bbm_reg/51-PHP.usfm

\id PHP
\ide UTF-8
\h Pilipo
\toc1 Pilipo
\toc2 Pilipo
\toc3 php
\mt Pilipo
\c 1
\cl Esuki Esungu 1
\p
\v 1 Polo la Timote, wato wa wotomu wo Yesu Kilisito, la wasato kpàa la Yesu Kilisito, wango wandjéi la Pilipo, waeveke ase la wadi akono.
\v 2 Wouma wosungu la logoo e Mwengéi sangbasu, la Likumu la su Yesu Kilisito endjé la ino.
\p
\v 3 Ikowongosaka matondi atie e Mwengéi o mbai mbala kpàa ndjinge ikomungwakani mbai.
\v 4 Ideiti, wakongi wo mbai kpàa a likambo lanu.
\v 5 Eemeseli mbai alikambo ate otolalini endjili, obandi wuse wopoo teendi kekehele.
\v 6 Indimi memene ate ongo moto opotali la ino wuhuwu wotomu wolamu, akoumesa tee gboo tee wuse wo Yesu Kilisito.
\v 7 Ewongi wolamu yomu ngweni ndjongo ino kpàa, alikambo ate yokpalini la motema mombai, endje te la wouma wo mbai, la ndenge ehelami ino la ndiki ndja mbai, endjé te ndenge ekolingelelaka ino mboli ndamu la ndenge ekotutiaka ino nde kikima nda mbai.
\v 8 Alikambo Mwengéi andjéi demu e mbai, ango okowokakani mbai posa ino kpàa, a libalano la motema, la Yesu Kilisito andjéi la woho.
\p
\v 9 Nde eho ekwongoko mbai la wakongi wombai alikambo ate libalano lanu lidjéi ndi likotaliana ndi otaliana ngbii la woewi ase la lokenge wosungu.
\v 10 Alikambo ate woeweni ndjinge bndamu ndamu, alikambo ate ondjeni hoholo ase otiwabingese wato wadi ekikimi la wuse wo Yesu Kilisito.
\v 11 Otumeni la pukapuka ewo memene enge endjéi atie Yesu Kilisito, alikambo la ongengi la etemia atie Mwengéi.
\p
\v 12 Ibali ate ino weweni, ino wamanima enge ema endjumeli mbai sikahala, alikambo ate mboli ndamu eke liwo.
\v 13 La ndjoongo wohelami wo mbai woeneni ngbai wiati kpàa, la woewi ate la likambo la Yesu Kilisito nde ehelami mbai la woyogo.
\v 14 Ase wamanima ndondo e Likumu, ndjani la egala la likambo la wohelami wo mbai, ondjéi la egalala esungu, la likambo la wasi mboli ndamu te ondjéi la owangi.
\p
\v 15 Endjéi memene, wadi wato wako mosakolaka Kilisito la otonani la Elimo e misio, kasi wadi wakosakolaka la mamungwene malamu.
\v 16 Wango wa mamungwenema lamu wakomosakolaka la libalano, la woewi ate indjéi ango, la likambo la woewi ate indjéi la owasi Eva ndjili.
\v 17 Alikambo ndjongo ekokelana la Elimo e mosio omosakoli Kilisito la ndenge ewongiti, alikambo wandjumeselaka mbai wodidi la endjéi mbai la woyo.
\v 18 Nda ema? La ndenge kpàa endje te moleho endjé te memene, Kilisito akosakolamaka yemeli la yemeli ngbii.
\p
\v 19 Alikambo yewi ate eho ekohekele mbai mokalo na la ndenge ewakongi wonu, ase la Elimo Yesu Kilisito.
\v 20 Eho ekani la wolambeli wo mbai makasi, la lomungo wo mbai, itooka nsoni te wokeke kasi sikala te la masio kpàa Kilisito akokumisama la wenge wambai la wondimi wo memene, endjé te la mokalo mombai, endje te la logo wombai.
\p
\v 21 Alikambo ate Kilisito andjéi mokalo mo mbai ase logo wondjéi la litomba.
\v 22 Kasi inga endjéi la litomba la wotu wo okali la wenge, yewiti enge ema ease mbai la enge ebatzelaki mbai ma mungwene.
\v 23 Indjéi la mamungwene male indjéi la omungoi la mbai okii ase okandjéi la Kilisito ebete eikima enge endjéi wolamu.
\v 24 Kasi alikambo lanu endjéi wolamu ndiate mbai indje ndi la wenge.
\v 25 Ase indimi la wabati la ino ase indje la ino, ase obeke ondjeeni la mwemu mo ondimi atie nu.
\v 26 Alikambo ate la owongoi wo mbai atienu, okondjani la wakumesi la ndondo e Yesu Kilisito.
\p
\v 27 Saate asombesani la ndenge ndamu e mboli ndamu e Yesu Kilisito, la ate indje odendini tate inga itindee, yoke mboli ate wamalini wolamu la elimo eho eikima la osaneli wo molimo, la wondimi wo Evandjili.
\v 28 La likambo ate itiotikeni ate wato watiobeteleni la wato wabe, enge endje atie ewu elembo ewungake, kasi atie nu ma sandjoli.
\v 29 Ase ndjongo la atie Mwengéi, ango okondji ino lipamboli la ndenge Kilisito te saate la omondimeli inde kasi alidi la woeni wodidi a likambo lande.
\v 30 La osani kindo esi enge endjé melini ino mbai ikosana nda ekokaka ino sikahala atie mbai.
\c 2
\cl Esuki Esungu 2
\p
\v 1 Eho inga ndondo enu ma osungami odjéi laate odjéini mwesi la Kilisito, inga ma mwemu elibalano edjéi, inga odjéi mwesi la elimo edjé, inga ma libalano e motma la magba edjéi,
\v 2 Tumisani mbai la mwemu, la odjéi la iyelo likima, la libalano likima, la molimo moiki, a, la lomungo moikima.
\v 3 Otikelakeni ema teeti la oswameli inga la lokumu lodjangi tina, kasi oyadjimisi ewodendese weeti nda wadjéi likolo la ino.
\v 4 Moto kpàa ndondo e ino atiyewe lifuti lande kasi lifuti la wiino wande.
\p
\v 5 Djaani ndondo eyino la ma muyo mango madjaali Yesu Kilisito la mango.
\q
\v 6 Adjéi nda Mwengéi, kasi atiya engemeseli la Mwengéi nda ema epwesake.
\q
\v 7 Kasi aya wumisali pamba, la ototi ekaleli e watuké, la owumi nda wato, a enanali nda moto molamu.
\q
\v 8 Aadjimbi indé amene, andimisali tee la logo, tee la logo eekulusu.
\q1
\v 9 La ndjongo Mwengéi amotombolali likolo, alidji amohali kombo enge eeti kombo kpàa.
\q
\v 10 Laate la kombo e Yesu mawuli kpàa magumbani la likolo, ala ambumé te sese embume.
\q
\v 11 Alidji minoko kpàa miase te Yesu Kilisito djéi Likumu la okulu e Mwengéi wawa.
\p
\v 12 Ndjongo, wa manima wa libalano, la ndenge ekotosakani ino, batani la lotomo lilonga lonu la owangi alidji la ongilimi, etidje saa ndenge edjali mbai, kali olamu ndenge etikine mbai.
\v 13 Laate Mwengéi moto opumisi etiye ino obali alidji okei ndenge eemeli nde.
\p
\v 14 Kelani ema kpàa te la ondungwami te la okotoli.
\v 15 Laate odjéini wato wadjangi ekweli, alidji wadjangi lisumu, wana wa Mwengéi wadjangi ekweli ndondo emaliye ma atengi alidji maagumbi, okopumbisaka misa nda monoto ala amoki.
\v 16 La mokpali mo eyaseli emokalo, alidui ekokaki awakumisi, la lisiyo e Kilisito, iti tila li obangu pamba, alidji itikelali otomo pamba.
\p
\v 17 INga makila ma mbai enge esi ate mokalo mo mbai ekosuakana nda ebili enema enge ehekeliwo makayo, enge ekoyeneseke ondimi onu atie Mwengéi inga eingi odjéi ndjongo, edjéi la mwemu, ase ino kpàa owemelini ndondo e mwemu ebete eikima la mbai.
\v 18 Inope, emeleni ino amene, alidji emeleni la mbai.
\p
\v 19 Imungoli ndondo e Likumu Yesu aotomeli sikandjo Timoteyo, laate molimo mo mbai motume la owemeli la oyoki sambo djanu.
\v 20 Laaate iti la moto oweti ongo adjéi la momungo nda inde, ongo odjéi owa tungisi la tina enu.
\v 21 Iyo kpàa, wakolukaka olamu owu amne te enge e Yesu Kilisito.
\v 22 Oyewini te ayetali la omekami, la owahi la otomo omboli ndamu la mbai, nda mana la sango.
\v 23 Ibundayi omotomi etiyeino tango ikoyewa ndenge edjéi mbai.
\v 24 Alidji idjéi la ondimi ndondo e Likumu ata mbai amene igeleli mbuse etango ekeke.
\p
\v 25 Iyeni olamu owotomelini manima Epafolodite, mongindi mo mbai mo otomo alidji Soda nda mbai, moto olo omotomi alidji motuke mombai penza la ndenge eposa e mbai.
\v 26 Laate adjéi la posa la oyeneni la ino kpàa alidji adjéi la magba ngbi la ndenge eyokini ino te adjaali la ekoni.
\v 27 Adjaali la ekoni, pendja, pene elogo; kasi Mwengéi amoyokelali magba, te ndi la loi la inde, kasi la mbai pe, laaate iti tote magba likolo e magba.
\v 28 La ndjongo ekomotomaka gala gala, laate tango ekomoweneni ino oyemeli alidji magba ma mbai isile olamu olamu.
\v 29 Mayambani ndondo e Likumu la oyemeli kpàa, alidji kumisani ndenge ehele wato.
\v 30 Laate edjéi la lotomo e Kilisito, adjaali pene elogo, abatali molimo monde la likama laate akele olamu ehole enu la ndenge ino amene otini ala la okeleli mbai.
\c 3
\cl Esuki Esungu 3
\p
\v 1 La osukisi, wa manima emeleni ndondo e Likumu. Owongweli oodingeli sambo djinge edingali eti tungisaka mbai, kasi edjéi aate e obaneni ino.
\p
\v 2 Kebani la mbua, kebani la wato wango wakokelaka obe, kebani la wato wango watenani kombeni obé.
\v 3 La ewo, wato wango watnani kombeni olamu edjéi iso, wango tokomosambelaka Mwengéi la elimo e Mwengéi, laate tobate olendo osu etie Yesu Kilisito alidji totibate elikia esu ndondo ekaleli esu.
\v 4 La eho, mbai amene ikoki obati elikia embai la wenge wambai. Inga moto mwesi ongo okanisi ate akoki obateli wenge motema, mbai ibateli oweti.
\p
\v 5 Itena mate kombeni lisiyo e mwambi, idjéi moto o Isalayele, e moki mo Bezame, mo Yaebele owotami la wa Ebele; la enge edendi mobeko idjali Mofalisa;
\v 6 La enge edendi egalela, idjaali monyokoli mo lingomba; la enge edendi meemene e mobeko, idjali moto odjangi obe.
\p
\v 7 Te ndjongo ndji iho edjali la litomba, iheneli nda ema e wungake la loyi e Kilisito.
\v 8 Alidji iyewi kpàa te ewungi la enge edendi olamu enge eheti enge edjéi oyewi Yesu Kilisito Likumu la mbai. La inde indimi owungisi iho kpàa alidji idendeli nde idjéi osoto, ate itote Kilisito.
\v 9 Alidji edje la inde te la osembo ombai enge elongo, la mobeko, kasi la enge ekototamaka la ondimi KIlisito, osembo enge elongo e Mwengéi alidji emaemi la ondimi.
\v 10 Ate ikomoyewa Kilisito, la okulu e obasi onde alidji la owanesami la ma djidji mande la owumi ndenge kikima la inde ndondo elogo e inde.
\v 11 La owumi, la lolenge esi inga eeti, la obasi e wagui.
\p
\v 12 E asitite te itoti eho alidji te ewumi moto okoki, kasi ikobiliaka la oweni inga ikoki pe oheli ema ehele Yesu Kilisito pe ahelali mbai la eho.
\v 13 Wa manima iti eneke yo ate iheli eho, kasi edjéi la ema esi ikokelaka iwosani iwo inge idjéi mbuse alindji ikokelaka ndenge kpàa ate itote iho ndjinge idjéi liwoso.
\v 14 Ikokeke obangu tee la gbo la ototi likawo eoki liko ndenge Mwengéi aweli mbai lamboka e Yesu Kilisito.
\v 15 Eho, iso kpàa wango tokomei, todje la djinge ma bundo maeti laeti loyi Mwengéi okoenisani indo ma bundo mango ma wongi.
\v 16 Ndenge si, ebete edjéi iso, tosombe mboka kikima alidji tokale a oyokani.
\p
\v 17 Wa manima, djani ino kpàa wa bili wa mbai, alidji denda wango wadjéi osombi la ndenge ekoki la isombeli le etoni ino atie iso.
\v 18 La eho, wato ngbi wa awumesi wa nguna wa ekulu e Yesu iyowaselalini la anna eiwo, alidji ikokelaka sikandjo la oleli.
\v 19 Gboo e iwo, edjéi owungi Mwengéi iwo edjéi solo ndjawu, wakobataka lilonga lawu la enge ekowahaka soni wakodendelaka ndji sambo dja mu moki.
\v 20 Kasi iso todjéi wana wa moki molikolo, ongo tokolambelaka mokalesi mosu Likumu Yesu Kilisito.
\v 21 Inde akowongela alidji wenge wasu enge e magba la owumisi ndenge kikima la wenge wande e lokumu la okulu enge akobataka la Likumu la inde.
\c 4
\cl Esuki Esungu 4
\p
\v 1 Nde ndjongo, wabalani wa mbai, la wamanima, wango wakokaka mbai ehoha makasi, ndjani makasi atie Likumu, wamanima walibalano.
\p
\v 2 Ikomolendisaka Evodia, la ikomolendisaka Setise, wandjée la limungwene likima atie Likumu.
\v 3 La owe koto, mino o mbai o wotomu, ndi ndjongo, iwongi owaga mese wango wali waolali wenge wau la mbai mongindi alikambo la Evandjili, la kelema mongindi, la wino wa mbai wa wotomu, wango wadingami nkombo ndjawu la ekpata e mokalo molibela.
\p
\v 4 Emelekeni masio kpàa ndondo e Likumu; yasi alidi emeleni.
\v 5 Ate wodidi wonu wewane la wato kpàa Likumu aumia ahue.
\v 6 Otiatungesakeni la loité loeti, kasi la ndjoi ndja wakongi, la mwemu atie Mwengéi ewane.
\v 7 Ase logoo e Mwengéi endje eleki mamungwene kpàa ekobania mitema manu, la mamungwene manu, la ndenge e Yesu Kilisito.
\p
\v 8 Wamanima enge etikali eho lele, sambo kpàa ndja memene, sambo kpàa ndja etemia, sambo kpàa ndjinge iwongi, sambo kpàa ndjinge ikoki obalani, sambo kpàa a ndjinge yasani wolamu endjéi ase ema enge ewongi la etemia mine.
\v 9 Sambo ndjinge iyekolali ino ase ondimiani, ase okiani la woeniani atie mbai kelakani ndi ndjongo ase Mwengéi o logoo akondjàa la ino.
\p
\v 10 Indjéi mpendja la mwemu ngbii la ndondo e Likumu gboo eho alikambo ate; asusoliani mamungwene manu alikambo la mbai a loi lungo londjaki ino omungoi kasio ndjangalini nde ekikimi.
\v 11 Eti la wandjangi wo mbai nde ekwasaka mbai ndjongo, a likambo ate iyekolali, ondjéi la mwemu la ndenge endjéi mbai.
\v 12 Yewi solo ondjangi wiho, yewi solo ondjéi la wiho ebele la wiho kpàa, la sambo kpàa iyekoli ogbeti la ondjéi la ndjala, la ondjéi la wiho ebele, la ondjangi.
\v 13 La sambo kpàa indjéi la wokulu la wenesi la moto ongo opaka mbai woteteli.
\v 14 La ndjongo, okelalini wolamu la ndenge eneli ino wo didi la mbai mongindi.
\p
\v 15 Ino Wapilipo, ino mene woewini, lipotele la wasi mboli ndamu, ango elongwali mbai la Masedonia, lingomba téleti litigamesali mbai té litindimali mbai iwagamese, longose ndi ino.
\v 16 Okelalini la ndenge enu, otomelalini mbai wiho mbala epoo la ewale ongo la Tesaloniki la loi lo obali wo mbai.
\v 17 Easiti ate ikolukaka likao la engbalangbala, kasi ikolukaka la engbalangbala la pukapuka engo ekobekesa wondjwi wanu.
\p
\v 18 Ikongali wiesi kpàa, ase indjéi la wiho ebele, yemelisi kahala nda ekondji mbai wiho atie Epapolodi, wiho wingo wikandji ongo atienu, likao linge lindimami malasi ma lumba wolamu, likao linge lindimami atie Mwengéi.
\v 19 Ase Mwengéi ombai akoko kesa posa enu kpàa, la ndenge enge eengi eho la womengo la wongengi la ndenge e Yesu Kilisito.
\v 20 Sika ahala Mwengéi oosu, la sangbasu andjé la wongengi libela la libela, Amen.
\p
\v 21 Hekeleni mobale la monsato kpàa ango ondjéi la wabondi la Kilisito Yesu wamanima wango wandjéi la mbai waohini mobale.
\v 22 Wansato kpàa waohini mobale asa wango wandjéi la moguta mo Kaisala.
\p
\v 23 Wolamu wo Likumu, Yesu Kilisito wondjé la elimo enu.