\v 13  Teq God ago marib gamuk araq bilamta nazaq i ginad usaqmo. 
Gamuk na bilam, Ya God anan helmo haqad iyan ya bilaqaiq ham. 
An nazaqmo i God anan helmo haqad iyan i bilaqauqtamo.
\v 14  I ginad emauq, God in Iyahta Yesus hodhodab wazan eramta nazaqmo in i inaqmo giwazid i teqeraqamtamo haqauq. Eraqid teq in i ne ginaq araqibmo giqad lehid i bunmo in agerab toqosam haqauq. I ginad nazaq emad gamuk bilaqauqta. 
\v 15  Helmo afaqan nagan bunmo i sorauqta na i negmo gilumsihnan haqad sorauqta. Teq i afaqan nagan sorsaq daq na amalib God ago agem dumunta le on mataw kabemmo gigo hib gatiqsaq in God esey ugad abin wazan eraqaqta.