kvb_reg/55-1TI.usfm

\id 1TI
\ide UTF-8
\h 1 Timotius
\toc1 1 Timotius
\toc2 1 Timotius
\toc3 1ti
\mt 1 Timotius
\c 1

\s (Salam untok Timotius)
\p
\v 1 Deri Paulus, nyo menjedi rosul Yesus Kristus ulehnyo perintah Allah, Joros Selamat kite, ngan Yesus Kristus, pengharapon kite.
\v 2 Untok Timotius, anak nyo sah delom iman. Anugerah, belas kaseh, ngan damai sejahtera deri Allah Bepa kite ngan Yesus Kristus, Tuhan kite.
\s (Peringoton Melawon Ajoron Sosot)
\p
\v 3 Upamone ake memohon kepodome tekalo ake bejalon ke Makedonia, tetaplah tinggal de Efesus empoknye kowe pacok menasehati berape urang empoknye mike hopi mengajorkoh ajoron-ajoron loen,
\v 4 apo memusatko perhation mike podo dongeng-dongeng ngan silsila-silsila nyo hopi ado akhernye. Iye justru njongok koh perdebaton, bukonnyo menjelonkoh tugas pelayanon Allah nyo digaweko ule iman.
\v 5 Hambok, tujuon deri perintah iye adolah kaseh nyo berasal deri hati nyo murni, nurani nyo beik, serta iman nyo tolos.
\v 6 Berape urang elah menyimpang deri tujuon nie ngan tersosot delom pembicaraon nyo sia-sia.
\v 7 Mike endok menjedi ahli Hokum Torat, cuma hopi memahami ape nyo mike kehatoko upa hal-hal nyo mike yakeni.
\p
\v 8 Cuma hambok, kite tahu Hokum Torat iye beik jika urang menggunakohnye upa mone mestinye,
\v 9 ngan kesadaron behwa Hokum Torat hopi de buat untok urang bonor, melonko untok pelanggar hokum ngan pemberontak, urang fasik ngan urang bedoso, urang nyo hopi kudus ngan duniawi, mike nyo membunoh bepak ngan indoknye dewek, pembunoh,
\v 10 urang asusila nyo melakuko dosa seksual, homoseksual, penculik, pelato, saksi dusta, ngan siape bae nyo melawon ajoron nyo sehat,
\v 11 nyoiyeh ajaron Injil nyo melia deri Allah sumber berkat, nyo elah depercayokoh kepodome.
\s (Ucapon Sukor Paulus atas Rahmat Allah)
\p
\v 12 Ake besukor kepodo Nye nyo elah menguatkonme, nyoiye Yesus Kristus, Tuhan kite, ulehnyo Nye menganggop ake setia ngan menempatko ake delom pelayanon nie.
\v 13 Walaupon dahulu ake seurang penghujat, penganiayo, ngan urang nyo kejam, cuma ake menerimo belas kaseh ulehnyo dahulu ake melakukonnye tanpo pengertion ngan delom kehopipercayaon.
\v 14 Tuhan memberiko kepodoke anugerah nyo melempah, besamo-samo ngan iman ngan kaseh delom Yesus Kristus.
\p
\v 15 Pengekataon nie pacok depecayo ngan layak deterimo seponohnye behwa Yesus Kristus detong ke dunia untok menyelamatko urang-urang bedoso; de antaro mike, akelah nyo paleng bedoso.
\v 16 Untok alason niela, ake mendepotkoh belas kasehan, nyoiye supayo de delom ake, urang nyo paleng bedoso nie, Yesus Kristus menunjokko kesaboron-Nye nyo sempurna sebagoi contoh bage mike nyo cuma pecayo kepodo-Nye untok memperoleh hidop nyo kekal.
\p
\v 17 Bage Rajo atas segelo zaman, nyo kekal, ngan nyo hopi tekoleh, satu-satunye Allah, hormat ngan kemeliaon sampoi selamo-lamonye. Amin.
\v 18 Perentah nie keboriko kepodome, Timotius, anakke, sesuoi ngan nubuaton nyo pernah deboriko tentang kowe, ngan nubuaton iye bejuanglah delom perjuangon nyo beik,
\v 19 sambil bepegang podo iman ngan hati nurani nyo beik. Berape urang elah menolam melakukonye sehinggo kandoslah iman mike.
\v 20 De antaronye adolah Himeneus ngan Aleksander, nyo elah keserahko kepodo Setan empoknyo mike belajor untok hopi menghujat.
\c 2

\s (Bedoalah bage Segelo Urang)
\p
\v 1 Pertamo-tamo, ake menasihatko kowe untok menoekkoh permohonon, doa, doa syafaat, ngan ucapon sukor bage segelo urang,
\v 2 bage rajo-rajo, ngan segelo urang nyo dudok de pemerintahon empoknye kita pacok menjeloni hidop nyo tenang ngan damai delom segelo kesalehon ngan kehormaton.
\v 3 Hal nie beik ngan bekenan de hadopon Allah, Joro Selamat kite,
\v 4 nyo menghendaki segelo urang deselamatko ngan sampoi kepodo pengetahuon akan kebonoron.
\v 5 Sabab, anyo ado sikok Allah ngan siko perantaro antaro Allah ngan mendesio, nyoiye mendesio Yesus Kristus,
\v 6 nyo elah memberiko diri-Nye dewek sebagoi toboson bage segelo urang. Kesaksion nie denyotoko podo waktu nyo detetapko-Nye.
\v 7 Untok iyelah, ake detetapko sebagoi pengkhotbah ngan rosul -- ake boek bonor, ake hopi pelato -- ngan sebagoi guru delom iman ngan kebonoron bage bangsa-bangsa loen.
\s (Sikap Jenton-Jenton ngan Betina delom Kumpolon Jemaat)
\p
\v 8 Ulehnyo iye, ake endok jenton-jenton de segelo tempat bedoa sambel mengangkot tangannye nyo kudus tanpo kemarahon ngan pertengkaron.
\v 9 Upanio jugo, ake endok betina bepakyon pantas, ponoh kesopanon ngan pengendalion diri. Perhiasonnye bukonlah rambot nyo de sentagen-tagen, emas, mutiara apo pakoyon mahal,
\v 10 meloenko perbuaton-perbuaton beik seupamone pantasnye betino nyo memeleki kesalehon.
\v 11 Seurang betina haroslah belajor delom ketenangon ngan delom segelo ketaaton.
\v 12 Cuma hambok, ake hopi mengezenko betina mengajor apo nyoroh jenton-jenton. Hambok, betina haros tetap tenang
\v 13 ulehnyo Adam deciptakoh pertamo, beheru kemudion Hawa,
\v 14 ngan bukon Adam nyo de tipu, meloenko betina nyo de tipu ngan titek delom pelanggaron.
\v 15 Hambok, betina akan deselamatko melalui kelahiron anak jika mike terus hidop delom iman, kaseh, ngan kekoduson ngan pengendalion diri.
\c 3

\s (Sarat-Sarat Penilik Jemaat)
\p
\v 1 Pemboekon nie bonor, “Munye seurang menghendaki jabaton penilik jemaat, nye mengendoko penggaweon nyo beik.”
\v 2 Ulehnyo iye, penilik jemaat harosla seurang nyo hopi becela, suami deri sikok bini, bijaksana, menguasoi diri, dehormati, endok membori tumpangon, ngan terampil mengajor,
\v 3 bukon peminom, bukon urang nyo kasar meloenkoh lemah lombot, hopi endok belago, ngan bukon urang nyo cinta uang.
\v 4 Nye haros pacok mengurus ruma tanggonye dewek ngan beik ngan menjago anak-anaknye untok taat ngan raso hormat.
\v 5 Sabab, munye nye hopi tau upamone mengurus ruma tanggonye dewek, upamone nye akan mengurus jemaat Allah?
\v 6 Jengonlah nye seurang petobat baru supayo nye jengon menjedi sombong ngan titek ke delom hokuman iblis.
\v 7 Detamboh lagi, nye haroslah seurang nyo memeleki reputasi nyo beik de antaro urang-urang luor sehinggo nye hopi titek delom kehinoon ngan jebakon iblis.
\s (Sarat-Sarat Majelis Jemaat)
\p
\v 8 Cuma jugo diaken, nye haroslah seurang nyo dehormayti, hopi becabang lidah, hopi kecanduan minoman anggur, ngan hopi mendelok keuntungan nyo hopi jujur.
\v 9 Mike haros pacok memogong rahasia kebonoron iman ngan hati nurani nyo bereseh.
\v 10 Mike jugo haros de uji terlobeh dahulu ngan cuma bukti hopi becela, mike pacok melayani sebagoi diaken.
\v 11 Demikian jugo betina-betina diaken, mike haroslah urang nyo dehormati, bukon pemfitnah, cuma pacok menguasoi diri ngan pacok depercayo delom segelo hal.
\v 12 Diaken haros laki ngan deri sikok bini, pacok mengatur anak-anaknye ngan ruma tanggonye ngan baik.
\v 13 Sabab, mike nyo elah melayani sebagoi diaken ngan beik akan mendepotko kehormatan bage diri nyo dewek ngan keyakinon nyo godong akan imannye delom Yesus Kristus.
\s (Resio Kesalehan Kite)
\p
\v 14 Ake beharop ake pacok segera detong kepodome, cuma ake menuliskon hal-hal nie kepodome supayo
\v 15 seandoinye ake terlambot, kowe sodah tahu upamone mike haros hidop delom ruma Allah, iyelah gereja deri Allah nyo hidop, tiang penyokong, ngan dasar deri kebonoron.
\v 16 Kite mengakui alangkah godongnye rahasia kesalehon iye: “Nye, denyotoko delom daging, debenarko uleh Roh, dekelek uleh malaikat-malaikat, deberitahko de antaro bangsa-bangsa, depecoyo delom dunia, deangket kepodo kemeliaon.”
\c 4

\s (Peringoton tentang Para Penyosot)
\p
\v 1 Roh mengerahkoh ngan jelas behwa waktu-waktu teakher, sebageon urang akan meninggalko imannye ngan menyerahkoh diri kepodo roh-roh penyosot ngan ajaron setan-setan.
\v 2 Mike depengarohi melalui kemunafikon para pelato nyo hati nurani soda decap ngan bosi hangot.
\v 3 Mike melarong urang menikah ngan melarong urang makon makonan nyo deciptakoh Allah, nyo seharosnye deterimo ngan ucapon sukor uleh mike nyo percayo ngan mengenal kebonoron.
\v 4 Sabab, segelo sesuatu nyo deciptokoh uleh Allah iye beik ngan hopi ado nyo haram kale deterimo ngan ucapon sukor,
\v 5 ulehnyi segelo iye dekudusko uleh firman Allah ngan doa.
\s (Pelayan Kristus Yesus nyo Beik)
\p
\v 6 Ngan mengajorko hal-hal nie kepodo dolor-dolor seiman, kowe akan menjedi pelayan Yesus Kristus nyo beik, upamone kowe elah dedidik delom pemboek-pemboekon iman ngan ajaron sehat nyo elah kowe ikoti.
\v 7 Jouhila cerito-cerito takhayul ngan dongeng-dongeng nenek tuha, cuma latehlah dirime untok hidop delom kesalehon.
\v 8 Latehon jasmani terbatas gunanye, cuma kesalehon berguna delom segelo hal ulehnyo mengandong jenji untok kehidopan kinie ngan jugo kehidopan nyo akan detong.
\v 9 Pemboekon nie pacok depecayo ngan layak deterimo seponohnye.
\v 10 Untok iyelah, kite begawe karas ngan bejuang. Sabab, kite memoteko pengharapon kite kepodo Allah nyo hidop, nyo adolah Joro Selamat segelo mendesio, teristimewa mike nyo pecayo.
\v 11 Perentahko ngan ajarkolah hal-hal nie.
\p
\v 12 Jengan ado urang nyo merendahko kowe ulehnyo kowe muda, cuma jadila teladan bage urang-urang pecayo delom pemboekon, tingkah laku, kaseh, iman, ngan kesucion.
\v 13 Sampoi ake detong, betekunlah delom pembacoon besamo Kitab Suci, delom membori nasehat, ngan delom mengajor.
\v 14 Jengon menyia-siako kurnia rohani nyo ado podome, nyo deboriko kepodome melalui nubuaton ketiko dewan penatua menumpangko tangan pocokme.
\v 15 Lakukolah hal-hal nie ngan rajen, borikolah dirime seotohnye untok melakukoh hal-hal nie empoknyo segelo urang pacok mengelek kemajuonme.
\p
\v 16 Perhatiko ngan songgoh-songgoh upamone kowe hidop ngan ape nyo kowe ajarko. Betekunlah de delomnye ulehnyo ngan bebuat demikian kowe akan menyelamatko, beik dirimu dewek maupon mike nyo mendongor ajoranme.
\c 5

\s (Sikap delom Menegor Sesama)
\p
\v 1 Jengon menegor jenton-jenton nyo lobeh tuha ngan karas, cuma perlakukoh nye upamone bepak, ngan perlakukoh jenton-jenton nyo lobeh muda upamone dolor.
\v 2 Perlakukoh betino nyo lobeh tuha upamone indok, ngan betino nyo lobe muda upamone dolor betina ngan ponoh kesucion.
\s (Menganoi Para Jendo)
\p
\v 3 Hormatila jendo-jendo nyo bonor-bonor jendo.
\v 4 Hambo, munye jendo memeleki anak apo cocong, mike lah pertamo-tamo haros belajor menonjokko bakti kepodo seisi rumanye dewek. Ngan upa iye, mike elah membelos budi kepodo urang tuha mike, sabab hal nielah nyo menyenangkoh Allah.
\v 5 Sedangkoh jendo nyo bonor-bonor jendo ngan hidop seurang dewek, nye haros memoteko haraponnye kepodo Allah ngan teros menoekkoh permohonon ngan doa siang ngan malam.
\v 6 Cuma, jendo nyo hidop anyo berpoya-poya, iye soda mati walaupon maseh hidop.
\v 7 Perentahkolah jugo hal-hal nie kepodo jemaat empoknyo mike hipo becela.
\v 8 Cuma hambok, munye seurang hipo ngingonkoh anak keluargonye dewek, khususnye keluargo paroknye, berati nye elah menyangkali imannye ngen nye lobeh borok deripodo urang nyo hopi pecayo.
\p
\v 9 Jendo nyo demasokkoh delom daftar anyolah betino nyo beomor paleng kekecikon enom poloh tahun, menjedi bini deri sikok laki,
\v 10 ngan dekenal ulehnyo perbuaton-perbuaton beiknye, iyelah mengodongkoh anak-anak, membori tumpangon, membasoh kaki urang-urang kudus, menolong urang nyo delom kesoleton, ngan bertekun delom setiap penggawekon nyo beik.
\v 11 Cuma, jendo-jendo nyo lobeh muda jengon demasokkoh ke delom daftar, sabab munye hasrat seksualnye membuat mike jouh deri Kristus, mike akan endok menikah lage.
\v 12 Hal nie mendatongkoh hokuman ulehnyo mike elah mengingkari jenji pertamo nyo mike buat sebolomnye.
\v 13 De sampeng iye, mike mulai terbiaso penyagon-yagon, berkeliling deri siko ruma ke ruma nyo loen. Bukon iye sajo, mike jugo eomongon ngan mencampuri uruson urang loen, mengehatoko hal-hal nyo seharusnye hopi nye kehatoko.
\v 14 Jedi, ake endok agar jendo-jendo muda kawen lage, melaherkoh anak, ngan ngurus ruma tanggonye empoknye hopi ado kesempaton bage lawon untok mencela mike.
\v 15 Sabab, berapo urang soda bebalek mengikot Setan.
\p
\v 16 Munye ado seurang betino pecayo nyo memeleki sanak keluargonyo jendo, biarla mike ngingunkoh jendo-jendo iye sehinggo gereja hopi haros deboboni, ngan gereja pacok menolong jendo-jendo loen nyo bonor-bonor perlu detolong.
\s (Tentang Penatua ngan Hal-Hal Loennye)
\p
\v 17 Penatua-penatua nyo mengurus jemaat ngan beik layak menerimo penghormaton dua kali lipot, terutamo mike nyo begawe karas delom berkhotbah ngan mengajor.
\v 18 Sabab, Kitab Suci bekehato, “Jengan memberagus molot lembu nyo sedang menggiling gandum,” ngan “Seurang penggawe behak mendepot upahnyo.”
\p
\v 19 Jengon menerimo tuduhon nyo detitekkoh kepodo penatua kecuali dedasarko podo bukti deri dua apo tiga urang saksi.
\v 20 Mike nyo bebuat doso haro ditegor de hadopon segelo urang empoknye nyo loen menjedi takot bebuat doso.
\p
\v 21 De hadopon Allah, Yesus Kristus, ngan para malaikta nyo terpileh, ake memperingotkoh kowe ngan bonor-bonor empoknye menuruti petonjok-petonjok nie tanpa berpasongon apo pileh kaseh.
\p
\v 22 Jengon terlalu cepat menumpangkoh tangan atas siapapon apo jengon ikot ambil bagion delom doso urang loen. Jagalah empoknye dirime tetap suci.
\v 23 Jengon anyo minom air puteh, cuma gunakon sedikit anggur demi perutme ngan badanme sereng saket.
\v 24 Doso deri sebagian urang sangat jelas tekoleh sehingga menuntun mike kepodo pengadilan. Cuma, doso deri sebagian urang loen baru tekoleh kemudion.
\v 25 Demikion jugo ado perbuaton beik nyo jelas tekoleh. Cuma perbuaton beik nyo hopi tekoleh pon, hopi nak teros tekerawo.
\c 6

\s (Petonjok Khusus untok Para Budak)
\p
\v 1 Segelo urang nyo menanggong bobon upa budak haroslah menganggap tuannye upamone urang nyo pantas mendepot segelo hormat empoknyo namo Allah ngan pengajaron kite hopi decela.
\p
\v 2 Sedangkoh para budak nyo tuannye iyelah urang pecayo, jengonlah mengurangi raso hormat kepodo mike ulehnyo mike iyelah dolor-dolor seiman. Hambok, para budak haros melayani tuannye lobeh beik lage ulehnyo nyo menerimo berkat pelayanan iyelah urang-urang pecayo ngan nyo iye nyo kasehe. Ajarkoh ngan nasehatkoh hal-hal nie kepodo mike.
\s (Tentang Ajaron Loen ngan Cinta Doit)
\p
\v 3 Munye ado urang nyo mengajarkoh ajaron loen nyo hopi sesuoi ngan perkehatoon nyo bonor deri Tuhan kite Kristus Yesus ngan hopi sesuoi ngan ajaron kesalehon,
\v 4 nye iyelah pembual ngan hopi mengerti apo-apo. Nye anyo tetarek ngan perbantohon nyo hopi sehat, nyo anyo memperobokoh kato-kato nyo justruh menimbolkoh iri hati, pepecahon, fitnah, ngan kecurigaon nyo jahat,
\v 5 sertah teros-meneros membikin perselisihon de antaro urang-urang nyo pekerennye elah rosak ngan nyo menulak kebonoron, nyo kiro behwa kesalehon iyelah caro untok mendepotkoh keuntungon.
\p
\v 6 Cuma hambok, kesalehon nyo desertai raso cokop nak memborikoh manfaat nyo godong.
\v 7 Sabab, kite hopi membawa apo-apo ketiko masok ke dunia ngan kite jugo hopi pacok membawa apo-apo ketiko keluor deri dunia nie.
\v 8 Munye soda ado makonon ngan pakoyon, kite nak meraso cokop.
\v 9 Urang nyo endok menjedi kayo titek ke delom pencobaon ngan jebakon, serta berbagoi nafsu nyo bodoh ngan membehayoko nyo nak menengolomko urang-urang ke delom kehancuron ngan kebinasaon.
\v 10 Sabab, cinta doit iyelah akar deri segelo mocom kejahaton. Urang-urang nyo memburu doit elah menyimpang deri iman ngan menyikso diri dewek ngan berbagoi dukacita.
\s (Beberapo Hal nyo Haros deingot)
\p
\v 11 Cuma hambok, kowe sebagoi mendesio deri Allah, jouhkolah dirime deri segelonyo iye. Kejarlah kebonoron, kesalehon, iman, kaseh, ketabahon, ngan kelomboton.
\v 12 Bejuanglah delom perjuangon iman nyo beik ngan bepogonglah podo hidop kekal nyo untoknye kowe memborikoh pengakuon nyo beik de hadopon neman saksi.
\p
\v 13 De hadopon Allah nyo memborikoh hidop atas segelo sesuatu ngan de hadopon Yesus Kristus nyo memborikoh pengakuon nyo beik ketiko behadopon ngan Pontius Pilatus, ake memerentahko kowe,
\v 14 kironye kowe menjelonkoh perentah nie ngan hopi becacot ngan hopi becela hinggo kedetongon Tuhan kite Kristus Yesus.
\v 15 Podo saat nyo detentukoh-Nye, Nye nak mengolehkoh diri-Nye sebagoi sikok-sikoknye Penguaso, Rajo atas segelo rajo, ngan Tuan atas segelo tuan.
\v 16 Nyelah sikok-sikonye nyo kekal, nyo tinggal delom terang nyo hopi terhamperi, nyo hopi seurang pon pernah mengelek apo pacok mengelek-Nye. Bage Nye, segelo hormat ngan kuaso nyo kekal! Amin.
\p
\v 17 Sementaro iye, perentahko urang-urang kayo de zaman nie agar hopi sombong apo metekekoh harapon podo kekayaon nyo hopi pasto, cuma tarohlah haropon kepodo Allah, nyo ngan melimpah menyediakoh segelo sesuatu bage kite untok denikmati.
\v 18 Perentahkoh mike untok bebuat baek, menjedi kayo delom perbuaton-perbuaton beik, menjedi urang nyo murah hati, ngan siap bebage.
\v 19 Ngan demikion, mike nak mengumpulkoh reto bage diri mike dewek sebagoi dasar nyo beik untok maso nyo nak detong sehinggo mike pacok bepegang podo hidop nyo sesunggohnye.
\p
\v 20 Timotius, jagolah apo nyo elah depecayokoh kepodome. Hindarilah percakapon nyo duniawi ngan omong kosong ngan pertentangon nyo secaro salah desobut “pengetahuon”,
\v 21 nyo ngan mengakuinyo, iman beberapo urang menjedi menyimpang. Anugerah menyertai kowe.