mlp-x-kurum_mat_text_reg/06/32.txt

\v 32 Ne nagah osgota na a hi waqeq ne meqin os daqayta na ago ne Gimam Heve-ib osaqta na tuhurit ham. Nazaq iyan ne ginad haresmo emad, i teq naga neqam? o teq naga uluwam? nazaq ne ginad hi emiy ham. On mataw en ta asor Juda a haiqta nagan in nagah osgota na waqgo haqad giholtuw bulad luwayta ham. \v 33 Teq negmo nazaq hi emiy ham. Itureqmo ne God ago maror aduganib gwahtiqeq in ago daq dimdimunta emgo ne giholtuw bulad luwiy ham. Ne nazaq emsa teq God nagah osgota na bunmo inaqmo tinegdaq ham. \v 34 Nazaq iyan ne kam babeqta na anadin diq hi emiy ham. Kam babeq na inmo ago afaqan araq inaqta ham. Luweq ne babeq ago afaqanta na waqeq kam muranta na ago inaq wsatoneq ne loyinsa in afaqan ayah diqta iydaq ham.