mlp-x-kurum_jas_text_reg/01/26.txt

\v 26 Ari luweq mat araq ahol buloneq bilaqdaq, ya God anadin diq emad ayon lotu emaiqta haqdaq. Haqad teq in anonon attenmos a hi wamuzdaqta. Mat nazaqta na inmo ahol agem tikat ugad in samanta God anadin emad ayon lotu emaqta.  \v 27 Ari ni God anadin emad ayon lotu emdaq ta na adanteqin in kazaq. Onmin ginenmaman amanmaminta osiyta na teq on waburta giholbin iyim afaqan sorayta nagan ni le gibiyad tigilumsidaq. Ad ni ningo luw os anonon diqmo wamuzad og ka ago daq anumlan inaqta na ni aban diq tiqemdaqmo. Lotu adan nazaqta na i Gimam God ameb dumunta anumlan haiqmo usaqta.