auto save

08/01.txt

@@ -0,0 +1 @@
+1 Yesu nayaaba okulussozzi olwa Zeituni. 2 nakeera emambya naizza mu Yekaalu,abaantu bonnai nebaizza jjaali naikaara,neyegesya.3 abawandiiki na Abafalisaayo nebaleta omukali gwebakwaitiire omubwenzzi.nebaamuteka akaati waabwe. 

08/04.txt

@@ -0,0 +1,4 @@
+4 nebamukoba ati omwegesya,omukali onni bamukwaite mubwenzzi rubbona. 5 Naaye omumatekka Musa yatulagiire okubaanga amabaale abakolanga batyo;ati wee okubazza otyai? 6 Babazzire bati nga bakumukema, babeku ekigaambo kyebakumuloopa.naaye O'Yesu nakuttama anssi nawandiika ne'gaalo yamwei . 7 Naaye bwebayongeire kumubuulyeye niyegoloire nabakoba atti omunnye ata sisaangaku niiye asooke okumukubba eibaale. 8 nakutama naatte nawandiika ne ngaalo yamwei kuitakaali. 9 Naabo bwe bawuulire ne bawuuluka enzzai mpolampola,abakaire okuikya kubenkomeero;O'Yesu yasigairewo yenkai nomukali ayaali akaati. 10 O'Yesu niyegoola nabuulya omukali bairai?ndoowo alamwiire okusiinga? 11 Naaye nakoba ntti ndoowo muuntu,mukkama waange.O'Yesu namukoba nti njjena tinkulaamula okukussinga:yaaba:okusoka olwaleero toiraangamu kusiisa lwakabiri. 12 Awoo O'Yesu nabazza ogwakabiiri,nakoba ati niinjje Issana lya nssi:ayakaala nanjje tatambuura mu kirikiirya,naaye yabanga neissana lya bwoomi. 13 Awoo Abafalisaayo nebamukoba nti okwetegezza wenkai:okutegezza kwaamu tekwamazzima.14 O'Yesu nairaamu nakoba ati niwankubaire ngankweteegeza njjenkai,okuteegezza kwaange kwamazzima:maite jjenazzwiire,newankubaire jjenkwabba, 15 nnywe mukulamula omusaango nga omubiiri bwe guisana:njje tinkulamula musaango gwa muuntu.
+16 naaye niiwankubaire nga niinjje akusaala omusaango,okulamula kwaange kwa mazzima:kubanga njje tiindi omwei,naaye no'Itewaange eyantumiire. 17 Era nomumateka ganywe kyawandikiibwe nti okutegezza okwa abaantu ababiiri kwamazzima. 18 Njje nkwetegezza njjenkai,noItewaange eyantumiire okuntegezza ebyaange. 19 Awoo nebamubuldya oItewaamwe jjaaba?Yesu nabairaamu nti njjetemumaitte.newankubaire oItewaange.singa mumaitte njje neItewaange mwankubaire mukumumanya. 20 Ebigaambo ebbyo yabibazzire nga ali mukibiikiro,weyaali nga akuingiira mu Yekaalu:ndoowo yamukwaite,kubanga obwiire bwaali bukyaali kwiika. 21 Awoo nakoba atti nkwaaba,nywenna mulintoolerya,nemwaffera omukiibi byannywe:njje jjenkwaaba,nywe temusoboola kuizzayo.22 Awoo Abayudaaya nebamukoba nti aneitta,kubanga akukoba nti njje njjenna nkwaabayo? 23 nakoba nti nywe mulibanssi njje waIguuru nywe mulibamunsi munni :njje tindi wa muunsi enni. 24 kyenkuizza okubakoba nti mukwiizza kuffera mu bibbi byannywe.kubanga nywe wemutaikiriizze nga niinjje onni,mwaffera mu bibbi byannywe. 25 Awoo nebamubuulya niiwe nnani?O'Yesu nabairaamu nti nke bwenabakobeire okuntandiikwa. 26 ntanabiingi obwokubabazzaku nokubasaara omusaango:naaye oddi eyantumiire niiye mazzima:njjenna bwenawuulire jjaali nibbyo nkobere enssi. 27 tebategeire nga mbakobeira ku Itewaaiswe. 28 Awoo Yesu nakoba atii ngamumaare okwaniika omwaana owamuuntu nemulyooka nemwetejja nti Niinjje,nga njje ndoowo kyenkukola kubwange,naaye O'Itewaange bwe yanjjegeserye nimwo nkubazza ntyo. 29 noodi eyantumiire yeena'ali naanjje,Oitewaange tandekangaku kubanga nkoola buliizzo bya okusiima. 30 Bwe yabazzire ebigaambo ebbyo abaantu baingi nebamuikirizza, 31 Awoo Yesu nakoba Abayudaaya abaali bamuikirizze ntii bwemwaguma mu kigaambo kyaange nga mufukire abegesya baange ddala: 32 era mulyetejja amazzima,namazzima gakubafuula abadeembe. 33 Nebamuiraamu nti eswei tuuli beeka ba Ibulayimu nga tetufuugibwangaku muuntu yeena:obazza otya wee nti tukwiizza kubba bamireembe. 34 Yesu nabairamu ntii mazzima nkubakoba nti buuli muntu yeena akoola ebibbi,niiye mwiiru wa kibbi. 35 Omwiiru tabamunyubba yamireembe namireembe. 36 Aale omwaana nga amaare okubainduura okubba nimireembe,mukwiizza kubba bamireembe ddaala. 37 Mmaitte nga muuli beeka eya Ibulayimu mukusaala amageezzi okunyiitta, kubanga ekigaambo kyaange tekyaatirye munnywe .
+38 njje nkubazza byenabwoinne eddi Owaitewaange. 39 Nebeiraamu nebamukoba Ibulayimu niiye Oitewaiswe. 40 Naaye mukusaala amageezzi okunyiitta omuuntu akubakobeera ebyamazzima,bwenawuulire eddi O'Nnyamwanga:Ibulayimu teyakoore atyo.41 nywe mukoola emiriimo jjo Oitewaanywe,nebamukoba nti swee tetuuli baana bapaati:tuuta nO'itewaiswe omwei,niiye O'Nnyamuwanga. 42 O'Yesu nakoba atti siinga o Nnyamwanga yaali Itewaanywe,  mwandinyeenderye nywe:kubaanga nazwiire eddi O'Nnyamwanga,nenyiizza,era tinaire kulwaange njjenkai naaye niiyo oyo eyantumiire. 43 kiiki ekibalemeseerye okwetejja embazzo yaange?nokuwuura ekigaambo kyaange. 44 nnywe mulibaana baitewaanywwe setaani.era mukweendya okola okwegoomba kwa itewaanywe.oyo okuzzwa okuntandiikwa kwa nssi,era,tewanyeire mumaziima,kubanga amaziima tegaali muniiye.niiye akubaaza obubeyeggi,abazza ebikuzzwa muniiye:mubeeyeggi era itewababeyeggi. 45 Naaye kubanga nkubazza maziima temukunyikiriza.46 naani okuunywe akundumiirya ekibbi?nywe newenkubazza amaziima kiiki akikubagaana okwikirizza? 47 OwaNnyamwanga awuura ebigaambo bya Nnyamwanga:nywee kyemukuzwa mukulemwa okuura,kubanga temuuli ba Nnyamwanga. 48 Abayudaaya nebamuiraamu nebamukoba nti tetukubaza kussai iswe nti wee oli muSamaliya,era olikku miziimu? 49 Yesu nairaamu ntii tindina mizzimu:naaye njje nkutaamu Itewaange ekitiniisya. 50 naaye njje tinkutoolerya Oitewaange:waliiyo akutoolerya akusaala omusaango. 51 Ddadala nkubakoba nti omuuntu niiyakwatta ekigaambo kyaange takwizza kubonna kuffa. 52 Abayudaaya nebamukoba nti twetejjerye nti oliiku mizzimu.Ibulayimu yaffire no mulaangi naaye okukoba nti omuuntu bwakwatta ekigaambo kyaamu taliboona kuffa.53 niiwe mukulu okusiinga jjejjawaiswe eyaffiire?ne balaangi nebaffa:weyetta naani? 54 O'Yesu nairaamu nti siinga nkwegulumizza njjenkai,okweguulumira kwaange kubba kwabwerere:aliina okungulumiizza oItewaange:nywe gwe mukubazzaku nti niiye Itewaanywe: 55 wabula temukumutegeera:naaye njje mumaitte:bwenakoba nti timumaitte,nkwabba kwisaana nkaanywe:mubeyeggi:naaye mumaite ,era nkwatta ekigaambo kyawmei.56 Ibulayimu ozizza wanywe yasemererye okubonna olunakku lwaange:nalubaala nasemeerwa. 57 Awoo Abayudaaya nebamukoba ntiokyaali kuikya emwaaka ikuumi na itaanu,naaye Ibulayimu wamubwoine?
+58 Yesu nabairaamu ati Ibulayimu nga akyaali kubyaalibwa nanjje naliiwo. 59 Awoo nebakwaatta amabaale okumukubba naaye Yesu nabekwekaku,nawuluka.