\v 5 Pado maso pemerentahon Herodes, Rajo Yudea, ado seurang imam benamo Zakharia nyo beasal jak kelompok imam Abia. Bini nye beasal jak keturunon Harun, ngan namo nye iyelah Elisabet.
\v 8 Tekalo tiba gileron rombongon nye ontok betugas, Zakharia mendepot tugas ontok menjadi imam de hadopon Allah.
\v 9 menorot kebiasoon imam, Zakharia tepileh berdasarko undion ontok masok ke Bait Allah ngan nunu ukupon.
\v 10 pado saat ukupon de persembahko, segeleo umat berdoa de luor.
\v 11 Tibo- tibo, meleikat Tuhan menampak ko diri kepado Zakharia ngan togok de sebelah kanon altar ukupon.
\v 12 Ketiko mengelek meleikat iye, Zakharia menjadi gemitek ngan en ketakoton.
\v 13 Akon tetapi, meleikat iye bekehato kepado nye, “Jengon takot, Zakharia sabab doa permohonon me sodah de dongor. Bini me, Elisabet todo melaher ko seurang anak jenton bage me ngan kowe todo namaoi Yohanes.
\v 14 Kowe todo bersukacito ngan begemira, ngan lobot urang jugo todo mehilu bersukacito atos kelaheron nye.
\v 15 Enye todo menjedi gede de hadopon Tuhan ngan pi akon minom anggor apo minom minomon karas loin nye. Bahkon, sejak jak delom kandungon induk nye enye akon de ponohi uleh Roh Kodos.
\v 16 Enye todo membuat lobot urang Israel bebalek kepado Tuhan, Allah nye.
\v 17 Enye todo bejelon mendohului Tuhan dengan roh ngan kuaso Elia, ontok membuat hati bepak- bepak bebalek kepado anak- anak nye. Enye jugo todo membuat urang-urang nyo pi taat ontok bebalek kepado hikmat urang-urang bonor. Dengan demikion, enye mempersiap ko umat nyo lah de sedioko bage Tuhan.
\v 18 Zakharia bekehato kepado meleikat iye, “Upamone ake todo mengetahui tentang hal niye? sabab, aku niye sodah tuha ngan binike jugo sodah bayan tuha.”
\v 19 Meleikat iye menyimbot, “Ake adolah Gabriel meleikat nyo togok de hadopon Allah. Ake de otos ontok betetela dengan me ngan menyampoi ko kabar beik niye kepado me.
\v 20 Hambok, kinie dongor lah! kowe todo menjedi bisu ngan pi pacok boek sampoi pado ari ketiko hal- hal niye tejedi uleh nyo kowe pi pecayo pado pemboek on ke, nyo todo de genapi pado waktu nye.
\v 21 Sementero iye, umat menunggu Zakharia. beroyot iye bertanyo- tanyo mengka Zakharia berado terlalu lamo de delom Bait Allah.
\v 22 tekela keluor, Zakharia pi pacok boek kepado beroyot iye. Beroyot iye pun tahu behwa Zakharia lah mendepot ko pengeleon de delom Bait Allah sabab enye terus meneros membuat syarat kepado beroyot iye, hambok jopi pacok boek.
\v 34 Lalu, Maria bekeheto kepado meleikat iye, “upamone hal niye tejedi sedang ko ake bolum belaki?”
\v 35 Meleikat iye menyimbot ngan bekehato kepado nye, “Roh Kodos kan jongok atos me ngan kuaso Allah nyo Mahotinggi kan menaungi me. Iye lah sabab nye, Anak nyo kan laher iye adolah kodos ngan kan de sobut Anak Alah.
\v 36 Ngan, ketahui lah behwa Elisabet, dolor me iye, sedang bunteng jugo pado usio tuha nye. Enye nyo tekelahe de sobut mandul, kinie sodah bunteng selamo enaom bulan.
\v 62 Kemudion, beroyot iye membori syarat kepado Zakharia untuk menayoko kepado enye, namo ape nak de borikonye kepado anak nye iye.
\v 63 Zakharia meminta sebuah papon toles, ngan menoloes upa niyo: Namonye Yohanes.” Ngan, segelo urang heran.
\v 64 Seketiko iye jugo, mulot Zakharia terbuka ngan lidahnye tebebas. Enye pun mulai pacok boek ngan memuji Allah.
\v 65 Segelo tetanggo nye menjadi takot ngan kejedion niye menjedi bahan pemboek on de seluruh desa perbuketon Yudea.
\v 66 Ngan, segelo urang nyo mendongor hal niye bertanyo- tanyo delom hati nye, “Akon menjedi apekah anak niye todo?” Sabab, tangon TUhan menyeretai nye
\v 79 Untuk menyinari beroyot nyo tinggal delom kekolomon ngan berado delom bayong- bayong mout, untuk menunton kaki kite menuju ke jelon damai sejahtera.
\v 80 Mangko nye, anak iye bertumbuh semaken godong, ngan semaken kuat de delom roh. Enye tinggal de padang belantaro sampoi tiba waktunye untuk menunjok ko diri kepado bengso Israel.
\v 1 Pado waktu iye, Kaisar Agustus mengeluorko perentah empok nyo de adoko sensos bage segelo penduduk de segelo denia.
\v 2 Niyelah sensos penduduk nyo pertamo kali deadoko ketekela Kirenius menjedi gubernur de Siria.
\v 3 Mangko nye, segelo urang belek ke kota asalnye maseng- maseng ontuk mendaftar ko diri.
\v 4 Yusuf jugo meninggal ko Nazaret, kota Galilea, ngan menuju Yudea, ke kota Daud nyo de sobot Betlehem, uleh nyo enye beasal jak gares keturunon Daud,
\v 5 Empok nyo enye de daftar ko besamo ngan Maria, tunangon nye, nyo sedang bunteng.
\v 6 Tekela Yusuf ngan Maria tinggal de Betlehem, tibo lah waktunye bage Maria ontuk melaherko.
\v 7 Maria pon melaher ko Anak jenton nyo pertamo. Enye membongkos nye ngan koen lampen ngan membareng ko-Nye de delom palungon, uleh nyo piado kamar bage nye ontuk temalom
\v 8 De daerah nyo sama, ado beberapo gembalo nyo tinggal de padang ontuk menjego kawonon domba nye pado waktu malom.
\v 9 Tibo- tibo, meleikat Tuhan bersinar de sekelileng nye sehinggo nye sajo ketakuton.
\v 10 Akon tetapi, meleikat iye bekehato ngan rombongon iye, “Jengon takot sabab dongor lah, Ake memberitako kabar beik tentang sukacito sajo godong nyo de peruntuk ko bage segelo bengeso.
\v 11 Sari niye, lah laher bage me Juruselamat, Iyelah Kristus Tuhan, de kota Daud.
\v 12 Niye lah tando bage me: kowe akon menomuko budak abang nyo de bongkos ngan koen lampen ngan tebareng delom palongon.”
\v 15 Tekalo rombongon meleikat meninggal ko rombongon gembalo iye ngan belek ke serega, rombogon gembalo iye bekehato seurang ngan nyo loen, “Maro kite ke Betlehem ontuk ngelek hal-hal nyo sodah tejedi niye, nyo lah Tuhan boritahuko kepado kite.”
\v 16 Lalu, rombongon iye cepat- cepat bejelon ngan menomuko Maria ngan Yusuf, sereta budak abang nyo tebereng de palongon.
\v 17 Tekalo rombongon gembalo ngelek Enye, beroyot iye menceritako perkehatoonyo lah de kehato ko kepado beroyot iye tentang budak iye.
\v 18 Ngan, segelo urang nyo mendongor hal iye heran atos hal- hal nyo de kahatoko rombongon gembalo kepado nye.
\v 19 Hambok, Maria menyimpan hal iye ngan merenungko nye delom hatinye.
\v 20 Lalu, rombongon gembalo belek kepado domba- domba nye sambel memuliako ngan memuji Allah atos segelo nyo lah enyo kelek ngan dongor upa nyo dekehato ko kepado nye.
\v 21 Ngan, Setelah gonop delapan ari ontuk menyunatko budak abang iye, namo-Nye de sobut Yesus, upa namo nyo de boriko uleh meleikat sebolum Enye de kandung de delom kandungon.
\v 22 Tekela ari- ari penyucion sesuoi hukum Musa, lah sodah, Maria ngan Yusuf membewo Yesus ke Yerusalem untuk menyerahko- enye kepado Tuhan,
\v 23 Upa nyo tetoles delom hukum Tuhan, “Setiop anak jenton pertamo haros de kodos ko bage Tuhan
\v 24 Ngan untuk memboriko persembahon sesuoi dengan ape nyo lah de kehato ko delom hukum Tuhan, iye lah sepasong burung dero apo dua ikuk borung merpati muda.”
\v 25 Ado seurang bernamo Simeon nyo tinggal de Yerusalem. Enye adolah urang nyo bonor ngan saleh, nyo menanti-nanti ko penghiboron Allah atas Israel, ngan Roh Kodos menyeretainye.
\v 26 Roh Kodos menenelako nye behwa enye hopi akan teelek sebolum ngelek Kristus nyo de urapi Tuhan.
\v 27 Lalu, Simeon jongok ke Bait Allah atas tuntunon Roh Kodos, tekela Yusuf ngan Maria ngundah budak abong Yesus ke Bait Allah untuk melaksana ko kepado-Nye ape nyo lah de tentuko uleh Hukum Taurat.
\v 28 Selanjut nye, Simeon mendokong budak abong iye ngan memuji Allah, ujo nye,
\v 33 Yusuf ngan induk budak iye menjedi heran atas ape nyo de kehehato ko Simeon tenteng Enye.
\v 34 Kemudion, Simeon memberkati Enye ngan bekehato kepado Maria, Induk Yesus, “Dongor, budak niye lah de tetap ko untuk menitek ko ngan membangket ko lobot urang de Israel, sereta menjedi tando nyo de tentang lobot urang.
\v 35 (Ngan, sebilah pedang nak menikom jiwome) empok nyo isi hati lobot urang nak de nyato ko.”
\v 36 De sane lah jugo ado seurang nabiah, bernamo Hana, anak Fanuel jak suku Asyer. Enye sodah sajo tuha. Enye anyo hidop dengan laki nye selamo tujuh tahon setelah pernikahon nye,
\v 37 ngan kemudion menjedi jendo sampoi 84 tahon. Enye hopi perenah campok ko Bait Allah, cuma kompolon siang ngan malom dengan bepuaso ngan berdoa.
\v 38 Pado waktu iye, jongok lah Hana ngan enye mengucap syukur kepado Allah sereta mencerita ko tentang Yesus kepado segelo urang nyo menanti- nanti ko penobuson Yerusalem.
\v 44 Kareno urang tuha Yesus mengiro behwa Enye berado de entaro rombongon, enye pu melanjut ko pejelonon sampoi sehari ponoh. Lalu, enye mulai mendelok i nye de entaro koum keluargo ngan urang-urang nyo enye kenal.
\v 45 Tekela enye hopi menomu ko Yesus, enye belek ke Yerusalem untuk ndelok i-Nye.
\v 46 Sesodah tiga ari, enye menomuko Yesus de Bait Allah sedang dodok de entaro guru-guru agamo, sambel mendongor ko ngan mengaju ko pertanyoon kepadonye.
\v 47 Segelo urang nyo mendongor-Nye terheran- heran akon pengetahuon ngan jawabon-jawabon-Nye.
\v 48 Tekela urang tuha -Enye ngelek nye jugo heran. Lalu, induk- nye betanyo.” Kulup, mengka Kowe melakuko niye terhadop kamie? Bepak-Me ngan ake sajo temesan ndelok i-Me.”
\v 49 Jewob Yesus kepado enye, “Mengka mike delok i Ake? hopi tahu ko kowe behwa Ake paseti berado de rumah Bepa- Ke?”
\v 50 hambok, enye hopi tereti ape nyo de kehato ko_Nye kepadonye.
\v 51 Lalu, Yesus belek serompok enye ke Nazaret ngan menoroti enye. Hambok, induk-Nye menyimpan perkehatohon iye delom hatinye.
\v 1 Pado tahon kelima belas maso pemerentahon Kaisar Tiberius, tekela Pontius Pilatus menjedi gubernur Yudea, Herodes menjedi rajo Galilea; Filipus dolor Herodes menjedi rajo wilayah Iturea ngan Trakhonitis; ngan Lisanias menjedi rajo Abilene,
\v 2 Hanas ngan Kayafas menjabat sebagoi imam agung, jongok lah firman Allah kepado Yohanes, anak Zakharia, nyo tinggal de padang belantaro.
\v 3 Mangko, bejelon lah Yohanes kesegelo daerah de sekitar Yordan ngan memberitako baptison pertobaton untuk pengampunon doso,
\v 4 Upa nyo tetoles de delom kitab Nabi Yesaya: “Niye lah suaro urang nyo belolungon de padang belantaro, ‘Siap ko lah jelon bage Tuhan, luros kolah jelon bage-Nye.
\v 5 Setiop daman tembah nak de timbun, ngan setiop gunong ngan buket nak de ratoko. Jelon nyo beliku-liku nak de lurosko, ngan setiop jelon nyo hopi rato nak de mulus ko.
\v 7 Lalu, Yohanes berkehato kepado urang lobot nyo jongok untok de baptis ulehnyo, “Hai, kowe keturunon Ulor beludak! siape nyo memperingot ko me untuk melariko diri jak murka nyo nak jongo?
\v 8 Uleh karena iye, hasel ko buah- buah nyo menunjok ko pertobatan me. Jengon berkehato kepado diri me dewek,’ Abraham iyelah nenek moyang kami!’ Ake berkehato kepado me, sesunggohnye jak betu-betu niye Allah pacok membangket ko budak- budak bage Abraham!
\v 9 Bahkon, mulai kinie kapak sodah de potek ko de akor betong kayu. Setiop betong kayu nyo hopi menghasel ko buah nyo beik nak de tobong ngan de tohu ko ke delom api.”
\v 11 Enye menjewob, “Setiop urang mempunyoi dua beju, enye haros membagenye ngan urang nyo hopi mempunyoi. Ngan, setiop urang nyo mempunyoi makonon, haros melakuko hal nyo samo.”
\v 14 Beberape tentera bertanyo kepadonye, “upamone ngan kamie? Ape nyo haros kami lakuko?” Yohanes berkehato berkehato kepado nye, “Jengon meminta duit jak siape pun secaro pakso apo ngan todohon pelsu. Cokop ko lah diri me ngan gaji me.”
\v 15 Tekela iye segelo urang sedang meharop ko kedetongon Mesias, beroyot iye segelo bertanyo- tanyo delom hati tentang Yohanes, apekah enye Kristus apo bukon.
\v 16 Yohanes menjewob enye ngan berkehato, “Ake membaptis kowe ngan aek. Hambok, seseurang nyo lobeh berkuaso jak ake nak jongok. Untuk membuka ko tali sandal-Nye pun ake hopi layak. Enye nak membaptis kowe ngan Roh Kodos ngan api.
\v 17 Alat penampi sodah ado de tagon-Nye untuk membereseh ko lantoi pengirekon ngan untuk mengompol ko gendum nyo beik kedelom lumbung-Nye. Hambok, enye nak nunuko sekam kedelom api nyo hopi nak padom.”
\v 23 Tekela Yesus memulai pelayanon-Nye, Enye beromor kiro- kiro tiga poloh tahun. Urang-urang bependepot behwa Yesus adolah anak Yusuf. Yusuf anak Eli.
\v 9 Kemudion, Belis e ngundah Yesus ke Yerusalem lalu menempat ko-Nye de pocak bobongon Bait Allah. Ujo belis e kepado Yesus, “Munye Kowe Anak Allah, tite ko lah diri me jak sie ke bewoh,
\v 16 Kemudion Yesus bepejelonon ke Nazaret, kota tempat -Enye de gede ko. Upa kebiasoon-Nye, Yesus bejelon ke Sinagoge pado ari sabat, ngan togok untuk membeco.
\v 17 Kitab Nabi Yesaya de boriko kepado-Nye, lalu Enye membuka kitab iye ngan menomu ko bagion nyo menoles ko,
\v 20 Yesus menutop kitab iye lalu membelek ko nye kepado pejabat rumah ibadah, ngan kemudion Enye dodok. MAto segelo urang de delom sinagoge iye tepaku pado diri-Nye.
\v 21 Lalu, Yesus mulai boek kepado beroyot iye, “Sari Niye, gonop lah ape nyo de toles ko Kitab Suci niye saat mike mendongor ko enye.”
\v 22 Ngan, segelo urang membonor ko-Nye sambel teheran- heran akan keheheto indah nyo keluor jak molot-Nye. Beroyot iye bekehato, “Bukon kah Enyo nie anak Yusuf?”
\v 23 Kemudion, Yesus berkehato kepado beroyot iye, “Kowe peseti nak mengucap ko peribeheso niye kepado- Ke, ‘Dokun, sombuh ko lah diri-Me dewek! kami e dongor tentang hal- hal nyo Kowe lakuko de Kapernaum, lakuko lah jugo de sie, de kota asal -Me dewek.’”
\v 24 Kemudion Enye bekehato kepadome, sesonggohnye hopi ado nyo de terimo de kota asalnye dewek.
\v 25 Delom kebonoron, Ake mengehato ko kepado me, ado lobot jendo de Israel pado zaman Elia, tekela langet tertutop selamo tiga tahon ngan enom bulan, tekela kelaporon hebat tejedi de seluruh negeri.
\v 26 Hambok sebelek nye, Elia hopi de utos kepado siapepun kecuali kepado jendo de Sarfat, de deerah Sidon.
\v 27 Ngan, ado lobot urang tekana kusta, de Israel pado zaman Nabi Elisa, cuma hopi ado seurangpun jak mike nyo de taher ko, seloen Naaman, urang Siria iye.”
\v 28 Tekela mendongor hal- hal niye, segelo urang de delom Sinagoge iye de ponohi dengan luat.
\v 29 Mangko, Togok lah beroyot iye ngan meheret Yesus keluor jak kota iye, lalu mengundah-Nye ke poncak buket nempat kota iye de bengun untuk menitek ko-Nye jak tobeng.
\v 30 Hambok sebeleknye, Yesus lewat jak tangah- tangah beroyot iye ngan bejelon.
\v 31 Sebuah kota de wilayah Galilea, ngan mengajor urang lobot
\v 32 Mike kagom tehadop pengajoron-Nye sabab perkehatoon_nye ponoh dengan kuaso.
\v 33 De sinagoge, ado seuraang jenton nyo kerasokon roh belis nyo najes. Urang iye pepekeon dengan suaro bias,
\v 34 “Uyu kolah kamie dewek! Ape uruson-Me dengan kami e, hao Yesus, urang Nazaret? Apekah Kowe jongok untok membenasoko kamie? Ake tahu ko siape Kowe, -Nyo Kodos jak Allah!”
\v 35 Hambok sebeleknye, Yesus membentak roh belis iye, ujo-Nye “Diom! keluor lah jak urang niye!” Setelah iye belis iye membantengko urang iye ke tanoh, de depan segelo urang, enye keluor jak badan urang iye ngan hopi menyaketinye.
\v 36 Dengan ponoh kekagomon, segelo urang nyo ado de sane bekehato seurang dengan nyo loen,” Pekehatoon apekah niye? uleh dengan wibawa ngan kuaso, Enye memerentah ko roh- roh najes iye ngan mike keluor.”
\v 37 Ngan, berita tentang Yesus e tesebar kesegelo nempat de segelo deerah iye, Indok mentuha Petus e ngan urang lobot de somboh ko
\v 38 Kemudion, Yesus meninggal ko rumah ibadah iye ngan bejelon ke rumah Simon. Tekalo iye, indok mentuha Simon sedang domom tinggi, ule iye mike meminta Yesus untok menyomboh konye.
\v 39 Lalu, togok lah Yesus de parok indok mentuha Simon ngan membentak domom iye, ngan saketnye pun somboh. Seketika iye jugo, indok mentuha Simon jego ngan mulai melayani mike.
\v 40 Tekalo matoari mulai tebenob, segelo urang ngundah keluargo mike nyo menderita bebagoi jenis penyaket kepado Yesus. Kemudion Yesusmemotek ko tangon-Nye ke atas mike maseng- maseng ngan menyomboh ko mike.
\v 41 Belis setanpun keluor jak urang lobot iye sambel pepekeon “Kowe adolah Anak Allah!” Hambok sebeleknye, Yesus membentak rombongon iye, Enye hopi menguyuko enye boek ulehnyo mike tahu ko behwa Enye adolah Kristus.
\v 1 Pado waktu tekalohe, Urang lobot bekompol de sekelileng -Nye untok endongor ko firman Allah. Tekalo iye, Yesus togok de topi denou Genesaret
\v 2 ngan, ngelek dua bidok nyo sedang menopi de topi denou iye, hambok tukang delok ikan sodah keluor jak bido-bidok iye ngan sedang membesoh jelonye.
\v 3 Yesus noek kesalah sikuk bidok, iyelah milek Simon, ngan menyaro Simon untok ngayuh ko bidoknye lelamboton menjouh jak tobeng derot. Kemudion, Yesus dudok ngan mengajor urang lobot jak pocok bidok.
\v 4 Sesodah eomongon, Yesus bekehato Simon,” Bejelonlah ke deman aek nyo delom ngan tebarko lah jelome untok menangkop ikan.”
\v 6 Ngan, tekalo mike melakukonye, mike menangkop ikan en lobot sehinggo jelo mike mulai teseget.
\v 7 Lalu, mike memboriko tando kepado kanit-kanti mike de bidok nyo loen untok jongok ngan nolungi mike. Kemudion, jongok lah kanti- kanti mike ngan mengisi kedua bidok iye dengan ikan hinggo bidok mike hamper tenggolom.
\v 8 Tekalo Simon Petrus ngelek hal niye, enye besojud de depan Yesus ngan bekehato,” Larilah jakke, Tuan, sabab ake adolah urang nyo bedoso!”
\v 9 Petrus bekehato demikion sabab enye ngan segelo urang nyo besamonye meraso en teheran atas lobotnye ikan nyo mika tangkop.
\v 10 Demikion jugo ngan Yakobus ngan Yohanes, anak- anak Zebedeus, nyo bekanti dengan Simon, “Jengon takot. Mulai kinie, kowe nak menjedi penjelo mendesio.”
\v 11 Sesodahnye narek bidok-bidoknye ke derot, beroyot iye meninggal ko segelo sesuatu ngan mehilu Yesus.
\v 12 Suatu Ari, Yesus sedang ado de sebuah kota. De kota iye, ado seurangnyo badannye ponoh kusta. Tekela urang iye ngelek Yesus, enye besujud hinggo mukanye menyontuh tanoh ngan memohon kepado-Nye,” Tuan, munye Kowe endok, Kowe pacok ngubat i ake.”
\v 13 Lalu, Yesus mengolorko tangon-Nye ngan menyontuh urang iye. Ujo-Nye, “Ake endok, jedilah sombuh.” seketika iye jugo, penyaket kusta urang iye sayau.
\v 14 Hambok, Yesus memerentahko urang iye untok hopi memboritahu siapepun ngan bekehato,” bejelon ngan tunjokkolah dirime kepado imam. Persembahko lah kurban atas kesembuhonme upa nyo deperentah ko uleh Musa sebagoi beketi bage mike.”
\v 15 Berita tentang Yesus maken tesebar sehinggo lobot urang jongok bekompol untok mendongorko Enye ngan untok de sombuh ko jak penyaketnye.
\v 17 Pado suatu ari, tekela Yesus sedang ngajor, urang-urang Farisi ngan ahli-ahli Taurat nyo jongok jak segelo kota de wilayah Galilea, Yudea, ngan Kota Yerusalem jugo dodok de sane. Ngan, kuaso Tuhan menyeretai Yesus sehinggo Enye pacok menyombuh ko urang lobot.
\v 18 Lalu, nampoklah beberape urang memikul seurang lopoh de pocok daman tidornye, ngan enye berusaha ngundahnye masok ngan moteko urang iye de depan Yesus.
\v 19 Hambok sebeleknye, ulenyo rombongon iye hopi menomuko jelon untok ngundah urang iye masok akibat kerumunon urang, noek lah rombongon iye ke pocok hatop ngan menoronko urang lompoh iye besamo dengan daman tidornyr ke tangah- tangah de hadopon Yesus.
\v 21 Ahli-ahli Taurat ngan urang-urang Farisi mulai betanyo-tanyo,” siapekah urang nyo menghujat Allah nie? Siape pacok mengamponi doso-doso kecuali Allah bae?”
\v 26 Segelo urangiye meraso heran ngan memuji Allah. Dengan deponohi raso takot nyo gede tehadop kuaso Allah, beroyot iye bekehato,” Sari nie kamie ngelek hal-halnyo luar biaso!”
\v 33 Rombongon iye bekehato kepado Yesus,” Mored-mored Yohanes Pembaptis recap bepuaso ngan bedoa, upa iye jugo mored-mored urang Farisi. Hambok sebeleknye, mored-mored-Me selalu makon ngan minom.”
\v 1 Suatu tekela pado ari Sabat, Yesus bejelon melalui sebuah huma Tekela iye, mored- mured-Nye memitok beberape biji gendom, ngenggosokkonye dengan tangonnye, lalu memakonye.
\v 2 Beberape urang Farisi betanyo,” Mengka kowe melakuko hala nyo hopi buleh de lakuko pado ari sabat?”
\v 8 Hambok sebeleknye, Yesus tahu ko ape nyo rombongon iye pekerko. Enye bekehato kepado urang nyo tangonnye lompoh iye, “Jego ngan togoklah de tangah.” lalu urang iye jego ngan togok desane.
\v 9 Yesus bekehato kepado rombongon iye, “Ake betanyo kepado mike, monekah nyo deperbulehko untok delakuko pado ari Sabat: bebuat beik apo bebuat jahat? Menyelamatko nyawo apo membinasonye?”
\v 10 Setelah ngelek sekelileng, kepado rombongon iye segelo, Yesus bekehato kepado urang tangonnye lompoh iye, “jolokko tangonme.” Kemudion, urang iye menjolokko tangonnye ngan tangonnye sombuh.
\v 17 Setelah Yesus ngan para rasol toron, ENye togok de suatu daman nyo landoi. Lalu, jongok lah kepado-Nye serombongon godong para mured-Nye ngan urang lobot nyo jongok jak segelo wilayah Yudea, Yerusalem, sereta jak deerah pantai kota Tirus ngan Sidon.
\v 22 Deberkatilah kowe saati urang luat denganme, mengucelkome, mehimakme, sereta jejahatko namo beikme uleh Anak Mendesio.
\v 23 Bersenanghatilah pado ari kowe mengalaminye, ngan melompatlah kearokon uleh upahme godong de serega; sabab upa iyelah nenek muyang mike memperlakuko para nabi.
\v 24 Hambok sebeleknye, celakolah hai kowe nyo sogeh sabab kowe lah mendepotko kenyamanon hidop.
\v 25 Celakolah kowe nyo kinie konyong sabab kowe todo kelaporon. Celakolah kowe nyo kinie tetawo sabab kowe todo meratop ngan meratop
\v 26 Celakolah kowe munye segelo urang mengehatoko hal- hal nyo beik tentangme sabab upa iyelah nenek muyang mike tekela boek tentang nabi- nabi pelsu.”
\v 35 Hambok sebeleknye, kasehilah mosohme ngan bebuat nyo beik, borilah pinjamon kepado urang loen tanpo mengharopko imbalon. Dengan beiyoiye, kowe todo mendepot upa nyo godong ngan kowe anak-anak Nyo Mahatinggi, sabab Allah iye beik terhadop urang-urang nyo hopi tahu beterimokaseh ngan nyo jahat.
\v 38 Borilah ngan nak deboriko kepadome: suatu takaron nyo beik, nyo depadatko, nyo degoncangko ngan belempah, ngan nyo nak detuangko ke pangkuonme. Ulehnyo dengan ukuron nyo samo nyo nak kowe gunako untok mengokor, hal iye nak deukor ko belek kepadome.”
\v 41 Mengka kowe ngelek serebuk kayu de mato dolorme, hambok kowe hopi mengetahui balok kayu de matome dewek?
\v 42 Upamone kowe pacok mengehatoko kepado dolorme, ‘dolor, uyulaha ku keluorko serebuk kayu iye jak matome,’ sedangko kowe dewek hopi ngelek balok kayu dematome? Hai urang munafek! keluorkolah dehulu balok kayu iye jak matome dewek. sesodah iye, kowe pacok ngelek dengan pasot untok mengeluorko serebuk kayu jak mato dolorme.”
\s (Betong Kayu nyo Beik Menghaselko Buahnyo beik)
\v 44 Setiop betongkayu de kenal jak jenes buah nyo dehaselko. urang hopi mengumpolko buah ara jak somok belukor, apo memitok anggor jak somok belukor.
\v 45 Urang beik mengeluorko hal- hal beik jak hatinye nyo beik ngan nyo jahat mengeluorko hal-hal nyo jahat jak hatine nyo jahat. Ape nyo keluor jak mulot seseurang beasal jak ape nyo memonohi hatinye.”
\v 47 Ake nak menunjok ko kepadome, upa apekah urang nyo jongok kepado-Ke, mendongor ajoron-Ke ngan melakukonye.
\v 48 Enye upa urang membengun sebuah rumah, nyo ngali dedelom, lalu memoteko pendasi iye de pocok betu. Tekela aek delom jongok, aek delom iye hopi pacok de menerejang rumah iye, hambok hopi pacok menggoyakonye sabab rumah iye de bengun sajo kuat.
\v 49 Hambok, urang nyo mendongor ajoron-Ke hambok hopi mematohinye, enye upa urang nyo membengun rumah de pocok tanoh tanpo pendasi. tekela aek delom jongok, rumah iye roboh ngan mengalami kerosakon nyo godong.”
\v 4 Sat urang-urang iye jongok kepado Yesus, rombongon iye songgoh- songgoh memohon kepado-Nye. Ujo rombongon iye, Urang nie layak mendepot pertolungon -Me,
\v 11 Pepagi arinye, Yesus bejelon ke sebuah kota benamo Nain besamo mured-Nye ngan rombongon urang lobot nyo mehilui-Nye.
\v 12 Tekkela Enye memaroki pintu gerebang kota, ado buntang seurang jenton nyo de pikol keluor. urang nyo teelek iye adolah anak tunggal jak indoknye nyo sodah jendo. Ngan, ado lobot urang jak kota iye nyo besamo-samo betina iye.
\v 16 Segelo urang nyo ngelek hal iye deponohi raso takot lalu mulai memuji Allah ngan bekehato, “Seurang nabi godong lah moncol de tangah-tangah kite!” ngan “Allah lah memeliharo Umat-Nye.”
\v 17 Ngan, berita tentang Enye menyebar kesegelo Yudea ngan kesegelo daman loen desekitarnye.
\v 21 Pado saat iye, Yesus sedang menyombuh ko lobot urang jak bebagoi penyaket, wabah, ngan roh- roh jahat. Enye jugo mengaruniako pengelekon kepado lobot urang buta.
\v 22 Jewob Yesus kepado dua urang iye, “bejelon ngan ceritokolah kepado Yohanes tentang ape nyo lah kowe kelek ngan dongor: urang buta paco ngelek, urang lompoh pacok bejelon, urang saket kusta detaherko, urang pokok pacok mendongor, urang mati debangketko, ngan kepado urang mesken deberitako kabar beik.
\v 29 Tekela urang lobot ngan pengompol pajak mendongor hal nie, rombongon mengakui keadilon Allah uleh rombongon lah de baptes dengan bapteson Yohanes.
\v 34 Hambok sebeleknye, tekalo Anak Mendesio jongok makon ngan minom, kowe bekehato,’ Kolehlah! Enye seurang nyo rakos ngan peminom! Enye jugo kanti para pengompol pajak ngan urang-urang bedoso!’
\v 36 Tekalo iye, ado s urang seseurang jak golongon Farisi nyo mengundang Yesus untok makon besamo-Nye. Yesus bejelon kerumah urang Farisi iye ngan dodok makon.
\v 37 De kota iye, ado seurang betina bedoso. Tekalo enye mengetahui behwa Yesus e sedang makon de rumah urang Farisi iye, enye pun memboli sebuah gudu pualam nyo beisi minyak wangi.
\v 38 Lalu, enye togok de belakong Yesus, parok kaki-Nye, sambel meratop ngan mulai membesoh kaki Yesus dengan aek matonye ngan mengusopnye dengan rambotnye. Setelah iye, enye menciom kaki Yesus ngan mengurapinye dengan minyak wangi.
\v 39 Tekalo urang Farisi nyo mengundang Yesus ngelek hal nie, enye bekehato delom hati,” Munye urang nie seurang nabi, Enye tentu siape ngan betina macom ape nyo menyontuh-Nye iye sabab betina nie adolah seurang pendoso.”
\v 41 Yesus bekehato,” Ado dua urang nyo behutang kepado sesurang pelapas doet, nyo seurang behutang 500 dinar ngan nyo loennye behutang 50 dinar.
\v 42 Tekalo keduanye hopi sanggop membayar, si pelapas doet iye menghaposko hutang urang bedua iye. Kinie, siapekah de entaro kedua urang iye nyo nak lobeh mengasehi si pelapas doet iye?”
\v 46 Kowe hopi mengurapi kepalo-Ke dengan minyak, hambok enye meminyaki kaki-Ke dengan minyak wangi.
\v 47 Ulenyo iye, Ku kehatoko kepadome, dosonye nyo lbot iye sodah de amponi sabab enye menunjoko kaseh nyo godong. Hambok sebeleknye, urang nyo sediket deamponi, sediket pula mengasehi.”
\v 49 Urang -urang lobot nyo dodok makon besamo Yesus mulai betanyo- tanyo delom hati rombongon iye,” Siapekah Urang nie sehinggo Enye pacok mengamponi doso?”
\v 1 Pepagi arinye, Yesus bejelon bekelileng ke kota-kota ngan doson-doson untuk memberitako ngan menyatako Injil Kerajaon Allah. Keduabelas rasol ado besamo-samo dengan enye,
\v 2 upa iye jugo beberape betina nyo lah de sombuhko Yesus jak segelo roh- roh jahat ngan bebagoi penyaket. De entaro rombongon iye adolah Maria, nyo de sobut Magdalena, nyo debebasko Yesus jak tojoh roh jahat.
\v 11 Nielah arti perumpamaon iye: “Beneh iye adolah firman Allah.
\v 12 Beneh nyo titek topi jelon iye adolah mike nyo mendongor firman Allah. Kemudion, jongoklah beles ngan ngambek firman iye jak hati mike empoknyo mike jengon pecayo ngan deselamatko.
\v 13 Beneh nyo titek depocok tanoh nyo bebetu adolah urang-urang nyo mendongor firman Allah ngan menerimonye dengan senanghati, hambok hopi beakor. Mike hanyo pecayo setegal, hambok kesengsarohon jongok, mike langsong meninggalko Allah.
\v 14 Beneh nyo titek deentaro unok somok adolah urang-urang nyo mendongorko firman Allah, hambok sementaro mike betomboh, mike decekek uleh raso kuater, kesugehon, sereta kesenangon hidop sehinggo mike hopi menghaselko buah nyo masok.
\v 15 Sedangko beneh nyo titek de tanoh nyo sobor iye adolah urang-urang nyo mendongorko firman Allah ngan menyimpannye delom hati nyo jojor ngan beik, sereta bebuah delom ketekonon.”
\v 23 Hambok, tekalo rombongon iye sedang menyemberang, Yesus e tetidor. Lalu, betioplah angen ribot kedenou iye ngan bidok rombongon iye demasoki aek sehinggo rombongon iye delom behayo.
\v 26 Lalu sampoilah Yesus ngan mored-mored-Nye de wilayah urang Gerasa, de seberang Galilea.
\v 27 Pado saat Yesus toron ke derot, enye detomui uleh seurang jenton jak kota iye nyo derasoki uleh roh- roh belis. Urang iye sodah lamo hopi bebeju ngan hopi tinggal de rumah, meloenko de koboron.
\v 28 Tekalo urang iye ngelek Yesus, enyepon tepekek ngan sojod de hadopon-Nye. Dengan suaro nyo lantang enye bekehato,” Apekah uroson entaro Kowe ngan ake, hai Yesus, Anak Allah Nyo Mahotinggi? Ake mohon kepado-Me, jengon sikso ake!”
\v 29 Hal nie tejedi ulehnyo Yesus memerentahko roh belis iye keluaor jak urang iye. Belis iye recap meheret urang iye sehinggo enye derantoi, deberegol, ngan dejego urang, hambok enye pacok memotosko rantoinye ngan de undah uleh belis ke daman-damannyo sepi.
\v 32 De daman iye, ado serombongon godong bebi nyo sedang delok makon de buket. Belis- belis iye memohon kepado Yesus untok menguyuko rombongon iye masok kedelom rombongon bebi iye, ngan Yesus mengejenko rombongon iye.
\v 33 Mangko, belis- belis iyepon keluor jak urang iye ngan masok kedelom bebi- bebi, Lalu rombongon bebi iye belarion menuroni lereng buket nyo tajom menuju kedenou ngan tenggolom.
\v 34 Tekalo para tuan ingunon bebi ngeleknye, rombongon iye melariko diri ngan menceritako kejedion iye dekota ngan de doson sekitarnye.
\v 35 Jadi, urang lobot jongok untok ngelek ape nyo tejedi. Rombongon iye jongok kepado Yesus ngan mendepoti urang nyo lah debebasko jak belis- belis iye sdang dodok parok kaki Yesus, sodah bebeju, ngan sodah waras pekeronye. Hal nie membuat rombongon iye ketakoton.
\v 36 Rombongon nyo ngelek kejedion nie menceritako kepado urang loen upamone urang nyo kerasokon belis iye desombuhko.
\v 37 Lalu, segelo urang nyo tinggal de deerah sekitar Gerasa meminta Yesus untok meninggalko rombongon iye sabab rombongon iye dehantui ketakoton nyo godong. Uleh iye, Yesus noek ke bidok ngan belek ke Galilea.
\v 38 Hambok sebeleknye, urang nyo sodah debebasko jak belis- belis iye memohon kepado Yesus empoknyo enye buleh besamo- samo dengan Yesus. Hambok, Yesus menyuruhnye belek, ujo-Nye,
\v 39 “Beleklah ke rumahme ngan ceritokolah hal- hal godong nyo lah Allah perbuat bageme.” Urang iyepon bejelon kesegelo hujong kota ngan menceritoko ape nyo lah Yesus perbuat bagenye.
\s (Anak Yairus Debangketko ngan Seurang Betina Desombuhko)
\v 40 Tekalo belek ke Galilea, urang lobot menyambot_Nye uleh rombongon iye segelo sodah menunggu-Nye.
\v 41 Desane ado seseurang benamo Yairus nyo jongok kepado-Nye, enye adolah seurang kepalo sinagoge. Sambel sojod menyembah de kaki Yeus, Yairus memohon empoknyo Enye jongok ke rumahnye
\v 42 ule enye mempunyoi seurang anak betina tunggal nyo kiro- kiro beomor duabelas tahon, ngan anak iye hamper teelek. Ngan, tekalo Yesus menuju kiyone, urang lobot bedesak-desakon desekelileng_Nye.
\v 49 Tekalo Yesus dang boek, seseurang jak rumah kepalo sinagoge iye jongok ngan bekehato kepado Yairus,” Kupekme sodah teelek. jengon lagi merepotko Guru.”
\v 7 Herodes, sang rajo wilyah, mendongor tentang segelo hal nyo sedang tejedi ngan enye sajo bingung sabab beberape urang mengehatoko behwa Yohanes Pembaptes lah bangket jak entaro urang mati,
\v 8 sedangko nyo loen bekehato behwa Elia lah moncol lagi, ngan adopula nyo bekehato behwa salahseurang jak para nabi nyo hidop pado zaman tekaloe sodah bangket.
\v 10 Tekalo para rasol belek, rombongon iye menceritako kepado Yesus tentang segelo sesuatu nyo sodah rombongon iye lakuko ngan Enye mengajok rombongon iye untok menyendiri kesebuah kota benamo Betsaida.
\v 11 Hambok sebeleknye, urang lobot mengetahui hal iye ngan rombongon iyepon mehilui-Nye. Mangko, sambel menyambot rombongon iye, Yesus boek kepado rombongon iye tentang Kerajaon Allah ngan jugo rombongon nyo membotohko kesombuhon.
\v 12 Tekalo ari mulai malom, kedua belas mored Yesus jongok kepado-Nye ngan bekehato,” Suruhlah urang-urang iye belek kedoson-doson ngan pedesaon desekitar sie untok ndelok daman temalom ngan makonon ulehnyo desie kite dang dedaman sajo jouh.”
\v 14 Desane ado sekitar lima ribu urang jenton. Yesus bekehato kepado mored-mored-Nye, “Suruhlah rombongon dodok secaro bekelompok, kiro-kiro limapoloh urang per kelompok.”
\v 15 Mangko, rombongon iyepon melakuko sesuoi dengan nyo Yesus perentahko ngan menyuruh segelo uang iye dodok.
\v 16 Lalu, Yesus ngambek lima roti ngan dua ikan iye, menengadah ke langet, memberkatinye, memacah-macahkonye, ngan memborikonye kepado para mored empoknyo rombongon iye menghidangkonye kepado urang lobot.
\v 19 Simbot rombongon iye, “Yohanes Pembaptes, nyo loen mengehatoko Elia, ngan nyo loen lagi mengehatoko Kowe adolah salah sikuk jak nab- nabi pado zaman tekaloe nyo bangket lagi.”
\v 21 Hambok sebeleknye, Yesus memperingotko rombongon iye dengan karas ngan memerentahko rombongon iye untok hopi nenelako siapepun tentang hal nie. Yesus Nenelako Kemation-Nye
\v 22 Kemudion Yesus bekehato, ANak Mendesio haros saro lobot hal ngan detulak uleh tetuha nyawo, imam- imam kepalo, ngan ahli-ahli Torat, lalu debunoh ngan nak debangketko pado arinyo ketiga.”
\v 26 Kepado urang nyo meraso malu uleh Ake ngan pekehatoon-Ke, Anak mendesio pun todo malu mengakui urang iye tekalo Enye jongok delom kemuliaon_Nye ngan kemuliaon Bepa-Nye, besereta padong meleikat kodos.
\v 29 Tekalo Yesus sedang bedoa, rupo moka-Nye berubah ngan beju-Nye menjedi puteh bekilouon.
\v 30 Kemudion, nampoklah dua urang sedang boek dengan-Nye. Kedua urang iye adolah Musa ngan Elia,
\v 31 nyo menampokko diri delom kemuliaon ngan boek tentang kemation Yesus nyo nak secepatnye degonopi de Yerusalem.
\v 32 Tekalo iye, Petrus ngan kanti-kantinye sedang dekuasoi uleh raso sajo en ngantok, hambok tekalo rombongon iye bonor- bonor tesadar, rombongon iye ngelek kemuliaon Yesus ngan dua urang nyo togok besamo-samo dengan Enye.
\v 33 Tekalo Musa ngan Elia nak meninggalko Yesus, Petrus bekehato,” Guru, beiklah kite tetap desie. Kamie nak nogokko kemah, seholoi untok-Me, seholoi untok Musa, ngan seholoi untok Elia.” Hambok sebeleknye, Petrys hopi menyadari apenyyo dekehatonye iye.
\v 34 Tekalo Petrus sedang mengehatoko hal iye, jongoklah awon menoungi rombongon iye sehinggo Petrus, Yohanes, ngan Yakobus menjadi takot tekalo rombongon iye masok kedelom awo iye.
\v 35 Kemudion, tedongorlah pemboekon jak awon iye, “Nielah Anak-Ke, Enyelah nyo Kupileh, dongorkolah Enye.
\v 36 Sesodah pemboekon iye berenti, Yesus hanyo tinggal seurang dewek. rombongon iye meresioko nye ngan hopi nenelakonye seurangpun pado ari- ari iye tentang ape nyo lah rombongon iyoi kelek.
\v 54 Tekalo mored-mored Yesus, iyelah Yakobus ngan Yohanes, ngelek hal nie, rombongon iye bekehato, “Tuhan, apekah Kowe mengendoko kamie untok memerentahko api toron jak langet ngan mengahosko rombongon iye?”
\v 1 Sesodah iye, Yesus menetapko tojohpoloh urang pengikot nyo loen, ngan Enye mengotos rombongon iye bejelon bedua- dua untok mendehului-Nye kesetiap kota nyo nak de konjongi-Nye.
\v 3 “Bejelonlah! Ake mengotosme upa anak bebiri de tangah- tangah kawonon anjeng hutan.
\v 4 Jengon ngundah kantong duet, tas, apo sandal. ngan jengon narak siapepun delom pejelonon.
\v 5 Ke rumah monepun nyo kowe masoki, ucopkolah telobeh dehulu,’ Damai Sejahtera atas rumah nie.’
\v 6 Munye urang nyo ado desane cinta damai, damai sejahterame akan tinggal de atasnye. Hambok sebeleknye, munye hopi, damai sejahterame iye nak belek kepadome.
\v 7 Tinggallah de rumah iye. Makonlah ngan minomlah ape nyo rombongon iyoi sedioko bageme, ulehnyo seurang penggawe pantas mendepotko upahnye. jengon bependah- pendah jak sikuk rumah kerumahnyo loen.
\v 8 Setiap kali kowe memasoki sebuah kota ngan urang-urang desane menyambotme, makonlah makonon nyo rombongon iye hidangko de hadoponme
\v 13 Celakolah kowe, Betsaida! seandoinye Ake melakuko mukjizat- mukjizat nyo samo de Tirus ngan Sidon, mangko mike peseti sodah lamo betobat dengan dodok ngan memakoi koin kabong ngan habu.
\v 14 Hambok sebeleknye, pado waktu penghakemon, tanggongon Tirus ngan Sidon lobeh heran deripado tanggongonme.
\v 15 Ngan kowe, Kapernaum, apekah kowe nak de angkot ke serega? Hopi, kowe todo nak de tohuko kedenia urang mati!
\v 21 Pado waktu iye, besenanghatilah Yesus dedelom Roh Kodos ngan bekehato, “ke bersyukor kepado-Me Bepa, Tuhan atas langet ngan behumi, sabab Kowe mengerawoko hal- hal nie jak urang bijaksana ngan calak. Hambok Kowe menunjokkonye kepado bebudak abang. Ya Bepa, ulenyo iyelah nyo bekenan dehadopon-Me.
\v 27 Urang iye menyimbot,” Kasehilah Tuhan, Allahme, dengan segenop hatime, dengan segenop kekuatonme, ngan dengan segenop akal budime. Ngan, Kasehilah sesamome mendesio upa kowe mengasehi awokme dewek.”
\v 30 Yesus menyimbotnye dengan bekeheto,” Ado sseurang nyo toron jak Yerusalem ke kota Yerikho, enye titek ke tangon padong perampok nyo merampos bejunye ngan ngepukinye, kemudion mecampokonye tegeletak delom keadoon hamper mati.
\v 31 Kebetolon, seurang imam melewati jelon iye. Tekalo enye ngelek urang iye, enye bejelon upa iyoi bae dengan bejelon de siseh jelon nyo loen.
\v 32 Demikon jugo nyo delakuko uleh seurang Lewi, tekalo jongok ke deman iye ngan ngelek urang iye, enye melewatinye dengan bejelon de siseh jelon nyo loen.
\v 33 Hambok sebeleknye, ado seurang Samaria nyo sedang delom pejelonon lewat desane. Ngan, tekalo enye ngelek urang iye, enye meraso tesihan kepadonye.
\v 34 Lalu, urang Samaria iye maroki nye, ngan membalot luka- lukanye. Enye mengolesinye dengan minyak ngan anggor, lalu menoeko urang iye kepocok kudonye ngan ngundahnye kesebuah daman pemalomon, lalu merawat urang iye.
\v 35 Pepagi arinye, urang Samaria mengeluorko duet 2 dinar ngan memborikonye kepado penjego pemalomon iye dengan bekehato ‘Rawotlah urang nyo teluka nie. Ngan, berapepon kowe menghabesko duet untoknye, ake todo menggentikonye saat ke belek.”
\v 36 Lalu, Yesus bekehato, “Menorotme, siapekah deentaro ketiga urang iye nyo menjadi sesamo mendesio jak urang titek ketangon perampok iye?”
\v 5 Kemudion Yesus bekehato kepado rombongon iye, “Seandoinye salh sikuk jak kowe mempunyoi seurang kanti ngan kowe bejelon ke rumah kanti me iye pas tangah malom dengan bekehato kepadonye,’ Kelung pinjamko ake tiga ikuk roti,
\v 6 ulehnyo seurang kantike nyo sedang melakuko pejelonon singgah de rumahke, hambok ake hopi ado apo- apo de rumah untok de tawarko kepadonye.’
\v 7 Mungkenkah kantime jak delom rumah menyimbot, ‘Jengon kucak ake! Pintu e sodah tekunci ngan ake besereta anak- anakke nak tidor.’ Ake hopi pacok jego untok memboriko apepon kepadome.’
\v 8 Ake mengehatoko kepadome behwa meskipon kantime iye hopi jego ngan memboriko sesuatu kepadome ulenyo kowe kantinye, hambok ulenyo kowe haros memohon, enye pasot nak jego ngan memborimr apenyo kowe pereluko.
\v 9 Jedi, Ake mengehatoko kepadome mintalah, kowe todo menerimo. Deloklah, kowe todo menomuko. Ketuklah, pintu todo debukako bageme.
\v 10 Sabab siape pon nyo meminta todo menerimo. Siapepon nyo mengetuk, pintu todo debukako bagenye.
\v 14 Tekalo iye Yesus mengoser belis jak seseurang jenton nyo bisu, Setelah belis iye keluor, urang iye nyo tadie bisu iye pacok boek ngan urang lobot e temanga.
\v 15 Hambok sebeleknye, beberape urang bekehato, “Enye mengoser belis dengan kuaso Beelzebul, pemimpin belis.”
\v 16 Beberape urang loenye endok menguji Yesus, rombongon iye meminta suatu tando jak serega.
\v 21 Munye seseurang nyo kuat ngan besenjeto lengkap menjego istananyo dewek, reto bendonye pasot delom keadaon aman.
\v 22 hambok, munye ado urang nyo lobeh kuat jak enye endok nyerang ngan mengalahkonye, mangko urang nyo lobeh kuat iye haros merampos senjeto- senjeto nyo de andalko uleh urangiye ngan membage- bageko reto ramposonnye.
\v 24 Apobila roh nejes keluor jak badan seseurang, roh iye nak bekelileng melewati daman- daman nyo koreng untok ndeloki daman berenti, hambok enye hopi menomukonye. Ulehnyo iye, enye bekehato, “Ake nak belek kerumahnyo ku campok e.”
\v 25 Tekalo enye belek, enye menomuko rumah iye delom keadaon tesapu bereseh ngan teator rapi.
\v 26 Kemudion, roh nejes iye lari ngan ngajok tojoh roh nyo lobeh jahat jak enye untok masok ngan tinggal de rumah iye sehinggo keadaon urang iye menjedi jouh lobeh jahat jak sebolumnye.”
\v 30 Upa Yunus menjedi tando bage urang-urang Niniwe. Demikionlah Anak mendesio nak menjaditando bage generasi nie.
\v 31 “Pado ari kiamat, Ratu jak selaton nak bangket besamo urang-urang jak generasi nie ngan enye nak menghokom mike ulehnyo enye jongok jak hujong behui untok mendongorko himat Salomo, sedangko de sie ado seseurang nyo lobeh godong jak Salomo.
\v 32 Pado ari kiamat, urang-urang Niniwe nak bangket besamo generasi mie ngan meneghokomnye, ulenyo urang-urang Niniwe betobat tekalo Yunus berkhotbah de hadopon rombongon iye, sedangko desie ado seseurang nyo lobeh godong jak Yunus.”
\v 33 Hopi seurangpon nyo setelah marokko lampu, moteko lampu iye de damannyo tekerawo apo debewoh pagu Sebeleknye, mike moteko lampu iye de kaki lampu sehinggo urangnyo masok pacok ngelek cahayo nye.
\v 36 Munye badanme deponohi dengan tarang ngan hopi ado bageonnye nyo kolom, badanme iye nak tarang segelonye samo upa tekalo sebuah lampu menarangime dengan cahayonye.”
\v 49 nielah sababnye, Allah delom hikmat-Nye bekehato, “Ake nak mengotos nabi- nabi ngan rasol- rasol kepado mike, hambok beberape jak urang - urang nyo Ku otos iye nak debunoh ngan desikso;
\v 50 emponyo deroh sgelo nabi nyo tetumpah sejak denia deciptako, pacok detontot jak generasi nie,
\v 51 mulai jak deroh Habel sampoi deroh Zakharia, nyo debunoh de antaro altar ngan Bait Allah. Ao, Ake bekehato kepadome behwa generasi nie nak betanggong jawab tehadop hal nie.
\v 11 Tekalo rombongon ngundah kowe ke sinagoge ngan kehadipon padong pemempen ngan penguaso, jengon kuater tentang upamone membela awok e apo ape nyo haros kowe kehatoko.
\v 12 sabab, saat iye jugo Roh Kodos nak mengajorime tentang ape nyo haros kowe kehatoko.”
\v 20 Hambok, Allah bekehato kepado urang iye, ‘Hai, urang bodoh! malom nie jugo, jiwome nak deambek jak me. Lalu, siapekah nyo nak mempunyoi barang- barang nyo kowe simpan iye?’
\v 26 Miunye kowe hopi pacok melakuko hal- hal nyo sekeciknie, mengka kowe mengkaterko hal- hal nyo loen?
\v 27 Perhatikolah bunga bakong, upamone enye tomboh. Bunga- bunga iye hopi begawe nenihan apo memintal, hambok Ake mengehatoko kepadome, bahkon Salomo delom kemliaonnyepon hopi bebeju sebelagak salah sikuk jak bunga iye.
\v 28 Munye Allah mendandani rompot dehuma, nyo sari nie tomboh ngan pepagie decampoko kedelom api, hopikah enye nak mendandanime lobeh jak rompot iye? Hai, kowe nyo kurang pecayo!
\v 29 Jedi, jengonlah kowe mendelok ape nyo nak kowe makon apo nyo nak kowe minom, ngan jengonlah mencemaskonye.
\v 30 Sabab, bengso- bengso dedenia deloki iye segelo, hambok Bepame, mengetahui behwa kowe memerlukonye.
\v 44 Ake bekehsto kepadome, sesonggohnye, tuan iye nak memileh nye untok mengawasi segelo kepunyoonnye.
\v 45 Hambok sebeleknye, munye hambo iye bekehato delom hatinye,’ Tuanku hopi nak secepatnye jongok,’ ngan mulai ngepoki hambo jenton ngan hambo betina loenye, kemudion makon ngan minom sampoi mabok,
\v 52 Mulai kinie, lima urang delom sikuk keluargo nak depisahko. Tiga urang nak melawon dua urang ngan dua urang nak melawon tiga urang.
\v 53 Mike nak depisahko, Bepak melawon anak jentonnye, ngan anak jenton melawon bepaknye. Indok nak melawon anak betinanye, ngan anak betina nak melawwon indoknye. Indok mentuha nak melawon menantu betinanye, ngan menantu betina nak melawon indok mentuhanye.”
\v 4 Apo mengenai kedelapan belas urang nyo teelek, tekalo menara de parok kolam Siloam titek ngan menempahnye, apekah kowe mengiro rombogon iye adolah pendoso nyo lobeh jahat jak segelo urang nyo tingal de Yerusalem?
\v 8 Hambok sebeleknye, tukang kebon iye menyimbot,’ Tuan, borikolah kayu iye kesempaton lagi tahon nie untok bebuah. Biarlah ake ngali tanoh desekitarnye ngan memborinye popok.
\v 9 Mogken kayu iye nak bebuah jugo, Tuan pacok menobongnye.”
\v 15 Hambok, Tuhan menyimbot urang iye, “Kowe urang - urang munafik! Bukonkah kowe segelo melapasko sapi apo keledai ingunonme tekobot dekandong ngan menuntonnye keluor untok minom pado ari Sabat?
\v 16 Ulehnyo iye, hopikah betina nie, seurang ketoronon Abraham nyo lah dekobot selamo delapan belas tahon uleh belis, jugo haros delapasko ngan belenggunye iye pado ari Sabat?”
\v 17 Tekalo Yesus bekehato demikion, segelo lawon-Nye depermaluko, ngan urang lobot besenang hati atas segelo perbuaton ajaib nyo lah delakuko-Nye.
\v 18 Kemudion Yesus bekehato,” Upa apekah Kerajaon Allah iye? Dengan apekah Ake pacok mengumpamakonye?
\v 19 Kerajaon Allah iye upa biji sesawwi nyo deambek urang ngan detandor de kebon; biji iye tomboh menjedi betong kayu, ngan borong- borong de langet besarong pado dahan- dahannye.”
\v 24 “Berjuanglah untok pacok masok melalui pintu nyo sempet, sabab Ake bekehato kepadome, lobot urang nak berusaha masok kesane, hambok hopi akan pacok.
\v 27 Hambok, Enye akan menyimbot, ‘Ake hopi mengenale ngan hopi tahuko jakmone kowe beasal. Larilah jak hadopon-Ke, mike segelo pelaku kejahaton!”
\v 28 Kowe akan meratop ngan menggeretako gigi, tekalo ngelek Abraham, Ishak, ngan Yakub, sereta segelo urang nabi dedelom Kerajaon Allah sementaro kowe detohuko keluor.
\v 29 Kemudion, urang-urang akan jongok jak timur ngan barat, ngan jugo utara ngan selaton. rombongon iye akan dodok ngan makon dedelom Kerajaon Allah.
\v 30 Sesonggohnye, urang-urang nyo teakherakan menjedi nyo pertamo ngan urang-urang nyo pertamo akan menjedi nyo teakher.”
\v 35 Kinie rumahme akan kosong ngan menjedi sepi. Ake bekehato kepadome, kowe hopi akan ngelek Ake lagi sampoi tiba waktunye kowe akan mengehatoko, ‘Deberkatilah Enye jongok delom namo Tuhan!’”
\v 1 Pado waktu ari Sabat, Yesus jongok ke rumah salah seurang pemimpen urang-urang Farisi untok makon roti besamonye ngan rombongon iye segelo mengawasi Yesus.
\v 8 “Munye kowe deundang uleh seseurang kesebuah pesta perkawinon, jengonlah kowe dodok dedeman leehormaton ulehnyo tuan rumah iye mongken soadh mengundang urang nyo lobeh tekemoka jakme.
\v 9 Lalu, tuan rumah iye akan jongokme ngan bekehato,’ Borikolah deman me kepado urang nie!’ Ngan, kowepon haros pendah kedeman nyo lobeh bewoh dengan meraso malu.
\v 15 Tekalo salah seurang nyo makon besamo-Nye mendongor perkehatoon- perkehatoon nie, urang iye bekehato,” Deberkatilah urang nyo akan makon roti dedelom Kerajaon Allah.”
\v 18 Hambok, segelo tamu undangon iye mulai membuat alason- alason. Urang pertamo bekehato,’ Ake beheru membboli sebuah huma ngan ake haros bejelon ngeleknye, Terimolah perminta maafke.’
\v 21 Lalu, pelayan iyepon belek ngan melaporko segelonye kepado tuanye, Mangko, tuannye iye menjedi bemarah, lalu bekehato kepado pelayannye, “Cepatlah! beejelonkejelon- jelon ngan setiap gang dekota nie, Undahlah kemai urang-urang mesken, urang-urang lompoh, urang-urang jegot, ngan urang- ueang buta.’
\v 2 Kenudion urang-urang Farisi ngan ahli-ahli Taurat mulai begomt-gomot, “Urang nie menerimo urang-urang bedoso ngan bahkon makon besamo- samo rombongon iye.”
\v 7 Ake bekehato kepadome, demikonlah akan ado sukacita nyo lobeh godong de surga atas 1 urang bedoso nyo betobat deripado atas 99 urang nyo bonor nyo hopi membotohko pertobaton.
\v 8 Apo betina nyo mempunyoi sepoloh kepeng duet perak, munye enye kesayauon sekepeng deentaronye, hopi maroko lampu ngan menyapu rumahnye, lalu mendeloki kepeng due iye dengan hati-hati sampoi enye menomukonye.
\v 13 Hopi lamo kemudion, anak bungsu iye mengompolko segelo reto punyonye, lalu bejelon kenegeri nyo jouh ngan desane enye menghambor- hamborko punyonye iye dengan beoya- foya.
\v 14 Tekalo enye sodah menghabesko segelonye, tejedilah bencano kelaporon nyo hebat tejedi denegeri iye, ngan enyepon mulai berkekurangon.
\v 15 Jedi, bejelonlah enye ngan begawe pado seurang penduduk negeri iye, nyo menyuruhnye kehuma untok membori makon beb-bebinye.
\v 16 Enye en amat mengisi porotnye dengan buah karob nyo demakon bebi-bebi iye, hambok hopi ado seurangpon nyo membori kepadonye.
\v 19 Ake hopi lagi pantas desobot anakme, jedikolah ake sebegoi salh seurang anak buahme.’
\v 20 Mangko, togoklah enye ngan bejelon kepado bepaknye. Hambok sebeleknye, tekalo anak iye masih sajo jouh, bepaknye ngeleknye dengan ponoh belas kasehon, bepaknye iye belari lalu memolok ngan menciumnye.
\v 21 Kemudion, anak iye bekehato kepado bepaknye,’ bepak, ake sodah bedoso terhadop surga ngan dehadoponme. Ake hiopi pantas desobut anakme.’
\v 2 Ulehnyo iye, urang sogeh iye memantou kepalo pelayannuo iye ngan bekehato, ‘Ape nyo ake dongor tentengme nie? Borikolah pertanggongjawabon atas tugasme ulehnyo kowe hopi pacok lagi menjadi bendaharake.’
\v 6 Urang iye menyimbot, ‘Seratos bat minyak zaitun.’ Lalu, kepalo pelayan iye bekehato kepadonye, ‘Ambeklah surat hutangme, segeralah dodok ngan toleslah 50 bat.’
\v 7 Kemudion kepalo pelayan iye betanyo kepado urang loen, ‘Berape lobot hutangme? Urang iye menyimbotnye,’ Seratos kor gendom. ‘Lalu benahara iye bekehato kepadonye,’ Ambeklah surat hutangme ngan toleslah behwa hutangme 80 pikol.”
\v 8 Kemudion, urang sogeh iye memuji keepalo pelayan nyo hopi jojor iye ulehnyo enye betindak dengan ceredek. Sabab, anak- anak denia nie lobeh ceredek selom beroroson dengan sesamonye deripado anak- anak tarang.
\v 9 Ake bekehato kepadome, buatlah persahabaton dengan dengan mamon nyo hopi bonor empoknyo tekalo mamon iye habes, kowe akan desambot derumah abadi.
\v 10 Siapepon nyo setia delom hal- hal nyo kecik, enye jugo setia delom hal- hal nyo godong. Ngan, siapepon nyo hopi jojor delom hal- hal kecik, enye jugo hopi jojor delomhal- hal nyo godong.
\v 12 Ngan, munye kowe hopi pacok depecayoi delom menggunako punyo urang loen, siapepon nyo akan memboriko ape nyo seharosnye menjedi punyome?
\v 13 Hopi ado pelayanon nyo melayani dua tuan ulehnyo enye akan luat tuanyo sikuk e ngan menyukoi tuannyo loen. Apo, enye akan patoh kepado tuannyo sikuk ngan mengabaiko nyo loenne. Kowe hopi pacok melayani Allah ngan mamon.”
\v 16 Hokom Taurat ngan kitab padong nabi deajorko sampoi maso Yohanes; sejak maso Yohanes, kabar beik tentang Kerajaoan Allah sodah deberitako ngan segelo urang memakso untok masok ke delomnye.
\v 17 Hambok sesonggohnye, lobeeh murah bage langet ngan behumi untok lenuap deripado sikuk titik delom hokom Taurat debatalko.
\v 19 Ado seurang sogeh nyo selalu bebeju ungu ngan koene linen, ngan bersenang- senang setiap hari delom kemewahon.
\v 20 De pintu gerbang rumah urang sogeh iye, teberanglah seurang mesken benamo Lazarus, nyo badannye ponoh dengan keridos.
\v 21 Enye beharop debori makon apepon nyo titek jak meja makon urang sogeh iye; bahkon anjeng- anjeng jongok ngan menjilati keridosnye.
\v 22 Seketiko iye, urang mesken iye teelek ngsn deundah uleh padong meleikat kepangkuon Abraham. urang sogeh iye jugo teelek lalu dekoborko.
\v 23 dedelom mout, saat desikso, urang sogeh iye menatap ke pocok ngan ngelek Abraham dekejouhon besamo Lazarus de pangkuonnye.
\v 24 Ngan, urang sogeh iye tepekek, ‘Bepa Abraham, kasehanilah ake ngan suruhlah Lazarus mencelopko hujong jerinye ke aek ngan menyejoko lidahke sabab ake sengsaro de delom api nie.’
\v 26 Seloen iye segelo, ado jurang godong nyo memisahko kite sehinggo urang nyo endok menyeberang jaka sie ke demanme hopi pacok menyeberang, ngan urang nyo jak demanme jugo hopi pacok menyeberang kedeman kami.’
\v 27 Lalu, urang sogeh iye bekehato, ‘Munye memunye, ake mohon kepado Bepa, otoslah Lazarus ke rumah bepakke,
\v 28 uleehnyo ake mempunyoi lima dolor jenton. Uyulah Lazarus memperingotko eombongon iye empoknyo todo rombongon iye hopi masok ke deman penyiksaon nie.’
\v 31 Simbot Abraham kepado urang sogeh iye, ‘Munye dolor- dolorme hopi mendongorko Hokom Musa ngan kitab padong nabi, rombongon iue hopi akan pacok deyakenko, bahkon ukeh seseurang nyo bangket jak entaro urang teelek.”
\v 6 Simbot Tuhan kepado rombongon iye, “Munye kowe mempunyoi iman segodong biji sesawi bae, kowe pacok mengehatoko kepado betong kayu murbei nie, ‘Tecabotlah jak tanoh ngan tetandorlah delout,’ ngan betongkayu iye akan taat kepadome.”
\v 7 “Siapekah jak entaro kowe nyo mempunyoi hambo, nyo sedang membajak apo menggembalako, akan bekehato kepaddo hambannye iye tekalo enye belek jak huma, ‘Maro, dodoklah ngan makon’?
\v 8 Bukonkah enye malah akan bekehato kepado hambonye iye, ‘Siapkolah makonon untokke ngan bebejulah nyo layak untok melayanike selagi ake makon ngan minom. Sesodah iye, berulah kowe buleh makon ngan minom’?
\v 9 Apekah enye akan berterimokaseh kepado hambonye iye ulehnyo melakuko nyo deperntahkonye?
\v 20 Tekalo detaanyo uleh beberape urang Farisi tentang kapan Kerajaon Allah akan jongok, Yesus menyimbot rombongon iye dengan bekehato, “Kerajaon Allah akan jongok tanpa tando-tando nyo pacok dekelek.
\v 27 Urang-urang makon ngan minom, kawen ngan dekawenko sampoi pado ari Nuh Masok kedelom bahtera ngan jongoklah aek delo godong lalu membunoh mike segelonye.
\v 28 Samo halnye dengan nyo tejedi pado zaman Lot, saat iye urang-urang makon ngan minom, memboli, menjual, menandor, ngan membengun.
\v 29 Hambok, pado ari tekalo Lot meninggalko kota Sodom, api ngan belerang titek jak langet upa hujan ngan membunoh mike segelonye.
\v 30 Beioiyelah keadaonnye pado ari tekalo Anak Mendesio denyatoko.
\v 31 Pado ari iye, saipepon nyo sedang berado de hatop rumah, ngan barang- barangnye ado dedelom rumah, jengonlah enye toron untok mengambeeknye, ngan siapepon nyo sedang berado de huma, jengonlah enye belek.
\v 32 Ingotlah, ape nyo tejedi pado bini Lot!
\v 33 Siapepon nyo beusaha memeliharo nyawonye, akan kesayauon nyawonye. Ngan siapepon nyo kesayauon nyawonyw, akan menyelamatkonye.
\v 34 Ake bekehato kepadome, pado malom iye akan ado 2 urang nyo tidor de 1 deman tidor. Hambok sebeleknye, nyo seurang akan deundah, sedangko nyo loen akan detinggalko.
\v 35 Dua betina akan menggileng gendom besamo. Nyo seurang akan deundah sedangko nyo loen akan detinggalko.
\v 36 Beioiye jugo dua anak buah nyo dehuma, nyo seurang akan deundah, sedangko nyo loen akan detinggalko.”
\v 1 Kemudion, Yesus menceritoko sebuah perumpamaon kepado mored-mored-Nye untok memboritahu rombongon iye behwa nye ahros selalu berdoa ngan hopi bekecik hati.
\v 8 Ake bekehato kepadome, Enye akan secepatnye membori keadelon kepado mike. Hambok sebeleknye, tekalo Anak mendesio jongok, apekah Enye akan menomuko iman de behumi?”
\s (Perumpamaon tentang Urang Farisi ngan Penageh Pajak)
\v 9 Yesus jugo menyampoiko perumpamaon nie kepado beberape urang nyo menganggap awoknye bonor ngan memandong rendah urang loen.
\v 10 “Ado dua urang bejelon ke Bait Allah untok berdoa. Nyo seurang adolah urang Farisi ngan nyo loen adolah seurang penageh pajak.
\v 11 Urang Farisi iye togok ngan mengucapko doa tentang awoknye dewek, “Ya Allah, ake beterimokaseh kepado-Me, ulehnyo ake hopi upa urang loen; upa pemeras, pelato, pezina, apo bahkon upa penageh pajak nie.
\v 12 Ake bepuaso dua kali seminggu, ake memboriko sepersepolohon jak segelo penghaselonke.”
\v 13 Hambok sebeleknye, si penageh pajak togok agak jouh, bahkon hopi memandong ke langet. Sebeleknye, enye ngengepoki dedonye sambel bekehato, ‘Ya, Allah. Bebelas kasehlah kepadoke, tong pendoso nie.’
\v 14 Ake bekehato kepadome, pengeh pajak nie belek ke rumahnye sebagoi urang nyo lobeeh debonorko deripado urang Farisi iye sabab urang nyo meninggiko awok dewek akan derendahko, ngan nyo merendahko awok dewek akan detinggiko.”
\v 15 Lalu, urang-urang ngundah anak- anaknye nyo lagi kecik kepado ysus empoknyo Enye menjamah rombongon iye. Hambok sebeleknye, tekalo padong mored ngeleknye, rombongon iye mulai memarahi urang-urang iye.
\v 16 Hambok, Yesus memanttou budak- budak iye untok jongok kepado-nye ngan bekehato, “Uyukolah budak- budak kecok iye jongok kepado-Ke, jengon halanginye sabab Kerajaon Allah adolah milek urang-urang nyo upa rombongon nie.
\v 17 Ake mengehatoko nyo sesunggohnye kepadome, siapepon nyo hopi menerimo Kerajaon Allah upa budak kecik, enye hopi akan perenah masok kedelomnye.”
\v 31 Lalu, Yesus mengompolko kedua belas mored-Nye ngan bekehato kepado rombongon iye, “Dongorlah, kite akan bejelon ke Yerusalem ngan segelo sesuatu nyo lah detoles uleh padong nabi tentang Anak Mendesio akan degonopi.
\v 32 Enye akan deserahko kepado urang - urang nyo hopi mengenal Allah. Enye akana dehimak, deaniaya, ngan deludahi.
\v 33 Ngan, setelah rombongon iye mencamboki-Nye, rombongon iye akan membunoh-Nye. Hambok sebeleknye, pado arinyo ketiga, Enye akan bangket lagi.”
\v 34 Hambok, padong mored hopi ngereti sikukpon jak hal- hal nie. Reti pekehatoon iye tekerawo bage rombongon iye sehinggo rombongon iye hopi memahami apepon nyo lah dekehatoko.
\v 43 Seketiko iye jug jugo, enye pacok ngelek ngan mulai mehilu Yesus sambel memuji Allah. Tekalo urang lobot ngelek hal iye, rombongon iye ugo memuji Allah.
\v 8 Kemudion, Zakheus togok ngan bekehato kepado Tuhan, “Tuhan keleklaah, separoh deri retoke akan ku boriko kepado urang mesken, ngan munye ake lah menggelapko reto seseurang, ake akan mambelekonye empat kali lipot.”
\v 11 Sementaro rombongon iye mendongorko segelo tong nie, Yesus melanjotko dengan menceritoko sebuah perumpamaon ulehnyo Enye sodah parok dengan Yerusalem ngan rombongon iye menyangko behwa Kerajaon Allah akan secepanye detong.
\v 12 Ulehnyo iye Enyepon bekehato,” Seurang bengsawon bejelon kenegeri nyo jouh untok deangkot menjedi rajo, ngan sesodah iye enye belek.
\v 13 Kemudion, tuan iye mengompolko sepoloh urang pelayannye ngan membori nye doet selobot 10 mina. Ujonye kepado rombongon iye, ‘Bedegonglah menggunako doet nie sampoi ake belek.’
\v 14 Hambok sebeleknye, urang-urang sebengsonye luat ngan enye ngan mengiremko perwakelon setelah nye bejelon untok bekehato,’ Kamie hopiendok urang nie menjedi rajo atas kamie.’
\v 15 Setelah deangkot menjadi rajo, bengsawon iye belek nan memerentahko hambo- hambo nyo lah deborinye doet iye depantou untok menghadopnye empokno enye pacok mengetahui seberape gede keontungon nyo rombongon iye depotko deri bedegong.
\v 22 Kemudion rajo iye bekehato kepadonye,’ Ake akan mengadelime sesuoi dengan perkehatoonme, hai mowe hambo nyo jahat! Jedi, kowe tahuko behwa ake adolah urang nyo karas, nyo ngambek ape nyo hopi perenah ku simpan ngan menuoi ape nyo hopi u tandor?
\v 23 Munye memunye, mengka kpwe hpi moteko doetke de deman urang menjelonko doet sehinggo tekalo ake belek, ake akan menerimo doetku iye besereta bunganye?’
\v 26 Simbot rajo iye,’ Ake bekehato kepadome, setiap urang nyo mempunyoi akan debori lobeh, hambok jak urang nyo hopi mempunyoi apepon, segelo nyo depunyoinye akan deambek.
\v 27 Hambok sebeleknye, tentang mosoh- mosohke nyo hopi mengendoko ake menjedi rajo atas mike, undahlah kemai ngan bunohlah rombongon iye dehadoponke.”
\v 28 Setelah Yesus mengehatoko hal- hal iye, enye bejelon dehulu menuju Yerusalem.
\v 29 Tekalo enye sampoi deparok desa Betfage ngan Betania, parok buket benamo Buket Zaitun, Enye mengotos dua urang mored-Nye.
\v 30 Ujp-Nye kepado nye, “Bejelon; ah ke desa nyo ad depanme iye/ Ngan, tekalo kowe masok de sane, kowe akan ngelek seikuk anak keledai nyo tekobot ngan bolum perenah denoeki urang lapskolah anak keledai iye ngan undahlah kemai.
\v 35 Lalu, rombongon iye ngundah anak keledai iye kepado Yesus ngan memoteko buntelon bejunye de pocok ponggong keledai iye, kemudion menoeko Yesus kepocoknye.
\v 36 Tekalo Yesus melewati jelonon, urang - urang membotongko pakoinnye dejelon.
\v 37 Ngan, tekalo Yesus sodah semaken parok Yerusalem, iyelah dejelon nyo menoron deri arah buket Zaitun, segelo pengikot-Nye mulai memuji Allah dengan bersukacita ngan suaro nyo lantang. Rombongon iye bersyokor kepado Allah atas segelo mukjizat nyo lah rombongon iye kelek.
\v 38 Rombongon iye bepekeon, “Deberkatilah Enye nyo jongok sebagoi Rajo delom namo Tuhan, damai sejahtera de sorga ngan kemuliaon de deman nyo mahatinggi!”
\v 41 Saat Yesus sodah parok de kota Yerusalem ngan ngelek kota iye, Enyepon meratopinye.
\v 42 Kehatonye, “Seandoinye sarinie kowe tahuko ape nyo mendetongko damai sejahtera atasme. Hambok sebeleknye, kinie hal iye tekerawo jak matome.
\v 43 Sabab akan jongok waktunye tekalo mosoh- mosohme akan membegun tembok penghalang desekelilengme ngan mengepongme jak segelo arah.
\v 44 rombongon iye akan merontohkome, kowe besereta anak- anakme nyo belindong pado tembokme. Ngan, rombongon iye hopi akan menyisako sikuk betupon tesooon de pocok betu nyo loen dedelomme sabab kowe hopi mengenali waktu tekalo Allah melawatme.”
\v 47 Lalu, Yesus mengajor de Bait Allah setiap ari. Gambok, imam- imam, ahli-ahli Taurat, ngan padong pemempen bengso iye mendeloki caro untok membunoh-Nye.
\v 1 Tekalo iye Yesus sedang mengajor urang lobot de Bait Allah ngaan memberitako Injil, imam- imam kepalo ngan ahli-ahli Taurat besamo dengan tuha- tuha jongok kepado-Nye.
\v 9 Lalu, Yesus menceritoko perumpamaon nie kepado urang lobot,” Ado seseurang nyo menandori sebuah kebon anggor lalu menyiwokonye kepado beberape petani, ngan bepejelonon ke negeri nyo sajo jouh untok waktu nyo lamo.
\v 10 Tekalo mosem nuoi e sampoi, enye menyruh seseurang pelayannye bejelon kepado petani- petani iye empoknyo rombongon iye memboriko kepadonye sebagion jak hasel kebon anggor iye. Hambok sebeleknye, padong petani iye ngepoki pelayan iye ngan mengosernye lari dengan tangon kosong.
\v 11 Ngan enyepon mengirem pelayan nyo loen, hambok petani- petani iye jugo ngepoki pelayan iye ngan memperlakukonye dengan hino, lalu mengosernye lari dengan tagon kosong.
\v 14 Tekalo padong petani iye ngelek anak tuan kebon, rombongon iye berundeng sorang dengan nyo loen, ‘Enye ahli wares tuan kebon anggor nie, maro kite munohnye empoknyo waresonye menjedi ahk kite.’
\v 15 Kemudion, rombongon iye menohuko anak iye keluor jak kebon anggor ngan membunohnye; Lalu, ape nyo akan delakuko uleh tuan kebon anggor iye kepado rombongon iye
\v 16 Enye akan jongok ngan membinasako petani- petani iye, lalu menyiwoko kebonnye kepado urang loen.” Tekalo urang lobot mendongor perumpamaon nie, rombongon iye bekehato,” Jengonlah hal nie sampoi tejedi?”
\v 19 Tekalo ahli- hali Taurat ngn padong imam kepalo menyadari behwa perumpamaon iye memboeko tentang nye, rombongon iye endok menangkop yesus saat iye jugo. Hambok, rombongon iye takot kepado urang lobot.
\v 20 Kemudion, padong ahli Taurat mengawasi Yesus ngan mengirem beberape urang mato- mato nyo icak- icaknye tolos empoknyyo rombongon iye pacok menangkop -Nye menggunako perkehatoo-Nye dewek ngan meyerahko-Nye kedelom kuaso ngan wewenang gubernur.
\v 21 Urang - urang suruhon iyepon bejtanyo kepado Yesus, “Guru, kamie tahuko Kowe mengehatoko nan mengajorko nyo bonor. Kowe hopi membeda- bedako urang, hambok mengajorko jelon Allah delom kebonoron.
\v 22 Apekah kamie deperbulehko membayar pajak kepado Kaisar atau hopi?”
\v 25 Mangko, Yesus bekehato kepadonye, “Munye memunye, borikolah kepado Kaisar ape nyo menjadi milek Kaisar, ngaan borikolah kepado Allah ape nyo menjedi milek Allah.
\v 26 Dengan demikon, urang - urang iye hopi pacok menjebaj Yesus dengan perkehatoon-Nye dewek dedepan urang lobot; rombongon iye temanga atas jawabon-Nye ngan diom.
\v 34 Simbot Yesus kepado rombongon iye,” Urang-urang pado zman nie mengaweni ngaan de kawenko,
\v 35 Hambok urang-urang nyo deanggap pantas untok mendepotko bageon delom denia nyo akan detong ngan delom Kebangeton jak antaro urang mati, hopi akan mengaweni, ngan dekawenko.
\v 37 Musa bahkon lah menunjokko tentang kebangketon urang-urang mati delom bageon nyo mencatat tentang unok somok nyo tetunu. delom bageon iye, Tuhan desobut sebagoi ‘Allah Abraham, llah Ishak, ngan Allah Yakub.’
\v 45 Tekalo urang lobot mendongorko, Yesus bekehato kepado mored-mored-Nye,
\v 46 Berhati-hatilah terhadop ahli-ahli Taurat nyo endok bejejelon memakoi jubah pajong, agom de hormati urang de pasar, nyo agom dodok de deman tertinggi de sinagoge-sinagoge ngan de deman terhormat de pesta-pesta.
\v 47 Iye merampos rumah-rumah padong jendo ngan bedoa panjong-panjong empoknyo dekelek urang, urang-urang upanie peseti akan menerimo hukumon nyo lobeh berat.”
\v 3 Yesus bekehato, “Ake mengehatoko nyo sesesonggohnye kepadome, jendo mesken nie memboriko lobeh lobot deripado segelo urang sogeh iye.
\v 4 Sabab, mike memboriko persembahon jak kelobehon mike, hambok jendo nie memboriko persembahonye jak kekurangonye, iyelah segelo nyo de milekinye untok mealnjutko hidop.”
\v 11 Akan tejedi gempa bumi nyo dahsyat, bencana kelaporon, ngan macaom- macom penyaket deberbagoi deman. jugo akan muncul peristiwo- peristiwo nyo mengeriko ngan tando-tando godong jak langet.
\v 12 Hambok, sebolum segelonye nie tejedi, urang-urang akan menangkop ngan menganiayo kowe. Rombongon iye akan menyerahkome ke sinagoge-sinagoge rombongon iye akan memasokkome kedelom penjara- penjara. Rombongon iye jugo akan ngundahme menghadop padong rajo ngan gubernur uleh namo-Ke.
\v 21 Pado waktu iye, urang-urang nyo ado de wilayah Yudea haros melariko diri kepegunongon, urang-urang nyo berado dedelom kota haros lari keluor kota, ngan urang - irang nyo berado de desa- desa hopi buleh masok ke kota Yerusalem.
\v 23 Celakolah betina-betina nyo sedang bunteng ngan menyusui pado saat iye sabab akan tejedi penderitaon nyo luar biaso denegeri nie, ngan murka nyo gpdong atas bengso nie.
\v 24 Rombongon iye akan debunoh dengan pedang ngan de tawan uleh bengso-bengso aseng sampoi maso kejayaon bengso-bengso iye berakher.”
\v 25 “Akan ado tando-tando pado matoari, bulan, ngan bintang- bintang. De behumi, bengso- bengso akan ketakoton delom kebingungon uleh gemoroh louton ngan deru umbak.
\v 26 Urang-urang akan pingsan ulehnyo ketakoton ngan penantion akan hal- hal nyo akan tejedi atas behumi sabab segelo kuaso nyo ado de langet akan deguncangko.
\v 34 “Berhati-hatilah empoknyo hatime deponohi dengan keinginon untok berpesta, bermabok- mabokon, ngan mengkhawaterko hidop. Ngan, sari iye akan jongok atasme upa perangkap.
\v 35 Sabab, sari iye akan jongok keatas egelo sesuatu nyo de tinggal segelo muka behumi.
\v 36 Bejego-jegolah setiap waktu ngan selalu bedoa empoknyo kowe mendepot kekuaton untok melapasko diri jak segelo hal nyo akan tejedi iye nan untok togok dehadopon Anak Mendesio.”
\v 3 Kemudion, masoklah belis kedelom Yudas, nyo desobut Iskariot. Enye adolah salah sikuk jak kedua belas mored.
\v 4 Mangko, bejelonlah Yudas lalu berundeng dengan imam-imam kepalo ngan pengawal Bait Allah tentang upamone enye pacok menyerahko Yesus kepado rombongon iye.
\v 5 Ngan, beroyot iye agom ngan sepakat untok memborinye doet.
\v 6 Mangko, Yudas setuju ngan mulai mendeloki kesempaton untok menyerahko Yesus kepado rombongon iye saat hopi ado urang lobot.
\v 19 kemudion, Yesus mengambek roti ngan mengucap syukur, Enye memacah-macahko roti iye ngan memborikonye kepado rombongon iye sambel bekehato, “Roti nie adolah badan-Ke nyo deboriko kepadome lakukolah nie sebagoi peringoton akan Ake.”
\v 30 empoknyo kowempacok makon ngan minom semeja dengan-Ke delom Kerajaon -Ke. Ngan, kowe akan dodok deantaro tahta untok menghakemi keduabelas suku Israel.”
\v 37 Sabab, Akr bekehato kepadome, behwa ape nyo tetoles delom Kitab Suci nie haros degonopi de delom Ake, ‘Enye akan tehitong bersamo urang-urang bedoso.’
\v 49 Tekalo mored-mored nyo togok desekelileng-nye ngelek ape nyo akan tejedi, rombongon iye bekehato, “Tuhan, haroskah kamaie menyerang dengan pedang?”
\v 54 Setelah menangkop-nye, urang-urang iyepon mengireng ngan undah Yesus ke rumah imam godong. Hambok sebeleknye, Petrus mehilui rombongon iye jak jouh
\v 55 Ngan setelah urang-urang iye memaroko api de tangah- tangah lamon ngan dodok bersamo- samo, Petrus jugo dodok deantaro rombongon iye.
\v 56 Hambok, seurang pelayan betina nyo ngelek Petrus dodok de parok perapion iye memperhatiko muka Petrus llau bekehato, “Urang nie jugo bersamo dengan-Nye.”
\v 58 Hopi lamo kemudion, seurang nyo loen negeleknye ngan bekehato, “Kowe jugo temasok salah sikuk jak rombongon iye!” Hambok Petrus bekehato, “Hopi, ake bukon salah sikuk jak rombongon iye!”
\v 59 Kiro- kiro sejam kemudion, seurang nyo loen lagi bekehato deengan yakin, “Peseti urang nie jugo besamo dengaan_nye, sabab enye jugo urang Galilea.”
\v 5 Hambok sebeleknye, rombongon iye menontut sambel bepekeon dengan kencang, “Enye menghasot urang-urang dengan ajaron-Nye de segelo wilayah Yudea mulai jak Galilea sampoi desie!”
\v 6 Tekalo Pilatus mendongor hal iye, enye betanyo apekah Yesus urang Galilea.
\v 7 Ngan, setelah enye tahuko behwa Yesus beasal jak wilayah kekuasoon Herodes, Pilatuspon mengirem Yesus kepado Herodes nyo saat iye sedang berado de kota Yerusalem.
\v 8 Tekalo Herodes ngelek Yesus, enye sajo agom, Enye sodah lamo endok betomu dengan-Nye ulehnyo enye sodah mendongor lobot hal tentang Yesus sabab enye beharop pacok ngelek suatu mukjizat nyo delakuko uleh Yesus.
\v 11 bahkon Herodes ngan padong tenteranye jugo merendahko ngan mehimak Yesus. Setelah iye, rombongon iye memakoiko jubah nyo belagak lalu mengiremNye belek lagi ke Pilatus.
\v 12 Tekalo iye, Pilatus ngan Herodes saleng bemosohon, hambok pado sari iye rombongon iye bekanti.
\v 26 tekalo padong tentera ngundah Yesus bejelon, rombongon iyejugo menahan seseurang, iyelah Simon jak Kirene nyo beheru jongok jak desa. Padong tentera memoteko saleb Yesus de behunye ngan menyuruhnye memikol saleb iye debelakong Yesus.
\v 27 Lobot urang nyo mehilui Yesus, ngan deantaro rombongon iye ado betetina nyo meratop ngan meratopi Enye.
\v 28 Hambok sebeleknye, Yesus gerelek kepado rombongon iye ngan bekehato, “Hai kupek- kupek Yerusalem, jengonlah kowe meratopi Ake. Ratopilah awokme dewek ngan anak- anakme.
\v 50 Ado seurang jenton bernamo Yusuf, anggota Dewan Penasehat, seurang nyo beik ngan bonor.
\v 51 (Enye dewek hopi menyetujui kepotoson ngan tindakon rombongon iiye). Yusuf beasal jak kota Aritmatea, sebuah kota urang Yahudi. Enye jugo seurang nyo menanti- nantiko Kerajaon Allah.
\v 52 Enye bejelon kepado Pilatus ngan meminta mayat Yesus.
\v 53 Lalu, enye pon menoronko mayat Yesus jak kayu saleb ngan membongkosnye dengan koen linen. Setelah iye, enye membaengko-Nye delom kobor nyo depahat pado buket betu. Desane, bolum perenah ado seurang pon nyo deberengko.
\v 54 Sarion iye adolah Ari Persiapon, ngan ari Sabat akan secepatnye demulai.
\v 55 Betetina nyo jingok bersamo Yesus jak Galilea mehilui Yususf. rombongon iye ngelek kobor iye ngan upamone mayat Yesus deberangko dedelomnye.
\v 56 Setelah iye, rombongon iye belek ngan mempersiapko rempah- rempah sereta minyak untok mengolesi mayat Yesus. Pado ari Sabat rombongon iye berenti sesuoi dengan hukom Taurat Musa.
\v 5 Betetina iye sajo ketakoton ngan meundoko mukanye, hambok kedua urang iye bekehato, “Mengaka kowe deloki urang nyo hidop deantarao urang-urang mati?
\v 8 Mangko, betetina iye teringot akan pekehatoon Yesus.
\v 9 Setelah rombongon iye belek jak kobor Yesus, rombongon iye menceritoko segelo peristiwa iye kepado keduabelas rasol sereta padong pengikot Yesus nyo loenye.
\v 10 Betetina iye nyo menceritoko nyo hal iye adolah Maria, Yohana, Maria indok Yakobus, ngan beberape betina loen.
\v 11 Hambok sebeleknye, perkehatoon betetina iye deanggap pelato uleh padong rasol ngan rombongon iye hopi percayo kepado betetina iye.
\v 12 Hambok sebeleknye, Petrus togok ngan belari ke kobor Yesus, Enye membongkok ngan ngelek kedelom, hambok enye hanyo menomuko koen linen pembongkos mayat. Setelah iye, Petrus belek dengan sajo temanga atas ape nyo lah tejedi.
\v 18 Salah seurang jaknye nyo bernamo Kleopas bekehato kepado-Nye, “Apekah Kowe sikuk- sikuknye urang aseng de Yerusalem nyo hopi mengetahui tentang ape nyo tejedi desane beheherunie?”
\v 19 Yesus bekehato, “Tentang ape?” Rombongon iyepon bekehato kepado-Enye, “Tentang Yesus jak Nazaret, Enye adolah seurang nabi nyo ponoh kuaso delom pekehatoon sereta perbuaton-Nye de hadopon Allah ngan de hadopon segelo bengso kamie.
\v 20 Hambok sebeleknye, imam- imam kepalo ngan padong pemempen kamie menyerahko enye untok dehukom mati, nan rombongon iye menyalebko-Nye.
\v 21 Sebonornye kamie berharop, behwa Enyelah nyo akan membebasko bengso Israel. Hambok, sari nie adolah ari ketiga sejak segelonye iye tejedi.
\v 22 Hambok sebeleknye, beberape betetina jak antaro kami lah mengejotko kami. Tekalo rombongon iye sedang ado de koboron pagi- pagi nihan,
\v 23 rombongon hopi menomuko jenazah Yesus. Lalu, rombongon iye belek ngan mengehatoko behwa rombongon iye alah ngelek penampokon meleikat- meleikat, nyo mengehatoko behwa Enye hidop.
\v 24 Kemudion, beberape jak kami bejelon ke kobor ngan mendepoti pula upa nyo de kehatoko uleh betetina iye. Hambok sebeleknye, rombongon iye hopi negelek Yesus.”
\v 26 Bukonkah Kristus haros mengalami penderitaon nie ngan masok ke delom kemualiaon-Nye.”
\v 27 Lalu Yesus menjelasko segelo sesuatu nyo tetoles delom segelo Kitab Suci tentang diri-Nye. mulai jaka Kitab Musa sampoi segelo kitab padong nabi.
\v 32 Setelah iye, bekeholarombongon iye sikuk samo loen, “Bukonkah hati kite berkobar- kobar tekalo Enye boek dengan kite selamo pejelonon ngan Enye menjelasko Kitab Suci kepado kite?”
\v 33 Pado saat iye jugo, rombongon iye togok ngan belek ke Yerusalem. Rombongon iye menomui kesebelas mored ngan urang-urang nyo bersamonye sedang bekompol bersamo-samo.
\v 35 Kedua pengikot iye jugo menceritoko ape nyo lah tejedi delom pejelononnue. Rombongon iye menceritoko upamone rombongon iye mengenali Yesus tekalo Enye memacahko roti.
\s (Yesus Menampako Diri kepado Pengikot- Pengikot-Nye)
\v 36 tekalo kedua urang iye lagi menceritoko peristiwa nie, Yesus togok de tanhaj- tangah rombongon iye ngan bekehato kepado rombongon iye, “Damai beseretame.”
\v 37 Hambok sebeleknye, rombongon iye tegelou ngan ketakoton. Rombongon iye menyangko behwa nye sedang ngelek hantu.
\v 38 Kemudion, Yesus bekehato kepado rombongon iye, “Mengka kowe tegelou ngan keraguon muncol de hatime?
\v 39 Keleklah tangon-Ke ngan kaki -Ke nie bonor- bonor Ake. Rabolah Ake gan keleklah, hantu hopi memileki deging ngan tulang upa nyo kowe kelek pado-Ke.”
\v 40 Setelah Yesus mengehatoko nie, Enye menonjoko tangon ngan kaki-Nye kepado rombongon iye.
\v 41 Sementaro rombongon iye lagi bolum percayo ulehnyo senang hati ngan temanga, Yesus betanyo kepado rombongon iye, “Apekah desie kowe mempunyoi sesuatu untok de makon?”
\v 42 Lalu rombongon iye memboriko seikuk ikan panggang kepado-Nye.
\v 43 Yesus ngambek ikan iye ngan memakonye dedepan rombongon iye.