe ndakhukheera; Namuboolera ari, lisia amakondi kange.
\p
\v 17 Namuboolera likhabi liakhadaru ari, Simoni, omwana wa Yona, wakheera? Petero nanyoolera okhuba yakhamuraeba olwakhadaru, mbwe wakheera? Namuboolera, Omwami, omanyire biindu biosi; ewe omanyire mbwe ndakhukheera. Yeso namuboolera, lisia makondi kange.
\p
\v 18 Bwadieri, bwadieri, khuboolera, ngolwa wali muyere, welindanga mwene nende khukeenda woosi owawenyanga; arali niwakhangala, onareranga makhono, nomuundud uundi akhwimirira, nakhuyira owa mwene oradakha.
\v 19 Kano yalomaloma nafwanirisianga eliifwa elia yakhakinguliremo Nasaye. Ne niyakhamala khuboola ario, yamuboolera ari, nonde.
\p
\v 20 Petero yakalukhana, naloola omweka ulia owa Yeso yakheera namuloonda; ulia owali amuyekhere khusirifu ebikha bie biakhulia bieingolobe, naboola ari, omwami, niwina anakhukhoba?
\v 21 Petero namulingeera naboolera Yeso ari, omwami, naye omuundu uno alikhola sina?
\p
\v 22 Yeso namuboolera ari nikali mbwe ndakheenya mbwe abeo khuula nganjicha, esio ni sina khwewe? Ewe nonde. Elikhuwa lino nililandaala mubakherwa, "Mbwe omweka oyo sakhoyere afwe"; Naye Yeso siyali
\v 23 namubolere mbwe siyakhafwe khaba; arali, nindebulira mbwe abeo okhuula olwanjicha, elio khwewe nisina?
\p
\v 24 Uno niye omweeka oli nobuloli bwebiindu bino khandi yabiandika; ne khumanyire mbwe obuloli bwaye nobwadieri.
\p
\v 25 Ne biliwo ebiindu biingi ebia Yeso yakhoola, ebiri mbwe, nibiakhandiikirwe biosi, subirira mbwe kata esialo siosi sisiakhabere nebitabo biyera khwandika koosi.