knx-x-bajare_1co_text_reg/10/11.txt

\v 11 Parihal nyian bisa ditee' dari kabat'ne onto' dijajiat'n palajaran baraga, ditulisat'n onto' ngingatat'n diri' nang idup ka ahir jaman nyian. \v 12 Angke kuihanlah, ame sidi  ada urak'ng nang nyangka' diri'e dah kuat sidi, supaya ia ina' jantu'. \v 13 Ina' ada cobaan nang kita' cacapi' kacuali cobaan koa dah biasa onto' taino. Jubata diri' koa sidi setia, Ia ina' mungkin miarat'n kita' ngadapi' masalah labih dari kamampuat'n kita'. Ka daap'm masalah kuihanlah Jubata mare' kita' maraga muok supaya kita' cancik'ng ngadapi masalah koa.