kvb_reg/50-EPH.usfm

\id EPH
\ide UTF-8
\h EFESUS
\toc1 EFESUS
\toc2 EFESUS
\toc3 eph
\mt EFESUS
\c 1
\cl Pasal 1
\s (Salam Jak Paulus)
\p
\v 1 Deri Paulus, rasul Yesus Kristus ule kehendak Allah.
\v 2 Anugerah ngan damai sejahtera bage kowe deri Allah, Bepa kite, ngan Tuhan Yesus Kristus.
\s (Berkat-Berkat Rohani delom Kristus)
\p
\v 3 Tepujilah Allah ngan Bepa deri Tuhan kite Kristus Yesus, nyo telah memberkati kite delom Kristus ngan setiap berkat rohani de tempat surgawi.
\v 4 Sabab, nye memileh kite delom Kristus sebolom Permuliaan denia supayo kite menjadi Kudus ngan hopi bercela de hadopen-Nye. delem kaseh,
\v 5 Nye menetapko kite deri semula untuk de angkot menjedi anak-anak-Nye melewati Kristus Yesus sesuai ngan kesukaan kehendok-Nye.
\v 6 Iye melakuko iye bage kepujion kemuliaon anugerah-Nye, Nyo telah de karuniakon-NYe ngan cuma-cuma kepado kite delong anak-Nye nyo terkaseh.
\p
\v 7 Delom nye kite mendepot penebuson melalui deron-Nye, yaitu pengampunan atas pelanggoron-pelanggoron kite sesuai ngan kesogeon anugerah-Nye.
\v 8 nyo Allah limpahko kepado kite delom segelo hikmat ngan pengertion.
\v 9 Nye memberitahuko kepado kite resio kehendok-Nye sesuoi ngan maksod beik yang Nyo rencanoko delom Kristus,
\v 10 nyo akan dejelasko ketiko waktu keponohonye sampoi untuk memprsatuko segelo sesuatu delom Kristus, nyo ado de surga.
\v 11 Delom Kristus, kite jugo telah menjedi bagion deri warisan-Nyo telah de tetapkon-NYe deri semula sesuoi ngan rencana-Nyo, Nyo mengerjako segalo sesuatu delom keputuson kehendok-Nyo.
\v 12 supayo kite nyo pertamo-tamo menaruh pengharopon kepado Kristus nak menjedi puji-pujion bage kemuliaon-Nye.
\v 13 Delom Nye, kowe jugo, setelah mendongor Firman Kebonoron, yaitu Injil Keselamaton-me, ngan percayo kepado-Nye, dementeraikan ngan Roh Kudus nyo dejenjiko.
\v 14 Roh kudus adolah jaminon kepocok wareson kite, sampoi penobuson terjedi kepucok nye mike menjedi milik kepunyaon Allah dewek bage pujion kemuliaon-NYe.
\s (Doa Paulus)
\p
\v 15 Oleh sebab iye, sejak ake mendongor tentang imanme delom TUhan Yesus ngan kaseh me kepado segelo urang kudus,
\v 16 ake pi henti-hentinyo mengucap sukur untok me saat ake mengingot kuwe delom doa-doa ke.
\v 17 Ake berdoa agar Allah deri Tuhan kite, Kristus Yesus, Bapa deri kemuliaon, membori me Roh hikmat ngan penyertaon delom pengetahuon akan Nye.
\v 18 Ake berdoa empok konyo mato hati me de tarangi sehinggo kowe depot mengerti pengharopon nyo terkandong delom pangelon-Nyo, kekayaon nyo terkandong delom warison-NYe nyo mulia bagei urang-urang kudus.
\v 19 Ngan kekuaton gede nyo hopi terukur bage kite nyo percayo, sebagai mone ditunjukon delom kemahabesaron kekuaton-nyo.
\v 20 Kemahabesaron kekuaton-Nye nie nyo tunjukko ketiko enye membangkitko Kristus deri antoro urang mati ngan menduduko nye de sebelah kanon-Nye de tempat surgawi.
\v 21 Nyo jouh lobe tinggi deri segelo antoro, kekuasoon, pemerintahon, ngan lobeh tinggi deri segalo namo nyo pernah ado, bukan hanyo podo masa kini nie, cuma jugo pado maso nyo akan jongok.
\v 22 Enye menaklukkon segalo sesuatu de bewoh kaki-NYe ngan memboriko diri-NYe menjedi kepalo atas segalo sesuatu bage jemaat,
\v 23 nyo adolah badan-nye, de mone keponohon-Nye memonohi segalonye ngan segelonye.
\c 2
\cl Pasal 2
\s (Deselamatko uleh Anugerah)
\p
\v 1 Tekalo kowe mati delom pelangaron-pelangaron ngan doso-doso me,
\v 2 Nyo mone tekalo waktu iye kowe berjelon mehilui jelon denia, menghilui penguasah kerajaon udara, Roh nyo kini e bekerjo di antoro anak-anak nyo hopi taat.
\v 3 Di antaro kowe, kete segelo dahulu jugo hidop delo nafsu kedegengan kite, memuasko ke inginon degeng ngan pekeron kite podo dasarnye adolah anak-anak durhaka, samo upa mendesio loen nye.
\p
\v 4 Cuma sebeleknye, Allah, nyo kayo ngan belaskasihan ngan karna kaseh-Nyo ngo godong iye Enye mengasehi kite,
\v 5 bahkon tekalo kite mati delom pelangaron-pelangaron kite, nye menghidupko kite bersamo ngan Kristus oleh anugerah kowe diselamatko--,
\v 6 ngan Iye membangkitko kite bersamo ngan Nye di tempat surgawi delom Yesus Kristus,
\v 7 empoknyo podo maso nye detong, Nye buleh menunjokko kesogeon anugerah-Nye nyo hopi teokor delom kebaikon-NYe kepado kite delom Yesus Kristus.
\p
\v 8 Sabab, oleh anugerah kowe di selamatko melalui iman ngan niye bukon deri diri-me dewek, cuma karunia Allah.
\v 9 Bukan Hasel, empoknyo hopi ado seurang pon nyo menyombongko diri.
\v 10 Kito niye buaton Allah, di ciptako delom Yesus Kristus untuk melakuko pekerjaon beik nyo dipersiapko Allah, sebolomnye empoknyo kite pacok hidop delom NYe.
\s (Dipersatuko Delom Kristus)
\p
\v 11 Ulenyo iye, ingtlah bahwa kowe duluh leher upah urang kafir, nyo desobut “urang hopi bersunat,” uleh Nye nyo menyobot diri upah “urang bersunat” yaitu sunat nyo de lakuko podo tobuh uleh tangon mendesio.
\v 12 Ingotlah saat iye kowe hidop tanpah Kristus, terpisah deri kewargaon israel ngan urang-urang aseng bage ikaton perjanjion nyo dejenjiko, hopi memeleki pengharopon ngan tanpah Allah delom denia nie.
\v 13 Hambuk, kinie, delom Yesus Kristus, kowe nyo dahulu sangat jouh lah debewo menjedi parok uleh deroh Kristus.
\p
\v 14 Sabab, Enye dewek adolah damai sejatrah kite nyo telah membuat keduo belah pihak menjedi satu ngan nyo lah menghancurko tembok permusohon nyo memisahko,
\v 15 ngan menghapos permusuhan delom degeng-Nye, yaitu Hukom Torat nyo brisi perentah-perentah ngan ketetapon-ketetapon sehinggo de delom diri Nye nie membuat keduonyo menjedi sikok mendesio beheru sehinggo terjedi perdamayon,
\v 16 ngan mendamai ko keduanye ngan Allah delom satu tubuh melalui salib, sehingo mematiko permusuhon.
\v 17 Enye jongok ngan memberita ko damai sejatra kepodo me nyo jouh ngan damai sejatra kepodo nye nyo parok.
\v 18 Sabab, melaluinye, kite berdua memelekinyo jelon masok kepodo Bepak delom satu Roh.
\p
\v 19 Jedi, kowe bukon lagi urang-urang aseng ngan pendetong, cuma sesamo warga ngan urang-urang kudus ngan angota-angota keluargo Allah,
\v 20 nyo debangun de pacok dasar para Rosul ngan para nabi, ngan Yesus Kristus dewek sebagoi betu penjuru-Nye.
\v 21 Delom Kristus, segelo bengunon sedang de persatuko bersamo ngan bertambo menjadi bait suci delom Tuhan.
\v 22 Delom Nye kowe jugo sedang de bangun bersamo menjedi tempat tinggi Allah Delom Roh.
\c 3
\cl Pasal 3
\s (Pelayanon Paulus Untok Bengeso Bukon Yahudi)
\p
\v 1 Untuk alason nielah, ake, Paulus, de penjara karena Yesus Kristus demi, kowe urang-urang kafir.
\v 2 Kowe peseti lah, mendongor tentang tugas penatalayanon anugerah Allah nyo de bori ko kepodoke untuk kowe,
\v 3 bahwa ngan penyataon, resio iye de beritahuko, kepado ke upah nyo lah ku tulis secaro singkot sebolom nye.
\v 4 Saat membeco nie, kowe depot memahami pengertion ke menganai resio Kristus,
\v 5 nyo hopi deboritahuko kepodo urang-urang deri generasi, hambok nyo kinie denyatoko kepodo para rosul ngan para nabi-Nye nyo kodus uleh Roh Kudus.
\v 6 Resio iye adolah bahwa melalui Injil urang-urang kafir menjedi sesamo ahli waris, sesamo angota deri sikok badan, ngan samo-samo mengambek bageon deri jenji delom Yesus Kristus.
\v 7 Ake menjedi pelayan Injil sesuoi ngan karunia deri anugerah Allah, nyo deboriko kepodo ke menurut gaweon Kuason-Nyo.
\p
\v 8 Kepodoke, nyo sajo hino de antaro segelo urang kudus, anugerah nie deboriko untok memberitako kepodo urang-urang kafir kesegelo Kristus nyo hopi tesolomi.
\v 9 ngan ngunda tarang kepodo setiap urang tentang resio nyo tekerawo selamo berabad-abad delom Allah, Nyo menciptako segelo sesuatu.
\v 10 Ngan memunyelah melewati jemaat, bebagai hikmat Allah kinie debori tahuko kepodo para pemerintah ngan penguaso de tempat surgawi.
\v 11 Nie sesuoi ngan rencana kekal nyo denyatako delom Yesus Kristus, Tuhan kite,
\v 12 Nyo delom me, kite mendepot keberanion ngan jelon masuk kepodo Allah ngan yaken lenyo kesetiaon Kristus.
\v 13 Ulehnyoiye, ake mintak kepodo me empok jengon putus asa ngelek penderitaon nyo ake alami demi kowe. penderitaon iye adolah kemuliaanme.
\p
\v 14 Untuk alasan nielah, Ake berlutut de hadapon Bepak.
\v 15 Deri enyelah, setiap keluargo de surga ngan de bumi menerimo namo nye.
\v 16 Ake berdoa empoknyo sesuoi ngan kesongohan kemuliaon-Nye, Nye berkenan mengaroniako kepodo me kekuaton de delom batin me, ngan kuaso melalui Roh-Nya.
\v 17 Sehinggo Kristus berkenan tinggal de delom hatime melewati iman sehinggo kowe ngan bedasar delom Kaseh,
\v 18 Ngan empoknyo kowe bersamo segelo urang kudus depot memahami betapo lebor, ngan panjong, ngan tinggi, ngan delom-Nye kaseh Kristus.
\v 19 Ngan demikian, kowe depot mengenai kaseh Kristus nyo melampaui pengentahuon sehinggo kowe de ponohi ngan sebeloh kepenohan Allah.
\p
\v 20 Bage Nye, nyo sanggop melakuko jouh lobih melimpah deri pado segelo nyo kito mintak atau pekerko, sesuoi ngan kuaso NYo begawe de delom kite.
\v 21 Bage Nyelah kemuliaon delom jemaat ngan delom Yesus Kristus bage segaloh generasi sampoi selamo-lamo-Nye. amin.
\c 4
\cl Pasal 4
\s (Kesatuon Badan Kristus)
\p
\v 1 Uleh nyo iye, ake, urang nyo depenjaroko ulehnyo Tuhan, mendorong kowe untuk hidop serunding ngan pantouon nyo lah kowe terimo.
\v 2 Ngan segelo kerendahon hati ngan kelombuton, ngan kesabaron, saleng menanggung bobon delom kaseh,
\v 3 beusaholah sekuat tenago untuk memeliharo kesatuon Roh delom ikaton damoi sejahtera.
\v 4 Hanyo ado sikuk Roh, samo hal nye tekela kowe de pantou kepado sikuk haropon deri panggelon me,
\v 5 Sikuk Tuhan, sikuk Iman, ngan sikuk baptison,
\v 6 Sikuk Allah ngan bepak deri segelo nye, nyo depocok segelonye, melalui segelonye, ngan delom segelo nye.
\p
\v 7 Hambok sebeleknye, kepado kite maseng-maseng deboriko anugerah sesuoi ngan ukuron karunia Kristus.
\v 8 Iyelah sababnye, debuiko, “Tekalo Enye noek ke tempat tinggi, Enye menangkop urang-urang nyo detahan, ngan memboriko karunia kepodo mendesio.”
\p
\v 9 Tekalo debuekko, “Nye noik,” bukonkah iye berarti Nye jugo lah turun ke bagion bewoh bumi?
\v 10 Nye, nyo turun, Enye, nyo turon, enye jugolah nyo noek lobeh tinggi deri segelo langet empoknyo Nye memenuhi segelo sesuatu.
\v 11 Nyelah nyo memboriko, beik rasul-rasul, nabi-nabi, pemberita-pemberita Injil, gembala-gembala, moupun pengajor-pengajor,
\v 12 untok memperlengkapi urang-urang kudus delom pekerjaon pelayanon pembengunon badan Kristus,
\v 13 sampoi kite segelo mancapai kesatuon iman ngan pengetahuon akan Anak Allah, yoitu urang rayo, menurut ukuron tingkat pertumbuhon nyo sesuoi ngan keponohon Kristus
\v 14 Ngan demikion, kite bukon lagi anak-anak nyo deombang-ambingko uleh ombak ngan debewo kekiun kemai uleh berbagai angin pengajaron, uleh tipu daya mendesio, uleh kecalakon deri penipuon nyo licik.
\v 15 Sebeleknye, mengehatoko kebonoron delom kaseh, kite nak bertumbuh delom segelo hal kepodo Enye, nyo adolah kepalo, yoitu Kristus.
\v 16 Deri podonye segelo badan tersusun ngan dekobot bersamo-samo menjedi sikok melalui topangon setiap sendi jika maseng-maseng melakukan bagiannye badan nak bertomboh sehingo membengun diri nyo delom kaseh.
\s (Caro hidop nyo bonor delem Kristus)
\p
\v 17 Ulenyio iye, ku gerako ngan ku tegasko delom TUhan, jengon lagi kowe hidop upah urang-urang nyo hopi percayo, nyo hidop ngan pekeron nyo sio-sio.
\v 18 Pengertion nyo menjedi gelap ngan terpisah deri kehidopon Allah ulenyo kebodohan nyo delom diri nyo yoh de sebabko ule kekarason hati.
\v 19 Perasaon nyo lah menjedi tumpai ngan enye menyerako diri kepodo benatong nafsu untok melakoko segelo caro kecemaron ngan keserakohon.
\p
\v 20 Cuma hambok, bukon ngan caro nio kowe belajor tentang Kristus.
\v 21 Seumpamo kowe memang lah mendongor tentang nyo ngan deajor delom Dia, sebagai mone kebonoron nyio ado delom Yesus
\v 22 campok lah mendesio lamo me nyo kowe depot deri caro hidop me nyo lamo, nyo sedang de rosak uleh benatong nafsu nyo menipu.
\v 23 Pebeheruilah Roh pekeron me.
\v 24 Kanakolah mendesio nyo beheru nyo deciptako delom rupa Allah delom keadelon ngan kekuduson nyo sejati.
\p
\v 25 Uleh karno iye ngan menyamok kepelsuon ngan mintak setiap kowe boek tentang kebonoron tentang sesamo me uleh nyo kite samo-samo angota deri sikok badan.
\v 26 Bemaralah ngan jenon berbuat doso. jengon biarko metoari terbenom delom kemarahon me.
\v 27 Jengon membage kesempaton kepodo setan
\v 28 Urang nyo lah delok, jengon malng lagi lobe beik munye ia begawe berat ngan melakuko gawe nyo beik ngan tangon nyo dewek sehinggo ia memeleki sesuatu untok de bageko kepodo urang nyo membutohko.
\v 29 Jangan biarko pembueko rengai keluor dri mulut me, cuma hanyo pembuekon beik nyo membengun urang nyo membutuhko sehinggo pembuekon me iye membori ko bakat bage me nyo mendongornye.
\v 30 Jengon menduduko Roh Kudus Allah, sabab uleh karna DIa kowe dementeraiko untok hari penobusan.
\v 31 Campok lah segelo macam kepaheton, kegeramon, kemarahon, pertikayon, ngan pembekon fitna, jugo segalo kejahaton, jiuko lah iye deri podo me.
\v 32 Bersiap lah ramah sikok ngan nyo loen, memiliki hati nyo lomba saling mengamponi, sebagaimone Allah delom Kristus jugo mengamponi kowe.
\c 5
\cl Pasal 5
\s (Hidop sebagoi Anak-anak tahang)
\p
\v 1 Sabab iye, jedilah peniru-peniru Allah sebagaimone anak-anak nyo terkaseh.
\v 2 Hidoplah delom kaseh samo upah Kristus mengasehi kito ngan memboriko diri-Nyo untok kite sebagoi persembahon ngan korban nyo horum bage Allah.
\v 3 Cuma hambok, jengon ado percabolon atau segalo macem kecemaron atou keserakohob, bahkan disobut pun jengon ulenyo hal iye hopi layak ado de antoro urang-urang kudus.
\v 4 Jangan ado perkatoon kotor, perkatoon bodoh, atau lelucon-lelucon kasar nyo hopi pantas sebeleknye ucapkolah sukur.
\v 5 Sabab kowe tahuko ngan pasti bahwa urang cabul, urang hopi suci, atau urang serakah nyo menyembah berhala hopi nak mendapot wareson delom kerajaon Kristus ngan Allah.
\v 6 Jengon ado urang nyo menipu kowe ngan kato-kato kosong ulehnyo hal-hal iye lah nyo mendatongko murka Allah atas anak-anak durhaka.
\p
\v 7 Jadi jangon bergaul ngan nyo
\v 8 Dehulu kowe adolah kekolomon cuma kinie kowe adolah terang delom TUhan. hidoplah upah anak-anak terang.
\v 9 ulehnyo buah deri terang adolah segelo kebeikon, keadelon, ngan kebonoron,
\v 10 ngan mencubo ndelok kebonoro ape nyo menyenangko Tuhan.
\v 11 Jangon mehilu ngambek bagion delom perbuatan kekolomon nyo hopi menghaselko buah, sebelek nye telanjongila perbuaton-perbuaton iye.
\v 12 Sabab menyebout hal-hal nyo enyo lakuko secaro diom-diom pon sajo memaluko.
\v 13 Cuma hambuk segelo nyo de telanjongi uleh tarang menjedi tekole.
\v 14 ulehnyo segelo nyo menjedi nyato adolah tarang iye sabab nye, degerako “bangun, hai kowe si tukang tidor! bangket lah deri antoro urang mati, ngan Kristus kan bersinar pocok me.”
\p
\v 15 Jedi perhatiko ngan sesamo upah mone kowe hidop, jengon upah urang bebal, jedilah bijak.
\v 16 Pergunakolah waktu nyo ado ngan sebeik beiknyo ulenyo hari-hari nie adolah jahat.
\v 17 Ulehnyo iye jangon lah menjedi bodoh, cuma mengertilah ape iye kehendok Tuhan.
\p
\v 18 Jengon mabok uleh anggur karena hal iye hopi, sebeleknye penuhilah ngan Roh.
\v 19 Eomongkolah seorang ngan nyo loin delom mazmur, kidung pujian, ngan nyanyion rohani, bernyanyilah ngan buatlah lagu pujion kepodo Tuhan ngan seponoh hati me.
\v 20 Ucaplah sokur sanantiaso atas sesuatu ngan Allah Bepak delom namo Tuhan kite, Kristus Yesus.
\v 21 Tonduklah seurang kepado nyo loin delom Takut akan Kristus.
\s (Nasehat untuk bini ngan laki)
\p
\v 22 Bini-bini tunduklah ngan laki me upah ngan Tuhan.
\v 23 Sabab laki adolah kepalo deri bini, upak Kristus adolah kepalo deri jemaat, yaitu badan NYe ngan nyo deweklah Juru Selamatnye.
\v 24 Cuma hambok, sebagai mone jemaat tonduk ngan Kristus, demikian juga bini haros tundok ngan laki delom segelo hal.
\p
\v 25 Laki-laki, kasehilah bini me upah Kristus mengasehi jemaat ngan membori ko dirinyo bage jemaat,
\v 26 untok menguduskan nye ngan memberehko nye lewat pembesuhan aek ngan Firman.
\v 27 Ngan demikian, Kristus depot mempersembahkon jemaat ngan diri-Nye delom kemuliaan, tempa noda atau tenpah karut, atau semacamnye sehinggo jemaat menjedi kodos ngan hopi bercela.
\v 28 Demikian jugo, laki-laki haros mengasehi bininyo upah badan nyo dewek. la nyo mengasehi bini nyo mengasehi dirinyo dewek.
\v 29 Sabab, hopi ado urang nyo pernah membenci badan nyo dewek, cuma ia memeliharo ngan merawatnye. Begitu jugo nyo Kristus lakukan bage jemaat.
\v 30 ulehnyo kite adolah angota-angota Tubuh NYe.
\v 31 Iyelah sabab nye, seurang jenton-jenton nak meningalko bapak ngan indok nye ngan bersatu ngan bini nye sehinggo keduonye menjedi sikok badan.
\p
\v 32 Resio nie godong ngan ake ngerako nye hobongan anggota Kristus ngan jemaat.
\v 33 Namon, biarlah maseng-maseng kue mengasehi binime upah dirime dewek ngan bini haros menghormati laki nyo.
\c 6
\cl Pasal 6
\p Nasehat untok Anak-Anak ngan Urangrayo
\v 1 Anak-anak taatilah urangtuhame delom Tuhan ulehnyo nei adolah hal nyo benor,
\v 2 Hormatilah bapak ngan idokme, “nie adolah perintah pertamo nyo desertai ngan jenji.
\p
\v 3 “engakonnyo hidopme beik ngan kowe engakknyo beomor panjong de bumi.”
\p
\v 4 Bepak-bepak, jangonlah memicu anak-anakme untok menjedi marah, hambok godong kolah nye delom disiplin ngan nasehat Tuhan.
\s (Nasehat Untok Hambo ngan Tuan)
\p
\v 5 Budak-budak, taatilah tuanme nyo ado de dunia nie ngan hormat ngan gentar, ngan ketulosan hati upah untuk Kristus.
\v 6 Jengon upah urang-urang nyo mengerjoko pengaweon hanyo untok de kelek urang-urang menyenangko mendesio, cuma sebagoi hamba-hamba Kristus nyo melakuko kehendak Allah dri hati,
\v 7 Melayani ngan sepono hati upah untok Tuhan ngan bukon untok mendesio.
\v 8 Sabab, kowe tahu entah nye budak ataupon urang merdeka, muye ia melakoko hal nyo beik, TUhan nak membori upah kepadonye.
\p
\v 9 Tuan-tuan, lakukolah jugo kepado hamba-hamba me. berhentilah mengancam ulenyo ketahuilah beik tuanme atau tan nye samo-samo ado de surga, ngan nye hopi pileh kaseh.
\p
\v 10 Ahirnye, jadilah kuat dalom TUhan ngan delom kuat kuaso-NYe.
\v 11 Pakoilah segeloh perlengkapon senjata Allah empoknyo kowe depot togok melawon tipu dayo oblis.
\v 12 Sabab perjuangan kite bukon melawon degeng ngan dero, cuma melawan pemerentah-pemerentah, penguaso-penguaso, kekuaton-kekuaton denia kekolomon nie, ngan melawon kekuaton roh deri si jahat nyo ado de langet.
\v 13 Ulehnyo iye, pakoylah segaloh prlengkapan senjata Allah empoknyo kowe depot tetap bertahan saat ari nyo jahat iye jongok, ngan setelah segalo nye soda kowe tetap togok.
\p
\v 14 Jadi togoklah tegoh, ngan mengencagko bobot pingang kebonoran de seputor pinggangme ngan pakoylah beju zirah keadelon.
\v 15 Ngan pasonglah elap kakime ngan kesiapon iNjil damai sejahtera.
\v 16 Delom segalo hal, ambeklah perisai iman untok kowe depot memadomko segalo pono api deri si jahat.
\v 17 Ambeklah ketopong keselamatan serta pedang Roh, Yaitu Firman Allah,
\v 18 sambel berdoa setiap waktu delom Roh ngan segalo doa ngan permohonan delom doa me iye, berjego-jegolah ngan segelo ketekonon sambel meneko segelo permohonan bage segelo urang kodos.
\v 19 Berdoalah jugo untok ake empok nyo ketika ake membuka molutku, perkataon dekaroniako ngan ke sehinggo ake ngan berani memberitako resio Injil.
\v 20 Ulenyo INjil iyelah, ake menjedi utusan nyo terbelenggu. doa kolah agar ake depot memberitakonye ngan berani sebagai mone seharosnye ake bekehato.
\s (Salam Terakher)
\p
\v 21 Tihikus, delor seiman ke nyo terkaseh ngan pelayan nyo setia dlom Tuhan, nak memberitahuko segelo sesuatu nganme empoknyo kowe jugo tahu upah mone keadaonke ngan ape nyo aku perbuat.
\v 22 Ake memang mengetos nye ngan me untok tujuan NYe, empokonyo supayo kowe tahu kabar kami ngan supayo nye depot menghibur
\p
\v 23 Damai sejatra bage dolor-dolor seiman, ngan kase ngan iman deri Allah bapak ngan Tuhan Yesus Kristus.
\v 24 Anugerah menyertai segalo urang nyo mengasehi Tuhan kite, Kristus Yesus, ngan kaseh nyo hopi nak binasa.