mlp-x-kurum_2co_text_reg/05/13.txt

\v 13  Ad in i ginan bilaqay, Mataw ginad agadanta haqay. Teq i ginad agadan iyid na i God inaq gigo nagah. In mataw na gigo nagah a haiq. Ari i ginad dumunta iyid na i ne ginaq gigo nagah. Na mataw na gigo nagah a haiqtamo. 
\v 14  Na izaqgo Krais agem dumunta igaqta na i anadin emad i giqutil eraqsaq i in ahol awagamun bilaqad i giqez wasihgo biyab a hiqiyauqta. I ginad emauq, Mat amilikmo on mataw bunmo gigo ban waqim in gimen momta haqauq. Nazaq iyan on mataw bunmo tuoqiytamo haqauq. 
\v 15  Teq mat na anad kazaq emad in on mataw bunmo giyon momta. Ya on mataw ya ibinib kayeqmo os daqayta na gimen moqeq ta eraqid teq on mataw na in gimo gihol anadin a ta hiqem daqay ham. In yaqmo inadin emad inad muzinad os daqay ham.