mlp-x-gabagsal_1ti_text_reg/01/09.txt

\v 9 Ta teq i maror na anan ginad kazaq em hasuq. God in Mataw  titnonta giwastitaynan haqad ago maror kwaziqta na eman a hi gwahtim. Haiqgam. God ago maror na in mataw meqinta giwastitaygo usaqta. Mataw naqanta in gunun othasayta teq in nan a hi huritayta teq in God tileh ugayta teq in daq hihiq emayta teq gigemab ginumlan ayahmo usaqta teq in God bilawunayta teq i ginemaman gihol emaytamo. \v 10 Teq in an alulib hureqad inaq usayta teq in Sodom gigo daq emayta teq in mataw girin tonim gizaysa in mat araq ago kabibiy mataw samanta iyayta teq in nan katiyta  bilaqayta teq in hazizirib gimileq iyad mat dimunta nan ugayta. God ago maror Moses bilamta  na in daq nagan bunmo giwasihgo usaqta. \v 11 Suleq Yesus awagamun dimunta inaq rirenim usaqta naqmo i anan suleq helta haqauqta. Ad wagam nabmo God ago zaway ulal iy bugsa i ahol waqad i God anan gigem dimniysa abin iluwauqta. Teq ya Yesus awagamun dimunta naqmo on mataw  wastitayeqmo gibilengo haqad God ya ibenad amta.