19. Ni yasenbeireku omumaiso kadooli, naona o Yakobbo omwaana wa Zebbedaayo n'oyokaana omuganda waamwei, abo boonaboona baali muryato nga ba kuyuunga ebitiimba.20. Amangu ago nnabeetta: ne baleka awo oite waabwe o Zebbedaayo omuryato nga ali naabo abapakasi nibamuseengeerya. 21. Ne baingira e Kaperunawumu, amangu ago okulunaku lwa ssabbiiti naingira omwikumbaniiro nayegesya. 22. Nebawuninkiira olwa kwegesya kaamwei; kubba yabegeserye nga niye akukuura, naye tinkomuwandiiki.23. Amangu ago omwikumbaaniro ryabwe mwalimu omuntu eyaluuku o dayimooni omubbi, n'akuunga. 24. nga akukoba nti akutujjunaana ki, yesu owa Nazaalesesi? Oizire okutuzikiirya? nkkumanya we, we oli mwikiiri wa Nyamwanga. 25. O Yesu n'amubwoigoora nga akumukoba nti bumbbaku, muzweeku. 26. o Dayimooni namwonola n'akuunga eirakka erikooto namuzwaku.27. Nibawuninkiira boona, nibabuulyangana nga bakukoba nti kiki kini? Okwegesya kuppya! abazza n'obuyiinza odayimooni namuwura. 28. Amangu ago eirakka lyamwei neriwuurwa e byaalo byoona ebiggereire e Ggaliraaya. 29. Amangu ago nibawulukire omu kumbaaniiro nibaaba n'oyakobbo n'oyokaana omunyumba ya SSimooni, n'Andereya. 30. Awo omawamwei omukali wa Simooni yaali nga agalamiriire nga alwaire omusujja, amangu ago ne bamukobera gyaali, 31. naiza n'amukwata okumukono n'amwimula, omusujja neggumuwaako, n'abawereza. 32. Awo olwaigolo, eisana nga ligwiire, nebamuletera abalwaire boona, naabo abaluku o dayimooni. 33. N'ekibugga kyoona nekikumbaanira oku wakaanki. 34. Nawonia baingi abaali balina endwaire eziingi, napekka ezidayimooni baingi natabaikiriza kubazza kubba bamumaite.35. Awo omukibbambya omuno, nga bukyakwaite, naimuka nayaba omwirungu, n'asabira eyo. 36. O Simooni naabo beyaali nabo nibamusengeerya.37. Ne bamubona nibamukuba nti bonna bakutoolya.38. Nakoba nti twabe ewandi omubibugga ebiri ampii mbuliire ne'eyo, kubba ekyo nikyo kyinaiziriire. 39. Nayingira omu makumbaaniro gaabwe omu Ggaliraaya woona, nga akubuulira ng'akupekka ezidayimooni.40. Omugongobali naiza gyaali, nga akumwegayiira nga akumufukamiira nga akumukoba nti "niwaabba nga okwendya, okusobola okunsayiirya" 41. Namusasira, nagolola omukono gwaamwei n'amukwataku namukoba nti nkwendya; longooka.42. Amangu ago ebigenge byaamwei nibimuzwaku nawona.43. N'amukuutira munno amangu ago n'amusindika.44. Namukoba nti bonna tokobera muntu; yaba werange eddi oisabakabonna, oweeyo olwa kuwona kwaamu kwe yalagiire okubba omujjuurwa gye bali.45. Yeena n'awuluka, nasooka okukyikobera munno n'okweruguurya ekigambo natayinza o yesu okwingira omukibugga mulwaatu, yeena yaali nzzai mu maruungu, ne baiza gyali nga bakuzwa woona woona.
19. Ni yasenbeireku omumaiso kadooli, naona o Yakobbo omwaana wa Zebbedaayo n'oyokaana omuganda waamwei, abo boonaboona baali muryato nga ba kuyuunga ebitiimba.20. Amangu ago nnabeetta: ne baleka awo oite waabwe o Zebbedaayo omuryato nga ali naabo abapakasi nibamuseengeerya.
23. Amangu ago omwikumbaaniro ryabwe mwalimu omuntu eyaluuku o dayimooni omubbi, n'akuunga. 24. nga akukoba nti akutujjunaana ki, yesu owa Nazaalesesi? Oizire okutuzikiirya? nkkumanya we, we oli mwikiiri wa Nyamwanga. 25. O Yesu n'amubwoigoora nga akumukoba nti bumbbaku, muzweeku. 26. o Dayimooni namwonola n'akuunga eirakka erikooto namuzwaku.