ilo_exo_text_ulb/04/18.txt

\v 18 Isu a nagsubli ni Moises kenni Jetro a katuganganna ket kinunana kenkuana, "Palubosannak a mapan tapno makasubliak kadagiti kakabaggiak nga adda idiay Egipto ket kitaek no sibibiagda pay." Kinuna ni Jetro kenni Moises, "Mapanka nga addaan iti kapia." \v 19 Kinuna ni Yahweh kenni Moises diay Midian, "Mapanka, agsublika idiay Egipto, gapu ta natayen dagiti amin a tattao a mangpangpanggep a mangpatay kenka. \v 20 Intugot ni Moises ti asawana ken dagiti annakna ket insakayna ida iti asno. Nagsubli isuna iti daga iti Egipto. Ket intugotna ti baston ti Dios.