mlp-x-kurum_2co_text_reg/12/11.txt

\v 11 Ya mat agadanta gamuk bilaq nog tiqiy. Teq negmo ya igem wizan ya gamuk nawa na tibilayta. Negmo ya ibin dumunta na bilaq nagiyta. Teq ne a hibilaqan iyan yaqmo ihol abin tibilay. Helmo ya mat ibin haiqta teq ya mataw nawa ne ginan Aposel danmeb diqta haqayta na gihenibta a haiq. \v 12 Ya ne gilikmanib osad Aposel ago kabiymo diqta emad ya ituw a hiqiyaqta. Daq azawayin inaqta amo amo kabemmo teq kabiy aseseqtamo ya ne gigo hib giqemsaq ya Aposel diqta na ago ne tuhurit kemiy. \v 13 Ya Krais ago on mataw gidahuqan ta asor na gigo hib kabiy daq emta nazaqmo ya ne gigo hib tiqemtamo. Ari ya in gigo hib kabiy emta na araq ne gigo hib a hiqemid ne bilaqsaq ya huritiq. Helmo daq araq ya in gigo hib emim teq ya ne gigo hib a hiqemta na in kazaq. Ne dadaq nagah yaggo haqad ya a higibilenan ne ya iwamuzgo giholtuw a hibuliy. Yaqgo daq na ne ginadib meniyid ne ginad dumunta yagad yaqgo daq miqinta na walemad anadin ta hiqemiy.