mlp-x-gabagsal_1ti_text_reg/02/01.txt

\v 1 Ari nagah danmeb diq ni emdaqta na in kazaq. Ni mataw gibilenid in sirisirmo God inaq gamuk emad teq in susumun ugiy. Susumun ugad in on mataw bunmo gilumsihgo haqad God buloniy. Sa God in gilumsihsa in esey ugiy. \v 2 In God inaq gamuk emad bulonsa in king teq gavman bunmo anad dimunta negsa in gigo kabiy dimunmo emiy. Nazaq iyid teq i gigo os dimniysa i tuteqmo afaqan a hi waqam. Ad i God anad muzinad ago daq dimdimunta emsa i gibin dimunta og saw bunmo usdaq. \v 3 I nazaq osamta na in God I Gilumsihim Giwaqaqta na ameb dimun diq iyaqta. \v 4     Nazaq ezaqgo in anad on mataw bunmo inmo ago maror aduganib gwahtiqeq ago gamuk helt huritad ginad em hasad os nagiy haqaqta.