\v 1 Bihain dispela ensel i soim mi wara bilong laip, em i klin olsem skai. Em i ran i kam aut long sia King bilong God na bilong Pikinini Sipsip bilong em, \v 2 i go namel long dispela bikpela taun. Long tupela sait bilong dispela wara i gat diwai bilong laip, na dispela diwai i save karim 12-pela kain kaikai bilong em, na i save karim kaikai long olgeta mun. Lip bilong dispela diwai bai i mekim orait olgeta manmeri bilong olgeta hap ples.