pmy_ulb_l3/64-2JN.usfm

\id 2JN Unlocked Literal Bible
\ide UTF-8
\h 2 JOHN
\toc1 2 John
\toc2 2 John
\toc3 2jn
\mt1 2 JOHN


\s5
\c 1
\p
\v 1 Dari Penatua, dorang bilang ke mama dorang yang dipilih dan ke dong pu anak-anak  yang sa kasihi dalam kebenaran, dan bukan sa saja, tapi juga dong smua yang kenal kebenaran, 
\s5
\v 2 karna kebenaran yang ada di dalam kitong dan yang nanti sama-sama deng kitong sampe slamanya. 
\s5
\v 3 Allah Bapa yang pu Anugerah, belas kasih, dan damai sejahtera dari Tuhan Yesus Kristus, Allah Bapa pu Anak, sertai kitong deng De pu kebenaran dan kasih.
\s5
\v 4 Sa rasa sukacita karna su tau ada dong pu brapa anak-anak yang hidup dalam kebenaran sperti perintah yang su kitong trima dari Bapa. 
\s5
\v 5 skarang, sa minta ke mama kam, bukan sperti sa tulis satu perintah baru, tapi perintah yang kitong su punya  dari dulu, supaya kitong mengasi satu deng yang lain.  
\s5
\v 6 Dan, kasih ini, yang bikin kitong hidup ikut De pu perintah-perintah. Perintah itu, sperti yang kam su dengar dari dulu supaya didalam itu kam hidup.
\s5
\v 7 Karna, su banyak penyesat muncul ke dunia, dong tra akui Yesus itu Kristus yang datang dalam rupa manusia. Dong itu penyesat dan antikristus. 
\s5
\v 8 Kam hati-hati supaya tra hilang apa yang su kam kerja, dan trima upah smuanya. 
\s5
\v 9 Tiap orang yang jalan diluar dan tra tinggal dalam Kristus pu ajaran, de tra pu Allah. Tapi, Tapi siapa yang tinggal dalam De pu ajaran de milik Bapa dan Anak. 
\s5
\v 10 Kalo ada orang yang datang ke ko dan tra bawa ajaran ini, jang ko trima de di ko pu rumah tau kas salam sama skali. 
\s5
\v 11 Karna, siapa yang sambut de, orang itu ikut ambil bagian dalam orang jahat itu pu kerja. 
\s5
\v 12 Banyak yang sa mo tulis ke ko, tapi sa tra mau tulis di kertas dan tinta. Sa, harap bisa ketemu ko dan bicara muka deng muka  supaya kitong penuh deng sukacita.  
\s5
\v 13 Anak-anak dari ko pu sudara yang dipilih dong sampaikan salam ke kam.