See in Reader
33 lines
5.5 KiB
Plaintext
33 lines
5.5 KiB
Plaintext
|
22. Awo nibaali nga bakulya, nafuna omugaati, awo niyamaare okwebalya nagumenyamu, nabawa, nakoba nti Mukwaate; guno nigwo mubiri gwange.
|
|||
|
|
23. Nakwaata ekikoompe, awoo niyamaare okwebalya nabawa; nibakinywaaku boona.
|
|||
|
|
24. Nabakoba nti guni nigwo omusaayi gwange ogwa ndagaano, ogukuseenseka okulwa baingi.
|
|||
|
|
25. Mazima nkubakoba nti tinaalinywa te kubibala bya mizabbibi, okwikya okulunaku luddi lwendigunywa oguyaaka omubukama bwa Nyamwanga. 26. Awo nibamaare okwemba olwembo, nibawuluka inbaaba okulusozi lwa Zeyituuni.
|
|||
|
|
27. Awo o Yesu nabakoba nti mukwakwesiittala nyweena: kubanga kyawandiikibwe nti Nalikubba omuliisya, n/entaama zaalisaasaana. 28. Naye ninalimala omuwumbuukibwa, nalibebeembera okwaaba omu Ggaliraaya.
|
|||
|
|
29. Naye oPetero namukoba nti nebwekyabba nti boona bakwaba kwesittala, naye tininje. 30. O Yesu namukoba nti Mazuma nkukoba nti we eleero, obwiire buni, onkoko yaabba nakyaali kukooka emirundi ebiri, okwa kuneegaana emirubi esatu.
|
|||
|
|
31. Naye nayongera okubazza nti nebwekyabba nga kyikusaana okufweera amwei naawe, tinakweegaane nakadooli. Era boona nibakoba batyo. 32. Awo nibaiza omukifo eibara lyaakyo Gesusemane: nakoba abegesebwa baamwei nti mwikaare anni mmale okusaba.
|
|||
|
|
33. Natwaala o Peetero, no Yakobbo, no Yokaana naye, natandika okwewunaikya n'okutuntura omuno.
|
|||
|
|
34. Nakoba nti omwoyo gwange guluku enaku jiingi, ekwakunyitta; mube ani mubonie. 35. Natambulaku kadooli nafukamira nasaba, oba nga kikusoboka ekiseera kimwakaleku.
|
|||
|
|
36. nakoba nti Aba, taata, byoona bikusoboka gyooli; nyiyaku ekikoompe kini; naye tinkaanje nekwendya naye we nka nokwendya. 37. Awo naiza, nabasanga nga babbasirye, nakoba o Peetero, nti Simooni obbasirye? nabbaire namaani gakubonia na saawa emwei etii?
|
|||
|
|
38. Mubonie, musaba, muleke okwingira mukukemebwa: omwoyo gwo gukweendya naye omubiri gwo gunaki.
|
|||
|
|
39. Nairayo te, nasaba, nabaza ebigambo bimwei nabiddi. 40. Nairate, nabasanga nga babbasirye, kubanga amaiso gaabwe gaali gakulemeera muno: tibamaite nka nibamwiiramu.
|
|||
|
|
41. Naiza omulundi ogwakasatu, nabakoba nti mubbasirye kimwei ati muwumule: kyamala; ekiseera kyikire; bona, omwaana wa muntu akuwebwaayo omumikono gy'abalina ebibbi.
|
|||
|
|
42. Mwimuke, twabe, bona, akundyamu olukwe alampi okwiika. 43. Awo amangu ago, niyaali nga akyabazza, o Yuda, omwei okwikumi nababiri, naiza n'ekibiina amwei naye abaalina ebuso amwei n'emiigo, nga bakuzwa eddi abakabona abakulu, nabawandiiki n'abakaire.
|
|||
|
|
44. Era oyo ayamuliiremu olukwe yaali nabawaire akamanyisyo nti Gwenanywegera, nga niye oyo; mumukwaate, mumutwale nga mumugumirye.
|
|||
|
|
45. Awo niyaikire, amangu ago naiza jaali nakoba nti Labi; namunywegera muno.
|
|||
|
|
46. Nebamutekaku emikono gyaabwe, nibamukwaata. 47. Naye omwei ku abo abaali bemeereire awo nayayo ekiso, natema omwiru wakabona okusiinga obukulu namusalaku okutwi.
|
|||
|
|
48. Awo o Yesu nairamu nabakoba nti munyiziire nka nimwiziira omwibbi; n'ebisso, n'emiigo okunkwaata?
|
|||
|
|
49. Buliizo naabbaanga nanywe omu Yeekaalo nga nkwegesya, kamuttakwaite: naye kyini kikoleibwe ebyawaandiikibwe biikiire.
|
|||
|
|
50 Awo boona nibamuzwaku nibairuka. 51. Awo omwojo omutto namuseengeerya, ayaali yeswekereirye olugoye olwa Kitaani lwonkai okumubiri: nibamukwaata;
|
|||
|
|
52. naye nabalekera olugoye lwa Kitiini ,nairuka bwerere. 53. Awo nibatwala o Yesu eddi okabona akusiinga obukulu: naibamukuumbaniraku abakabona abakulu boona n'abakaire n'abawandiiki.
|
|||
|
|
54. Awo o Pteteero namusengeererya alai, okwika omuluboga lwa kabona akusiinga obukulu; yaali naikaliire na beereza nga akwotta omuuro. 55. Awo abakabona abakulu n'abamulukiiko boona nibatolererya oYesu abajuurwa abakumwitisya naye nibatabona;
|
|||
|
|
56. kubanga abamuwamgiriirye ebyabubeyegi baingi, ate n'okuwangiirya kwaabwe tikwaali kumwei. 57. Awo abamwei nibaika nibamuwanggirya, nga bakukoba nti;
|
|||
|
|
58. swe twamuwuliire nga akukoba nti nje nalimenya e Yeekaalo eni eyakoleibwe nemikono, n'omunaku isatu nalyomboka egiindi etaalikolebwa namikono.
|
|||
|
|
59. ate n'okuwangiirya kwabwe okwo tikwwaali kumwei. 60. Awo okabona akusinga obukulu ayemeera akati, nabuulya o Yesu, nga akukoba nti We tokwanukula nakadooli? kiki kyebakulumiirya bani?
|
|||
|
|
61. Naye nasirikambe, natairamu nakadooli. Era okabona akusiinga obukulu namukoba nti We Kristo, omwaana woyo aya weirwe omukisa?
|
|||
|
|
62. o Yesu namukoba Ninji oni; namwe mulibona omwana wa muntu nga aikaire okumukono ogwa ddyo ogwamaani nga akwiiza n'ebiiguru byaiguru. 63. Awo okabona akusiinga obukulu nayonola ebizwaalo byamwei, nakoba nti tukwenderyaki abajuurwa?
|
|||
|
|
64. Muwuliire obuvvoozi bwamwei: mukulowooza mutyai? boona nibamusaara omusango nga asaine kuffa.
|
|||
|
|
65. Awo abamwei nibatandika omucweera ebicwantai, n'okumusweeka omumaiso, nokumukubba ebikoonde, n'okumukoba lagula: abeereza nibamutwa nga bakumukubba emppi. 66. Awo o Peteero niyaali ansi omulubuga, omwei okubakali bakabona okusiinga obukulu naiza;
|
|||
|
|
67. Awo niyabweine o Peteero nga akwoota omuuro, namuloleera, nakoba nti Naawe waali n'omunazaalesi, o Yesu.
|
|||
|
|
68. Naye ye niyeegaana nga akukoba nti timaite, ate tenkumanya kyokubazaku: nayaba enzai omu kusasi; onkoko nakooka. 69. Awo omukali namubona, natandika te okubakoba abaali nibeemeereire awo nti oni yeena waabwe.
|
|||
|
|
70. Naye niyeegaana era. Awo niwayakairewo ekiseera kidooli, abaali nibeemereire awo nibakoba o Peteero era nti Mazuma oli waawabwe kubanga oli muGgaliraaya. 71. Naye natandika okuceena n'okulayira nti Temumaite omuntu oni gwe mukubazaku.
|
|||
|
|
72. Amanga ago onkoko nakooka omulundi ogwa kabiri. Awo o Peteero naizukira ekigambo o Yesu kyeyamukobere nti Onkoko yaabba nga akyali kukooka emirundi ebiri, okwakunegaana emirundi esatu. Kale niyalowoize nakuunga amaliga.
|