auto save
This commit is contained in:
parent
83041ef468
commit
7cf6e334b3
|
@ -0,0 +1,3 @@
|
|||
1. Natandika okubaza nabo omungeero. Omuntu yasimbire olusuku lwa muzabbibu, nalukubbirya olukorogo, nasakamu ekinyunkiro, nayombokamu olukorogo, naluppangisya abaluumi natambula omwiyaanga erindi.
|
||||
2. Omubiro ebyo omwaaka nigwaikire nasindika omwiiru eddi abalumi bamuweerya ebibala bya mizabbibu gyaamwei.
|
||||
3. Nibamukwata, nibamukubba, nairayo ngalo zeere.
|
|
@ -0,0 +1,25 @@
|
|||
4. Ati nabatumira omwiru owondi, oyo nibamwatya olubbale, nibamuswaaza.
|
||||
5. Natuma owondi, oyo nibamwiitta: nabandi baingi, abamwei nga bakubakubba, abandi nga bakubaitta. 6. Yaali nga alina omwei, omwaana gweyayendyaanga, oluvanyuma nasindika jebali, nga akukoba nti bateekengemu ekitinisya omwaana waamwei.
|
||||
7. Naye abalumi baddi nibakobangana bonkai na bonkai nti oyo niye omusika, ati tumwiite, n'obusika bwaalibba bwaiswe. 8. Nibamukwaata, nibamwiita, nibamukasuka enzai walusuku lwa mizabbibu.
|
||||
9. Kale alibakola atyai omukama walusuku lwa mizabbibu? aliiza azikirize abalumi n'olusuku lwa mizabbibu aliluwa abandi. 10. Temusomaanga nakadooli ekyo nikwawandiikibwe nti eibbaale abomboki libaagaine eryo ryafuulibwe omutwe gwa nsonda:
|
||||
11. ekyo kyazwiire eddi omukama, era kya kitalo muno omumaiso gaiswe.
|
||||
12. Nibeewa amagezi okumukwaata, nibatiina ebibiina olwakubba balengeire ekyagereibwe okubbo olugeero olwo. Nibamuleka nibaaba. 13. Nibatuma jaali Abafalisaayo n'Abakerodiyaani okumutega omubigambo,
|
||||
14. awoo nibaizire, nibamukoba nti omwegesya, tukumanya we oli wamananu, ati ebigambo bya muntu yeena tobitekaku mwoyo: kubanga tosoloryaamu bantu, naye oyegesya enzira ya mukama omumananu: ate kisai okuweeranga o Kayisaali omusolo, oba tinikyo?
|
||||
15. Tuweengeyo oba tutawaangayo? Naye niyategeire obukiweiweita bwaabwe, nabakoba nti mukunkemera ki? Mundetere eddinali njibone. 16. Nibajira. Nabakoba nti ekifaanyi kiki nebiwaandiike bini bya nani? nibamukoba nti bya Kayisaali.
|
||||
17. o Yesu nakoba nti ebya Kayisaali mubiweenge o Kayisaali ne bya Nyamwanga mubiweenge oNyamwanga. 18. Awo Abasadukayo, nabakoba nti ndoowo, nibaiza gyaali nibamubuulya nebamukoba nti,
|
||||
19 Omwegesya o Musa yatuwaandiikire nti omuganda wa muntu niyafwaanga, naleka omukali waamwei, nga talekere mwaana, omuganda waamwei atwaleenge omukali waamwei naireryawo omuganda waamwei eibyaire. 20. Ati waluwo abaluganda musanju; akusooka nasweera omukali, naffwa, natalekawo ibyaire; 21. owakabiri namusweera nafa, era yeena tiyalekerewo ibyaire, n'owakasatu atyo;
|
||||
22. boona omusanju nibatalekawo ibyaire. Olvanyuma boona nga baweirewo, omukali yeena nafa.
|
||||
23. Ate nibaliyimbooka alibba muka nani? okw'abo? kubanga boona omusanju bamuswoire. 24. o Yesu nabakoba nti nikyo muzwa mwinduka olwabutamanya byawandiikiibwe nebwewakubbaire amaani ga Nyamwanga?
|
||||
25. Olwakubba nibaliyimbooka omubafu tebaaliwasa, ate tibaliwaangiirya naye bailbba nk'abamalaika ba mwiguru. 26. Naye ebya bafu okuyimbookebwa; temusomangaku kukitabu kya Musa okwiisaka, oNyamwanga niyamukobere nti nje ndi Nyamwanga wa Ibulayimu, ate oNyamwanga wa Isaaka, ate o Nyamwanga ya Yakobbo?
|
||||
27. Ti Nyamwanga wa bafu, naye wa boomi: mukyaama muno. 28. Awo omwei okubawandiiki, naiza nawuliire nga bakwebulyangana bonkai na bonkai, namanya nga abairemu kusai, namubulya nti ye tteeka ki aryasokere okwago goona?
|
||||
29. OYesu nairamu eryakereire niryo lini nti wuura Isiraeri; omukama oNyamwanga waiswe, omukama niye omwei;
|
||||
30. era yendyaanga omukama oNyamwanga waamu, n'omutima gwaamu gwoona, n'obulamu bwaamu bwoona, n'amagezi gaamu goona, n'amaani gaamu goona.
|
||||
31. eryakabiri niryo rini nti Yendyaanga omuliranwa waamu nkaniweyeendya wenkai, Ndoowo iteeka amazuma erisiinga ago obukulu. 32. Omuwandiiki namukoba nti mazuma, omwegesya obazire kusai nk'omukama omwei era ndoowo wondi wabula ye.
|
||||
33. Nokumwendya n'omutima gwoona, n'okutegeera kwoona, n'amaani goona, N'okwendya omuliranwa waamu nka niweyendya wenkai okusiinga muno ebiweebwayo byoona ebiramba ebyokyebwa nesadaaka.
|
||||
34. Awo niyabweine nga amwireemu nk'omutegeeri, namukoba nti toli alai n'obukama bwa Nyamwanga. Awo niwatabba muntu ayagereku okumubuulya tte, 35. Yesu nairamu namukoba nga akwegesya omu Yeekaalo nti abawandiiki ekikubakobesya nti o Kristo omwaana wa Dawudi?
|
||||
36. o Dawudi omwenyini yakobere omu mwoyo akweera nti omukama yakobere mukama wange nti aikara okumukono gwange ogulyo okwikya ninaalifuula abazuggu baamu entebe y'amagulu gaamu.
|
||||
37. O Dawudi yenkai amweta mukama waamwei, abba'atyai omwaana waamwei? Abamikibiina nibamuwuura n'okusemeerwa. 38. Awo omukwegesya kwamwei nakoba nti mweekuume Abawandiiki abakwendya okutambula nga bazwaire ebizwaalo ebinyamulai, n'okulamucibwa omubutale,
|
||||
39. nobwikaaro bwa mumaiso omwikumbaaniro nomubifo ebyakitiinisya omumbaga;
|
||||
40. abalya ennyubba zabanamwandu, era abasaba omuno omu bukyiweiweta; abo baliirya omusango ogukusinga obukooto. 41. Naikaara nga akwaba omibikiro, nabona ebibiina nebikunagamu effeeza omwibiikiro; baingi abaali abaguuda abanagiremu ebiingi.
|
||||
42. Awo onamwandu omwei omuseegi naiza, nanagamu ebitundu bibiri, nikyo kodulante. 43. Nayeta abegesebwa baamwei, nabakoba nti mazuma nkubakoba nti onamwandu oni omuseegi anagiremu biingi okusiinga abanagire omwibiikiro.
|
||||
44. Kubanga boona banagiremu kunsaagi; naye oyo omukwendya kwaamwei anagiremu byoona byalinawo; nibwo bwoomi bwaamwei bwoona.
|
Loading…
Reference in New Issue