Thu Aug 01 2019 21:07:09 GMT-0700 (Pacific Daylight Time)

06/01.txt

@@ -0,0 +1 @@
+\v 1 Waktu ari Sabat, pas Yesus bajaatn ka uma gandum, murit-murit-E mebet egek gandum lalu dimakatn, pas samintara koa kabatne ngisar pake kokot. \v 2 Tapi sangahe urakng Farisi bakata: " Ngahe kao minjawat hal nang ina di muihan kade ari Sabat?"

06/03.txt

@@ -0,0 +1 @@
+\v 3 Tarus Yesus nyahuti kabatne koa: "Ina me kao maca ahe nang dingarajaan di Daud, pas ia ba dangan nang nunaan ia kaparatn, \v 4 aya mae ia taama' ka Rumah Jubata lalu naap roti sajian, ia makatn lalu ia mareatn ka pangikut-pangikute, padahal roti koa ina muih di makatn, kacuali di na' imam-imam?"\v 5  ja Yesus agik ka kabatne koa: "Anak Manusia koa Jubata atas ari Sabat".

06/06.txt

@@ -0,0 +1 @@
+\v 6 Pas ari sabat nang lain, Yesus taama' ka rumah sambayang, lalu ngajar. Dikoa ada urakng nang mati kokot kanane. \v 7 Ahli-ahli Taurat ba urakng-urakng Farisi maratiatn Yesus, kade-kade Ia nyamuhan urakng ari Sabat agik, biar kabatne koa namu alasan untu' nyalahatn Ia. \v 8 Tapi ia nauan pikiran kabatne koa, lalu bakata ka urakng nang kokote mati koa: "Umpat, badirilah ka tangah!" Lalu umpatlah urakng koa badiri.

06/09.txt

@@ -0,0 +1 @@
+\v 9 Lalu Yesus bakata ka kabatne koa:"Aku batanya ka kao: Mae gek nang dimuihan ka ari Sabat, babuat baik gek babuat jahat, nyalamatatn nyawa urakng gek munuh urakng?" \v 10 Apas koa ia nee bakuliling ka kabatne koa samua, lalu bakata ka urakng sakit koa: " jooatn lah kokotnyu!" Urakng koa minjawat yakoa ngihan, lalu samuhlah kokote. \v 11 Lalu manas lah ati kabatne, tarus barunding ahe nang maok di pinjawat ka Yesus.

06/12.txt

@@ -0,0 +1 @@
+\v 12 Pas waktu koa ampuslah Yesus ka bukit mao' badoa, Ia samaam-maaman badoa ka Jubata. \v 13 Waktu abut siakng, Ia nyaru' murit-murit-E atakng ka Ia, lalu milih ka antara kabatne koa dua balas urakng, nang Ia nyabut rasul:

06/14.txt

@@ -0,0 +1 @@
+\v 14 Simon nang Ia mare dama Petrus, ba Andreas kamaru' Simon, Yakobus ba Yohanes, Filipus ba Bartolomeus, \v 15 Matius ba Tomas, Yakobus anak Alfeus, ba Simon nang disabut urakng Zelot, \v 16 Yudas anak Yakobus, ba Yudas Iskariot nang tarus ana jaji penghianat

06/17.txt

@@ -0,0 +1 @@
+\v 17 Lalu Ia turutn ba kabatne, tarus baranti ka tampat nang datar: dikoa bakomo' sajumbalah ayak dari murit-murite ba manyak urakng lain nang atakng dari saluruh Yudea ba umpat ka Yerusalem ba daerah pantai Tirus ba Sidon. \v 18 Dangan koa atakng untu nangaratn Ia ba untu di samuhan dari panyakit-panyakit; ugak dangan nang dingarasuki di roh-roh jahat namu kasamuhan. \v 19 Samua urakng manyak koa barusaha nyantuh Ia, barang ada kuasa nang muok dari Ia lalu samua urakng koa tomo di-He.

06/20.txt

@@ -0,0 +1 @@
+\v 20 Lalu Yesus nee murit-murit-E tarus bakata: Bahagialah, hei kao nang misikin, barang kaolah nang punya karajaan Jubata. \v 20 Bahagialah, hei kao nang angkitn kaparatn, barang kao ana di puasatn. Bahagialah hei kao nang angkitn nangis, barang kao ana gaak.

06/22.txt

@@ -0,0 +1 @@
+\v 22 Babahagialah kao, kade di Anak Manusia urakng teget ka kao, ba kabatne koa ngucilkan kao, ba nyaci kao, ba nolak damanyu aya jukut nang jahat. \v 23 Basukacitalah pas waktu koa bagambiralah barang sasidie, upahnyu ayak ka saruga; barang aya nyianlah ugak na' enek moyang kabatne koa udah memperlakukan nabi-nabi.

06/24.txt

@@ -0,0 +1 @@
+\v 24 Tapi cilakalah kao, hei kao nang kaya, jukute daapm kakayaatn nyu kao udah namu pangiburatn. \v 25 Cilakalah kao nang angkitn kanyang, barang ana kao kaparatn. Cilakalah kao, nang angkitn gaak, barang kao ana nangis badukacita.

06/26.txt

@@ -0,0 +1 @@
+\v 26 Cilakalah kao, kade samua urakng muji kao; barang aya nyian lah ugak enek moyang kabatne udah memperlakukan nabi-nabi palsu."

06/27.txt

@@ -0,0 +1 @@
+\v 27 "Tapi ka kao, nang nangaratn Aku, Aku bakata: kasihi'klah munsuhnyu, babuatlah baik ka urakng nang negetatn kao; \v 28 mintalah barakat untu urakng nang ngutuk kao; badoalah untu urakng nang nyaci kao.

06/29.txt

@@ -0,0 +1 @@
+\v 29 Barangsae nang nampar koo'k nyu nang sete, bareatn ugak koo'k nyu nang lain, ba sae nang naap silobongnyu biaratn ugak ia naap bajunyu. \v 30 Bare'klah ka satiap urakng nang minta ka kao; amelah minta pabaasatn ka urakng nang naap kapunyaan nyu.

06/31.txt

@@ -0,0 +1 @@
+\v 31 Ayamae nang kao maoan urakng pinjawat ka kao, pinjawatlah ugak aya koa ka dangan. \v 32 Ba kade kao ngasihi'k urakng nang ngasihi'k kao, ahe gek jasanyu? Barang urakng-urakng badosa pun ngasihi'k ugak urakng-urakng nang ngasihi'k ia. \v 33 Barang kade kao babuat baik ka urakng nang babuat baik ka kao, ahe gek jasanyu? urakng-urakng badosa pun babuat yakoa ugak. \v 34 Ba kade kao minyaman barang ka urakng, jukute kao ba arap ana narima sesuatu dari ia, ahe gek jasanyu? Urakng-urakng badosa pun minyaman ka urakng-urakng badosa, biar kabatne narima pabaasatn nang sama manyak.

06/35.txt

@@ -0,0 +1 @@
+\v 35 Tapi kao, kasihi'k lah munsuhnyu babuat baiklah ka dangan pinyapmi'k tampa ngarapatn pabaasatn, upahnyu ana aya'k ba kao ana jaji kamuda-kamuda Jubata Nang Siditingi, barang Ia baik ka urakng-urakng nang ina nauan batarima' kasih ba urakng-urakng nang jahat. \v 36 Harus lah kao murah ati, sama aya Apaknyu murah ati."

06/37.txt

@@ -0,0 +1 @@
+\v 37 "Amelah kao ngakimi, kao pun ina di hakimi'k. Ba amelah kao ngukum, kao pun ana ina akan di ukum: ampuni'klah kao pun diampuni'k.

06/38.txt

@@ -0,0 +1 @@
+\v 38 Bare'lah kao pun ana dibare': sete' takaran nang baik, nang dimadatatn, nang dingoncang, ba nang tumpah ka uwar ana di bubuhatn ka daamp pangkoatnyu. Barang ukuran nang kao make untu' ngukur, ana diukuratn ka kao ugak.

06/39.txt

@@ -0,0 +1 @@
+\v 39 Yesus pun ngataatn ugak sote' parumpamaan ka kabatne: "Bisa me urakng buta' ngejengan urakng buta? Buke' me badua koa ana bisa jantu ka daapm ubakng. \v 40 Seko'k murit ina labih dari gurue, tapi saepun nang dah tamat palajarane ana sabaya ba gurue.

06/41.txt

@@ -0,0 +1 @@
+\v 41 Ngahe gek kao nee salubong ka daapm mata kamaruknyu, padahal balok ka daapm matanyu babaro ina kao tauanan? \v 42 Ayamae kao bisa bakata ka kamaruknyu: Kamaru'k, dian aku muokatn dohok salubong nang ada kamatanyu, padahal balok nang kadaapm matanyu ina kao tee'? Hei urakng munafik, kauwasatn doho' balok ka matanyu, kao pun ana nee jelas untu' ngauwasatn salubong koa dari mata kamaru' nyu."

06/43.txt

@@ -0,0 +1 @@
+\v 43 Jukute ina ada puhutn nang baik nang ngasilatn buah nang ina baik ba ina ada ugak puhutn nang ina baik nang ngasilatn buah nang baik. \v 44 Barang satiap puhutn dikanal dari buahe. Jukute dari tompoatn duri urakng ina mebet buah ara' ba dari duri-duri ina mebet buah anggor.

06/45.txt

@@ -0,0 +1 @@
+\v 45 Urakng nang baik muokatn barang nang baik dari perbendaharaan atie nang baik ba urakng nang jahat muokatn barang nang jahat dari perbendaharaan ne nang jahat. Barang nang di ngataatn moote, ngaoompe dari atie."

06/46.txt

@@ -0,0 +1 @@
+\v 46 "Ngahe kao nyarui' Aku, Jubata, Jubata padahal kao ina minjawat ahe nang Aku matakatn? \v 47 Satiap urakng nang atakng ka Aku ba nangaratn pakataatn-Ku ba ngalakukan iya- Aku mao matakatn ba sae ia bisa disamaan-, \v 48 ia sama ba urakng nang madiriatn rumah: Urakng koa menggali' daapm-daapm ba minjawat dasare ka atas batu, Waktu atakng aik baha ba banjir ngatakngi rumah koa, rumah koa ina runtuh, barang rumah koa dimangun kukuh.

06/49.txt

@@ -0,0 +1 @@
+\v 49 Tapi sae pun nang nangar pakataatn-Ku, tapi ina ngalakukan iya, ia sama ba urakng nang madiriatn rumah ka atas tanah ina badasar. Pas banjir ngatakngi, rumah koa langsung rorok ba ayak sidi karusakane koa.

07/01.txt

@@ -0,0 +1 @@
+\v 1 Apas Yesus bakata ka adapatn urakng manyak, taama' lah Ia ka Kapernaum.

07/02.txt

@@ -0,0 +1 @@
+\v 2 Dikoa ada seko' urakng perwira nang ada ba amba, nang ia hargai' sidi. Amba koa agik sakit karas amper mati. \v 3 Waktu perwira koa nangar parihal Yesus, ia nyuruh sangahe urakng tuha-tuha Yahudi ka-Ia untu minta, supaya Ia atakng nomoan ambae koa. \v 4 Kabatne atakng ka Yesus ba minta sidi-sidi  patolongan-Ne, jare: " ia pantas Kao tolong, \v 5 barang ia ngasihi bangsa dirik ia lah nang nangong pambangunan rumah sambayang kami.

07/06.txt

@@ -0,0 +1 @@
+\v 6 Tarus Yesus ampus barage-rage ba kabatne. Waktu Ia ina jauh agik dari rumah perwira koa, perwira koa nyuruh ayukng-ayukng untu matakatn ka-Ia: Tuan, amelah basusah-susah, jukute aku ina pantas narima Tuan ka daapm rumahku; \v 7 barang koa aku ugak ngangap diri'ku ina pantas untu' atakng ka-Kao. Tapi kataatnlah maan sapatah kata ana ambaku koa pun samuh. \v 8 Barang aku babaro urakng bawahan, ba kababahku ada agik parajurit. Kade aku bakata ka seko' parajurit koa: Ampus, ia pun ampus, ba ka nang lain agik: Atakng!, ia pun atakng, pun ka ambaku: Karajaanlah nyian! ia pun ngarajaan iya."

07/09.txt

@@ -0,0 +1 @@
+\v 9 Apas Yesus nangar pakataatn koa, Ia heran ka ia, sambi malek ka urakng manyak nang nunaan Ia, Ia bakata: "Aku bakata ka kao samua iman saaya'k nyian ina suah Aku tamui', sakaipun ka antara urakng Israel!"  \v 10 Apas urakng-urakng nang dinyuruh koa muakng ka rumah, dinamui'k lah amba koa udah sehat agik.

07/11.txt

@@ -0,0 +1 @@
+\v 11 Lalu Yesus ampus ka sege' kota' nang badama Nain. Murit-murit-E ampus barage ba Ia, ba manyak urakng ngarumuni' ia rami-rami. \v 12 Pas Ia samak ka pintu aya'k kota', ada urakng mati dimikut ka uwar, kamuda' laki, anak tunggal uwe'k e udah janda, ba manyak urakng dari kota' koa ngayukngi janda koa. \v 13 Waktu Jubata nee janda koa, tagaraklah ati-E di rasa kasihatn, tarus Ia bakata ka ia: "Ame nangis! "\v 14  Sambi nyamaki pikutatn koa Ia nyantuh ia, tarus na' pamikute koa baranti, Ia bakata: Hoi anak muda Aku bakata ka kao, bangkitlah!" \v 15 Tarus umpatlah urakng koa lalu duduk ba mulai' bakata-kata, tarus Yesus nyarahatn ia ka uwek' e.

07/16.txt

@@ -0,0 +1 @@
+\v 16 Samua urakng ka gaianan ba nyambah Jubata, sambi bakata: Seko' nabi ayak udah muok ka tangah-tangah dirik," ba Jubata udah naboi'k urakng-urakng-E." \v 17 Lalu tasiarlah kabar parihal Yesus ka saluruh Yudea ba ka saluruh daerah sakitare.

07/18.txt

@@ -0,0 +1 @@
+\v 18 Waktu Yohanes namu kabar parihal sagala paristiwa koa dari murit-murite, \v 19 ia nyaru' dua urakng dari antarae lalu nyuruh kabatne ba tanya ka Jubata: " Kao gek nang ana atakng koa atau harus gek kami ngantiatn urakng lain?" \v 20 Waktu dua urakng koa sampe ka Yesus, kabatne bakata: Yohanes Pamaptis nyuruh kami batanya ka-Kao: Kao gek nang ana ataknga koa gek harus agik kami ngantiaatn urakng lain?"

07/21.txt

@@ -0,0 +1 @@
+\v 21 Pas waktu koa Yesus nyamuhan manyak urakng dari sagala panyakit ba penderitaan dari roh-roh jahat, ba Ia mare karunia paneanan ka manyak urakng buta. \v 22 Lalu Yesus nyahuti kabatne: Puaknglah, batakatn ka Yohanes ahe nang kao nee ba nangar: Urakng buta nee, urakng lumpuh bajaatn, urakng balaeko jaji tomo, urakng banga nangar, urakng mati dimangkitatn, ka urakng miskin dibaritaatn kabar baik. \v 23 Babahagialah urakng nang ina jaji kecewa lalu nolak Aku."

07/24.txt

@@ -0,0 +1 @@
+\v 24 Apas suruhan Yohanes koa dari, mulailah Yesus bakata ka urakng manyak koa parihal Yohanes: Untu ahe gek kao ka padang gurun? Nee buuh nang dingoyang di angin kanaun ka dian? \v 25 Atau untu ahe kao ampus? Nee urakng bapakean alus? Urakng nang bapakean gagas ba idup mewah, tampate ka istana raja. \v 26 Jadi untu ahe gek kao ampus Nee nabi? Batol, Aku bakata ka kao, bahkan labih dari na nabi.

07/27.txt

@@ -0,0 +1 @@
+\v 27 Jukute parihal ia ada tatulis: Tee'lah, Aku nyuruh utusan-KU nohoi'k Kao, ia ana nyiapatn maraga-Nyu ka adapatn-Nyu. \v 28 Aku bakata ka kao: Ka antara kabatne nang dimaranakatn di nang bini ina ada seko'k urakng pun nang labih aya'k dari Yohanes, tapi nang terenek daapm Karajaan Jubata labih ayak dari pada ia."

07/29.txt

@@ -0,0 +1 @@
+\v 29 Saluruh urakng manyak nang nangar pakataatn-Ne, termasuk na pamungut cukai, ngakoi'k kabanaratn Jubata, jukute kabatne udah nyarahatn diri'k di maptis di Yohanes. \v 30 Tapi urakng-urakng Farisi ba ahli-ahli Taurat nolak maksut Jubata ka daapm diri'k e masing-masing, barang kabatne bai dibaptis di Yohanes.

07/31.txt

@@ -0,0 +1 @@
+\v 31 Ja Yesus: Ba ahe uwa Ku umpamaan urakng-urakng dari angkatan nyian, ba ahe dangan koa sabaya? \v 32 Kabatne koa saumpama kamuda-kamuda nang duduk ka pasar tarus sabaya bakampakkatni : Kami nyiup soleng untu kao, tapi kao bai nari, kami badendang lagu sedih, tapi kao ina nangis.

07/33.txt

@@ -0,0 +1 @@
+\v 33 Sarupa Yohanes Pamaptis atakng, ia ina makatn roti ba nyocok anggur/arak tapi kao bakata: Ia karasukan setan. \v 34 Lalu Anak Manusia atakng Ia makan ba nyocok, tarus kao bakata: Tee'lah, Ia rangka'k makatn ba panyocok, ayukng pamungut cukai ba urakng badosa.\v 35  Tapi hikmat dibanaratn di samua urakng nang narima' iya."

07/36.txt

@@ -0,0 +1 @@
+\v 36 Ada seko'k urakng Farisi ngundang Yesus atakng makatn ka rumahe. Yesus atakng ka rumah urakng Farisi koa, lalu duduk makatn. \v 37 Ka kota' koa ada seko'k nang bini nang takanal jaji urakng nang badosa. Waktu nang bini koa nangar, kade Yesus agik makatn ka rumah urakng Farisi koa, ataknglah ia ngicakng sabuah conekng dari pualam ba insi minyak nang wangi(narwastu). \v 38 Sambi nangis ia ampus badiri kabalakang samak paha-E, lalu masai'k paha-E koa ba aik matae, lalu ngalap iya ba buuke, tarus ia ngidungi paha-E lalu minyaki' iya ba binyak wangi koa.

07/39.txt

@@ -0,0 +1 @@
+\v 39 Waktu urakng Farisi nang ngundang Yesus nee hal koa, ia bakata ka daapm atie: Kade Ia nyian nabi, tantu Ia nauan, sae, urakng ahelah nang bini nang nyangkam-Ia koa; tantu Ia nauan, kade koa nang bini nang ina banar. \v 40 Lalu Yesus bakata ka ia: "Simon, ada nang maok ku kataatn na' ka kao." Sahut Simon: "kataatnlah, Guru."

07/41.txt

@@ -0,0 +1 @@
+\v 41 "Ada dua urakng nang barutakng ka urakng nang paminyapmi'k duit. Nang seko' barutakng lima ratus dinar, nang lain lima puluh. \v 42 Barang kabatne koa ina sanggup babayar, dingapusatnlah utakng badua urakng koa. Saelah kaantara dua urakng koa nang labih ngasihi'k ia?" \v 43 Sahut Simon: "Aku kira ia nang paling manyak dingapusatn utakngnge." Ja Yesus: Batol janyu koa."

07/44.txt

@@ -0,0 +1 @@
+\v 44 Sambi malek ka nang bini koa, Ia bakata ka Simon: "Kao nee nang bini nyian? Aku taama' ka rumahnyu, tapi kao ina marei'k Aku aik untu nyasah paha-Ku, tapi ia masaik paha-Ku ba aik mata lalu ngalap iya ba buuke. \v 45 Kao ina ngidung Aku, tapi dari Aku taama' ia ina baranti-ranti ngidungi' paha-Ku.

07/46.txt

@@ -0,0 +1 @@
+\v 46 Kao ina minyaki kapalaku ba binyak wangi, tapi ia minyaki paha-Ku ba binyak wangi. \v 47 Barang koalah Aku bakata ka kao: Dosae nang manyak koa udah dingampuni, jukute ia udah manyak babuat kasih. Tapi urakng nang sadikit diampuni', sadikit ugak ia babuat kasih."

07/48.txt

@@ -0,0 +1 @@
+\v 48 Lalu Ia bakata ka nang bini koa,"Dosanyu udah dingampuni." \v 49 Dangan, nang duduk makatn ba Ia, bapikir daapm atie: "Sae gek Ia nyian, lalu bisa ngampunia dosa?" \v 50 Tapi Yesus bakata ka nang bini koa: Imannyu udah nyalamatatn kao, puaknglah salamat!

08/01.txt

@@ -0,0 +1 @@
+\v 1 Ina' lama salapas koa Yesus bajaatn bakuliling dari kota' ka kota' ba dari kampokng ka kampokng maritaan Injil karajaan Jubata. Kadua balas murit-E barage-rage ba Ia, \v 2 ba sangahe ugak urakng nang bini nang udah dinyamuhan dari manyak panyakit, yakoa Maria nang disabut Magdalena, nang udah dimebasatn dari tujuh roh jahat, \v 3 Yohana bini Khuza bendahara Herodes, Susana ba manyak nang bini lain. Nang bini-bini nyian ngalayani rombongan koa ba kakayatnne.

08/04.txt

@@ -0,0 +1 @@
+\v 4 Waktu urakng manyak bakaromok-karomok atakng, yakoa urakng-urakng nang dari kota' ka kota' ngabungan dirik e ba Yesus, bakatalah ia kadaapm sote' paumpamaan: "\v 5 ada seko' urakng pamanih kauwar untu naburatna' banihe. Waktu ia naburatn, sabagian banih koa jantu' ka sisi maraga, lalu dininyak diurakng ba burukng-burukng ka angit makatni' sampe abis. \v 6 Sabagian jantu' ka tanah nang babatu-batu, pas udah tumuh iya jaji karikng barang ina' namu aik.

08/07.txt

@@ -0,0 +1 @@
+\v 7 Sabagian agik jantu' katangah tompoatn duri, tompoatn duri koa tumuh barage-rage lalu ninihi'k ia sampe mati. \v 8 Ba sabagian jantu' ka tanah nang baik, abis koa tumuh babuah saratus kai ipat." Apas bakata yakoa Yesus ngampak: Sae nang batarenyekng untu nangar, nangarlah ia!"

08/09.txt

@@ -0,0 +1 @@
+\v 9 Murit-murit-Te batanya ka Ia, ahe maksut paumpamaan koa. \v 10 Lalu Ia nyahuti:" Ka kao dimare karunia untu nahui' rahasia Karajaan Jubata, tapi ka urakng-urakng lain hal koa dibare nauan daapm paumpamaan, biar sakaipun nee, kabatne ina nee, sakaipun nangar, kabatne ina ngarati.

08/11.txt

@@ -0,0 +1 @@
+\v 11 Nyianlah arti paumpamaan koa: Banih koa firman Jubata. \v 12 Nang jantu' ka sisi maraga koa, yakoa urakng nang udah nangar iya; tarus ataknglah ibalis lalu naap firman koa kadaapm ati kabatne, biar kabatne ame picaya lalu disalamatatn. \v 13 Nang jantu' ka tanah nang babatu-batu koa yakoa urakng, nang udah nangar firman koa, repo narima' iya, tapi kabatne koa ina ba akar, kabatne picaya sabantar maan pas daapm masa pancobaan kabatne koa murtat.

08/14.txt

@@ -0,0 +1 @@
+\v 14 Nang jantu' ka komoan duri koa urakng nang udah nangar firman koa, tarus daapm pertumbuhane salanjute kabatne taimpit di kakuatiran ba kakayaatn ba kanyamanan idup, lalu ina menghasilkan buah nang masak. \v 15 Nang jantu ka tanah nang baik koa urakng nang apas nangar firman koa, narohi iya ka daapm ati nang baik ba ngauaratn buah kadaapm ketekunan."

08/16.txt

@@ -0,0 +1 @@
+\v 16 "Ina ada urakng nang ngidupatn lampu, lalu nutupi iya ba tapayatn gek narohi' iya ka babah tampat tidur, tapi ia nampatatn iya ka atas tampat lampu nang badiri, biar samua urakng nang taama' ka daapm rumah bisa nee cahayae. \v 17 Karna koa ina ada nang tataporatn nang ana ina dibatakatn, ba ina ada sasuatu rahasia nang ina akan ditahui' ba diumuman. \v 18 Untu koa, paratiatnlah cara nyu nangar. Barang sae nang punya akan dibare, tapi sae nang ina punya, dari pada iya ana ditaap, pun ahe nang dianggap ada ka ia.

08/19.txt

@@ -0,0 +1 @@
+\v 19 Uwek ba kamaru-kamaru Yesus atakng ka-Ia, tapi kabatne ina bisa batamu ba Ia barang urakng rami. \v 20 Urakng mare nauan ka-Ia:"Uwek-Nyu ba kamaru-kamaru-Nyu ada ka uwar kabatne mao batamua ba Kao." \v 21Tapi Ia nyahuti kabatne koa:"Uwek-Ku ba kamaru-kamaru-Ku yakoa dangan nang nangaratn pakataatn Jubata ba ngalakukan iya."

08/22.txt

@@ -0,0 +1 @@
+\v 22 Pas ka lain ari Yesus naik ka daapm parahu barage-rage ba murit-murit-Te, Ia bakata ka kabatne: "ijeklah diri' batolak ka sabarang danau." Lalu ampuslah kabatne. \v 23 Waktu kabatne agik balayar, Yesus pun tatidur. Tiba-tiba turutnlah angin topan ka danau, tarus parahu ka taamaan aik,samua kabatne ada daapm bahaya.

08/24.txt

@@ -0,0 +1 @@
+\v 24 Tarus ataknglah murit-murit-Te ngumpatatn Ia, jare: "Guru, guru, dirik binasa!" Ia pun umpat, lalu ngampaki angin ba aik nang mamurani koa. Tarus angin ba aik koa pun baranti, danau koa pun jaji taduh agik. \v 25 Lalu Ia bakata ka kabatne: "Dimae gek kapicayaatnnyu?" tarus gai' ba heran lah kabatne, lalu bakata seko' ka nang lain: " Sae gek kira'e Ia nyian, Ia mare parintah ka angin ba aik tarus angin ba aik koa pun taat ka Ia nyian?"

08/26.txt

@@ -0,0 +1 @@
+\v 26 Lalu Yesus ba murit-murit-Te mandarat ka tanah urakng Gerasa nang ada ka sabarang Galilea. \v 27 Apas Yesus naik ka darat, ataknglah seko' nang laki dari kota' koa namui' Ia; urakng koa dingarasuki di setan-setan, udah lama ia ina bapakean, ba ina diapm ka rumah tapi ka kuburan.

08/28.txt

@@ -0,0 +1 @@
+\v 28 Waktu ia nee Yesus, ia ngampak lalu tasongkop ka adapatn-Ne lalu bakata basuara nang karas: " Ahe urusan-Nyu ba aku, hoi Yesus Anak Jubata nang Siditingi? Aku bamohon ka Kao, supaya ame Kao nyiksa aku." \v 29 Ia bakata yayian barang Yesus marentahatn roh jahat koa kaluar dari urakng koa. Barang pancah roh koa narik-narikatn ia, tarus untu nyaga ia, ia dingarante ba di ngikatatn, tapi ia mutusatn sagala pangikat koa, ba setan koa ngajang ia ka tampat-tampat nang sunyi'.

08/30.txt

@@ -0,0 +1 @@
+\v 30 Tarus Yesus batanya ka ia: "Sae damanyu?" ia nyahut: "legion," barang ia karasukan manyak setan. \v 31 Lalu setan-setan koa bamohon ka Yesus, biar Ia ame marentahatn setan-setan koa taama' ka daapm jurang.

08/32.txt

@@ -0,0 +1 @@
+\v 32 Ada dikoa sajumbalah ayak babotn agik ngago' makatn ka sisi bukit, lalu setan-setan koa minta ka Yesus, biar Ia muihan setan-setan koa namai' babotn-babotn koa. Yesus ngabulatn pamintaatn setan-setan koa. \v 33 Lalu kaluarlah setan-setan koa dari urakng koa tarus namai'k babotn-babotn koa. Sakawanan babotn koa tarajutn dari sisi jurang ka daapm danau lalu mati amas.

08/34.txt

@@ -0,0 +1 @@
+\v 34 Salapas panyaga-panyaga babotn koa nee ahe nang udah jadi, kabatne badariatn tarus nyuritaatn parihal koa ka kota' ba ka kampokng-kampokng sakitare. \v 35 Bamuokatni'klah urakng-urakng untu nee ahe nang dah jadi. Kabatne atakng ka Yesus ba kabatne namui' urakng nang dah diningaatn di setan-setan koa duduk ka paha Yesus; ia udah bapakean ba udah waras. Lalu bagaiatnlah dangan koa.

08/36.txt

@@ -0,0 +1 @@
+\v 36 Urakng-urakng nang udah nee babaro hal koa mare nauan ka dangan, yamae urakng nang dirasuki setan koa udah dinyalamatatn. \v 37 Lalu samua urakng daerah Galilea minta ka Yesus, biar Ia ningaatn Galilea, barang urakng-urakng koa kagaianan. Lalu naiklah Ia ka daapm parahu, tarus balayar agik.

08/38.txt

@@ -0,0 +1 @@
+\v 38 Tarus urakng nang diningaatn di setan-setan koa minta biar ia di muihan ampus ba Ia. tapi Yesus nyuruh ia dari, ja kata-E: \v 39 "Puaknglah ka rumahnyu, ba curitaatnlah sagala sasuatu nang udah diminjawat Jubata ka diriknyu." Urakng koa pun ampus ngulilingi saluruh kota' ba mare nauan ahe nang dah di ngalakukan Yesus ka diri'e.

08/40.txt

@@ -0,0 +1 @@
+\v 40 Sawaktu Yesus muakng, urakng manyak nyambuti Ia barang urakng-urakng koa ngantiatn Ia. \v 41 Lalu ataknglah urakng nang badama Yairus. Ia koa kapala rumah sambayang. Sambi tasongkop ka adapatn paha Yesus ia bamohon ka Ia, biar Yesus atakng ka rumahe, \v 42 barang anake nang bini seko'-seko'e, nang baumur kira-kira dua balas tahutn, amper mati. Daapm pajaanan ka koa Yesus dinusak-nusaki di urakng manyak.

08/43.txt

@@ -0,0 +1 @@
+\v 43 Ada nang bini nang udah dua balas tahutn menderita sakit pendarahan nang ina barasil dinyamuhan disae-sae pun. \v 44 Ia maju nyamaki Yesus dari balakang ba nyape jumbai jubah Yesus lalu sakai koa ugak barantilah pendarahane.

08/45.txt

@@ -0,0 +1 @@
+\v 45 Lalu ja Yesus: "Sae nang nyape Aku?" barang ina ada nang ngako'k, bakatalah Petrus: "Guru, urakng manyak ngarumuni ba nusaki Kao. \v 46 Tapi Yesus bakata: "Ada urakng nang nyangkam Aku, barang Aku ngarasa ada kuasa nang kaluar dari diri'k-Ku."

08/47.txt

@@ -0,0 +1 @@
+\v 47 Sawaktu nang bini koa nee, kade pabuatatnne koa katahuan, ia atakng gangatar, tasongkop ka adapatn-Ne ba nyuritaatn ka urakng manyak ahe alasane nyangkam Ia tarus sakai koa ugak jaji tomo. \v 48 Tarus jakata Yesus ka nang bini koa: "Hei anak-Ku, imannyu udah nyalamatan kao, puaknglah dengan salamat!"

08/49.txt

@@ -0,0 +1 @@
+\v 49 Sawaktu Yesus masih bakata, ataknglah seko' urakng dari kaluarga kapala rumah sambayang koa tarus bakata: "Anaknyu udah mati, ame agik kao nyusah-nyusahatn Guru!\v 50 " Tapi Yesus nangaratn tarus bakata ka Yairus: "Ame gai' picaya maan, anaknyu ana salamat."

08/51.txt

@@ -0,0 +1 @@
+\v 51 Waktu dah sampe ka rumah Yairus, Yesus ina muihan seko' urakng pun muih taama' kacuali Petrus, Yohanes ba Yakobus ba apak kamuda koa ba uwek'e ugak. \v 52 Samua urakng batangisatn nangisi' kamuda koa. Tapi Yesus bakata: "Ame nangis; ia ina mati, tapi tidur. \v 53 "Dangan koa ngaakatn Ia, barang dangan nauan kade kamuda koa udah mati.

08/54.txt

@@ -0,0 +1 @@
+\v 54 Lalu Yesus nyingiik kokot kamuda koa tarus ngampak, jakata-E: "Hei kamuda umpatlah!" \v 55 Tarus muaknglah roh kamuda koa sakoa ugak ia umpat badiri. Lalu Yesus nyuruh dangan mare kamuda koa makatn. \v 56 Takajuplah urakng tuha kamuda koa, tapi Yesus maian kabatne ame mare nauan ka saepun ahe nang dah tajadi koa.

09/01.txt

@@ -0,0 +1 @@
+\v 1 Lalu Yesus nyaru'k kadua balas murit-Te, lalu mare tenaga ba kuasa ka kabatne untu' nguasai'k setan-setan ba untu nyamuhan panyakit-panyakit. \v 2 Ba Ia ngutus kabatne untu mambaritaatn Karajaan Jubata ba untu nyamuhan urakng,

09/03.txt

@@ -0,0 +1 @@
+\v 3 Jakata-E ka kabatne: " Ame ngicakng ahe-ahe daapm pajaanan, ame ngicakng tongkat gek bahata, roti gek duit, gek dua ete' baju. \v 4 Kade kao udah dinarima daapm sege' rumah, diapmlah dikoa sampe kao barangkat dari koa.

09/05.txt

@@ -0,0 +1 @@
+\v 5 Kade ada urakng nang bai narima' kao, kauwarlah dari kota' koa, kibasatnlah dabu dari pahanyu biar jaji paringatan ka dangan koa. \v 6 Lalu ampuslah kabatne tarus ngulilingngi' sagala kampokng, sambi maritaatn Injil ba nyamuhan urakng sakit ka sagala tampat.

09/07.txt

@@ -0,0 +1 @@
+\v 7 Herodes, raja wilayah, nangar sagala nang dah jaji koa, ia pun camas, barang ada urakng nang matakatn, kade Yohanes udah bangkit dari antara urakng mati. \v 8 Ada agik nang ngataatn, kade Elia udah muok agik, ba ada ugak nang ngataatn, kade seko' urakng dari nabi-nabi dee udah bangkit. \v 9 Tapi Herodes bakata; "Yohanes dah ku natak kapalae. Sae gek agik Ia nyian, nang kabare minjawat parihal nang aya iyan?" Lalu ia barusaha biar bisa batamu ba Yesus.

09/10.txt

@@ -0,0 +1 @@
+\v 10 Pas dah puakng rasul-rasul koa nyuritaatn ka Yesus ahe nang dah kabatne kao ngarajaan. Lalu Yesus ngicakng kabatne dari manyingkir ka sabuah kota' nang badama Betsaida, jadi kahe kabatne koa nang ada ba Ia. \v 11 Tapi manyak urakng nauan, lalu nunaan Ia. Ia narima' urakng-urakng koa lalu bakata parihal Karajaan Jubata ba Ia nyamuhan urakng-urakng nang pararu kasamuhan.

09/12.txt

@@ -0,0 +1 @@
+\v 13 Pas waktu ari mulai' maam ataknglah kadua balas murit-Te ka Ia lalu bakata: "Suruhlah urakng manyak koa ampus dari, biar dangan koa ampus ka desa-desa ba ka kampokng-kampokng sakitar nyian untu ngagok tampat panginapan ba makanan, barang kadirik dian tampate sunyi." \v 13 Tapi Ia bakata ka kabatne: "Kao harus mare' dangan koa makatn!" Kabatne nyahuti: " Nang ada ka kami ina labih dari lima roti ba dua eko'k ikatn, kacuali kade kami ampus mali makanan untu samua urakng manyak nyian. \v 14 Barang dikoa ada kira-kira lima ribu urakng nang laki. Lalu Ia bakata ka murit-murit-Te: "Suruhlah dangan koa duduk bakalompok-kalompok, kira-kira lima puluh urakng sakalompok."

09/15.txt

@@ -0,0 +1 @@
+\v 15 Murit-murit ngarajaan koa ba nyuruh samua urakng manyak koa duduk. \v 16 Apas Ia naap roti ba dua ikatn koa, Ia ningkadah ka angit, ngucapatn barakat, tarus Ia macah-macahatn roti koa ba mareatn iya ka murit-murit-Te biar dibagiatn ka urakng manyak koa. Lalu kabatne koa makatn sampe kanyang. \v 17 Tarus dingomoan tatakatn-tatakatn roti nang sisa' samanyak dua balas baku.

09/18.txt

@@ -0,0 +1 @@
+\v 18 Ka sote' ari lain, waktu Yesus badoa babaro, ataknglah murit-murit-Te ka Ia. Lalu Ia batanya ka kabatne: "Ja urakng manyak, sae gek Aku nyian?" \v 19 Sahut kabatne: "Yohanes Pamaptis, ada ugak nang bakata: Elia, ada ugak nang bakata, kade seko' urakng dari nabi-nabi dee nang bangkit."

09/20.txt

@@ -0,0 +1 @@
+\v 20 Yesus batanya ka kabatne: "Kade menurut kao, sae gek Aku nyian?" Sahut Petrus: "Masias(panyalamat) dari Jubata." \v 21 Tarus Yesus karas maian ka kabatne, biar ame mare nauan parihal koa kasae pun. \v 22 Lalu Yesus bakata: "Anak Manusia harus nanggong manyak pandaritaan ba di nolak dituha-tuha, imam-imam kapala ba ahli-ahli Taurat, lalu dimunuh ba dibangkitatn ka ari ka talu."

09/23.txt

@@ -0,0 +1 @@
+\v 23 Jakata-E ka kabatne samua: "Satiap urakng nang maok nunaan Aku, ia harus masangkaatn diri'k e, mikut salipe satiap ari ba nunaan Aku. \v 24 Barang sae pun nang maok nyalamatatn nyawae, ia kailangan nyawae; tapi sae pun nang kailangan nyawae karna Aku, ia akan disalamatatn. \v 25 Ahe gunae urakng namu sagalae ka dunia, tapi ia membinasakan atau ngarugiaatn diri'e babaro?

09/26.txt

@@ -0,0 +1 @@
+\v 26 Barang sae nang supe' karna Aku ba karna pakataatn-Ku, Anak Manusia ugak akan supe karna urakng koa, kade Ia atakng ana daapm kamuliaatn-Ne ba kadaapm Kamuliaatn Apak ba malaekat-malaekat kudus. \v 27 Aku bakata ka kao: "Sasidie kaantara urakng nang ada kadian nyian ada nang ina akan mati sanape nee Karajaan Jubata.

09/28.txt

@@ -0,0 +1 @@
+\v 28 Kira-kira lapan ari saudah sagala pangajaratn koa, Yesus ngicakng Petrus, Yohanes ba Yakobus, lalu naik ka atas bukit untu badoa. \v 29 Sawaktu Ia agik badoa, rupa muha-E barubah ba pakaean-Ne jaji bakilau-kilauan.

09/30.txt

@@ -0,0 +1 @@
+\v 30 Ba kateatnlah dua urakng bakatai' ba Ia, yakoa Musa ba Elia. \v 31 Kaduae neeatn diri'k daapm kamuliatn lalu bakata parihal tujuan-Ne ampus nang akan diganapi Dihe ana ka Yerusalem.

09/32.txt

@@ -0,0 +1 @@
+\v 32 Samintara koa Petrus ba ayukng-ayukngnge udah tatidur tarus waktu kabatne tadohani kabatne nee Yesus daapm kamuliaatn-Ne: ba badua urakng nang badiri ka samak-Ke koa. \v 33 Ba waktu badua urakng koa mao ningaatna'k Yesus, Petrus bakata ka-Ia: "Guru, sidi repoe kami ada ka tampat nyian. Baiklah kami madiriatn angkitn talu kemah, sege' untu Kao, sege' untu Musa ba sege' untu Elia." Tapi Petrus ina nauan ahe nang udah ia ngataatn koa.

09/34.txt

@@ -0,0 +1 @@
+\v 34 Samintara ia bakata yakoa, ataknglah rahu nonoi'k kabatne. Ba waktu kabatne taama'k ka daapm rahu' koa gaaik lah kabatne. \v 35 Lalu kadangaratnlah suara dari rahu' koa, nang bakata: "Nyianlah Anak Ku nang Ku milih, dangaratnlah Ia." \v 36 Sawaktu suara koa kadangaratn, kateatnlah kahe Yesus babaro. Tarus murit-murit koa ngarahasiaatn, ka masa koa kabatne ina nyuritaatn ka sae pun ahe nang udah kabatne nee koa.

09/37.txt

@@ -0,0 +1 @@
+\v 37 Pas ka ampagi arie waktu kabatne turutn dari bukit koa, ataknglah urakng manyak rami-rami namui' Yesus. \v 38 Seko' dari urakng manyak koa ngampak, jare: "Guru, aku mohon biar Kao nee anakku, barang kahe ia sa sekoatn'ne anakku.  \v 39 Sawaktu-waktu ia disarang di roh, tiba-tiba ia ngampak tarus roh koa nguncang-nguncang ia, sampe moot te babusa. Roh koa tarus maan nyeksa ia ba amper-amper bai ningaatn ia. \v 40 Aku udah minta' ka murit-murit-Nyu  biar kabatne ngajang roh koa, tapi kabatne koa ina bisa."

09/41.txt

@@ -0,0 +1 @@
+\v 41 Lalu ja Yesus: "Hoi kao angkatan nang ina picaya ba sasat, sangahe lama agik Aku harus diapm ka antara kao tarus sabar ka kao? Icakng kamuda koa kadian!" \v 42 Tarus sawaktu kamuda koa nyamaki Yesus, setan koa ngampasatn ia ka tanah ba nguncang-ngucang ia. Tapi Yesus karas nagur roh jahat koa ba nyamuhan kamuda koa, lalu moongan ia ka apak'e

09/43.txt

@@ -0,0 +1 @@
+\v 43 Lalu batakajupatnlah samua urakng koa barang kaajaipatn Jubata. Waktu samua urakng koa masih heran barang sagala nang diminjawat di-He koa, Yesus bakata ka murit-murit-Te: \v 44 "Dangarlah ba camkanlah sagala pakataatn-Ku nyian: Anak Manusia akan disarahatn ka daapm kokot manusia." \v 45 Kabatne ina ngarati pakataatn koa, barang artie tataporatn untu kabatne, karna koa kabatne ina bisa memahami'k iya. Kabatne pun ina barani nanyaan na' arti pakataatn koa ka-Ia.

09/46.txt

@@ -0,0 +1 @@
+\v 46 Lalu timulah patangkaratn ka antara murit-murit Yesus parihal sae lah nang paling teraya'k ka antara kabatne koa. \v 47 Tapi Yesus nauan pikiran kabatne. Barang koa Ia naap kamuda enek ba nampatatn ia ka sisi-E, \v 48 Tarus bakata ka kabatne: "Saepun nang nyambut kamuda nyian daapm dama-Ku, ia nyambut Aku, ia nyambut nang ngutus Aku. Barang nang enek kaantara kao samua, ia lah nang paling teraya'k."

09/49.txt

@@ -0,0 +1 @@
+\v 49 Yohanes bakata: "Guru, kami nee seko' urakng ngajang setan atas dama-Nyu, lalu kami maian urakng koa, barang ia buke pangikut diri'k." \v 50 Yesus bakata ka ia: "Ame kao baiatn, sae pun nang ina ngalawan kao, ia ada ka pihaknyu."

09/51.txt

@@ -0,0 +1 @@
+\v 51 Sawaktu amper ganap waktue Yesus diangkata' ka saruga, Ia ngarahatn pandangan-ne untu ampus ka Yerusalem, \v 52 Ia ngiripm sangahe utusan nohoi'k Ia. Kabatne koa ampus, lalu taama' ka sote' kampokng urakng Samaria untu nyiapatn sagala hal untu Ia. \v 53 Tapi urakng-urakng Samaria koa bai narima Ia, barang pajaanan-Ne notoka Yerusalem.

09/54.txt

@@ -0,0 +1 @@
+\v 54 Sawaktu murit-murit-Te, yakoa Yakobus ba Yohanes, nee hal koa, kabatne bakata: "Jubata, maok gek Kao, biar kami nyuruh api turutn dari angit untu membinasakan dangan koa?" \v 55 Tapi Ia malek ba nagur kabatne. \v 56 Lalu kabatne ampus dari ka kampokng nang lain

09/57.txt

@@ -0,0 +1 @@
+\v 57 Waktu Yesus ba murit-murit-Te narusatn pajaanane, bakatalah seko' urakng ka tangah maraga ba Yesus: "Aku mao nunaan Kao, kamae pun Kao ampus." \v 58 Yesus bakata ka ia: "Sarigala ada ba ubakng burukng ada basarakng, tapi Anak Manusia ina batampat untu nyanaratn na' kapala-E.

09/59.txt

@@ -0,0 +1 @@
+\v 59 Lalu Ia bakata ka nang lain: "Tunaanlah Aku!" Tapi urakng koa bakata: "Ijinanlah aku ampus nguburatn  apakku doho'." \v 60 Tapi Yesus bakata ka ia: "Biarlah urakng mati nguburatn urakng mati; tapi kao, ampuslah ba baritaatnlah Karajaan Jubata kamae-mae."

09/61.txt

@@ -0,0 +1 @@
+\v 61 Ada seko' agik nang lain bakata: "Aku mao' nunaan Kao, Jubata, tapi ijinanlah aku bapadah doho' ka kaluargaku." \v 62 Tapi Yesus bakata: "Satiap urakng nang siap membajak tapi noleh ka balakang, ia ina layak untu Karajaan Jubata

10/01.txt

@@ -0,0 +1 @@
+\v 1 Tarus dari koa Jubata nojok tujuh puluh murid nang lain, lalu ngutus kabatne kao badua-dua nohoi'k Ia ka satiap kota' ba ka tampat nang mao Ia taboi'k. \v 2 Jakata-E ka kabatne: "Anyian memang manyak tapi  pangarajae sadikit. Barang koa mintalah ka Jubata nang punya anyian, biar Ia ngiriman pangaraja-pangaraja untu anyian koa.

10/03.txt

@@ -0,0 +1 @@
+\v 3 Ampuslah, sasidie Aku ngutus kao saparati anak domba ka tangah-tangah sarigala. \v 4 Amelah ngicakng duit gek bahata gek sandal, ba amelah mare salam ka sae pun salama daapm pajaanan

10/05.txt

@@ -0,0 +1 @@
+\v 5 Kade kao namai'k sege'k rumah, kataatnlah doho: "Damai sajahtra untu rumah nyian. \v 6 Kade di koa ada urakng nang pantas narima damai sajahtra, maka salam nyu koa diamp ka atase, tapi kade ina, salam nyu koa muakng ka kao. \v 7 Diamplah daapm rumah, makatn ba nyocoklah ahe nang dibarei'k urakng ka kao, barang urakng nang karaja patut namu upahe. Amelah bapindah-pindah rumah.

10/08.txt

@@ -0,0 +1 @@
+\v 8 Kade kao taama'k ka daapm sote'k kota', kao dinarima' di koa, makatnlah ahe nang dingidangan ka kao, \v 9 ba tomoanlah urakng-urakng sakit nang ada dikoa, bakatalah ka dangan: Karajaan Jubata udah samak ba kao.

10/10.txt

@@ -0,0 +1 @@
+\v 10 Tapi kade kao taama' ka daapm sege'k kota' kao ina ditarima dikoa, ampuslah ka maraga-maraga ayak kota' koa ba saruatnlah: \v 11 Dabu kota'nyu ugak kami kibasatn ka adapatn nyu; tapi tahui'k lah nyian: Karajaan Jubata udah samak. \v 12 Aku bakata ka kao: pada ari koa tanggongan Sodom ana labih rehetn tanggongane dari pada kota koa."

10/13.txt

@@ -0,0 +1 @@
+\v 13 Cilakalah kao Khorazim! Cilakalah kao Betsaida! barang kade ka Tirus ba Sidon ada mujizat-mujizat nang udah jaji ka tangah-tangah kao, udah lama kabatne batobat ba nyasalatni'k. \v 14 Tapi pas waktu pangakiman, tanggongan Tirus ba Sidon ana labih rehetn dari pada tanggongannyu. \v 15 Ba kao Kapernaum, ahe gek kao ana di naikatn sampe ka angit! Ina, kao ana diturunan sampe ka dunia urakng mati!

10/16.txt

@@ -0,0 +1 @@
+\v 16 Sae pun nangaratn kao, ia nangaratn Aku; ba sae pun nang nolak kao, ia nolak Aku, ia nolak Ia nang ngutus Aku."

10/17.txt

@@ -0,0 +1 @@
+\v 17 Lalu katujuh puluh murit koa muakng agik, kabatne karepoatn sidi lalu bakata: "Jubata, setan-setan koa takluk ugak ka kami atas dama-Nyu." \v 18 Lalu ja Yesus ka kabatne: "Aku nee Ibalis jantu aya kilat dari angit. \v 19 Sasidie Aku udah mare kuasa ka kao untu ninyak uwar ba kalajangkeng, ba kuasa untu nahan kakuatan munsuh, ina ada nang akan membahayakan kao. \v 20 Tapi biar yakoa pun amelah karepoatn kade roh-roh koa takluk ka kao, tapi basukacitalah barang damanyu ta daftar ka saruga."

10/21.txt

@@ -0,0 +1 @@
+\v 21 Pas waktu koa uga karepoatnlah Yesus daapm Roh Baraseh  lalu bakata: "Aku basukur ka Kao Apak, Jubata Angit ba Bumi, barang samua koa Kao naporatn bagi urakng pintar ba pane, tapi Kao nyataatn ka urakng nang enek. O Apak, koalah nang gagas ka adapatn-Nyu