bbm_reg/52-COL.usfm

\id COL
\ide UTF-8
\h Wakolosia
\toc1 Wakolosia
\toc2 Wakolosia
\toc3 col
\mt Wakolosia
\c 1
\cl Esuki esungu 1
\p
\v 1 Polo tutiani mo Yesu kilisito la libalano mo Mwengei,
\v 2 La osatu pele osembo ndondo e kilisito wango wa djei la otua ehekelame laino la tina e Mwengei sangbasu!
\p
\v 3 Towongwese otua la Mwengei, wawa e mokalesi mosu Yesu kilisito, mpe iso tokoyataaka e yaowe,
\v 4 Aokaali ogemei wosu aatia Yesu kilisito mpe la otua e wato wa osembo kpaa,
\v 5 La loi o elikya ungo oyisani la tina eenu ongo likolo, mpe la luundo e osembo, luundo e osali linge yeewalani ino.
\v 6 Adjei ndondo eenu, mpe la moki kpaa; akokpaalaka pukapuka, mpe akolibeksa, oegemeni nda loi ungo odjei yaino, obandi lisio linge yookaali ino mpe weewini magba ma Mwengei oengemeni la osembo,
\v 7 Mbuse eokomesi linge yookalino aatie Epafalasi, magbasu ongo omongindi la otomu, ongo odjei la tina eenu mobalani likumu la kilisito,
\v 8 Mpe ongo otumisaali la otua la okulu yaiso
\p
\v 9 La loi uho iso mpe, obandi lisio linge yookaali iso, toyatataali la Engali la tina eenu, mpe la woongi ate otumisameni la weewi e osenga wonu, la akili kpaa mpe weewi wiumwake,
\v 10 L a osombi la okengi la otute moinyei mpe inde akodjaaka libela ndi olamu, akakpaalaka pukapuka ndja sambo kpaa milamu mpe obolyanesi la oyebi o Mwengei
\v 11 Kela la otetelake kpaa la okulu wonde ogunyake, laate odjeini masio kpaa mpe la mwemu liwongeleki mpe la olambesi:
\v 12 Wongwesa ngolu aatie wawa, ongo owumesi la oengi la weeni la ogumake la sembo ndondo e hoho ngbaii,
\p
\v 13 Ongo otokalesi la okolu o likolo mpe atoumesi la okondi o mana onde olibalano,
\v 14 Inde nde ekoki iso oyahi la inde, tomokpalese masumu masu.
\v 15 Adjei la elimo mo Engali ongo otiyeneneke, liwota la poo liwoso la ikelamu kpaa.
\v 16 La inde mongndi okelaali iwo wiho kpaa winge windjei ongo likolo la hala seese la mbuse, dinge ikweneneke la winge witueneneke, otua, modekya, okumu kpaa ekelamaali la inde, mpe a loi wonde.
\v 17 Adjei liwoso la wiwo kpaa, mpe wiho kpaa wikokalaaka la tina eende.
\v 18 Adjei ekpokoso ewenge e molako mo Mwengei, adjei ebandelo, liwota epoo ndondo e logo, mbuse e odjei moto opoo.
\v 19 Ango egemei Mwengei ate wagumi kpaa wayatate la inde;
\v 20 Abali ate wiho kpaa eyakonge lainde amene, winge widjei alaseese la dinge widjei ongo likolo, la okeli okoke la tina ende, la tina emindimi ma ekulusu eende.
\p
\v 21 Mpe ino, wango wadjei ngongo eeti wadidi mpe wanguna wa sambo djanu dja gala mpe la wikela wanu wibee, ewongi laino oyatateni la tina e logo wonde dja ndini djande,
\v 22 La wuumi moto molamu liwoso lande, watimemeleke la owe mpe oti la sila,
\v 23 Ewongi ate oyabateni ndondo e ondimi, otiyakukoleni la elikia ungo odjaaki ino a laho ango eokaali ino mboli milamu, linge liteyaali iwo la ikelamu kpaa dinge idjei ala seese, mpe mbai Polo, mbai ikelaali otomu uho.
\p
\v 24 Mbai yeemeli sikandjo la odidi okweneke mbai alikita lanu; mpe ungo odjangi la odidi o kilisito, ikokawaka ndjini dja mbai, la tina e wenge lidjei enguta e Engali.
\v 25 Yuumikaa ombai motuke mo enguta, oengi la otomu ungo opii Engali mbai la wengesi la tina eenu. la gboo edjei la oinei mboli milamu ibte kpaa luuundo o Mwengei,
\v 26 Sambo dinge yiisami la Mwengle kpaa mpe la kola kpaa, inde adihumboli sambo kpaa la osembo wonde,
\v 27 Late Engali abalaki owaaseli sambo ndinge yiisami aatie wapakano, ewani: kilisito adjei yaino, inde aohimi elikya ate okototani kembo e Mwengei.
\v 28 Ndjongo tokodumbyaka la tina eende, tokoinyaka la wato kpaa, tokoinyaka wato la wato la akili kpaa, la owainyei wato kpaa la Engali, late waume wango wakali ndondo e kilisito.
\v 29 Ndjongo ikokelaaka otomu, la osani laokulu kpaa eende, linge lihekelami yambai.
\c 2
\cl Esuki esungu 2
\p
\v 1 Ibali, okeli, oeweni ate ikosanaaka kindo ngbi a likita lanu, alikita la wato wa odikiya, mpe la tina e wato wango wandjewiti mbai,
\v 2 Ikosanaaka late laho djau itume la otetelake, late wadjei la oikima ndondo e libalano, mpe wabeke ndondo eweewi la akili eewake sambo dja Mwengei, wa muewekilisito,
\v 3 Sambo kpaa dja akili la okengi eisami yainde amene.
\v 4 Yaasi la ino moto tweti atiohengeni la sambo dja moleho.
\v 5 Teinga wenge wa mbai etii ahue yaino, mbai idjei yaino la okulu, mpe idjei la mwemu la weeni okoyamalakani la otetelake ebete eikima ndondo eondimi wonu ndondo e kilisito.
\p
\v 6 Ndjongo, nda egmei ino Yesu kilisito odjei likumu lanu, sombani la inde mongindi.
\v 7 Lingisani ndili djanu yainde, mpe yamolani la otetelake ndondo eondimi, nda ungo oinyani iwo yaino mpe tumisamani la melesi.
\p
\v 8 Yabanyani ate moto tweti atyoumeseni tuke djande la mboka awaasi moleho mpe la lundo litii lakola, linge likoyamalaka likolo la oinyami dja wato, likolo la okulu dja miki, mpe te likolo la kilisito.
\v 9 Late sambo kpaa linge lidjei ya Engali etotaali wenge ndondo e kilisito la otumani liee yainde.
\v 10 Ototikani kpaa la otumi yainde la ndondo elisanga ebete eikima la inde. Inde akondi makumu kpaa mpe la okulu o milimo mibee kpaa.
\v 11 La wodja elisanga mongindi la inde, otenamini ikpoto linge la mawo ma wato, kaasi oteni ungo olongoi aatie kilisito, eheele ndjo edjei loi lilongoi la okulu wa wenge dja masumu.
\v 12 Te ogesele, anngo ebatisami ino oyisamini ala mbila mongindi, la kilisito, mpe obasini la inde mongindi, laate agemeini okulu o Mwengei linge limobasesaali.
\v 13 Lisiwo la loi la molimo odjaakini wagwi a likita la obee onu, laate odjakaani wapakano, wato wango watenamini ikpoto. kaasi sikandjo, Engali aohiikaani womoi mongindi la kilisito. Engali awosanikaa masumu masu kpaa.
\v 14 Inde alimi madingo dinge itohelensaki, linge lidjaaki osani la mibeko mande, mpe inde adiolikaa odikakemesi la ekulusu.
\v 15 Engali alongosikaa midekya mpe la okumu, inde awaumesi la hoho ngbai, okii la iwo nda wato wa boloko olengalengeli la iwo la olangi o mana onde la ekulusu.
\p
\v 16 Ndjngo moto tweti atiosambeseni la tina e wilaka wana wenu te dinge wikengake, te la tina eokengeli masio ma lipati, inga la masio mikoli te la masio mihomake.
\v 17 Diidi sambo ndjo edjei wilima dja sambo milamu minge mingeleli kaasi meemene edjei kilisito.
\v 18 Dhee ate moto tweti atilongose libondja lanu la tina e poosa eende inga tela oyatati la waaumbwa, wato wa enge ndenge wa kokomungola sambo dinge yeeneni yaiwo bii, wakodjaa la sango enge edjangi kole la tina e mamungo mau ma wenge.
\v 19 Te oyahi la likumu, la wange kpaa, ango ndi ekolakesamaaka la ohelani la tina e witutaki la ohelami djanu.
\p
\v 20 Inga ogwini mongindi la kilisito la sambo keekeke dja moki, nda ndenge ekosombaaka ino nda wato wa moki, nda tina ekogenyaka ino sambo ate:
\v 21 Otitote, oti lete, oti bande:
\v 22 Mibeko djaho kpaa widjei la tina la wiho dinge wikosila la tina e misala djaho; edjei ndi molako la mateya ma wato.
\v 23 Ikweneneeke, meemene la osembo, nda sambo djakili, alaa ekowelaaka oheli loho la osokesi la osombesi wenge, kaasi eti la lisungu la odilikesi posaa ebe la loho.
\c 3
\cl Esuki esungu 3
\p
\v 1 Inga obasi mongindi la kilisito lukana ebete ongo likolo, ebete enge eyabati kilisito Mwengei.
\v 2 Yakawa la sambo dja likolo, mpe yatekesa la dinge widjei ala mbuse.
\v 3 Inga ogwi, mpe bomoi eowe eyaisi mongindi la kilisito la Mwengei.
\v 4 Inga kilisito, bomoi eowe, iyaini, ndjongo oyaini la inde la otwa.
\p
\v 5 Ndjongo olani wizaleli wonu winge wilongoyi seese; Pite, osoto, posa mibe la wilulela winge widjei osambo e wikeko.
\v 6 La sambo djao nde limemu la Mwengei likodja ya wato wango waongeno,
\v 7 Ndondo ewango wato okosombaka la okwani, ango okokalaka ino la obe.
\v 8 Kaasi sikandjo, dhee la dinge sambo kpaa, la limemu, kokya, pamaka, okawi, a luundo e wato wa o sembo wungo wakoki opumbi la monoko moowe.
\v 9 Otiyengelaneni, laate omolumbikaani moto ogala la sambo djongo kpaa,
\v 10 Mpe omokpalini moto moholi ongo okelami la oholi la tina e oyebi oengemeni la elima e ongo omokeli.
\v 11 Ango wa baela watii inga te Wayuda te, wango watitaname ngenga tee wango wadjangi otenami ngenga, te wasendi inga waskute te, waombo te, inga wasomi te, kaasi kilisito adjei kpaa ndondo e kpaa.
\p
\v 12 La ndjongo, nda waonomi la Mwengei, wabulami la wa balani; yakpalesani loho dja magba, la olamu, la bopolo loho dee.
\v 13 Inga moto adja la miinonde loi okahelaneni piko, akolimbisaneni; ndenge kikima nda eolimbesini kilisito, ino mpe ndi ndongo.
\v 14 Ase likolo la diidi sambo kpaa, yakpalesani libalano linge lidjei lihelamiti likoki bii.
\p
\v 15 Dhee ate lidaki la kilisito lidje la otwa ndondo e loho djanu, laate owelamini ndondo e wenge liikima la ototi logo eeho, okodjeeni mpe la otondi.
\v 16 Dhee ate luundo la kilisito eyobate ndondo eenu ema emotuya. yainyesani la mayele kpaa mpe okoheneeni tili mogumyali la lembo; lembo lisandjlake, lembo la molimo. okondeni la loho djanu.
\p
\v 17 Inga okwsani nde, inga okokelani nde, kalalani kpaa la kombo e kolo Yesu, mohakani Engali wawa otondi la tina eende
\p
\v 18 Ino wali, tosani walome wanu, nda ewongi uho ndondo nkolo.
\v 19 Ino mpele, wabalini wali wanu, otiwa kelelanisambo tetelake.
\p
\v 20 Ino wana, wangunyani waoi wanu la sambo kpaa, laate nge ndjongo ndondo kolo.
\v 21 Ino wa wawa, otidjaakani la ndjangeli wana wonu laate wtilembe la mitema mau.
\p
\v 22 Ino waombo, watosakani wiloko wa wenge djanu la sambo kpaa, osela otosi lyeneneke te, nda oemelisi wato, kaasi la osembo la loho laate okomowangaakani nkolo.
\v 23 Kpaa dinge ikokelaaka ino, batani loho la okeli ndjngo, te la okeleli wato, kaasi omokeleli nkolo.
\v 24 Late weewini ate okototanilibula nda libondja la mawo ma nkolo. mokelelakani nkolo kilisito nda waombo.
\v 25 La inde ongo okeli obe okotota libondja la obe okeli inde; okawi la wato eti.
\c 4
\cl Esuki esungu 4
\p
\v 1 Ino iloko, wongelekeni sambo dja waombo djanu la osembo la akili, angoewi ino ate odjeinila nkoloongo likol.
\p
\v 2 Djaani la mahadja lyatatake; banyani eho la otondi.
\v 3 Yatatani mpe la tna eesu, late Engali atoluhuele mohule la tina e luundo, laate yeenge la okeli otomu o kilisito, laate idjei ongo woowe.
\v 4 Laate ihule eho la hoho nda ewongi uho la mbai ohuhi.
\p
\v 5 Djaakani la wizaleli wa akili liwoso la wato wa saa, tumisani mwengele monu.
\v 6 Dhee ate luundo wonu wodje la ngolu, la olele omokpa mwengele kpaa ate weeweni nga la ino owongweseli wato kpaa nda luundo.
\p
\v 7 Tukito akowaaselani sambo kpaa dja mbai. Inde manima mabalani motuke mo sembo, motuke molikumu la mbai mongindi.
\v 8 Imotomi yaino la loi uho bii laate oeweni sambo djasu mpe atitimese loho djanu.
\v 9 Onesimo, moto e osembo mpe ongo oonu mwesi, akodja la inde mongindi akowaselani sambo kpaa dinge idjei ala.
\p
\v 10 Alizitalani ongo ohelami la mbai mongindila Balanaba ototikani monoko la tina eende, inga akohuma aatie ino moswamelani.
\v 11 Yesu, ongo owelami Yusutu, aotomelini mobaali ndi wato waho watenami ngenga wa ndondo e wakelami wa mbai la okumu o Mwengei. watatika la mbai.
\v 12 Epafala ongo oonu, aotomelini mobale. inde motuke mo Yesu kilisito; akosanaaka la oyatati la tina eenu ate oyamale ngwi la weengi laate weeweni olamu sambo kpaa la mokano mo Engali. e esosoli bii.
\v 13 Ikoki omotatweli ate odjei la odidi bii la tina eenu mpe la iwo la odikiya mpe la iwo la yelapoli.
\v 14 Luka moswi ndjolo mobalami, aotomelini mobale, la Dema ndenge kikima.
\p
\v 15 Haani mobale la wamangbasu wango wajdei la odikiya pele Numfa mpe la lingomba linge lidjei la Enguta eende.
\v 16 Inga eheele engbata ekodendama yaino la lingomba laodikiya ndenge kikima, ino mpe tanga ehbe ekotoma mbai tango la laodikinya.
\v 17 Aasani la Alakipi ate, wongele la lotomu litoti owe yainde ndakesi, laate otumese.
\p
\v 18 Wohimobale, mbai Polo, la ewo e mbai amene. otiwosanakeni ya mbai magba edjei la ino.