mlp-x-kurum_2co_text_reg/09/12.txt

\v 12 Nazaq iyan ne God ago on mataw tawonta gina haiqta na ginadin emad gilumsihsaq in nagah ago siqim iyim osayta na tuwaq daqay. Teq na amomo a haiq. Ne on mataw na nagah kabemmo negid in gimeq kabemmo God esey diq tuqug daqaymo. 
\v 13 Teq daq nawa ne in gilumsihgo em daqayta na in ne gihol alulin emid tigatiq hasdaq. Gatiq hasid mataw na ne gibiyad bilaq daqay, Ne Krais awagamun dumunta bilaqayta na adaqanmo diq emayta haq daqay. Haqad ne naw ayahmo negsaq in ahol waqad teq ne on mataw ta asor inaqmo gilumsihsaq in gibiyad in God anan sorid ulilibmo tigalehdaq. 
\v 14 Ad in ne ginan ginad em daqay, God agem dumunta ayahmo negid ginad enqenunsaq ne daq na emay haq daqay. Haqad in ne ginan ginad bilaqsaq God in ne gidimun tongo haqad in tubulon daqay. 
\v 15 Helmo. God i gilumsihim naw dumunta igta na in nagah ayah diqmo iyan i abin bilaq hasgo biyab a haiqta. Nazaq iyan i naw na anadin emad God esey diq uguq.