45 lines
3.3 KiB
Plaintext
45 lines
3.3 KiB
Plaintext
|
\id JUD
|
||
|
\ide UTF-8
|
||
|
\h Yuda
|
||
|
\toc1 Yuda
|
||
|
\toc2 Yuda
|
||
|
\toc3 jud
|
||
|
\mt Yuda
|
||
|
\c 1
|
||
|
\cl Esuki esungu 1
|
||
|
\p
|
||
|
\v 1 Yuda, mokuke mo Yesu klisto, monango o Yakobo, la wango wawelami; wa balami la Mwenge wawa, wa isami la Yesu klisto:
|
||
|
\v 2 Magba logo la libalano etete mbala la mbala!
|
||
|
\p
|
||
|
\v 3 Wa balani, ndenge ibalaki odhengeli a loi elilonga esu kpaa, ewongonoki la mbai ikele ate iyo wongeni sani a loi la oyumbi enge ehanali la watutu mbala kikima.
|
||
|
\v 4 Aloi te elingelani atie ino weeti wato, wa djei obitisi olamu e mwenge osu wako mungokolaka te ehonde okowahuka mboka okeli kindumba. woni Yesu klisto, ongo odjei molakesi masu mpe likumu osu.
|
||
|
\p
|
||
|
\v 5 Ibali owongoleli, ino wango oyewini dji sambo, ate likumu, mbuse okalesi wato la owalongosi a moki mo Ezipito, mbuse awolesia wato wawagbo,
|
||
|
\v 6 alambeli osambisami elisiyo esungu, onangi la mokulu libela la mlili, wawumbua wango wati isali o moto owu, kasi wa wungisi eya balele ewu.
|
||
|
\v 7 Sodoma la Gomola la miki misukami wa kowalumba nda iwo la ondumba la obe enge ekokiti, wohi nda ndakisa, ototi odidi emisa libela.
|
||
|
\v 8 Te ndjongo, wa wato, la wa sukidjau, wa kobitisaka wenge, wati tosuka mobeko wakotangaka wilonga.
|
||
|
\p
|
||
|
\v 9 Ndjokande anzele mikoyele, tango ebandalinde amwamaleli djabulu la osuwi lainde la wenge e Moize, ati motilali djabulu kasi omowaselali ndjo: likumu inde amne aohe etumbu.
|
||
|
\v 10 Iwo, ngambo ewu, wakowasaka la ndenge e otangi la ndenge wakowosanaka olati wa boliani la enge eyewe ekelamakiyo.
|
||
|
\p
|
||
|
\v 11 Magba la iwo! wa bilei mboka e kaina, waalimbi la lifuti e ewungi e balaama, wa wengi la owamaleli e Kore.
|
||
|
\v 12 Edjei iwonde wakobitisaka wa feti wanu e mwemu, tango ekowaboliaka iwo la olaki la olié. wayengemeni la mapata mango matidjimbisaka ewongo. idjei mapata madjangi malia, etendikami la ehoho, mitema otone madjangi mbuma, mbala iwo ingwa, itubamia,
|
||
|
\v 13 Mboka ebe eebale, wako wumisaka sambo mbe, wa djai nda minzoto minge mikosombaka, molili moyisami la iwo libela.
|
||
|
\p
|
||
|
\v 14 Edjei la iwo Enoka, Taata asambo obandi Adama, a asate ndjo: denda, likumu adjila wau ntelu wande mboka la mbuka,
|
||
|
\v 15 Akotena sambo ewato kpaa, akowumisa mabe kpa enge wato waminga wakeli, la owasi kpa idjinge wato wa ogeno wadjaki omotioli.
|
||
|
\v 16 Edjei wato wango wakondungwanaka, wa kowa sumbuakanaka la lifuti lawu wakotutiaka posa djawu, wakopumbisaka sambo dja ogeno, wako balaka ndi wato wango wako emelisaka.
|
||
|
\p
|
||
|
\v 17 Kasi iwo, wabalani, mungola ni okalini liwoso la watuatiani esu Yesu klisto.
|
||
|
\v 18 awaseli ni, masiyo magba wato ngbii wa kobanda omotioli Mwenge, wa obandi osombi ndenge eposa ewu mbé.
|
||
|
\v 19 Iwonde wakowumisaka okawani, wato wadjandi lomungo, wati la molim.
|
||
|
\p
|
||
|
\v 20 Ino, wa manima, elibalano, totoni molende ino amene la ondimi eyino esatu, aleeti obandeli la molimo satu.
|
||
|
\v 21 Isani libalano e Mwengei omitema, la olambeli magba e likumu lasu Yesu klisto la ekaleli e libela.
|
||
|
\p
|
||
|
\v 22 Wato wango wadjei la tembe wayokelani magba;
|
||
|
\v 23 Wayengemeni la wato wango wako longolaka la misa, la weeti, dja la magba la owongi kasi kebani la iwo, otiheleni esindje ewu aloi ebiti la sambo djawu mbe.
|
||
|
\p
|
||
|
\v 24 Mwenge adjei la okulu a abandi ino laate otikwe aleti ate djeni la obe inde moto akoki ogbalini la inde, la omoyeni mpe otumeni la mwemu.
|
||
|
\v 25 Odjei Mwenge inde amene aleti mokaleni mosu, la likumu osu Yesu klisto, etemia, osungu, okulu mpe likumu edjei la inde, té la embandeli, sika, la masio kpaa! Amen.
|