Wed Jun 21 2017 15:42:31 GMT+0100 (W. Central Africa Standard Time)
This commit is contained in:
commit
267e1999ca
|
@ -0,0 +1 @@
|
|||
\v 1Kakkadi labarr kadugum kǝ Yeso wǝn Dauda, wǝn Ibrrahim. \v 2 Ibrrahim wǝn afǝk Ishaku, ishaku afǝk Yakubu, Yakubu afǝk Yahuda na yaganaucing ǝri. \ v 3 Yahuda afǝk Perresa na Zerra kutli Tamarr, Perresa afǝk Hesrruna, Hesrruna afǝkArram.
|
|
@ -0,0 +1 @@
|
|||
\v 4Arram aci ne Afǝk Aminadab, Aminadab ke afǝkNashon, Nashon afǝk Salmon.\v 5 Salmon aci ne afǝk Boaz wǝn Rahab, Boaz ke afǝk Obed wǝn Rrutu, Obed afǝk Jesi.\v 6 Jesi aci afǝk dǝgǝm Dauda, Dauda ke afǝk Sulemanu, mi 'yawacin ama Urriya,
|
|
@ -0,0 +1 @@
|
|||
\v 7Sulemanu aci ne afǝk Rohoboam afǝk ke Afǝk Abija, Abija afǝk Asa. \v 8 Asa afǝk Yehoshafat, Yehoshafat afǝk Jorram, Jorram afǝk Azarriya.
|
|
@ -0,0 +1 @@
|
|||
\v 9 Azarriya aci ne 'yawu Yotan, Yotan afǝkAhaz, Ahaz ke 'yawu Hezikaya.\v 10 Hezikaya afǝk Manassa, Manassa afǝk Amon, Amon aci afǝk Yosiya. \v 11 Yosiya afǝk Yekoniya na yaganaucingǝri, lakwtu mi nda ngwakshi i nye lardi Babila.
|
|
@ -0,0 +1 @@
|
|||
\v 12Daku ngwakshi i nye Babila Yekoniya da 'yawi Sheyaltiyel, Sheyaltiyel aci ne 'yawu Zarrubabel. \v 13 Zarrubabel afǝk Abihudu,, Abihudu afǝk Eliyakim, Eliyakim 'yawu Azurru. \v 14 Azurru aci afǝk Sadiku,Sadiku da 'yawi Akimu, Akimu da 'yawi Aliyudu.
|
|
@ -0,0 +1 @@
|
|||
\v 15Aliyudu afǝk Elezar, Elezar afǝk Matana, se Matana da 'yawi Yakubu. \v 16 Yakubu aci afǝk Isǝbu, Isǝbu mǝsǝk Marryamu warra 'yawu Yeso mi nda ɗaurau Masihu.\v 17 Da lakwtu Ibrahim harr i nye kǝ Dauda nda dlam kadugumamin guma ayawu fuɗu, da lakwtu Dauda harr i nye lakwatu warra nda ngwakshi nye Babila kadugumamin guma ayawau fuɗu, zam da lakwtu warra nda ngwakshi i nye Babila harr lakwtu Masihu; kadugumamin guma ayau fuɗu.
|
|
@ -0,0 +1 @@
|
|||
\v 18 Ɗi Yeso wakatu kasutǝku; Lakwtu Isǝbu a ɗǝga maryamu mi 'yawu Yeso i patla, amman nda de nati sugara bai, se nda duguratu na madau, dari Nǝnwa Sǝku. \v 19 Baci ɗǝga garau, Isǝbu, nǝn ne baci adalta, amman aci acu da zhirwatu i patata bai. Se aci da maki daivi na ɗǝga zǝbau da dǝɓsa.
|
|
@ -0,0 +1 @@
|
|||
\v 20Aci akun darrurra i ɗak biwu tǝnu, se maleika Sǝku da pakeci, i kun sǝwan, da ram ma; "Isǝbu wǝn Dauda, ka kalwa zǝba Marryamu amaci bai. Gaɗa madu kunu garau, bau dari Nǝnwa Sǝku. \v 21 Atu aye ɗi mayim, ka ɗauri dlugunGǝri Yeso, gaɗa aci aye ra ndaGǝrI da kun aipapinshi."
|
|
@ -0,0 +1 @@
|
|||
\v 22Bitku wakatu mak gaɗa niya bee mi Kakasǝku ramu, da miya nabaucin ma, \v 23 "Aikina; dabaku mi zǝga gǝmsǝk bai, aye bi madau, da 'yawi mayim , nda ɗauri dlugunGǝri Immanuwel"", wato atune, "Kakasku a wita wa".
|
|
@ -0,0 +1 @@
|
|||
\v 24 Isǝbu da gǝrradi da yiwan gǝru, da dlam bee warra maleika Mǝgǝnyi ramicigu, da mi na Maryamu i mbasu amagǝri.\v 25 Dǝk na kasǝn, Isǝbu wǝnu na atu bai , se aku atu 'yawu mayim gǝmsǝk. Dan da barici dlugun Yeso.
|
|
@ -0,0 +1 @@
|
|||
\v 1 Lakwtu mi nda 'yawu Yeso i Baitalami kǝ lardi Yahudiya, i zaman dǝgǝm Hirridus, ndak zǝgaya da caɗ da nai i Urrushalima da ramma, \v 2 "A rawan Acu, warra nda 'yawu, dǝgǝm yahudaucin? Ja ika gǝshauGǝri i caɗ, ja deu gaɗa ja dlmici nakwana." \v 3 Hirrudus dǝgǝm kǝma kasǝn tǝnu, se hankalgǝri da tlingara, na kǝ ndak Urrushalima mak.
|
|
@ -0,0 +1 @@
|
|||
\v 4Hirridus da cacpai marǝmamin pǝrristaucin, na nda tarran ndiwa mak, da jayakshi ma, " I rawan ndaye ɗi Masihu?"\v 5 Akshi da ramici ma, ' I Baitialami kǝ larrdi Yahudiya,gaɗa nabi gu tarrnu kasau,\v 6 " Kǝm rro, Baitalami kǝ larrdi Yahudiya, ko rap kǝm ga-mbotak bai, i kun marǝmamin ndak yahudiya, gaɗa baci garva aye vǝrayi da kuna kǝm, warra aye dlaɓa makwatak ndaga Isrraila."'
|
|
@ -0,0 +1 @@
|
|||
\v 7Se Hirridus da ɗaure ndak zǝgayau i kun dǝɓǝs, da jayakshi i ɗa kalkal lakwtu mi gǝshaugu pakeu.\v 8 Da wanyakshi baitalami, ma, "Ada kwa bǝɗiyi (maki) na ankal, ri warra mayingu a kunu. Kwa beu na acin, kwa baraa labarrgu, gaɗa iyu ke nayi na dlamau nakwana."
|
|
@ -0,0 +1 @@
|
|||
\v 9 Aku kǝmu rama dǝgǝmgu, se akshi da jǝb rakanshi, gǝshau warra akshi ike caɗ gu; da jǝb rakan i kǝmakshi, harr da nai darr'yi cǝk i dǝsku ri warra mayingu a kunu.\v 10 Akshi ikau gǝshaugu tǝnu, se akshi da dlam kuno na pǝrrɗai tlaparr.
|
|
@ -0,0 +1 @@
|
|||
\v 11Akshi da tǝfi wǝnduwau daiki mayimgu na Marryamu miGǝri. Akshi da gutki, da dlami Ci nakwana. Da rǝpci lalitarrshi da dlamiCi bari kǝ dinarr, na lubban, na murr. \v 12 Kakasku da gabɗakshi i kun suwan ma da kata i ri Hirridus bai, se akshi daivi na riwu i nye dɗakshi da dǝvu dama.
|
|
@ -0,0 +1 @@
|
|||
\v 13Da aku akshi bǝzu rǝwu, se maleika Sǝku da rami Isǝbu i kun suwan ma, "Atlu, ka mi na mayingu na miwu, ka rawi naci larrdi Masarr. A dlaɓi riwu, se na dlamici rama. Gaɗa Hirridus aye bǝɗiya(maka) mayingu da tǝkI na aci." \v 14 I kun dǝviɗgu, Isǝbu da tli da mi kulaɓu na miwu da rawi nakshi kun Masarr.\v 15 Da dlaɓǝngǝri riwu harr lakwtu bakota Hirridus. Su tǝku niyu na bee warra Mǝgǝnyi ramu da miya nabaucin ma, " Da kun Masarr na ɗaure Wǝngana."i
|
|
@ -0,0 +1 @@
|
|||
\v 16 Hirridus ikau ndak zǝgayau ngǝrrǝntu na aci tǝnu, se da tlawurcingǝri tlaparr, da wanyi nda rəbina mamau gamsak warra a kun Baitalami, harr na warra akun lardu mak; warra amanshi shirin harr na mi mbotu na aman shirin ngun, tin da lakwtu mi aci zəga jirre biyu da miya ndak zəgayau.
|
|
@ -0,0 +1 @@
|
|||
\v 17 I lakwtu ne rama mi Nabi Irrmiya ramu wakatu. \v 18 Ma "Nda kəma wura ɗagai i Rrama, a ɗanau i kun dlimatu gəshi tlaparr, a aɗan nin Rahila gaɗa kutli gara, atu ke kuru na kəmu (gənyi) bari miya(kanadi/jiba amai), gaɗa akshu nabai.
|
|
@ -0,0 +1 @@
|
|||
\v 19 Lakwtu mi Hirridus bakotingəri tənu, se maleika Məgənyi da pake Isubu, i Masarr i kun suwan, da ramma, \v 20 " Atlu ka mi mayingu na miwu, kayi naci lardi Isirraila, gaɗa ndak maka arro mayingu mutunakshi." \v 21 Isubu da tli, da mi mayingu na miwu, da nai i larrdi Isirraila.
|
|
@ -0,0 +1 @@
|
|||
\v 22 Amman aci kəmau ma Arkilayus mau na gado afəkgəri Hirridus, a garva larrdi Yahudiya tənu, se da kəmi na kalau zaji rəwu. \v 23 Amman Kakasəku dlamici gabaɗ i kun suwan tənu se da gwapəngǝri da yingəri i larrdi Galili, da yi da mbashingəri i marəm ɗa ɗagai mi nda ɗaurau ma Nazarrat. Gaɗa watata bee mi nabaucin ramu, ma, "Ndaye ɗauraGəri nən Nazarrat."
|
|
@ -0,0 +1 @@
|
|||
\v 1 I kun yuwananingu ne Yahaha baci baptisma deu, a wazək i pata yahudaucin, a ramau ma, \v 2 "A dlma tubi, gaɗa garva Səku dengara damtau." \v 3 Sutku ne rama warra nabi Ishaya dlamu, maya, "Wura ɗagai baci raura a pata, a ramau ma 'a dlamina sapərra dəvu Məgənyi, kwa ɗimi dəvuGəri tərr.'"
|
|
@ -0,0 +1 @@
|
|||
\v 4 Yahai taɗu kacum kə yaɗ dləgəmau, na bik tawas akau kə rəvək i aku gəri, ta gəri nin angwam na zhabuwa pata. \v 5 Se ndak Urrushalima na kə Yahudiya, na kǝ lardadin baka miya anku Urrdun mak, da jəb vərayi i rigəri. \v 6 Da dlamikshi baptisma i kun anku Urrdun, i lakwtu mi aksha dlama tubi da aipapinshi.
|
|
@ -0,0 +1 @@
|
|||
\v 7 Amman aci ika parisaucin na sadukiyaucin gawa ani ri gəri gaɗa nda dlamikshi baptisma tin, se da ramikshi ma, "Kun ngədima mbəkɗaɗin ndak sərka, gabɗu kun nintai kwa rawi da miya shitan mi aye ni ? \v 8 A dlamina ɗi mi a tatka iman kun. \v 9 Kun kuwa, kwa jəba mau bai i gəshakun ma, ' Ibrrahim ne afəkja.' Gaɗa kasən na rame kun, Kakasəku na kərrmai kə tlatli kutlai i Ibrrahim da kun guguyayin təku.
|
|
@ -0,0 +1 @@
|
|||
\v 10 Nda npa na gawa i t ka aru wakakin srram. To, wanka tawanke warra baru ɗi bəlam bai nin, nda karma du, nda vərkədu i kun aka. \v 11 Na dlami kun baptisma na aam i nye tubi, amman baci ni da ku ga ɗəka na iyu i kǝrmai, mi ko sono Gəri ngun na bata bai na lənci. Aci ne aye dlame kun baptisma na Nənwa Səku, zam na aka. \v 12 Bi tlarya Geri a ami Geri, ke ɓəra rafiwa da kun alkama, a kasa na ri ɗəkau sarai, da bəri na alkamau da pi du i gadlaiGəri. Amman a baka na rafiwau na aka warra nda dumu tək gu bai."
|
|
@ -0,0 +1 @@
|
|||
\v 13 Se Yeso da nai da larrdi Galili, da yi anku Urrdun i ri Yahai gaɗa da dlamici baptisma. \v 14 Amman Yahai ntutu da dapci na aci, da ramma; "Iyu mi na makau ka dlama nai baptisma nin Ci ?" \v 15 Yeso da ngumi, da ramici ma, "Abzhi da dlaɓi kasənu gusku, gaɗa kalkal i wa, rama adalta mak da niyi." Se Yahai da kasakci dlameci baptisma.
|
|
@ -0,0 +1 @@
|
|||
\v 16 Aku nda dlamdici baptismau, Yeso da vəre kərrat da kun aamgu, se dəsku da rəpci ci,. Daiki Nənwa Səku a fuwayi ka tataru, da fuwai i ɗaGəri. \v17 Se so adərr wura, vəre da dəsku a ramau ma, "Sutku ne wən ntuganai, gəshi ga parrak na aci."
|
|
@ -0,0 +1 @@
|
|||
\v 1 \v 3 \v 4 \v Se Nənwa Səku da yi na Yeso i kun pata, gaɗa ləspərr da kaktlaCi.\v 2 Lakwtu mi aci dlam aasham kə nawa gumu fudu na yiwan gumu fudu tenu , aci da kemi na maya. \v 3 Se baci kaktlau da nai da ramici ma, "Ci wən Kakasəku nin, a misci na guguyayin təku i burrodi." \v 4 Amman Yeso da ngumi da rami ci ma, "Da tarrna, 'Nən da dlama katu na burrodi rrugara bai, amman na təlam tawanke mi a vərayi da miya Səku.'"
|
|
@ -0,0 +1 @@
|
|||
\v 5 Se ləspərrgu da maaci, da yi naci kun marəm ɗa mi go-aipu tənu, darr'yi na aci, i ri warra rəmadi pəɗəm, i ɗak ləma wənduwa Səku, \v 6 da rami ci ma, "Ci wən Səku nin, a zədapen ba, gaɗa da tarrna ma, 'Aci aye ɗawa maleikaucin gəri da ankalci ci' zam, 'Akshi a wuta na ci na aikwakshi da dəsku, gaɗa kak-kəma zəgərci bai, i təka guguyak.''"
|
|
@ -0,0 +1 @@
|
|||
\v 7 Yeso da ramici ma, "Cam da tarrna wam," ma, "Ka kaktla Məgenyi, Kakaskwaci bai' \v 8 Zam ləspərrgu dayi na aci i dəsku guguyak pədəm, da tatkici garvavin duniya na saksaktakshi mak. \v 9 Da ramici ma, "Bayangu təku mak, na baridici, ka gutki ɗa ka dlama nakwana nin"
|
|
@ -0,0 +1 @@
|
|||
\v 10 Se Yeso da ramici ma,"Ajinaci da sau , shetan! Aturro, da tarna," ma, "Ka dlama nakwana se i Məgənyi. Kakasəkwaci, ka dlama guzapəna i aci rrugəri".\v 11 Se ləspərrgu daivi na aci, se so maleikaucin da nai da tambaci/da dlamici wana('hidima')
|
|
@ -0,0 +1 @@
|
|||
\v 12 To, Yeso kəmau ma nda jəbu na Yahai tənu, se da yingəri i nye Galili. \v 13 Daivi na Nazarrat da yi da mbashingəri i Kaparrnahum, mi a baka Anku Galili, i ɗa akwayu lardi Zabaluna na kə Naptali.
|
|
@ -0,0 +1,5 @@
|
|||
\v 14 Sutku wakatu i niya bee mi Nabi Ishaya ramu, ma;
|
||||
\v 15"Lardi Zabaluna na Lardi Naptali,
|
||||
i miya Anku, aku gadərra Urrdun, na lardi Galili kə ndawa mi zəga Səku bai!
|
||||
\V 16 Ndawa mi mbasu i kun aiwakwina ika na marəm ɓidla,
|
||||
ndak mbasu i kun nənwa mutu a gafakara ke, ɓidla pakengara, i akshi.
|
|
@ -0,0 +1 @@
|
|||
\v 17 Ten da lakwtu, Yeso da banji wazek a ramau ma, "A dlamina tubi, garva mazgai/janna zaden gara damtau."
|
|
@ -0,0 +1 @@
|
|||
\v 18 Lakwtu aca rakəna da miya Anku Galili, se so yaganaucin shirin, Simon mi nda ɗaurau Bitrus, na yaganagəri Andurrawus, a təka ta'i ragaya i kun anku, gada akshi ndak suwa venakau.\v 19 Yeso da ramikshi ma, "Anna, a ɗəgina iyu, naye kaci(məsta) na kun; kwa dlaɓi ndak suwa ndawa." \v 20 Na sukwakuya bai, se akshi daaivi na ragayayingu da ɗegi na aci.
|
|
@ -0,0 +1 @@
|
|||
\v 21Yeso a təka rakan i riwu tənu, se daiki yaganaucin shirin dama wam, Yakubu wən Zabadi na Yahai yaganagəri. Akshi a kun sawu aam na afakshi; Zabadi, a ɗaɗam ragayakshi. Aci da daurakshi, \v 22 na sukwakuya bai, se akshi daivi na sawu aamgu, na afəkshu da ɗəgi na aci
|
|
@ -0,0 +1 @@
|
|||
\v 23 Yeso da vaiki rawanke i lardi Galili, a gugza i kun ləmamin ri cacpa yahudaucin, a wazək labar herr kə Janna, a ngata zada fərarin tawanke na dagas ke kun ndiwa. \v 24 Labargəri da zajingara i rawanke, i lardi Sirriya. Ndiwa da jəb ni dici ndawa mi ngabai mak, na ndak sa bone na təta da fəra dam-dama, na ndak zuwak, na nda mi'ir. Yeso da ngaci na akshi cacak. \v 25 Algi tlaparr da ɗəga ci da Galili, na Dikapolis, na Urrushalima, na lardi Yahudiya, harr da aku gadərra Urrdun.
|
|
@ -0,0 +1,6 @@
|
|||
\V 1Yeso ika cacpa algagin tənu, se da gayingəri ɗa guguyak. Lakwtu mi mbasəngəri tənu, pukuraucingəri da ni i rigəri. \V2 Da rəpci miyagəri a gugzekshi, a ramau ma,
|
||||
|
||||
\v 3 Barrka Səku, katanas i ndawa mi na tlatluwa i kun rraglada,
|
||||
gaɗa garva dəsku/mazgai/janna kakshi.
|
||||
\v 4 Barrka Səku, katanas i ndawa mi a ɗanau,
|
||||
gaɗa nda dlama dikshi dlawapi/jəba amai.
|
|
@ -0,0 +1,4 @@
|
|||
\v 5 Barrka Səku katanas, i ndawa warra go-rragdlaɗa, gaɗa akshi a ta na gado duniya. \v 6 Barrba Səku katanas, i ndak sa/ta maya na nda kəmu gəji adalta, gaɗa nda niya na akshi.
|
||||
\v 7 Barrka Səku katanas, i nda mugurəm, gaɗa akshi a bina kanjino.
|
||||
\v 8 Barrka Səku katanas, i nda gəshi warra go-aipu,
|
||||
gaɗa akshi a lawan na Kakasəku.
|
|
@ -0,0 +1,3 @@
|
|||
\V 9 Barrka Səku katanas, i nda nina saalam,
|
||||
gaɗa ndaye ɗaurakshi kutli Səku.
|
||||
\v 10 Barrka Səku katanas, i ndiwa mi ndaa barikshi bone(nda dlamekshi darari) gaɗa adalta, katanas garva dəsku(mazgai/janna) kakshi.
|
|
@ -0,0 +1 @@
|
|||
\v 11 Barrka Səku katanas kukun, lakwtu warra ndawa a nangakun, a dlamekun darari, ko a saanakun na bee gaɓshu tawanke, gaɗa ga. \v 12 A dlamina kuno na pərrɗai, gada akeri(tumanja) kun a dəsku. Gaɗa kasən ke ndiwa dlam darari i nabaucin warra dlaɓu kapən kun.
|
|
@ -0,0 +1 @@
|
|||
\v 13 Kun ne beeza kə duniya. Amman, beeza buku na manda kunugara nin(salamtəngara nin), nana, nda demu kaci du i beeza wam? Ngalte a dlaɓa bəlan i bee ɗagai wambai, se dai waaya, ndawa da tak'yidu na zəgər. \v 14 Kun ne wiɗa/ tlanu/bədlak duniya. Ɗa marəm mi a dək zəgawu warra a patata, a debsa bai.
|
|
@ -0,0 +1 @@
|
|||
\v 15 Ngalte ndawa a ɓədla pətəle da mpədu i dəɗa daɓərr bai, amman se i dɗak bi mpi pətəle, gaɗa da dlam ɓidla i tike warra a kunu wənduwau. \v 16 Aivina, ɓədla kun da dlam parrak i kəma ndiwa, gaɗa daiki bee bəlalmin mi kwa dlamau , da sakərrci afakun mi a dəsku.
|
|
@ -0,0 +1 @@
|
|||
\v 17 Kwa tumanta bai, ma, na deu ne gaɗa rəbga dumaya ko rama nabaucin, na deu gaɗa rebgagshi bai, amman gaɗa niyakshi. \v 18 Jire na ramekun, dəsku na ɗa a rəbgangara, amman ko ɗilok da kun təlam dumaya na rama nabaucin a nuta bai, se tawanke niyu(se tawanke wakatu)
|
|
@ -0,0 +1 @@
|
|||
\v 19 Gaɗa kasən, tike mi kətlu kogayi da kun dumayayin təku nin, ko gugzi ndawa; da ketli nin, ndaye ɗauragəri nən mi rəma di gangam i kun garva dəsku. Amman tike warra ɗəgau, zam a gugzau nin, ndaye dauragəri nən marəm i kun garva dəsku. \v 20 Gaɗa kasən, na ramekun, in adalta kun ɗəka kə malamcin dumaya na parisaucin bi nin, alambrram kwa tife garva dəsku(Janna) bai.
|
|
@ -0,0 +1 @@
|
|||
\v 21 Kwa kəma rro ma nda rami kakancinkun,ma, 'Kwa təkaa nen bai,' zam , 'Tike təku nən nin a kun ɓaana shariya.' \v 22 Amman na ramekun, nən tawanke warra a gəshi na yaganau nin, a kun ɓaana shariya. Zam tike rami yaganau ma, 'Ci nən vatku! nin,' a kun ɓaana majalis. Zam tike ramu ma, 'Ci kakaɓu nin' a kun ɓaana aka larriya.
|
|
@ -0,0 +1 @@
|
|||
\v 23 Gaɗa kasən, kwa tanu ma wita kun na yaganakun na dləmatu gəshi, lakwtu mi kwaye dlam bari i kəma baga Pərris (kaya)nin, \v 24 aivina na bee warra kwaye barugu i kema baga Perris, kwayi nakun. Sekurr a salotina na yaganau dəgo, damba kwanai kwa dlam baru.
|
|
@ -0,0 +1 @@
|
|||
\v 25 A dlamina na salo na baci nya na arakun tin i dəvu, kapən kwa zaji sharriyarram, binin, baci nyana arau a ɗawa na kun i ami liyarri, liyarru ye da bari nakun i dogari, da dawi nakun i dəlo. \v 26 Jirre na ramekun, kwa dəmu vərayi bai da senu, se kwa ngumu tamke mi nda dəga kun mak.
|
|
@ -0,0 +1 @@
|
|||
\v 27 Kwa kəmau nda ramma, 'Kwa dlama tapai bai.' \v 28 Amman na ramekun, tike mi launu ama na mangarrta nin, dlam na tapai na atu sərram i geshigeri.
|
|
@ -0,0 +1 @@
|
|||
\v 29 Daa ci kə mata a dawaci i dagamu nin, aaji na atu ka vərəkədu da rici. Gaɗa ngalko gayi da kun təpapin(pallalin) təkaci da kambecingara/da jingara, da miya nda vərəki na təkau cak-cak i kun aka larriya. \v 30 Ko ami ci kə mata cam a ɗawaci i dagamu nin, a gəjidu, ka vərəkədu da reci.Gaɗa ngalko gayi da kun təpapin(pallalin) təkaci da kambecingara, da miya nda vərəkəna təkaci cak-cak i kun aka larriya.
|
|
@ -0,0 +1 @@
|
|||
\v 31Nda ramu wam ma, 'Nentawanke mi rakau amagəri nin, aci da baretu kakkadi ta'i.' \v 32 Amman na ramekun, tiye mi taɗu amagəri gaɗa tapai binin, ɗawu na atu i dlama tapai. Nəntawanke mi zebatu daku ta'igara ke, a teka tapai na atu.
|
|
@ -0,0 +1 @@
|
|||
\v 33 Zam, kwa kəmau, nda rami ndak zaman waci ma, ' Kwa taa yinɗa papiya bai.' \v 34 Amman, na ramekun; alambarram kwa taa yinɗa bai, ko na dəsku , gaɗa atu ne gwajere garva Səku; \v 35 ko na duniya,gaɗa atu ne ri mpi zəgər gəri, ko na Urrushalima , gaɗa atune ɗa marəm kə Dəgəm marəəm tlapar..
|
|
@ -0,0 +1 @@
|
|||
\v 36 Ko na aɗakun, kwa taa yinɗa bai, gaɗa ko yaɗ gayi ngun, kwa demu məstau bai, da dlab arawai ko aiwa. \v 37 Amman, aivina samana kun, da dlaɓi, 'Auwo, auwo' ko 'O-o, o-o.' Bee tawanke mi ɗəka na kasən, ani da ri kəlaɗo tənu.
|
|
@ -0,0 +1 @@
|
|||
\v 38 Kwa kəma dumaya rro tatku ma aipu/wala tawanke nda təmatau na larrutagara kalkal, 'Daa i miya daa, yanau ke i miya yanau.' \v 39 Amman na ramekun, kwa dlama gamɗaya na baci kəlaɗo bai. Da miya kasen, tike maskalatu kun da jampel mata nin, a məstineci palla madawai gu cam.
|
|
@ -0,0 +1 @@
|
|||
Zam nən tawanke warra maku nya nakun i sharriyarram gaɗa da gumbi na gangam zani kun nin, warrau daama na marengu cam.\v 41 Tike ɗawu kun i dolle, ma,kwa dlam rakan kə mel gayi nin, adaa na aci harr mel shirin. \v 42 Abarina i tiye mi jayi kun, ke, kwa dapte basa i nən wambai, warra maku mau da ri kun.
|
|
@ -0,0 +1 @@
|
|||
\v 43 Kwa kəmau nda ramma, 'A ntutina makapət kun kwa kuri na makura kun.' \v 44 Amman na ramekun, a ntutina makurarin kun, ke kwa dlam magita i nda ngupta kun, \v 45 gaɗa kwa dlabi kutli afakun mi a dəsku. Gahɗa aci a ɗawa afagəri da dlam ɓidla i da kəlado na nən bəlan, ke a wanayi aam dəsku i ndak adalta na ndawa mi go adalta.
|
|
@ -0,0 +1 @@
|
|||
\v 46 To kwa ntuta ndawa mi a ntuta kun nin, tumanja tawan kwaye biwu? Nda gən arrajo ngun a dlamau kasən bai? \v 47 Ke kwa dlama ndəma i yaganaucin kun rukshi nin, tam kwa dlamau mi ɗəka na kə ndau jəgab? Ndawa mi zəga Səku bai ngun a dlamau kasən bai? \v 48 Gaɗa kasən dolle kwa dlam bee tawanke kalkal, kakə mi afakun dəsku, aci kalkal goaipu.
|
|
@ -0,0 +1 @@
|
|||
\v 1 A dlama ankal, kwa dlama wana adalta i ri ndawa bai gaɗa daiki kun, kwa dlam kasən nin, kwa bi tumanja da ri afakun mi a kun dəsku bai. \v 2 Gaɗa kasən, kwaye bari sadakta nin, kwa fiya gazhi/shilabai, (or kwa dlama daura gaɗa tike da kəmi bai), kakə mi mənafəkaucin a dlamau i kun ləma ri cacpa yahudaucin na aɗak tarbo, gada akshi da bi sakərta da ri ndiwa. Jire na ramekun, akshi bana tumanjakshi serram.
|
|
@ -0,0 +1 @@
|
|||
\v 3 Amman, kwa bari sadaka nin, kwaiva amikun kə madlawai da zegi bee warra amikun kə mataa a təka dlamau bai .\v 4 Gaɗa kwa bari sadaka kun i kun ashərr nin, Afakun mi a lawangu i kun ashərr ke a bari kun tumanja.
|
|
@ -0,0 +1 @@
|
|||
\v 5 Zam, kwaye magita nin, kwa dlaɓa kakə menafekaucin bai. Akshi rro, a ntuta dlam magita darr'i, i kun ləma ri cacpa yahudaucin , na miya tarrbobin mi beru shirin, gaɗa ndiwa daikakshi. Katanas, jirre na ramekun, akshi gən na tumanjakshi sərram. \v 6 Amman kun, kwaye magita nin, a təfina i dlakwɗak kun. A cimina na miyak səsu kun, kwa dlam magita i afakun mi akun ashərr. Afakun mi a lawangu i kun ashərr ke, a bari dikun tumanja. \v 7 Zam kwa magita nin, kwa jəba saana telam adau-adau bai ke vatku, kakə warra ndiwa mi zəga Seku bai a dlamau, gaɗa aksha tumangu ma, nda kəmu na akshi gaɗa gawa ramakshi.
|
|
@ -0,0 +1,5 @@
|
|||
\v 8 Gaɗa kasən, kwa dlaɓa kakə akshi bai, gaɗa afakun zəga na betawanke mi kwa mərradu, damba kwa jayi aci. \v 9 Gaɗa kasən, a dlamina magita kasau:
|
||||
'Afaja mi a dəsku,
|
||||
dlugunci da dlaba go aipu.
|
||||
\v 10 Garvaci danna,
|
||||
a dlam kelele ci duniya kakə mi a dəsku ko ( a dlam nupaci duniya kakə mi a dəsku)
|
|
@ -0,0 +1,5 @@
|
|||
\v 11A bari ja bik ta ja kə gusku, mi ka baru gafa tawanke.
|
||||
Atəpti dija aipapinja,
|
||||
kakə mi ja ke ja teptau, i ndawa mi ja ɗəgagshi basa.
|
||||
\v 13 Ka nina na ja i kun jarrapta bai,
|
||||
amman ari ja, da ri kelaɗo tənu.
|
|
@ -0,0 +1 @@
|
|||
\v 14 Gaɗa kwa tupti ndawa aipapinshi nin, afakun ke dəsku ye a tupta na kukun. \v 15 Amman kwa tuptu apapinshi binin, afakun ke a tupte kun aipapinkun bai.
|
|
@ -0,0 +1 @@
|
|||
\v 16 Kasən ke, lakwtu mi kwa aasham nin, kwa tərrɓəna janpel kun bai, kaabe nda dlamikun mutu, kakə mi kəlaɗoɗin a dlamau; a tərrbəna na jampelshi lakwtu mi akshi a aasham, gaɗa ndawa da zəgi ma aksha aasham. Jirre na ramekun, akshi gən na tumanjakshi sərram. \v 17 Amman kun, kwa aasham nin, a viyina na aɗakun na jampel kun, kwa zuwu dawu merak. \v 18 To kasənu, kwa tatke ndawa bai ma kwa aasham, amman i afakun rrugəri mi a kun ashərr. Afakun mi a lawangu i kun asherr ye, a bari dikun tumanja.
|
|
@ -0,0 +1 @@
|
|||
\v 19 Kwa cacpa ləmankun i duniya bai, ri warra kəshashkin na maguraucin a dləmtadu, na ri mi akəraucin a vəgi da dlam kəra. \v 20 Da miyakasən, ngalko a cacpina ləman kun i dəsku, ri warra kəshashkin ko maguracin a dləmtau bai, ri mi akəraucin ke a dəmu vəgi da dlam kəra bai. \V 21 Gaɗa ri mi ləmankun a kunu/riwu, geshakun cam/ke rro a dlaba riiwu.
|
|
@ -0,0 +1 @@
|
|||
\V 22 Daa rro, pətəle teka. Gada kasən, daa ci bəlan nin, təka ci mak a niyan gara na ɓidla \v 23 Amman daa ci bəlan binin, təka ci mak aiwa pələk. Gaɗa kasən, bədla warra a kuna cu aiwa pələk nin, gawa pələkgu nanaa! \v 24 Go nən mi a dəmu guzapəna i nda wənduwa shirin, ko da muwi/kuri na gayi da ntuci/degi na gayu. Na hal bai! Kwa dlam guzapena i Kakasəku na ləman ke i lakwtu gayi.
|
|
@ -0,0 +1 @@
|
|||
\v 25 Gaɗa kasən na rame kun, kwa jikta bai gaɗa arro kun, i ɗak bee mi kwaye tau, ko bee mi kwaye sau-ko gaɗa təka kun, i ɗak karre mi kwaye ta'yu. Kane arro ɗəka abən bai, təka ke ɗəka na kacum? \v 26 Aikina ɗutatin mi a guva desku. Ai akshu a zəgəm bai balle karam, ke aksha cacpau bai i kun gadladlin, amman afakun ke dəsku a dawakshi/barikshi ta. Kane kwa ɗəkakshi bai i marrtapa?
|
|
@ -0,0 +1 @@
|
|||
\v 27 To tai da kuna kun gaɗa ndelam geri, a demu na səkuna gawa aman mi Seku mpeci(barrewagenai geri), ko rap dagi yaye? \v 28 To! gaɗa gəmo kwa ndəlam /kalɓe gaɗa kacum? A dlamina darrurra, i ɗak bəlalimin tlayi petlayayin kun pata ba. Akshi a wana bai, ke a cakau bai. \v 29 Dək na kasən, na ramekun, ko sulemanu ngun, bau/dlam bedladu kake gayi da kunakshi bai ,i kun saksakta gəri mak.
|
|
@ -0,0 +1 @@
|
|||
\v 30 Kakasəku a dlama jage i azum pata, warra a bədladu gusku amman amzharu nda vərkədu i aka nin, to zada jage tawan aye dlame kun, kun nda gangam bari jirewa? \v 31 Gaɗa kasen, kwa dlama ndəlam bai, kwa jəb ramau ma, 'Ja taa gəmo?' ko, 'Ja sa gəmo?' ko, 'Zada kacum tawan ja ta'yu?'
|
|
@ -0,0 +1 @@
|
|||
\v 32 Ai, ndiwa mi zəga Sǝku bai ngun a bədiya/maka zada bayangu, afakun kə dəsku rro, zəgadu kun na mərradu. \v 33 Amman səkurr a makina garva gəri, na adalta gəri, to bayangu mark nda bari dikun. \v 34 Gaɗa kasən, kwa dlama ruwawaɗ bai, gaɗa amzharu,amzharu rro a dlama na ruwawaɗ gaɗa aɗagara. Ai gafa tawanke na ngənəpu/ravan gara.
|
|
@ -0,0 +1 @@
|
|||
\v 1 Kwa wuda sharriya i nen bai, gada kun ye/ke nda wude kun bai. \v 2 Gada na bee/ kuyangi mi kwa kaktlu, na atu ne nda kaktla kun.
|
|
@ -0,0 +1 @@
|
|||
\v 3 Gada gemo ka launa bee ɓilɓil mi a daa yagana ci, amman ka ika tumtum mi a daa ci tenu bai? \v 4 Nana ka jəb rame yagana ci ma, 'Ar'yi na ji dici bee ɓilɓil mi a daa ci tenu, 'Amman so tutum a daci? \v 5 Ci mənafək! Səkurr a ji na tumtum warra a daa ci tenu, gaɗa ka dlam lawam parak/belan, kan kaji bee ɓilɓil mi a daa yagana cu.
|
|
@ -0,0 +1 @@
|
|||
\v 6 Bee warra go apu, kwa bara i jaaɗin bai, bee warra na darraja(belan) ke, kwa vərka i kəma aladadin bai. Bi nin, a takad du na zəgərshi, zam da məstai, da tlimpiyayi na kun.
|
|
@ -0,0 +1 @@
|
|||
\v 7 Ajayina, ke nda bari dikun. A makina, kwa bi du. A gwgwdlina, nda rəpta dikun. \v 8 Gaɗa tike mi a jayau, a gənyu. Tike mi a makau ye, a biwu. I nən mi a gwagwdlau ke, nda rəpta dici. \v 9 Ko nən tawan, i wita kun gu, wəngəri a jaya burrodi/səbasən nin, a maa guguyak da bari ci? \v 10 Ko jayi vənakau nin, a bari ci mbikɗa.
|
|
@ -0,0 +1 @@
|
|||
\v 11 Gada kasən, kun mi kəlaɗoɗin gun, kwa zəga na bari bee warra bəlalimin i kutli kun, balle afakun mi a dəsku, a bari bik herr bai, i ndawa mi a wili/jaya gəri? \v 12 Gaɗa kasən, betawanke mi kwancu ndawa da dlami kun, kun ke a dlaminekshi, gaɗa sutku ne dumaya musa na kə nabaucin.
|
|
@ -0,0 +1 @@
|
|||
\v 13 Atefena da gangam mavgi. gaɗa mavgi di-gənən i nye kambeta marəm dlabecaɗe dəvu go-bone ɗəga , ke nda ɗəga da sənu gawa tlaparr. \v 14 Gaɗa dəvu nye arro gagam ne, ɗəgara təta tlaparr, ndak biwu ke, rap ɗagai.
|
|
@ -0,0 +1 @@
|
|||
\v 15 Adlamina ankal na nabaucin papiya, mi ani ri kun i gənawa tumamkin, amman kə jirewa nin, akshi zada bədladləmin ndak wawəri. \v 16 Kwa sanuta nakshi da zadak diyi mi akshi a baru/dlamau. Ngalte kwa i kau, nda gəde ɗiyi inabi da waka jejim, ko ɗiyi aayawu da waka dus?. \v 17 Kasən ke, waka bəlan tawanke a bari/dlam ɗiyi bəlan, amman waka gaɓshu rro , a bari/dlam gaɓshu ɗiyi.
|
|
@ -0,0 +1 @@
|
|||
\v 18 Waka bəlan rro, galte a dəmu a bari/dlama diyi gabshu bai, kasən ke gabshu waka cam, a dəmu bari/ dlama bəlalmin diyi bai \v 19 Waka tawanke mi baru/dlamu ɗiyi balalmin bai nin nda karma du, nda vərkədu i kun aka. \v 20 Kasən ke, ka sanuta na akshi da ri diyikshi
|
|
@ -0,0 +1 @@
|
|||
\v 21 Tike bai, mi a ramanai ma, 'Megenyi, megenyi,' a təfe garva dəsku, amman se nən mi dlamu kelele(nufi) afəkga mi a dəsku. \v 22 Ndawa gawa aye ramau, gafogu ma, 'Məgənyi, məgənyi,' ja ramu bee warra aye wakata bai, i kun dləgun ci, i kun dləgun ci ja ji zəwawin, ikun dləgun ci cam bai, ja dlam baya marəmamin tlaparr.? \v 23 ' Galte na zega kun bai ! Ada nakun da ri ga, ndak dlama kəlaɗo!
|
|
@ -0,0 +1 @@
|
|||
\v 24 Gaɗa kasən, tike kərrəmtu təlam ga, a dlamekshi nakwana ke nin, a dlaɓa kakə nən baci gərayu, warra ləmu wənduwa gəri i ɗa guguyak. \v 25 Aam dəsku da pai, ganjau da nai, zam zəwak da vəgai i ɗak wənduwau, amman dagamu bai, gada nda ləmi ɗa guguyak
|
|
@ -0,0 +1 @@
|
|||
\v 26 Amman nən tawanke mi a kəmu təlam təku, a dlamekshi nakwana bai nin , nda kakatlagəri na kakabu, warra ləmu wənduwagəri i ɗa aisawu. \v 27 Se aam dəsku daa pai, ganjau na zəwak da tase wenduwau. Se da dagamingara da rəbgəngara cakcak.
|
|
@ -0,0 +1 @@
|
|||
\v 28 Lakwtu mi Yeso damu na rama təlam təku tənu, algu guiɗ da jəb japta gugzagəru, \v 29 gaɗa acu guzikshi na kərmai, kakə kə malamcinshi ndak taran bai.
|
|
@ -0,0 +1 @@
|
|||
\v 1 Yeso fəwən gəri da ɗak zegawuu tənu, se algi gawa da ɗəgaci. \v 2 Sai so agurrdadəmak ɗagai, da nai, da dlamici nakwana, a ramau ma, "Məgənyi, ka kasaktu naci nin, ka dəmu cəlta na iyu/ ka dəmu sarkaketa na iyu/ ka dəmu kaci na iyu go aipu." \v 3 Se Yesu da lənci aci, na amigəri, da ramma, "Na kasaktunga, cəltunaci/ a dlaɓi naci go aipu/a sarkakeci naci." Na səkwakuya bai , se nda cəlti na aci/saptaci na aci, da agurrdadəmak gəru.
|
|
@ -0,0 +1 @@
|
|||
\v 4 Yeso da ramici ma, "Akəmi! Ka rama bewanbai i nən. Aji, ka tatki aɗaci, i perris daiki ci. Ke, ka dlam bari mi nabi Musa ɗawu dlamau/ ramma nda dlami, gaɗa shaida i akshi.
|
|
@ -0,0 +1 @@
|
|||
\v 5 Yeso təfengeri ɗa kaparrnahum tənu, se marəm askarrabu ɗagai da nai i rigəri, da dladliyaci, \v 6 ma, "Məgənyi, gabayi ga/zedai ga da veji a wənduwa, ranungəri, ke a kun təta tlaparr." \v 7 Yeso da ramici ma, "Na ni, na ngaci na aci."
|
|
@ -0,0 +1 @@
|
|||
\v 8 Marəm askarrabuu, da ngumi, da ramma, "Məgənyi, na bata bai, ka təfe i wənduwa ga, balle səsu ga, a dlam rama jaɓ, gabayi/zədai gagu a ngatangəri. \v 9 Gada iye nən mi a dəɗa kerrmai kə ɗagai, ke, iyu na askarrabaucin a dəɗa ga. Na rami sutku, ma, 'Aji nin,' se da yii, i dama ke ma, 'Ayan nin', se da nai, i gabayi ga ke, ma, ' A dlam sau nin,' a dlamau. \v 10 Yeso kəma sau tenu, se da dlam ajap, harr da rami ndak ɗəga gəri ma, "Jirre na ramekun, ngalte naika ɗagai na zada iman, kake sau bai, ko i kun Isrraila.
|
|
@ -0,0 +1 @@
|
|||
\v 11 Na ramekun, gawa ani da caɗ na dəkəma da mbashi taa abin i ɗagayi na Ibrrahim na Ishaku, na Yakubu, i kun garva Səku. \v 12 Amman kutli garvau kuwa nda wayaa na akshi i kun damakənəm, iri mi nda dlam aɗan na gadaa yanau. \v 13 Yesu da rami marəm askarrabaucingu ma, "Aji! Kakə mi ka baru jirrewa, da dlaɓeci kasənu." Se gabayi gu da ngacingeri, i kalkal lakwtu/awau.
|
|
@ -0,0 +1 @@
|
|||
\v 14 Yeso tufu i wənduwa Bitrrus tənu, se daiki saurak BItrrus gama da veji, na fəra guvu. \v 15 Se Yeso da lənci ami gara, dagas gu daivi na atu. Atu dan da tlli, da banji dlameci guzapena.
|
|
@ -0,0 +1 @@
|
|||
\v 16 Dagaduwau dengara tənu, se ndau da nina ndak zuwak gawa i Yeso. Aci da ji na zuwawin gu na təlam jab, da ngaci na ndak fəra mak. \v 17 Da kasən kuwa, rama mi nabi Ishaya dlamu ma,- "Aci na aɗa gəri; ngwa na dagas wa, da mi na fera wa."- wakatungara.
|
|
@ -0,0 +1 @@
|
|||
\v 18 To, Yeso ika algi vaiku na aci tənu, se da ɗawi ndawa daivi na riwu, nda kaci nakshi i jəgam tiwu, ke baka Anku Galili. \v 19 Se baci tarran dagai da nai i rigəri, da ramma, "Maləm ! na dega naci i rawanke mi kaya." \v 20 Yeso da ramici ma, "Adayayin na vəkvin, ɗutatin guva səku ke, na sakakin, amman wen gənən na ri səna aɗagəri bai."
|
|
@ -0,0 +1 @@
|
|||
\v 21 Nən damaa, da kun pukurracingu da ramici ma, "Məgənyi, aivayu dəgo, sekur nayi na dabgi na afəkga" \v 22 Amman Yeso da ramici ma, "A ɗəgayu, kaivi na gamtau da dabgi gamtakshi."
|
|
@ -0,0 +1 @@
|
|||
\v 23 Yeso təfəngeri sawu aam tənu, pukurraucingəri da ɗəgi na aci i kunu. \v 24 Se so , zuwak tlaparr da tlai i aɗa ankuu, harr sawu aamgu da ciməngara na ganjau. Amman Yeso a yuwan. \v 25 Se pukurraucingu da nai, i rigəri da tlatli aci, da ramma, "Məgənyi, ari ja; ja ye kambeta naja!"
|
|
@ -0,0 +1 @@
|
|||
\V 26 Yeso da ramikshi ma, "Gaɗa gəmo kwa kaluwu nakun, kun ndak iman rap?" Se da tli, da gərrnyi ɗak zuwawingu, na ankuu, Se riwu da kusaməngara. \v 27 Ndau da dlam ajap, da ramma, :"Zada warrau tawan sutku, harr zuwawin na anku ngun a dlameci nakwana?
|
|
@ -0,0 +1 @@
|
|||
\v 28 Yeso zadeu da baka gayi i larrdi garrasənacin tənu, se ndawa shirin mi na zuwawin, da tase aci. Akshi vəreu da kun auɗaɗin, ke, akshi ndak dləra tlaparr. Gaɗa kasən ke, go baci buwa/rakan mi batau, da ɗəgi da dəvu tənu bai. \V 29 Se akshu da dlam kurwa, da ramma, "Lambe cin tam na ja,, kaici wən kakasəku? Ka deu i ri teku i dlame ja bone bi, kapen lakwtuu da nai?"
|
|
@ -0,0 +1 @@
|
|||
\v 30 Lakwtu ke, na bərri aladadin gawa a dawa, i damtukshu. \v 31 Zuwawingu da wilu Yeso da ramma, "Ka dau naja nin, a dabi naja i kun bərri aladadin təu." \v 32 Se Yeso da ramikshi ma,"To ada!" Zuwawingu da vərai, da təfinakshi i kun aladadingu. Se bərru mak rawi, da fewi da guva jegamgu i kun ankuu, da mutu nakshi i kun aamgu
|
|
@ -0,0 +1 @@
|
|||
\v 33 Ndawa warra a dawa aladadingu da rawu nakshi. Sartu mi akshu təfi kun ɗagu tənu, da jəb bari labarr tamke na tamke, na naanadi i ɗak bee wakatu na ndak zuwawin tənu. \v 34 Se ndak ɗagu mak da veəai, da tashi Yeso. Akshi ikaci tənu, da bari ci miya ma dabzhi dikshi larrdakshi.
|
|
@ -0,0 +1 @@
|
|||
\v 1 Yeso da təfi kun sawu aam, da nai i marem dageri. \v 2 Se so, nda deu dici nən baci ranu da səna a ɗak buci. Yeso ika imanshi tənu,se da rami baci ranu ma, "Wən, a dlam pərrɗai. Nda tuptu dici aipapinci"
|
|
@ -0,0 +1 @@
|
|||
\v 3 Se ndak taran jəgab da dlam ramma i gatukshi ma, "Nənangu a saɓo rro." \v 4 Yeso kuwa zəga na bee mi a gəhakhii tənu, se da ramma , "Gaɗa gəmo kwa kurrarram kəlado i gəshakun?" \v 5 Tawan ɗəkadi 'yale, 'Nda tuptu dici aipapinci rra, ko nda ramma, atlu ka dlam rakan'? \v 6 Amman gaɗa kwa zəgi ma wən gənən na kərrmai kə tupta aipapin i duniya,... " aci rami babu ranu, "Atlu , ka mi bucaci, kayi naci wənduwaci."
|
|
@ -0,0 +1 @@
|
|||
\v 7 Se wařau da tli da yingəri wənduwagəri.\v 8 Algu ikau sau tənu, da dlam ajap, da sakəřci Kakasəku, wařa baru kəřmai kasau i ndawa. \v 9 Yeso ta kəma a nuta tin, se daiki nən dagai baci dlugun matiyu, da mbasu a ri gənyi ařajo. Dan da ramici ma, "A ɗəga yu."Aci da tli da dəgi na aci.
|
|
@ -0,0 +1 @@
|
|||
\v 10 Lakwtu mi Yeso da mbasu a taa masana i wənduwa tənu, se so ndak gənyi arrajo gawa na ndak aipu danai, a ta masana na Yeso na pukurraucingəri. \V 11 Parrisaucin ika kasau tənu, se da rami pukurraucingəru ma, "Gaɗa gəmo maləm kun gu, a tau i ɗa gayi na ndak genyi arrajo na ndak aipu
|
|
@ -0,0 +1 @@
|
|||
\v 12 Yeso kəma kasau tənu, da ramma, "Ai ndawa mi na kəlappiya, a merradi ləkəta bai, se ndak fera rukshi. \v 13 Ada dəgo kwa sanuci, ma'ana sutku gu nin tam, 'Iyu na ndəlam kanjəno, sanaam bai.' Iyu rro, na deu i daura ndak adalta da dlam tubi bai, amman ndak aipapin.
|
Some files were not shown because too many files have changed in this diff Show More
Loading…
Reference in New Issue