bbm_reg/43-LUK.usfm

\id LUK
\ide UTF-8
\h Luka
\toc1 Luka
\toc2 Luka
\toc3 luk
\mt Luka
\c 1
\cl Esuki esungu 1
\p
\v 1 Wato ngbi wakeli makasi té wakome sambo djinge ikelami la iso,
\v 2 Ndenge iwo wango wandjali oweni la maiso wato komeli tée la ebande ewo mpe wawumi wa minisitele e loyi;
\v 3 Mbai mpe idjwali mokano aloyi ibiliyali djinge sambo kpa tée la ebandeli, te iyo dhengele la molongo owe Teyophila
\v 4 Laate oyewe la meemene m tiasakoli enge etoti owe.
\p
\v 5 La tango e Helode, likumu e Yudeya, edjali la kanga Mwengei la kombo e Zakali, la litoto e yabiya, moli ondé adjali la oliye ewanawali e Aloni, adjali owelani Eli Subatha.
\v 6 Iwo kpa wadjali olamu la mayiso ma Mwengei odendali la olamu mati ya sakoli la motomami e likumu.
\v 7 Wati djali la wana, elizabeta atidjali owoti, iwo kpa wa wumali mbangé.
\p
\v 8 Tango edjali iwo okeli otomo o iwo e Mwengei, la ngonga eiyo, awelamali la djege;
\v 9 Mbuse ee Saselodose, la olingeli a Tepelo e likumu ate ohe palafé.
\v 10 liwoke ewato edjaki saa la owangi, ngonga e palafé.
\v 11 Anzelu likumu amowumelaliya Zakali, aa moliya ngambo e lilome eholo e palafé.
\v 12 Mamungo ma moyetali Zakali oyeni anzelu, alidji atumali la boo.
\v 13 Kasi anzelu amowaselia: Otiwange Zakali, oloyi owangi oowe endimani. Moli oowe Elizabeta akowota mana opele; okomaha kombo e Yowana.
\v 14 Akodja etie oowe ema e mwemu la alegrese wato ngbi wakoyemele la owatomi onde.
\v 15 Aloyi akondja mote mosungu liwoso e Mwengei atikenga vinyo, té masanga kpa engé ekola ngwisaka, akotumisaka la molimo satu tée osali e nango.
\v 16 Akowangosa wana wa isalayele ngbi olikumu Mwengei owu.
\v 17 Ako somba liwoso e Mwengei la molimo la okulu e Eliya, laate awongose mitema ewa wawa ngambo e wanan wa ndjengi la kandela e meemene laate amowongele likumu wato wango wa koki:
\p
\v 18 Zakali aasiya la anzelu: ikoyewa nda ndenge? laate iwumiga mowange; alidki moli ombai masiyo mandé mpe makiya lihele.
\p
\v 19 Anzelu a mowaseliya: idjei Gabiliyele, ikowamalaka liwoso e Mwengei, itomani té iyo wasele, alidji iyo sumbele eele mboli ndamu.
\v 20 Denda, oti gbuka kine, okowasa ndji liwoso linge djinge sambo ekowuma, olikambo ati ndime maloba ma mbayi, engé ekohengemene la ngonga eho.
\p
\v 21 La engé ngonga, wato wadjali olambeli Zakali, la okomwi ndenge ewumweyindé ongo ndondo e Tepelo.
\v 22 Tango epumbia inde, ati waaselali, wa yewali té ayeni saki ndondo e Tepelo, adjali owakeleli la maho, atikalali bubu.
\p
\v 23 Tango masiyo mande ma otomo masiliya, awongoliya atie inde.
\p
\v 24 Ma masiyo mbuse, Elizabeta, moli onde, awumali la lami, Aayisiya ndeboo itano, adjali owusi:
\v 25 Edjei la ngolu likumu a kelali mbayi, olambi mayiso mandé likolo la mbayi laate alongose soni embayi liwoso la wato.
\p
\v 26 La sandja e motoba, anzelu Gabiliyele atomamali la Mwengei la moki mwesi mo Galileya, mowelami Nazaleta,
\v 27 Atié mana omali mwesi atiyewali pele wose e moto mwesi e molako mo Davidi la kombo e Edjefu. kombo emana ongo otiyewe pele edjali maliya.
\v 28 Anzelu alingeliya etié inde aasia ihoyi mbaa, owe ongo ngolu ewokalami, likumu adjei la owe.
\v 29 Emo etelali la enge eyaseli, maliya aahuwelia inga enge mbaa eyingai woni.
\v 30 Anzelu amowaselia: otiwange; maliya; laate adjwi ngolu liwoso e Mwengei.
\v 31 Denda, okokpala lemi, okowota mana pele oko loha kombo e Yesu.
\v 32 Akodja osungu, akowelama mana ongo oyeti likolo, likumu Mwengei ako moha ngbelengo e likumu e Davidi, sango.
\v 33 Likumu lande likodja a molako mo Yakobo libela, alidji likumu lande liti la osili.
\p
\v 34 Maliya aasiya la anzelu: ekokelama nda ndenge iyewiti pele?
\v 35 Anzelu amowongeseliya: molimo satu ekodja likolo e wowe, okulu enge eeti likolo ekodiha la elimo endé. ehonde mana osatu ongo oko wotama la owe akowelama mana o Mwengei.
\v 36 Denda, Elizabeta, manguwa, adjei pe la lemi, mana mwesi la owange onde, ongo odjali iyo omoweli ekomba adjei la ndeko motoba elemi:
\v 37 Laate ema teeti ekokiti omodjangi.
\p
\v 38 Maliya aasia: idjei motuke mo likumu, ekelame la mbayi ndandenge eyasi owo: anzelu omodeyiya.
\p
\v 39 Ndi laenge engele, malia amalia, pe akeli obangu a moki mwesi dja mikoli mikoli aliwange mwesi dja wa Yuda.
\v 40 Alingelia la monguta dja Zakalia, a mohekelia Elizabete mbaa.
\v 41 Ndjongo Elizabete ayokali mbote malia, mana ayabandali a solo, pe atumali la molimo santu.
\v 42 Inde apamali la moli mosungu: pe ahasali ate apambwamia kati e wali kpàa, pe pukapuka enge edjéi la solo epambwamia.
\v 43 Nda wahaselia mbai ate nango nkolo o mbai akodjaka ahue embai.
\v 44 Denga, nda iyokali moli la mbote la owe a matoi mambai, mana ndondo esolo dja mbai ahumbwali la oemeli mingi.
\v 45 Ohemeli edjéi la moli andimia, late sambo kpàa enge Mwengéi amohaselali ekokokisama.
\p
\v 46 Pe malia ahasali ate: molimo mo mbai ekokumisaka Mwengéi.
\q
\v 47 Pe elimo mombai ekoki ti oya tonesi ohemeli mingi a tina e Mwengéi, mokalesi mo mbai.
\q
\v 48 Nda oheni ate moombo onde omoli adjéi moto pamba. Denda, obandi sikalandjo mabota kpàa wakotolo mbai moto o mwemu.
\q
\v 49 Nda moto okulu akelelia mbai misala misungu, pe kombo ende edjéi mosantu.
\q
\v 50 Magba ende edjéi likolo la wato wango wa komowangaka inde mabota la mabota.
\q
\v 51 Akelia la okulu a mawo mande; awahandia wango wadjéi la elolo a mamungo la mitema mawu.
\q
\v 52 Awadimbia wato wa okulu a kiti dja makumu, pe awadjambia wato pamba.
\q
\v 53 Atumesia wato wa ndjala la wihoo wilamu, pe awongosia wato wa ogumake mawo ohola.
\q
\v 54 Adia osalesi Isalaele, mokeleli monde, late amungole aleti motema magba lende.
\v 55 Nda ahaali lawa wawa wasu, atie Abalayama la momboto monde libela.
\p
\v 56 Malia ayabatali ebete kikima la Elizabeti inga sandja isato pe awongwali ebete ende.
\p
\v 57 Tango enge Elizabeti ekokali ate awote pê awotali mana opele.
\v 58 Wato wango wa lisukaka la waboti wonde wayokali ate Mwengéi amosu moli inde motema mo magba, pe wabandali ohemeli ebete kikima la inde.
\v 59 La lisio la mwambe, wamotenali mana oho kombeni pe amowelali Zakalia, nkombo e sango onde.
\v 60 Kasi nango adjali la loi woasaka, ahasia: te ndjongo, mowelakani ate Yoane.
\v 61 Ndjongo wamohaselali inde moto mwesi a libota wowe ati la enge kombo.
\v 62 Ndjongo wamowelia sango onde la wilembo inga abali wamowele ndai.
\v 63 Zakalia awongoli makoti, pe adingali: kombo wonde Yoane. Ndjongo iwo kpàa wakamwamli.
\v 64 Ambala esi monoko monde modukwamaki, pe olemi onde opumbali, abondali owasi, pe opamboli Mwengéi.
\v 65 Wato kpàa wango wadjali oyabati alisukaka ewu wawangali, walandali ohaseli sambo kpàa. Enge a moki mosungu dja mokoli a Yudea.
\v 66 Pe wato kpàa wango wayokali eho wahisali a mitema ewu, pe bandjali ohasi: oholo mana akondja ndai? late ewoo la Mwengéi edjéi penza la inde.
\v 67 Zakalia, sango wande, atumali la molimo mo santu atiesakolali ate.
\q
\v 68 Opabwame Engali, mwenge la Isalaele, nda akebesi ga wato wande la owa sikoli iwo.
\q
\v 69 Atopumbeselio iso ndjeka dja mokalo la monguta mo Davidi, mokeleli onde.
\q
\v 70 Ndi nda ndenge eleholi inde a monoko la mosakoli onde gala.
\q
\v 71 Ate akotokalesa iso awanguna wasu pe mawo la wango wakototonaka iso.
\q
\v 72 Late atohinye iso motema magba a tina ewa sangbasu pe amungole aleti ondimani onde mosantu.
\q
\v 73 Ndai enge alapelali sangbasu Abalayama.
\q
\v 74 Late ekoke otoûmbesi, mbuse tolongwe a mawo dja wanguna wasu, tomokelele inde otomo mosatu la owangi te.
\q
\v 75 Osombi liwoso lande la osembo pe la omowangi masio kpàa a bomoi wosu.
\p
\v 76 Owe, mana mokeke, okodja owelami motiesakoli molikolo; ango okosomba liwoso la elongi e Mwengéi la owongeli mboka ende.
\q
\v 77 Mbuse ohekeli wande kandela ate akowakelesa a mboka e olimbisi masumu mawu.
\q
\v 78 Atina magba e Mwengéi osu, la tina magba maho tokohene liwusawuse opumbi tokodendaka likolo.
\q
\v 79 La ekeli wuse la wato wango wa sese a wango wamotulu la wango walihohela la logo. Atina osombesi mangbanda masu mboka e logo.
\p
\v 80 Kaikoase mana oho adjali obeki aumia la okulu la elimo adjali ndi la wisobe tee lisio enge ayahiniali liwoso la Isalaele.
\c 2
\cl Esuki esungu 2
\p
\v 1 Engé e mobeko mose zale ogisité wakele tange wato wa moki kpa.
\v 2 tangi e liwaso edjali tango kilinisi likumu e silia.
\v 3 Watokpa wakeli owakomesi, moto la moki mondé.
\v 4 Edjefu indé mpe ateliya a galileya, alongoya nazalette, akiya a yudeya, la moki modandi, betelema, aloyi adjali la molako alidji la oliye o Davidi.
\v 5 Laaba ake awakomesi wo la molia, wasé onde, adjale lemi.
\v 6 Tango edjali iwo ongo, quse enge malia akokali oqoti oqunia,
\v 7 Awotiyu mana onde oliwoso opele. Amolingiya, amolangesiya la elakeli ewa meme, aloyi eti djali la ebete la iwo owa buti a ndako.
\p
\v 8 Edjali nde lenge eholo, wa wokoli wa meme wa djali alokolo wako bate laka nama djaqu.
\v 9 Denda, anzelu olikumu awawumeliya, lakembe kembo eli kumu ewalingiya.
\v 10 kasi anzelu awaaselise: otiqa ngeni, akodja la wato kpa ema emwemu;
\v 11 Keke, a moki modavidi, mokalesi awo qotamelini, adjali kilisito, likumu.
\v 12 Dende enge elembo eko eqanimo: okogbotoni mana mwesi wa molingi alidji alanyali a elakeli enama.
\p
\v 13 Ndi lenge ngonga ongo anzelu aboliani la weeta wanzelu, wa mokumisia, mwengei waasia;
\q1
\v 14 Kembo emwengai oyeti likolo, logoo a mbume la wango wadjei la mi tema milamu.
\p
\v 15 Tango waatikia wa wongoyia likolo, wa wakoli meme waa sania: toke tee ongo a beteleme, to dende enge ewumi ongo; enge likumu otoyewisi.
\v 16 Wakia obangu, wagbotia maliya la edjefu, la mana mokeke alangali la elekeli e nama
\v 17 Mbuse e wmeni, waasia enge ewaaselli iwo la layi loowolo mana mokeke:
\v 18 Iwo kpa watumiya la okamwi lenge edjaki wa wokoli wa meme owaaseli.
\v 19 Malia adjali oyisi djenge sa, mbo kpa, adjali obundoli a motema.
\v 20 Wawekoli wa meme wa wongwali, la kembo la omokomisi iwo alidji lenge eeni iwo, eengemani leenge ewa waselelali.
\p
\v 21 Masiyo mwambi, laate mana atename kombeni, wa mahia kombo Yesu, kombo enge easali anzelu liwoso te mana a lingeli a solo e nango.
\p
\v 22 Alidji, tango masiyo ma opetolami e kokali, ndende mobeko mo Moize, Edjefu la malia wakalila inde a yelusalema, laate wa mo inwe la likumu;
\v 23 Ndenge edhingami la mobeko e likumu, Mana ongo opele ongo owotami liwoso ahome la likumu,
\v 24 La ohekeli likabo ilwa iwale, ndandenge edhengami la mobeko e likumu.
\p
\v 25 Edenda edjali Yelusaleme moto pele mwesi nkombo ende Simeona, moto ongo adjali mosombi olamu pe mowangi, adjali olambeli obondisami dja Isalale, pe elimo santu edjali likolo lande.
\v 26 Aleeti amohiniali a mboka elimo santu ate atahene logo liwoso amohene Kilisito e Mwengéi.
\v 27 Adjali a tepelo, la okulu dja elimo. Pe nda waboti walingesali mana mokeke Yesu tina a mokelele inde ndenge wingbundu ewongi.
\v 28 Inde amototali a wawo onde apambolali Mwengéi, mpe ahasia.
\q1
\v 29 Sikalandjo Mwengéi, owe odeiya motuke wowe ake la logo, sa ndenge ohasali.
\q1
\v 30 La tina maiso ma mbai eheni meko wowo ndja okalesi.
\q1
\v 31 Enge ewangeli a maiso la wato wa miki kpàa.
\q1
\v 32 Wuse late ehenese miki, pe kembo la Isalaele, wato wa owe.
\p
\v 33 Sango la nango wadjali ndi okamwi la sambo kpàa enge wadjali owasi a tina ende.
\v 34 Simeona amopamboli iwo ahasali la malia, nango: Denda, oholo mana ayabati a tina olumbesi pe oyamalesi wato mingi la Isalaele, a tina edje lembo enge wato wako aselaka obe.
\v 35 Pe laowe mene ewumi mosungu ekoswa molimo mo owe late mamungo ma mitema mingi ehenene.
\p
\v 36 Edjali pe la motusakolo omoli, Ana, mana o Fanwele, la libota Ashere. Moli oho ahumali a mibu mingi pendja, pe ayabatali la molome onde mibu sambo te oseka onde.
\v 37 Dja ndi mogweli, pe la mibu tuku mwambe la inéi, atiumali a tempelo, ayahekeleli la Mwengéi likolo la wuse ndondo owakilisi la oyakombi.
\v 38 Mamungo mawongwea, inde kine ndi la hengele ehoo, akumesia Mwengéi, pe akohasaka atina e Yeu atie wango kpàa wadjali olambeli osikolami dja Yelusaleme.
\p
\v 39 Ango wasilisali okeli sambo kpàa la tutei wingbndu wa Mwengéi, Josefu la malia wawongwali la Galileya, ongo Nazarete, liwange ewu.
\v 40 Kaiko, mana ohoo adjwalui obeki la okulu, atumali la okenge, pe libalano e Mwengéi edjali likolo wonde.
\p
\v 41 Waboti wa Yesu wadjali oki mibu kpàa a Yelusaleme, lipati la pasika.
\v 42 Ango eumesi inde mibu liomo la iwale wakeli a lipati ehoo ndi ndnge wamesanali oki.
\v 43 Aleti, ango masio epotoli oweti, wawongwali, mana Yesu atikalia a Yelusaleme. Sango la nango watiyewali.
\v 44 Wakanisali ate adjali la ebiba wato wango wadjaki okeli la iwo mobembo, wasombali lisio mobimba. Mbuse ehoo wabandali omolukani atie wato wa libota pe atie wato wango wayewani la iwo.
\v 45 Ase, nda watimoheneli inde wawongwali a Yelusaleme la omolukani.
\v 46 Mbuse e masio masato, wamogbotoli inde a tempelo, ayabati ndando e watiesakoli, ukowayokaka pe o weli iwo mituna.
\v 47 Wango kpàa wadjali omoyoki inde wadjali sa okamwi a mayele mande la ewongwili onde.
\v 48 Ango waboti wande wamohenia, wakawali, nango amohaseli ate: Mana ombai, otokelia iso ndjo la tina ende? denga, sangwa la mbai tosombia moto oholukani.
\v 49 Ase inde awahaseli ate: a tina ende ino wokolukakani mbai? ino woyewitini ate mbai ikokela sambo dja wawa?
\v 50 Ango watiyewali enge ekowaselaka iwo.
\v 51 Ase adimbali ebete kikima la iwo la oki Nazarete, pe adjali ndi oyadimbesi liwoso lawu. Nango abaniali dinge sambo kpàa a motema monde.
\p
\v 52 Pe Yesu abekali la kondela, pe la wenge la libalano, liwoso e Mwengéi pe liwoso la wato.
\c 3
\cl Esuki esungu 3
\p
\v 1 Mbuse e liomo la itano la wakumu wonde a Tibere Cezar, ango mpe Pilato adjali Gouvelenele a Yudeya Helode likumu e Galilayi, manango Philipo likumu e Iture etuka e Talakonite, Lisaniasi likumu e Liabilene
\v 2 Masio ma nganga e Mwengei likumu Anna e Caife moaseli mo wawa amoaseliya Yoana mana o Zakali ndondo e isobe.
\v 3 Ango wasombaki a moki mosungu kelekele e yoluani adjali osakoli batisimo enge edjei elembo e obongoli motema alikambo la olimbisi e masumu.
\v 4 Ase ango edingami a buku esaseleli e Ezai moaseli a mongongo e moto ongo akopamaka la motulu wongelini mboka e Mwenge.
\q1
\v 5 Mawela kpa ekodhihana, wa mikoli kpa miko adjimba enge wa bebesaki eko wongo, mboka enge wa bebesake mako wango.
\q1
\v 6 Aleeti wenge kpa ekohene ondimi e wawa.
\p
\v 7 Wako wasela wango wakodjaa wato ngbi la ototi batisimo atié inde: lolenge ndjoo, ongo ato inyaki otili limeme la odjei?   e
\v 8 Inyani misala ma wokukwami, otiabate oaselani ino amene: todjei la Abalayama nda wawa? a ndenge iwoaselali, enge liwanga eko umbwa wana wa Abalayama.
\v 9 Nda ndenge e nangi iwo la eski e mote: moto ongo mokowota mbuma mbée wa tene walumbe la misa.
\p
\v 10 Wato ngbi, watonia, waasa: tokoki okeli woni;
\p
\v 11 Awawongselia ongo adjei la wisidje iwale amowekele ongo odjangi, ongo adjei la ema e lakake akele ndi ndjongo.
\p
\v 12 Adjei la mposa weeti witondo la ototi batisimo, wa moaselia: molakesi, nda ndenge koki iso okeli?
\p
\v 13 Awawongoselia otisambese likolo enge easamia.
\p
\v 14 Wa soda mpe wamowelia: iso, nda ndenge ekoki iso okeli? awa wongoselia: otitoni ema e wato la otetelake te la oyiwi wato, ohuelanake ino amene wa soda.
\v 15 Sikandjo nda ndenge wato wadjaki omolambi mpe iwo ngoo wadjali owaweli a mitema mawu eeti tango Yoana ase adjei kilisito.
\v 16 Awawongoselali aasi la iwo ngoo ate mbai idjei obateseniino a malia moto mwesi motetelake o eti mbai akodjaka. ehongiti odukoli singa e sandala ende inde akobatisaino la elimo satu mp la misa.
\v 17 ende eopopoli mbumaedjei ewo ende a likambo la opetoli amene ebete ende e otangi mbuma mpe ogbotonesi a molako monde mungo moisake ilaka ase akotumba mposo awo la misa mungo motolimanaka.
\p
\v 18 Ango Yoana adjaaki owalendisi wato weeti sungu mpe akokaki owaaseli wato mboli mdamu.
\v 19 Aseko Helode likumu mo Helodiasi, molio manango mpe la tomu mbée enge Yoana akelaki.
\v 20 Helode abakisali alidi sambo enge otomu enge omonangaki Yoana a boloko.
\v 21 Kaiko nde engele wato kpaa wa batisamaki Yesu mpe abtisamaki ango engele adjaaki ohakongi likolo edukuanaki.
\v 22 Ase elimo satu enge eheneneki nda ebenga yadjimbaki likolo lande ase mongongo mwesi molongwaki likolo ate owe odjei mana o mbai e bolingo londimi owe.
\v 23 Alidi Yesu inde amne engele a wandaki otomu wonde adjaali la mbula tuku isato wa djaaki okenesi ate adjei mana e Yozefa, mana e hele,
\v 24 Mana e Mateyo, mana e Janayi, mana e Yozefa,
\v 25 Mana o Matiasi, mana o Amosi, mana o Nahume, mana o Esile, mana o Nagai,
\v 26 Mana Matiasi, mana o Semei, mana o Yozefu, mana o Joda,
\v 27 Mana o Joana, mana o Rena, mana o Zolobabel, mana o Satakiti, mana o Neri.
\v 28 Mana o Melchi, mana o Adi, mana o Kasam, mana o Alamadam, mana o Er,
\v 29 Mana o Yesu, mana Matha, mana o Levi,
\v 30 Mana o Simeo, mana o Yuda, mana oYozefu, mana o Eliakime,
\v 31 Mana o Melea, mana o Mena, mana o Malata, mana o Nata, mana o Dawidi,
\v 32 Mana o Isaya, mana o Jobede, mana o Boze, mana o Salomo, mana o Naso,
\v 33 Mana o Aminadabe, mana o Adime, mana o Alani, mana o Esilome, mana o Falese, mana o Yuda,
\v 34 Mana o Yakobo, mana o Isaka, mana o Abalayama, mana o Otara, mana o Nakore,
\v 35 Mana o Serite, mana o Rago, mana o Fale, mana o Ebere, mana o Sala,
\v 36 Mana o Kaina, mana o Afasa, mana o Seme, mana o Nowe, mana o Lamete,
\v 37 mana o Matisala, mana o Enoki, mana o Jolede, mana o Malele, mana o Kaina,
\v 38 Mana o Enose, mana o Adama, mana o wawa.
\c 4
\cl Esuki esungu 4
\p
\v 1 Yesu atumesamia la modjili mwe Engali, olongoi la Jordani pe modjili mo motomia ongo wedjaka mite.
\v 2 Ongo omekehekeni nde la esisi masio tuku inei moi la likolo odjangi olaki kati emango masio ndjongo, mbuse emango masio ndjongo aokia djala.
\v 3 Esisi a mwaselia ndjo: Inga odjéi mana o mwengéi, asa la ma mabukeli makukwane makoke.
\p
\v 4 Yesu amowongoselia ate: madingo masiate: moto atikalaka sa la ilaka ilakake.
\p
\v 5 Esisi emotombolia likolo, amoineia okodji huhu o mbume.
\v 6 MPe asia lainde ikohekele u otetelake, la okumu ohuhu okodji, late waheli mbai, ikohekele edjéi moto ongo omobali mbai.
\v 7 Pe inga oya konga la mbai, mbai ikohekele uho.
\p
\v 8 Yesu amohongoselia: madingo masiate owe nde okoyakonga la Engali pe owe nde okomosalela.
\p
\v 9 Esisi, emototia ekia lainde ongo la Yelusalem, amoyamalesia likolo la tempelo mp asia aleti: inga odjéi mana mwe Engali alumba yo ongo sésé late edingami djongo.
\v 10 Akohekele mitindo edje wadjelu la tina owe late wobatele.
\v 11 Pe wakokpala la mawo mau late makolo maowe ma titime hesele.
\p
\v 12 Yesu amowongoselia: asani ate owe otimomeke Engali, Mwengéi.
\p
\v 13 Mbuse omomeki la sambo ebele esisi emotilia, Yesu atikalia inde amene.
\p
\v 14 Yesu atumesamia la otetelake o modjili mo Engali, awongoia a Galille, mpe mboli ende eyadjia la miki mango ma pembeni.
\v 15 Ateyakali la Sinagoga, pe okumu wonde osombia ibete kpàa.
\p
\v 16 Awongoia na Nazareth amoki mungo mobekalinde, okomi la okoko ohu alingelia la Sinagoga use osambelake ayamalia late atange buku.
\v 17 Pe wamohekelia buku e mosali Isaya: ohengsi kasi dja buku akadjua ebete esi ekomate iwo.
\q1
\v 18 Modjili mwe Engali modjéi likolo la mbai, late amunoli mbai la maita late iteye sango ndamu poli etie wazangi atomi koto mbai ate ikalese wato wango wadjéi la mitema mikodjoi.
\q1
\v 19 Late tuke ikangolame, wango wakpi waiso ate wenge, wango wako nyokwamaka wakale, la wenge wesi okodji we Engali la wiwi ilanga djo.
\p
\v 20 Mbuse eho adikia madingo amohoselia mosali, mpe ayabatia. Wato wango kpàa wadjakalia la losambo wa kukolia maiso kpàa nde.
\v 21 Pe abadia owaseli: keke eheli djinge sambo ilongoiya mbaio otangi makokesamioa kekehele.
\p
\v 22 Wato kpàa wadimia misala mande, pe wakamoya la maloba mango makumaka la monoko monde: pe wotanaka tembe wasi ate Teolo nde mana o Josefu?
\p
\v 23 Etila tembe adjinge sambo ikwasaka inokpàa, monganga yakalesa owe amene pe okwasakani ate kela pe ala la moki mowe ndandenge ookiso ndenge ekeli ow ongo la Caparnaum.
\v 24 Pe abakesia asiate: iwaselini solo late mosakoli te mokikima wae modimaka la moki monde.
\v 25 Ikowaselaka solo: edjakali latango e mosakoli Elia wali wakpeleke pele ebele la Isalaahele tango edikamali likolo ilanga isato la sadja motoba, edjakate la odjanga wohilaka la mokili mobimba.
\v 26 Tango eho motuke mo Mwengéi ehetomanali te dje moli mokikima molongose di moli ongo okpeleli molome ongo la Saleta la moki mo Sidon.
\v 27 Edjakate la wato wambala la mwengele mo motuke mo Mwengéi Elise, mosakoli, kasi moto te mokikima akalali molongose kaka Namana moto o Syrien.
\v 28 Iwo kpàa wamemelia la sinagoga tango okia iho djinge sambo.
\v 29 Wayamalia, pe wa humbwa la inde la moki, pe wakia lainde te la songe mokoli e liwange ongo omaliwo mokuta, pe wawongoia lainde obangu te ongo sésé e mokoli.
\v 30 Pe Yesu aetia kati ehu pe akia.
\p
\v 31 Ayadjimbia la moki mo Capernaumla la liwange la Galile, pe abadia otei huse o Sabbat.
\v 32 Wakamwali la mateya mande kpi pe maloba mande madjakali la okumu kpi.
\v 33 Edjakali la dodo esinagoga moto mwesi odjakali makasi asia.
\v 34 Edjei la ndandenge eloi kati esu lowe, Yesu wa Nazareth? owe odji ati otowungese iso kasi mbai iwewi iwo odjéi mana we Engali.
\p
\v 35 Yesu amokelia minga, pe asia: dika monoko mowe pe pumba atielo moto esisi emolumbia ndondo e losambo pe mobumbaia kati ende odjaki omokeli obe te okikima.
\p
\v 36 Wato kpàa wawangia, wabadjia wasani nda ndenge Eliba lili? akohumbaka la isisi pe yo mowanganga!
\v 37 P mboli ende ebengea la moki mobimba.
\p
\v 38 Opumbi wonde la Sinagoga akia la monguta mosimo. Okio osimo adjakali la fefele, wamwaselia likambo laho.
\v 39 Oyabongoli ngambo ende pe aumia la fefele eho fefele emosilia mbala kikima, pe ayamalia pe abadia omosaleli.
\p
\v 40 Mbuse ehuse oli wakadjia la wato wa ikoni ndenge la ndenge, pe awabatelia mawo mwesi la mwesi pe awakalesia.
\v 41 Midjili mipumbia edje wango wato mpe miasiate owe odjéi mana we Engali, Awa kelia matata, ae balakali ate wakpome late minge midjili miewakali ate inde adjéi Kilisito.
\p
\v 42 Tango etania huse, apumbia akia o ebete edjangi mite. Wato ebele wabadia omoluki, tee waka mokpotia wabalakali atia wakabuane lainde.
\v 43 Awaselia ate: ewongi pe ike Ameti miki la okatei mboli poli e Mwengéi, late la tina eho nde etomami mbai.
\v 44 Ateya la wa Sinagoga la liwange la Galile.
\c 5
\cl Esuki esungu 5
\p
\v 1 Nda Yesu aumali keekele e ebale e Nazalete, mpe wato ngbii wayandogbali ongo edjaaki inde la ooki luundo o Mwengei,
\v 2 Waeni keekele emalya maamasula keekeke waale, ndjongo wato wanduki wayandimbi la okpoli witanga.
\v 3 Atelya la wato eesin enge edjaaki Simoni, mpe ayatatya la sango la lihle la mbume keke, sikandjo ayabatya, mpe ango la wato abandia owateyi wato.
\v 4 Ango etimei inde la waasi, aasia la Simoni: yandongba ongo ebeki malya, mpe lumba tango eowe la malya.
\p
\v 5 Simoni amowongweseli: molakesi, iso tokeli otomo likolo kpaa ooliti ema; kasi, la luundo wowe, ikolumba etanga.
\v 6 Alumbi etanga, atoti masuu sungu, mpe etanga eatiaa.
\v 7 Wayamalelaali wiino wahu wango wadjaaki la eeti waato la odii osasungi wadi mpe watumesi dinge waato waale, etumaali weeti.
\v 8 Ango eeni iwo ndjo, Simoni Petelo, akpii la mauli ma Yesu, mpe aasindjo: otiyatole nda mbai, la loyi atembai idjei moto omasumu.
\v 9 Ango meemene amookaali, inde la wango wadjaali la inde mongindi, la loyi la nduka linge likeelali iwo.
\v 10 Wadjaki iwo amene Zaki mpe la Yoani mana o Zebedeyo, watingi mondingi la Simoni, ndjongo Yesu aasi la Simoni: otiwange te, obandi keke okodja molabi ma wato.
\v 11 Mpe wandingbi waato kondolo, wa didei kpaa, mpe wa motutey.
\p
\v 12 Yesu la moki mosungu eesindjoo, mpe dnga, moto mwesi mokwe la ekoni embala, a moenia, amomaelia mauli, mpe amwaselia ya kongia lainde: likumu lambai, inga obala, kalasambai.
\p
\v 13 Monga ayanga amobatelia mawo, amohelia, aasia: kala, aseko linge ekoni lisilia.
\v 14 Alaho amotekesia ate atiasele moto te mwesi. kasi, aùwaselia, keke oyo inyei la watuke wengali, mpe waha ema esila tina e mokalo wowe oengemeni la mandingo ma Mose, late edje ema linge likowa ndimesa.
\v 15 Otwa onde obangiali la moki, mpe wato ngbii wadjawali odji la omooki mpe late wakale la wikoni djau.
\v 16 Aseko inde, aya lomolali akia la lotulu, mpe aya kongali.
\p
\v 17 Lisio liesi monga ayanga akoteyaka, wafalizeyo mpe la waminganga wa mibeko wadjali ango wayabati, wadii ango la wato waGalileya, la wa Yuda mpe la wato wa Yelusaleme; mpe okolu o mokalesi eyine la owakalesi.
\v 18 Mpe denga, wato, wamodjeli ango la litoko moto ongo obukanaki makolo, wakolukaka omolingesi mpe omobati seesi ango edengaki inde.
\v 19 Nda elukaki inde awaaseli, a loyi obeki wato ngbi, watelya la inde, ongo edjaki inde, mpe awadimbia, seesi la litoko lau, ongo ebet edjaaki wato, liwoso lande.
\v 20 Denga loho eende molamu, Yesu aasi: wato, masumu manu malimbisane.
\p
\v 21 Wa dinge mpe la wafalisayo wabandi omungoli mpe la waasi: oholo ndjo adjeindi, ndai ongo okoki olimbisi masumu, eti ndi Engali inde amene?
\p
\v 22 Yesu, aewaali sambo dinge emungolaki iwo poo, atotya luundo mpe awahuelya: nda sambo emungolaki ino a loho eenu?
\v 23 Ndai ongo adjei la ondimi, okoki waasi: masumu manu malimbisane, te waasi ate yamala, mpe somba?
\v 24 Kooko ase, la mbuse ewani atemana o moto ala la mbume adjei la okulu lilimbisake masumu: mbai yoluhuelini mboka, ase la moto obukanaki makolo, yamala, tota litoko lowe, mpe keké la molako mowe.
\v 25 Mpe la oyamaleli, wayamali ndi iwo wakowaneke, watotya litoko ango elangalaki iwo, mpe akia la molako monde, amogumei Engali.
\p
\v 26 Iwo kpaa wadjaali la oyahueli, mpe wa mogumeya Engali, watumisami la mwemu, wabandi waasi lainde: iso tweni keke sambo dinge yeenekyate iso.
\p
\v 27 Mbuse eeho, Yesu apumbi, mpe aeni wato ngbii wa motutei, moto omoweli iwo Levi, ayabati ebete ekoongoko iwo dinge djau aasi la inde ate: tutia mbai.
\v 28 Mpe, adidei kpaa, ayamalya, mpe amotutei.
\p
\v 29 Levi amohekeli wilaka wisungu ongo la molako monde, mpe wato ngbii mpe weeti wato walaki ebete eikima la inde.
\v 30 Wafalisayo mpe la wadingi wabandia ondungwani, mpe waasi la wa tutiani ate: laande ekolakaka ino mpe weemeli la wato ngbii mpe la wato wango wakokalaaka obee?
\p
\v 31 Yesu, atotya luundo, aasia laiwo: etii wango wakokalaaka olamu nde wadjei la posa e okal, kaasi wakoni.
\v 32 Mbai iditii owaweli wato waosembo adjia la mboli obe wou, kasi wato wa masumu.
\p
\v 33 Asi la iwo: wayekoli wa zaa, nda wango wa falizeyo, kilani wilaka la enwenwe mpe la oyatoti, tee eko enga mwengele lakake mpe la okengi.
\p
\v 34 Wongweseli nda ndenge ekokilaka wayekoli pako la mwengele enge edjaaki iwo ate walokole pako?
\v 35 La masio mageleli laate molakomau mokelame, ndjongo wakilaali wilaka linge lisio.
\p
\v 36 Awaaseli lisesebe liesi: moto tweti okoki osaleli esidje e gala etati eesi la ate abonge la asindje poli, inga, asalya esindje egala, mpe etati enge etoti inde etiuma moholi.
\v 37 Mpe moto tweti atabonge mana la mokeba mo gala, tee inga mana maholi ma kwaate mokebe, ekosuakana, mpe mokeba mokobitane;
\v 38 Kaasi wongi obongi mana la mokeba moholi.
\p
\v 39 Mpe moto tweti, mbuse eowongwe okengi mana iloko, etidjaaki miholi, ango easi inde: wiloko adjei olamu.
\c 6
\cl Esuki esungu 6
\p
\v 1 Easemia, wusé wo sabato ewelami sabato wuse wo poo ase Yesu akpandesania la wilanga wa bule. Watutiani wandé wadjakali olongosi poso asé walaka, mbuse eodjipakisi la mowo.
\v 2 Wafalisai wadi waasia la indé nda likambo likokelaka ino sambo ndjingé ikokiti okelani wuse wo sabato?
\p
\v 3 Yesu awawongoselia: otitangalini nda ekelali Davidi, ango emwanali ndjala, indé la wato wango wandjakali indé la iwo;
\v 4 Woni nda elengelali inde la monguta mo Mwengei, aotia wokoke wungo woindjake, alakia, awahekelia wango wadjakali iwo la inde, wungo wotekesami ate moto atilake, ndi wanganga wa Mwengéi wakoki olaki?
\v 5 Ase awaselia: mana omoto andjéi menemene o sabato.
\p
\v 6 Eumia, wodi wuse wo sabato, ase Yesu alingelia la sinagonga, ase abandia owatu amogbotia moto mwesi ewo ende ekakati.
\v 7 Wadingeli la wafalisai, ate wa momeke Yesu inga akomokalesa moto wuse wo sabato: edjali ngonga ate waluke ndenge eomokawi.
\v 8 Kasi aewali mamungwene mawu, ase aasia la moto ongo djali la ewo ekakati: amala ase, ase abata ango la wodja. alongoya, ase amalia likolo.
\v 9 Ase Yesu awaselia ate: yohuelini inga edjéi wolamu omokalesi moto wolamu te wobe, omokalesi moto te omoli wuse wo sabato.
\v 10 Ase, awadedia iwo kpàa, aasia la moto: wanola ewo owe. akelia ndjongo, ase ewo ende ekalia.
\v 11 Wamemelia makasi, wabandia waasani iwo la iwo nda ema ekomokela iwo Yesu.
\p
\v 12 La enge engele, Yesu akia la moko okaakongi, ase akelia ongo likolo mobimba woakongi la Mwengei.
\v 13 Ango otaniani wuse, awawelia watutiani wande, ase awonia liomu la wale, wango wawahali inde nkombo wapositolu.
\v 14 Simoni omoweli petelo, Andele, manango; Yakobo; Yowane; Pilipo; Batelemi.
\v 15 Matia, Toma, Yakobo, mana o Alafeo, Simoni, omoweli iwo ate Djelota.
\v 16 Yuda mana o Yakobo, la Yuda mokeliota ongo motambali.
\p
\v 17 Adjimbia la iwo mongindi ase aamalia la ebetesi edjei wolamu, ango odjakali ebele ewato la watutiani wa nde la ebele ewato wango wakalongwali la Yudea, la Yerusaleme, la moki la Sidona. wadjali la likambo la omooki la ate wakale la wikoni wau.
\v 18 Wango wadjakali okwesi la wisisi wibe wakalali.
\v 19 Ase wato ebele walukia ate wamopote wenge, alikambo ate makasi mango madjakali aatie ende madjakali owakalesi iwo kpàa.
\v 20 Ango ndjoongo Yesu, alongosia maiso awadendia watutiani, aasia ate: Mwemu la ino wango wa ndjangi nde wokumu wo Mwengéi wodjei la ino.
\v 21 Mwemu la ino wango wandjei la ndjala ango ino okogbetani mwemu la wango wakolelaka sika ahala ango ino okwemeleni.
\p
\v 22 Mwemu la ino ango okotonakaniwato, ango okoumbaka iwo la ino la otangakoli ino, la obitesi nkombo ndamu, la Mana omoto nda odjéini wato wabe.
\v 23 Emeleni la wungo wuse, ase humbwahumbwani la woemeli, denda lisute lanu lisungu lindjéi ongo likolo; nde ndjoongo ewakelakali iwo wasangbau wawakela waaseli.
\p
\v 24 Kasi magba la ino, wato wagumake, alikambo ate okondjini walamu wonu kpàa.
\v 25 Ase magba la ino wango wagbeti ase mbuse okookani ndjala.
\v 26 Magba, ango okowaselakani wato kpàa wolamu, alikambo ate endjéi sambo ehenge nde watata wau wandjakali woasi la waaseli wa moleho.
\p
\v 27 Ase ikoaselakani ino wango wokoyokakani: balani wanguna wonu, wakelani olamu; la wango wako tonakani.
\v 28 Pambolani wango wako lakelakani obe oyakongila wango wakotangakani ino.
\v 29 Moton go obingi alikeke liesi moekeli eti ase moton, go o pwesi wowe elikolo otitone mohekele te esindje enge sese.
\v 30 Mohekele moto kpaa ongo ohongi owe ase inga moto opwesi iwo djowe oti wonge ate ahongwele.
\v 31 Aleeti ndi nda ino okobalakani wato wahokeleni ino kelelani iwo ndjongo.
\p
\v 32 Ase inga okobalakani wango wakobalakani ino ewo edjnei la nda litomba atie ino? laate te wapangano wakobalaka wango wakobalaka pe iwo.
\v 33 Ase inga wokokelakani olamu a wango wakokelakani ino olamu oho e djei a nda litimba atie enu? te wapanga pe wakokelaka ndjongo.
\v 34 Aleeti inga oko, bekisakani odjangi matabisi aitie wadjei la elikia ate wahowongwesele ino, eho edjei nda litomba atie enu? te wapangano p, e wakobekisaka odjangi oliki matabisi atie wapangano weti laate la mbuse watote enge wahekeleli.
\v 35 Ase balani wanguna wanu wakelani olamu wabekisani odjengi oluki matabisi likiani odjui ma ema la mbuse; ase mbano wonu ekodja osungu wakodja wana la ongo weti likolo laate inde akokelelaka wato wango wati la ondimi pe wato wabe sambo dja oemeli.
\v 36 Djaakani wato dja motema magba ndi nda sagbanu adjei moto o motema magba.
\p
\v 37 Aleeti deeni osambesi laate wokosambesani te keke deeni olumbesi wato la sambo laate watiolumbesani la sambo te keke. dukolelani wato ase wako dukolelani ino.
\v 38 Hekelekeni, ase wato wakohekeleni ino wakoswa la mabenga wonu wiwo ngbi enge epkotokoli, wadjadjesia etumia laate wakomekeleni ino la epimo enge wokomekeleni iwo.
\p
\v 39 Ndjongo ahekeleli iwo aleeti lisesebe mwesi: motongo ogwi maiso akokiti o inyei motongo ogwi maiso mboka. te ndjongo? iwo kpaa waale wakokwa la liwela.
\v 40 Mano o kelasi a etiti motiesi onde, ase moto kpaa ongo o inyami olamu olamu akodja nda motiesi wonde.
\p
\v 41 Nda ndenge okoheneke okasi a maiso e mino owe, ase otieneke osoto enge edjei ndondo e maiso lowe?
\v 42 Nda ndenge okoki ohaseli miino owe; dhee mbai ilongose osoto enge edjei ndondo e maiso lowe otieneke osoto enge edjei atie owe? moleho, longosewo osoto la mainso mo owe, ase okohene olamu ndenge ohumesi osoto enge edjei la maiso e miino owe.
\p
\v 43 Motee molamu etikpalaka pukapuka obe ndinda motee mobe eti kpalaka pukapuka olamu.
\v 44 Laate mote la motee ekoyewanaka la pukapuka wonde wahibukaka a motee lawa keke te.
\v 45 Moto molamu akopumbesaka sambo sambo dja olamu la olamu enge ehisi inde a motema monde ase moto mobe akopumbesaka sambo mbee la obe enge eyisi inde; laate monoko onde ekohasaka ndi sambo enge etumi a motema.
\p
\v 46 Djongo atina ende okowelakani mbai nkolo! nkolo! ase otikelakani sambo enge mbai ikohasaka.
\v 47 Moto kpaa ongo akodjaka atie mbai pe akoyokaka loi lo mbai ase akokelelaka oho ayengemeni la ndai?
\v 48 Ayengemeni la moto ongo omahali monguta enge atongali liwela molindake pe ase abatali mikolo la mabukeli ndjongo ango pela edjali ewale embingambingali monguta eho, ase edjali oteteli esungu te laate emaanali olamu.
\v 49 Aleeti motongo akoyokaka pe aikelelaka, ahengemeni la moto ongo omaali monguta likolo la ngene ase atibatali olamu, ango edjeeli pela ebingabingali ewo ase la mbala kikima ekwali, ase monguta eho ebitali.
\c 7
\cl Esuki esungu 7
\p
\v 1 hugo asesali Yesu wasi djahuege sambo kkpaa atie wato, ase akia la kapalanaum; e.
\v 2 Ongo ndjango kapteni mwesi o loma adjaali onde owotame ongo omobalakali inde ngbii, moto oho adjlali la ekoni ahue e logo.
\v 3 Mungo okali kapiteni mboli e Yesu, inde awatomia la wato wadi wayuda la omwongi Yesu ate adjei odjamokalesi moto onde o witom: a.
\v 4 Waumia atie Yesu, wamwongi ate: oholo aengi ate omokalese la mawo ma owe.
\v 5 Inde abalitomaka dja su, lainde mene omaali monguta mo wako, gi alikambo suu.
\p
\v 6 ndjongo Yesu akia la iwo mongindi mlungo lumia inde ahue e monuta kipiteni a watomia wato waumwasele: lihumu otialembese te: owe olingeli la monguta mo mbai,
\v 7 La ndjongo, mbai yengiti ouni atie owe. Ase owe asasa loi loikima, moto ombai owotomu akokala.
\v 8 Alik! ambo ate mbai idjei sese e makumu ma mbai, la edjei la masadje sese e nuako ma mbai. Inga djasa la mwesi, keke ase akoke, enga djasala odi: djaka! akadja, inga yasa la moto ombai owotomi: kela ndjo! ase akokela ndindjongo.
\p
\v 9 Ango okali Yesu, djihinge sambo, ide ahuelia a loi woho. Akukolia. Inde awaselia wato ngbiiawaselia wato ngbii wango wamotutiali: djasi nda ino: igbotokini wondimi nda wawuhu te ahala lo isalaele.
\v 10 wato wango wawatomali kapiteni, wawongoya la monguta, wa mogbotia moto owotomu, ndi akaliga wolamu.
\p
\v 11 Mbujse eho Yesu akia la gbata e waine watutiani wande la wato ngbii wakia la inde mongindi.
\v 12 Ango eunia inde la moluhe mo gbata, wato wakpali molonda okii la moho la kabali, a man opele opele mwesi mpe mba omoli ongo ogweli molome, wato la moli oho.
\v 13 Ango emweneli likumu djesu moli oho inde aokia magba alikambo lande, asia otilele te!
\v 14 mbuse eho Yesu akia ahue a bandia sanduki wato wango wagbali molonda wamalia: Yesu asia: mana opele yasi la owe! amala likolo!
\v 15 Moto mogwake alongoya, abatia ase apotia okpomi. Yesu amohekelia la nango.
\p
\v 16 wato kpaa wawangia, wamo emelia mwengei, waasia: mwaselia mosungu aumiga atie su! wasia koto Mwengei aumiga owakalesi wato wande.
\v 17 ndondo e Yudea kpaa wibeta wa keleele kpaa wato waakia mboli a lungo moi wakeli Yesu.
\p
\v 18 Watutiani wa djaani mopatesi wa mwaselia sambo iwo. djinge ikpomesamali iwo. Yoani awwelalia wato wale ndondo ewu.
\v 19 Ase awatomia atie likumu la omohueli ate: odjei moto ongo wewi iso ate ageleli, inga tomolambele odi?
\p
\v 20 ango eumia iwo atie yesu, wa moaselia; ndjoni mopatesi, atotomi iso ate tohuele: odjei motoongo wewi iso ate ageleli inga tomolambele odi?
\p
\v 21 la engele eho yesu awakalesia wato ngbii wa wikoni, la wato wango waliti wenge wibe la awaduholia wato ngbii maiso.
\v 22 mbuse eho awawongoselia watutiani wa yoani, mopatesi: kekeni omwaseleni yoani mopatesi loi wungo woeni ino wungo woki ino: wato waui maiso wakoeneke, wato wabukakani makolo wakosombaka, wato wa ekoni e mbala wakokalaka, wato wadikami matoi wakokalaka wato waguaki wakosusuaka, wato wango wadjangi wa kokaka mboli ndamu.
\v 23 mwemu la moto ongo obanei wondimi wonde!
\p
\v 24 ango okiga watutiani wa Yoani, Yesu apotia wasi loi wo Yoani, atie wato ngbiiasia, okodengakininda ema ongo la lisobe mboli djinge ikoni nganesaka ehoho te?
\v 25 Ndjongo okadengakini nde? moto ongo okpale wisindje wilamu? ase wato wango wakpali wisindje wa motio mosungu, la wato wa wadjenge ngbii wadjei la minguta ma makumu.
\v 26 Ndjngo okadendakini nde? mwasela? memena iwaselini, ohekeli okamodengi moto ongo omoleki mwaseli.
\v 27 Alika ate YOani adjei moto ongo wasi e kpalita e Mwengei la gbondo ende: mwengei aasia: denda imotomi motomani o mbai liwoso la owe, alikambo la odukoli mboka alikambo la owe.
\p
\v 28 Yesu asia alidi: yasi la ino: ndondo e wato wango wawotami la moli tweti te odjei ino sunguomoleki Yoani, ase moto ongo ongo odei mokeke oleki ndondo e wo Mwengei adjeimasungu omoleki inde.
\p
\v 29 wato kpaa la wandombe wa oputesimamelo; wadjali omoki Yesu, waewali ate Mwengei adjali memene; ase wakondjia batisimo e djoani.
\v 30 Ase wafalisayo la walimo wapui watonia mwano mo Mwengei alekambo lawu, ase watonia lipatesi la Yoani.
\p
\v 31 Yesu asia koto: ikowa kokanesa wato wa ehele engele lande?
\v 32 Wadjei nda wana wango wabali la ebete e liho; wabolei wesi wopamia atie wabolei wodi ate: tobinge lalini ino malinga ase otiwinalini te! tolembali djem: bodja magba ase oti lelalini te!
\v 33 Alikambo Yoani mopatesi adjali inde atlakali wokoke te, la atikengali ase wasiani: ide adjali la molimo mobe.
\v 34 Mbai mana o moto edjeiga ikolakaka la ikokengaka, ase woasiani: modendani oholo moto akomungwaka ndi olaki la okengi wino, inde aewani la wato wali.
\v 35 Ase wato wa wondimi wakoeneke la wohola ate lokenge wo Mwengei wodjei memene.
\p
\v 36 Mofalisayo mwesiamowelia Yesunla olakila monguta monde yesu aumia atie nde, ase aabatia la mesa.
\v 37 Moli mobe mwesi adjali la moki moho, inga okali inde ate Yesu akolakaka la mongutha mo Mofalisayo akadjia la molangimokelamialibanga la malasi.
\v 38 Amalia mbuse e mokongo Yesuatie makolo mande, indeapolia Yesu makolo la makia m; angonla ohuhali maho l; a sue djande asebamohuholia la amosuelia malasi laho.
\v 39 Ango woenia ohongo mapalisago omowelali Yesu luhungo loi asia la motema monde inde oholo motoadjaaki memene mwaselinda amwewi ohongomoli okomobandaka ate adjei moli mobe.
\p
\v 40 Yesu apatia wasi la Mofalisayo simo, edjei la ma loi wokele la owaseli, Simo asia mwalimo; asa.
\v 41 Yesu asia: wato wale wadjali la nongo e moto ongookahaka nongo ongo okahaka nongo, mwesi adjali la nongo e wadjenge kama etano, ase ongoodi adjalila nongo e wadjenge tuku itano.
\v 42 Alikambo iwo wale watidjali la wadjenge waputake te inde wale. ndai la ndondo ewu wale ndai la okomobala ohongo moto oleki.
\p
\v 43 Simo awongosia: imungoi ongo odjei nongo sungu oleki. Yesu amwaselia owongosiga wolamu.
\v 44 Mbuse eho Yesuakukolia atie moli aseb asiala Simo omweni oholomoli? mbai ilingeli la monguta mo owe, ase otihekele mbai malia ma wakpoli la makolo ma mbai te, ase oholo moli akpliga mbai mokolo ma molia ma maiso mande, ase akuholiga la sue ndjande.
\v 45 Otihekele mbai mobale la wasasi tee ndinda elengeli mbai la monguta inde adeiti opotopoti, makolo lo mbai lawo sasi tete.
\v 46 Otisuele mbai maita lamoto te aseinde asuiga malasi la makolo ma mbai.
\v 47 La ngo iwaseli libalano lisungu lienesi inde, enesi ate masumu mande ngbii malimbesamiga. ase makeke, enesilibalano likeeke.
\v 48 Asembuse Yesu asia la moli oho: masumuma owe malimbesamiga.
\p
\v 49 Wato wandjki olaki la Ysesu mongindinwasia la mitema mawu: oholo moto adjei nda, ongo wongi olimbesi masumu?
\p
\v 50 Ase Yesu amwaselia moli: wondingi wowe wokalesi owe. kekelogoo.
\c 8
\cl Esuki esungu 8
\p
\v 1 Mbuse ango Yesu akeeli gbata la gbata, ase mokii mo saa la mokii mo saa. atie sia pe ohingei mboka poli e likumu la Mwengei liomo l, a wal, e wakomotutiaka.
\v 2 La ndambo e wali wango wadjali wasani wa milimo mibe la wikoni; maliya ahasia la magadala ango apumbesali witita sambo.
\v 3 La yoana, moli o kuza kapita o Elode la Sueana la weti wali wango wadjali ohekeli wihoo djau a tina osalesi iwo.
\p
\v 4 Sikalandjo ango ebiba e wato wayboleali ebete kikima la wato wadjaali odi a mokii la mokii la mokii wakodja atie inde. awahaselali iwo la ndakisa liesi:
\v 5 Mohoni mwesi apumbali a tina ihoni mboto ende pe ango edjaali ohoni nda ehoo ekwali pembeni pembeni e mboka wakpotokolali eho, pe mbulu e likolo walakali eho.
\v 6 Ndambo eeti ekwali likolo la libukeli pe mbuse opumbi ekaukali laate etidjaali la lalia te.
\v 7 Ndambo eeti ekwali ndondo e keke, ase keke enge ebekali la eho ebete kikima ebetali ehoohiani.
\v 8 Ndamboeeti ekwali a mbume enge olamu, ase mbuse opumbi, puka puka mba kama mwesi ango ahasali enge sambo atowali ate; ango odjei la matai la oyoki ayoke.
\p
\v 9 Ase watutiani wande wabamdali omoweli ndimbola la enge motuna.
\v 10 Inde ahasali ate: ino wititi la oyewi wihisaneli mosantu e likumu la Mwengei, ase ikohasaka la weti ndi la wandakisa laate te nda wakodendaka, wa denda ndi pamba, te ndenge ekoyokaka wahele tinate.
\p
\v 11 Sikalandjo ndimbola e ndakisa enge eholele: mboto edjei liloba e Mwengei.
\v 12 Enge ekowali pembeni e mboka edjei wato wango wango wayoki, la mbuse etota adi alongosia liloba a mitema ùowu laate waindimekine pe watikale kine.
\v 13 Enge ekwali likolo e libukeli edjei wato wango inga wayokia liloba, wayanbia eho la ohemeli, ase wati la mindili te; wandimia ndima tango keke, ase a tango amekami wa deiya ondimi.
\v 14 Enge ekwali likolo la keke ehonde wato wango wayoki, ase nda sambo e ogumake pe ohemeli e bomoi esambesia iwo moto waykia ndi wibete kpaa pe wapumbesia ema te eti e ohongemeni.
\v 15 Enge ekwali likolo la mbume e olamu edjei wato wango mbuse e oyoki a motema olamu, wahelia eho ase ewotia pukapuka ango wako amalaka ngbii.
\p
\v 16 Moto te mwesi mbuse ololesi minda, akodihaka eho la mbeki te obati eho sese epee, ase okobataka eho ndi la emaliseli la minda, laate wango wakolingelaka wahenene la hoho.
\v 17 Laate eti la ema esi enge eyabali enge etihenenek, e la loho, te, ase eti la ema te esi enge ehisama olamu la hoho te.
\v 18 Eho lenge kebani la ndenge okoyokaka, laate moto ongo odjei la ema, wokomohekele ngbii, ase moto ongo ati la ema te, te ongo inde amungoli ate adjei la eho wakomopwesa eho.
\p
\v 19 Sikalandjo nango la wa ma nango wadjali atie inde ase watidjali la likoki ohhuli ebete edjaali inde a tine wato ngbii.
\v 20 Ndjongo wamohaselali inde ate: ngwa la wa ma nano wahamali ongo saa, wabali ate wa ohene.
\p
\v 21 Inde awawongweli iwo ate: ima ombai la wa manima wo mbai edjei wango wakoyokaka liloba e Mwengei pe wakobalaka eho.
\p
\v 22 A masio eho lisio liesi inde la watutiani wande walingelali a masuwa, ase ahasali la iwo ate: tokpande a ngambo eti e malia ndjongo wakeeli.
\v 23 Ase ango edjeeli okinde alangalali hiho, kaikwase ehoho ekelali ngbii, pe malia ebandali olingeli a masuwa pe wadjali a likambo.
\p
\v 24 Mbuse mbue, wakeli ebete elangali inde pe wamosusolia inde wahasia; motiesi, topoti ogwi! ango esusoiya inde atawelia ehoho a malia enge edjeeli otomboliki ase endimbali, ase logo elingelia.
\p
\v 25 Ndjongo awahaselia ate: eni ondimi wonu? ase wawangali ngbii, wakamwali mingi, wahasia: oholo odjei mpedja la ndai, laate adjei ohekeli te la ehoho pe malia wingbundu pe eho ekomoyokaka inde?
\p
\v 26 Wadjimbali la moki mo Wageraza, mungo modendani la Galilaya.
\v 27 Ase ango Yesu aandjimbia la mbume, motopele mwèsi o mohungo moki, adjéi la ndiwa ebele. eumoya masio atokpalaka esindjè te atoabataka la monguta kasi saa la kabuli.
\p
\v 28 Amoenya Yesu, apamia akuya la makolo mande, aasia la moli mosungu: iso la owe todjéi loi, Yesu mana o Mwengéi olikolo? yaleli la owe, otiudjeenese mbai wodidi.
\v 29 Ase Yesu asia la enge esisi eume djéi moto oho. Alikambo ndi gaala ekomokweseke masio kpàa wani obaniakali, la omonangi seni la wibende la makolo, kasi adjakali otenakoli wiho pkàa wimonangakali iwo. ase adjali wabati la ndiwa djaho ongo la lisobe.
\p
\v 30 Yesu amohuelia: nkombo owe ndai? wakokei awongosia ndjongo, alikambo ate wisisi wisungu wimolingelali.
\v 31 Ase wamwongokoli Yesu ate atiwalumbe la liwela lilindake.
\v 32 Edjakali ango, la mokoli, lihoke lisungu la ngulu. Ase wisisi wimwongia Yesu ate walingele la liwoke laho, awandimelia.
\v 33 Wisisi wipumbia djéi motooho, wilingelia la liwoke la ngulu, longwa ebete enge edjakali waho la kelehele e libongo, ahue la libongo ase wilindia la malia.
\p
\v 34 Ewawangesia wato, ango woenia iwo sambo djinge ikelami watilia ase wakia okasumbi mboli la Ghata la amiki makelekele.
\v 35 Wato wakia okeni nda ekelani sambo djaho, wakia ahue djéi Yesu ase wamogbotia ongo moto omoumali ndiwa aabati la makolo mande akpali esindjè eklamu, lomungo wonde woumia wolamu ndjongo ewawangesia makasi.
\v 36 Wango waeneli nda oleki sambo djaho wawaselia wato nda ekali moto ondiwa.
\v 37 Wato kpàa wa moki Gerasa wasia la Yesu ate alongwe ahue la iwo, alikambo ewawangesali makasi Yesu atilia la wato awongoya.
\v 38 Ongo moto omoumali ndiwa amwongia wabate iwo la inde kasi Yesu aumbia la inde aasia ate:
\v 39 Wongwa la ndako ase akowasela ndinge kpàa yokeleli Mwengéi. Akia adjawaselia la gbata ndjinge sambo kpàa imokeleli Yesu.
\p
\v 40 Ango ekawongoya inde, Yesu wato ebele wamoemelia, alikambo iwo kpàa wandjakali omolambeli.
\v 41 Ase denda amoemia moto mwèsi nkombo ende yalusi ongo odjéi likumu la Sinagoga. Akuya la makolo mande, ase aasia lainde ate alingele la ndako eende.
\v 42 Alikambo ate andjali la mana omoli ombula liomi la iwale anguali, ango okia Yesu wato wabandali lainde.
\v 43 Ndiango, moli mwèsi andjali la ekoni ewoumi makila mbuse ewilanga liomu la wiale, ongo osilali wambele wande kpàa aatie e minganga, tee ango moto tweti te omokalelisiti.
\v 44 Aandongbia mbuse eende ase ahelia esindjè e Yesu ndila engele eho makila madeya omoumi.
\v 45 Ase Ysu aasia ate: moto mwèsi aheli mbai? wato kpàa wawungania, Petelo la wato wango wandjakali ango waasia ate: likumu, ebele ewato watumi a la gboo ase walengi la owe, ase woasia ate: Ndai oheli mbai?
\p
\v 46 Kasi Yesu awongosia ate: Moto mwèsi aheli mbai alikambo yewi la likambo te wokulu wondjumi mbai.
\v 47 Ongo moli, aeniate loi wungo wouminga saa, akia andja kpamakpame akuya la makolo mande, aasia liwoso la wato kpàa nda emoheli inde nda ndenge ekali inde la mbala kikima.
\v 48 Yesu amwaselia: Mana o mbai omoli wondi wo owe wokalesi, keke logoo.
\p
\v 49 Nda woasali inde alidi, mwenesi mwzsi likumu la Sinagoga asia ate: Mno owe omoli agwi, atimwaselake likumu.
\p
\v 50 Kasi Yesu, aokya ndjoongo amwaselia likumu la Sinagoga: otiwaugete ndimela kaka ase okokala.
\v 51 Ango eumia inde la moguta atekesia ate moto twèti atilingele la inde mongindi, elingele ndi petelo, la Yoani ase la yakobi, ase la sango la nango ongo mana.
\v 52 Iwo kpàa walelia waokia magba masungu: ase Yesu aasia ate: deeni oleli, agwiti, kasi alali wilo.
\v 53 Ase wamosekia, waasia ndi ate agwi.
\v 54 Kasi amohelia la mawo; aasia la moli mosungu: Mana, amala.
\v 55 Ase elimo ende emowongoya, ndiango aamalia; ase Yesu awaseli ate wamohewilaka alake.
\v 56 Wawoti wa ongo mana omoli waahuelia, awaselia ate watimwaselake moto te weti sambo ndjinge ikelmi.
\c 9
\cl Esuki esungu 9
\p
\v 1 Yesu awawelia wango liomu la wale, awahekelia wokulu la makoki likolo la ndiwa, la makoki ma okalesi wikoni.
\v 2 Awatomia osakoli wokumu wo Mwengéi, la owakalesi wato wa wikoni.
\v 3 Otiikakeni ema teeti ango okia ino, awaaselia ate, esuki emote, te wapasa te wokoke, te waambele woidjakeni la wisindjè wasese wiale.
\v 4 Minguta kpàa mikolingela ino abatani ango, angonde eobalini iwo.
\v 5 Ase inga wato watiwoemeleni, umani la enge gbata, ase huholani motuluemo makolo manu, ehoemesi wobe wou.
\v 6 Wakia ase waumia moki la moki, osakoli mboli ndamu, la okelesi wato.
\p
\v 7 Herode modengeli aokia sambo ndjinge yasanali la ndjinge ilkali, ase mamungwene mamosilia. Alikambo ate wato wadi wakoasaka ate Yoane ongo asusoi gaala logo.
\v 8 Wato wadi, waasia ate Elia ongo olimwali, ase wadi waasia ate mwesi o waaseli ongo osusoi gaa.
\v 9 Kasi Herode asali ate, mbai imotenali Yoane moto; ndai kasi ongo, enge ekokaka mbai ndjinge sambo? ase amolukia ate amoene.
\p
\v 10 Waapositolu, wakawongoya, wa mwaselia Yesu sambo kpàa ndjinge ikeli iwo. Awatotia lainde mongindi, wakia ebete esi aati e gbata esi enge ewelani ate Betesaida.
\v 11 Ebele ewato waewia, wamotuteya. Yesu awaemelia, ase awaselia likambo la wokumu wo Mwengéi; awakalesia wango wandjakali la mposa eokali.
\p
\v 12 Ango abandia wuse otitimi, wango liomu la wale waandogbia ahue la inde wa mwaselia ate wawongosa wato, la ate wake la miki la wibete winge windjéi ahue, wakonde ebete elangalake la ndenge eokali; la ate iso tondjéi ala la lisobe.
\p
\v 13 Yesu awaaselia ate ino wahekeleni wilaka. Ase wamowongoselia ate: Eondjéi sa la makoke matano la su iwale la qte toke iso mene toke okasombi wilaka wa wato kpàa.
\p
\v 14 Kaiko nde wato wandjaali koto itano, Yesu awaselia watutiani wande ate waaselani waabate la mbume wato la wato melengo mwèsi wato tuku itano.
\v 15 Wakelia ndindjongo, wawaaselia iwo kpàa waabate la mbume.
\v 16 Yesu atotia mango makoke matano la ndinge su iwale, ase alongosia maiso dendia likolo, amapamboya. mbuse abukkolia, awahekelia watutianiwawakawele wato.
\v 17 Iwo kpàa walakia wagbetia ase waonia wisuki winge witikali, mindjangi liome la miale.
\p
\v 18 Wuse woesi Yesu aakongokoli saa inde mene, andjakali la watutiani wande, awahueliaate ebete e wato wakwasaka ate mbai indjéi ndai?
\p
\v 19 Wamowongoselia ate: Yoane mobatesi; wadi ate, Elia, mwèsi owaaseli wa gala asusoi.
\p
\v 20 Awahuelia, ino okwasa kani ate mbai indjéi ndai? Petelo awangoselia ate: Kilisito o Mwengei.
\p
\v 21 Yesu awatekesia makasi ate watimwaselake moto twèti.
\v 22 Aasia alidi ate ewongi wolamu ate Mana omoto aene wodidi ngbii, wato wagala wakomolumba mla wadingeli la wakawi la wato wabe, wakomoola, ase akosusua wuse wo misato.
\p
\v 23 Mbuse eho awaselia iwo kpàa inga moto abali ate atutie mbai, aatone inde mene, akpale mosalaba monde masio kpàa, ase atutie mbai.
\v 24 La ate ongo obali okalesi wenge wande akowungesa, kasi ongo okowungesa wenge wande la likambo la mbai ako kala.
\v 25 Ase nda ema ekokondja moto inga andjwa moki mwèsi kpàa, kasi awungesa wokongi wonde?
\v 26 Alikambo ate ongo okooka nsoni la likambo la mbi la sambo nda mbai, Mana omoto akomookela nsoni, ango okondja inde la wongengi wonde, la wungo wo Wawa la waahumbwa wausatu.
\v 27 Iwoaselini memene, wato wadi wango wandjéi ala watoguate ndi waene wokumu wo Mwengéi.
\p
\v 28 Elekia msio mwambi mbuse ewasi ndjinge sambo, Yesu awatortia lainde Petelo, Yoani la Yakobo, ase atelia la mokoli la okaakongi.
\v 29 Ango wakongokoli inde, elongi ende ekukwania, wisindjè wande wiumia pèe oleki.
\v 30 Ase denda, wato wale wakokpomesanaka la inde: endjakali Moise la Elia,
\v 31 Wango weueneli la wongengi ase wapotia woasi woki wonde wokelame la Yerusaleme.
\v 32 Petelo la wino wande wandjakali la wilo; kasi, ango okosusoya iwo, waenia wongengi wo Yesu la watpo wale wandjéi la inde mongindi.
\v 33 Ango edenia inde la wango wato wale la Yesu, Petelo amoaselia ate: Likumu, endjéi wolamu toabate ahala; tokele minguta misato, mwèsi mo owe, mwèsi mo Moise, mwèsi mo Elia. Atiewakali enge ema la sakali inde.
\v 34 Ango andjakali inde woasi, lipata liesi; ase lipata liesi liwadihia; ase watutiani wa wangia wamwenia akolingela la mapata.
\p
\v 35 Ase mooli mwèsi mwasia la mapata, mwasia ate: oholo andjéi Mna ombai omwoni mbai mookani.
\v 36 Ango ookania mungo mooli ndjoongo, Yesu atikalia inde moikima. watutiani wadakia longoo, ase te omwaseli moto, la enge engele la sambo ndjinge yeneli iwo.
\p
\v 37 Wuse wodi wolekia, ango wandjimbakali iwo la mokoli, liwoke la wato ebele wakanjia liwosa la Yesu.
\v 38 Ase denda, awondja wo wato moto mwèsi apamia: Likumu, iwongi, modenda mana ombai opele, andjéi mana ombai moikima opele. Esisi emohelia, ndiango ahumbia pui.
\v 39 Ase esisi emohelia makasi eomokwèse emoumesa mahulo la monoko, ekomokelaka makasi, mbuse ende okwakwi la mbume.
\v 40 Iwaongia watutiani wa owe waumbe la eho, ase iwo te okoki.
\p
\v 41 Liwota lindjangi wondimi la liyaimbi, ewawongoselia Yesu, ikoumwa l ino tee nda eengele, la ikonanga ino motema la sambo ndjanu ndjaka la mana wo we.
\v 42 Ango eumia inde ahue, esisi emolumbia la mbume, emohelia makasi. Kasi Yesu aumbia la esisi ebe, amokalesia mana ase mowongosia atie sango.
\v 43 Ase iwpo kpàa waahuelia la wosungu wo Mwengéi. Kaiko nde mwèsi la mwèsi wandjakali waahueli la sambo kpàa ndjinge ikelakali Yesu, asia la watutiani wande:
\v 44 La ino okani wolamu luhulu loi: Mana omoto awongi wamokawe la mawo ma wato.
\v 45 Kasi watutiani watiokali lungo loi, loi loho woyaisali, ate watioke gbondo eho ase wawangia omohueli gbondo eho.
\p
\v 46 Kaiko nde mamugwene ma wadjelia la elimo, la wewi inga ndai odjéi moto mosungu la kati eewu.
\v 47 Yesu, aenia mamunwene mau la ndondo e motema amootia mana mokeke, amobatia ahue wande.
\v 48 Ase awaselia ate: ongo moto okomoemele mana mokeke oholo la nkombo embai, aeeli mbai amoeli ongo atomali mbai. Inga moto adja mokeke liwoso la nu kpàa, inde ondjéi mosungu.
\p
\v 49 Yoani aotia loi ase asia telikumu, iso to mwèni moto mwèsi akoumba la wisisi la nkomboeowe; ase iso tomotekesia, alikambo ate atotuteiti iso.
\p
\v 50 Otimotekeseni, Yesu awawongoselia; alikambo ate moto ongo oti motone monu adjéi atienu.
\p
\v 51 Ango eumia eho engele ende olongoi la mokili eumia ahue, Yesu aotia mamungwene ma okii la Yerusaleme.
\v 52 Awatomia liwoso lande wasumbi mboli, wakia la mboka ase walingelia la ebete esi ewasamalia, alikambo lka omowongeleli ebete eabatake.
\v 53 Kasi waeniti te, alikambo ate aanali okii la Yerusalem.
\v 54 Watutiani, Yakobo la Yoani, waenia ndjoongo wasia ate: Likumu obali ate toonge misa minde ongo likolo miwalongose?
\v 55 Yesu aakukolia aatie wu, aenia ndjoongo, asia ate, awatekesia, aasia ate: wewitini enge ema akwasakani ino.
\v 56 Inga mana omoto andji te la owungesi milimo ma wato, kasi la owakalesi. Ase wakia atie edi.
\p
\v 57 Ango ondakali iwo la mboka; moto mwèsi amwaselia ate: Likumu, ikotutia wiati kpàa wikoke owe.
\p
\v 58 Yesu amowongoselia ate: masika mandjéi la wibete wilangalake, mbulu ndja likolo indjéi l wilako: kasi Mana omoto ati la ebete ebatake moto.
\v 59 Aasia la odi: Eutia mbai. Ase awongosia ate: Likumu dee yo mbai ike okamokundi wawa.
\p
\v 60 Kasi Yesu aasia la inde ate: dee wato wagwake wakundane iwo mene ase owe, keke kaase loi lo wokumu wo Mwengéi.
\p
\v 61 Odi aasiate: Ikotutia, Likumu, dee yo mbai ikawasela wato wa monguta mo mbai.
\p
\v 62 Yesu amowongoselia ate: kpàa ongo obati gaa wiho wande wibukelaki la seleti, la odendi mbuse, ati wolamu la wokumu wo Mwengéi.
\c 10
\cl Esuki esungu 10
\p
\v 1 Mbuse eho Likumu aonia wato tuku sambo wasungi awa tomia wale wale la miki misungu mpe ibete kpàa ibete winge ibalakali nde oki.
\v 2 Awaselia obuki mbuma edjéi mingio kasi wasali wadjéi wakaka akongani la meme elanga late atome wasali la obuki.
\v 3 Kekeni. Denga, yo tomini nda wana wa kondolo kati pange.
\v 4 Wekpaleleni ema te ekikima, te okute, te itati, wemohekelekeni moto wo la mboka.
\v 5 A minguta minge mikolingela ino asayoni liwoso: otwa we Engali odje a mu monguta.
\v 6 Inga edja la mana mwesi okandela te ate lokumu lanu oyo bate etende, inga ndjongo okowongwa edjé nu.
\v 7 Abatani la mongo monguta, lakani pe kengani iho kpàa ikohohekeleni iwo late mosali awongi a lifuta wekeni monguta la monguta.
\v 8 La miki misungu minge mikolingela ino, la kanio ilaka kpàa winge ikohekeleni no.
\v 9 Kalesani wato wa ikoni wango wakokpoto ino pe waselani ate okodji wo Mwengéi odjéi pene.
\v 10 Kasi la miki minge mitio yambani iwo amalani la mboka pe asani ate.
\v 11 Uholani osoto o matindi manu pe waselani ate: lokodji we Engali wengi obusesi.
\v 12 Iwaselini ate ama masio Sodome ati la loi weti mu moki.
\p
\v 13 Magba laowe, Chorazin! magba laowe, Bethsaida late sambo la makamwisa makelamali la Tyr pe la Sidonia, eumoiti masio gbi late wa bongole mitema mau pe wakpale saki mpe wayabate la mitu.
\v 14 Tyr la Sidonia wa edja la loi la huse wungo wosambesamake nda ino.
\v 15 Kasi owe Caparnaum, eya djambi owe te likolo la mapata, okoyadjimba sésé te la logo.
\p
\v 16 Ongo okowokani ino adjoki mbai, ongo okolumbani ino alumbai, mpe amolumbi ongo otomi mbai.
\p
\v 17 Wango wato tuku sambo wawongoiya la mwemu ate Likumu la midjili, la isisi itotosi iso la tina e kombo owe.
\v 18 Yesu awawongosilia ate imweni esisi olongwi likolo te okpi la mbume nda libuka.
\v 19 Denga mbai yohekelini okodji ate osombeni likolo djo, likolo la gake, pe otetelake likolo la moto kpàa ongo okokelaka likaka la mbai, pe ema te ekikima etiokelanino.
\v 20 Otiemeleni ongo otosini isisi, emele ate inga kombo owe ekoma ongo likolo.
\p
\v 21 Laenge mwengele Yesu atumisamia la mwemu mwe Engali, pe asia te yo kumisi owe wawa, late owe nde okelali likolo la mbume, late o isi dji sambo endje wato walomungo, pe wakandela, kasi wenisi sambo djao edje wana wakeke, isepeli la ndenge ekeli owe djongo.
\v 22 Iwo kpàa wawa nde opekeleli mbai, moto te mokikima aewiti inga di mana, inga edje wawa inde amene, di mana inde mokikima, ongo obali ate mana amwenese.
\p
\v 23 Ayakukolia edje wasungi wande awaselia iho amene ate mwemu la maiso mango meni sambo djinge yenino.
\v 24 Djongo awaselia ate wakodji kpi, la wasakoli walukali wne dji sayeni ino, kasi weniti, mpe woki sambo yokino kasi wokiti.
\p
\v 25 Moto mwesi o mibeko ma Moise aamalia, asia la Yesu djo: lo omoneki, ate Likumu ikele woni la odzui omoi o seko la seko?
\p
\v 26 Yesu amohoelia ate: eni ekomami eho la mibeko mla Moise? eni e tangi owe?
\p
\v 27 Amowongoselia ate: mobala Mwengéi la motema mowe mobimba, la omoi kpàa, la otetelake wowe, la mamungo mowe kpàa mobala mpe mangwa nda owe amene.
\p
\v 28 Amuaselia ate owongosi olamu Yesu amwaselia, ate kela djongo okokala olamu.
\p
\v 29 Kasi abalia nda te aya longese asia la Yesu: ndai odjéi pembeni e mbai?
\p
\v 30 Yesu atotia ingbundu a mowongoselia pe asia lainde: moto mwesi a longwali la Yerusaleme lma oki la Yerico, okpia la mawo ma wa nguna, wamopuesia, iho kpàa wa mobingia pene elogo wadjamotikia la mboka.
\v 31 Mosali mwe Engali mwesi adja etia laenge mboka amwenia ongo moto omobingi iwo aetia sa weta.
\v 32 Molewi mwesi adja etia koto ango amotikia ongo moto diango.
\v 33 Kasi Mosamaria mwesi odjakali la okendo tango emwenia inde ongo moto olangali la mboka.
\v 34 Amototia amokpolia pota amomunolia maita la mana akamotikia la hopitalo late wamosalese, abongia ewo la okute wond aumesia Falanga yale amohekelia memene hopitalo, asiaa lainde ate.
\v 35 Mosalesa oholo moto djinge Falanga ikohungesa owe tango ekowongwa mbai iko owongosela.
\v 36 Kati e wango wato wasato ndai penza odjéi moto molamu edjéi ongo moto omobingali iwo?
\p
\v 37 Ongo omokelali magba mpe amosalesia, moto omibeko ma Moise awongosia ndjongo Yesu amuaselia ate keke owe mpe kela ndjongo.
\p
\v 38 Ndenge esombakali Yesu la wayekoli wande la mboka walingelia la moki mwesi ndjo mpe moli mwesi oewani la kombo e Malatha awa yambia la monguta monde.
\v 39 Inde adjakali la manango koto omoli omowelakali iwo Maria ongo wabatakali la makolo ma Yesu oki mateya.
\v 40 Malatha adengakali misala mingi ma monguta. Akandjia asia la Yesu: ate denga yo Maria abatiango sa pamba mwaselia adjasunga mbai late misala midjetika mabai.
\p
\v 41 Yesu amuaselia ate: Malata, Malata okoyatungesaka la sambo djinge idjatina.
\v 42 Kasi Maria aoni emesi elitomba enge etilongosa moto.
\c 11
\cl Esuki esungu 11
\p
\v 1 Yesu andjakali wakongi la ebete esi ndjoongo. Ango aseselia inde, mwèsi owatutiani wande amwaselia ate: Likumu, topundesa iso waakongi, nda ewapundesali ndjooni watutiani wande.
\p
\v 2 Awaselia ate: Inga wakongoni, asani ndjo: wawa nkombo eowe ekumesane; wokumu wo owe wondjée.
\v 3 Eoha iso wokoke masio kpàa.
\v 4 Tolimbesa iso masumu masu nda ekowalimbesaka iso wino wasu; ase otitodee iso la womekami.
\p
\v 5 Awaselia alidi ate: inga mwèsi oonu andjéi la mino onde, ase akamogbotia a likolo amwaselia ate: Manima, bekesa mbai makoke masato.
\v 6 Alikambo ate manima moesi adji aatie mbai, iti la ema emohake.
\p
\v 7 Aseko, la ndondo e manguta, manango awongoselia ate: otilembese mbai idiki gaa moluhe, wana wa mbai tondjéi la epe, ikokiti olongoi la ndenge ate yohekele makoke.
\v 8 Iwaaselini, ingatate akokiti olongoi la omoki a likambo ate adjéi manango, akolongwa alikambo ate amotungesia la wongi ase akomoha kpàa enge eongi inde.
\v 9 Ase mbai, iwoaselini: ongo, wakooha; luka, okondjwa; binga, moluhe wako oduholela.
\v 10 Inga wango okokondja, ongo inga okoluka akodjwa, ongo okobinga moluhe wakomodukolela.
\v 11 Ndai la kati enu sango akomoha mana onde libanga, inga mana amwongo wokoke? te ate amohe ndjoo, la ate amohe su?
\v 12 RTe ate inga aongo likei, inde amohe gake?
\v 13 Inga kote ino ondjéini wato wabe, wahakani wana wanu wiho wilamu, la woni walongi wasuangu wawa olikolo akowaha Elimo-santu wango wako mwongoko.
\p
\v 14 Yesu aumbia la ndiwa enge etokpomaka. Ango opumbia enge ndiwa, moto oho abandia okpomi, ase wato ebele wamondimia.
\v 15 Kasi wadi wabandia woasi ate Bendjebuli ongo likumu la ndiwa, okoumbaka la ndiw.
\v 16 Ase wadi wato, la likambo la omomeki, wamwongia elembo enge ekondja likolo.
\p
\v 17 Nda wewali inde mamungwène ma wu, awaseli ate: wokumu kpàa wokawani woho mene, wokawani, wokobitaka, ase monguta mungo mokawani moho mene mokohukiaka.
\v 18 Inga ase Satana akawana ndondo eende mene, wokumu wonde wokoamala nda ndenge, alikambo ate ino woasini ate mbai ikoumbaka landiwa la makasi ma Belndjebuli?
\v 19 Ase inga mbai, ikoumbaka la ndiwa la makasi ma Belndjebuli, wakoumbo ate iwo mene wakondjaa temwe ndjanu.
\v 20 Kasi inga edjéi ate ikoume saka ndiwa la mosei mo mwengéi, wokumu wo Mwengéi wondji aatie nu.
\p
\v 21 Kasi inga moto owokulu andja la wisaneli akodendaka moguta monde, ema te eti etobita.
\v 22 Kasi inga moto ongo omoleki inde la wakulu akandjia asani la inde, akomopwèsa wisaneli kpàa winge wibatelaki inde motema, ase akokawakola la kpàa wiho winge wipuesi inde.
\v 23 Moto ongo oti aatie mbai andjéi motone mo mbai, ase ongo owanesitiaka la mbai akoandjakolaka.
\v 25 Ase inga auma ongo akogboto ebete ekpasani wolamu mpendja.
\v 26 Ase akia, ase akatotia wisisi sambo winge windjéi la makasi omoleki inde wilingelia la monguta ango ondjakali iwo, moto aumia wobe oleki enge nda endjaki inde liwoso.
\p
\v 27 Alikambo ate Yesu asali ndjongo, moli mwèsi aumi a moolia liwoso la wato, aasia ate: Moemu la solo ndjinge yo kpalali owe moemu la mawele mango mamungali owe.
\v 28 Ase awangosia ate: Moemu la wato wango wakokaka oi lo Mwengéi, l wango wakohelelaka.
\p
\v 29 Nda eyakokyaali wato ngbii, wabandaali waasi waawato wa keke wadjei moonga; wakoongoko ikamwa eesi; a wahekeli djeeti ikamwa nda linge la Jonase.
\v 30 maandambo ndenge kikima nda Jonase awa malelali wato wa Ninive, ndenge kikima mana o moto akodjaa ndjongo aatie wato wa keke.
\v 31 Wali walamu wa kobasa, la lingo lisio la esambeselo, la wato wa maa masio mpe la wahelani, la loi ate wango wakodjaa ala la mbume la ototeyi owawi o Salomo.
\v 32 Wato wa Ninive wakobasa, a linge lisio la esambiselo, la wato wa enge mwengele mpe wakohelana, la loyi ate wa wongwela mateya ma Jonata, mpe denga, adjei ala weeti te Jonata.
\p
\v 33 Moto tweti akokiti olole: lotambe abata la la ebete eyahisaka te la seese emalya, kasi okobata nde la ebete e likolo, la ate wango wakolingela weene hoho ngbai.
\v 34 Maiso ma owe edjei lotambe la wenge wowe, inga maiso ma owe mawongi, aseko ate wenge wowe edjei ngbai, kasi inga maiso mowe malimana, asako ate wenge wowe edjei la molili.
\v 35 Djaa la oyabanei ate hoho linge lidjei wowe etiume likolo.
\v 36 Inga wenge wowe kpaa edjei ngbai, esuki teeti etidjaa la molili, ekodjaa masio kpaa la hoho, nda mwengele enge ekweneseke lotambe ngbai.
\p
\v 37 La mwengele enge ekwasaka Yesu, mofalisayo mwesi akwatataka la olaki ango yainde, mpe ayabatia la mesa.
\v 38 Mofalisao aeni la oyahueli la ndenge enge eyakpoliti inde mawo liwoso la olaki wilaka.
\v 39 kasi molakesi amwaseli: owe, mofalizeo, owe oyakpoli lasaa inga te sambo djowe, mpe la ndondo e motema otumi la sambo mpe la omemelake.
\v 40 Wibebe: moto ongo okeli laasa okokoti okeli mpe la ndondo?
\v 41 Wakawela te wabola linge lidjei la ndondo, mpe denga, ema kpaa ekodjaa olamu aatie ino.
\p
\v 42 Kasi magba lowe, Mofalizao! aloyi ate okohaka makabo ma mite milamu, la itutaki kpaa, mpo la songosongo kpaa, mpe odjangi otosi esambiselo mpe libalano la Engali: edjei liloko odendaliami, odjangi odendeli djeeti sambo.
\v 43 Magba la ino, wafalizeyo! la loyi ate obalini ebete eyabatali ino poo la sinagogo, mpe la mibale la otao la wibete dja itutaki.
\v 44 Magba la ino: la loyi ate odjeini nda ikeko winge wikawami womoyi, mpe leho nde okosombaakani la odjangi weewi.
\p
\v 45 Mwesi ewa minganga wa mibeko atoti luundo, la waasi ate: molakesi, nda easi owe ndjongo, la iso mpe wango watangami iliko.
\p
\v 46 Mpe Yesuawangwesi ndjo: magba la ino mpe, awonwesi! a loyi ate owakpalesi wato mokpali la moonga, mpe obanditi owe amene te la mosei.
\v 47 Magba la ino! la loyi ate okobatisaakani mbila ewa sakoli, wango ewaolaali wasangbanu.
\v 48 Okowongwesani ilmbo dja sambo dja wa sagbanu, mpe okowakusola; nda iwo, mbila djau.
\v 49 La loyi eeho akii o Engali aasi ndjo mbai iwakpaleli wasakoli mpe la watutiani, wakowoola weeti mpe wakowakela weeti monga,
\v 50 La gboo wakowahuela motuya mo wango wato mindimi ma wasakoli wango waewanali tee ango ekelami moki.
\v 51 Obandi la mindimi M'abele tee la mindimi ma Zakalya, waolami la milako mpe la minguta ma Engali, ndjongo, iwaaselini, iwo wakohuelama la mituya ma wango wato.
\v 52 Magba la ino, minganga wa mibeko! la loyi ate oyapweselini pungola la boyebi, odjeitini ino amene, mpe odjeini la magba ndondo ewongo wabali okeli.
\p
\v 53 Ango epumbi iwo ongo, wandingi mpe la wafalisayo wabandali owangbulunganesi, mpe la waasi la iwo sambongbi.
\v 54 Inde awaoki la ogudjeli sambo, la owaumiseli luundo ungo okopudja la buemoto.
\c 12
\cl Esuki esungu 12
\p
\v 1 La Engali eho, wato wayabolelia ebete kikima, wadjaali wa nkoto ase wadjaali o hotani, Yesu abandali ahasi liwoso la watutiani ate: djaani la likewe lawo levile e wafalisai wadjei la moleho.
\v 2 Ase edjeitila ema mwesi, enge waisala olamu enge atahenene pe eti la sekele mwesi enge etayewane.
\v 3 La ndjongo sambo enge woko asaka a likolo ekopumba a hoho, ase enge woko asaka a moli mo sese la wisuki dja ndondo e monguta, eko asana a likolo la monguta.
\p
\v 4 Aleeti iko aselakani ino wino wo mbai: otiwangeni wango wako alaka wenge pe la mbuse wakoki okeli ema weti te.
\v 5 Ase iko oheneseni ino moto ongo wosengelini omowangi: wangani moto ongo mbuse e owoli odjei la likumue olumbi a misa. ndi ongo nde iyo iyoyewisini ino wangani ndi ongo moto.
\v 6 Watambali wakengelili wa mokii itano la wambele wibetende iwale a motiyo keke, Mwengei atiwosanaka te mwesi a tina eho.
\v 7 Ase te swee kpaa a mito manu etangani oyiwangeni; ino woyetini woyangeli wa mokii wasungu la motyo.
\p
\v 8 Ndjongo iko aselakani kpaa ongo ahasia la hoho liwoso la wato ate mbai la inde todjei a oyokani mana o moto pe ako hasa la hoho liwoso e waumbua e Mwengei ate adjei la oyokani wonde.
\v 9 Ase moto ongo owungani mbai liwoso la wato, wakomowungana indeliwoso e waumbwa e Mwengei.
\v 10 Ase moto ongo owasi loi la oyamaleli mana o moto, wakolimbesa inde; ase moto ongo otangi elimo santu wata molimbese inde.
\v 11 Ase ango wikokpalakani ino liwoso la ebiba e wato wango wayambolei, liwoso lawa wambesi pe lawa makumu, wotiyatungeseni a tina la ndenge enge woko asahasa te sambo enge wokoasa ango wokasambani te enge wopumbesa.
\v 12 Laate elimo santu ekotiesani ino tango enge sambo enge wopoti owasi.
\p
\v 13 Ndondo moto mwesi ndondo ebiba e wato ahasali la Yesu ate: Motiesi, moyewesa manima o mbai akobole wiho wasu wa uma.
\p
\v 14 Yesu amolongwelia: owe ndai obati mbai djodji temokabali wa wiho wonu?
\v 15 Ndjongoahasali la iwo ate: dukolani maisomanu pe kebani a motindo kpaa e wilulela, laate inga te moto adjei la wihoo ngbiiwiwo wande etmoyekele omoyi te.
\p
\v 16 Eho lenge, awahekeleli ndakisa mwesi ate: mbume dja mogumake mwesi ewotali olumu.
\v 17 Ndjongo abandali omungoli a motema wonde ate: ikokela nde sikalandjo nda eti la ebete la obolei wiho wiliki?
\v 18 Ndjongo ahasali: ikokeleka ndjo ikobukolaka minguta wo mbai isake la wiho pe ikomaa enge misungu oheti, pe ongo ikobolea pukapuka kpaa pe wihoo ndamu kpaa;
\v 19 Ase ikohasa a molimo wo mbai ate: molimo wo mbai odjei la wihoo wilamu ngbii enge ehisali laate a mibu ngbii, homa, laka kenga oyahemelese.
\p
\v 20 Ase Mwengei amohaselia inde ate: ekete a likolo lili wakowongo owe molimo mo owe ndjongo ndai akotota wiho wiwi owiboleiya?
\p
\v 21 Edjei ndjongo laate ongo oyayiseli wihoo wa wotyo ase ati mogumake a maiso ma Mwengei.
\p
\v 22 Yesu ahasia la watutiani denda ate: eho lenge iko aselaka ino ate: deeni oyatungesi atina milimo la ange wokolaka tee la enge wokokpala a tina e wenge wonu.
\v 23 Laate molimo eheti wilaka ase wenge eheti wisindje.
\v 24 Dendani olamu olamu ngonga weti watiwonaka, pe biakolaka, eti la ebete isake ilaka te la moguta isake la ilaka te, ase te ndjongo Mwengei inyaka ehoo, ino wohetitini mbulu a motyo lihele!
\v 25 Ndai la ndondo enu inga odjei la otungesami akoki okpali olayio obomoyi onde te keke?
\v 26 Eho lenge inga okokiti okeli loyi enge eheti mo keke atina ende ayatungese a tina e sambo eti?
\v 27 Denge olamu olamu nda ekoumaka fulele ndamu: itiheneke odidite, etitongaka esindje te ase ikohaselakani ino: te Salomo akembo ende kpaa, akpaali nda mwesi la eho te.
\v 28 Ndjongo inga Mwengei akpalisate isoki la eso, be enge keke la ekundu a wilanga eklumbakanaka a misa, akokpalisaka ino oheti te, ino wato wa ondimi okeke!
\v 29 Eho lenge deeni oluki enge wokolaka la enge wokokenga, ase deeni oldj, eimitema likolo likolo:
\v 30 Laate kpaa winge edjei wilaka winge nkota wa mikii wakolukaka a litem: a ino, ase sangbasu ayewi ate wodjeini la osenga winge wihoo.
\v 31 Kaikwase wokolukaka enge kpaa likolo wonde, ase wakokpobelani ino winge wihoo.
\p
\v 32 Otiwawangeni te etango ekeke alikambo sangwanu andime oweekeli ino wokonzi
\v 33 Tambani hiwoo wanu ase bohekeleni makabo la motema magba. kelelani potomoni enge eigbaka ebeli oasi, yaabatelani wihoo wamouya enge eisilaka a likolo atouma nda ndenge etabite.
\v 34 Ase ebete wihoo wawa wamotuya edjei mitema djawu mikodja ongo.
\p
\v 35 Awongelini miinda manu elole.
\v 36 Ase ino amne odjeni nda wato wango okolongwa a liwala mpe owongele akodja ase akobinga kokoko mofungolela mbala kikima
\v 37 Mwemu a waombo wankolo wawu engele ekodjaa akowagboto iwo wadjei esolo amene. iyasi laino wongaleni ase iko wahekeleni enge osengeleni ewo.
\v 38 Ase inga adjaa la ema iwale eokengeli alikolo mpe la enge e satu inga ogboto ino ndjongo la mwemu la iwo.
\v 39 Ase oyewi loyi enge inga nkolo molako a yewaki ngonga enge ako walingele.
\v 40 Ino mpe yawongelini alikambo mana o moto, a geleli atodja la ngonga eng odjeini okanesi.
\p
\v 41 Aseko ango Petelo aasaki ate nkolo adjei okeli nda aasila iso inga likambo la wato wango.
\p
\v 42 Aseko nkolo aasaki ate nday adjei amene kapita amemene eokengi ango nkolo ende akomobata abatele waseleli wande ngoo alikambo awa ekele iwo wilaka winge wisengeli laino la engele enge e wongi?
\v 43 Mwemu la moombo ongo inga nkolo ende engele akodjaa amogbo, te adjei okoli ndjongo.
\v 44 Idjei oyewese ino amene akobata wiho wande ngoo.
\v 45 Inga moombo ongo aasia a motema monde nkolo e mbai adjei odjuti obangu ase abandia owabingi wasali wawalome la wango wawali la olaki la okngi la olangwi.
\v 46 Nkolo e moombo ongo atodja use lisiyo enge inde amene akodja mpe la engele enge inde ayewiti mpe okomoyekele itumbu e otetelake amemene mpe atimobata inde ebete edjei wato wolamu.
\v 47 Aseko moombo ongo anangaki ngondo e sambo nkolo ende ase ayawongelekiti ingo ongo atikele otomo ende wakomobinga fimbo sungu.
\v 48 Aseko Ongo awandake gbondo mpe adjaaki la sambo enge ewongi la obingami keke e moto ongo wamo ekeli sungu wako mowongo sungu moto ongo wamo ekeli mokpali mosungu wako moongo sungu oeti.
\p
\v 49 Idjei ololei misa a mbume ase inga elaliana woluka alidi ndema?
\v 50 Esolo idjei la batisimo enge esengeli ozwi alikambo idjei oyoki pasi amene ta eho ekosuka.
\v 51 Odjei okanesi at idjei abati logo a mbume te ikohaselaka ino idjei obati ase okowani.
\v 52 alikambo banda sikandjo a molako mwesi wato watano wako kawana, wasato wako hamalela waale, ase waale wako hamalela wasato.
\v 53 Wato wako kawana: wawa akomemele a mana opele ase mana opele akomemele a sango, ima akomemele a mana o moli aseko mana o moli akomemele a nango, okio o moli akomemele a moli o mana aseko moli o mana okomemele akio wonde o moli.
\p
\v 54 Ango ahasaki la wato wasungu ateengele okohenekeni lipata mwesi euma a losida ambala kikima okoasaka ate e wongo mosungu agleli aseko ekokelamaka ndjongo.
\v 55 Aseko engele ekoeneke ewongo mwesi a sudi edjei okeli oko asaka ate molunge motetelake ekodjaa ekokesanaka ndjongo
\v 56 Wakosi wayewi odendi olamu ase mbume la likolo edjei oeneni ase nda ndenge oyewiti odendeli olamu eme ehooa amene.
\p
\v 57 Alikambo lande ino wesi oyewiti oteni enge loyi ndjo edjei sembo.
\v 58 Aasiate engele odjei oki elngo la monguna monde o sambi ebete e likumu kela makasi ate engele edjei amboka osese mongo loyi sambo lainde obangu ase moteni ngbanga mpe oapolisi etibinali aolumbe owe a boloko.
\v 59 Idjei owahaseli owe e solo otolongwa ongo liwoso ofute wambele wa motuya mokeke amemene e gboo.
\c 13
\cl Esuki esungu 13
\p
\v 1 Lainge tango djongo ndambo ewato womosumbelaka Yesu sambo djnge yumali ongo la Galile, ate Pilato aboliali midimi mitanake la midimi ma makambomau ma nama.
\v 2 Yesu awamongoselia ate: ino odimi ate wango wa Galile nde wakeli masumu weti wango weti? ongo okeli iwo djongo?
\v 3 Kasi, iti djongo mbai iwaselini inga webongoli mitema manu okokpani mpe nda iwo.
\v 4 Kasi wango wato liomu la mwambi wawa kpeleli etutu esiloe, toase ate iwo wakelali obe oweti wato kpàa wango wayabati la Yerusalem?
\v 5 Kasi eti djongo inga webo, ngoleni mitema manu okokpani ndenge kikima nda iwo.
\p
\v 6 Pe ahekelia lili lisesebe: edjakali la moto mwesi odjakali la moto mwesi la elanga ende Palatasio, akadia late abuke mbuma adjuiti mbuma te kikima.
\v 7 Asia la wakengeli ate denga mbula isato didi y'djaka ate ilake mbuma amu mote idjuisaka, ase tena mu mote late obebesaka mbume pamba.
\p
\v 8 Monge aingeli amuaselia Likumu lande ate deyo adje e mbula imolumbeli isoko inga motiwote ase mbula embuse omokote.
\v 9 Tango la masio ma mbuse inga a iwote okomokoto.
\p
\v 10 Ango Yesu ateyakali hungo huse la Sinagoga huse o Sabata.
\v 11 Edjakali la moli mwesi odjakali, la esisi, emotungesakali obadi ilanga liomu la mwambi aimbamakali atakoke oyananoli.
\v 12 Tango emwenia Yesu ongo moli amwaselia moli okaliga la ekoni owe.
\v 13 Pe amobatelia mawo mpe moli oho akalia mpe amokumeia Mwengéi.
\p
\v 14 Likumu la Sinagoga amemelia ongo omokalesi Yesu mopto lisio la Sabata. Asia la wato edjéi la masio motoba mango makoki ino idji odjakalesami mango masio djongo mati masio ma Sabata.
\p
\v 15 Moto mokosake wato Yesu amowongoselia djongo, kati moto mwesi, mwesi aekeke ojka ngengisi ngombe ende malia lisio la Sabata?
\v 16 Ongo moli adjéi mna wa Abalayama ekokakali ate tomokangole huse o Sabata.
\v 17 Tango ekwasaka inde djongo maiti wande wewiti ema ekele iwo, wato wahemelia la samba kpàa djinge ikelakali Yesu.
\p
\v 18 Nda ndenge ema ekwani la okodji o Mwengéi, nda ema ekoki iso okakanesi la uho?
\v 19 EDjéi nda moto mwesi atotia mbuma esi alumbia la Zamade ende enge mbuma ekpomia mote mobekia mbulu ikadjia ya batia ine la ite wao.
\p
\v 20 Nda ema ekoki mbai ulanesi la okodji o Engali?
\v 21 Edjéi nda moli mwesi oko bulukaka mapa atotia levile abongia mesure misato bongo ehutsia balo mobimba.
\p
\v 22 Yesu akpadia la miki mikeke mpe misungu, otei mpe obili mboka la oki la Yerusalem.
\v 23 Moto mwesi amohoelia ate Likumu toase edjé kaka la wato wakeke nde wokala? inde amowongolia.
\v 24 Kela makasi late olingele la molango muke mokeke late iwaselate wato ebele wakoluka ate walingele kasi watilingela.
\v 25 Tango ekoyamala memene molako adike molango ino wango wadjéi saa kpà okobingani molango akosate iwewitini.
\p
\v 26 Pe okobani wasi ate tolakau lowe mpe toekengali lowe ebete ekikima, pe oteyali la balabala ndjasu?
\p
\v 27 Akowongesela ate iwewiniti longwani ango wato Wakeli lisumu la okenpo.
\v 28 Ango nde ekodja oleli mpe olaki maino, late enge tango okomwenene, Abalayama, Isaka, Yakobo mpe wasakoli kpàa la okodji o Mwengéi.
\v 29 Wakolongwa likolo la mbole la mabusu kpàa, la ewo elilome la ewo emoli, la elongéwolo emoi, la elali emoi la okodji o Engali.
\v 30 Bongo edjéi; la wato wa mbuse wakuma wato wa liwoso wato waliwoso wakuma wato wa mbuse.
\p
\v 31 Di ungo use ndambo ewa Farizeo wadjia wamoaselia ate longwa aladjoà keke late aole.
\p
\v 32 Inde awa wongoselia asia ate kekeni okamwaselani mbai ikohumbaka la midjili, pe yokalesaka wato keke, pe laekundu, use o masato okosesa.
\v 33 Ewongi ate mbai isombe keke, lae kundu, mpe hune use, ekokiti ate mosakoli akpe libanda la Yelusalem.
\p
\v 34 Yelusalem, Yelusalem, owe moto okolaka wasakoli, mpe okowa bingaka wato wango watomami mabukeli, mbala woni ebalakali mbai ate iwabolie wana wowe ebete ekikima? nda okobatelaka, koko wana wande la mabulu mande, po owe webalali!
\v 35 Ndenga monguta mowe mokotikala pamba, kasi mbai iwaseli djo, otienekin aleti, te tango ekosa owe: opambolame ongo okodja la kombo e Mwengéi.
\c 14
\cl Esuki esungu 14
\p
\v 1 Yesu alingelia use wesi o Sabbata, la monguta mo Likumu liesi la wafali zeo, la olaki ilaka, wa Falizeo wo modendaka.
\v 2 Denga liwoso lande moto mwesi wekoni amali liwoso lande.
\v 3 P yesu atotia maloba asia la wato wabiko ma Moise ate pe la wa Falizao etekesami, to edimisami omokalesi moto use o Sabbata.
\v 4 Iwo kpàa wabatia bii, Yesu amokeselia ongo moto ewo amokalesia pe amowongolia.
\v 5 Mbuse iho awahueliua: ndai kati enu inga mana onde tengombe ende ekpa la liwela, atibumbesa huse o Sabbata?
\v 6 Waedjali la eyano ewongolake.
\p
\v 7 Mbuse eho awahekelia lisesebe liesi etie wango wato wadjakali ango, owenio wolukaka oyabati ebete eliwoso pe awaselia.
\v 8 Tango ekowela iwo la lipati otiyabatake ebet eliwoso late ekodja la moto mwesi olokumu okoki odji mbuse.
\v 9 Late ongo owelino adja wasela moto moesi, moesi, hekele enge ebete la weti moto, okodjua soni la oki okabati eti ebete.
\v 10 Kasi inga wowelaka la lipati balaka okabate la kiti ekpo, late ongo moto oweli inga adja akowasi lowe ate keke okabata la kiti eliwoso, djongo eko okela owe mwemu liwoso la wato wango waya bati owe laiwo mesamùi kikima.
\v 11 Late moto ongo okoyatombola wako motitimesa, mpe moto ongo oko yatitimesa, wako motombola.
\p
\v 12 Asia mpe la moto ongo owaweli wato: tango enge okowahekeleke owe wato ilaka wamidi te wa pokwa, wewawelake, waino wowe, to pe wamangwa, te pe sangwa langwa, deke pe wato wowe wa pembeni ya falanga ebele late iwo watiowela weti huse wokelele owe ndenge enge ewakelelali owe.
\v 13 Bongo enga olengele lipati wawela: wabola, watowabukei makolo, wato wango wo tengulaka mpe wango wakpi maiso.
\v 14 Okodja la mwemu late iwo watio wongosela owe ema late okofutama okola lisekwa la wato walamu.
\p
\v 15 Mwesi ewato wango wadjakali la mesa, mbuse oki mango maloba asia la Yesu mwemu la moto okolaka ilaka la okodji we Engali!
\p
\v 16 Yesu amowongoselia asia te: moto mwesi alambesali ilaka ebele pe awawelia wato bele.
\v 17 La tango eho e ilaka amotomia mosali mode ate akawawela wato, late ilaka iwelika.
\p
\v 18 Wato kpàa wongia bolimbisi ate wakokiti odji, ongo oliwose asia te mbai isombali elanga, djongo yokeke dji keke ehele djo late ikahene limbesa mbai.
\p
\v 19 Ongo weti asia mbai isombali ngombe liomi keke nde okeke mbai okawalakesi.
\p
\v 20 Ongo weti asia ate mbai yikia moli di sikasika djo ilongiti oki.
\p
\v 21 Mosali awongoia amwaselia Likumu, Likumu sika djpo amemelia asia la moali monde ate keke obangu la balabala owawele wato ongo la liwange, odje pe la wa bola, wato wabukei makolo, wato wakpi maiso, pe watengumi.
\p
\v 22 Mosali amowongoselia Likumu djinge kpàa.
\p
\v 23 Likumu amwaselia keke la balabala wato tu wango wakowene owe djaka laiho, late monguta mo mbai motume
\v 24 Mbai yasidjo kati e wato wango djongo wawelali mbai wailaka ilaka wambai.
\p
\v 25 Wato ebele wamobilakali Yesu la mboka, ayabongolia pe awadengia pe awaselia.
\v 26 Inga moto abila mbai, ewongi amotone. Sango, nango, moli onde wana wande, wamango wawali la wapele, ayatone pe inde amene atakoke odjéi moyekoli mo mbai.
\v 27 Moto ongo wekpala ekusu ende amene aebilake mbai, ata koke odjéi moyekoli mombai.
\v 28 Ndai kati enu inga ainga omai ndako, ewongiyo abundole olamu odengi inga ekomongo Falanga woni.
\v 29 Late tango enge ekobanda inde omai esili late inga aesésé wato wako moseke.
\v 30 Wasi lainde ate omoto abali omai kasi asesiti?
\p
\v 31 Nde inga Likumu liesi inga aluka ate asanese wita ewongi adenge inga adjei la wasoda wenga inga inde adeja la wasoda nkoto liomu tango edji enge ngambongo wadjéi la wasoda nkotro tuku iwale.
\v 32 Tango enge enika inde ate aekoka akoki o watomi wato ate waokane la kimia.
\v 33 Moto ongo obali mbai atambe iho wande kpàa ase abile mbai.
\p
\v 34 Mokpa modjéi olamu mingi kasi inga mosila makasi maho mokodja kine la litomba?
\v 35 Eti olamu la mbume, pe la miutu late walumbsa ongo odjéi la matoi aoke.
\c 15
\cl Esuki esungu 15
\p
\v 1 Wato ndenge la ndenge la wato wadjéi la ndenge wadjia omoki Yesu.
\v 2 Wafalisai la wa sikilibe wabadia okpomakpomi mpe wasi ate: olomoto ndande ekoyambaka nde wato wabe pe aolakaka laiwo ebete ekikima.
\p
\v 3 Awaselia li lisesebe: ndai kati.
\v 4 Enu inga adja la kondolo kamakikima, inga aungesa esi, ewongi atikeyo adjinge tuku libwa la libwa la esobe, late akaluka enge esi ehungi, late adju eho.
\v 5 Tango eniande enge esi aekpalia la makokoto.
\v 6 Pe awongoiya laho la monguta awa welia wa manango pe waino wande ate djakani osepeleni la mbai ibete ekikima late idjui nama embai enge eungali.
\v 7 Edjéi ndenge kikima inga mopagano mwesi abongola motema ekodja la mwemu ebi ongo likolo weti wato tuku libwa la libwa wango wabaliti obongoli mitema.
\p
\v 8 Edjéi nda la moli mwesi adjaka la mayaka liomi inga aungesa liyaka likikima, akololesa lotambe akpase molata late aene liyaka laoho.
\v 9 Inga adjua akowawela waino wande aepele bete ekikima laiho late enika enge ema e lukakinde.
\v 10 Edjéi ndenge kikima ekowaselakani mbai edjéi la mwemu edjéi wana wa Mwengéi inga moto mwesi mopagano abongola motema.
\p
\v 11 Asia aleti ate: moto mwesi adjakali la wana wapel wale.
\v 12 Ongo elenge amoaselia sango ate wawa pekele mbai ndambo eodjui hungo okoki la mbai pe sagbu awa kabolelia odjui wonde.
\v 13 Mbuse emasio makeke ongo elenge atotia omengo wonde akia a eti ekolo akabatia, okengi mana, oweli wali ndenge la ndenge.
\v 14 Tango esesia inde Falanga kpàa djala umia amungo moki, olaki wonde umia la matata.
\v 15 Akalukia otomu edje moto mwesi djo; ongo Likumu amotomia ate akakengelaka nama dja nde.
\v 16 Sika djo abadia olaki ilaka winge lolakaka nama mpe ata kpete.
\v 17 Inde amene abandia oyaseli la motema wawa adjéi la wasali ebele, pe wadjéi la ilaka ebele mbai yokpaka djala ahala djo.
\v 18 Yolongwa ahaladjo iwongue edjé wawa mpe ikomwasela ate wawa mbai ikeli obe.
\v 19 Maiso ma Mwengéi mpe edjéi owe, w totekine mbai nda mana wowe tota mbai nda motuke mowe.
\v 20 Ayamalia adjimbia mboka owongoi edjé sango tango emuenia sango lihela magba ma mokeluia aka moya mbia.
\v 21 Mana asia ate wawa mbai ikeleli likolo obe mpe lowe okokiti kine ototi mbai nda mana wowe tota mbai nda motuke mowe.
\p
\v 22 Sango asia la wasali wande kilani obangu ndjaka la isindjè ilamu sikasikadjo omokpaleseni mobongani mpe mopete la moei mpe omokpaleseni ilato la makolo.
\v 23 Olani nama ndamu tosepele late mana o mbai agbakali.
\v 24 Awongoiya la bomoi sikadjo adje la bomoi, aungakali, aenenia mpe sango akelesiaa lipati lisungu.
\p
\v 25 Djoka aladjo manango eloko adjakali la ilanga tango ewongoiya inde la moki aokia sa ngungu la mbonda ikobinga.
\v 26 Amowelia mosali mou mwesi a mohoelia tina engungu la mbonda.
\v 27 Mosali a moaselia ate mangwa nde owongoi uho wungo oli sangwa nama pe mana la osepeli.
\p
\v 28 Inde amemlia atonia o lingeli ongo la lopango lou sagbau apumbia amobondelia ate alingele.
\v 29 Kasi amohongoselia sango obadi owotami o mùbai te keke ehele mbai ye bukaka mibeko mowe p owe use te okikima okele lakiyo mbai lipati ate isepele la waino wa mbai.
\v 30 Bongo omia mana wowe ongo olaki Falanga djowe la wali wa ndumba omokelia lipati.
\p
\v 31 Sango amowongoselia ate mana o mbai, owe nde odjéi la mbai ebete ekikima, iho djo kpàa idjéi wowe.
\v 32 Bongo esengi laiso tosepele, tolak, tokenge late mangwa agbakali, awongoia la bomoi aungakali sikandjo aenenenia.
\c 16
\cl Esuki esungu 16
\p
\v 1 Ndjongo awaselia alidi watutiani wande ate moto mwesi ndjongo adjali moto ma gumake ngbii ase adjali la kapita ende mwesi ase wamo ate; akohitesaka wiho waude sa ndjongo.
\v 2 Ndjongo amowelia amwaselia ate nda loi wokokaka mbai atie owe? hekele mbai la Polo wo wotomu wo owe, alikambo ate otoamalela kine alidi wungo wotomu te.
\p
\v 3 Ndjongo kapita oho asia la motema monde ate ikele woni nda epotia Likumu la mbai olongosi mbai la wotomu? iti la wokulu wo obuki iko ewongoni.
\v 4 Ha yewi wungo wokela mbai alikambo ate wato wandjienele mbai la minguta mawu ango okondongose iwo mbai la wotomu.
\v 5 Ase amowelia moto mwesi la mwesi ango odjali la nongo e Likumu lande ase amwaselia ongo opoo ate Likumu la mbai?
\p
\v 6 Asia ate wadjenge kama esi wa maita ma olive amwaselia ate tota ekpata e tuku itano.
\p
\v 7 Mbuse eho asia la ongo odiate ase owe odjéi la nongo woni? asia ate wadjenge kama ei wa wokeke. Amwaselia ate tota ekpata e owe ewokani ndindga tuku mwambi.
\v 8 Ase Likumu lande amondimalia kapita oho. Te nda etidjakali inde moto molamu te, alikambo ate aeneseli lokenge wonde alikambo ate wana wa mahama masio wadjéi la lokenge la wolie wou owaleki wana wa moi.
\v 9 Alidi yasi la ino ate watotani wino wanu la mboka e wogumake enge eti la womemene, alikambo ate ango ekosila woho, iwo wakowemeleni ino la wibete wa wabati libela.
\v 10 Ongo moto odjéi memene a loi wokeke, adjéi koto memene a loi wosungu, ase moto ongo oti memene te aloi wokeke ati koto memene a loi wosungu.
\v 11 Nde ndjongo inga otini memene a loi wowogumake wungo wodjangi womemene, ndai okohani ino wogumake wo memene amene?
\v 12 Ase inga otidjeni memene la ema e moto odi ndai okohani ino ema enumene!
\v 13 Moto owotomu la ndondo e monguta aengiti odjéi motuke mo ma kumu male te, alikambo ate akomotona ongo, la akomobala ongo odi, te akoahelela la odi la akomodee odi. Woengitini odjéi mituke ma Mwengéi la ma wogumake.
\p
\v 14 Sikahala wa Falisayo wato wabali wadjenge wadjali oki djihinge sambo kpàa, ase wopotia omoseki.
\v 15 Ndjongo awaselia ate; ino, de wato wango wakoatoloko ino mene wato wa memene liwoso la wato ase Mwengéi aewi mitema manu, alikambo ate ema elamu la maiso ma wato edjéi ema e wonalili la maiso ma Mwengéi.
\p
\v 16 Pui la waseli idjakali tee la Yoani. Pota ndi la engele enge mboli ndamu e wokumu wo Mwengéi ekoasanaka ase wato kpàaa wakogueleke okii atie eho.
\v 17 Memene, eti wobe te ate likolo la mbume lileke la ebete ate ma esuki eikima e pui enge same te.
\p
\v 18 Moto kpàa ongo oli liwala la moli onde ase amoikia odi, akeliga eteba ase moto ngo omoiki moli ongo oli liwala la molom onde akokelaka eteba.
\p
\v 19 Ase moto mwesi ndjo adjali mogumake, ase adjali okpali wisidje witanake ngbaa la honelii wuse la wuse adjali la wiho wilamu wilamu mene.
\v 20 Ase moto o wiongolo mwesi nkombo ende Azaro, adjali mabala la mbala woa bati la moluhe monde wenge wande witumu la mpota.
\v 21 Ase inde odjakali la ehoha e olaki wilaka winge widjakali okwakani sese emesa ma moto oho owogumake la mbwa idjakali odji ohelekoli pota djande.
\v 22 Ase mbuse moto wiongolo oho aguya, wana humbua wa mototia wamobatia la mokpotomo Abalayama. Moto owogumake aguya koto wamokundia.
\v 23 Ase la ndondo e kabuli adukolia maiso mande ango edjakali inde la wodidi, ase omoenia Abalayama lihiele la Lazaro la mokpoto monde.
\v 24 Ndjongo awelia ase asia ate wawa Abalayama ndjokela mbai magba ase motoma Lazaro alulie mosei monde la malia ase wolemi wombai wodeke dee, alikambo ate ikoeneke wodidi wo misa mingo milolaka.
\p
\v 25 Ase Abalayama a mwaselia ate mana otiwosanake te ate mana otiwosanake te ate ango odjakali owe la mokalo odjakali la wiho wilamu wilamu ngbiin, ase Lazaro adjakali la wiho. Wibe ndjongo likahala inde aumiga wolamu ahala inde aumiga wo oeneke wodidi.
\v 26 Ase longose djinge sambo kpàa liwela liesi lisungu litokawanesi iso la ino ase wato wango wabali olongoi ahala wake atie nu waengiti te ase la wato wa olongoi ongo la okpandesami atie su te.
\p
\v 27 Ndjongo asia ate nda edjéi eho ndjongo iwongi owe, wawa motoma ongo la monguta mo wawa.
\v 28 Alikambo ate idjéi la wamanima itano wapele, alikambo ate awasele wolamu wolamu, alikambo ate iwo watindje ahala la wuhuwu wodidi.
\p
\v 29 Ase Abalayama asia ate wadjéi la Moize la waseli wa woke iwo.
\p
\v 30 Ndjongo te wawa Abalayama ase inga moto mwesi ndondo e wato waguake akee atie wu wakohengese mitema.
\p
\v 31 Ase asia la inde ate inga watimoke Moize la waseli te, watondima koto te moto ongo agui ase asusoya.
\c 17
\cl Esuki esungu 17
\p
\v 1 Ndjongo asia la watutiani wande ate sambo djinge ikobingesaka ekikimi itodjangaka te. Ase magba la moto ongo okodjaka la djaho.
\v 2 Ewongi wolamu wa monange libanga la nkingo linge likokpotokolaka iwo la pukapuka, ase wamolumbe la ebale, la ebete ate amobingese mwesi o wato wakeke ekikimi.
\v 3 Huakani inga mangua akela lisumu mopamela ase inga ahengese motema molimbesa.
\v 4 Te inga aokelela wobe mbala nsambo la wuse wesi ase adjia atie owe mbala nsambo asia ate ihengesiga motema ewongi omoli mbese.
\p
\v 5 Kaikonde watutiani wasia la Likumu ate totaliela iso wondimi.
\p
\v 6 Ndjongo Likumu asia ate inga odjakini la wondimi wosungu nda pukapuka e Motarde, nda wasini la mote sikaminosi ndi ndake ate abukola ase keke okayokona la ebale ase nda eotemei ino ate.
\p
\v 7 Ndai ndondo eenu ongo odjéi la motuke ongo okobukaka mbume, te ongo okokengeleke nama akoasa la inde ango ekawongoya inde ango ate djaka ahala gaga abota la mesa?
\v 8 Atoasa nde loi nde ate mbongelele mbai tee ndiango ekossela mbai tee ndiango ekosesela mbai olaki la okengi ase owe okolaka la okengi?
\v 9 Akomoemele nde mungo motuke alikambo akeli sambo djinge imotomi iwo ate akele?
\v 10 Ndi ndjongo ino koto ango okosesela ino okeli sambo djinge yotomini iwo ate oke djinge yotomini iwo ate okeleni asani ate todjéi mituke mpamba wungo wokeli iso ewongi tokele.
\p
\v 11 Ase ango ekeli inde la Yelusaleme alekia ndondo e Samaria la Galilea.
\v 12 Ase ango elingelali inde la moki mwesi ndjongo wato wapele liomu wango wadjakali la ekoni e mbala wagbotononia lainde ase wamalia liheiele.
\v 13 Ase watelesia woasi wou ase wasi wasia ate Yesu mwalimo, tokela iso magba!
\p
\v 14 Ase ango eweneli inde asi ala iwo ate kekeni la okayainiani atie wanganga Mwengéi ndjongo ango edjakali okii ase walangia la iwo gaa.
\v 15 Ango weneli mwesi owu ate akaliga, akawongoya la akomoemeleke Mwengéi la moli mosungu.
\v 16 Ase akuiya elongi la sese emakolo ma Yesu ase amohekelia keke dinge kaikonde adjali Mosamaria.
\v 17 Yesu awongosia ate wato liomu walangali la nga a, te ndjongo te? ndjongo wango wadi libwa wadjéi eni?
\v 18 Moto tweti te alikawongwali omotemei Mwengéi nda moto ongo wo etondo edi?
\v 19 Ase asia la inde ate Amala keke, wondimi wo owe wokalesi owe.
\p
\v 20 Ase wa Falisayo wamohuelia, nda engele ekondja wokumu wo Mwengéi ndjongo awawongoselia wokumu wo Mwengéi wotodja landenge enge wato kpàa wakoene la wohola.
\v 21 Wato koto watoasa ate dendani woho wowu! te woho wungo, dendani! wokumu wo Mwengéi wodjéi ndondo eenu.
\p
\v 22 Ndjongo asia la watutiani masio mageleli ango ekondja ino la ehoha e woeni wuse wesi wo mana o moto ase otoweneni te.
\v 23 Ase wato wakwasa la ino ate dendani ongo! te dendani ahala! otiumakeni te otiwatutiakeni te.
\v 24 Alikambo ate ndi nda ndenge ekobalimaka mokalikali ango ekongengaka moho mokoumaka opoti la ebete esi ongo likolo weneni wo Mana omoto wokodjandi ndjongo.
\v 25 Ase awongi liwoso aene wodidi ngbii la wolie wungo wokomotona inde.
\v 26 Alidi, ndenge edjali la masio o ma Noa, ekodjaa ndi ndjongo la wuse wo mana omoto.
\v 27 Wadjakali olaki, la okengi pele idjakali woiki wali, wadjakali woikesani tee ndi wungo wuse wo Noa alingelali la molela, ase mpela ekandjia ase waolia iwo kpàa.
\v 28 Ekodjaa koto ndenge edjali ehomasio ma Lota wadjakali olaki la okengi osambi otambi, oni, omai minguta.
\v 29 Ase wungo wuse wopumbali Lota la Sodoma, misa misungu milongwali ongo likolo miluya ase mi waolia iwo kpàa.
\v 30 Ekodjaa ndi ndjongo wuse wungo wokoenene mana omoto.
\v 31 Wuhungo wuse ndjongo, moto ongo odjéi likolo la monguta ase wiho wande widjéi la monguta atoadjini owitoti te la moto ongo odjéi la wilanga, inde atokawongwa ototi wiho wande te.
\v 32 Momungwani moli o Lota.
\v 33 Moto kpàa ongo okolukaka okalesi wenge wande akowiwungesa waho, ase ongo owungesi waho akobania mokalo.
\v 34 Ikowaselakani ino la lihinge likolo wato wapele iwale ikolangala la epe wale ikolangala la ep eikima mwesi akokee mwesi akotikala.
\v 35 Wali wale wakotanga la eboka eikima mwesi akokee, mwesi akotikala.
\v 36 Wato wale wakodja la elanga Mwengéi akomotota moesi, akomotika moesi.
\p
\v 37 Ndjongo wamowongoselia inde ate nda ebete Likumu? awaselia iwo ate ebete elangali molo nda koka koto ikoaboliaka ndiango
\c 18
\cl Esuki esungu 18
\p
\v 1 Ndjongo awahali ekpangele esi alikambo la owaenesi obondo ewakongi wiengele kpàa te olembi te.
\v 2 Asia la moki mwesi ndjo edjakali la mosambesi mwesi ongo odjakali omowangi Mwengéi te la omotemei moto tweti te.
\v 3 Ase la moki moho, edjakali la moli mwesi ongo ogueleli la molome ase adjakali oki mbala la mbala atie nde la woasi ate kela ate imolonge moto ongo okosambaka mbai la inde.
\p
\v 4 Ee la woumoi wo engele esindjo, adjakali okili, ase mbuse asia lamotema monde ate eenda etomowangaka mbai Mwengéi te te itomo te miaka moto te.
\v 5 Ase nda moli oholo ogueli molome adjéi wiengele kpàa onde mbesi mbai, ikokela ate alonge te lihiele te akodjandi odji odjabingakoli mbai mahei tee ndi ekole mbe mbai.
\v 6 Ndjongo Likumu asia ate okani nda easi ohongo mosambesi te nda atidjee moto molamu te.
\v 7 Ndjongo Mwengéi atokela te ate loi lo wato wande wango wawonoli inde wango waomowelakolaka likolo la moi litenie la womemene te nda ekowaeneseke inde motema molai?
\v 8 Ikowoewesakani ino ate akokela ate loi lowu wotenie la womene gala. Ase ango ekodja mana omoto akogboto mene wondimi ahala la mbume?
\p
\v 9 Ase alikambo la wadi wango wadjaki wabateli mitema ate wadjéi wato walamu la wadjaki odengeli wato wadi ate wadjéi mpamba, ahali ekpangele ndjo.
\v 10 Wato wale watelia la tepelo wakongi mwesi mo Falisayo la ongo di moputesi mamelo.
\v 11 Mo Falisayo amalia amalia apotia wakongi la wasisambo dja motema monde ate ee Mwengéi, yotemei alikambo iti nda wato wadi te, wapuesi, wato wadjangi womemene wato wa eteba te koto nda moputesi mamelo oholo.
\v 12 IKokilaka wilaka mbala la iwale la poso ei, ikohekeleke esi esuki e liomu e wiho kpàa wikokondjaka mbai.
\p
\v 13 Ase moputesi mamelo, amalia lihiele atibalakali te odendesi maiso mande likolo te ase adjakali wa bingakoli la mogboto monde la wasi ate ee Mwengéi ndjo kela mbai magba mbai mosumuki.
\v 14 IKowoewsaka ino ate moto ongo wadjimbalui la monguta monde aeneni moto ongo odi alikambo moto kpàa ongo okoatelasaka akoenesene nsoni, ase moto ongo okoatitimesaka akotelesama.
\p
\v 15 Kaikonde wato wapotali omodjeli la wana wau wakeke wakeke alikambo awapotepote, ase ango weneli wa tutiani ndjongo, wapotia owapameli.
\v 16 Kaiko nde Yesu awawelia wana waho wakeke wakeke wadje atie nde ase asia ate wadeni wana wakeke wakeke wadjee atie mbai la otipoteni awatekesi alikambo wohumu wo Mwengéi nda iwo.
\v 17 La melmene amene ikowaselaka ino ate moto kpàa ongo ondimi wokumu wo Mwengéi nda mana mokeke te atolingela la woho te wokeke te.
\p
\v 18 Ase moto mwesi ndjo amohulia puopuo, asia mwalimo molamu, ikele woni alikambo ikondje liwongoseli la mokalo mo libela?
\p
\v 19 Ysu amwaselia ate alikambo lande ekowelaka owe mbai molamu? moto molamu ati te longosesa mwesi Mwengéi.
\p
\v 20 Woewi pui otikelake eteba te otiasake moleho te otiolake moto te, otiwake te, motemia sangua la ngua.
\p
\v 21 Ndjongo asia ate itemei djinge kpàa tee opoti wo lenge wo mbai.
\p
\v 22 Mbuse ewoki ndjongo, Yesu amwaselia ate edjéi la ema esi enge edjangi owe tamba wiho kpàa wingo widjéi owe la waho ase wakawela wabola ase okokondja ema e motio ongo likolo ase djaka tutia mbai.
\v 23 Ango okia inde ndjongo aokia magba ngbii alikambo adjali la wogumake.
\v 24 Yesu amodendia ase asia ate ekodja loiwo monga mene alikambo la wango wadjéi la wadjenge walingele la wokumu wo Mwengéi!
\v 25 La memene, olingeli wokamela la bu etonga edjéi petee oleki olingeli wo moto mogumake la wokumu wo Mwengéi.
\p
\v 26 Wango waokali ndjongo wasia ate ndai woengi engele edi okali?
\p
\v 27 Asia ate sambo djihinge yengiti okelami te alikkambo la wato, yengi okelami a likambo la Mwengéi.
\p
\v 28 Ase Petele asia ate denda! iso todei wiho wasu mene ase totuteya owe.
\p
\v 29 Asia la iwo ate lamemene amene yasi la ino ate eti la moto tweti te ongo odei monguta monde te moli onde te wamanango wa pele te wamanango wa wali te wawoti te wana alikambo la wokumu wo Mwengéi.
\v 30 Ongo okodjanga okondji te la ndenge edimbala ngbii oleki ehele engele ase la engele enge egeleli mokalo mo libela.
\p
\v 31 Ndjongo awagulia watutiani liomi la wale kelekele, ase asia la iwo ate denda! okotelaka la Yelusaleme ase sambo djinge kpàa idingamali la waseli alikambo la mana omoto yengesame.
\v 32 La ekpangele wakomokawa inde la mawo ma wato wa miki ase wakomoseke inde ase wakomosambwesa inde wobe la wakomosuele inde nsoi.
\v 33 Ase mbuse e omobingi inde imbo wakomola inde ase wuse wo misato akosusua.
\v 34 Kaikonde watihelali gbondo te edjihinge sambo djaho, ase kukola e loi loho edihamali la maiso mau ase watidjakali wewi te sambo djinge iwaselakali inde.
\p
\v 35 Kaikonde ango odjakali inde oumi ahue la Yeliho, moto mwesi ogui maiso abatali kelekele e mboka wongongi wiho.
\v 36 Nda eokali inde wato ngbii wakolekaka, apotali ohuela hueli inga edjéi nde.
\p
\v 37 Wamoewsia ate Yesu o Nazarete indongo okolekaka.
\p
\v 38 Ndjongo apamia ase asia ate Yesu, mana o Dawidi ndjokela mbai magba!
\v 39 Ase wato wango wadjakali osombi liwoso wapotia omopameli ate anange monoko, ase adjakali ndi opami abolo alidji oleki ate mana o Dawidi ndjokela mbai magba.
\p
\v 40 Ndjongo Yesu amalia ase atomia wamodjele la moto oho. Mbuse eho ango oumali inde ahue Yesu amohuelia ate:
\v 41 Obali yokele nde? inde asia ate Likumu ipote weni.
\p
\v 42 Ndjongo Yesu asia la inde ate pota weni wondimi wo owe wokalesi owe.
\v 43 Ndi la engele eho apotia weni ase apotia omotutei inde ase omotemei Mwengéi, alidi ango weneli wato kpàa ndjongo wamotemiali Mwengéi.
\c 19
\cl Esuki esungu 19
\p
\v 1 Yesu, alingeli a Yeriko, akpandisi liwange.
\v 2 E dendo, edjali la motople mwesi la njkombo djakago Likumu la wakongoli mpako, pe adjali mogumake. Alukali oheni Yesu.
\v 3 Ase akokati ohumi, antina e ebiba e wato, late adjali mokwe.
\v 4 Atiloli liwoso, atelia la mote late amohene, late Yesu apotali oheti la enge mboka.
\v 5 Sikalandjo ango Yesu ahumia la ebete ehoo, adendali likolo amohaselia: Zakayo owe dimba eee; late keke ekoyabata a monguta wowe.
\v 6 Zakayo adimbali sese, pe amototali mla ohemeli.
\v 7 Ango ehumali ndjongo iwo kpàa wabandali andungwani, pe ohasi ate: alingelia oyabati atie moto ongo owungi.
\p
\v 8 Ase Zakayo, ahamalia liwoso e Mwengéi omohaseli: dende, Mwengéi ndambo dja wihoo wa mbai ekohekele la wadjangi. Pe ema kpàa epwesali moto, la ohelesi enge moleho ikowongola ehoo mbala inéi.
\p
\v 9 Yesu amohaselia: Alisio la keke mokalo adjeli la moguta, late ohoolo adjéi mana la Abalayama.
\v 10 Late mana o moto adjali a tina e oluki pe okalesi wato wango wawungi.
\p
\v 11 Ango wadjali oyoki enge sambo, Yesu ahekeleli aleti ndakisa mwesi, late adjali pene e Yelusaleme, pe wadjali a mamungo ate Likumu e Mwengéi kohenene kine ndi enge tango.
\v 12 Ndongo ahasali ate: motopele mwesi la kita a akelali mobembo moki mwesi dja lihele a tina ozwi okulu e likumu, pe owongwe.
\v 13 Awelali mituke lande liomo, awahekeli mina liomo, pe awahaeli: kelani milunga te ekowongwa mbai.
\p
\v 14 Ase wana wa moki wa motonaki inde, pe wamotomeli inde wato mbuse ende, pe wahasi ate: tobaliti ate moto oholo ahume Likumu djasu.
\v 15 Ango e wongwea mbuse, ototi okulu e Likumu awelali mituke wango awahekeleli iwo wambele, a tina oyewi nda litomba edwali iwo la milunga.
\p
\v 16 Ongo poo adi, ahasia: Mwengéi, mina enge owe ewotia mina liomo.
\p
\v 17 Ndjongo amohaselia ate: Edjéi olamu, motuke molamu, late ohenesi ate odjéi la osembo la sambo keke pendja, okotota Likumu likolo la gbata liomo.
\p
\v 18 Ongo wale adia, ahosia: Mwengéi mina enge owe ebakesia mina itano.
\p
\v 19 Ahasali la inde: owepe, tota mokpali la gbata itano
\p
\v 20 Weti adjali, ahasia: Mwengéi denga mina djo owe, ihisali ehoo la esindjè.
\v 21 Late idjaki owangi owe, a tina odjéi moto o minga; okototaka enge oti isali pe okobukakolaka enge oti onali.
\p
\v 22 Amohaseli ate: ikosambesa ndi la enge ehasi owe la monoko moçwe mene motuke mobe; oyewaki ate edjéi moto ominga ikohotaka enge ehisiti pe ibukakolo enge iyoniti ibukakola.
\v 23 La tina ende abatali wambela wa mbai dja ebende la baki te ndjongo nda di mbai nda ipumbei la matabisi.
\v 24 Pe ahasia la wango wadjali ango: mopwesani enge mine, pe wohekele ehoo la moto ongo odjéi la min liomo.
\p
\v 25 Nda wahasi la ind: Mwengi inde adjéi la mina liomo.
\p
\v 26 Iyo waselini, moto kpàa ongo odjéi lema wako mohekele mingi, ase ongo oti la ema te adja laeho wakomopwesa.
\v 27 Aleti djakani watonani wa mbai, wango waibalaka ate ihume Likumu ewu, pe waholani liwoso la mbai.
\p
\v 28 Ndjongo mbuse ohosi, Yesu asombia liwoso la ebiba ewato, late atele a Yelusaleme.
\v 29 Ango endongbali inde ahue Betefage pe Betania a mokoli wakowelaka mokoli dja oliwe, atomali watiesakoli wale.
\v 30 Ahasia: kekeni a moki mungo modengani la ino; mbuse olingeli ndondo, wokogbotoni mana opunda wamonangi moliki likolo la bhoo moto te mwesi atiabate; tukolani ehoo pe djani la ehoo.
\v 31 Inga moto apwelini: ntina ende wokotakolaka eho? wokokini ohasi ndjongo: Mwngéi adjéi la poa eho.
\v 32 Wango watomanaki wakeli pe wagbotoli wiho ndi nda Yesu awahaselali.
\p
\v 33 Ango wadjali otokoli mana punda wamemene ehoo wahasaki la iwo ate: nda tina okotokolaka enge mana o punda?
\p
\v 34 Wawangoli: Mwengéi laeho posa.
\v 35 Ase wakpalali ongo mana o pûnda atie Yesu walumbali wisindjè wawu likolo la ongo mana o punda pe wamobatisi Yesu likola laho.
\v 36 Ango edjali inde osombi wato wadjali owandi wisindjè wawu la mboka.
\p
\v 37 Ango ayandongbi a Yelusaleme, la ehumi a mokoli dja wa olive, watutiani kpàa, wabandali ohemeli, pe olembeli Mwengéi la moli likolo la tina otomo kpàa la okulu enge.
\v 38 Wabandali ohasi: opambwame owe Lkumu ongo okodjaka la kombo e Mwengéi! logo e likolo pe wahokumese likolo oheti!
\p
\v 39 Weti Wafalisai, wango wadjéi ndondo o ebiba e wato, wamohaseli Yesu: motiesakoli pamela watutiani.
\p
\v 40 Awahongoseli: ikoywisakani inga iwo wabati logo mabukeli ekopama!
\p
\v 41 Nda ehumali inde la gbata, Yesu adengali ateniali la ilelo liko laho, pe ahasia.
\v 42 Inga owe, ososoli a lisio la keke sambo dja logo! sikalandjo eho eyohisi la maiso mowe.
\v 43 Late masio ekodja la tina owe, la tango eho watonani wawo wakolinga a lopango makasi wakokela lisukaka pembeni yowe mpe wakonanga owe la lisusuka kpàa.
\v 44 Wakosilisa owe osilesi, owe pe wato wa owe wakode atina owe libukeli mwesi likolo la eeti libukeli te, late oyewakiti la engele Mwengéi adjali la okalesi.
\p
\v 45 Alingelali a tempelo, ase abandali olumbi mabukeli wango wadjali otambi.
\v 46 Ahasali la iwo: edingami ate: monguta mo mbai ekodja monguta dja oyatati ase ino, wohumesia ehoo ebete e iwa.
\p
\v 47 Adjali ohinye masio kpàa la tempelo. La makumu dja mangumba, la wadingeli la wato wasungu wa miki wadjali olukani omowoli.
\v 48 Ase atiyewali ndenge ototi, late wato kpoàa wamoyokali la owangi kpàa.
\c 20
\cl Esuki esungu 20
\p
\v 1 Use moesi ndondo emango masiongo: ndenge eteyakoli Yesu wato la tepelo asakolakali odjei oholi wengali, wakumu wa wanganga wa Engali; mpe la wasiciribe; la wato wagala wakadjia ebele.
\v 2 Mpe wamohoelalia: tohasela iso disambo yokelaka owe lande nguya mpe ndai ohekli di sambo?
\p
\v 3 Awawongoselia mpe awahuelia mamu motuna.
\v 4 Djesalani mbai batisimo e Yoani elongwali likolo, inga edje wato?
\p
\v 5 Iwo ate: inga tohasa ate likolo nda akohasakate lanade endimali ino.
\p
\v 6 Mpe inga tohasateedji wato ase nda wawato wadjei ala nda watombinga malukeli; ate endimisami ate Yoane adjaakali mosakoli.
\v 7 Djongo wawongosia ate tohewiti mboli elongoali eho.
\p
\v 8 Yesu awaselia ate mbai koto Yewiti, iti wasela kotoni inga nda nguya okelaka mbai djisambo.
\p
\v 9 Awaselia wato lilisasa: moto mwesi adjakali la palatasio ende e vigno, ase ototia wato otomo awa batia ongo la elanga ate wakengelake inde alongiya la enge ekolo akia laeti ekolo.
\v 10 Tango eobeki mbuma amotomia moto moesi late amototele mbuma djinge yobukaka iwo, elanga wasali, wamobingia ongo motowamowongalia mawo pamba.
\v 11 Amotomia moto owale wamokelia ndenge kikima.
\v 12 Moto osato wamombingia wamokodjasia waumbia lainde.
\v 13 Memene elonga ayawelia ate ikele woni? imotome mana ombai ngonga eti wo motosa.
\p
\v 14 Ngonga e mwenia iwo mana o memene e langa wasiate inde moto otikala la ogumake o sango nda edjeiwo djongo tomole totikale la ehele elanga
\v 15 Wamolia wamolambia mpmbeni elanga sikandjo memene elnga aowakela woni?
\v 16 Meemene elnga aodja a waole mpe atote weti wato awaitike ango ngonga eokia iwo djongo wasiate: eti mosemelisa Engali.
\p
\v 17 Atombolia maiso likolo lau Yesu asia ate: uloyi okamani, alimbolali woni: libanga linge litumbali wamei wa monguta laonde liumia likele la molume?
\p
\v 18 Moto ongo okpaa lokolo la libanga obukakana, mpe ongo okomokpele linge libukeli o gbaa.
\p
\v 19 Waakumi wa wanganga wa Engali la wafalisaseo, la wasikilibe waingakali omoheli dji ebeete eho. ase wawa wangia wato late asosolali ate linge lisasa Yesu asakali nde laiwo.
\v 20 Waumalia omodengi Yesu; mpe wawatomia wato wango wanenekeli nda wato walamu late wamwelele otomo la maloba mango makoaaka inde late wadjwe ndenge omofundi edje wato walete.
\v 21 Wango wato wamoholia mungo motuna: molakesi tweti ate otoyaka sambo dja meemene mpe djaa sembo we dengaka djoi dja wenge ase oteya osembo o mwengei.
\v 22 Edimisami ate tofute pako atie Cesar?
\p
\v 23 Yesu aewakali mayele mau ma kosake awaselia: dimiani yo mbai lomia lungo lokpoo.
\v 24 Elongi andai edjei adi falanga nde ekomi iwo? iwo kpaa wasiate e Cesar.
\p
\v 25 Mbuse eho awaselia: mohekele Cesar winge wa Cesar, mpe Owengei awinge wa Mwengei.
\v 26 Wayidjwali kine ema ewongolake ase emaloba mande, wakamoiasa okomoi, mpe abatia saa logoo.
\p
\v 27 Weeti wato wa Sadukao, wango wakwasaka te obasi eti, wadjia wamowelia Yesu:
\v 28 Motei ndenge loi otokomelali Moise inga motopele amwika moli inga atiwotali mana kpaa ewongi manango la molome amotikele moli o manango late wawote mana late kombo e moweiitilongwe la libota.
\v 29 Ase edjaakali la libota liese edjaakali la wana wa pele sambo aseko ongo oliwoso aikia moli akpia te owoti.
\v 30 Ongo owale mpe osato wamotikelia ongo moli te owoti lainde.
\v 31 Iwo tuu sambo wakpiaa te owoti.
\v 32 Mbuse eho ongo moli koto akpiaa.
\v 33 Ase ongo la lisekwa ongo moli akpdja moli ondai? mote iwo tuu wamoikali ongo moli.
\p
\v 34 Yesu awa yanolia: wana wa wadimbula wakuikaka wali la pele;
\v 35 Ase wango wakodjwa mbano la masio mango magelimpe la lisekwa kati e wato wakpake watika wali te pele.
\v 36 Late waekpa kine, wakodja nda wapubwa, wakodja wana wa pele wa Engali ndondo elisekwa.
\v 37 Moise aososolilisakani ate wato wakosekwa, la tina enge edenge mote mokeke mango molalokali misa odjangi olongoli, amowelakali mokodji Mwengei; Engali la Abalayama Engali o Isaka Engali o Yakobo.
\v 38 Mwengei ati Mwengei o wato wakpake ase o wato wadjei la bomoi laate lainde wato wadjei la bomoi.
\p
\v 39 Ndambo ewa Sikilibe watotia maloba wasiate molakesi okwasaka olamu.
\v 40 Wandeiya omweli mituna.
\p
\v 41 Yesu awawelia ndandenge ekoasaka ino ate kilisito adjei mana o Dawidi?
\v 42 Dawidi inde amene aseli la buku ende Psaume: ate mokondi asali la abata la ewo embai elilome.
\q
\v 43 Te tango ekowabata mbai wanguna wawo ehotelo wa makolo mowe.
\p
\v 44 Dawidi amowelali likumu, ndadenge ekodja inde mana onde?
\p
\v 45 Wato kpaa wamokakali wasia la wayekoli wande.
\v 46 Wabatelani wa Sikilibe iwo wato wabali osombi la wa lobe ndaindai laate wawa hekeleke mbote la ibete walokumu, mpe wabali oyabati ibete waliwoso la masambo wato liwoso la mapati.
\v 47 Wato wodjwaka mbela la minguta ma wali wango wakpeli pele mpe okosaka wato la mobondeli malaimalai, wakosambesama mbala iwale.
\c 21
\cl Esuki esungu 21
\p
\v 1 yesu atombolia maiso aenia wato waku make wohekeleke falanga dja nakambo la ekoko naboja
\v 2 Anoenia moli noesi okpeleli moto pele ahekelia wana wa falanga wale wa kekewakeke
\v 3 Awaseliate oholo moli okpeli molone molale ahekeli falanga weti wato kpa wango wabongi ewo la libenga la nakambo
\v 4 Late wango wato wakunake wahekeleli nde falanga djinge iti la mosala kasi inde ohekeli djinge ijakinde lazao tu ongola monguta monde.
\p
\v 5 Kasi ndenge etulali iwo mabukeli mango namaliwo la tepelo mpe ndengenge ewongi lpsombo loho Yesu asiate.
\v 6 Lamaiso makeli ehele tepelo ekobukia emate ekikima etitikalongo tu ekokpa la sese.
\p
\v 7 Wamoholia ate nda moengele mokokelama djingo loi mpe nda elembo ekooewesa iso ate tango eho ekokia?
\p
\v 8 Yesu awaseliate: yabatelasi la watiopengoleni, late woto ebele wakodja la kombo mbai wasiate: edje nde mbai, ata tango eho edjei penepene, wewabilakeni.
\v 9 Tango ekokaino mbali e wita mpe wato memeli mobulu makasi la mbume, oti wangakeni, late ewongi ate djinge sambo yu, e liwosoliwoso, kasi ewo etija kpo e mokili.
\p
\v 10 Awaseliate: eti ekolo ekosana kido la eti ekolo, okodi obokoko ekosana mpe kido la okodi wokoko weti ikogeongoana
\v 11 Mbume ikoningana, ebete la ebete, ikonia ikoja ndenge la ndenge, mpe djala e ilaka ilakake, ekoja, la samba matata matata, mpe ilembo isungasunga ikoenene ongo likolo
\v 12 Liwoso la jinge sambo ate yume wakalukani, ino ate wawoleni, wakohengeleni la wakunu wa wasinagoga, wakobongani la wa boloko, kosambesami liwoso la wa kodji wa ekolo atohe wa gouvernele latina e kombo embai
\v 13 Dinge sambo okoynelani la tina ate litatoli lanu liewane
\v 14 Batelani la midjili manu, late wewi ngane odimi wowe
\v 15 Late mbai ikohekeleni maloba mpe kandela liwoso la wanguna wanu watilongo owamaleleni
\v 16 Te waboti wanu wakakawani, mpe wanagbanu, la wabola wanu, mpe la wato wapmbeni, mpe wakowolani mingi
\v 17 Wato kpa wakootonani la tina e kombo embai
\v 18 Kasi wewingisani te mosue monu te mokikima
\v 19 La ohangi mitema okokoeesani omoi wonu
\p
\v 20 Inga wenekeni wasoda, olingeli yelusaleme, asakate obebisami oho wungo wemika peneene.
\v 21 Late wango wakodja la Judea watile ngambo emikili mangomba wango wakoja dodo e yelusaleme wabumbe, wango wakodja la ilanga waewongooke kine la moki
\v 22 Late ekoja masio mawongosake kanda lo okokesami dja sambo dinge ikomami.
\v 23 Ekoza makpa edje wali wango wakoja la lemi, mpe wango wakonungia wana late wato wakogba ningi, latina ekanda e moengei
\v 24 Wako waola la mingonga, wokelawati watuke la mokili mobimba, mpe yelusaleme ekonotono la makolo ma wato wa mokili mobimba, te tango ewato wamabota ekokokisama.
\p
\v 25 Ekoja la ilembo kati emoi, kati e sadja, mpe kati emidjoto, mpe la mbume ekodja la makpa mingi la mabota watiewa nda ema ekele iwo, la lokito omalia masungu
\v 26 Wato wokpa lalo osambo dinge ikuna la mokili, late sambo ikoenene ongo likolo ikodja matata.
\v 27 Wakomoene mana omoto ageliongo la mapata, la nguya, la somo
\v 28 Tango ekobanda wenene dinge sambo tombolani mito manu, late osikolami wonu wunia penepene.
\p
\v 29 Mpe awakokaniselia: denga figuer, la meti mite kpa.
\v 30 Tango okponaka muho okoewakata tango elanga ekokia.
\v 31 ndenge kikima inga wanekeni denge sambouni, ewani ate okodi wengali odjei penepene.
\v 32 Iwaselini solo linge libota likoene lenge sambo litisila di denge sambo tu yume.
\v 33 Likolo la mbume ikoeta, kasi maloba ma mbai matieta.
\p
\v 34 Yakengeleni, late mitema manu mitiya hekele lokengi mana mpe olaki ilaka latina esambo dja mokili late masio mao matuhumele nda iwo.
\v 35 Late ojo nda moto oiwa la wato wango wakoyabataka la mokili mobimba.
\v 36 Kokengelani mpe sambelakani tango kpaa late ozwenimakasi la otili djinge sambo kpa, mpote dinge sambo yokpoteni odjeeni kpi liwoso la mana o moto.
\p
\v 37 Lamoi Yesu ateyakali wato la tempelo kasi la likolo okalangalaka ongo la: mokoli moweliwo Olivier
\v 38 Obandi boo wato kpaa wanobilakali ongo la tempelo la omooki.
\c 22
\cl Esuki esungu  22
\p
\v 1 Lipati la mapa linge lindjangi Levire, linge liweli iwo ate Pasika, liumali ahue.
\v 2 Wiloko wato wawa nganga Mwengéi la walimo wa pui wadjakali oluki ndenge eomoli Yesu, alikambo wadjaki owa wangi wato.
\p
\v 3 Ndjongo Satana alingelia la motema mo Yuda ongo omoweli iwo ate Kariota, mwsi o watutiani wande liomu la wale.
\v 4 Yuda akia okpomesani a la wiloko wato wa wanganga Mwengéi ase la wiloko wato wa wamaleli monguta mo Mwengéi nda ndenge ekomokawa inde Yesu la mawo mawu.
\v 5 Waumia la mwemu ase womowunelia omohi wadjenge.
\v 6 Yuda andimia, ase apotia oluki engele elamu e omokawi Yesu la mawo mawu, ndjongo wato ngbii watiewete.
\p
\v 7 Eumia wuse woesi ndondo e lipati la mapa madjangi Levire la wuse woho eongi woli kondolo la wilaka wa Pasika.
\v 8 Ndjongo Yesu amotomia Petele la Yoani awaselia kekeni okawongeli wilaka wa lipati la Pasika alikambo lasu.
\p
\v 9 Wamohuelia obali ate tokawongele eni?
\p
\v 10 Inde awaselia okani! ango okolingela ino la gbata, okogbotononi la moto akpali molugu mo malia. Motutiani ebete enge ekolingela inde.
\v 11 Ase asani la memene monguta, mwalimo akohuelaka ate esuki e monguta edjéi eni ebete ekolaka iso wilaka wa lipati mla Pasika ebete eikima la watutiani wa mbai?
\v 12 Inde akowoiniani ebete esungu la monguta mo likolo, ndondo eho wandigamesa wa kiti la wiho kpàa ongo okokawa iwo wilaka.
\v 13 Wakia, ase wagbotia sambo kpàa nda ewaselali Yesu ase wandia wilaka wa lipati la Pasika.
\p
\v 14 Ango woengali engele, Yesu aabatia la mesa ebete eikima la watomani wande.
\v 15 Inde awaselia ibalaki ngbii olaki wilaka wa Pasika ehele mongindi la ino liwoso la mbai woeni wodidi!
\v 16 Alikambo ate yasi la ino itolaka kine alidi te wokeke te tee ndi engele ekoenga kpàa ndondo e wokumu wo Mwengéi.
\v 17 Ndjongo atotia etotu, a mwongi a Mwengéi ase asia totani ehele la okawaneni ndondo enu.
\v 18 Alikambo ate iwaselini ino olongoi sikahala itokenga kine Vino alidi te wokeke te ndiango wuse wokodja wokumu wo Mwngéi.
\v 19 Ndi ndjongo inde atotia mapambuse eomwongi Mwengéi, inde abukia la ho; awahekemlia asia ehele edjéi wenge wa mbai ikawiga alikambo lanu kelakani ndjongo a likambo la omungoi mbai.
\v 20 Ndindjongo mbuse e olaki inde awahekelia etotu, la wasi kopoehela edjéi wondimani woholi wo Mwengéi ehele edjéi makila ma mbai mango masuakani makila mahomasuakani alikambo lanu.
\v 21 Ase dengani moto okawi mbai atie emitone adjéi la mbai mongindi ahala la mesa!
\v 22 Memene, mbai mana o moto ikogua nda eoniga Mwengéi mbai, ase magba nda ndenge ma kodjaa la moto ongo okoha mbai la mitone!
\p
\v 23 Wapotia ohuelani ndai ndondo ewu woengi odjéi moto okeli luhungo loi.
\p
\v 24 Watutiani wapotia okokiani makasi, alikambo la wewi nda moto ndondo ewu woengi odjéi moto mosungu oleki.
\p
\v 25 Yesu awaselia makumu ma otomani wakohakamiano ase wato wa woenesi wokulu atie wato wawelami wato wa okeli wolamu.
\v 26 Ase engiti ndjongo la likambo lanu. Ase moto ongo odjéi mosungu oleki ndondo enu ewongi adje nda mana, ewongi moto ongo okohaka mitinda adjenda moto owotomu!
\v 27 Ndai odjéi mosungu oleki moto owabati la mesa te moto owotomu? moto owabati la mesa, te ndjongo? wolamu! mbai idjéi ndondo enu nda moto owotomu!
\p
\v 28 Ino wabatigani la mbai mongindi engele elai ndondo ewomekami wo mbai.
\v 29 Ndi ndjongo nda ehekeli wawa mbai wokumu alikambo la mbai ndi ndjongo eokini mbai ino.
\v 30 Okolakani la okengani la mesa ma mbai ndondo e wokumu wo mbai, la okoabatani likolo la kiti dja wokumu alikambo la oteni loi la wiati liomu la wiale wa Isalaele.
\p
\v 31 Likumu Yesu asia Simoni, Simoni oka! Satana aongiga owohehi owe nda ekoheheke wato wahehe pukapuka alikambo la odjikawi djaho la wisoki mpamba.
\v 32 Ase yakongiga alikambo la owe ndjongo wondimi wotodjanga owe te ango ekowongwa owe atie mbai waha wamangua woteteli.
\p
\v 33 Petele asia la inde; Likumu indimi wolamu la oki la owe la woyogo mongindi, la ogui la owe mongindi.
\p
\v 34 Yesu amowongoselia Petele, iwaseli kekehele, liwoso ate koko e molome ebekwe okwasa mbala isato ote ondjewiti mbai te.
\p
\v 35 Mbuse eho Yesu asia la iwo ango otio tomeni mbai la libenga te, la saki te ase la sapato te, odjangini nda ema? wawongosia ema teeti te.
\p
\v 36 Ase inde awaselia, ase sikahala moto ongo odjéi la libenga, ewongi alitote la ho, ndindjongo moto odjéi la saki ase moto ongo oti la lipata te ewongi atambe kasaka eende alikambo ate asombe lipata.
\v 37 Alikambo ate, yasi la ino ewongi loi luhulu wokoma miga la gbondo embai wokokisame ate inde atangemiga ndondo e wato wabe. La memene loi wungo wodingamiga la gbondo e mbai okokisame.
\p
\v 38 Watutiani wasia Likumu mapata male madjéi ahala inde asia wungo wokoki.
\p
\v 39 Nda ekokelaka Yesu inde apu! mbia ase akia mokoli la mitema Olive watutiani wande wamotuteya.
\v 40 Ango oumia inde la ebete eho, inde awaselia yakongoni alikambo ate otikweni ndondo eomekami te.
\v 41 Mbuse eho inde andogbia ma lihiele la iwo, lihiele nda moto ongo okotaka libanga akwa la mauli ase akengia.
\v 42 Wawa, inga obali longose etotu e wodidi ehele atie mbai ase atikele nda ebali mbai ase nda ebali owe.
\v 43 Ndjongo ahumbwa mwesi olikolo aumia alikambo la omohi wokulu.
\v 44 Yesu aokia magba akongia alidi makasi oleki. Malia ma wenge wande maumia nda makila mango madokakania la mbume.
\v 45 Mbuse e wakongi inde alongoya ongo likolo, akawongoya atie watutiani, ase awagbotia walali wilo alikambo la magba.
\v 46 Inde asia la iwo alikambo lande ekolalaka ino wilo? amalani likolo, wakongeni, alikambo ate otikweni ndondo e womekami te.
\p
\v 47 Yesu adjali wasi engele eumali wato ngbii Yuda, mwesi o watutiani wande liomu la wale, adjali oleki liwosoinde aumia ahue la Yesu alikambo la omohi mobale mowalingi la inde.
\v 48 Ase Yesu amwaselia Yuda, okohaka mobale mowalingi la likambo la omohi mana o moto o moto la mawo ma watonani?
\p
\v 49 Ango wato wango wadjali la Yesu mongindi iwaenia wuhungo loi wopotia oumi wamohulia Likumuy, ewongi tosane la mapata masu?
\v 50 Mwesi owu amokotia moto owotomu onganga Mwengéi mosungu, ase amotenia litoi.
\p
\v 51 Ase Yesu asia deni wuhuwu woengi Yesu atotia litoi la moto oho, ase awongosia.
\v 52 Mbuse eho, Yesu asi la wiloko wato wa wanganga-Mwengéi, ase la wiloko wato wawadendi wa monguta mo Mwengéi ase la wiloko wato wango wadji omoheli inde ogelelini la mapata, la mite nda idjéi iwo?
\v 53 Masio kpàa idjaki la ino mongindi ebete eikima la monguta mo Mwengéi ase otipotalini oheli mbai te ase ehele edjéi engele enu la engele ewokumu wo likolo.
\p
\v 54 Wamohelia yesu wakia la inde wakamotikia la monguta monganga Mwengéi mosungu Petele amotuteya, ma lihuele mbuse.
\v 55 Ase ndondo egbingi waloliali misa, ase Petele abatia ndondo e wato wango wakotoko misa.
\v 56 Moto owotomu mwesi omolia moinia Ptele abati kelekele emisa, inde amodendia Petele makasi, ase asia oholo moto koto adjaki la Yesu mongindi!
\p
\v 57 Ase Petele akilia woasi moli, imwewiti te.
\p
\v 58 Mbuse eho moto odi amoenia ase asia owe koto odjéi mwesi owu.” Ase Petele asia la moto oho te; iti inde te.
\p
\v 59 Ahue la saa esi mbuse, moto odi asia makasi memene oholo koto adjaki mongindi la inde alikambo ate inde adjéi moto o Galilaya.
\p
\v 60 Ase Petele asia la moto oho yewiti wungo loi wokwasaka owe la engele eho angoodjakali inde wasi koko e molome ebekoya.
\p
\v 61 Likumu akukolia ase amodengia Petele makasi ndjongo Petele amungoya loi wungo wasali Likumu lainde liwoso liwoso koko e molome ebekwe okowungana mbai mbala isato ate ondjewiti mbai te.
\v 62 Petele apumbia ase alelia la magba ndiobe.
\p
\v 63 Wato wango wamokengelekeli womosekia yesu, ase wamobingia.
\v 64 Wamodihia maiso ase wamohuelia ewasela inso inga ndai obingi?
\v 65 Ase wasia lainde sambo ngbii dja wiloko.
\p
\v 66 Wuse wotania wiloko wato wa wa Yuda, wiloko wato wawanganga Mwengéi la walimo wa pui wagbotononia wakadjia la Yesu liwoso la wabolei wou wosungu.
\v 67 Ase wamohuelia towasela iso odjéi Masiya? inde asia la iwo inga yasa laino, otondimani mbai te.
\v 68 La inga yohuelani puopuo otowongoselani mbai ema te.
\v 69 Ase tee ndi sikahala, mba mana o moto ekoabata atie ewo e lilome e Mwengéi o wokulu.
\p
\v 70 Ndjongo wato kpàa wahuelia odjéi inde mana o Mwengéi? inde awawongoselia iwo wasigani, idjéi inde.
\v 71 Ndjongo wasia totikine alidi omoluki demei te isomene tokiga la wasi wondemene.”
\c 23
\cl Esuki esungu 23
\p
\v 1 Wayamalia owo kpaa wakia la Yesu ongo edjei Pilate.
\v 2 Wabadia onofundi wasiate: tomokpoti olo moto djo akoosaka la wato ate wedime mibeko ma Moise, mpe wefute pako epasi e Cesar, wasi mpe ate inde adjei kilisito, mokodi
\p
\v 3 Pilato amoelia: owe nde likumu la wayuda? e edjei mabi, wasika koto.
\p
\v 4 Pilato asia la wakuma wa mawambo mpe la ebele ewato: yeniti loi ango okeli oholo moto.
\p
\v 5 Kasi wayamalelia wasiate: aowatomaka wato la oya maleli mateya ma Moise obandi la yudea, galile te alajo
\p
\v 6 Tango eokia pilato, wasia likambo la galile, ahuelia inga inde adjei moto o galile;
\v 7 Tango okiande ate atune moto osese okodi we Erode, amotomia ongo euhe Erode late mango masio Erode adjakalai la yelusaleme.
\v 8 Tango emoenia Erode, Yesu asepelia mpe adjakali la posa omoeni te kala latina emboli ookakalinde latina e Yesu late amokelele makamwisi
\v 9 amouelia mituna ebele, kasi Yesu arwongolali loi
\v 10 wakodji wa masambo wwadjakali ango mpe la wa sikilibe wa mofudia la sambo ndenge la ndenge
\v 11 Erode la sideli djande wasia lainde sambo ndenge kpaa mbembe, wamosekia, mpe wasiate wamokpalese esinde Pilato
\v 12 Di ungo use, Pilato iwo la Erode womia wa bola, wato wango wadjakali wanguna iwo wale sima embila ebele
\p
\v 13 Pilato awayanganesia wanganga, wa tempelo, wasambesi, wawato mpe asiate:
\v 14 Ino odjelelini mbai olo moto, wasiate akowatomaka wato ate wetase mibeko ma Moise, kasi imo uelali liwoso lanu, mpe itimoenele la likambo te likikima asambo dinge imofundalino.
\v 15 Erode, pe ndenge kikima, aowongoliani ala, kasi ate oholo moto ati la loi kasi awongi kaka akpe
\v 16 Kasi mbai ekomobumbesa la boloko mbuse o mobingi pimbo
\v 17 La kati embula kpa adjei mobeko ate wamopumbesaki moto moesi aboloko late wamole.
\p
\v 18 Iwo kpaa wapania wasiote, Yesu akpe kasi omopumbese Barabbas.
\v 19 Late Barabbas alingelate boloko latina oli wato mpe la sambo mbembe
\v 20 ilato asia laiwo landenge awahekele la Yesu
\p
\v 21 Iwo kpaa wapamia la moli makasi wasiate: akpe, akpe la ekulusu
\v 22 Pilato awaselia, la mbala esato: nda obe okelinde? yeniti loi ango okinde okpi, ikohekeleni lainde mbuseb omobi ngi djadjaka.
\v 23 Kasi wapamia la moli makasi ate akpe, okpe ekulusu mpe moli mou moetelia
\v 24 Pilato awaseliate wungo okongo ino ekokelama
\v 25 Amopumbesia moto ongo odjakali la boloko la joi mbembe mpe mooli o wato awahekelia Yesu la posa eu.
\p
\v 26 Tango okeke iwo lainde a mboka, wamo dzwa mpe Simona wa Cirene, owongoakali la elanga, mpe wa mokpalesia ekulusu, late amoikele Yesu ono mbuse.
\v 27 Edjakali la wato ndenge kpaa wango wamobilangali, wali wayabingakali la mokpoto, mpe woki makpa latina ende
\v 28 Yesu ayakukolia asia la wango wali ate wali wa yelusaleme, weleni latina embai, lelani latina enu amene mpe la wana anu
\v 29 Late la masia mango mageli wakoasate: esengo la moto ongo owotiti, mpe la moli ongo wenungiaka.
\v 30 Mpe wakoyabata wasiate: mongali tokpele iso, ngomba toisa iso!
\v 31 Inga wakela di sambo la mot mowesu ekoza woni la mote momake?
\p
\v 32 Wajakali mpe la woto wale wango watingakali iwo laiwo late wowobaka ebete ekikima la Yesu la ekulusu
\v 33 Tango umia iwo loinge ebete eweliwo ata mikwa ma moto wamobakia la ekulusu ebete ekikima la dinge iwo moesi la ewo elilome moesi la ewo emoli
\v 34 Yesu asia wawa walimbesa, mpo weiti enge ema hokelaka iwo wabingia djenge la okowani esinde wande
\v 35 Wato wayamali lihele wako wadenga wasambesi wato wonodenga Yesu womokeke wasiate: inde amene sikasikadjo, inga adjei kilisito, to inga adjei moponami moengali!
\p
\v 36 Wasoda koto wamosekekeli, wakia pene ende waùohekelia ekpokolokpo.
\v 37 Wasiate: inga odjei likumu la wayuda, yakalesa yo owe amene!
\v 38 Edjakali likola lande madingo mesi makomi iwo: oholo adjei likumu la wayuda
\p
\v 39 Moto moesi ongo omobaki iwo la ekulusu ebete ekikima la yesu amotangia asiate: te owe nde kilisito? yakalesa yo owe amene, mpe otokalese iso!
\p
\v 40 Ongo weti amowongoselia: owe otimowanganga woengei? iso kpa todjei sa la pasi kikima
\v 41 Laiso ekoki ate tokpe mpo tokelali obe, kasi inde akeliti likambo te likikima.
\v 42 Asia la Yesu kanesaka mbai tango ekoja owe la okodi wowe.
\p
\v 43 Yesu amowongoselia: iwaseli solo banda keke ehele okoja la mbai ebete ekikima la paradizo.
\p
\v 44 Edjakali ango la ngonga emotoba lakolo lilingelia la mokili mobimba te la ngongo elibwa.
\v 45 Moi momia molili litambala la tempelo liatea la ipasi yale di awodja.
\v 46 Yesu apamia la moli makasi wasiate: wawa iwongoli modjeli mombai etie mawo mowe mbuse wasijongo atenea motema.
\p
\v 47 Tango enia sidili jongo wamokumesia Engali mpe wasiate olo moto adjakali sembo.
\v 48 Wato kpaa wango wadjakali ango mbuse weni denge sambo wawongoia wakoyabinga mokpoto.
\v 49 Wango wato kpa wamoewakali Yesu mpe la wali wango walongoali, lainde te la galile wamalakali la okamoi mpe odengi denge sambo yetakali.
\p
\v 50 Ejakali la moto moesi adjakali koseye, moto osambo ndamendamu kombo ende yozefu
\v 51 Inde aadjali kati ewango wato wamolali yesu, adjakali moto omoki mo alimate, liwange la wayuda po inde alambakali okondi wo Engali
\v 52 Ongo moto akei edje pilato ongia ebembe e Yesu
\v 53 Odimba ebembe e Yesu alinia la isidje akamomba la kanda enge ebekaliwo la mabale ebete eho wemokundali yo moto ango.
\v 54 Edjakali use olengelekee iwo, sabataia
\v 55 wali wango walongoali la Yesu te la galile wakia la yosefu ebete ekikima la omokudi Yesu
\v 56 Mpe tango ewongoya iwo walengelia malasi, mpe wahomia use osabata ndengenge edjakali mobeko.
\c 24
\cl Esuki esungu 24
\p
\v 1 Kaiko liwoso la liwoso e poso wakeki booboo alilita wakalaki kasi elumba olumu enge wawongeleki.
\v 2 Ase wagbotoni libanga elongwi likolo la lilita
\v 3 Engele walingelaki ndondo wati gboto wenge ekolo Yesu te.
\v 4 A engele wadjaaki o asiasi dinge sambo eho denda walome waale wango wa djangi wisidje e ongenga ngengi waamalaki ahuwe ewu.
\v 5 Nda ndenge wali wango waumaki o wangi ase dilikasaki wilongi wau sese walome wango waasaki la iwo ate alikakambo lande odjeini moluki moto odjei a bomoiyi ndondo e wangwake.
\v 6 Ate aala ase asusoiya wakanese alidi nda ndenge iwo engele enge adjaaki iyo la Galilea
\v 7 ate mana o moto asengeli okawani la mawo ma wato wa masumu ase wakomobata a mote ase mbuse e masio ma sato akosekwa.
\v 8 Ango wadjaali alidi okanesi sambo ende.
\v 9 Ase walongwaki olilita ango wakeli oyewesi sambo enge ebete e watutiani wande liomu la esi la weeti e wayekoli wadi ongo.
\v 10 Edjaaki Mali mangadala, Mali manango e Yakobo a weeti wali wango wadjaali ebete ekikima la iwo.
\v 11 Ase wayeneki djinge sambo nda o kpomikpomi e pamba ase ase waiwandi okengi wali wango.
\v 12 Ase Piere akengaki, apotiya obangu a lilita mpe agumbale aenia ndi wisuki la wisidje ndjongo akeki, adjei la okamwi la motema monde alikambo enge ekelami.
\p
\v 13 Kasi denda watutiani waale wadjaali la mokii mwesi mmweli iwo ate Emausi modjei lihele e Yelusaleme kilometre tuku motoba.
\v 14 Ase wadjaali okpomi sambo enge ekelanali
\v 15 Kaiko inde engele wadjaali osololi mpe okemisani, Yesu inde amene andogbaki auwe mpe abamdali osombi la eho mongindi.
\v 16 Kasi maiso mawu elimanaki alikambo wati mohewe inde.
\v 17 Aasaki laiwo ate nda ndenge esambo enge odjeini osololi odjei o sombi a likolo wamalaki la mqgba.
\p
\v 18 Mwesi owu wako mowelaka Leopase amowongoseli inde ate owe odjei ase mopaya mpe ayabati inde amene a Yelusaleme alikambo atie owewi sambo ekelani ongo masiyo eelee.
\p
\v 19 Ase inde aasaki la iwo ate nda ndenge esambo ohasaki laino sambo la Yesu mana o Yozefu ongo aumali moaselimo nguyaa otomu mpe asambo e liwoso la Mwengei mpe e wato kpaa.
\v 20 Ase Ndenge wanganga wa Mwengei makumu masu mpe wasenzeli a mokawali inde la etumbu e logo ase wa mobati a mote.
\v 21 Kasi todjaali oamungweli ate moto ongo nde adjaali moto ongo osengeleki.
\v 22 Asewali weeti wango wolongwaki a ndondo esu ase watokamwisaki iso olikambo wakeki poopoo a lilita.
\v 23 Kasi watigbote wenge wande te ase wa djaali oasi te waeniti akidhi ehoneli ezsi e kamwake e wanzelu wango wasaki ate adjei la bomoyi.
\v 24 Aseko weeti la ndondo e wato wango wadjaakali elongo la iso wakeli la lilita ehoo ase wagbotoki ehoo ndjongo nda ndenge wali wango waasaki kasi wati moeneli inde.
\p
\v 25 Ndjongo Yesu aasaki la iwo ate ino wato odjangini mamungo ase ango mitema mo indimaka o sambo kpaa enge waaseli waasali.
\v 26 Etisengeleke inde ate kilisito anyokwame a sambo enge olingele la kembo ende.
\v 27 Ase abandali a mikanda la likambo lawu sambo la tina ende o memene ndondo e o ndingami kpaa.
\p
\v 28 Wandogbani o moki ongo edjali iwo okiiase inde akelali nda ndenge abalaki oeti lihele.
\v 29 Kasi wamobati mbamba wa asia abata la iso alikambo tokwa engele ase maiso oumia gboo ango alingelaki oabati laiso.
\v 30 Aseko ango abataki laiso alikambo la olaki atotaki okoke apambolia ehoo abukia ase abandia o ekeli iwo ehoo.
\v 31 Ndjongo maiso mawu edukwania polele la ngonge enge wamoyewi aseko alongwa la maiso mawu.
\v 32 Ase wassakiate mitema masu adjaaki misamisa ango edjaaki oasi laiso la mboka ango adjei olimboli iso mandingami.
\v 33 Ase la enge ngonga enge amene wamalaki wahonwiya la Yelusaleme ase wagbotoki wa postolu wande liomo la esi ase wayekoli wango wabataki ebete esi laiwo.
\p
\v 34 Waasia ate edjei sembo amemene nkolo asusoiya ase amoumeki Simo.
\v 35 Ango iwo mpe wewani sambo hele ehetaki la mboka ase nda ndenge wamo ywaki la enge ngonga enge abukali okoke.
\p
\v 36 Ango wadjali owaseli sambo inde amene aamalaki la kati ew, ase aasaki laiso ate olomu odjei la ino.
\v 37 Kasi nda ndenge wadjali la somo ase waumiki owangi wa kanisaki ate weeni elimo.
\v 38 ango iwo aselia ate alikambo lande odjei obulungani ase alikambo la mitema lanu edjei obati tembe.
\v 39 Denda mawo ma mbai ase la matambe ma mbai edjei mbai amemene hela mbai ase ohene nda ndenge elimo eti djaka la moini la mikuwa nda ndenge odjeini mbai edjei laho.
\v 40 Ango easi inde, awahenesia mawo mande la matambe mande.
\v 41 Kasi nda ndenge wadjakiiwo ondimi te alikambo la esengo enge e makasi ase wadjali okamwi laiwo ate odjeini la ema elakake aala.
\v 42 Aseko wamohekeleki inde keké esuki etumbake.
\v 43 Ase attaki ehoo ase alakaki ewo la maiso lawu.
\p
\v 44 Sikandjo aasaki laiwo ate ehele edjei maloba baloba hasaki laino ango idjakiibete esi laino ate sambo kpaa enge ekomamali alikambo la mbai la mibeko la Mose ase e watutianiwondewaosemboesengeliokokesame.
\v 45 Ango awadukolaki mayele lawu olamu alikambo wahele enge endingami.
\v 46 Ase aasaki laiwo ate enge edingami ate kilisito asengeli oeni onyokwami; ogwi ase apubwe la masiyo masato.
\v 47 Ase alikambo la kombo ende obongoli mitema alikambo la o limbisami la masumu ekoki osalami a wikolo ongo bandali la Yelusaleme.
\v 48 Ino osengeli oumi watatoli wa sambo dinge.
\v 49 Ase denda idjei ootomeli ino ema enge o mbai adakalini kasi ino otikale ndi la engumba te ango okotota okulu enge elongwi la likolo.
\p
\v 50 Kasi awa humesaki iwo la Betani ase atombolali mawo lande ase awapambolia iwo.
\v 51 Ango adjali owapamboli iwo akawanaki laino ase abamdia oteli la likolo.
\v 52 Aseko wamokumisali inde ase wawongwaki la Yelusaleme la mwemu.
\v 53 Ase wa engele kpaa wadjaaki ndondo e Tepelo opamboli Mwengei.