meu_mat_text_reg/13/40.txt

\v 40 Una dainai, ava dikadia na e haboua heboumu bona lahi ese e aradiamu, nega dokonai danu unu do baine vara toma. \v 41 Taunimanima Natuna ese ena aneru do baine siaidia bona idia ese kara dika e havaramu gaudia bona kara dika taudia do baine abidia oho ena basileia amo. \v 42 Idia na lahi siahuna lalonai do bae tahodia vareai, unuseni ai do bae tai ganagana bona isedia gadigadidia bae hedai. \v 43 A kara maoromaoro taudia na do bae diari dina na heto Tamana ena basileia lalonai. Mai taiana tauna do baine hakala.