Mon Dec 11 2023 12:31:14 GMT-0400 (Venezuela Time)

Mon Dec 11 2023 12:29:14 GMT-0400 (Venezuela Time)
Mon Dec 11 2023 12:27:14 GMT-0400 (Venezuela Time)
2023-12-11 12:31:15 -04:00 · 2023-12-11 12:29:15 -04:00 · 2023-12-11 12:27:15 -04:00 · 2023-12-11 12:25:15 -04:00 · 2023-12-11 12:23:15 -04:00 · 2023-12-11 12:21:15 -04:00
264 changed files with 560 additions and 4 deletions
--- a/01/01.txt
+++ b/01/01.txt
@ -0,0 +1 @@
+\c 1 \v 1 Zofin rȩjȩ Ramataim ötahuiyänä̧ ya̧tȩ ubó kinö̧, Efrain idepiyu de'a jo̧me, ja̧u̧ i̧mimä̧ mi̧cuinö̧ Elcana, Jeroham i̧tti̧, Eliú ö̧do̧, Tohu i̧tti̧, Suf i̧tti̧, Efrain isotö i̧sa̧ ji̧na̧'a̧. \v 2 Ja̧u̧mä̧ i̧rȩcua̧mö̧ ta̧ju̧ru̧ ku̧nä̧ri̧nö̧; i̧rȩcua̧muttö̧ ä̧cuo̧menä̧ isaju micuinä̧ju̧ Ana, o,ca'anä̧ isaju micuinä̧ju̧ Penina. Peninamä̧ ki̧tti̧murö̧ ku̧nä̧ri̧nä̧ju̧, ja̧hua̧nö̧ ja̧'a̧nä̧ Anamä̧ ki̧tti̧mö̧ to'inä̧ju̧.
--- a/01/03.txt
+++ b/01/03.txt
@ -0,0 +1 @@
+\v 3 Pide ubomä̧ ichi'änö̧ ötahuiyära̧'a̧ttö̧, a̧'ȩ ö̧ta̧'a̧nö̧, ja̧rȩyu̧nu ocuotö jȩpö̧ ja̧hua̧ta̧'a̧nö̧ i̧sa̧rö̧ cuä'ö icu iyö o'catoi'önä̧ TTU̧RU̧HUA̧RÖ̧ Silottö. Elí i̧tti̧mu ta̧ju̧, Ofni ja̧hua̧ta̧'a̧nö̧ Finees, sacerdote TTU̧RU̧HUA̧ hue'ähuoto'inä̧ juhuȩnȩtä̧ ka̧cui̧nä̧tö̧. \v 4 Elcana i̧sa̧rö̧ cuä'ö iyähuä pä̧nä̧ pätecuächomenä̧, a̧'ȩ jö̧ ta̧'a̧nö̧ jȩo̧menä̧mä̧, 'cuäopö̧nä̧ iyi'änö̧ idepä irecua Peninarö̧, ja̧hua̧ta̧'a̧nö̧ i̧tti̧mö̧ u̧mä̧tö̧ nä̧tö̧rö̧'inä̧.
--- a/01/09.txt
+++ b/01/09.txt
@ -0,0 +1 @@
+\v 9 Ji̧yȩnö̧ pänä̧ 'cuäopina̧'a̧, Ana Silottö  ku̧cuä̧ kucuäji o'ca'a ja̧'hua̧ta̧'a̧nö̧ au'inä kahuäji o'ca'a ä̧rä̧mi̧'i̧näju̧. Elí sacerdote hua̧mä pinö i̧dȩä̧cä̧nä TU̧RU̧HUA̧ oju'isode apate ä'ca. \v 10 Jahuäjumä juiyó rö̧ä̧nä̧ ka̧'cua̧ tta̧'ȩcuinäju̧; KU̧RU̧HUA̧RÖ̧TÄ̧ ajuäunu jä̧'ȩpä̧ri̧nä̧ju̧.
--- a/01/11.txt
+++ b/01/11.txt
@ -0,0 +1 @@
+\v 11 Jahuäjumä̧ isó jönä jȩchä̧cua̧ju̧sä̧ pä'inä̧ju̧: O'catoi'önä̧ TU̧RU̧HUA̧ ju̧ru̧hua̧, Cumuhuäyaju ka̧'cua̧ tta̧jȩcu̧ tocu'uttumä̧ ja̧'hua̧ta̧'a̧nö̧ cuä̧ju̧cu̧ttu̧mä̧, cumuhuäyajuru cu̧nichi'oca'a, chi̧tti̧ ya̧tȩrö̧ cuiyöttömä̧, ja̧u̧nutä̧ jȩchä̧cua̧ju̧sä̧ CHU̧RU̧HUA̧ 'cuäopunä̧ mo̧ro̧ pi̧jä̧nä̧ ö̧jä̧i̧mä̧, ja̧u̧mä̧ uhuo'che'inä̧ 'cui'ocuocö jä̧cua̧."
--- a/01/24.txt
+++ b/01/24.txt
@ -0,0 +1 @@
+\v 24 Atate aú juiyönä̧ kä̧'ȩpö̧ kicuäji o'ca'a, ji̧'qui̧cha̧hua̧rö̧ 'chuhuädö o'ipinä̧ju̧, ja̧u̧cu̧mä̧ ȩpi̧nä̧ju̧ ya̧tȩ päcäyä buorö(toro) huäbodäcuä a̧'ȩ hua̧rö̧, ja̧hua̧ta̧'a̧nö̧ idepämä̧ 22 litro jo̧mȩ, vino i̧sä̧yu̧ ji̧yu̧tȩ, ȩpö̧ 'chi̧nä̧ju̧ TTU̧RU̧HUA̧ ojusode Silora̧'a̧cu̧. Ja̧u̧nu ki̧tti̧mä̧ ji̧nä̧ a̧'u̧cui̧nö̧. \v 25 Jahuätömä̧ päcäyärö cuä'ö icú ja̧hua̧ta̧'a̧nö̧ ji̧'qui̧cha̧hua̧rö̧'inä̧ ȩpi̧nä̧tö̧ Elí ö̧jo̧mecu̧.
--- a/01/26.txt
+++ b/01/26.txt
@ -0,0 +1 @@
+\v 26 Jahuäju pä'inä̧ju̧: "Iso, chu̧ru̧hua̧! ja̧hua̧nö̧ ucu cu̧ju̧ta̧'a̧nö̧, chu̧ru̧hua̧, ttötä ji̧na̧'a̧ yaju pinä̧ju̧ cuippeyänä̧ CHU̧RU̧HUA̧RÖ̧ jä'epö ucuocu pi̧nä̧ju̧mä̧. \v 27 Pide ji̧'qui̧cha̧hua̧rö̧ iyattö pä'ö jä̧'ȩpä̧ri̧nä̧ju̧sä̧ CHU̧RU̧HUA̧MÄ̧ ä̧ju̧cui̧nö̧ jädepinö̧mä̧. \v 28 Ttömä̧ iyäjäjusä CHU̧RU̧HUA̧RÖ̧; ji̧nä̧ a̧'cua̧rä̧i̧mä̧ U̧RU̧HUA̧NÄ̧TÄ̧ ö̧ja̧ pä'ö. "CHU̧RU̧HUA̧RÖ̧TÄ̧ ucuotönö̧ esehuäjusä juorö.
--- a/02/01.txt
+++ b/02/01.txt
@ -0,0 +1 @@
+\c 2 \v 1 Anamä̧ kö̧ä̧nä̧hua̧rö̧ ucuocu pä'inä̧ju̧: "Chamiso'quinä̧ esehuäjusä CHU̧RU̧HUA̧RÖ̧. Rö̧ä̧nä̧ juruhuächi'äjusä CHU̧RUHUA̧RÖ̧. Chabo'iyotucu'inä̧ chucuocua'anä̧, esehuäjusä ppäcuäda'attö̧.
--- a/02/02.txt
+++ b/02/02.txt
@ -0,0 +1 @@
+\v 2 Toa'a ka̧ra̧ surojö jui̧'a̧ GHU̧RU̧HUA̧TTÖ̧ abonä̧nö̧ hua̧mä̧, ka̧ra̧mä̧ toa'a ucu'anö̧ hua̧mä̧, inä̧huä'inä̧ juiya'a TTÖ̧Ä̧NÄ̧HUA̧ DIOS jö̧'a̧nö̧  jähuämä̧."
--- a/02/03.txt
+++ b/02/03.txt
@ -0,0 +1 @@
+\v 3 Ucurutä ucuo te'äu adihuacu pä'ömä jȩ'cuä̧, kö'cähuocö juäi'inä̧ cuättö rä'opa päömä̧ jȩ'cuä̧.  Ja̧'hua̧nö ja̧'a̧nä TU̧RU̧HUA̧ TÖÄNA̧HUA̧MÄ yori'iso huo̧jua̧; j'a̧hua̧nö ja̧'a̧ttö̧ JA̧U̧MÄ jȩttö̧ttö̧ topu ro̧ȩpu̧. \v 4 Umättö juruhuättörömä 'te'ädö i̧cuä̧hua̧ po'obu 'cua̧rö̧nä̧ta̧, ja̧'hua̧nö ja̧'a̧nä'i̧nä̧ JA̧U̧MÄ jȩä̧cua̧ juiyupätörömä ttujuruhuönä.
--- a/02/05.txt
+++ b/02/05.txt
@ -0,0 +1 @@
+\v 5 Jahuätö ttucua ppä̧i̧rijo̧co̧u̧mä äditinä̧tö panppa̧ ja'ate'ö, ttucua ppä̧i̧ri̧ji̧näu̧mä juhua'a yabocumä ppäi jui'inä̧tö   ja̧hua̧nö ja̧'a̧nä'i̧nä ki̧tti̧mu to'inäju̧mä ji̧mu̧tȩttö ta̧ju̧nö̧ huotörö ucuäbecuinä̧ju̧, ja̧hua̧nö ja̧'a̧nä recuätörö i̧tti̧cui̧nä̧ju̧ pinä̧ju̧mä juiyupä̧chinä̧ju̧.
--- a/02/11.txt
+++ b/02/11.txt
@ -0,0 +1 @@
+\v 11 Ja̧u̧nu̧ jä̧ji o'ca'a Escalanamä Rama ötahuiyära'a oju isodecu i̧hui̧nö̧. Ja̧u̧ ji'qui̧cha̧humä Diosttö'inä̧ tto̧jä ttö̧'inä kä'co päteö adicuä isa̧ Elí öjo̧mettö  TÖ̧A̧NA̧HUA̧RÖ̧ ppä̧'ä̧dä̧rinö̧.
--- a/02/12.txt
+++ b/02/12.txt
@ -0,0 +1 @@
+\v 12 Jitämä, Elí i̧tti̧mö̧mä̧ u̧mä̧tö̧mä̧ jarodäcuähuä ttöja̧ jina̧'a̧. Jahuätömä TTÖ̧A̧NA̧HUA̧RÖ̧MÄ jerupinätö.  \v 13 Diosttö'inä ttö̧ja̧ttö'inä kä'co päteö adicuä ttö̧ja̧mä ttihueye jina̧'a̧ pateö ttö̧ja̧ inä ttiäre iyähuä ttiyomenämä, Diosttö inä ttö̧ja̧ttö inä  kä'co päteö adocuä ttöja̧ ttumu̧huäyotömä  rȩbȩhui'änätö hue'chä̧cä̧ ttumu̧nä chu̧huä̧rä̧ mä̧cuä̧ deä jȩtta̧'a̧nä̧. \v 14 Ja̧umä̧ curäu huȩ'chä̧cä ȩna päi'nö uriyö riäyunä. O'cajuiyönä̧ huȩ'chö oquiyämä ca̧ca̧tinö, Diottö inä ttöja̧ttö inä̧ kä'co päteö adicuä ttöja̧mä ja̧hua̧nö ja̧u̧ jö̧ a̧nötä kacuipinätö. Ja̧hua̧nö ja̧'a̧ttö jahuätö  Israel ttöja̧ Silo ötahuiyära'a 'chä̧tö̧mä̧ o'catoi'önätä jepi̧nä̧tö̧.
--- a/02/15.txt
+++ b/02/15.txt
@ -0,0 +1 @@
+\v 15 Ja̧hua̧nö̧ ja̧'a̧nä̧, ö̧a̧dȩ ku tticuäcua'a ä'canä̧mä̧, sacerdote u̧mu̧huäyotö ttichia'attö̧ i̧sa̧rö̧ cuä'ö iyörömä̧ pä'i'änä̧tö̧: "Idepä so'a iyätucui sacerdoterö; ja̧u̧mä̧ idepä dahuähua'a cuiyätucuarömä̧ pä'o'cö, ja̧hua̧nö̧ jö̧ juiyöttömä̧ idepä itti'ötä." \v 16 Ya̧tȩ ttö̧ja̧sa̧ ja̧u̧ru̧ jiäuttumä̧: "Ä̧cuo̧menä̧ ö̧a̧dȩ ku icuätucui, ja̧u̧nu̧ o'ca'a cuȩmä̧tu̧cua̧ja̧ cuȩmä̧tu̧cuo̧mejubu." Ja̧u̧nu̧ o'ca'a ja̧u̧mä̧ pä'ají: "Isocö̧, jitätä cuiyattö pä'ösä, ja̧hua̧nö̧ jö̧ juiyöttömä̧, chujurunä̧ cho̧dipä̧cua̧sä̧." \v 17 Pittö muäyotö suronä̧ jȩttö̧mä̧ jjiyó rö̧ä̧nä̧ ji̧na̧'a̧ TU̧RU̧HUA̧ ä'cajo̧mettö̧, jua'amä̧ TTU̧RU̧HUA̧RÖ̧ iyähuä ttöjö'coca'attö.
--- a/02/18.txt
+++ b/02/18.txt
@ -0,0 +1 @@
+\v 18 Ja̧hua̧nö̧ ja̧'a̧nä̧ Samuelmä̧, a̧u̧cuä̧i̧tä̧ U̧RU̧HUA̧ hue'ö jȩpinö̧ ö̧'ca̧tä̧huä̧ta̧'inä̧ sacerdote huottö ttö̧'ca̧tä̧huä̧ta̧ linottö̧ adicuä̧ta̧tä̧ 'ca̧tä̧hui̧nö̧. \v 19 Ja̧ju̧mä̧ ö̧'ca̧tähuäppi a̧u̧cuäppi pöttö chiyi'änä̧cu̧ ja̧hua̧nö̧tä̧ a̧'ȩ jö̧ ta̧'a̧nö̧ kirecuoci kichomenä̧ ki'chächi'änä̧cu̧ a̧'ȩ jö̧ ta̧'a̧nö isa̧rö̧ cuä'ö icu iyähuä pänä̧mä̧.
--- a/02/34.txt
+++ b/02/34.txt
@ -0,0 +1 @@
+\v 34 Pi̧yȩmä̧ i̧jȩcuä̧tä̧ jä̧cua̧'a̧ ucurumä, cui̧tti̧mu̧ ta̧ju̧ru̧ i̧chä̧cuȩtä̧, Ofnirö'i̧nä ja̧'hua̧ta̧'a̧nö Fineesrö'inä̧: ta̧ju̧ cue'ö 'corujuottächäcuotö ji̧nä̧ yo̧mȩtȩ mo̧ro̧. \v 35 Ttö cädepä̧cua̧sä̧  ttö cha̧'cua̧nä̧ chamiso'quittö huedö jueönä̧ jȩä̧cua̧rö. Ojusode'inä̧ 'kiyönä̧ chaditiyä̧cua̧; ja̧'hua̧nö̧ ja̧'a̧nä̧'i̧nä ttö chä'canä i̧chä̧'cua̧  ucuo ru̧hua̧  ö̧jä̧cua̧ 'cuä'opunä̧.
--- a/03/07.txt
+++ b/03/07.txt
@ -0,0 +1 @@
+\v 7 Ja̧unu̧ pänä Samuelmä ji̧nä̧ huo̧jä̧chi̧'o̧cö̧ pinö TÖÄNA̧HUA̧RÖMÄ, ja̧hua̧nö ja̧'a̧nä'i̧nä huȩnȩmä  jiähuococu pinö TÖ̧Ä̧NÄ̧HUA̧. Huäbodäcuänä päi'önä huoinä̧cu̧ Samuelmä. \v 8 TÖ̧Ä̧NÄ̧HUA̧. Samuel pa'äjita'anö ä̧rä̧mi̧'ö 'chä̧nö pä'inö Elírö: "Huo'cuäcumä pȩnȩta̧ kö̧sä̧." Ja̧hua̧nö̧ jä̧cu̧ Elí huo̧juä̧chi̧'i̧nö pide muä̧yä̧mä TÖ̧Ä̧NÄHUA̧TÄ̧  huoäcu pä'ö.
--- a/03/09.txt
+++ b/03/09.txt
@ -0,0 +1 @@
+\v 9 Ja̧u̧nu̧ o'ca'a Elí pä'inö Samuelrö: " täí ä'äji; pä'äjita'anö huoöttömä pa̧'a̧nö päcuaröjä̧  ucuocuí TÖ̧Ä̧NÄ̧HUA̧, ucu cumuhuä̧yä̧mä ä̧ju̧cuä̧rö̧." Ja̧'hua̧nö̧ 'ja̧'a̧ttö Samuel ä'öta 'chinö pä'äjita'anö.
--- a/03/10.txt
+++ b/03/10.txt
@ -0,0 +1 @@
+\v 10 TTU̧RU̧HUA̧ ichi'ö i̧jȩcui̧nö̧; ko̧ro̧nö̧ huoä'ijöta'anö̧ huopinö̧: "Samuel, Samuel." Ja̧u̧nu̧ o'ca'a Samuel pä'inö̧: "Ucuocuí, cu̧mu̧huä̧ya̧mä̧ ä̧ju̧cuä̧rö̧." \v 11 TTU̧RU̧HUA̧ pä'inö̧ Samuelrö: "Topi, Israelnä̧ ji̧yȩte jȩchä̧cua̧sä̧ ttömä, ja̧u̧mä̧ o'catoi'önä̧ ä̧ju̧cu̧ ye'ecui'ö tti̧tä̧huä̧cuo̧ttö̧.
--- a/03/12.txt
+++ b/03/12.txt
@ -0,0 +1 @@
+\v 12 Ji̧yȩnö̧ mo̧ro̧ TTÖmä̧ Eli ojusjdettö to'í ja̧'a̧cu̧ yȩchä̧cuä̧sä̧ pädinö̧mä̧ ja̧hua̧nö̧tä̧ jä̧cua̧'a̧, ä̧cuo̧menä̧ kä̧mä̧do̧mettö̧ beipomȩ́ jubu. \v 13 TTÖ ja̧u̧ru̧mä̧ pä'äjisä TTÖ ja̧'a̧ röjí pä̧dä̧cua̧mä̧ cuojusodettö suronä̧ jȩtti̧nö̧ ucumä̧ huo̧jua̧jä̧, ja̧u̧ i̧tti̧mutä̧ ji̧na̧'a̧ tta̧munä̧ surojuo'ecuinä̧tö̧mä̧ ja̧hua̧nö̧ jȩtta̧'a̧nä̧ ja̧'a̧tä̧ topinö̧. \v 14 Ja̧hua̧nö̧ jȩtti̧nomenä̧ ttö röjinä̧ jȩchä̧cua̧sä̧ pädinömä̧ jä̧cua̧'a̧ Elí ojusodettömä̧,  ojusodettö surojönä̧ jȩtti̧nö̧mä̧ u̧nichi'äcuähuoca'a jä̧cua̧'a̧ isa̧rö̧ cuä'ö icu iyähuä ja̧hua̧ta̧'a̧nö̧ ttiäre iyähuä'inä̧.
--- a/04/01.txt
+++ b/04/01.txt
@ -0,0 +1 @@
+\c 4 \v 1 Samuel ucuocuinö o'catoi'önä̧rö̧ Israel ttö̧ja̧rö̧. jitä Israelmä rä'opinö rohuäu 'chä̧nö̧ filisteoscu. Jahuätömä ä'ecuinä̧tö̧ Ebenezer pä'ö micuome, ja̧'hua̧ta̧'a̧nö̧ filisteosmä ä'ecuinä̧tö̧ Afec pä'ö micuome. \v 2 Filisteosmä ca̧ca̧cui̧nä̧tö̧ tturohuähua pä'ö Israel ttö̧ja̧cu̧, ja̧'hua̧ta̧'a̧nö̧ curä kä̧mä̧do̧mȩnä̧. Filisteos rohuäu isojuo'epinätö̧ Israel ttö̧ja̧rö̧ ja̧'hua̧ta̧'a̧nö̧ cuä'ö icuinä̧tö̧ 400nö̧ ttö̧ja̧rö̧ tturohuähuomettö̧mä̧.
--- a/04/03.txt
+++ b/04/03.txt
@ -0,0 +1 @@
+\v 3 Pä'äjita'anö ttö̧ja̧ tti̧rȩbȩhuo̧mȩnä̧ ttä'ecuäjome, Israel tä̧mö̧ buecuächätömä pä'inä̧tö̧: ¿Tta̧'a̧nö̧ pä'ö tu̧ru̧hua̧mä̧ tujiyuhuönä jȩa̧'a̧ttö̧ jitä mo̧ro̧mä̧ filisteos ttä'ca jo̧mȩttö̧mä̧? Ti'cächätucua tu̧ru̧hua̧ Dios esecuinö ȩjo̧ca̧ pȩnȩ jubö yottö Silottö, pȩnȩtä̧ ka̧ pä'ö ujutucu, ja̧'hua̧nö̧ ja̧'a̧ ujuturu ppädäcua'anö taboiyotö ttumöttö̧." \v 4 Ja̧'hua̧nö̧ ja̧'a̧ ötahuiyä ttö̧ja̧mä̧ hue'inä̧tö̧ umätö̧rö̧ Silora̧'a̧ tti̧'cha̧ pä'ö; jua'attö jahuätömä i'cächinä̧tö̧ su̧ro̧da̧u̧  Ttu̧ru̧hua̧ Dios esecuinö ȩco̧ca̧. Quurubín huä̧mȩ ttö'ejoca. Elí i̧tti̧mö̧ ta̧ju̧cuäyotö; Ofni'inä ja̧'hua̧ta̧'a̧nö̧ Finees'inä juo̧ca̧ TÖ̧Ä̧NÄ̧HUA̧ esecuinö ȩco̧ca̧ ppeyänä.
--- a/04/10.txt
+++ b/04/10.txt
@ -0,0 +1 @@
+\v 10 Filistea ttö̧ja̧ rohuähuinä̧tö̧, rohuäu iso juo'epinä̧tö̧ Israel ttö̧ja̧rö̧. Ya̧cu̧pu̧nä̧ ttojusodera̧'a̧cu̧ tö'ipächinä̧tö̧, juiyó recuätörö cuä'äu icuinä̧tö̧; Israelttömä̧ treinta mil su̧ro̧do̧u̧ jo̧menä̧ to'e'inä̧tö̧. \v 11 DIOS esecuinö̧ ȩjo̧ca̧'inä̧ nä̧u̧cuä̧cuä̧hui̧na̧'a̧ ja̧hua̧ta̧'a̧nö̧ Elí i̧tti̧mö̧ ta̧ju̧ Ofni, Finees'inä̧ 'corujuo'ächinä̧tö̧.
--- a/04/12.txt
+++ b/04/12.txt
@ -0,0 +1 @@
+\v 12 Ya̧te Benjamín ahuaruhua o'cotö i̧sa̧ ttörohuähuome pä̧tȩcuä̧nö̧ 'cuäo'ö jopö Silora̧'a̧ rä̧bȩhui̧nö̧ ji̧yȩtä̧ mo̧ro̧, rä̧bȩhui̧nö̧ ö̧'ca̧tä̧huä̧tiyu̧'inä̧ serähuächäja'atä rä̧bȩhui̧nö̧ ja̧hua̧ta̧'a̧nö̧ unä̧'inä̧ rȩba̧ ja̧'a̧tä̧. \v 13 Ja̧u̧ ichi'omenä̧, Elimä̧ mä̧nä̧ jäyä ideäcänä̧ to̧pä̧rö̧ pi̧nö̧ ju̧juȩnȩ pä̧nö̧ a̧'cua̧tta̧'ȩcuinö̧ DIOS esecuinö̧ ȩjo̧ca̧ amöcuädö. Ja̧u̧ ötahuiyänä̧ 'chä̧hui'ö̧ huȩnȩ jiähuomenä̧, ötahuiä ttö̧ja̧ o'catoi'önä̧ pä̧icu̧nä̧ huopinä̧tö̧.
--- a/05/08.txt
+++ b/05/08.txt
@ -0,0 +1 @@
+\v 8 Ja̧'hua̧nö ja̧'a̧ttö jahuätö hue'inä̧tö̧ Filisteosttö  o'catoi'önä ruhuotörö ttȩmä̧ja̧ pä'ö;  jahuätö pä'inä̧tö̧.: "¿Ttä'anötä̧ jȩtä̧ TÖ̧Ä̧NÄ̧HUA̧ esecuinoca̧mä̧ Israelrö?"Jahuätö ädätinä̧tö̧: "Gatra̧'a̧cu tȩpa̧'a̧nä ja̧'a̧tä̧ topätuhuí TÖ̧Ä̧NÄ̧HUA̧  esecuinoca̧ Israel ttöja̧rö.  Ja̧'hua̧nö ja̧'a̧ttö jahuätö ȩpi̧nä̧tö TÖ̧Ä̧NÖ̧HUA̧ esecuinoca̧ Israel ttöja̧rö̧. \v 9 Ja̧hua̧nö ja̧'a̧nä̧ Gatra̧'a̧cu̧ ttȩpo̧mȩnämä TÖ̧Ä̧NÄ̧HUA̧ ja̧u̧ ötahuiyä ro̧'ȩpinö, rö̧ä̧önä̧ ttieruhuächi'önä jȩi̧nä̧u̧. JA̧U̧ ro̧ȩpinö ötahuiyänä ka̧cuä̧tö̧ o'catoi'önärö, ppo̧'ä̧tö̧rö̧'i̧nä ja̧hua̧nö tä̧murö'i̧nä ttidepänä dudu oyu rä'opunä.
--- a/05/10.txt
+++ b/05/10.txt
@ -0,0 +1 @@
+\v 10 Ja̧hua̧nö jä̧u̧ Ecrónra̧'a̧cu̧ hueinätö TÖ̧Ä̧NÄ̧HUA̧ esecuinóca̧mä. Ja̧hua̧nö̧ ja̧'a̧ttö jurunänö doächi'ina̧'a̧  Ecrónmä, ja̧hua̧nö̧ ja̧'a̧nä Ecrón ttöja̧mä päi̧cu̧nä̧ pä'inätö: "Ucutu ö'cächätöjä TÖ̧Ä̧NÄ̧HUA̧ esecuinoca̧ Israel ttöja̧rö̧, ujuturu cuä'ö cuicuätucua pä'ö ja̧'hua̧ta̧'a̧nö tahuäruhuärö'inä.
--- a/05/11.txt
+++ b/05/11.txt
@ -0,0 +1 @@
+\v 11 Ja̧hua̧nö̧ ja̧'a̧ttö̧ Filisteo ttö̧ja̧ rubuo hue'ätö o'catoi'önä̧rö̧ ttȩma̧já̧pä'ö hueinä̧tö̧; Jahuätö pä'inä̧tö̧: "Porömä̧ rä'epö icuätucui Israel ttö̧ja̧ Ttö̧ä̧nä̧hua̧ esecuinö̧ ȩjo̧ca̧, ppa̧'a̧dä̧jä̧tucui̧  ki̧nometä̧, ujuturu'inä̧ cuä'ö icu ja̧hua̧ta̧'a̧nö̧ tahuaruhuäro'inä̧ cuä'ö icua'anö ja̧'a̧."  Ja̧hua̧nö̧ jo̧menä̧ ötahuiyä ttö̧ja̧ o'catoi'önä̧ juiyó yettecunä̧ ji̧na̧'a̧; TTÖ̧NÄ̧HUA̧MÄ̧ juiyó rö̧ä̧nä̧ ro̧'ȩpinö̧ juorömä̧. \v 12 ttö̧ja̧ juorö̧ 'corujuo'ächocotö päjätömä̧ duduyunä̧tä̧ usurä ȩmä̧hui̧nä̧tö̧, jä̧hua̧nö̧ jo̧menä̧ ttajuäumä̧ mo̧ro̧jä̧ra̧'a̧ jubu rä̧bȩhui̧na̧'a̧.
--- a/06/05.txt
+++ b/06/05.txt
@ -0,0 +1 @@
+\v 5 Ja̧hua̧nö̧ ja̧'a̧ttö̧, ucutumä̧ jȩcu̧'ä̧tucua̧ pä'ö ja̧'a̧ duduyu a̧'u̧cuä̧ ja̧hua̧ta̧'a̧nö̧ ötahuiyä surojuoepätö si̧ri̧'cu̧tu̧ tta̧'u̧cuä̧'inä̧, Ja̧hua̧nö̧ jȩpu̧ adihua'a pä'ätucui Israel ttö̧ja̧ TTÖ̧Ä̧NÄ̧HUA̧RÖ̧TÄ̧. Ja̧u̧tä̧ jä̧cua̧'a̧cö̧ ucuturu suronä̧ jö̧ jȩpö̧'i̧cuä̧cua̧mä̧, cu̧ä̧nä̧hua̧tu̧cu̧ttu̧ ja̧hua̧ta̧'a̧nö̧ cui̧rȩjä̧tu̧cu̧ttu̧'inä̧. \v 6 ¿Dä̧bu̧ ucutumä̧ cuamiso'quitucuttu'inä̧ 'quiyönä̧ cuamucuädätucua'attö̧, egipto ttö̧ja̧ ja̧hua̧ta̧'a̧nö̧ Faraón ji̧nö̧'a̧nö̧mä̧? Ji̧yȩnö̧ pä̧nä̧ Israel ttö̧ja̧ TTÖ̧Ä̧NÄ̧HUA̧ rö̧ä̧nä̧ ro̧ȩpi̧nö̧ ji̧nö̧mä̧; ¿Ja̧hua̧nö̧ jö̧ttö̧ Egipto ttö̧ja̧mä̧ rä'epö tticuoca'anä̧'i̧nä̧ rä'opächocotö pinä̧tö̧?
--- a/06/07.txt
+++ b/06/07.txt
@ -0,0 +1 @@
+\v 7 Jitämä̧, doähuäcä jo̧mȩnö̧ jȩpä̧tu̧cui pä̧cä̧yö̧ ta̧ju̧ i̧tti̧cuä̧tö̧ttö̧ ti̧'ä̧dö̧, ppi̧'ȩpö̧ nö̧'cähuäcä nö'cähuocotö pä'ijätöttö. Päcäyä i̧sa̧ju̧tu̧ru̧mä̧ ti̧'ä̧dä̧tu̧cui̧ mä̧nä̧ra̧'a̧cu̧ttu̧, ja̧hua̧nö̧ ja̧'a̧nä̧ tti̧tti̧mö̧rö̧mä̧ ȩpä̧tucui̧ isodera̧'a̧cu̧, ta̧ju̧tu̧ttu̧ otó jo̧mecu̧. \v 8 Ja̧u̧nu̧ o'ca'a ȩmä̧jä̧tu̧cui̧ TÖ̧Ä̧NÄ̧HUA̧ esecuinoca̧ ja̧hua̧nö̧ jȩpö̧ rötäjätucui mä̧nä̧ rö̧ä̧mä̧nä̧. Oro a̧'u̧cuä̧ iyätucui mippoönä̧ ttiäre iyähua a̧'cua̧rö̧nä̧ jȩttä̧ji̧ micuä i̧so̧ca̧ jacuä ppeyänä̧ jo̧mȩ ȩnö̧. Ja̧u̧nu o'ca'a ja̧'a̧tä̧ topätucui ttu̧mä̧nä̧nä̧ tti̧'cha̧'a̧nä̧. \v 9 Ja̧u̧nu o'ca'a topätucui; tti̧rȩjä̧ Bet Semes mä̧nä̧cu̧ tti̧'cha̧ pä'ö, ja̧hua̧nö̧ jö̧ttö̧mä̧  TTU̧RU̧HUA̧TÄ̧ jä̧cua̧'a̧ pi̧yȩ röä̧nä̧ surojönä̧ jö̧ jȩpji̧mä̧. Ja̧hua̧nö̧ jö̧ juiyöttömä̧, ja̧u̧nutä̧ cu̧huo̧juä̧cuo̧tö̧jä̧ ujuturu ro̧'ȩpu̧mä̧ ja̧u̧mä̧cö̧ ja̧'a̧ pä'ö; ro̧ȩpa̧ päoca'anä̧ 'cuäopa'a pä'ö."
--- a/06/17.txt
+++ b/06/17.txt
@ -0,0 +1 @@
+\v 17 Pi̧yȩ ji̧na̧'a̧ dudu oyu oro a̧'u̧cuä̧ adicua'a ttiyinö̧mä̧ Filisteos ttö̧ja̧ TTU̧RU̧HUA̧RÖ̧ kú icú iyähuä päi'önä̧ ttiyinö̧mä̧ jäyä jȩtti̧nö micuä päi'önä: Asdodtto'inä ya'ute, Gaza'inä ya'ute, Ascalónttö̧'inä ya'ute, Gat-ttö'inä̧ ya'ute ja̧'hua̧ta̧'a̧nö̧ Ecrónttö̧'inä̧ ya'ute. \v 18 I̧si̧ri̧'cu̧tu̧ orottö adicuotömä̧ jimutȩnö̧ ji̧na̧'a̧ Filisteo ttö̧ja̧ ruhuo huettome jö̧ ta̧'a̧nö̧,  ötahuiyä rö̧o̧me'inä̧ ttidepiyu jo̧me'inä̧. Inä̧huä rö̧ähuänä̧, huä̧me rötinä̧tö̧ TTÖ̧Ä̧NÄ̧HUA̧  esecuinoca̧mä̧, pi̧yȩ mo̧ro̧ 'cuäopu topätö ka̧cuä̧tö̧ Bet Semita Josué ö̧ji̧nö̧'a̧nö̧.
--- a/06/19.txt
+++ b/06/19.txt
@ -0,0 +1 @@
+\v 19 TTÖ̧Ä̧NÄ̧HUA̧ ro̧'ȩpi̧nö̧ Bet Semes ttö̧ja̧rö̧, esecuinoca̧ jacuä tottina̧'a̧ttö̧. JA̧U̧MÄ cuä'ö  icuinö cicuenta mil setenta jo̧mȩ u̧mätörö. \v 20 Ttöja̧mä rö̧ä̧nä ajuähuinätö TTU̧RU̧HUA̧ recuätörö cuä'äu icua'a topu. Bet Semes ttöja̧ pä'inätö: "¿Díki̧jä̧ TTÖ̧Ä̧NÄ̧HUA̧ surojö jui'a̧ ä'ca jo̧mȩ ö̧jö'a̧nö hua̧mä? Porömä̧ dirö ki̧jä̧ huetäcua'a esecuinoca̧mä."
--- a/07/01.txt
+++ b/07/01.txt
@ -1 +1 @@
-\c 7 \v 1 falta \v 2 Ja̧u̧nö̧ mo̧ro̧tä̧ kä̧mä̧dö̧ esecuino̧ca̧mä̧ Quirat Jearim ötahuiyänä kina'ado recuo 20nö a̧'ȩ jo̧mȩnä̧. O'catoi'önä Israel ttö̧ja̧ ttoju odehuiyättömä ajacuähuinätö̧ ja̧'hua̧ta̧'a̧nö̧ eseäcuäunö ppättäda pä'ö TTU̧RU̧HUA̧RÖ̧.
+\c 7 \v 1 Quiriat Jearim ötahuiyä ttö̧ja̧mä̧ ichionä̧tö̧ TU̧RU̧HUA̧ esecuinoca̧ topö, ja̧'hua̧ta̧'a̧nö̧ ȩmi̧pi̧nä̧tö̧ Abnaad ojusodera̧'a̧  muä'ca po̧ri̧yä̧'tä̧ jo̧mȩ. Jahuätömä cä'epö ku̧ni̧nä̧tö̧ i̧tti̧ Eleazarö TÖ̧RÖ̧HUA̧ esecuinoca̧ hua'adö u̧ju̧na̧ pä'ö. \v 2 Ja̧u̧nö̧ mo̧ro̧tä̧ kä̧mä̧dö̧ esecuino̧ca̧mä̧ Quirat Jearim ötahuiyänä kina'ado recuo 20nö a̧'ȩ jo̧mȩnä̧. O'catoi'önä Israel ttö̧ja̧ ttoju odehuiyättömä ajacuähuinätö̧ ja̧'hua̧ta̧'a̧nö̧ eseäcuäunö ppättäda pä'ö TTU̧RU̧HUA̧RÖ̧.
--- a/07/09.txt
+++ b/07/09.txt
@ -0,0 +1 @@
+\v 9 Samuelmä̧ oveja i̧ttí̧ atate auttu 'chu'ädö kú icu iyinö̧ U̧RU̧HUA̧RÖ̧. Ja̧hua̧nö̧ jä̧ji o'ca'a Samuel Israel ttö̧ja̧ TTU̧RU̧HUA̧RÖ̧ jä'epinö̧. Jahuätö TTU̧RU̧HUA̧ ädätinä̧cu̧.
--- a/07/10.txt
+++ b/07/10.txt
@ -0,0 +1 @@
+\v 10 Samuel oveja i̧tti̧rö̧ kú icu iya'anä̧mä̧, Filisteo ttö̧ja̧ tö'cöpächinä̧tö̧ Israel ttö̧ja̧rö̧ ttörohuähua pä'ö; Ja̧hua̧nö̧ mo̧ro̧  TÖ̧Ä̧NÄ̧HUA̧ i̧huȩnȩ pä̧'i̧cu̧nä̧ rä̧mipi̧na̧'a̧ Filisteo ttö̧ja̧rö̧ ja̧hua̧nö̧ rä̧mipä̧u̧ ye'ecui'inä̧tö̧, ja̧hua̧nö̧tä̧ mo̧'ä̧chi̧nä̧tö̧ Israel ttö̧ja̧ ttä'cattömä̧. \v 11 Israel ttö̧ja̧mä̧ ujurunä̧ rä'opchinä̧tö̧ Mizpattömä̧, Filisteo tto'ca'anä̧ ruhui'ö cuä'ö icuinä̧tö̧ Bet Car yabonä̧ttö̧.
--- a/07/12.txt
+++ b/07/12.txt
@ -0,0 +1 @@
+\v 12 Ja̧u̧nu̧ o'ca'a  Samuel idó'qui chu'ädö rötinö Mizpattö'inä̧ ja̧'hua̧ta̧'a̧nö Sen'i̧nä̧ kä'co jo̧mȩ. Juhuäne ji̧nomȩmä o'inö Ebezer, päömä̧: "Penȩ jubu ppädäu̧jä̧ TTÖÄNÄ̧HUA̧MÄ̧".
--- a/07/13.txt
+++ b/07/13.txt
@ -0,0 +1 @@
+\v 13 Ja̧'hua̧nö ja̧'a̧ttö̧ Filisteosmä huetta'anä̧tä̧ ka̧cuinä̧to̧ Israel ttö̧ja̧  tti̧rȩjä̧ beipomȩ'i̧nä̧ cuä'o'ocottö pinä̧tö̧. TTÖ̧Ä̧NÄ̧HUA̧ kö'cocö pinö Filisteos ttö̧ja̧rö̧ Samuel ö̧ji̧nö pänä̧mä̧. Filisteos ttö̧ja̧ ötahuiyä bäreu 'chottipinö ji̧nömä̧ Israel ttö̧ja̧rö̧mä̧ ppa̧'a̧di̧nä̧tö̧, Ecrónttö̧  kämä̧dö̧ Gat beipomȩ jubu; \v 14 Israel ttö̧ja̧mä̧ ttírȩjä̧ ji̧nä̧jä̧mä̧ ppa̧'a̧di̧nä̧tö Filisteos 'chu̧tta̧ro̧mȩttö. Ja̧'hua̧nö̧ ja̧'a̧ttö̧ huȩnȩ juiyö ka̧cuinä̧tö Israel ttö̧ja̧ Amorreos ttö̧ja̧cu̧mä̧.
--- a/08/19.txt
+++ b/08/19.txt
@ -0,0 +1 @@
+\v 19 Samuel päö huȩnȩ tta̧ju̧cuomȩnä̧ ötahuiyä ttö̧ja̧mä̧ kö'cocotö pinä̧ttö; Pä'inä̧ttö̧: "¡kö'cocotöjä! Ya̧tȩrö̧ ru̧hua̧rö̧ pähuärö̧jä̧u̧jä̧  ujuturu huea pä'ömä̧. Kara'a rȩjȩtö̧ huȩtta̧u̧ ttö̧ja̧cua̧'a̧ jä̧'i̧jö'a̧nö tö̧ja̧ pä'ö, \v 20 Ja̧'hua̧nö̧ ja̧'a̧nä̧'i̧nä̧ ucuo ru̧hua̧mä̧ ujuturu ro̧ȩpu̧nö o'ipatö pä'ö, ja̧'hua̧ta̧'a̧nötä̧ curä  rohuäu ti'cho̧mȩnä̧'i̧nä̧ tä'canä̧  i̧cha̧ pä'ö.
--- a/08/21.txt
+++ b/08/21.txt
@ -0,0 +1 @@
+\v 21 Samuel jahuätö pättö o'cajuiyönä̧ ä̧ju̧cuo̧mȩnä̧,ÖÄNÄ̧HUA̧RÖ̧ ucuocu pättäji jä̧ji̧ ppa̧'a̧dö̧ ji'ähuinö. \v 22 TTÖ̧Ä̧NÄ̧HUA̧ pä'inö Samuelrö:"pättö jȩpi̧ ya̧tȩrö̧ ȩmu ucuo ttu̧ru̧hua̧ päi'önä̧ jahuätö". Ja̧'hua̧nö ja̧'a̧ttö̧ Samuel pä'inö̧  Israel ttö̧ja̧rö̧mä̧: "o'catoii'önä̧ ppa̧cuä̧chä̧tu̧cua'anö ja̧'a̧ cuidepiyutucura̧'a̧tä̧."
--- a/09/01.txt
+++ b/09/01.txt
@ -0,0 +1 @@
+\c 9 \v 1 Ya̧tȩ ki̧nö̧ Benjamin ahuaruhuä o'cotö i̧sa̧, ja̧u̧ ubomä̧ juiyó uruhuinö̧. I̧mi̧mä̧ micuinö̧ Cis, Abiel i̧tti̧ ji̧na̧'a̧, ja̧u̧mä̧ Zeror i̧tti̧ ji̧na̧'a̧, ja̧u̧mä̧ Becorat i̧tti̧ ji̧na̧'a̧, ja̧u̧mä̧ Afía i̧tti̧ ji̧na̧'a̧, ja̧u̧mä̧ Benjamin isotö i̧sa̧ ji̧na̧'a̧. \v 2 Ja̧u̧mä̧ i̧tti̧ ya̧tȩrö̧ ku̧nä̧ri̧nö̧ Saúl pä'ö micua̧rö̧, ja̧u̧mä̧ juiyó a̧'cua̧cua̧ ji̧na̧'a̧, Israel ttö̧ja̧ttö̧mä̧ ya̧tȩ'i̧nä̧ toina̧'a̧ ja̧u̧'a̧nö̧ a̧'cua̧cua̧mä̧. Ja̧u̧ i̧mi̧ttö̧ huä̧mecu̧mä̧ ja̧u̧tä̧ ji̧na̧'a̧ korotöttö'inä̧ abonä̧nö̧ otopinömä̧.
--- a/09/03.txt
+++ b/09/03.txt
@ -0,0 +1 @@
+\v 3 Cis ä̧ji̧mö̧ burötö̧, Saúl jä'ó ä̧ji̧mö̧, rettehuächinä̧tö̧. Ja̧hua̧nö̧ ji̧yä̧cu̧, Cismä̧ pä'inö̧ i̧tti̧ Saúlru: "Chu̧mu̧huä̧ya̧ttö̧ ya̧tȩrö̧ o'ipö tä'i; jo̧menö̧ jȩpi̧pö̧ usäjätucui chäji burö̧tö̧tö̧. \v 4 Ja̧hua̧nö̧ ja̧'a̧ttö̧ Saúlmä̧ 'cuä'opö 'chi̧nö̧ de'a muä'chiju jö̧me Efrain ötahuiyänä̧ ja̧hua̧ta̧'a̧no 'cuä'opinö̧ Salisa ttö̧ja̧ tti̧rȩjä̧nä̧'inä̧, ja̧hua̧nö̧ 'cuä'pö tti'cha̧'a̧nä̧'inä̧ po̧cui̧po̧co̧tö̧pinä̧tö̧. Ja̧u̧nu o'ca'a 'cuä'opinä̧tö̧ Saalim ttö̧ja̧ tti̧rȩjä̧nä̧, ju'huȩnȩ'inä̧ toina̧'a̧. Ja̧u̧nu o'ca'a 'cuä'opinö̧ Benjamin ahuaruhuä o'cotö tti̧rejä̧nä̧. Ja̧hua̧nö̧ ja̧'a̧nä̧ juorö'inä̧ po̧cui̧po̧co̧tö̧pinä̧tö̧.
--- a/09/14.txt
+++ b/09/14.txt
@ -0,0 +1 @@
+\v 14 Ja̧hua̧nö̧ ja̧'a̧ttö̧ jahuätö 'cha'chepinä̧tö̧ ötahuiyära̧'a̧cu̧. Jahuätö ötahuiyära̧'a̧ dodettomenä̧mä̧, topinä̧tö̧ Samuelrö ttö̧jo̧cua̧'a̧cu̧ icha'a, ju'toju jo̧mecu̧ 'chahuächa pä'ö.
--- a/09/15.txt
+++ b/09/15.txt
@ -0,0 +1 @@
+\v 15 tämä̧, Sau̧l ichäcua'a ä'canä̧ mo̧ro̧, TTÖ̧Ä̧NÄ̧HUA̧MÄ̧ i̧jȩpä̧jä̧'a̧ ji̧na̧'a̧ Samuelrö: \v 16 "Yo̧ä̧i̧ jitä mo̧ro̧ jo̧ta̧'a̧nö̧ TÖ huȩdä̧cua̧jä̧ ya̧tȩrö̧ Benjamin ttö̧ja̧ ttirȩjä̧ ra̧'a̧cu̧, ucumä̧ ja̧u̧ru pojopu a̧dȩja dacuepä̧cua̧jä ja̧u̧tä̧ jä̧cua̧'a̧ TTÖ chidepiyu Isral ttö̧ja̧ tturuhua̧ jä̧cua̧mä̧. Ja̧u̧tä̧ ja̧'a̧ TTÖ chu̧mu̧huäyotörö ppä̧dä̧cua̧mä̧ Filisteos ttu̧mu̧ttö̧. TÖ chumuhuäyotörö rȩrö̧jö̧nä̧ topö̧sä, jahuätö jä'epu huottö  TTÖ chä'cajo̧me rä̧behuä̧jä̧'a̧."
--- a/09/25.txt
+++ b/09/25.txt
@ -0,0 +1 @@
+\v 25 Ja̧u̧nu̧ o'ca'a ju'toju  jo̧mȩttö mȩjä̧hui̧nä̧to̧ ötahuiyä röo̧mȩcu̧, Samuel ju'toju isäbättö ucuocuinö   Saúlrö. \v 26 Ja̧'hua̧nö ja̧'a̧ttö̧ mo̧ro̧ juo'omȩnä̧ Samuel huopinö Saúlrö ju'toju isäbära'attö pä'inö:  "Ä̧ra̧mi̧'i̧, tehuäcuipa". Ja̧'hua̧nö päcu Saúl  ä̧rä̧mi̧'i̧nö, jau̧nu̧ o'ca'a Samelcu  ta̧ju̧nä̧ rä'opinä̧tö̧ u̧mi̧ mä̧nä̧ra̧'a̧cu.
--- a/09/27.txt
+++ b/09/27.txt
@ -0,0 +1 @@
+\v 27 Ja̧'hua̧ta̧'a̧nö̧  ötahuiyä rö̧o̧mȩ  u̧mi̧nä̧ tti̧cha̧'a̧nä̧ , Samuel Saúlrö pä'inö: "Ji'ähui Cu̧mu̧huä̧ya̧rö̧ ttä'canä̧ i̧'cha̧ (ja̧'hua̧nö̧ ja̧'a̧ttö̧ ä'canä̧ 'chi̧nö̧), ja̧'hua̧nö̧ ja̧'a̧nä̧ ucumä ki̧'i̧pi̧jó, huȩnȩ jidähuacu TÖ̧Ä̧NÄ̧HUA̧ ucuru päji."
--- a/10/05.txt
+++ b/10/05.txt
@ -0,0 +1 @@
+\v 5 Ja̧u̧nö o'ca'a, ucumä̧ cui̧'chä̧cua̧jä̧ muä'ca Dios ö̧jä̧'cara̧'a̧, Filisteos su̧ro̧do̧u̧ ttö̧jo̧cuo̧mecu̧. Ötahuiyära̧'a̧ cui'chi'o̧menä̧mä̧, tocu'äcuähuä̧cua̧jä̧ profeta huotö tti̧mejä̧hua̧'a̧ arpacu, tamborcu, flauta ja̧'hua̧ta̧'a̧nö̧ lira'inä̧; jahuätömä̧ 'cuopä̧cuä̧ ji'äu pputtäcuotö. \v 6 Ja̧'hua̧nö̧ päi'omenä̧ TTÖ̧Ä̧NÄ̧HUA̧ A̧'cua̧ru̧hua̧ ucunä̧ ö̧jä̧mä̧dä̧cua̧, ja̧u̧nutä̧ u̧cuo̧cuä̧cua̧ jahuätörö 'cuä̧o̧pä̧cuä̧mä̧, ja̧hua̧nö̧ jo̧menä̧ ö̧jö̧ttö̧'inä i̧mi̧cu̧nä̧ ö̧'o̧rä̧huächä̧cua̧.
--- a/10/07.txt
+++ b/10/07.txt
@ -0,0 +1 @@
+\v 7 Pi̧yȩ o'cajuiyönä̧ 'cuäopä̧cuä̧ ucuru ichomenä̧mä̧, jȩ'cu̧'a̧ja̧ cu̧munä̧ jȩ'cu̧'a̧ pä'ö ichömä̧, TÖ̧Ä̧NÄ̧HUA̧MÄ̧ ucutäcu kö̧. \v 8 Ttucu ji̧nä̧ yo̧metȩ päcui'a ichí Gilgalra̧'a̧. Ja̧u̧nu̧tä̧ ucucu chi̧'chä̧cua̧sä̧, ttiäre kú icu iyähuä ja̧'hua̧ta̧'a̧nö̧ isa̧rö̧ cuä'ö icu tiyäcuotöjä surojö'inä̧ juiyönä̧. Ji̧mutȩttö̧ todäre mo̧ro̧ tta̧cuä̧ra̧ja̧ ucucu jinä̧ yo̧metȩ pädi'ome jubu ja̧u̧nu̧tä̧ ji̧dä̧huäcua̧jä̧ jȩ'cu'ä̧cuä̧mä̧.
--- a/12/04.txt
+++ b/12/04.txt
@ -0,0 +1,2 @@
+\v 4 Jahuätö  päi'nätö: "Täcö yapare   pä'ö
+ ro̧ttȩpi̧nä̧u̧jä̧  umätö̧ttö̧mä ya̧tȩ'inä nä̧u̧cuo̧co̧tö̧ pinätö ."   Ja̧u̧mä jahuätörö päi'nö: \v 5 "Ujutu  turohuäu  ötö'cö huo̧jua̧mä̧ TU̧RU̧HUA̧TÄ̧,   ja̧'hua̧nö̧ ja̧'a̧ttö̧   pojopu eminä̧cu̧'inä huo̧ja̧  jitä mo̧ro̧  ucuttumä  ya̧tȩ'i̧nä po̧cui̧po̧cu̧ chu̧mu̧ttö̧mä̧." Ja̧'hua̧nö̧ ja̧'a̧  jahuätö  ttädätinäcu:  "TU̧RU̧HUA̧TÄ̧  huo̧jua̧mä̧"
--- a/12/06.txt
+++ b/12/06.txt
@ -0,0 +1 @@
+\v 6 Samuel ötahuiyä ttoa̧ja̧rö̧ pä'inö:  TU̧RU̧HUA̧TÄ̧ Ji̧na̧'a̧  Moisésrö'inä Aarónrö'inä hue'inömä Egipto rȩjȩra̧'a̧ttö̧ ucutu cuä'otu̧cu̧cu̧ru̧  tti'cächa pä'ö. \v 7 Jitämä ja̧'hua̧nö̧ ja̧'a̧nä̧  ja̧'hua̧nö̧ ju̧nä̧tä i̧jȩpä̧tu̧cui̧  TU̧RU̧HUA̧ ä'ca jo̧mȩttö̧mä̧,  ja̧'hua̧nö̧ ja̧'a̧nä    ttötä ucuturu   ucuotunu chucuocuäcua̧sä̧  ucuturu'inä cuä'o̧tö̧rö̧'inä   o'cajuiyönä  TU̧RU̧HUA̧ adihuä juäi jeinömä.
--- a/12/08.txt
+++ b/12/08.txt
@ -0,0 +1 @@
+\v 8 Jacob Egiptora̧'a̧ ichinö̧mä̧, jä̧'o̧tö̧mä̧ TTÖ̧Ä̧NÄ̧HUA̧RÖ̧ jä'epinä̧tö̧. Jättepomenä̧ TTÖ̧Ä̧NÄ̧HUA̧  hue'inö̧ Moisésrö ja̧'hua̧ta̧'a̧nö̧ Aarónrö̧'inä̧, jahuätömä̧ Egiptottö'inä̧ korome hue'ö ka̧cuinä̧tö̧ ja̧'hua̧nö̧ ja̧'a̧ttö̧ ttö̧ja̧'a̧cutä̧ o'ipu 'chi̧nä̧tö̧. \v 9 Ja̧'hua̧nö̧ ja̧'a̧nä̧ jahuätömä̧ TTU̧RU̧HU̧HUA̧ TTÖ̧Ä̧NÄ̧HUA̧rö'inä̧ unichi'inä̧tö̧ ji̧na̧'a̧; ja̧'hua̧nö̧ jo̧menä̧ Sísara u̧mu̧nä̧tä̧ pä'i'inä̧tö̧, ja̧u̧mä̧ Hazor su̧ro̧do̧u̧ ttu̧ru̧hua̧ ji̧na̧'a̧, Filisteos ttu̧munä̧'inä̧ ja̧'hua̧ta̧'a̧nö̧ Moab ru̧hua̧ u̧munä̧'inä̧; jähuättö o'catoi'önä̧ ttö̧tä̧muminättö̧ rohuäu kacui̧nä̧tö̧.
--- a/12/10.txt
+++ b/12/10.txt
@ -0,0 +1 @@
+\v 10 Jahuätö TTÖ̧Ä̧NHUA̧RÖ̧ jä'epö pä'inä̧tö̧: "Ujutumä̧ surojönä̧ jȩpä̧jä̧tö̧jä̧, TÖ̧Ä̧NÄHUA̧rö̧ jaropiö ja̧'hua̧nö̧tä̧ jȩpö̧ korotö Baal huotörö ja̧'hua̧ta̧'a̧nö̧ Astarot'rö'inä. Ja̧'hua̧nö̧ ja̧'a̧nä̧ jitämä̧ ta̧bo'cha̧ttö̧ ppäcuädatö pä'ätöjä, ja̧'hua̧nö̧ jö̧ttö̧tä̧ ucu päcu jȩtä̧cuo̧tö̧jä̧." \v 11 Ja̧'hua̧nö̧ ja̧'a̧ttö̧  TÖ̧Ä̧NÄ̧HUA̧MÄ̧  hue'inö̧ Jerobaalrö, Bedánrö̧, Jeftérö ja̧'hua̧ta̧'a̧nö̧ Samueirö'inä̧, ja̧'hua̧nö̧tä̧ ttabó iyottörö iso juottepönä̧ jȩpi̧nö̧ ppeyänä̧ kacuä̧tö̧rö̧, ja̧'hua̧nö̧ ja̧'a̧ttö̧ ro̧huä̧pi̧jö̧ juiyönä̧ ko̧cui̧nä̧tö̧.
--- a/12/16.txt
+++ b/12/16.txt
@ -0,0 +1 @@
+\v 16 Ja̧'hua̧nö̧ ja̧'a̧ttö̧ ucutu jitä, topätucui pi̧yȩ bäreu Cu̧ru̧hua̧tu̧cu̧ jȩa̧'a̧ ucutu cuä'catucuttö. \v 17 ¿Jitä jo̧ca̧'a̧ trigo ca̧ca̧cuä̧ pä̧nä̧mä̧? Chu̧ru̧hua̧rö̧ jä̧'ȩpä̧ru̧sä̧ ja̧'a̧tä̧ huea pä'ö cu'upä cöröächönä ja̧'hua̧ta̧'a̧nö̧ ajiya'inä. Ja̧'hua̧nö̧ ja̧'a̧ttö̧ ucutumä cu̧huo̧juä̧chi̧'ä̧cuo̧tö̧jä̧, ja̧'hua̧ta̧'a̧nö̧ to'cuäcuotöjä̧ ucutu suronä jȩ'cuä̧tu̧cu̧mä̧ rö̧ä̧nä̧ ja̧'a̧, tu̧ru̧hua̧ ä'ca jo̧mȩttö̧ ru̧hua̧ jä̧cuȩ päcuäjätucua'attö. \v 18 Ja̧'hua̧nö̧ ja̧'a̧ Samuel U̧ru̧hua̧rö̧ jä'epinö; ja̧'hua̧nö̧ ja̧'a̧ ja̧u̧nö̧tä̧ mo̧ro̧ Tu̧ru̧hua̧mä̧ hue'inö cu'upä'inä cuä'önä ja̧'hua̧ta̧'a̧nö̧ ajiya'inä ichönä, ja̧u̧nö̧ o'ca'a ötahuiyä ttö̧ja̧ o'catoi'önä ye'ecuinä̧tö̧ ja̧'hua̧ta̧'a̧nö̧ Samuelrö'inä.
--- a/12/19.txt
+++ b/12/19.txt
@ -0,0 +1 @@
+\v 19 Ja̧'hua̧nö̧ ja̧'a̧ttö̧ ttö̧ja̧mä̧ o'catoi'önä pä'inä̧tö̧ Samuelrö, "Jä'epi cumuhuäyotö tti̧mi̧nä̧ cu̧ru̧hua̧ Diosrö 'coru juotächö juiya pä'ö, isopäi'önä ujutumä ppä'ädipö o'cajuiyönä suronä jȩttä̧ji̧mä̧ ru̧hua̧rö̧ jä'epö ujutu tu̧huä̧mȩnä̧ jö̧nä̧. \v 20 Samuel ädätinö: "Yecuecuätucuä, ucutu pi̧yȩ surojö o'cajuiyönä jȩpä̧jä̧tö̧mä̧, ja̧'hua̧nö̧ ja̧'a̧nä̧ cu̧ru̧hua̧rö̧mä̧ cucnichi'ätucuä, Tu̧ru̧hua̧ Diosrö, ucuotätucui TÖ̧Ä̧NÄ̧HUA̧RÖ̧ o'cajuiyönä cuamiso'quinä'inä. \v 21 Cuiresehuätucuä suroju o'ca'anämä yapare jähuänä̧  surojunä, ja̧'hua̧ta̧'a̧nö̧ yoriso ucuturu ppädocö, ja̧'hua̧nö̧ ja̧'a̧nä̧ ja̧u̧mä̧ micuähuocö.
--- a/12/22.txt
+++ b/12/22.txt
@ -0,0 +1 @@
+\v 22 Ja̧'hua̧ta̧'a̧nö i̧mi̧ röä̧ö̧nä̧ micuähua'attö, TTÖ̧Ä̧NÄ̧HUÄ̧MÄ ö'arodiya̧cua̧ umucuäyotörömä, ja̧'hua̧nö̧ ja̧'a̧nä̧'i̧nä̧ TTÖ̧Ä̧NÄ̧HUÄ̧MÄ̧ eseunu to̧ä̧u̧ chutä umuhuäyotö 'cua̧rö̧nä̧. \v 23 Ttöttömä̧, ototä ja̧'a̧ suronä̧ jȩä̧cuä̧huä̧ttö̧mä̧ TTÖ̧Ä̧NÄ̧HUÄ̧RÖ, ucutunä̧ jä̧ȩpä̧rä̧cuä̧huä̧ jaropi'ö jahuätörömä̧ chu̧juo̧juȩtä̧cua̧sä̧ adiu jueönä̧ jahuätä.
--- a/12/24.txt
+++ b/12/24.txt
@ -0,0 +1 @@
+\v 24 TTÖ̧Ä̧NÄ̧HUA̧ ya̧tȩrötä̧ ye'ecuätucui  cuamiso'quitucu jacuä o'cajuiyönä jueönä̧tä̧ jȩpä̧tu̧cui̧. Topätucui ucuturu röä̧ö̧ jähuä jȩi̧na̧'a̧. \v 25 ja̧'hua̧nö̧ ja̧'a̧nä̧ surojönä̧tä̧ jȩpä̧'chö cu̧jä̧tu̧cu̧tu̧mä̧ ucutu ucuo cu̧ru̧hua̧tu̧cu̧'i̧nä̧ to̧ȩ'ä̧cua̧.
--- a/13/01.txt
+++ b/13/01.txt
@ -0,0 +1 @@
+\c 13 \v 1 Saúl 30nö a̧'ȩ ö̧jö̧nä̧ro̧mȩnä̧ ucuo ru̧hua̧ hue'ö ö̧ja̧ pä'ö kä̧mä̧di̧nö̧; ja̧'hua̧nö̧ ja̧'a̧ ruhuo hue'ö ki̧nö̧ 40nö̧ a̧'ȩ jo̧mȩnä̧ Israel ttö̧ja̧rö̧. \v 2 Ja̧u̧mä̧ tres milnö̧ jo̧mȩnä̧ ca̧ca̧ti̧nö̧ Israel ttö̧ja̧ u̧mö̧tö̧rö̧. Dos milnö jo̧mȩnä̧ chutäcu ka̧cui̧nä̧tö̧ Micmasnä ja̧'hua̧ta̧'a̧nö̧ Betel de'iyunä, ja̧'hua̧nö̧ ja̧'a̧nä̧ milnö umätö̧ ka̧cui̧nä̧tö̧ Jonatáncu̧ Benjamín öäre bäreö ötahuiyä Gebanä. Korotö ppä'ächotö su̧ro̧da̧u̧ ka̧cui̧pä̧jä̧tö̧rö̧mä̧ ojusodera̧'a̧ hue'inö, ya̧cu̧ pö̧nä̧rö̧ isode i̧sa̧ i̧jȩta̧ttö̧ 'tu̧ä̧huodera̧'a̧.
--- a/13/03.txt
+++ b/13/03.txt
@ -0,0 +1 @@
+\v 3 Jonatán rohuäu juruhuinö̧ filisteos su̧ro̧da̧u̧rö̧ Gebanä ka̧cui̧nä̧tö̧rö̧ ja̧'hua̧ta̧'a̧nö̧ filisteos ttö̧ja̧'inä ä̧ju̧cui̧nä̧tö̧ 'cuäopäjimä. Ja̧'hua̧nö̧ ja̧'a̧ttö̧ Saúlmä trompeta ppu'inö korome'inä, koromettö̧'inä, pä'inö: Ä̧ju̧cuä̧tu̧cui̧ Hebreos ttö̧ja̧." \v 4 Israel ttö̧ja̧mä̧ ä̧ju̧cui̧nä̧tö̧ saúl, filisteos su̧ro̧da̧u̧rö̧ ruhuäu ujuruhuäjimä, ja̧'hua̧nö̧ Israel ttö̧ja̧mä̧ a̧'u̧ti̧nä̧tö̧ filisteos ttö̧ja̧rö̧mä̧. Ja̧'hua̧nö̧ ja̧'a̧ttö̧ su̧ro̧da̧u̧mä̧ huopö 'chi̧nä̧tö̧ Saúlrö Gilgal ötahuiyättö ji̧nä̧ yo̧mȩtȩ pätti'a pä'ö.
--- a/13/13.txt
+++ b/13/13.txt
@ -0,0 +1 @@
+\v 13 Ja̧'hua̧nö̧ jo̧menä Samuelmä̧ pä'inö̧ Saúlrö: "Ttuhuȩpä̧ro̧cö̧ a̧'cua̧rö̧nä̧ jȩpä̧ji̧jä̧. Ucumä̧ juiyó jarodöjä TU̧RU̧HUA̧ TTÖ̧Ä̧NÄ̧HUA̧ iyinö̧'inä̧. \v 14 Ja̧u̧ TTÖ̧NÄ̧HUA̧TÄ̧ jina̧'a̧ 'cuäopönä̧tä̧ Israel ttö̧ja̧tö̧ hue'ö cu̧ja̧ pä'ö hue'inö̧mä̧. Ja̧'hua̧nö̧ ja̧'a̧nä̧ jitä ruhuo huecumä̧ 'chä̧hui̧'i̧yä̧cua̧'a̧. TTÖ̧NÄ̧HUA̧MÄ̧ usu ja̧'a̧ amiso'qui diyaunä̧ hua̧rö̧, Ja̧'hua̧nö̧ ja̧'a̧ttö̧ TÖ̧Ä̧NÄ̧HUA̧MÄ̧ pojopö̧ ȩminö̧ chutä pä'öta'anö̧ ttö̧ja̧rö̧ huȩä̧cuarö̧mä̧, jua'amä̧ ucuru hueinö̧ CHUTÄ huȩinö̧ jȩ'cuo̧ca̧'a̧ttö̧."
--- a/13/15.txt
+++ b/13/15.txt
@ -0,0 +1 @@
+\s5 \v 15 Ja̧u̧nu o'ca'a Samuelmä̧ ä̧rä̧mi'ö̧ huä̧mipi̧nö̧ Gigalttö Guibeacu Benjamin ahuarubuä o'cotö ti̧rȩjä̧cu̧. Ja̧u̧nu o'ca'a Saul pa̧ja̧tö̧ topinö̧ u̧mu̧huäyotö chutäcu kä̧cuä̧törö,  ja̧'hua̧nö̧ to'omenä̧  600nö̧ u̧mä̧tö̧ jo̧mȩ. \v 16 Saul, ja̧'hua̧ta̧'a̧nö̧ i̧tti̧ Jonatán o'catoi'önä̧ chutäcu ka̧cuä̧tö̧mä̧, ka̧cui̧pi̧nä̧tö̧ Gibanä̧ Benjamin ahuaruhuä o'cotö ti̧rȩjä̧nä̧. Ja̧'hua̧nö̧ ja̧'a̧nä̧ Filistea ttö̧ja̧mä̧ Micmasnä̧ ka̧cuinä̧tö̧.
--- a/13/17.txt
+++ b/13/17.txt
@ -0,0 +1 @@
+\v 17 Su̧ro̧da̧u̧mä̧ ichinä̧tö̧ filisteos ttä'äcuarättö huäbosacuä ttö̧ja̧ jo̧mȩnä̧ ca̧ca̧cui̧nä̧tö̧, korotömä 'chi̧nä̧tö̧ ofra rȩjȩra̧'a̧ sual. \v 18 Korotömä 'chi̧nä̧tö̧ Bet Horón ja̧'hua̧ta̧'a̧nö̧ korotö 'chi̧nä̧tö̧ meje'ca pämeroppä jo̧mȩ jäyänä to̧pä̧rö̧ Zeboimra̧'a̧cu̧ rȩjȩ de'a'inä juiyome.
--- a/13/19.txt
+++ b/13/19.txt
@ -0,0 +1 @@
+\v 19 Yoriso toina̧'a̧ ya̧tȩ'inä cuoräu 'tahuähuä i̧sa̧ tö'cönänömä Israelnämä, ja̧'hua̧nö̧ ja̧'a̧ttö̧ filisteos pä'inä̧tö̧; koro ja̧'a̧nä̧ hebreos jȩpi̧nä̧tö̧ curodiyä o'chu ja̧'hua̧ta̧'a̧nö̧ jitötä ttiäre." \v 20 O'catoi'önä Israel ttö̧ja̧mä̧ filisteostä ppä̧ttä̧dä̧ri̧nä̧u̧ sa̧ttȩpa̧ pä'ö rȩjȩ äcuähuäya, pici'chu, i̧da̧pä̧'ki̧yä̧ ja̧'hua̧ta̧'a̧nö̧ isä'cua äcu 'cuiähuäcä. \v 21 Ja̧u̧ micuämä ji̧na̧'a̧ tercios cilos jo̧mȩnä̧ cuähuä odu rȩjȩ äcuähuäya ja̧'hua̧ta̧'a̧nö̧ pico'chu ja̧'hua̧nö̧ ja̧'a̧nä̧ ya'ute tercios cuhuä odu jina̧'a̧ pärätänä sa̧ttȩpa̧ pä'ö i̧da̧pä̧'quȩ ja̧hua̧ta̧'a̧nö̧ isä'cua äcu cuähuä ttadita pä'ö.
--- a/13/22.txt
+++ b/13/22.txt
@ -0,0 +1 @@
+\v 22 Ja̧hua̧nö̧ ja̧'a̧ ji̧yȩnö̧ su̧ru̧da̧u̧ ttörohuäu mo̧ro̧mä, po̧cui̧po̧co̧tö̧ pinätö curä'chu'inä̧ dacuodä'inä̧ jui'inä̧tö ya̧tȩ ttö'i̧nä̧ tumunä̧mä̧ Saúlcu ja̧'hua̧ta̧nö̧ Jonatáncu̧ ka̧cuä̧ttömä̧; Ta̧ju̧tä̧ ku̧nä̧ri̧nä̧tö̧ curä'chumä̧ Saúl'inä i̧tti̧ Jonatán jönä̧tä. \v 23 Su̧ro̧da̧u̧ Filisteos ttöja̧mä̧ rä'opinä̧tö̧ Micmas tta'canä 'cuätto'a pä'ö.
--- a/14/01.txt
+++ b/14/01.txt
@ -0,0 +1 @@
+\c 14 \v 1 Ya'ute mo̧ro̧ Saúl i̧tti̧ Jonatánmä pä'inö umöhuäya möäya̧rö̧ rohuähuäcuähuä obi ȩcuä̧ i̧sa̧rö̧, ichihuä ya̧nä̧ pä̧tȩcuä̧nö̧ ti̧'cha̧ filisteos ttä'äbariyänä ja̧'hua̧nö̧ ja̧'a̧nä̧ jä'orömä ji'ähuocö pinö.
--- a/14/02.txt
+++ b/14/02.txt
@ -0,0 +1 @@
+\v 2 Saúlmä ki̧nö̧ Guibe'anä korotö tti̧rȩi̧jä̧cu̧ beipome  dau u̧huä̧ju̧ ote huȩjä̧i̧mä̧ ki̧na̧'a̧ Migránnä juäi dȩa̧'a̧ pi̧nö̧ chutäcumä 600nö tö'cöhuächi'önä huotö ji̧na̧'a̧ u̧mä̧tö̧mä̧. \v 3 Jua'attömä ki̧nö̧ Ahito i̧tti̧ Abias'inä ji̧na̧'a̧, Elí i̧tti̧ Finees'inä Tö̧ä̧nä̧hua̧ aditähuä adicuä ttö̧ja̧ i̧sa̧ Silottö, ö̧'ca̧tä̧huä̧ta̧mä̧ 'ca̧tä̧hui̧nö̧ Diosttö'inä ttö̧ja̧ttö̧'i̧nä̧ kä'co päte'öadicuä ttö̧ja̧ ttö̧'ca̧tä̧huä̧ta̧ 'ca̧tä̧hui̧nö̧ ttö̧ja̧mä̧ jerupinä̧tö̧ Jonatán i̧huä̧ja̧'a̧mä̧.
--- a/14/04.txt
+++ b/14/04.txt
@ -0,0 +1 @@
+\v 4 Filisteos ä'ecu ttö̧ja̧cuo̧mȩnä̧ 'cuäopa pä'ö a̧mö̧cuädomemä pä̧tȩcu̧ idose jo̧mȩ ja̧'a̧nä̧ inäducu jo̧mȩ ji̧na̧'a̧. Ja̧u̧ idosemä Boses pä'ö micua'anä pä̧tȩcuä̧nö̧mä̧ Sene pä'ö micuinome. \v 5 ja̧u̧ idose juiächi'omemä Micmasttömä̧ pä̧tȩcuä̧nö̧ ja̧'a̧nä̧ ö'ohuecu ki̧na̧'a̧, ja̧'hua̧ta̧'a̧nö̧ ji̧jä̧cu̧mä̧ Geba ötahuiyättömä pä̧tȩcuä̧nö̧ ja̧'a̧nä̧ u̧huo̧jua̧'a̧cu̧ ki̧na̧'a̧.
--- a/14/06.txt
+++ b/14/06.txt
@ -0,0 +1 @@
+\v 6 Jonatánmä möäya̧ curä rohuäu ttoecuäcuähuäbi ku̧nä̧rö̧rö̧ pä'inö: Ichi, ti̧'cha̧, judio huocotö ä'ecu ttö̧ja̧cuo̧mȩnä̧ 'cuätopa. TÖ̧Ä̧NÄ̧HUA̧ ujuturu ppädipa'anö ja̧ pä'ö, täcö TÖ̧Ä̧NÄ̧HUA̧MÄ̧ recuätönä'inä a̧'u̧cu̧nä̧tä̧ huotönä'inä curättö ttö̧ji̧pö̧nä̧mä̧ ppädädö juiyö'anö ja̧'a̧ pä'ocö jä̧cua̧." \v 7 Curä rohuäu ttoecuäcuähuäbi ku̧nä̧rö̧rö̧mä̧ pä'inö: "Ucutä cuamö̧cuäda'acu jȩpi̧. Tähuä ti̧'cha̧ ttömä ucutäcu kö̧sä̧ huecumä o'cajuiyönä̧tä̧ jȩchä̧cua̧sä̧."
--- a/14/08.txt
+++ b/14/08.txt
@ -0,0 +1 @@
+\v 8 Jonatán pä'inö: "Ujutumä töjähuächäcuotöjä̧ jahuätö ttö̧ja̧ umätö̧ ttö̧ja̧cuo̧mȩ, ja̧'hua̧ta̧'a̧nö̧ ti̧jȩpä̧cuo̧tö̧jä̧ jahuätörö. \v 9 Jahuätö ujuturu pättöttömä: Tta̧'ä̧rä̧tu̧cui̧ ju̧huȩnȩtä̧ ujutu ucutu cu̧jä̧tu̧cuo̧mȩ ttö̧rä̧bȩhuo̧mȩ jubö, ja̧'hua̧nö̧ ja̧'a̧ttö̧ ujutumä tö̧jä̧'i̧jo̧mȩtä̧ tö̧ja̧cuä̧cuo̧tö̧jä̧ ja̧'hua̧ta̧'a̧nö̧ jahuätörömä kätocotöjä. \v 10 Jahuätö ttädätöttömä̧: I̧chä̧tu̧cui̧ ujutu tö̧ja̧cua̧'a̧cu̧, ja̧'hua̧nö̧ jö̧ttö̧mä̧ ujutumä jahuätörömä ttö̧ä̧u̧nä̧ jȩtä̧cuo̧tö̧jä̧; tocu pä'ö TU̧RU̧HUA̧MÄ̧ ujutu tumönä iyina'attö̧, ja̧'hua̧nö̧tä̧ i̧jȩcuä̧cua̧'a̧ ujuturu.
--- a/14/11.txt
+++ b/14/11.txt
@ -0,0 +1 @@
+\v 11 Ja̧'hua̧nö̧ ja̧'a̧ttö̧ ta̧ju̧cuäyotö i̧jȩcui̧nä̧tö̧ filisteos su̧ro̧da̧u̧rö̧. Filisteos ttö̧ja̧mä̧ pä'inä̧tö̧: Topätucui Hebreos ttö̧ja̧mä̧ idoriyära̧'a̧ dajahuächinä̧tö̧mä̧  jitämä juhua'attö rä'ecuätö. \v 12 Ja̧'hua̧nö̧ ja̧'a̧ umätö̧ su̧ro̧da̧u̧mä̧ huopinätö̧ Jonatánrö̧ ja̧'hua̧ta̧'a̧nö̧ ttoecuäräcuähuäbi ttopärätö̧rö̧'i̧nä̧ ja̧'hua̧ta̧'a̧nö̧ päinätö̧: "Ujutu ttja̧cua̧'a̧cu̧ ichi, ja̧hua̧ta̧'a̧nö̧ ji̧yȩtȩ ti̧jȩpä̧tu̧cua̧cu̧" Jonatán pä'inö 'kiyäbi tto̧'ȩpä̧rä̧tö̧rö̧: Cho'ca'anä ichätucui TU̧RU̧HUA̧MÄ̧ Israel ttö̧ja̧ ttu̧mö̧nä̧ iyäcuotöjä̧.
--- a/14/13.txt
+++ b/14/13.txt
@ -0,0 +1 @@
+\v 13 Jonatánmä umunä'inä i̧jä̧punä inä te'chaunu 'cha'achinö, ja̧'huanö ja̧'a̧nä̧ ttoecuäbi 'chuhuä̧rä̧cuä̧ i̧samä̧ ja̧u o'ca'anä̧ huä̧mipinö̧, Filisteos ttö̧ja̧mä̧ Jonatán ä'ca jomettö̧ 'corupä inä̧tö̧, Ja̧hua̧nö̧ ja̧'a̧ ttoecuä obi 'chuä̧rä̧tö̧mä̧  ja̧u o'ca'anä̧ ichätörö cuä'äu icuinä̧tö̧. \v 14 Ja̧hua̧ta̧nö̧ Jonatán umuhuäyotu ttoecuä obi  'chuä̧rä̧tucu  a̧cuomenä̧ rohuäumä,  quince metros jomȩ isaräjarä jacuättömä veintenö umätö tö'cöhuächiönä̧ cuäu icuinätö̧.
--- a/14/15.txt
+++ b/14/15.txt
@ -0,0 +1 @@
+\v 15 Ttiabarä jomemä rähuȩjina̧'a̧    otahuiyä ttö̧ja̧ ttö̧jomȩ 'chäte inä  su̧roda̧u inä yittecunä̧ jinäu.  Rȩjȩmä̧ inä tti̧epa̧'anä juiyo riä̧nä̧ rahuejö kina̧'a̧.
--- a/14/16.txt
+++ b/14/16.txt
@ -0,0 +1 @@
+\v 16 Ja̧'hua̧nö̧ ja̧'a̧ Saúlrö tta̧'ä̧rä̧tö̧ Benjamín idepiyu Guibeá ttö̧ja̧mä̧, filisteosttö su̧ro̧da̧u̧ recuätö pperecuächäjä'cotö ttö̧ja̧cua̧'a̧ topömä ja̧'hua̧ta̧'a̧nö̧ jahuätömä ja̧'a̧tä̧ pä̧huä̧rö̧ja̧'a̧ dö'ecuächinä̧tö̧. \v 17 Ja̧'hua̧nö̧ ja̧'a̧ chutäcu ka̧cuä̧tö̧rö̧ Saúlmä pä'inö̧: "Pa̧ja̧tä̧tu̧cui̧, ujututtömä ditä toa pä'ö." Jahuätö ttö̧'a̧to̧mȩnä̧ Jonatántä ja̧'hua̧ta̧'a̧nö̧ Curä rohuäu ttoecuäcuähuäbi ku̧nä̧rö̧rö̧tä̧ toina'a.
--- a/14/18.txt
+++ b/14/18.txt
@ -0,0 +1 @@
+\v 18 Saúlmä Ahíasrö pä'inö: "TÖ̧Ä̧NÄ̧HUA̧ esecuinö ȩco̧ca̧ pȩnȩcu̧ i'cächi. (Ja̧u̧nö̧ pä̧nä̧mä̧, juo̧ca̧mä̧ Israel ttö̧ja̧cu̧ ki̧no̧ca̧). \v 19 Saúlmä ji̧nä̧ TÖ̧Ä̧NÄ̧HUA̧TTÖ̧'i̧nä̧, ttö̧ja̧ttö̧'i̧nä̧ kä'co päte'ö adicuä ttö̧ja̧sa̧cu̧ ucuocua'anä, filisteas ä'ecu ttö̧ja̧cuo̧mȩttö̧mä̧  yabonötä rö̧ä̧nä̧ huotta'a rä̧mi̧pi̧na̧'a̧. Ja̧'hua̧nö̧ ji̧yä̧cu̧ Saúlmä TÖ̧Ä̧NÄ̧HUA̧TTÖ̧'i̧nä̧, ttö̧ja̧ttö̧'i̧nä̧ kä'co päte'ö adicuä ttö̧ja̧sa̧rö pä̧'i̧nö̧, "Cu̧mö̧ ȩmö̧ icui."
--- a/14/20.txt
+++ b/14/20.txt
@ -0,0 +1 @@
+\v 20 Saúlcu ka̧cuä̧tö o'catoi'önä̧ ji̧nä̧ yo̧mȩtȩ pä'i'ö 'chinä̧tö̧ curä rohuäu. Filisteos ya̧cu̧nä̧ ttucurä'chumä̧ jitötä tta̧hua̧ru̧hua̧rö̧tä rohuähuinä̧tö̧ yori'iso ttierujunä̧tä̧ cuäópinä̧u̧. \v 21 Jitö hebreos ä'ähuarära̧'a̧ 'chänö Filisteoscu ka̧cui̧nä̧tö pinä̧tömä Israel ttö̧ja̧cu̧tä̧ huihuacuächinä̧tö̧ Saúl'inä ja̧'hua̧ta̧'a̧nö Jonatáncu̧ huettomȩta̧.
--- a/14/22.txt
+++ b/14/22.txt
@ -0,0 +1 @@
+\v 22 Israel ttö̧ja̧ ye'ecu da̧ja̧huä̧rö̧ ka̧cui̧nä̧tö̧ Efraín muä'ca po̧ri̧yä̧'tä̧ jo̧mȩ, ä̧ju̧cui̧nä̧tö̧ Filisteosmä dö'ecuächätö pä'ö, ja̧hua̧nö ji̧yä̧u̧ jahuätö tto'ca'anä̧ rui'inä̧tö̧ törohuahua päö. \v 23 Ja̧'hua̧nö̧ ja̧'a̧ttö̧ TTÖÄNÄ̧HUA̧ ppä'ädinö ja̧u̧nu mo̧ro̧ Israel ttö̧ja̧rö̧ juhua'a yabocu rohuäu tti̧'chä̧i̧o̧mȩ Bet Avénra̧'a̧cu̧.
--- a/14/24.txt
+++ b/14/24.txt
@ -0,0 +1 @@
+\v 24 Ja̧u̧nö̧ mo̧ro̧ Israel ttö̧ja̧mä̧ tta̧'cua̧ tta̧'ȩcui̧nä̧tö̧, ötahuiyä ttö̧ja̧rö̧ Saúl ji̧yȩtȩ pähuä pa̧'a̧nö̧ jä̧cua̧'a̧ pä'ö ö̧jö̧no̧mȩnä̧: "Ni̧pä̧chä̧cua̧'a̧ ä'canä ya̧tȩ u̧cuȩ curumä surujunätä̧ ö̧ji̧pä̧cua̧, ja̧'hua̧ta̧'a̧nö̧ ttötä chaboiyotörö micuä chimita'anä." Ja̧'hua̧nö̧ ja̧'a̧ttö̧ umöhuäyotö su̧ro̧da̧u̧ttö̧mä̧ ya̧tȩ'inä u̧cuȩmä̧ cuoku pinö. \v 25 Ja̧'hua̧nö̧ ja̧'a̧ ttö̧ja̧mä̧ de'a jo̧mȩ do'ächi'inä̧tö̧ ja̧'hua̧nö̧ dottächi'omenä̧ juȩnȩ maya ka̧cui̧na̧'a̧ ja̧huä̧jä̧nä̧mä̧. \v 26 ttö̧ja̧mä̧ de'a jo̧mȩ dottächi'omenä mayamä räopina'a, ja̧'hua̧nö̧ räopa'anä ya̧tȩ'inä ucuamä pä'ocö pinö, ttö̧ja̧mä̧ surojuo'ächä̧cua̧ pä'ö ku̧nä̧huö̧ yettecua'attö̧.
--- a/14/27.txt
+++ b/14/27.txt
@ -0,0 +1 @@
+\v 27 Ja̧'hua̧nö̧ ja̧'a̧nä̧ Jonatánmä jä'o ji̧yȩtȩ ttö̧ja̧rö̧ pä'ö ö̧jö̧nä̧ji̧mä̧ ä̧ju̧cuo̧ca̧'a̧ ja̧'a̧ ji̧na̧'a̧. Ja̧u̧mä̧ udacuodä 'chuä̧rodänä ja̧'hua̧ta̧'a̧nö̧ juodänätä̧ jacuäcu rä'ädinö. Ja̧u̧mä̧ ja̧u̧ maya cuinö, ja̧'hua̧nö̧ ucuomenä ujuru ichi'inä̧cu̧. \v 28 Ja̧'hua̧nö̧ ja̧'a̧ juȩnȩ ka̧cuä̧tö̧ttö̧ ya̧tȩ pä'inö: Cuä'omä ttö̧ja̧ jȩtta̧ pä'ö jö ji̧yȩtȩ pähuä pä'ö ku̧nä̧ji̧ pa̧'a̧nö̧: Ja̧u̧nö̧ mo̧ro̧ curumä surojunä̧tä̧ jä̧cua̧, ttucua ppäittö ttö̧ja̧ ttijiyuhuächa'anä ucua'attö̧."
--- a/14/29.txt
+++ b/14/29.txt
@ -0,0 +1 @@
+\v 29 Jonatán päi'nö:  Chä'omä  i'cächinäujä  ttieruhuäjä rȩjȩra̧'a̧.  Topi  cujuru  ichia'a a̧'u̧cu̧nä̧tä̧  ka̧cuä̧mö̧   topäjisä \v 30 ¿Ötahuiyä ttö̧ja̧ ttö̧mä̧ tta̧'a̧nö̧  recuätö jä̧ttö̧  jitä mo̧ro̧  ttaboiyotö  ttu̧mö̧  jahuä  ttemomettö huȩnȩ juiyönä cuäjätömä? Ja̧'hua̧ta̧nö̧  Filisteos su̧ro̧da̧u̧rö  ttö̧'cä̧tȩttö̧mä  adiunä  cuä'ö icuocotö  pinätö.
--- a/14/31.txt
+++ b/14/31.txt
@ -0,0 +1 @@
+\v 31 Jahuätömä  ja̧u̧nu̧ mo̧ro̧mä̧  Micmas  ötahuiyättö   kä̧mä̧dö̧  Ajalon  jubu  rohuähuinätö Filisteos    su̧ro̧da̧u̧ru̧mä̧.  Ötahuiyä  tto̧ja̧mä̧ juiyo riänä 'cuä'ächipäjätö pinätö. \v 32 Ja̧hua̧nö̧ ja̧'a̧  'chottipäjijä̧ji̧mä̧  jurunänö  jȩpo̧u̧  o̧vȩja̧tö̧rö̧'i̧nä̧ pä̧cä̧yö̧rö̧'i̧nä̧ o̧vȩja̧tö̧ tti̧tti̧mö̧rö̧'i̧nä̧  ȩmo̧po̧u̧ rȩjȩ cuä'ö  rutinätö. Ja̧'hua̧nö̧ ja̧'a̧  ötahuiyä ttö̧ja̧mä̧ ucuoja jacuänätä  cuinätö.
--- a/14/33.txt
+++ b/14/33.txt
@ -0,0 +1 @@
+\v 33 Ja̧u̧nö̧ o'ca'a Saúlrö pä'inä̧tö̧: "Topittö, ttö̧ja̧mä̧ TÖ̧Ä̧NÄ̧HUA̧ hueocö ji̧nö̧ jȩpä̧tö̧, i̧sa̧rö̧ ucuojacu cuätö." \v 34 Saúlmä ädätinö: Pähui'ocö jinö jȩpä̧jä̧tö̧. Ja̧'hua̧nö̧ ja̧'a̧ttö̧, jiyuja inäyu rö̧ä̧yu chö̧ja̧'a̧cu̧ pporädiyittö." Saulmä pä'inö: Ttö̧ja̧ ttö̧'cä̧tȩ 'chä̧hui̧'ö̧ pä'itö, "O'ca toi'önä cuäji päcäyärö'inä, ovejrö'inä i'cächipö porö cuä'ätucui, cucuätucua. Pä'äjita'anö TÖ̧Ä̧NÄ̧HUA̧ päocö jinömä jȩ'cuä̧tu̧cuä̧ ucuojacu yo̧mȩtȩnä̧ cuä̧nö̧mä̧." Ja̧'hua̧nö̧ pä̧u̧ ja̧u̧ yodomä yotucu pönä päcäyärö i'cächö juhuorötä cuä'inätö̧.
--- a/14/35.txt
+++ b/14/35.txt
@ -0,0 +1 @@
+\v 35 Saulmä̧ i̧sa̧rö̧ ku TTÖ̧Ä̧NÄ̧HUA̧RÖ̧ iyähuome aditinö̧, ju̧huȩnȩ ji̧na̧'a̧ ä̧cuo̧menä̧ isa̧rö̧ ku TTÖ̧Ä̧NÄ̧HUA̧RÖ̧ iyähuome aditina'a̧mä̧.
--- a/14/36.txt
+++ b/14/36.txt
@ -0,0 +1 @@
+\v 36 Ja̧u̧nö̧ o'ca'a Saúlmä pä'inö jitä pi̧yȩ yodotä ttösaja ttö filisteosrö yo̧ȩi̧ mo̧ro̧, mo̧ro̧ juoome jubö, ya̧tȩrö̧'inä ö̧ji̧pö̧ juiyönä a̧'cua̧ra̧mä̧. Jahuätömä ädätinä̧tö̧: Ucurutä adihuomenätä̧ jȩpä̧tu̧cui̧, ja̧'hua̧nö̧ ja̧'a̧nä̧ TÖ̧Ä̧NÄ̧HUA̧ aditähuä adicuä i̧sa̧mä̧ pä'inö: Tötö'cöhuächi'ätucua pȩnȩtä̧. \v 37 Saúlmä TÖ̧Ä̧NÄ̧HUA̧rö̧ yabonötä̧ jä'epö ä̧ju̧cua̧ pä'inö, "¿Filisteosrömä yabonö̧tä̧ röda pä'ö ja̧'a̧? ¿Israel ttö̧ja̧ ttu̧mö̧nä̧tä̧ chi̧yä̧cuä̧u̧? Ja̧'hua̧nö̧ TÖ̧Ä̧NÄ̧HUA̧mä̧ ädätocö pinö mo̧ro̧mä̧.
--- a/14/38.txt
+++ b/14/38.txt
@ -0,0 +1 @@
+\v 38 ja̧'hua̧nö̧ ja̧'a̧ Davidmä pä'inö: Ötahuiyä ttö̧ja̧ tturuhuotö o'catoi'önärö̧ jitä mo̧ro̧ suroju 'cuäopäji topö huo̧juä̧chi̧'ä̧tu̧cui̧. \v 39 Isopäi'önä TÖ̧Ä̧NÄ̧HUA̧MÄ̧ Israel ttö̧ja̧ surojuttö ttö̧ji̧pö̧nä̧ jȩpi̧nö̧mä̧ 'cuäopönä ö̧ja̧'a̧ttö̧, suronä jȩä̧cuä̧huä̧ chi̧tti̧nä̧ ka̧ pä'ö'inä ja̧u̧mä̧ yorö'iso 'corujuo'ächocö jä̧cua̧. Ja̧'hua̧nö̧ pä'anä ötahuiyä ttö̧ja̧ttö̧mä̧ ya̧tȩ ädätocö pinö.
--- a/14/40.txt
+++ b/14/40.txt
@ -0,0 +1 @@
+\v 40 Ja̧u̧nö̧ o'ca'a ja̧u̧mä̧ pä'inö Israel ttö̧ja̧ o'catoi'önä ucutu'inä, ucurutä pä̧huä̧rö̧ja̧'a̧cu̧ kä̧tö̧jä̧, ja̧'hua̧ta̧'a̧nö̧ ttö'inä ja̧'hua̧ta̧'a̧nö̧ chi̧tti̧ Jonatán'inä korome ttö̧jä̧cuo̧tö̧jä̧" ötahuiyä ttö̧ja̧mä̧ pä'inä̧tö̧ Saúlrö: " Ja̧'hua̧nö̧ jö̧ttö̧mä̧ ucurutä adiunä ja̧'a̧cu̧ jȩpi̧." \v 41 Ja̧'hua̧nö̧ ji̧yä̧cu̧ Saúl pä'inö U̧ru̧hua̧rö̧, Israel ttö̧ja̧ TTÖ̧Ä̧NÄ̧HUA̧: "I̧jȩpi̧ ido'qui ttu̧huo̧jua̧ pä'ö icuähuo'qui." Jonatán ja̧'hua̧ta̧'a̧nö̧ Saúlrö'inä jahuätörötä pätecuächaja'a, ja̧'hua̧ta̧'a̧nö̧ ötahuiyä ttö̧ja̧mä̧ ja̧'a̧tä̧ topätö jahuätörötä ttȩma̧'a̧nä̧. \v 42 Ja̧'hua̧nö̧ ja̧'a̧ Saúl pä'inö: "Chi̧tti̧ Jonatán'inä ja̧'hua̧ta̧'a̧nö̧ ttötä'inä tö'ätecuächahue." Ja̧'hua̧nö̧ ja̧'a̧ttö̧ Jonatánmä pätetö ku̧nö̧ ja̧u̧rö̧ pätecuächina'a.
--- a/14/43.txt
+++ b/14/43.txt
@ -0,0 +1 @@
+\v 43 Ja̧'hua̧nö̧ ji̧yä̧cu̧ Saúlmä pä'inö Jonatánrö: "Jȩ'cuä̧ji̧ ji'ähuitö" Jonatán päinäcu̧: "A̧'u̧cu̧nä̧ mayaja ka̧cuä̧mö̧ topö ii̧so̧'quȩ chu̧mö̧nä̧ 'chu̧dä̧ro̧'quȩ päjurenä; hua'ö chi̧cuä̧cua̧sä̧. \v 44 Saúl pä'inö TÖ̧Ä̧NÄ̧HUA̧ pä'anö jȩpi̧ ja̧'hua̧ta̧'a̧nö̧ juhua'a yabonö̧tä̧ ttörö'inä, ucu hua'ö cuicuoca'a jö̧ttö̧mä̧ Jonatán."
--- a/14/45.txt
+++ b/14/45.txt
@ -0,0 +1 @@
+\v 45 Ja̧'hua̧nö̧ ja̧'a̧ ttö̧ja̧ pä'inätö̧ Saúlrö: Jonatán 'coru juoächa pä'ö ja̧'a̧, rohuäu isojuoepäjimä Israel ttö̧ja̧rö̧ ppä'ädäjitö? Ja̧hua̧nö̧mä̧ jo̧ca̧'a̧ pä̧huä̧rö̧jo̧mȩnä̧ ucu TÖ̧Ä̧NÄ̧HUA isopäi'önä uhuo'che'inä a̧'u̧cu̧nä̧tä̧'inä ma̧o̧ca̧'a̧ rȩjȩmä̧ ja̧'hua̧nö̧ ja̧'a̧ ja̧u̧mä̧ aditäji Dioscu jitämä." Ja̧'hua̧nö̧ ja̧'a̧ ötahuiyä ttö̧ja̧mä̧ ȩmo̧po̧'ö̧ icuinä̧tö̧ Jonatánrö̧ ja̧'hua̧nö̧ ja̧'a̧ 'corujuoächö juiya pä'ö. \v 46 Ja̧'hua̧nö̧ ja̧'a̧ Saúl jaropi'inö  filisteosrö ruhuocö pinö, ja̧'hua̧nö̧ ja̧'a̧ttö̧ filisteosmä ppa̧'ä̧hi̧nä̧tö̧ jitötä tti̧rȩjä̧ra̧'a̧.
--- a/14/47.txt
+++ b/14/47.txt
@ -0,0 +1 @@
+\v 47 Ja̧u̧nö̧ Saúl ruhuo kä̧mä̧dö̧ hue'inö Israel ttö̧ja̧rö̧, rohuähuinö o'catoinäcu̧ aboiyotörö i̧'cho̧mȩ pönämä. Rohuähuinö ja̧u̧mä̧ Moab, Amón ttö̧ja̧cu̧'inä, Edóm, ja̧'hua̧nö̧ ja̧'a̧nä̧'inä Saba ruhuotucu'inä, ja̧'hua̧ta̧'a̧nö̧ filisteoscu'inä, koromecu̧ ja̧u̧ ijärächi'omecu̧'inä  ja̧u̧mä̧ suronä jȩpi̧nö̧ jahuätörömä. \v 48 Rohuäu juruhuinö ja̧u̧mä̧ ja̧'hua̧ta̧'a̧nö̧ rohuähuäcuähuä juruhuinätö̧ Amalecita'inä cuä'äu icuinätö̧, ja̧'hua̧nö̧ jȩpö̧ ppä'ädinö Israelrö jahuätö ttumöttö̧ ja̧'hua̧nö̧ ja̧'a̧ jahuätömä ttu̧mö̧ jähuä 'cho'ipä'chinä̧tö̧.
--- a/14/49.txt
+++ b/14/49.txt
@ -0,0 +1 @@
+\v 49 Saúl i̧tti̧mö̧mä̧ pitö ji̧na̧'a̧; Jonatán'inä, Isui'inä ja̧'hua̧ta̧'a̧nö̧ Malquisúa'i̧nä̧. I̧tti̧mö̧ nä̧tö̧ tti̧mi̧mä̧ yajute 'cuomenä i̧sa̧ju̧mä̧ Mefab pä'ö micuinä̧ju̧ juajutä kijähuajumä Mical pä'ö micuinäju. \v 50 Saúl irecuamä Ahinoam; pä'ö micuinä̧ju̧ jahuäjumä Ahimaas ittiju ji̧na̧'a̧. Su̧ro̧da̧u̧ ttu̧ru̧hua̧mä̧ Ner i̧tti̧ Abner ji̧na̧'a̧ Saúl i̧mi̧ya̧. \v 51 Saúl jä'omä Cis pä'ö micuinö; Nermä Abner jä'o ji̧na̧'a̧ ja̧u̧mä̧  Abiel i̧tti̧ ji̧na̧'a̧.
--- a/14/52.txt
+++ b/14/52.txt
@ -0,0 +1 @@
+\v 52 Saúl ö̧ji̧nö̧  pä̧nä̧mä̧ curämä filisteas ttö̧ja̧cu̧ tturohuähua'atä ji̧na̧'a̧, Saúl ya̧tȩ ju̧ru̧hua̧rä̧ toomenänä ja̧u̧cu̧ ppä'ädäcuähuinö.
--- a/15/01.txt
+++ b/15/01.txt
@ -0,0 +1 @@
+\c 15 \v 1 Samuel pä'inö Saúlrö: "TU̧RU̧HUA̧ hueinäcu̧sä̧ ucuo ru̧hua̧rö̧ hue'ö chu̧ju̧na̧ pä'ö Israel ttö̧ja̧ ttu̧huä̧mȩnä̧ ö̧ja̧ pä'ö. Jitämä ä̧ju̧cui̧ TU̧RU̧HUA̧ i̧huȩnȩtä̧. \v 2 Pi̧yȩ ja̧'a̧ su̧ro̧da̧u̧ TÖ̧Ä̧NÄ̧HUA̧ pä'ömä: Täcö huo̧juä̧chi̧'ö̧sä̧ Amalec jȩi̧nö̧mä̧ Israel ttö̧ja̧rö̧ koro huehuepu ttö chahuaruhuä ötahuiyä ttö̧ja̧ mä̧nä̧nä̧ Egipto rȩjȩra̧'a̧cu̧ ttichomenä. \v 3 Jitämä topätucui Amalecrö rohuäu ticuarö ja̧'hua̧ta̧'a̧nö̧ o'cajuiyönä surojuotepiyarö  ja̧u̧ u̧ju̧nä̧rö̧mä̧ . Äyó reȩrö̧jö̧nä̧mä̧ totarö päcuä, ja̧'hua̧nö̧ ja̧'a̧ttö̧ o'catoi'önä̧rö̧ u̧mä̧tö̧'inä, nätö̧rö̧'inä, ppo̧'ä̧tö̧rö̧'inä, atate ahuätörö'inä pä̧cä̧yu̧ru̧'inä, ovejastö̧rö̧'inä, camellotörö'i̧nä̧ ja̧'hua̧ta̧'a̧nö̧ burötö̧rö̧'inä.
--- a/15/04.txt
+++ b/15/04.txt
@ -0,0 +1 @@
+\v 4 Saúl ji̧nä̧ yo̧mȩtȩ ca̧ca̧cui̧pu̧ ucuocuinätö̧ ötahuiyä ttö̧ja̧ ja̧'hua̧ta̧'a̧nö̧ ji'ähuinö bareu ötahuiyä Telaim: 200.000nö su̧ro̧da̧u̧ ja̧'hua̧ta̧'a̧nö̧ 10.000nö̧ su̧ro̧da̧u̧ Judá ttö̧ja̧. \v 5 Ja̧'hua̧nö̧ ja̧'a̧ Saúl rȩbȩhui̧nö̧ Amalec ttö̧ja̧ ttötahuiyära̧'a̧ ja̧'hua̧ta̧'a̧nö̧ tta̧'ä̧ri̧nö̧ muä'quiyuttö pämäroppä jo̧mȩ.
--- a/15/06.txt
+++ b/15/06.txt
@ -0,0 +1 @@
+\v 6 Ja̧'hua̧nö̧ ja̧'a̧ Saúl päi'inö Quenitarö: " Rä'opu  ti'ipächätucuí Amalec ttöja̧ttö̧,  jahuätucu tocue'ätucua'acu. Ucutu o'catoi'önä̧mä̧ adiunä̧tä̧ jȩpu̧ kä̧tö̧jä̧ Israel ttö̧ja̧rö̧mä, jahuätö Egiptottö ttichinomȩ jobu kä̧mä̧dö̧ ." \v 7 Ja̧'hua̧nö̧ ja̧'a̧ttö̧ Quenitamä otó tö'ipächinä̧tö̧ Amalec ttö̧ja̧ttö̧mä.   Ja̧'hua̧nö̧  jä̧ji̧ o'ca'a Saúlmä̧ rohuähuinö Amalec ttö̧ja̧rö̧ Avilattö kä̧mä̧dö̧ Shur beipome jubu, juhua'amä̧ ki̧'i̧pa̧'a̧ Egjpto kä̧hua̧ räopa'acu.
--- a/15/08.txt
+++ b/15/08.txt
@ -0,0 +1 @@
+\v 8 Saúl 'chu'ädinö Agarö a̧'cua̧ra̧'a̧nä̧, Amalecttö  ucuo ru̧hua̧rö̧; ja̧u̧mä o'catoi'önä̧rö̧tä̧  si'epu icuinö ucurä'chu so̧ä̧'chunä. \v 9 Saúl umuhuäyotucumä̧ ji̧nä̧ kunä̧ri̧nä̧tö̧ Agagrö, ja̧hua̧ta̧'a̧nötä̧  ku̧nä̧ri̧nä̧tö adihuätörömä ovejattörö, päcäyö̧ bärepättö̧rö̧, ovejattö̧ muäyotö, päcäyö̧ muäyotörö. O'cajuiyönä̧ adiumä̧ jȩpu̧ icuocotö pinättö̧. koro ttöjö'co micuäu juiyömä o'cajuiyönätä̧ suro juo'epinä̧tö̧.
--- a/15/10.txt
+++ b/15/10.txt
@ -0,0 +1 @@
+\v 10 Ja̧'hua̧nö̧ ja̧'a̧ Tu̧ru̧hua̧ Dios i̧huȩnȩ rȩbȩhui̧na̧'a̧ Samuelrö pä'ö: \v 11 Cha̧'cua̧tta̧ jä̧cu̧sä̧ Saúlrö  ru̧hua̧ päi'önä jȩcha̧ja̧'a̧mä̧ ja̧'hua̧nö̧ ja̧'a̧ttö̧ ttöcumä oto hua̧ ja̧'hua̧ta̧'a̧nö̧ esetoca'a ja̧'a̧ttö̧ huähuä huȩnȩ. "Samuel rö̧ä̧nä̧ a̧'cua̧tta̧'ȩcui̧nö̧, u̧ru̧hua̧ Diosrö ajacuähuinö yodo 'cuäo'önä.
--- a/15/12.txt
+++ b/15/12.txt
@ -0,0 +1 @@
+\v 12 Samuel pä'ö mo̧ro̧ juoa'a porachi'ö Saúlcu i'ätecuächa pä'ö  mo̧ro̧ juoa'a. Samuelrö ji'ähuinä̧tö̧: "Saúlmä i̧huä̧chä̧ji̧ carmel ja̧'hua̧ta̧'a̧nö̧ cä'epinö a̧'cua̧juä̧ isä'ca ja̧u̧nö̧ o'ca'a ppa̧'a̧chö̧ mȩyȩhui̧nö̧ Gigalra̧'a̧cu̧. \v 13 Ja̧'hua̧nö̧ ja̧'a̧ Samuel ichi'inö Saúl ö̧jo̧mȩ, ja̧'hua̧ta̧'a̧nö̧ Saúlmä päinä̧cu̧ ttömä jȩpä̧ji̧sä̧ tu̧ru̧hua̧ hueäjimä.
--- a/15/14.txt
+++ b/15/14.txt
@ -0,0 +1 @@
+\v 14 Samuel pä'inö̧: "¿Ja̧hua̧nö̧ jö̧ttö̧mä̧ däjéjä̧ttö̧ o̧veja̧ttö̧ tti̧huȩnȩ ja̧'hua̧ta̧'a̧nö̧ päcäyä̧tö̧ tti̧huȩnȩ'inä̧ chä̧ju̧cu̧mä̧?" \v 15 Saul ädätinö̧: "Jahuätömä̧ Amalec ttö̧ja̧ ttä̧jimuttö̧ tti̧'cä̧chä̧jä̧u̧. Jua'attö oveja̧tö̧ ja̧'hua̧ta̧'a̧nö̧ pä̧cä̧yö̧rö̧mä̧ ttö̧ja̧tä̧ pojopö̧ ttu̧ju̧nina'a̧ ucutä CU̧RU̧HUA̧ CU̧Ä̧NÄ̧HUA̧RÖ̧ ku'icu ttiyayä̧u̧. Korotörömä̧ ya̧tȩ'i̧nä̧ ö̧ji̧pu̧juiyönä̧ cuä'äö icuäjätöjä." \v 16 Ja̧hua̧nö̧ ä̧ju̧cu̧ Samuel pä'inö̧ Saúlru: "Mä̧cuä̧tó, jidähua'a ä̧ju̧cui̧ TÖ̧Ä̧NÄ̧HUA̧ mo̧ro̧ji̧ yodomä̧ päcusä." Saúl pä'inö̧: "Ucuocui".
--- a/15/17.txt
+++ b/15/17.txt
@ -0,0 +1 @@
+\v 17 Samuel pä'inö̧: "¿Ucu cuamonä̧ to'cuomenä̧ a̧'u̧cua̧'a̧nä̧, ucurumä̧ hueähui'oca'a ji̧na̧'a̧ Israel ttö̧ja̧rö huecua pä'ömä̧? \v 18 TÖ̧Ä̧NÄ̧HUA̧MÄ̧ hue'inö̧ ucuru pa̧'a̧nö̧ pä'ö: Täí suronä̧ jȩpä̧tö̧rö̧mä̧ ya̧tȩ'inä̧ ö̧ji̧pu̧juiyönä̧ cuä'ö cuicuajá, Amalecitarömä̧, jahuätörömä̧ o'catoi'önä̧rö̧ rohuäu cuä'ö cuicuajá". \v 19 Juhua'amä̧  TU̧RU̧HUA̧ päinö̧ ttoarodöta'anö̧, ja̧'hua̧nö̧ jȩ'cu̧'a̧nö̧ jä̧jo̧memä̧, ucumä̧ ȩmä̧ji̧jä̧ jahuättö ttä̧ji̧mu̧ttö̧ ja̧'hua̧nö̧ jȩcu̧'ä̧ji̧mä̧ TÖ̧Ä̧NÄ̧HUA̧ ä'cattömä̧ öjö'cocö ja̧'a̧."
--- a/15/20.txt
+++ b/15/20.txt
@ -0,0 +1 @@
+\v 20 Ja̧'hua̧nö̧ ja̧'a̧ Saúlmä Samuelrö pä'inö: Ttömä̧ TÖ̧Ä̧NÄ̧HUA̧ ucuocumä esetä'ijösä, ja̧'hua̧nö̧ ja̧'a̧ttö̧ TÖ̧Ä̧NÄ̧HUA̧ umänä huȩi̧nä̧mä̧nä̧tä̧ 'chä̧'i̧jö̧sä̧. Amalec ttö̧ja̧ ttu̧ru̧hua̧ Agag'inä 'chu'ädäjisä ja̧'hua̧ta̧'a̧nö̧ Amalec ttö̧ja̧rö̧mä̧ o'catoi'önä̧rö̧ si'epö icuäjisä. \v 21 Ja̧'hua̧nö̧ ja̧'a̧nä̧ ttö̧ja̧mä̧ ovejastö̧rö̧'inä pä̧cä̧yu̧rö̧'inä ȩmi̧nä̧tö̧, si'epö tticua pä'ö ku̧nä̧huo̧tö̧rö̧mä̧, Gilgal pä'ö micuomȩttö̧ TÖ̧Ä̧NÄ̧HUA̧RÖ̧ ku icu ttiya pä'ötä jȩpä̧jä̧tö̧."
--- a/15/22.txt
+++ b/15/22.txt
@ -0,0 +1 @@
+\v 22 Samuelmä ädätinö: "¿Ja̧ö̧ttö̧mä̧ TÖ̧Ä̧NÄ̧HUA̧MÄ̧ ttiäre ku icu iyähuätä rö̧ä̧nä̧ eseu ja̧'hua̧ta̧'a̧nö̧ ku icu iyähuättö yabonänö päö ttucuotajueimä? Ji̧yȩtä̧mä̧ ucuotäcuähuä ja̧'a̧, i̧sa̧rö̧ ku icu iyähuämäcö̧, jinäsomä ä̧ju̧cuä̧cuä̧huä̧ ja̧'a̧ oveja ubo ö̧a̧dȩmä̧cö̧. \v 23 Jarodäcuähuämä mä̧ripä jȩpä̧'chö̧ kä̧cuä̧huä̧jö̧ta'anö surojö ja̧'a̧ ja̧'hua̧ta̧'a̧nö̧ ucuotäcuähuocömä tätähuä o'ca  ucuo tettähuä'ija'anö ja̧'a̧. Juhua'amä TÖ̧Ä̧NÄ̧HUA̧ hueäji jȩ'cua̧ päcuoca'a jä̧ja̧'a̧ttö̧, chutä'inä ru̧hua̧ päi'önä ku̧jä̧ji̧mä̧ jȩpö̧ icuäjäcujä̧."
--- a/15/28.txt
+++ b/15/28.txt
@ -0,0 +1 @@
+\v 28 Mamuel  ja̧u̧ru̧ pä'inö̧: TU̧RU̧HUA̧MÄ̧,  Israelnä ruhuo cujä̧'i̧jo̧mȩttö̧  'choipäcujä jirä mo̧ro̧ ja̧'hua̧nö̧ ja̧'a̧nä̧  ka̧ra̧rö̧ i̧ya̧cua̧jä̧  ya̧tȩ ucuttu'inä abonänö hua̧rö̧. \v 29 Israel ttöja̧ ttujurumä  yapare pä'ö'inä pärotötticuiyäcuotö   ja̧u̧mä̧  ttö̧ja̧ i̧sä̧ i'ärotö'anömä pärotocu ja'attö̧.
--- a/15/30.txt
+++ b/15/30.txt
@ -0,0 +1,2 @@
+\v 30 Ja̧'hua̧ta̧'a̧nö̧  Saúl  pä'inö: "Ja̧hua̧nö ja̧'a̧ttö  Israel ttä'cattö'inä ötahuiyä ucuo  ttö̧ja̧ ttä'cattö'inä chucuoönä  ppä'ädipittö  Suronä  jȩcha̧'a̧nä̧.  TU̧RU̧HUA̧ DIOSRÖ tucuocua ttöcu räopi." \v 31 Samuelmä  Saúl o'ca'anä 'chinö ja̧'hua̧nö̧ 
+ ja̧'a̧ttö̧   Saulmä TÖ̧Ä̧NÄHUARÖ̧ ucuocuinö.
--- a/15/32.txt
+++ b/15/32.txt
@ -0,0 +1 @@
+\v 32 Samuelmä pä'inö: "I'cächätucui Agag Amalecitas ttu̧ru̧hua̧rö̧ 'chä'ca jo̧mȩ. "Agag ichinö ö̧jo̧mȩ nö̧'cä̧hua̧ cuoräusanä ja̧'hua̧ta̧'a̧nö̧  "Isopäi'önä hua'are ajahuäcuähuämä 'cuäopäja'a." \v 33 Samuelmä ädätinö: "Ucu cucurä'chumä nä̧tö̧ tti̧tti̧mö̧ toönä jä̧ja̧'a̧, ja̧'hua̧nö̧ ja̧'a̧ttö̧ ucu'inä 'coru juocuächa'anö ja̧'a̧ ki̧ni̧pö̧ cua̧ju̧ ki̧tti̧mö̧ to'aju kö̧jö̧nä̧." Ja̧'hua̧nö̧ ja̧'a̧ Samuel 'cuä'opinö Agagrö ppo̧u̧cu̧nä̧ TU̧RU̧HUA̧ ä'ca jo̧mȩ Gilgattö.
--- a/15/34.txt
+++ b/15/34.txt
@ -0,0 +1 @@
+\v 34 Ramara̧'a̧ 'chi̧nö̧ Samuel ja̧'hua̧ta̧'a̧nö̧ Saúlmä 'chi̧nö̧ ojusodera̧'a̧  Guibéattö chutä Saúl i̧rȩjä̧ra̧'a̧. \v 35 Samuelmä täcö pinö Saúl 'coru juoächö mo̧ro̧  jo̧mȩ jubö ja̧'hua̧nö̧ ja̧'a̧ huopinä̧tö̧ Saúlrö. Ja̧'hua̧nö̧ ja̧'a̧ tu̧ru̧hua̧mä̧ a̧'cua̧tta̧nö̧ amöcuädinö ru̧hua̧ päi'önä rutinö'ca̧ saúlrö Israel ttö̧ja̧ ttu̧ru̧hua̧ jö̧nä̧.
--- a/Show More
+++ b/Show More
				`@ -0,0 +1 @@`
				\c 1 \v 1 Zofin rȩjȩ Ramataim ötahuiyänä̧ ya̧tȩ ubó kinö̧, Efrain idepiyu de'a jo̧me, ja̧u̧ i̧mimä̧ mi̧cuinö̧ Elcana, Jeroham i̧tti̧, Eliú ö̧do̧, Tohu i̧tti̧, Suf i̧tti̧, Efrain isotö i̧sa̧ ji̧na̧'a̧. \v 2 Ja̧u̧mä̧ i̧rȩcua̧mö̧ ta̧ju̧ru̧ ku̧nä̧ri̧nö̧; i̧rȩcua̧muttö̧ ä̧cuo̧menä̧ isaju micuinä̧ju̧ Ana, o,ca'anä̧ isaju micuinä̧ju̧ Penina. Peninamä̧ ki̧tti̧murö̧ ku̧nä̧ri̧nä̧ju̧, ja̧hua̧nö̧ ja̧'a̧nä̧ Anamä̧ ki̧tti̧mö̧ to'inä̧ju̧.
				`@ -0,0 +1 @@`
				\v 3 Pide ubomä̧ ichi'änö̧ ötahuiyära̧'a̧ttö̧, a̧'ȩ ö̧ta̧'a̧nö̧, ja̧rȩyu̧nu ocuotö jȩpö̧ ja̧hua̧ta̧'a̧nö̧ i̧sa̧rö̧ cuä'ö icu iyö o'catoi'önä̧ TTU̧RU̧HUA̧RÖ̧ Silottö. Elí i̧tti̧mu ta̧ju̧, Ofni ja̧hua̧ta̧'a̧nö̧ Finees, sacerdote TTU̧RU̧HUA̧ hue'ähuoto'inä̧ juhuȩnȩtä̧ ka̧cui̧nä̧tö̧. \v 4 Elcana i̧sa̧rö̧ cuä'ö iyähuä pä̧nä̧ pätecuächomenä̧, a̧'ȩ jö̧ ta̧'a̧nö̧ jȩo̧menä̧mä̧, 'cuäopö̧nä̧ iyi'änö̧ idepä irecua Peninarö̧, ja̧hua̧ta̧'a̧nö̧ i̧tti̧mö̧ u̧mä̧tö̧ nä̧tö̧rö̧'inä̧.
				`@ -0,0 +1 @@`
				`\v 9 Ji̧yȩnö̧ pänä̧ 'cuäopina̧'a̧, Ana Silottö ku̧cuä̧ kucuäji o'ca'a ja̧'hua̧ta̧'a̧nö̧ au'inä kahuäji o'ca'a ä̧rä̧mi̧'i̧näju̧. Elí sacerdote hua̧mä pinö i̧dȩä̧cä̧nä TU̧RU̧HUA̧ oju'isode apate ä'ca. \v 10 Jahuäjumä juiyó rö̧ä̧nä̧ ka̧'cua̧ tta̧'ȩcuinäju̧; KU̧RU̧HUA̧RÖ̧TÄ̧ ajuäunu jä̧'ȩpä̧ri̧nä̧ju̧.`
				`@ -0,0 +1 @@`
				`\v 11 Jahuäjumä̧ isó jönä jȩchä̧cua̧ju̧sä̧ pä'inä̧ju̧: O'catoi'önä̧ TU̧RU̧HUA̧ ju̧ru̧hua̧, Cumuhuäyaju ka̧'cua̧ tta̧jȩcu̧ tocu'uttumä̧ ja̧'hua̧ta̧'a̧nö̧ cuä̧ju̧cu̧ttu̧mä̧, cumuhuäyajuru cu̧nichi'oca'a, chi̧tti̧ ya̧tȩrö̧ cuiyöttömä̧, ja̧u̧nutä̧ jȩchä̧cua̧ju̧sä̧ CHU̧RU̧HUA̧ 'cuäopunä̧ mo̧ro̧ pi̧jä̧nä̧ ö̧jä̧i̧mä̧, ja̧u̧mä̧ uhuo'che'inä̧ 'cui'ocuocö jä̧cua̧."`
				`@ -0,0 +1 @@`
				\v 24 Atate aú juiyönä̧ kä̧'ȩpö̧ kicuäji o'ca'a, ji̧'qui̧cha̧hua̧rö̧ 'chuhuädö o'ipinä̧ju̧, ja̧u̧cu̧mä̧ ȩpi̧nä̧ju̧ ya̧tȩ päcäyä buorö(toro) huäbodäcuä a̧'ȩ hua̧rö̧, ja̧hua̧ta̧'a̧nö̧ idepämä̧ 22 litro jo̧mȩ, vino i̧sä̧yu̧ ji̧yu̧tȩ, ȩpö̧ 'chi̧nä̧ju̧ TTU̧RU̧HUA̧ ojusode Silora̧'a̧cu̧. Ja̧u̧nu ki̧tti̧mä̧ ji̧nä̧ a̧'u̧cui̧nö̧. \v 25 Jahuätömä̧ päcäyärö cuä'ö icú ja̧hua̧ta̧'a̧nö̧ ji̧'qui̧cha̧hua̧rö̧'inä̧ ȩpi̧nä̧tö̧ Elí ö̧jo̧mecu̧.
				`@ -0,0 +1 @@`
				\v 26 Jahuäju pä'inä̧ju̧: "Iso, chu̧ru̧hua̧! ja̧hua̧nö̧ ucu cu̧ju̧ta̧'a̧nö̧, chu̧ru̧hua̧, ttötä ji̧na̧'a̧ yaju pinä̧ju̧ cuippeyänä̧ CHU̧RU̧HUA̧RÖ̧ jä'epö ucuocu pi̧nä̧ju̧mä̧. \v 27 Pide ji̧'qui̧cha̧hua̧rö̧ iyattö pä'ö jä̧'ȩpä̧ri̧nä̧ju̧sä̧ CHU̧RU̧HUA̧MÄ̧ ä̧ju̧cui̧nö̧ jädepinö̧mä̧. \v 28 Ttömä̧ iyäjäjusä CHU̧RU̧HUA̧RÖ̧; ji̧nä̧ a̧'cua̧rä̧i̧mä̧ U̧RU̧HUA̧NÄ̧TÄ̧ ö̧ja̧ pä'ö. "CHU̧RU̧HUA̧RÖ̧TÄ̧ ucuotönö̧ esehuäjusä juorö.
				`@ -0,0 +1 @@`
				`\c 2 \v 1 Anamä̧ kö̧ä̧nä̧hua̧rö̧ ucuocu pä'inä̧ju̧: "Chamiso'quinä̧ esehuäjusä CHU̧RU̧HUA̧RÖ̧. Rö̧ä̧nä̧ juruhuächi'äjusä CHU̧RUHUA̧RÖ̧. Chabo'iyotucu'inä̧ chucuocua'anä̧, esehuäjusä ppäcuäda'attö̧.`
				`@ -0,0 +1 @@`
				`\v 2 Toa'a ka̧ra̧ surojö jui̧'a̧ GHU̧RU̧HUA̧TTÖ̧ abonä̧nö̧ hua̧mä̧, ka̧ra̧mä̧ toa'a ucu'anö̧ hua̧mä̧, inä̧huä'inä̧ juiya'a TTÖ̧Ä̧NÄ̧HUA̧ DIOS jö̧'a̧nö̧ jähuämä̧."`
				`@ -0,0 +1 @@`
				`\v 3 Ucurutä ucuo te'äu adihuacu pä'ömä jȩ'cuä̧, kö'cähuocö juäi'inä̧ cuättö rä'opa päömä̧ jȩ'cuä̧. Ja̧'hua̧nö ja̧'a̧nä TU̧RU̧HUA̧ TÖÄNA̧HUA̧MÄ yori'iso huo̧jua̧; j'a̧hua̧nö ja̧'a̧ttö̧ JA̧U̧MÄ jȩttö̧ttö̧ topu ro̧ȩpu̧. \v 4 Umättö juruhuättörömä 'te'ädö i̧cuä̧hua̧ po'obu 'cua̧rö̧nä̧ta̧, ja̧'hua̧nö ja̧'a̧nä'i̧nä̧ JA̧U̧MÄ jȩä̧cua̧ juiyupätörömä ttujuruhuönä.`
				`@ -0,0 +1 @@`
				`\v 5 Jahuätö ttucua ppä̧i̧rijo̧co̧u̧mä äditinä̧tö panppa̧ ja'ate'ö, ttucua ppä̧i̧ri̧ji̧näu̧mä juhua'a yabocumä ppäi jui'inä̧tö ja̧hua̧nö ja̧'a̧nä'i̧nä ki̧tti̧mu to'inäju̧mä ji̧mu̧tȩttö ta̧ju̧nö̧ huotörö ucuäbecuinä̧ju̧, ja̧hua̧nö ja̧'a̧nä recuätörö i̧tti̧cui̧nä̧ju̧ pinä̧ju̧mä juiyupä̧chinä̧ju̧.`