mlp-x-gabagsal_1jn_text_reg/04/17.txt

\v 17 I og kab osad Krais daq emaqta nazaq nog i emauqtamo. Emsa daq an anan ginad bilaqayta na i gilikmanib tugwahtiq hasaq. Nazaq iyan abeb God ago hazizir akaman bo tugwahtiqsa i a hi rabamta. \v 18 On mataw an anan ginad bilaqsa osayta na in a hi rabayta. Haiqgam. In giholib an anan ginad bilaqgo adan na awaz timeqniysa in God ago hazizirib turnan a hi rabayta. Ari on mataw an agem meqinta ugayta naqmo teq rabayta. Na ezaqgo in gigo daq meqinta na anadin emad in teq God ago hazizirib turad amenin meqinta tuwaq daqay haqad in rabayta. On mataw na giholib an anan ginad bilaqgo adan sosil iysa iyan in rabayta.