162 lines
31 KiB
Plaintext
162 lines
31 KiB
Plaintext
|
\id 1TI
|
||
|
\ide UTF-8
|
||
|
\h तिमोथीके पावलको पाहिलो पत्र
|
||
|
\toc1 तिमोथीके पावलको पाहिलो पत्र
|
||
|
\toc2 तिमोथीके पावलको पाहिलो पत्र
|
||
|
\toc3 1ti
|
||
|
\mt तिमोथीके पावलको पाहिलो पत्र
|
||
|
\c 1
|
||
|
\cl आध्याय १
|
||
|
\p
|
||
|
\v 1 हमर मुक्तिदाता परमेश्वर और हमर आशा ख्रीष्ट येशूको आज्ञा अनुसार ख्रीष्ट येशूको प्रेरित पावलसे,
|
||
|
\v 2 बिश्वासमे मिर सच्चो बालक तिमोथीके: परमेश्वर पिता और हमर प्रभु ख्रीष्ट येशूसे अनुग्रह, कृपा और शान्ति मिलाए|
|
||
|
\v 3 मए माकेडोनिया जातपेति तुमसे कहो कता तुम एफिससमे बैठओ, और झुटा शिक्षा सिखान बारे आदमीनसे उइसो मत करौ कहिके कडा आज्ञा दैसकत हौ ।
|
||
|
\v 4 नत बे कथा और ना निभटनबारी वंशावली घेन ना लागएँ, जौन विश्वाससे आनबारो परमेश्वरको योजनाके सहायता करनके सट्टा विवाद (लडाई) करबत हए ।
|
||
|
\v 5 पर हमर आज्ञाको लक्ष्य प्रेम हए, जो शुध्द ह्रदय, असल विवेक और निष्कपट विश्वाससे आतहए ।
|
||
|
\v 6 कोइ-कोइ आदमी जे सबसे बराएके बिगरतुकी बातमे अलमलाए रहेहँए ।
|
||
|
\v 7 बे व्यवस्थाके शिक्षक होनके इच्छा कर्तहँए, पर अपनए काहि बात अथवा अपनए किटान करके कहि बात अपनए बे ना बुझत हएँ ।
|
||
|
\p
|
||
|
\v 8 हम जनत हएँ कि अगर कोइ उचित रुपसे व्यवस्था पालन करेहए तौ व्यवस्था असल हए ।
|
||
|
\v 9 हम जा फिर जन्तहँए कि व्यवस्था असल आदमीनके ताहिँ ना हए, पर व्यवस्था भगं कर्नबारेके अनाज्ञाकारिताके ताहिँ भक्तिहीन और पापीनके, अपवित्र और दूषितनके, पितृघातनके ताहिँ, ज्यानमारा नके ताहिँ,
|
||
|
\v 10 व्यभिचारीनके ताहिँ, पुरुषगामीनके ताहिँ, अपहरणकारीनके ताहिँ, झुट बोल्नबारेके ताहिँ, झुटी गवाही देनबारेके ताहिँ, और सत्य सिध्दान्तके बिरुध्दमे भए और अइसीयए बातनके ताहिँ हए।
|
||
|
\v 11 जा मोके सुम्पो परमधन्य परमेश्वर महिमित सुसमाचार जैसो हए ।
|
||
|
\p
|
||
|
\v 12 मोके सामर्थ देनबारो ख्रीष्ट येशू हमर प्रभूके मए धन्यबाद देतहौ, काहेकी अपन सेवामे नियुक्त करके बा मोके विश्वासयोग्य मानी ।
|
||
|
\v 13 अग्गु मए निन्दा करनबारो, खेदो सतानबारो, और एक मारनबारो आदमी रहौँ । पर मए जा अन्जान और विश्वासी ना होनके कारणसे मए कृपा पओ ।
|
||
|
\v 14 ख्रीष्ट येशूमे भव विश्वास और प्रेमके साथ मिर ताहिँ हमर प्रभुको अनुग्रह प्रशस्त मात्रामे उतारके आओ।
|
||
|
\p
|
||
|
\v 15 जा वचन हरप्रकारसे ग्रहणयोग्य हए, कि पापीनके उध्दार करन येशू ख्रीष्ट संसारमे आओ, और पापी मैसे मए सबसे मुख्य हौँ ।
|
||
|
\v 16 पर जहे कारणके ताहीँ मोके अग्गु दया करी ताकीअन्नत जीवनके ताहीँ बा के उपर विश्वास करनबारेनके एक उदाहरनके रुपमे मए सबसे तुच्छ आदमीमे ख्रीष्ट येशू अपन सारा धैर्यता प्रकट करन सिकए ।
|
||
|
\p
|
||
|
\v 17 अब युग-युगके राजा, अविनासी और अदृश्य एकमात्र परमेश्वरके आदर और महिमा सदासर्वदा होबए । आमेन ।
|
||
|
\v 18 मेरो लौणा तिमोथी, मए तुमके जा आज्ञा देतहौ, कि तुमरो सम्बन्धमे अग्गु कहो अगमवाणी अनुसार बिनसे प्रेरण पाएके विश्वास और असल विवेक कायम करत तुम असल लडाई लडन सिकओ ।
|
||
|
\v 19 विश्वास और स्वच्छ विवेक कायम करओ । कोइ- कोइ आदमी विवेकके इन्कार करके अपन विश्वासमे नष्ट भए हँएँ ।
|
||
|
\v 20 बिन मैसे हुमेनियस और अलेक्जेन्डर जैसे आदमीनके मए शैतानके हातमे सुम्पओ हौ, ताकी बिनके निन्दा करन ना पड्त हए कहिके सिकँएँ ।
|
||
|
\c 2
|
||
|
\cl आध्याय २
|
||
|
\p
|
||
|
\v 1 सबसे पहिले मए आग्रह कर्तहौँ, कि सबए आदमीनके ताहिँ नम्र-निबेदन, प्रार्थना और मध्यस्थ- बिन्ती और धन्यबाद चढमए,
|
||
|
\v 2 राजा और सब उँचे पदमे भएनके ताहिँ फिर, ताकि हम निर्धक्क और शान्तिपूर्ण हुइके हरप्रकारसे धार्मिक और आदरणीय जीवन बितान सकाएँ ।
|
||
|
\v 3 जा हमर मुक्तिदाता परमेश्वरको दृष्टिमे जा असल और ग्रहण योग्य हए ।
|
||
|
\v 4 बा सब आदमी मुक्ति पामएँ और बे सत्यके ज्ञानमे आमएँ कहिके इच्छा कर्तहए ।
|
||
|
\v 5 काहेकी परमेश्वर एकए हए, परमेश्वर और आदमीनके बीचमे मध्यस्थ फिर एकए हए-आदमी ख्रीष्ट येशू ।
|
||
|
\v 6 बा सबके छुटकाराको मोलके ताहिँ अपनेके दैदै ।, जो ठीक समयमे दैरहए ।
|
||
|
\v 7 जाहे खातिर मए प्रचारक और प्रेरित नियुक्त भौ ।, मए सच मस्कत हौँ; मए ना ठगत हौँ । मए विश्वास और सत्यतामे औरेजातनको शिक्षक हौँ ।
|
||
|
\p
|
||
|
\v 8 जहेमारे सब ठाउँमे लोगनके पवित्र हात उठाएके बिनाक्रोध और बिनाविवाद प्रार्थना कराओ कहिके मए चाहत हौँ ।
|
||
|
\v 9 अइसी करके मए चाहतहौँ, कि स्त्री सरलता और भद्रतासाथ सुहानबारो कपडा पैधएँ, बारको जद्धा सिंगार करके, सोनो, मोती और बहुमुल्य कपडा पैंधके नाएँ,
|
||
|
\v 10 पर असल कामसे सुसज्जित होमए, जो परमेश्वरके भक्ति कर्नबारी बैयरनके सुहातहए ।
|
||
|
\v 11 एक बैयर सबए बात चुपचाप बैठके सिखएँ ।
|
||
|
\v 12 पर बैयर लोगनके सिखानके और लोगनके उपर अधिकार जमान काममे मए अनुमति ना देतहौँ, पर बे चुपचप रह्मएँ ।
|
||
|
\v 13 काहेकी आदम पहिले सृष्टि भौ रहए तवपिछु हव्वा ।
|
||
|
\v 14 आदम ना छ्लो, पर बैयर त छलके अपराधमे फसी रहए ।
|
||
|
\v 15 ताहुफिर अगर बे सुशिलतासाथ विश्वास, प्रेम और पवित्रतामे रहीरएहँए तव, बालक जन्मनपेति बे बचहँए ।
|
||
|
\c 3
|
||
|
\cl आध्याय ३
|
||
|
\p
|
||
|
\v 1 जा कहाई भरोसा करन बारो हए, अगर कोइ आदमी आगुवाको काम कर्न चाहत हए बा अच्छो कामको इच्छा कर्तहए ।
|
||
|
\v 2 जहेमारे बिशप त दोष ना होबए ।और एक बैयरको पति, संयमी, समझदार, सम्मानित, पाहुनाकोसत्कार कर्नबारो, सिखान सकनबारो,
|
||
|
\v 3 मतवाला और दिक्कनबारो ना होबए पर बे बिनम्र, लाडई नाकर्नबारो, धनको लोभ नाकर्नबारो ।
|
||
|
\v 4 अपन घर अक्षेसे चलानबारो और अपन लौणा लौणियाके आदरपुर्वक आज्ञापालन करन सिखानबारे बनाए ।
|
||
|
\v 5 अगर कोइ आदमी अपन घरको तह लगन ना जन्त हए तव, बा परमेश्वरको मण्डलीके रेखदेख कैसे करपए हए?
|
||
|
\v 6 बे नयाँ विश्वासी ना होमए, नत घमण्डसे फुलके बे दियाबलसके पानबारो दण्डमे पणेहएँ ।
|
||
|
\v 7 फिर, बाहिरके दृष्टिमे फिर बे असल बनन् पड्तहए ।ताकी बे शर्ममे और दुष्टको फन्दामे ना पणंएँ ।
|
||
|
\p
|
||
|
\v 8 उइसी करके डिकन फिर इज्जतदार होन पड्तहए, दुईमुहा, जद्धा दारु पिनबारो और धनको लोभी ना होबए,
|
||
|
\v 9 पर बे विश्वासको सत्यताके सुध्द विवेकमे कायम करनबारे होन पडतहए।
|
||
|
\v 10 पहिले बिनको जाँच होबए तव फिर पच्छु बे सेवा करएँ काहेकी बेिनकी बदनाम ना होन पणत हए।
|
||
|
\v 11 बैयर फिर जहे अनुसार इज्जतदार होमँए, दुसरेको चुग्ली कर्नबारीनाए, पर सब बातमे संयमी और विश्वासयोग्य होन पणतहए।
|
||
|
\v 12 डिकन एकए बैयरको लोगा होबए| अपन लौणा लौणियाके और अपन घरको प्रबन्ध आच्छेसे मिलान बारो होबए।
|
||
|
\v 13 काहेकी डिकनके कर्नबारो सेवा जौन बढियासे कर्तहएँ बे अपन-अपन ताहिँ इज्जत और ख्रीष्ट येशूमे भव विश्वासमे बाणो भरोसा पातहँए।
|
||
|
\p
|
||
|
\v 14 मए तुमसे जे बात लिखतहौँ और तुमरे ठिन जल्दी आनके आशा करत हौँ।
|
||
|
\v 15 और अगर मए देर कारो कहेस परमेश्वरको घराना जो जिन्दा परमेश्वरको मण्डली, सत्यताको खम्बा और आण हए, बो सही डगरमे निगान पणत हए तुम जाने रहऔ जहे इच्छासे मए तुमके लिखतहौँ।
|
||
|
\v 16 और सँगए हम, सहमत होतहँए, “कि हमर विश्वासको सत्यता इत्तो महान हए: बो अपनए शरीरमे प्रकट भव रहए, पवित्र आत्मासे धर्मी ठहिरो रहए, स्वर्गदुतसे देखानो रहए, जाति-जातिनके बीचमे प्रचारो रहए, संसारमे विश्वास करी", और “महिमामे उचालोगौ।"
|
||
|
\c 4
|
||
|
\cl आध्याय ४
|
||
|
\p
|
||
|
\v 1 अभय पवित्र आत्मा प्रष्टै कहतहए, कि पिछु आनबारे समयमे छली आत्मा और भुतप्रेतके शिक्षाघेन मन लगाएहए तव कोई अदमी विश्वाससे हटजए हँए।
|
||
|
\v 2 ठगन बारे ध्यान देहँएँ। बिनकि अपनी विवेक तत्तो लोहोको चठा लागो हानि हुइजातहए।
|
||
|
\v 3 बे बेहा करन मनाही करतहँए। विश्वास करनबारे और सत्यके जानन्बारे धन्यवादके साथ ग्रहण करनबारो परमेश्वरसे सिर्जो भौ भोजनसे अलग बैठन आदेश देतहँए ।
|
||
|
\v 4 काहेकी परमेश्वरसे सृष्टि करोभौ सबए चीज असल हए । और धन्यबाद साथ लैभइ कोई चीज फिर इन्कार ना करन पड्त् हए।
|
||
|
\v 5 काहेकी बा परमेश्वरको वचन और प्रार्थनासे चोखो बान्तहए ।
|
||
|
\v 6 अगर तुम तुमरे भैयाके सामने बात धरदेहौ तव तुम अनुसरण करो असल सिध्दान्त और विश्वासको वचनमे तगणे हुइके तुम ख्रीष्ट येशूको अच्छे सेवक हुइहौ.
|
||
|
\v 7 भक्तिहीन और अर्थहीन कहानीसे एकदम अलग बैठओ। बरु अपनएके भक्तिमे तालीम देओ।
|
||
|
\v 8 काहेकी शारीरिक तालीम कुछदिनके ताहिँ ठीक होतहए, पर ईश्वरभक्तिचाहिँ हरप्रकारसे फाइदा करन बारो होतहए, काहेकी जा मे बर्तमान और भविष्यतजीवन दोनएके ताहिँ प्रतिज्ञा हए।
|
||
|
\v 9 जा कहाई नेहत्व और सबए घेनसे अपनानयोग्य हए
|
||
|
\v 10 काहेकी जा उदेश्यसे हम मेहेनत और अगटो काम कर्तहएँ। काहेकी हमर आशा जिन्दा परमेश्वरमे हए, जो सब आदमीके, खास करके बाके उपर विश्वास करनबारेनको मुक्तिदाता हए|
|
||
|
\v 11 जे बातको बताऔ, और सिकाओ।
|
||
|
\p
|
||
|
\v 12 जवान हौ कहनएमे कोइ तुमके तुच्छ नामनए, पर विश्वासीनके ताँही बोलीवचन, आचरण, और प्रेममे, विश्वासमे और शुध्द्तामे तुम एक उदाहरण बनओ।
|
||
|
\v 13 मए ना आन तक धर्मशास्त्र पढ्के सुनानमे, प्रचार करनमे और शिक्षा देनमे ध्यान देओ।
|
||
|
\v 14 तुमरमे हए बो बरदानके खिल्ली मत उणाबौ, जौन वरदान एल्डर अपन हात तुमरे उपर धरके अगमबाणीसे तुमके दैरहए।
|
||
|
\v 15 जे बातमे ध्यान करौ | बिनमे लागे रहबाओ, ताकि तुमर प्रगति सब देखए।
|
||
|
\p
|
||
|
\v 16 अपन बारेमे और अपन शिक्षाके बारेमे होशियारीसे ध्यान देबौ | जे बातमे लागे रह्बाओ| अइसो करनसे तुम अपनएके और सुनन् बारेके समेत बचाबैगे।
|
||
|
\c 5
|
||
|
\cl आध्याय ५
|
||
|
\p
|
||
|
\v 1 बुढ़े आदमीनके मतहबकओ, पर बिनके दौवा जैसो मानके सम्झओ ।अपनेसे छोटेनके भैया समान व्यवहार करके समझँएँ ।
|
||
|
\v 2 वृध्दा बैयरसे अइया कता जवान लौणियानसे सम्पूर्ण पवित्रसाथ बहिनिया समान व्यवहारसे समझँएँ ।
|
||
|
\p
|
||
|
\v 3 जो नेहत्व विधुवा हँए, बिनके आदर करओ ।
|
||
|
\v 4 कोइ विधुवाके लौणा- लौणिया अथबा नतिया-नतनिया हँए तव, बिनके पहिले अपन परिवार घेन अपनो धार्मिक कर्तव्य पालन कर्न सिखएँ ।, और अपन माता-पिताके उपकारको ॠण चुकन सिखएं, काहेकी जा परमेश्वरके खुसी करन बारी बात हए ।
|
||
|
\v 5 पर जो नेहत्व विधुवा हए, और बिनको कोइ नैयाँ तव, बे परमेश्वरमे आशा करतहँए । और रातदिन नम्र-निवेदान और प्रार्थनामे लागिरहतहँए ।
|
||
|
\v 6 तव अगर बे सुख-विलासमे मस्त रहतहएँ तव बे जीवित हएँ ताहुफिर मरे बराबर हएँ ।
|
||
|
\v 7 बिनके जा बातको आज्ञा देओ, ताकि बे बिद्दोरोही ना होमएँ ।
|
||
|
\v 8 अगर कोइ नातेदारनको और विशेष करके अपन परिवारको पालनपोषण ना कर्तहए तव बा विश्वासको इन्कार कर्तहए, और विश्वास ना करन बारेसे फिर खराब होतहए ।
|
||
|
\p
|
||
|
\v 9 साठी वर्षसे उपरकी विधवा, जौनको एक चोटि मात्र बेहा भव हए, बिनके मात्र बिधवा- सूचीमे धरओ ।
|
||
|
\v 10 संगए बे असल काम करी होबए, लौणा-लौणियनके हुर्काइ भै, परदेशीनको सत्कार करी भै, सन्तनको टाँग धोई भै, दु: खीनको उपकार करी भै, और जौन फिर असल काममे ध्यान दै हुईके साबित करी होन पड्तहए ।
|
||
|
\v 11 पर कम उमेरकी विधवानके नाउँ त बिधवा-सुचीमे मतलिखओ, काहेकी जब बिनको काम-वासना बिनके ख्रीष्टसे दुर लैजए हए, तव बे बिवाह करन इच्छा कर्तहएँ ।
|
||
|
\v 12 अइसे अपनो पहिलो वाचा भंग करेके कारन बे दण्डमे पडेहएँ ।
|
||
|
\v 13 जहेमारे बे घर-घर घुमके अल्छी इकल्लो नाए कि बातकटन बारी, दुसरेको काममे हात डरनबारी, ना मास्कन बारी बात मास्कत होतहँए ।
|
||
|
\v 14 जहेमारे कम उमेरकी बिधवा बिवाह करएँ, लौणा लौणिया जन्माएँ, घरबार समरएँ, और बिरोधीनके हमर बदनाम करन मौका ना देमएँ कहिके मए चाहत हौँ,
|
||
|
\v 15 कोइ-कोइ त अग्गुसे शैतान घेनगए हएँ ।
|
||
|
\p
|
||
|
\v 16 अगर कोई विश्वासी बैयरसँग बिधवा हए तव बे बिनके सहयोग करएँ, और मण्डली त बिधवानके सहेता देन सिकए ।
|
||
|
\p
|
||
|
\v 17 मण्डलीको असल देखरेख कर्नबारो एल्डर दोबर आदरको योग्य होतहए, बिशेष करके, जौन वचनको प्रचार और शिक्षामे परिश्रम कर्तहए ।
|
||
|
\v 18 “काहेकी पवित्र धर्मशास्त्र कहतहए, “पैरीगहन बारे बर्धनके मोख्री मतलगओ,” और “परिश्रम कर्नबारो अपन कामको ज्याला पानपड्तहए ।"
|
||
|
\p
|
||
|
\v 19 दुई अथवा तीन साक्षीको गवाहीबाहेक एल्डरके बिरुध्दमे लगओ आरोप कबहू स्वीकार मतकरीओ ।
|
||
|
\v 20 पापमे लागिरहन बारेनके सबके सामने हप्कओ, और अइसी और फिर डरमएँ ।
|
||
|
\p
|
||
|
\v 21 परमेश्वर और ख्रीष्ट येशूके आग्गु और चुने भए स्वर्गदुतके आग्गु मए तुमके कडा आज्ञा देतहौ, कोइ भेदभव और कोइ पक्षपात ना करके जे सब नियम तुम पालन करओ ।
|
||
|
\p
|
||
|
\v 22 कोइके उपर हात धर्न बारो काममे हतार मतकरीओ । औरेको पापमे सहभागी ना होबओ । तुम अपनएके पवित्र रखाबओ ।
|
||
|
\v 23 अग्गु जैसो पानी इकल्लो खाए मतकरिओ, पर तुमर पेटके ताहिँ और घरीघरी बिमारीके मारे थोरी-थोरी दाखमध पिलिओ ।
|
||
|
\v 24 कोइ-कोइ आदमीके पाप त सिधे इन्साफमे पुगतहएँ, पर और कित्तो पाप त पिछु इकल्लो दिखत हएँ ।
|
||
|
\v 25 अइसी करके असल काम त प्रत्यक्ष हएँ, और जो प्रत्यक्ष नैयाँ, बे फिर गुप्तमे रहेना पएँहएँ ।
|
||
|
\c 6
|
||
|
\cl आध्याय ६
|
||
|
\p
|
||
|
\v 1 दासत्वके जुवातरे होन सबके अपन-अपन मालिकके पुरा सम्मानके योग्य मनाएँ, ताकि परमेश्वरको नाउँ और हमर शिक्षाको बदनामी ना होबए ।
|
||
|
\p
|
||
|
\v 2 विश्वास करनबारो मलिकको नोकर बिनके ददाभैया कहनए मे अनादर ना करन पडत् हए, बरु बे बिनके और जद्धा सेवा करन पडत्हए ।
|
||
|
\p
|
||
|
\v 3 अगर कोइ और सिध्दान्त सिखतहएँ और हमर प्रभु येशू ख्रीष्टको उचित वचन और ईश्वर भक्ति अनुसारको शिक्षासंग सहमत ना हए तव,
|
||
|
\v 4 बा घमण्डसे फुलो होतहए, और बा कुछ जन्त ना हए । बा व्यर्थको बात-चित कर्तहए, और एक-एक शब्द लैके लडइ कर्न ढुणतहए । जे बात दिक, कलह, बदनमी और खराब शंका उत्पन्न करातहएँ ।
|
||
|
\v 5 और बुध्दि भ्रष्ट भए और सत्यसे अलग भए आदमीके अग्गु कचिंगल उठात् हँए, और भक्ति ता फाइदा उठानको उपाए हए कहिके बे मानत् हएँ ।
|
||
|
\p
|
||
|
\v 6 सन्तुष्टि सहितको भक्ति बडो लाभ हए ।
|
||
|
\v 7 काहेकि हम ना जा संसारमे कछु लाए हएँ, ना हियाँसे कछु लैजाए सकंगे ।
|
||
|
\v 8 पर खान और लगान सम हए कहेसे हम बहेमे सन्तुष्टि होमएँ ।
|
||
|
\v 9 पर धनी होन इच्छा करनबारे परिक्षामे पाडत् हएँ, पासो मे फसत् हँए और गजब अर्थहीन और दु: खदायी इच्छामे डुबत हएँ, जौन् आदमीनको बर्बादी और सर्बनास मे डुबात हए ।
|
||
|
\v 10 काहेकी रुपैयापैसाको लालच करनो सब किसिमको खराबी को जर् हए । पैसाको लोभमे पड्के कुइकुई विश्वाशसे खराब डगर लागे हँए, और गजब दुःख से बिनको हृदय छटपटात हए ।
|
||
|
\p
|
||
|
\v 11 पर परमेश्वरके जन तुम जे सब बात त्यागव, और धार्मिकता, भक्ति, विश्वास, प्रेम, स्थिरता और नम्रताको लक्ष्य धरओ ।
|
||
|
\v 12 विश्वासको उत्तम लडाई लडओ । अनन्त जीवन पक्रे रहाबओ । जहेमे तुमरो बोलावट भव रहए, जब तुम गजब साक्षीनके उपस्थितिमे तुमर विश्वासको असल गवाही दै रहए ।
|
||
|
\p
|
||
|
\v 13 सब थोकके जीवन देनवालो परमेश्वर और पन्तियस पिलातसके अग्गु गवाही देनवालो ख्रीष्ट येशूके अग्गु,
|
||
|
\v 14 मए तुमके आदेस देतहौ, कि प्रभु येशू ख्रीष्ट देखा ना पणन तक जा आज्ञाके कलंक और अपवाद्से अलग धर ।
|
||
|
\v 15 तव धन्य और सर्वोच्च, राजौके राजा, प्रभुके प्रभु ठिक समयमे ख्रीष्टको आगमनके प्रकट करैगो ।
|
||
|
\v 16 बा अमर हए, और बो ज्योतिमे राहत हए जौनक् ढिगईॅ कोइ जाए ना पतहए बाके कोइ आदमी कभी ना देखो हए ना देख पएहए । बहेको आदर और पराक्रम सदासर्वदा होबए । आमेन ।
|
||
|
\p
|
||
|
\v 17 जा संसारके धनीके घमण्डी ना होन् आज्ञा देओ, और अनिश्चित सम्पतिमे ना बल्कि हमके सब थोक प्रसस्तसंग उपभोक् करन् देनवारो परमेश्वर उपर बे आशा धरएँ ।
|
||
|
\v 18 बे असल काम करयाँ, और असल काममे धनी, सहयोगी भाबना और दानि होमएँ ।
|
||
|
\v 19 अइसी अपने ताहीं भविष्य कि असल जग बैठर सिकएँ, ताकी बे बा जीवन पकणी रहमए जो नेहत्व जीवन हए ।
|
||
|
\p
|
||
|
\v 20 तिमोथी, जो तोके सुपोगव हए बो चिज अच्छेसे धर । मुर्ख जैसो गनगन और बिरोधी जैसो खण्डन जो झुटो ज्ञान हए, बिनसे अलग रहऔ ।
|
||
|
\v 21 जे बातके पिच्छु लक्के कित्तो जनै अपन विश्वास को लक्ष्यसे दुर हँए| तिर संग अनुग्रह रहबए ।
|