bbm_reg/47-1CO.usfm

\id 1CO
\ide UTF-8
\h 1 Wakolito
\toc1 1 Wakolito
\toc2 1 Wakolito
\toc3 1co
\mt 1 Wakolito
\c 1
\cl Esuki esungu 1
\p
\v 1 Motomami la polo, ongo o welami ate adje mokpomeli mo Yesu Kilisito la nano e Mwengéi, iwo la mangbasu Sositene.
\v 2 La tina e lingomba la Mwengéi linge lidjéi la kolito, pe la wato wango wasombesamali la Yesu Kilisito ndondo e osatu, wa welami ate wadje wa satu, pe la wango kpàa, pe ibete kpàa, wakowawelaka wato la kombo e mokondji mosu Yesu Kilisito, ongo odjéi mokondji mohu pe mosu.
\p
\v 3 Nano mla logoo e sangbasu Mwengéi pe e mokondji mosu yesu Kilisito edje la ino!
\p
\v 4 Imohaseli o mbai Mwengéi mwemu mo mbai la tina e ino la likambo la nano enge ohi Mwengéi la tina e Yesu Kilisito.
\v 5 La ndenge eho, la tina e inde otumali ni la iwo ndenge la ndenge, kasi enge eheti edjéi liloba pe liyewi la Mwengéi.
\v 6 La ndenge ate matatoli ma Kilisito mayabatesali ngbi atie ino.
\v 7 Inga tolanda olamu, odjangiti te nano esi, ino wango wakolambelaka lisio likowongwa mokondji mosu Yesu Kilisito.
\v 8 Ndi inde koto moto okohumesa oyambi otetelake te gboo, la likambo ate otisambesame lisio la mokondji mosu Yesu Kilisito.
\v 9 Mwengéi o sembo, inde moto owelali ino ate okale ndenge kikima la mana onde, Yesu Kilisito mokondji mosu.
\p
\v 10 Iyatombi la ino, wa manima wa pele la wa wali, la kombo e mokondji mosu Yesu Kilisito, ate odja ni ino kpàa ekpomeli esi okawani etidje atie ino, kasi huma ni moto mwesi la molimo pe la mabundo manu.
\v 11 La ndenge eho, wa manima wa pele la wa wali, iyekoli la tina e ino, ati e wato wakodjaka ebete ekikima iwo la kolowe, ate odjangi oyokani edjéi ati e ino.
\v 12 Ibali ohasi ango ate moto la moto kati e ino akohasaka ate: «mbai, ibali Polo!» «pe mbai, idjéi moto o Appolo!» «: mbai, ibali Sefasi!» «pe mbai, o Kilisito:»
\v 13 Kilisito akawani? Polo abakemali la ekulusu la tina e ino, obotesamali ni la kombo e Polo?
\v 14 Ihi matondi ati e Mwengéi la likambo ate itibatesali moto to eti kati e ino, olongosi ndi kilipusu iwo la gali yusu.
\v 15 INga tolanda olamu, moto toeti akoki ohasi ate ibatesali la kombo e mbai Amene.
\v 16 Ibatesali koto liwota la Setefano. Dinge itikali, ndenge eyewi mbai imobatesiti moto te mokikima.
\v 17 La osembo, eti likambo la obatesi nde etomi Kilisito mbai, edjéi la ate isakole liloba la inde, pe te la ndenge e okeleli owanya ekpomelake, la ate ekulusu e Kilisito etisile nguya eho.
\p
\v 18 La ndenge eho, mwendi mo ekulusu modjéi boli atie wato wango wabitami, kasi iso wango wa kali, modjéi nguya e Mwengéi.
\v 19 Dinge itikali, ekomami ate: ikosalamatesa owanya e wato wa owanya pe ikosesela lokenge ati e wato wa lokenge.
\p
\v 20 Eni edjéi moto o owanya? eni edjéi moto ongo obimianeli mibeko? eni edjéi mokpomi molamu e mu Mwengele? Mwengéi atindimese ndenge e boli owanya o mu moki.
\v 21 La likambo ate la tina eheele owanya moki moti yewali Mwengéi tango edjakali inde odengi owanya onde, e mowongeleli Mwengéi ate awakalese wango wamondimeli kati e boli e masakoli ma inde.
\v 22 Wa Yuda wakohongoko sambo dja kamwesake wikamwa pe W ageleki wakolukaka owanya.
\v 23 Kasi iso, tokoteyaka la tina e Kilisito ango obakemali la ekulusu, ati e wa Yuda lidjéi loi lobe pe ati e wato weti wato wango wati wa Yuda lidjéi boli.
\v 24 Kasi nguya e Mwengéi la pe owanya o Mwengéi la tina e wango wa welami, wadje wa Yuda te wa eti wato.
\v 25 La ndenge eho, boli e Mwengéi idjéi owanya oheti wato pe olembi o Mwengéi edjéi nguya oheti wato.
\p
\v 26 Totani, wa manima wa pele la wa wali, owelami oino amene: eti kati e ino la wato wa owanya ngbii ndenge ekodendalaka wato wa moki, te wato tetelake, te wato wasungu.
\v 27 Kasi Mwengéi ahonoli iwo dja boli dja mu moki la ate ahenese soni ati e wato wa owanya, pe Mwengéi ahondi iwo lembeke dja moki la ate ahenese soni ati e wato telelake.
\v 28 Mwengéi ahonoli iwo dja sese pe djinge itibatelaka wato mitema ahala la mu moki, djinge iti la tina te eti, la ate adjangese tina djinge idjéi la tina.
\v 29 La ate moto te oeti atikele lolendo liwoso e Mwengéi.
\v 30 Edjéi la nano e inde nde ewumi ino wato wa Yesui Kilisito, inde ango owumi, la ndenge e Mwengéi, owanya wosu, osembo woiso, tina e o satu wosu owanya wosu mosikoli mosu.
\v 31 La tina ate, ndenge ekomami eho, moto obali ohenesi endjombo abate endjombo e inde ati e mokondji.
\c 2
\cl Esuki Esungu 2
\p
\v 1 Ngambo e mbai, manima o) ele la ongo omoli, tango edji mbai e wanu, eti oyatomboli la ekpomeli to la owanya lokenge edji mbai o owaseli sambo dja Engali.
\v 2 La likambo ate, itatoli mokano moyewak ebete e ino ndi Yesu Kilisito pe ndi Yesu Kilisito ongo obakemali la ekulusu.
\v 3 Idjakali dee, moto o mbangi pe moto ongo okogbagbaka la mbangi ati e ino.
\v 4 Makpomi la matio ma mbai mati yabatelali ndi lehi e owanya e wato wa moki kasi eyabatelali oheneni elimo la pe nguya e Mwengéi.
\v 5 La ndenge eho oyambi onu oti dje la likambo la owanya e wato kasi la nguya e Mwengéi.
\p
\v 6 Kasi edjéi pendja owanya ekoteyaka iso oti ewato wango wabekesika mamungo, kasi owanya oho oti lo ehele tango pe lo makumu ma ehele tango, wango wa yewi ndi sambo dja mbitesi.
\v 7 Bee, tokohasaka owanya e Mwengéi linge lidjéi matata pe lihisami, linge liwongesemali la Mwengéi yambo e tango kpàa la lokumu losu.
\v 8 Ehele ownya, likumu te mokikima o eyewali la likambo ate, inga wa yewali, nda watimobakali Yesu mokondji mo lokumu la ekulusu.
\v 9 Kasi, ndenge ekomami eho, linge liheneniti la liso, linge liyokaniti la matoyi, linge liteliti la motema mo moto, Mwengéi a elengeleli wato wongo wa mobali.
\p
\v 10 Kasi, mwenge, aelumboli ati esu, la mboka e elimo e inde, la likambo ate, elimo ekoheneke kpàa te linge lindjéi ndondo e Mwengéi.
\v 11 La ndenge eho, ndai kati e wato ayewi mabundo ma moto inga etidje ndi molimo mo moto mungo modjéi ati ende? ndenge ewo moto toeti akoki oyewi mabundo ma Mwengéi, inga eidje molimo mo Mwengéi.
\v 12 Kasi iso, tototiti elimo e moki, kasi elimo enge di atie Mwngéi, la likambo ate toyewe sambo ndamu etohekeli Mwengéi la nano ende.
\v 13 Pe tokoehaselaka te la maloba mongo makoteyamaka la owango e wato, kasi la linge lite yami la elimo satu. Ndenge eho tokokpomaka ekpomeli e molimo la ate tokpome samùbo dja molimo.
\v 14 Kasi moto ongo owotami atindimaka linge likodjaka atie elimo e Mwengéi, la likambo ate lidjéi nda boli atie moto, ati pe la makoki ma o tangoli dinge sambo, la likambo ate likoki odengami la ndenge e molimo.
\v 15 Moto ongo osambesami la elimo, akodendaka sambo kpàa pe inde amene atisambesama la moto te mokikima.
\v 16 La ndenge eho, moto ongo oyewi lobundo e mokondji pe akoki o eteyi ati e waeti wato? kasi iso, todjéi la lonundo lo Kilisito.
\c 3
\cl Esuki Esungu 3
\p
\v 1 La mbai, wamanima, itikokaliti owasi la ino nda wato la Elimo, kai nda wato dja moyini, nda wana wakeke la ndondo e kilisito.
\v 2 Iyekeleki ni ino mawele, kasi ema elakake tée laaté waindjalini mpendja la okulu té; ase sikalandjo pe wootini pe la okulu té laaté wandjéini wato wa moyini.
\v 3 Laa té, nda uwa pe owii edjéi ndondo eenu, laaté wodjéini o wato wa moyini, pe wodjéini osombi nda ndenge ekosombaka wato?
\v 4 Laaté ango mwesi asia: Mbai, edjéi moto e paulo! pe weeti: Mbai, Apolosi! wotini nda wato te?
\p
\v 5 Kasi Apolosi adjéi ndai, Paulo adjéi ndai? wakeleli wango la mboka ewu waumaki wandimi nda Likumu ayekeleli moto la moto.
\v 6 Mbai iyonali, Apolosi aswali malia kasi Mwengéi andjaali obekesi.
\v 7 La ehoo moto ongo okoonaka atii ema ndenge kikima, la ongo okoswaka malia, kasi ndi Mwengéi moto ongo okobekisaka.
\v 8 Kaikwasi moto ongo akoonaka la moto ongo akoswaka malia wadjéi ndeng kikima, kasi moto la moto akolia mbano eende atutye otomo enge keli inde.
\v 9 Laaté tondjéi wato wango wango wakokelaka ebete kikima la Mwengéi. ino wodjéini elanga e Mwengéi, enge edjéi ohanani la mongu la monguta e Mwengéi.
\p
\v 10 Odengeli libalano mosungu e Mwengéi enge eenesi inde atye mbai, ibatali mawo nda mobateli djaa tomo ongo adjéi moto okenge, kasi weti moto akomaaka likolo laho kasi moto la moto angatale la ndenge enge akomaaka likolo lahoo.
\v 11 Ango moto te mwesi akoki obati makoli eeti longwese ndi enge ebatelani, oolo edjéi Yesus Kilisito.
\v 12 Kaikwase, inga likolo la makoli ehoo moto amayi e wolo, la wambele, la mabukeli ma motuya, la mabaya la matiti, la ndele tomo la moto la moto ekoenene.
\v 13 Laate wuse ekoenese ehoo, laaté ekoenene la mboka emisa nde ekoenese ndenge tomo e moto la moto edjéi.
\v 14 Inga tomo enge moto amayi likolo la mokili enge tikali moto ehoo akotota mbano.
\v 15 Inga otomo e moto elongolia, moto ehoo akotikala wawoo pamba, kasi akokala; kaikwase inga ndjongo ekondjaa nda aeti la misa.
\p
\v 16 Woyewiti ate ino wodjéini tepelo e Mwengéi, pe ate elimo e Mwengéi eyabati ndondo eenu?
\v 17 Inga moto abitesa Tepelo e Mwengéi, Mwengéi akomobitesa; alikambo Tepelo e Mwengéi edjéi e Santu Tepelo ehoo nde ino.
\p
\v 18 Moto atiyakose te: inga moto mwesi ndondo enu akokanisaka ate adjéi moto elokenge la engele, eele ndjoo aume ekete, laaté aume moto elokenge.
\v 19 Laaté lokenge wo mokii ndjo wodjéi ekete a maiso ma Mwengéi. laaté edingama ate akoelaka wato wa lokenge la ndondo e mayele mbee djau mene.
\v 20 Aleeti Mwengéi ayewi ate mamungo ma wato; dja okenge edjéi pamba.
\p
\v 21 Laehoo Moto atiya telese la tina ewato; a tina wihoo kpàa widjéi eenu.
\v 22 Edje te Paulo, te Apolosi, te Cefa, te mokii, te mokalo te ogwi te wihoo winge widjéi sikalandjo, te winge wikodja.
\v 23 Wihoo kpàa widjéi djanu; kasi ino wodjéi wato wa Kilisito, pe Kilisito adjéi moto o Mwengéi.
\c 4
\cl Esuki Esungu 4
\p
\v 1 Moto, atodendele iso até todjéi wakeli wa sese wa Kilisito, pe wa baleli wibombamo e santo e Mwengéi.
\v 2 Aleeti, la sambo enge, ema enge wakolukaka atye wabateli, edjéi ate moto aenene olamu.
\v 3 Kaikwase la mbai, idjéi sambo mwesi kekee atee esambesame ino mene, tee la makumu mwesi djaa wato tee mbai pee itya dendelaka mbai meene, laate etieneke ema teeti té.
\v 4 Ango eti la ndjongo nde ikosambisamaka. Ongo okosambesa mbai, edjéi Yesu.
\v 5 Laehoo otisambese ema teeti liwoso la hengele ehoo, tee ekodjaa Yesu, inde ongo okoumesa la hohoo sambo enge eyahisii la likolo, pe akoenese hohoo sambo dja mitema. pe la engele ehoo moto la moto akotota ebete ende edjii atye Mwengéi.
\p
\v 6 Kaikwase likambo lanu, wamanima, iyenisi ding sambo andenge eumsi ehoo ndakisa enge edjéi ohaseli mbai mene la enge Apolosi la olamu lanu pe la tina iso ino yekolani enge toaselini wotikeni lihele oweti sambo enge edingami, alikambo mwesi mwesi atye ino aitume la elolo pe otiyeneni ate moto djoo aheti moto djoo.
\v 7 Laate ndai awohengemenesi la weti? ndema enge odjéi laehoo enge wati ekeleli owe owekele? kaikwase inga wahekeli owe owekeli, lande okoyakamesaka, nda ndenge watiohekeli owe?
\p
\v 8 Nda ino wotumikani! ango wohumikani wogumake! iso totii ino mene abandikani oyamaleli pe ikoemel ate wobandeni oyamaleli laate iso pe toyomalele ebete kikima la ino.
\v 9 Ango Mwengéi, alali iso watomami wande la ebete egboo nda wato wango wayabati likambo la logo. Laate toumia ema dengake liwoso la mokii liwoso la wahumbwa pe liwoso la wato wa mokii.
\v 10 Iso todjéi wikete a tina e Kilisito; kasi ino wo djéini wato wa lokenge ndondo e Kilisito; iso todeki kasi ino wodjéi la okulu. Ino wodjéi la nkombo ndamu iso todjéi la nsoni.
\v 11 Tee la wengele, nge tonyokwamaka oyoki nzala, pe leeti la posa emalia; la odjanga ewisindje, pe obingamibingami, la odjangi ebete yabatake.
\v 12 Pe oeni odidi la tomu enge tookelaka la mawoo mau mene; ango wakotangakolaka iso toko wapambolaka; inga wakotoeneseke odidi tokonangaka motema.
\v 13 Ango wadjéi obitesi lokumu lasu, tokoya komboko, toumia nda isokisoki dja mokii, ema enge etonani la wihoo kpàa, tee sikalandjo.
\p
\v 14 Ikodingaka dji sambo djo deeke likambo oyokisini ino soni; kasi la oyangatalanisi ino nda wana wa mbai wa libalano.
\v 15 Inga, tee wodjéi la watiesakoli nkoto liomo(10,000) ndondo e kilisito meemene wotini la wa sangbanu mingi, la ndondo Yesu Kilisito mbai iwumia sangbanu la mboka e mboli poti.
\v 16 Andjongo edjéi oyakombi la ino ate woume watutiani wa mbai.
\v 17 Andjongo ikotomelakani ino Timotee laate adjéi mana o mbai la libalano poe la osembo ndondo e Likumu pe ikoobundolelani ino ndenge embai okeli otomo e Yesu Kilisito ndi la ndenge ikotyesakolaka wibete kpàa pe la masambo esi la esi.
\p
\v 18 Wato weeti wakundia la elolo, nda ndenge etidjaka atie ino.
\v 19 Kasi mbuse ema masio mokeke ikodja atie ino, inga Mwengéi abala, pe italuke ate iyewe owasi e wango wadjéi okundi la elolo, kasi ndi ekulu eewu.
\v 20 Kasi likumu la Mwengéi eti sambo la owasi kasi sambo la okulu.
\v 21 Wobalini nde? idjéi atie ino tee la libalano pe la Elimo oyadimbesi?
\c 5
\cl Esuki Esungu 5
\p
\v 1 Toyokya owasi atye ino Pite, ndenge ehele Pite eyidjaka atie mikii; laate mwesi atye ino atotia moli osango.
\v 2 Pe bobandini oyumi otumisani la elolo! wopotaliti odjéi ndondo e magba, laate molome ongo akelia sambo ehoo alangwe tye ino?
\v 3 La mbai, tee la wenge itite kasi la elimo Santu idjéi, iyasambisi ngaa nda indjaali ango ongo okeli enge sambo.
\v 4 L kombo e Likumu Yesu, ango wokogbotononi la Elimo embai pe la okulu ohosu Likumu Yesu.
\v 5 Ekeleni Satana moto ehoo latina moyini monde mobitesani, laate Elimo ekale la lisiyo la Likumu Yesu.
\p
\v 6 Tina enge wodjéi oyatelesi. eti olamu te woyewiti atee levile makeke ekohumesaka mokpodo mosungu efaline.
\v 7 Longweseni levile egala, laate wohumeni mokpodo poli e faline, nda mosisa telesake eti te atye ino laate Kilisito eheteli djasu ayeklami mbeka.
\v 8 Tokeliti lipati ehoo, la levile gala, la levile sambo mbe pe e windjaleli mbe kasi la okoke eti la levile e osembo pe olamu.
\p
\v 9 Iyo dingelakini ino ekpata ate dee oyabatini la wato epite.
\v 10 Epoti owasi ate to dee oyabati la sambo kpàa la wato epite dja mikii, pe wato elitema la wango wakopwesaka, la wakombi witota; inga ndjongo ewongi ate wolongweni a mokii.
\v 11 Sikalandjo idingelini ino, ate dee oyabati la moto kpàa ongo owelani manima, ongo odjéi moto opite, te moto o litema, la ongo akoyakombeke la etota la motangi la mokengi omana ongo okopwesaka woilakeni ebete kikima la ongo moto okokelaka dinge sambo.
\v 12 Laate osambisi wato e saa, edendi mbai la nde? ino wotisambesakeni wato wa ndondo?
\v 13 Ango wango wa saa, Mwengéi akowasambesaka longweseni moto obee atyye ino.
\c 6
\cl Esuki Esungu 6
\p
\v 1 Inga moto mwesi ati e ino adja la nongo e manango nda ndenge ekoki inde ohongi osembo kati e wato wadjangi osembo odei wato wango wa mitema milamu?
\v 2 Oyewiti ni ate wato walamu nde wakotena sambo dja wato? kasi inga edja ate ino wato wakosambesa sambo dja moki, oti ni te la makoki matenake sambo dja litomba likeke?
\v 3 Oyewiti ni ate iso tokosambesa te wa andjelu la nda ndenge etikoka iso sambo dja omoi o wato!
\v 4 Kasi inga odja la nongo enge edengi sambo dja moki okototakani wato wango wayewani ti la lingomba!
\v 5 Ihaseli la osoni honu. Ndenge eho ti la moto te mokikima kati enu ongo okoki osambesi kati e wamanango!
\v 6 Ndenge eleti, manango wakolingelaka la sambi, pe liwoso la wato wango wa ndimiti Mwengéi!
\p
\v 7 Ango edjéiga ndondo e ino okwi omemene inga odja la sambi manango la manango. Nda ndenge etikokaka ino sambo ndjangake osembo? nda ndenge etiyadeleke ino la opwesami iwo?
\v 8 Kasi edjéi ino ndenge heti wato wakokelaka sambo odjangake osembo pe wakopwesaka iwo te wa mangbanu wa pele la wali wakowakelilaka ino dinge sambo ndjongo!
\p
\v 9 Oyewiti ni ate wa djangi osembo watilingela la okondji o Mwengéi? oti ya kosame ni ango: te wango wakokalaka la osoni lo moli la moto pele, te wato wango wakoyakukolaka wenge, te wato wango wako ikanaka moli la moli, molome la molome.
\v 10 Te wato wa iw, te wato wango wakolukaka ndi odjui o ngbii, te wato wa milangwa, te wato wakobitesaka lokumu la wino wau, te wato wango wako wanyoloko wino wau ate wa walukele, iwo kpàa watilingela la okondji o Mwengéi.
\v 11 Njongo edjakali ni kasi weti wato ndondo enu kasi wa okpolikga ni, kasi wa otolika ni wa satu, kasi wa otolika ni wato wa osembo la kombo e mokondji mosu Yesu Kilisito pe la elimo e Mwengéi.
\p
\v 12 Sambo kpàa endi mesameli mbai, kasi sambo kpàa eti la litomba; sambo kpàa endimesaneli mbai, kasi iti yadehela okondjami la sambokpàa edja te woni.
\v 13 Laka idjéi olamu la solo pe solo koto edjéi olamu la tina e laka Mwengéi ako ebitesa kpàa. Kasi wenge eti la likambo la osoni omali la moto pele; wenge edengi mokondji, mokondji koto odengi.
\v 14 Kasi Mwengéi, ongo omasekwi mokondji mosu akotosekwisa pe la nguya e inde.
\p
\v 15 Oyewiti ni ate wenge djanu widjéi iteni dja wenge e Kilisito? mbai ikoki ototi witeni dja wenge e Kilisito la okeleli witeni dja wenge e moli o ndumba? itikela ndjongo te.
\v 16 Oyewiti ni ate moto ongo otbalani la moli o ndumba owumi wenge kikima la inde? la ndenge eho, ehasami ate: iwo wale wakouma moto mo kikima.
\v 17 Kasi moto ongo oyabondi la mokondji adjéi limo kikima iwo la inde.
\p
\v 18 Tila osoni lo obondi wenge moli la moto pele. Madi masumu kpàa makeli moto madjéi saa e wenge e inde kasi ongo oyahekeli la osoni obandake wenge moli la moto pele akeli lisumu ndondo e wenge e inde amene.
\v 19 Otiyewali ni ate wenge djanu idjéi Tepelo e elimo satu? enge edjéi la ino pe enge edjwali ni ino ati e Mwengéi. Otini wato la tina e ino amene.
\v 20 La likambo ate osikolamali ni la motuya mosungu hekele ni lokumu ati e Mwengéi la wenge enu pe la molimo monu mungo modjéi mo Engali.
\c 7
\cl Esuki Esungu 7
\p
\v 1 La tina e makambo makomelali ino mbai, edjéi olamu ati e moto pele ate atimoike moli.
\v 2 Kasi la ate otile osoni kpàa lo obondi wenge moli la motopele, ewongi ate motopele kpàa adje la moli oinde pe moli kpàa adje la molome oinde.
\v 3 Ewongi ate moto pele amohekele moli oinde libalano likoki la inde pe moli akele ndi ndjongo ati e molome onde.
\v 4 Eti moli moto odjéi likumu la wenge wa iinde, kasi molome onde moto odjéi likumu. Ndenge kikima, motopele ati likumu e wenge ende, kasi moli onde.
\v 5 Othumelane ni wenge moli la molome, inga eti dje oyakomi onu la ma ngonga, la ate oyaheleni la okilipela mabondli; mbuse wongwani ebete kikima, la mbangi ate Satana otiomeke la likambo la odjangi oyabanyéi.
\p
\v 6 Ihasi ndjongo nda oyokani kasi eti nda mobeko.
\v 7 Ibalali ate moto kpàa adje nda mbai; kasi moto la moto atoti likawo la inde atie Mwengéi moto la moto la ndenge e inde.
\p
\v 8 La wango waikaki yo pe la wali wagwelui pele, ihasi ate edjéi olamu la iwo odjéi nda mbai.
\v 9 Kasi inga watikoka onangi motema, waike ewongi ate moto aike la ate atigbe la posa e wenge.
\p
\v 10 Atie ino wango waikiga ihi te mbai amene, kasi mokondji mosu, mobeko ate: Moli atikawane la molome onde.
\v 11 Inga moli akawaniga la molome onde, ati lingele kine lieti liwala, inga te ndjongo wawongele iwo la molome onde pe molome ati kawane la moli onde.
\p
\v 12 Ino wango waeti, eti mokondji mosu, mbai amene ohasi: inga ti la inde, ati kowane la moli onde.
\v 13 Inga koto moli aikani la molome ongo andimeliti Engali kasi andimi oyabati la inde, atikawane la molome onde.
\v 14 La ndenge eho, molome ongo ndimiti Mwengéi mbano e osantu lo moli onde, pe moli ongo ondimeliti Engali akodjwa mbano e osatu e molome onde; la ndenge eheti Engali akodjwa mbano e osatu e molome onde, la ndenge eheti, wana wau watidja opeto, kasi ndenge sikisiki wadjéi wasatu.
\p
\v 15 Inga moto ongo ondimeliti Mwengéi abali okawani la molongani onde okeli, manima opele te ongo omoli ayabonditi la inde Engali atoweli ate tokale la oboto.
\v 16 La ndenge eho, okoyewa nda ndenge, owe moli molome ow? pe nda ndenge ekoyewa owe, molome, inga okomokalesa moli owe?
\p
\v 17 Eheti ndenge, moto la moto akale ndenge e nano enge e mohi inde makondji ndenge e mbela edjwi inde ati e Mwengéi ehele nde ehi mbai ate etosame ati e mangomba kpàa.
\v 18 Moto mwesi atenamali kombeni, tango ewelamali inde? atodje ndi enge ndenge moto mwesi atitenamali komùbeni tango e welamali inde? ati tename kine kombeni alidi.
\v 19 Oteni kombeni eti la ema pe odjangi otenami kombeni eti koto la ema, kasi ema edjéi la litomba lisungu, edjéi otosi mibeko ma Mwengéi.
\v 20 Moto la moto atikale la ndenge edjakali inde la owelami wonde.
\v 21 Odjakali motuke ongo ewelamali owe? oti ya tungese kasi, inga okoki opumbi motuke, pumba ango libela.
\v 22 La ndenge eho, motuke ongo owelamali la mokondji adjéi moluhoholami e mokondji; ndenge kikima, moto ongo oti motuke kasi owelami la mokondji awumi motuke mo KIlisito.
\v 23 Isakolamali nila mosungu: Otiwume niu mituke dja wato.
\v 24 Manima opele la ongo omoli, moto la moto atikale ati e Mwengéi ndenge ewelamali inde.
\p
\v 25 La tina e waseka, iti la mobeko mo mokondji, kasi ihekeli ndenge eheni mbai, nda moto ongo odjui ati e mokondji nano e odjéi moto ongo omotateli inde motema.
\v 26 Hene ni linge liheni mbai olamu, la tina e ma masio e minga edjéi olamu moto la moto atikale ndenge edjéi inde.
\v 27 Obalani la moli mwesi otiluke ndenge e oseseli libalano lanu. Obalaniti la moli mwesi otiluke ndenge ehikake moli.
\v 28 Inga omoika moli, okeliti lisumu, inga koto moseka aikana wakoene minyoko la wenge djawu, ikolukaka ate iolongose la lungo loi.
\p
\v 29 Linge libali mbai ohasi, manima opele la ongo o moli, edjéi ate tango edjéi ekwe. Banda keke, wango wadjéi la moli wadje nda wato wango wati la moli.
\v 30 Wango wakolelaka nda wango waleliti, wango wadjéi la mwemu nda wango wati la mwemu, wango wakosombaka nda wango wati la ema teèti.
\v 31 Pe wango waheli nu moki la makoki mahu nda waheliti moki te, la likambo ate moki ndenge edjéi eho sikandjo ekoeta.
\p
\v 32 Kasi, ikobala ate atidje ni la mabundo moto ongo ohikiti akoyatungesaka mingi la sambo dja mokondji, la makoki mohemelesake mokondji.
\v 33 Kasi moto ongo ohiki moli akoyatungesa mingi la moki, la makoki mohemelesake moli onde.
\v 34 Edjéi mpe la okeseni atie moli o liwala la moseka: moseka akoyahaka la sambo dja mokondji la likambo ate adjéi mosatu la wenge pe la molimo, kaiko ase moli o liwala okoyakaka la sambo dja mu moki, la makoki mohemelesake molome onde.
\v 35 Ihasi di sambo la olamu wonu, eti la ndenge e ohekeli ino monga la mibeko, kasi la owaenesi ndenge ndamu pe ndenge o obati logo ebete kikima la mokondji.
\p
\v 36 INga moto ahene ate okeli sambo dinge eti mohelesa wose wonde la omodei aheke tango ende e oseka pe inga edja ndjongo, akele ndenge ekobala inde akeliti lisumu, wa koki o ikani.
\v 37 Moto ongo oyaheli la motemma monde, wa motomiti, la makasi kasi la ndenge ende amene, pe inga atota mokano inde amene ate ayabate likombe akeli olamu.
\v 38 Olandani, moto ongo ohikani la wose wonde akeli olamu, pe ongo ohikiti akeli olamu lohetake.
\p
\v 39 Moli a mangemi la molome onde tango edjéi inde la bomoi kasi inga molome agba, akotikala hoholo pe akoki ohiki molome ongo okobala inde, kasi linge liwala liwongi lidje la otosi Mwengéi.
\v 40 Ehele ndenge, mbai iyeni ate, moli akodja la mwemu ngbi inga ayabata ndjongo. Pe mbai koto, indimi ate idjéi la elimo Mwengéi.
\c 8
\cl Esuki esungu 8
\p
\v 1 La makambo ma ndengi nama ndjinge ndja ikubu la wa mangumba wa ikeko, isokpaa, tondjei la wewi. wewi wuho odengi makama maoweamene.
\v 2 Ongo moto aewa ema esi, awewitinda odjei enge ema.
\v 3 Ongo moto amuwa Engali, ayawi inde ame.
\p
\v 4 Laolaki nama djingedja dja ikubu, to ewiate iti la ikeko la mokili mpe to djei la muwengie moyize.
\v 5 La ate edjei la iwo iwelami na Engali, idjei likolo, mpe sese nda odjei ebele ewa mangumba mpe embele ewate.
\v 6 La iso, to djei la muwengei musi, wawa okodjaka okeli ino kpaa, mpe to djei la monga monde musi, okeli owo kpaa, mpe iso.
\p
\v 7 Late ongo wewi, otiowato kpaa, late moto kpaa, aesa mpe sa ikeko.
\v 8 Eti ilaka winge ikotumisa mpene mpene ede ongotolaka, toidja la emaeti, ongo toilake, toedjalali ka leti:
\v 9 Dja la okebi makambo mawe, madjie losambo wowe.
\v 10 Late moto awene owe ongo odjei la oyebi makambo ma ikubu weilake ikubu wa ikeko.
\v 11 Late wato wakogba, la odjangi wewi.
\v 12 La otei makambo mabe la wato.
\v 13 Late, ongo ilaka iwonge manima, ilakate ilaka winge idjei obe manima
\c 9
\cl Esuki esungu 9
\p
\v 1 Iti djee lipanda? itidje mototiani? iti mwenali Yesu likumu osu? ati djeni mosala mo mbai ndondo e likumu?
\v 2 Inga atie weeti wato iti motutiani, idjei ngambo e ino; aloyi odjeini olombo e ototiani ombai ndondo e likumu.
\p
\v 3 Edjei mana mbai la wango wako kambaka mbai:
\v 4 Toti hikelamini olaki la okengi?
\v 5 Eti tohekelemela odidi la iso mana omoli adje moli osu, nda ndenge weeti watutiani wa okelaka, alidji wa mana ima e likumu, alidji wa Sefasa?
\v 6 Tango eeti, edjei mbai alidji Balanabasa tokokiti okeli otomo?
\v 7 Ndai okoki okeli otomo o soda la ndenge endé amene? ndai ongo okoki oeni vinya adjange olaki mbume eho? ndai ongo okoki owongeli méeme adjznge olaki mawele ma mééene?
\p
\v 8 Dji sambo iyasi, etidjaka la ekeleli e wato? mobeko motiasaka mpe?
\v 9 Laate edhengami la mobeko e Moize, okoki oheli méeme monoko la ngonga ekotimaka inde monoko la mbuma. Mwengei akobatelaka mpe méeme moteme,
\v 10 Inga oko, wasaka la iso? ndjongo, edjei la loyi e iso ndé adingami te ongo akotunga elanga atongé la obateli motema, alidji ongo okotimaka mbuma atime la obateli motema la ototi ndambo endé.
\v 11 Inga tooni etie ino eho e molimo edjei nde loyi losungu inga tobuka etie ino iho wa wengé?
\v 12 Inga weeti wato waokalelaka ehele loyi etie ino iso totikoke okaleli owa eti? Te ndjngo totikelelake ehele loyi, kasi tokohelaka motema la dji sambo laate totidhihe mboka la loyi e kilisito.
\v 13 Otiyeweni wango wakokelaka sambo e satu, wakolakaka a peto, la wango wakokelaka la etumbeli wadjei la ndambo ewu la etumbeli?
\v 14 Edjei ndjongo likumu ahi mboka la wango wako sakolaka sango e ndamu wakalele mpe sango ndamu.
\p
\v 15 Kasi mbai eti kelele teti la dji sambo, alidji eti djete inga idhingi dji sambo edjee etie mbai, ekoyeta te olamu inga la ebete te iyadhele olongwesi luloyi ewakumisi.
\v 16 Inga iko sakolaka sambo ndamu, etidje etie mbai loyi eyo kumisi, aloyi edjei etie mbai inga eti sakolaka sango ndamu!
\v 17 Inga ikele la motema lolamu, idjei la lifuti, kasi inga itikeleka la motema molamo te ndjongo engé mogbalé ehameli mbai.
\v 18 Lifuti la mbai edjei nd? edjei ohi pamba mboli ndamu eng ekosakolaka mbai; la odjei ndamu.
\p
\v 19 laate, edjei lipanda eluato kpa, iyakeli mutuke mo wato kpaa, laate itotwato ngbi a weti.
\v 20 La wayuda, idjali ùoyuda laaate itote wa yuda; la wango wa djei sesé e mobeko, nda ongo odjei sesé e mobko te ndjongo etidje mbai sesé e mobeko, laate itote wenge wadjei sesé e mobeko.
\v 21 La wango wa djangi obeko nda idjangi mobeko te ndjongo itidjee la odjei sesé e mobeo e kilisito, laate itote wango wa djangi mobeko.
\v 22 Ilembeli, la wango walembi, laate itoti wango walembi iyukelia nda iwo, laate ikalesé ndambo la iwo.
\v 23 Ikeli ndjongo a loyi e mboli ndamu, laate itote wango wa eti.
\p
\v 24 Otiyeweni wango wakotikalaka obango la iyoka e otili obangu, wakotilaka obangu iwo kpaa kasi mwesi nde akotoka mbano? tilani la ndeng e ototi mbano.
\v 25 Alidji, moto kpaa ongo oko yaboliaka la iyika akowaha la sambo kpa, alidji wakokelaka ndjongo te watote sapo engé ekohola; kasi, iso tokele ndjongo la ototi sapo engé etiholo.
\v 26 Mbai, ikotilaka obango, te nda iyoka, ikobingaka, te nda obingako ehoho.
\v 27 Kasi ikobingakolaka wenge wa mbai, la owawumisi motuke, la owangi iwalumbese mbai amene, mbuse oteyi weeti wato.
\c 10
\cl Esuki esungu 10
\p
\v 1 Wa manima, etbale te owo samenite wa sangbasu wa djali iwo kpa sesi e lipate, iwo kpa wa ngbandali malia,
\v 2 Wa batesamali iwo kpa la Moize la lipata aleeti la malia,
\v 3 Iwo kpa walakali ilaka e molimo,
\v 4 Aleeti iwo kpa wa kengali malia ma molimo, aloyi wa kengali la libukeli emolimo engé edjali owabilyi, aleeti engé libukeli edjali klisto.
\v 5 Kasi weesi laiwo watidjali olamu a mayiso ma Mwengei, wagwali la manganga
\p
\v 6 Djii sambo e wumali laate etosunge nda wandakisa, laate totitote mamungo mbé,
\v 7 Otiwumeni wa sambeli ikeko, nda wesi la iwo, nda ndenge edhengami: wabati la olaki la okengi, la owamali la iyoki.
\v 8 Totiyaheni la iteba, nda wagwali mbula tuku iwale la iqato la lisiyo likima
\v 9 Totimomekeni likumu, nda e momekali weesi la iwo, wagwali la ndjo.
\v 10 otihemahimeni, nda ehimahimali weesi la iwo wagwali la ewuni:
\p
\v 11 Dji sambo ewawumelali laate eto inye nda ndakisa, aleeli edhinga moli laate etoteye, iso mongo towumi gboo emasiyo.
\v 12 Ndongo, wango oyowi te awamali likolo angotale la okwi!
\v 13 Omekani tweti ekokiti oowemeli la odjangi odjei ndenge eweto, aleeti mwengei, ongo atiakukolaka, otikoki ohi mboka laate omekame oweti okulu onu, kasi la omeka okowongela ndenge opumbi, laate okoke ni ondimi okpali.
\p
\v 14 La ndjongo, wa manima olibalano, tilani ikeko:
\v 15 Iko waaka nda wato wa mayele, adhndani ma amne la enge eyasi mbai.
\v 16 Kopo elipamboli enge ekopambolaka iso, eti la esi la makila ma klisto? okoke enge ekobukaka iso, eti la esi la wange e klisto?
\v 17 Laate edjei wenge eesi, iso nde to djei ngbi, tokeli wenge eesi, laate tokolakaka iso kpa ndi okoke eesi.
\p
\v 18 Dhenda wa isalayele wa wange, wango wakolakaka wango wagweli wati la esi la lingomba?
\v 19 ikowasa woni? mweni moheni la ikeko, edjei nda ema esi, la ndjongo, itibale te adjei la eesi, tango eti ikeko edjei nda ema esi? te eti ebete.
\v 20 iyasi te engé ewolami, waoli la itota, aleeti té la Mwengei; alidji, itibalé te odjeni eholo kikima la witota.
\v 21 Otikakeni okengi kopo e likumu, aleeti kopo e itota, otikokeni owabati la meza e likumu, aleeti meza e itota.
\v 22 Tobalini oluki mohela e likumu? todjei la okulu omweniti.
\p
\v 23 Kpa ehoni, kasi kpa etidjee olamu, kpa ehoni kasi etikalesaka.
\v 24 Moto tweti atiluke likandja inde amene, kasi moto la moto aluke enge emiino onde:
\v 25 Lakani enge kpa wa wotambaka la liho, té la toti emateeti la oyewi.
\v 26 Mbume edjei e likumu, la enge kpa edjei ndondo eho.
\v 27 Inga moto ongo otindime aowela oowela inga obali oki, luka enge kpa wa ohi, telaototi ema teeti late oyewi.
\v 28 Kasi inga moto mwesi aowasela: ehelé ehumali la oolami! otilakeni, aloyi la ongo oyewisini le woso, aleeti aloyi la oyewi.
\v 29 Iyasi ndjongo, té la oyewi onu, kasi la engé ongo moto. woni, pendja, lipanda embai ekoki osumbisani la oyewi e modedi?
\v 30 Inga ilaka la okelami la likanbo woni ikoki apamelani la engé ema enge iwongosilikanbo.
\p
\v 31 Inga te olaki, te okengi, te okeli ema esi, kelani la kembo e Mwengei.
\v 32 Oti djeni la boote la wa Gelesi, te la wa Yuda, te la lingomba e Mwengei.
\v 33 Ndi la enge denge mbai npe ikoyahaka la iwo kpa laate enge eyengemeni la wato kpa, la oluki, te likondja la mbai, kasi enge e wato ngbi, laate wakole.
\c 11
\cl Esuki esungu 11
\p
\v 1 Djaani wabileyi wa mbai, nda mbai amene edjei omobileyi kilisito.
\p
\v 2 Iyokumisini la enge eko mungolakini iwo ùbai la ndenge kekima, la engé oyisini matiasakali ma mbai la ndenge iyohaleni.
\v 3 Ibali ate oyeweni te molome adjei likumu e wato kpa, te molome adjei likumu e kilisito.
\v 4 Moto kpa ongo akobandelaka te la ongo okowasaka sambo djingé ikodja, la moto ohola, atikumisaka likumu lande.
\v 5 Moli kpa, la okeseni, ongo akobondelaka te la ongo okowasaka sambo djingé ekodjaa, moto ohola ati motosaka likumu lande: edjei nda atenisuwe.
\v 6 Laate, inga moli atidihe moto, atené aleeti suwe ndaka ndenga edjei sini te moli ateni libonde, anange motu.
\v 7 Molome atikoké odhihi moto, laate adjei elimo eMwengei alaate lokumu e Mwenge kasi moli adjei e molome
\v 8 Alidji, molome atilongwali etie moli alongwaliatié molome,
\v 9 Aleeti molome atekelamala la tina e moli, kasi moli akalamala la tona e molome.
\v 10 La ndjongo moli, la loyi e wanzelu, akoki la inde.
\p
\v 11 La ndjongo kpa, ndondo e likumu moli atikoké odjei la odjangi molomé, ndengé kikima, te molomé akokiti odjei la odjangi moli.
\v 12 La ndjongo, ndenge kikima moli alongwali atie molomé, ndengé kikima molomé adjei la loyi e moli, aleeti wadji etié Mwengei.
\v 13 Denda ni ino amene: edjei olamu moli omobondeli Mwengei odjangi odhihi moto?
\v 14 Moki muwo amene oti oteyaka laate edjei soni te molomé adjei la suwe ilayi,
\v 15 Edjei olamu la moli nda litambali?
\v 16 Inga moto mwesi abali otoni, toti la enge ekelali, te mangomba ma Mwengei.
\p
\v 17 Iyokebesani liwoso, engé itibale mbai, la engé ekowabatakani ino, te ate owumé olamu, kasi owumi peto.
\v 18 Aleeté liwoso, ikokakate, tango ekowabataka ino eholo kikima, edjei lokawani atie ino, aleetiiyeni ndambo.
\v 19 Laate edjei masambo mbé la ino, laate wango wadjei ndjongo wayewane nda ndjongo liwoso la ino.
\v 20 Tango esangani ino, iti la olaki e likumu,
\v 21 Aloyi, to abate ameza, moto la moto akobanda ototi ilaka wandé ongo eti alongwi.
\v 22 Otini la milako la olaki aleeti la okengi? inga okotomakani lingomba e Mwengei, alidji oko hakani soni la wango wa djangi? iyowaseleni woni? iyokumeseni? la ndjongo itiyokumesani.
\p
\v 23 Laate itoti la likumu enge iyowaselini, engé likumu Yesu, la lokolo engé ehel&ni indé, atotali okoke,
\v 24 Alidji, amowongoseliya Mwengei moto ndji abukia, akidi aasia: ehele kopo edjei ehuma la midjimi ma mbai, kelani ndjo la osumbweyi mbai
\v 25 Ndengé kikima, mbuse e olaki, ototia kopo, alidji aasia: elale kopo edjei e wuma eholi la midjimi ma mbai, kelani ndjo la osumbayi mbai masiyokpa e okengeni ino.
\p
\v 27 La ndjongo ongo okolaka okoke inga okengi ehele kopo e likumu té la okoki, la wenge alidji la midjimi ma likumu.
\v 28 Moto la moto aadhendé inde amene, adjali mbuse alake okoke alidji akenge kopo,
\v 29 Oloyi ongo okolaka alidji akokenga té la adhendele Mwenge e likumu, akolakaka alidji akokengaka ahelani indé amene;
\v 30 Edjei ndjongo edjei weeti la ino wadjei wa bosono alidji la wikoni, alidji ngbi wagwi.
\v 31 Inga tosambisani iso amene toti sambisama.
\v 32 Kasi tango esambisamiya iso, tol, elani atie likumu, laate toti halane la moki.
\p
\v 33 La ndjongo, wa manima, ongo owabatini la olaki okanani weesi la weesi
\v 34 Inga moto ad, jei la ndjala, alake ebet endé, laate otihemeleni la oheli asambisami sambo tango ekowuma mbai.
\c 12
\cl Esuki esungu 12
\p
\v 1 La ndjinge idengi likao la elimo wa manima ibaliti ate otindjéeni la ondjangi wewi.
\v 2 Woewini ate, ango ondjakali ino wapagano, ondjakalini wadelini okii la malando mango matikpomaka, nda ndjongo nde ekambamakali ino.
\v 3 Nde la ndjongo ikowaaselakani ate éndjéi pamba, inga moto asa la Elimo e Mwengéi, atoasa ate Yesu amene wobe ase akokiti wasiate Yesu andjéi Likumu inga atindje la Elimo Nsato.
\p
\v 4 Kaikonde wokawi wondjéi ndenge la ndenge, kasi Elimo ekikima.
\v 5 Tomu ndja owakeleli wato indjéi ndenge la ndenge kasi likumu moikima.
\v 6 Tomu ilekani, kasi Mwengéi moikima, ongo okelaka tomu ndjinge kpàa atie e wato kpàa.
\p
\v 7 Kaikonde, la Elimo ekweneseke atie moto la moto alikambo la wokondji wesi.
\v 8 La wasi ate la mwesi easeli elokenge emohi Elimo, la odi la wewi loi wolamu, ndi la Elimo ekikima.
\v 9 La odi, wondimi ndi Elimo ekikima, la odi ndenge eokalesi ndi la Elimo eikima.
\v 10 La odi, la ndenge eokeli makamwisi, la odiwasi sambo ndjinge iyaisi, odi la odi wewi sambo ndjinge ilongoi la Elimo, la odi okukoli wiaseli la odi wewi minoko miesi.
\v 11 Kasi tomu ndjiesi kpàa Elimo nde ekokelaka kpàa, ekomokawelaka moto la moto ndenge nda ebali eho.
\p
\v 12 Ndi, nda endjéi wenge wikima la wisuki ebele, ase nda endjéi wisuki wa wenge ebele, magba alikambo windjéi ebele, kasi windjéi sa wenge wikima ndi nda Kilisito.
\v 13 Iso kpàa, te ndjongo, tobatesamali la Elimo eikima, la okeli wenge wikima, endje Moyuda, endjé te Mogreki, éndje te motuke, endjé te ongo ondjéisa ndjongo, ase watokengesali iso kpàa Elimo eikima.
\p
\v 14 Nda ndjongo wenge witi la esuki eikima, kasi wekelani la wisuki ebele.
\v 15 Inga ekolo easatez alikambo ate mbai iti ewo iti esuki e wenge, nde la ndjongo ekondjanga eho ondjéi esuki e wenge.
\v 16 Inga litoi liasate alikambo ate mbai iti liso, eti mpe la esuki ewenge, nde la ndjongo ekondjanga eho ondjéi esuki e wenge.
\v 17 Inga wenge kpàa windjakaliso ndenge ewoki ekondja nda ndenge? inga endjaki sa landenge e woki nda tokoka lumba la nde?
\v 18 Sika ahala Mwengéi abati wisuki wa wenge nda ebali inde.
\v 19 Inga waho kpàa windjakisa esuki eikima, ndawenge wilukaki ate windjée eni.
\v 20 Sika ahala endjéi wisuki ebele, ase wenge wikima.
\v 21 Liso litoasa la ewo ate itila posa eowe, te moto mwase la makolo ate iti la posa eenu.
\v 22 Kasqi endjéi ndjo, wisuki wa wenge wikweneneke nda windjéi, petepete, windjéi la litomba lisuungu.
\v 23 Ase, wisuki wa wengewi ngo wi kweneke iso ate windjéi etemia ekeke toko witemiaka wayo ngbii.
\v 24 Alikambo ate wisuki winge windjéi wilamu witondjaka la posa eema teeti, te ndjongo Mwengéi awanesali wisuki wa wenge ahekelia etemia ngbii la esuki enge endjakali eho ondjangi.
\v 25 Okawani oti ndondo ewenge late wenge widjéi ikikima la isuki ebele.
\v 26 Ase inga esuki esi endjéi la mwano, wisuki kpàa wikoakola la eho mongindi te inga esuki esi endjaa la etemia wisuki wiesi kpàa wiko emeleke la eho mongindi.
\p
\v 27 Inio ondjéini wenge wa Kilisito ase ondjéini wisuki wande, mwesi la mwesi atie ende.
\v 28 Ase Mwengéi awabati wato ndondo e lisanga liwoso Wapositolu, mbuse eho wa aseli, esato watei, mbuse eho wango wandjéi la mongamo okeli sambo sungu suungu, mbuse ase wango wa ndjéi la monga mo okalesi owakeleli wino wolamu, la owakondji wato, la woasi minoko ndenge la ndenge.
\v 29 Iwo kpàa wandjéi Wapositolu? iwo kpàa wandjéi waseli? iwo kpàa wandjéi watei?
\v 30 Iwo kpàa wandjéi la paima eokeli sambo sungusungu? iwo kpàa wandjéi la ndenge eokalesi? Iwo kpàa wako asakala minokomadi? Iwo kpàa wakolekesaka woasi la monoko mwesi mwesi?
\v 31 Lukani la egalala ndjinge sambo indjéi ndamu ndamu. Ase ikitia owoineini ema enge eleki wolamu.
\c 13
\cl Esuki Esungu 13
\p
\v 1 Inga ikokpoma la minoko ma wato te ma wahumbwa, inga iti ndjee la libalano indjéi nda esuki e engongolo enge endjangi ema ndondo nda ngengele enge ekobingaka iwo.
\v 2 Ase, inga yewi osakoli sambo ndjinge iyaisi, la wewi sekele kpàa, la inga indjéi la wondimi wosungu wungo wokoki olongosi té mikoli, inga itindjée la libalano iti ema te.
\v 3 Inga iwakawela wato wango wandjangi wilaka, inga ikalesa wenge wambai ate witilongole inga itindjée la libalano. wondimi wo mbai woti la ema.
\p
\v 4 Libalano lindjéi la motema molai lindjéi la wouma, libalano litosilaka te, libalano litiahutoesaka te, litondjaka la elolo.
\v 5 Litokelaka sambo ndja nsoni, litolukaka ondjwi wo oleki, litohaka omemeli, litoisaka nkanda litoisaka sambo mbe la motema.
\v 6 Litoemeleke la sambo ndjinge indjangi wosembo, kasi ibali sambo ndjinge indjéi memene.
\v 7 Likoli mbesaka kpàa, likondimaka kpàa.
\p
\v 8 Libalano litosilaka te wiaseli wa sambo ndjinge iyaisi ikosila, endjé minoko wewi wokolimwa.
\v 9 Alikambo ate tondjéi la woewi wokeke, ase tokwasaka sambo iyaisi la wokeke.
\v 10 Ango okondja ema enge endjéi mobimba ekondja enge ekeke ekolimwa.
\v 11 Ango ondjakali mbai mana mokeke indjakali okpomi nda mana mokeke indjakali omungoi nda mana mokeke, ango oumia mbai eloko moto iwosania ndjinge ndja wolenge.
\v 12 La keke tokwene nda wango wakoadendaka la talatala wango wandjéi la molili, kasi tokwenene maiso la maiso sikahala yewi wokeke, kasi la engele eho ikoewa wolamu wolamu nda endjéi mbai wolamu.
\v 13 Sikahala wiho wikosaka ondimi, olikéi la libalano, kasi enge eleki sambo kpàa endjéi libalano.
\c 14
\cl Esuki Esungu 14
\p
\v 1 Lukani libalano, lukani la egalala sambo ndja Elimo, kasi ngii nde la wasi sambo ndjaho.
\v 2 Alikambo ate ongo okwasaka la wolemi asiti lawato, kasi la Mwengéi, alikambo ate moto inga a tioke akwasaka ndenge e Elimo, la sekele monsatu.
\v 3 Kaiko nde moto ongo okoasaka, akowalendesaka wato la woasi, la owandimesi wato la wasi wonde.
\v 4 Moto ongo okoasaka la monoko mwesi ndjo, akoatongaka inde mene ongo okosakolaka akotongaka lingomba.
\p
\v 5 Ikoemele inga ino kpàa woasani la minoko madi, kasi ibali mpendja ate asakoleni. Moto ongo okosakolaka amweti ongo okwasaka la minoko madi te ate longose inga ahengese ate Lingomba litongame.
\p
\v 6 Ase sikahala, wamanima inga yasa la ino minoko madi, ikokelani ino nde inga itiase la Eeneseli te la wewi te la esakweli tété la litio liesi ndjongo?
\v 7 Inga winge windjangi ohatiani, wikoumesaka mooli, nda pelele, té esandjo inga etietane nde e oleli té ema enge ekobingamaka la pelele té la esqandjo ekwe wana?
\v 8 Ase inga kelelo etumese wasi la oleli polele té ndai okoawongele la wita?
\v 9 Ndindjongo nda ino, la ndenge e wolemi, okoumesani sambo ndjinge iti petee té la oheleli gbondo, nda ndenge ekwewana sambo ndjinge yasani? Memene okwakani nde la ehoho.
\v 10 Ekoki ondjéi ate ndenge ewasi ngbii la mokili kasi loi te loeti wondjangiti gbondo.
\v 11 Inga itiewe gbondo e loi wungo wasani, ikondjaa moto mondjake la maiso ma moto ongo okwasaka kondjaa moto mondjake la maiso ma mbai.
\v 12 Ndinda ino, nda endjéi ino la ehoha e okawinee la Elimo, lukani ndenge eokeli ndjongo ngbii la omolesi lingomba.
\p
\v 13 La ndjongo, moto ongo okwasaka sambo ndjaho, akonge alikambo ate ahengese eho.
\v 14 Inga yakongo la monoko Elimo e mbai endjéi la wakongi kasi lomungo wo mbai wati ema teeti.
\v 15 Endjéi woni? ikoakongo la elimo ikoakongo koto la lomungo wo mbai, ikolemba ndjembo ndja omoemeli la lomungo wo elimo ikolemba mpe ndjembo la lomungo wo mbai.
\v 16 Inga endjéi ndjongo, inga owongosa mwemu la wokawi wo elimo, nda ndenge moto ongo wabati la ebete e moto mpamba akondima Amen! la wasiate kekedinge la aewiti sambo ndjinge ikwasaka owe?
\v 17 Iko mowongoselaka Mwengéi mwemu, ndamu, kasi odi aewiti.
\v 18 Ikomowongoselaka Mwengéi mwemu nda ekwasaka mbai la monoko olekini ino kpàa.
\v 19 Kasi, la ndondo e Lingomba ibali wolamu y o la lokenge wo mbai mbuse eowaseli wato wadi te sambo koto liomu la monoko o modi.
\p
\v 20 Wamanima, otindjakeni wana la ndenge eogbomi, kasi ndjaani wana la wobe, kaikonde ndjaani wiloko wato la wewi wolamu wolamu.
\v 21 Edingami la pui ate ikwasa la wahawa wato la minoko ma wato wandjake, la sambo ndja wato wandjake, ase té ndjongo watondjoka mbai té ndjongo nda wasi Likumu.
\p
\v 22 La ndjongo waasi la minoko madi endjéi elembo, te la wandimi té kasi la wango wati wandimi, osakoli la ndenge edi endjéi elembo te la wango wandimiti, kasi la wango wandjéi wandimi.
\v 23 La ndjoongo inga lingomba liesi kpàa liabolia ebete eikima, ase iwo kpàa wakokpoma mo noko modi, kasi wato mpamba té wato wango wandjangi ondimi wa lingela ndondo, watoasa ate ino ondjéini la ekoni eboli?
\v 24 Kasi inga wesi kpàa ase moto mwesi ongo oti la ondimi, té moto mpamba alingelia, apamelania la wato kpàa, adendamewo la wolamu la wato kpàa.
\v 25 Sekele ndjande ndja motema yeneni la wohola nde ndjiesi akoadiha elongi ende, akomwongo Mwengéi ate: Mwengéi andji solo ndondo enu.
\p
\v 26 Tokele woni wamanima? inga ino obolianani ebete eikima, mwesi la wadi wandjéi la lembo loesi, la litio liesi, la Eeneseli esi odi andjéi la monoko mwesi odi akosakola la olumboli sambo kpàa ikelane la owongeli.
\v 27 Inga akwasaka la monoko mwesi ndjongo, wango wale té wasato, mwesi la mwesi la engele ende ase mwesi akolekesa la monoko modi.
\v 28 Inga moto ongo okolekesaka la monoko modi ati wato wadake logoo la lingomba, wase moto la moto inde mene la Mwengéi.
\p
\v 29 Ndjinge idengi waaseli inga wale té wasato wa koasaka, ase wango wadi wadenge wolamu wolamu.
\v 30 Ase inga eeneseli atie emoto odi ongo wabati ongo oliwoso adike monoko.
\v 31 Inga ino kpàa okokani osakoli moto la moto la ngala eende, alikambo ate wato kpàa wapundesame la wato kpàa walendisame.
\v 32 Wilimo wa waseli wihani ndi la waseli.
\v 33 Alikambo ate Mwengéi ati Mwengéi oewondje kasi owouma, nda la Mangomba ma wa nsato kpàa.
\v 34 Wali wanange minoko la engele eogbotononi, alikambo ate wawahiti mboka ewasi, kasi watitimese ndenge easi pui.
\v 35 Inga wahali woewi loi wesi ndjo, wawa huele walome wau la monguta, alikambo ate endjéi wosambo moli ase la lingomba.
\v 36 Nde ango, loi lo Mwengéi woumali saa atie nu, té ate atie nu nde wondjaumia?
\v 37 Inga moto mwesi andima ate andjéi mwaseli, té akongi likao liesi, andime sambo ndjinge yo dingelini mbai, alikambo ate endjéi pui ndja likumu.
\v 38 Ase inga moto mwesi atie we, andjé ndindjongo.
\p
\v 39 Ndi ndjongo wamanima lukani la egalala wiaseli kasi woitekesakeni la wasi la minoko madi.
\v 40 Kasi sambo kpàa ikelane la ndenge eetemia, la ekalakala.
\c 15
\cl Esuki Esungu 15
\p
\v 1 Wamanima iptia omungwesilini ino sikahala mboli ndamu enge ewaselalini mbai enge ekondjali ino enge eaheleli ino la eho makasi.
\v 2 Okaligani a likambo la mboli ndamu eho, inga wahelelani la eho inga wahelelani la eho nda ewaselalini mbai inga tendjongo té wondimi wonu woti la liwongoseli té.
\p
\v 3 Yopundesalini ino mapundesi mango makondjali mbai masungu la mapundesi maho madjéi ndjo Kilisito agwali alikambo la masumu masu nda ewaseli Madingo ma Mwengéi.
\v 4 Wa mokundali inde ase inde asuali mbuse e masio masato nda ewesali madingo ma Mwengéi.
\v 5 Inde amoumelali Petele mbuse eho atie e watutiani wande liomu la wale.
\v 6 Mbuse eho, inde awaumelali wadi mbala esi atie wadi watutiani wande wadi oleki kama itano ngbii wadi wau wadjéi yo la mokalo wadi waguali gaa.
\v 7 Mbuse inde amoumelali Yakobo, mbuse eho inde awaumelali watutiani kpàa.
\v 8 La gboo, mbuse ewu kpàa inde andjumelali mbai koto, te inga idjéi nda mana ongo owotami liwoso la engele ende.
\v 9 Alikambo ate idjéi mokeke owaleki watutiani kpàa yengiti owelami motutiani té, alikambo ate yeneseli lingomba la Mwengéi wodidi.
\v 10 Kasi alikambo la magba ma Mwengéi idjéi ndi nda edjéi mbai ase magba mango mabatali inde atie mbai te pamba te kasi ikelali wotomu owaeti watutiani wadi kpàa eti mbai té kasi memene magba ma Mwengéi mango madjéi la mbai mongindi nde makokelaka.
\v 11 Nde ndjongo inga te loi wolongwa atie mbai, inga te wolongwa atie wu loi wungo wokoasaka iso wodjéi wungo wondimali ino.
\p
\v 12 Inga tokoasaka ate Kilisito asusoi gaa ndondo ewato wagwake ndjongo nda ndenge wato wadi ndondo enu wakoasaka ate wato wagwake watosusua té?
\v 13 Ase inga eti memene ate wato wagwake watosusua té Kilisito asusoiti té wokeke té.
\v 14 Ase inga Kilisito atisusuali té wasi wosu wodjéi mpamba.
\v 15 Alidi, ehenge eneni ate tokoasaka moleho la nkombo e Mwengéi alikambo ate toasali ate inde amosusolali Kilisito kasi inde atiengali okeli ndjongo te inga edjali memene ate wato waguake watosusua té.
\v 16 Alikambo ate inga wato waguake watosusua té Kilisito atisusuali te wokeke té.
\v 17 Ase inga Kilisito atisusuali té wondimi wonu wondjei mpamba ase adjeyakani ndondo e masumu manu.
\v 18 Ehenge easi nda ate wato wango waguali ndondo e omondimi Kilisito wawusigaa mboka.
\v 19 Inga lomungo wasu ndondo e Kilisito wodjéi la liwongoseli sa la mokalo muhumu, todjéi wato wa magba owaleki wato kpàa.
\p
\v 20 Kasi memene, Kilisito asusoi gaa, inde adjéi pukapuka e liwoso asusoi ndondo e wato waguake la liwoso la wato wango waguali, wenesi memene até wato wango waguali koto wakousua.
\v 21 Alikambo ate ndi nda edjali logo la moto moikima, ndi ndjongo, osusoi la logo wokodja alikambo la moto moikima.
\v 22 Ndenge kikima nda egui wato kpàa wagua alikambo la oboliani wou mongindi la Adamu, ndi ndjongo wato kpàa wakokala alidi la likambo la wabolei wou mongindi la Kilisito.
\v 23 Kasi moto la moto adjéi la mokalakala monde mene Kilisito adjéi moto osusoi liwoso la wu, mbuse eho wato wa Kilisito ango ekouma inde.
\v 24 Mbuse eho gboo ekouma Kilisito akola wokumu kpàa, la wamaleli wokulu kpàa la mili mo kpàa, ase inde akowongosa wokumu la wawo ma Mwengéi wawa.
\v 25 Alikambo ate engi Kilisito amalele tée engele ekowa longa Mwengéi mitone mande kpàa ase akowabata sese e makolo mande.
\v 26 Motone magboo mungo mokomola inde modjéi logo.
\v 27 Alikambo madingo ma Mwengi maewesi ate Mwengi abatali sambo kpàa sese e makolo ma nde kasi edjéi ngbaii ate ndondo e sambo djinge yasani kpàa easiti la gbondo e Mwengéi té inde ongo obataka sambo kpàa la mawo ma Kilisito.
\v 28 Engele ekobata Mwengéi sambo kpàa sese e Kilisito ndjongo inde Mana mene akoabata sese e Mwengéi ongo akobata sambo kpàa sese e wokumu wonde ndjongo Mwengéi akoamalela wolamu kpàa liwoso la sambo djièsi.
\p
\v 29 Munguani alidi loi lungo wowato wango wakobatisamaka la likambo la wato wagu ake wadjéi la lomungo wo okondji nda liwongo seli? inga edjéi memene ate wato waguake watosusuaka té la nda likambo likobatisamaka wato waho? la likambo wato waguake?
\v 30 Ase iso mene alikambo la nde ekolingelaka iso wiengele kpàa ndondo e loi wungo wokohekeleke ogui.
\v 31 Wa manima wuse wesi lawesi ikodjaka ahue wo ogui ikowaselakani ndjongo alikambo ate ikoahekeleke etemia la gbondo e mokalo monu ndondo e Yesu Kilisito likumu la su.
\v 32 Inga osanali la nama dja motulu ahala la Efeso ndi ndjongo nda ebili e moto, ikondjali nda liwongoseli? inga wato waguake watosusua te nda easi ndjinge sambo tolake la tokenge alikambo ate lekundu tokogua.
\v 33 Otiakosakeni té wino wa mbai ohahani la wato wabe ekobitesaka edjele e moto molamu.
\v 34 Wongwani la mamungwene manu olamu ase odeni okeli masumu wato wadi ndondo enu wa mwewiti Mwengéi yasindjongo alikambo la owokesi ino nsoni.
\p
\v 35 Moto odi akohuela kasi wato waguake wakosusua nda ndenge? wakodja la nda ndenge e wenge?
\v 36 Odjéi ebete ango ekonaka owe pukapuka esi la mbume, pukapuka eho etoumesaka mataki te inga pukapuka etigue té.
\v 37 Ema enge eoni owe la mbume edjéi pukapuka mpamba engi odjéi pukapuka e mondongo te pukapuka edi eti kine wenge wa kasikasi djinge iko too.
\v 38 Mwengéi akohekeleke la pukapuka eho wenge winge wibali inde inde akohaka pukapuka esila esi wenge waho mene.
\v 39 Wenge kpàa wa mokalo witi la wenge ndenge kikima té wato wadjéi la wenge ndenge edi nama idjéi la ndenge edi mbulu idjéi la ndenge edi ase su idjéi la ndenge edi.
\v 40 Wenge wa likolo koto windjéi ase wenge wa mokili windjéi wolamu oleki winge wa mokili.
\v 41 Mwese modjai la wolamu wonde mene ase ndebo edjéi la wolamu ndenge edi minoto midjéi la wolamu ndenge edi te la ndondo e minoto, wolamu wou mwesi la mwesi modjéi la ndenge eho.
\p
\v 42 Ango ekosusua wato wanguake ekodjaa ndjo aungo okodihakola iwo wenge winge wiholoke ango ekosusua waho todjakine wenge winge wiholoke te.
\v 43 Ango ekodihakola iwo la mbume wikondja wobe la wikolembe petepete, ango ikosusua waho wikowongo wolamu la wikotetela gboo.
\v 44 Ango ekodihakola iwo la mbume, edjéi wenge wamuhumu moki ango ekosusua waho, ekodjaa wenge wa molimo. wenge wa muhumu moki widjéi ase wenge wa molimo wiengi koto odjéi.
\p
\v 45 Alikambo ate Madingo ma Mwengéi maewesi ate Moto opoo Adamu adjakali la mokalo kasi Adamu ombuse adjéi molimo mungo mokohaka mokalo.
\v 46 Moto o molimo atindjali liwoso té kasi moto o wenge moto o molimo adjali mbuse ende.
\v 47 Mwengéi amokelali Adamu liwoso la misu ma mbume, Adamu owalé alongwali ongo likolo.
\v 48 Wato wa moki wadjéi nda moto ongo okelamali la mbume wato wa likolo wadjéi nda moto ongo adjali ongo likolo.
\v 49 Ndenge kikima todjaki nda moto ongo omokelali mwengéi la mbume ndenge kikima tokodjaa nda moto ongo adjali ongo likolo.
\p
\v 50 Wamanima ehele edjéi loi wungo wopotia mbai woasi, ema enge ekelami la moini la makila ekokiti okondji ebete ndondo e wokumu wo Mwengéi la ema enge edjéi ema eguake etokondja ema enge etoholoko té.
\v 51 Ipotia owaselini sambo ndjinge iyaisi, totogua iso wesi kpàa té kasi tokoakukola ndenge edi.
\v 52 Mbala esi nda olimi maiso ango okolela kelelo e gboo wato waguake wa kosusua a likambo la odjéi la wenge winge witoholoko té la wato wango wadjéi la mokalo wakoakukola ndenge edi.
\v 53 Ndjongo wenge winge wiholoke wiko kpàla winge witoholoko té wenge winge wiguake wikokpaala wing witoguaka te.
\v 54 Nde ndjongo ango ekokpala ema eholoke ekpale enge etoholoko té la ema enge ekoguaka ekokpala enge ekokiti ogui té sambo dja madingo ma Mwengéi makokokiama wolongi womeliga logo la wolongi wneni gaa!
\q1
\v 55 Ologo, wolongi wo owe wo djéi eni? o logo wokulu wo owe la okoti pota wodjéi eni?
\p
\v 56 Masumu makohaka logo wokulu la okoti pota ase pui ikohaka masumu wokulu.
\v 57 Kasi keke dinge la Mwengéi ongo okotohaka iso lilonga alikambo la Likumu la su Yesu Kilisito.
\p
\v 58 Ndjongo wamanima wa libalano amalani gboo otininganakine té kelani wotomu wo Likumu la motema mohelake alikambo ate wewini ndondo e oboliani wonu mongindi la Yesu wotomu wungo wokokelaka ino woti pamba té.
\c 16
\cl Esuki esungu 16
\p
\v 1 Alikambo la loi wo makao mango makoisaka ino alikambo la wato wango wadjéi ndondo e lingomba la Mwengéi ongo la Yelusaleme tutiani mapundesi mango mawahali mbai wato wa lingomba la Galatia.
\v 2 La wuse woesi la poso esi laesi eongi moto la moto abate esuki e wambele kelekele, moto akoha ndi wambele nda ekondji inde alikambo la obanei djaho la ndjongo otodjaa kineni la wiongolo wa okongoli ikine wa mbele té ango ekouma mbai.
\v 3 Ango ekodja mbai iko toma ekpata la woewesi mongindi la wato wango wawoniga ino, alikambo la otomi makao manu la Yelusaleme.
\v 4 Inga engi la mbai okii ikotinga la iwo mongindi la okii la Yelusame.
\p
\v 5 Mbuse eho ikoleka la Masedonia ikoleka atienu alikambo ate ike la Masedonia.
\v 6 Imungoi ate ikolangala masio ma keke ngbii atienu, inga engi engele e ndebo dja pio ikoleka mbai ongo ndjongo ogameseni mbai la okii atienge ebali mbai inga edjéi nda ati.
\v 7 Alikambo ate ibaliti té oweni ino ndiango ekoleka mbai ibali ate ilangale wana wa masio atienu inga Likumu abala.
\v 8 Kasi imungoi wabati ahala la Efeso, tée wuse wo Petekote.
\v 9 Alikambo ate idjéi la engele elamu la okelui wotomu wosungu te inga mitone wadjéi ngbii.
\p
\v 10 Inga Timoteo auma mopemeleni, kelani la ndenge enge ekoenese ate okomuemelekeni wolamu, alikambo ate inde akokelaka la mbai mongindi ndondo e wotomu wo Likumu.
\v 11 Ewongiti ate moto tweti a moene. Kasi wamogamesela otutei okii wonde osombi wonde ndondo e logoo alikambo ate inde akowongwa alidi atie mbai alikambo ate mbai la wino wa mbai tokomola mbelaka.
\p
\v 12 Alikambo ate la loi wo mangbasu Apolo, mbala ngbii imohii ga motema mo modia alikambo la okii atienu, kasi inde abaliti te wokeke té oki sikahala inde akokee wuse wungo wokodjaa inde la engele elamu.
\p
\v 13 Huakani ahelelani la ondimi, djaani wato wa modia, wato watetelake.
\v 14 Kelani wotomu wonu kpàa la libalano.
\p
\v 15 Omwewini Stefano la liwota lande wadjaali wato wa liwoso la okukoli motema la moki mo wageleki la wapotali owakeleli wato wa Mwengéi.
\v 16 Iwongini ino wamanima, towatemie wato wa ehenge ndenge la wato wango wakokelaka wotomu wotetelake ebete eikima la iwo.
\v 17 Idjéi la mwemu la odjii wo Stefano Furutunato la Akaiko, wapekeleli mbai ema enge edjangakali mbai ango etidjakali ino té.
\v 18 La watitimesali molimo mo mbai nda etitimesali iwo mingo manu. Ewongi wa watemie wato ehenge ndenge.
\p
\v 19 Mangomba ma Mwengéi mango madjéi la moki mo Azia waohekelini mobale. Akwila la Prisila, la lingomba lingolikogbotononoko la monguta mou mongindi waotomelini mobale la motema mwesi kpàa ndondo e Kilisito.
\v 20 Wino wasu kpàa wango wadjéi ala waohekelini mobale. Hanani mobalé la libalano mwesi atie ongo odi.
\p
\v 21 Ikodingaka djihidji sambo la ewo e mbai mene. Mobale la mbai Polo.
\v 22 Inga moto atimobale Likumu té eongi wa motangakole! Maranata Likumu la su ageleli!
\v 23 Magba ma Likumu Yesu Kilisito modjée la ino.
\v 24 Libalano la mbai lidjéi la ino kpàa mongindi ndondo e Yesu Kilisito.