mlp-x-kurum_2co_text_reg/11/24.txt

\v 24 Kam abaynaginmo Juda mataw ya iwazim gimeq 39 nazaq gusib ya inol tiyayiy. \v 25 Teq in gimeq ezeqmanmo yukib inoliy. Ad in gimeq amilikmo eraqim ya imalib gig hunegiymo. Imeq ezeqmanmo ya muyib lehsaq muy meqniyim kamismeb wolahta. Teq kam araqab muy meqniyan kam amilikmo taromab zeqab inaqmo ya kamis amalib altonad luwta. \v 26 Tutimmo ya uliq-uliqgo luwad inamur a hiqemyaiqta. Ya yuq aseseqta urotim lehsaq yuq ineqnan tonaqta. Teq mataw girin inaqta danib ibiyad inol emnan ton yaqayta. Saq yaqmo isenlulmo in ya inol emnan tonsaq mataw ta asor Juda a haiqta nagan ya inol emnan ton yaqaymo. Uliq aseseqtab ya lehim osaq inol emnan ton yaqayta. Ad ya uliq huloseq danib lehad luwsaq inol emnan ton yaqaymo. Ya kamismeb luwsaq mataw inolnan ton yaqayta. Teq mataw asor katiyad ''I ni nimaqbaban'' haqad teq in ya inol emnan ton yaqaymo.