\v 1 Ari nagah na tihiqiyanmo angelo araq awaz meqinta heven hulosim gehitiqsa ya ahol way. In ahol abalawun oy naqmo hiqiysa ogib kab saw bunmo hastitay an saw anuwan ayahumo us. \v 2 Sa in atoranmo lileyim bilam, uliq ayahta Babilon timeqniy has ham. In timeqniy has ham. Meqniy hasim muran in bugaw meqinta gigo uliqta tiqiy ham. Uliq na bugaw meqmeqinta nagan teq ah meqmeqinta ginumlan inaqta mataw ingina gitew hiqiyayta nagan bunmo gigo ban tiqiy ham. \v 3 Na ezaqgo uliq na wa na in on mataw en bunmo gihureqim gigeman in gihol atoranmo eraqsa ginad meqinta hares gwahtiqyaqta ham. Bilaqne in wain ayun atoranta ulumim ginad dimunta hulosiyta nazaq ham sa ogib king bunmo in uliq na inaq daq amebay inaqta kabemmo emiytamo ham. Uliq na amatawun in ginad bilaqgo anaghan anan diq moqsa iyan og kab mataw mani a kabiyan emayta na bunmo in gigo es nagah uliq nab a le zayad mani ayahmo waq yaqayta ham.
See in Reader
