\v 19 Nazaq iyan muran ne God ago maror asan ban iyim mataw begbegta og saw haresmo luw yaqayta nazaq ne a ta hiluway. Haiqgam. Ne God ago on mataw tawonta na bunmo nenaq araqibmo God ago maror aduganib tigatiqim ne in asenlulmo diq tiqiyim osayta. 
      \v 20 Ne bilaqne God aholyon bit amta nazaq nog. Saq God ago Aposel teq in ago nantut nagan in bilaqne tituq nog iysaq God in gimalib ago bit na wazan tiqeraqaq. Saq Krais Yesus in bit na ago tituq liqab diqta iyim in bit na anon bunmo tisoraq. 
       \v 21 Sorsaq bit na aditin bunmo Krais aholib soqotim usaq Iyahta Krais-mo in bit na ulum tutsaq in ayah iyad God ago bit tawonta nog tiqiyaq. 
       \v 22 Saq ne inaqmo Krais Yesus ago hib soqotan in ne giwaqim Juda on mataw na ginaq girom tonan ne bunmo God ago bit in ago Bugaw Dumunta bo osaqta na tiqiyiy.