Mon Oct 16 2023 09:23:15 GMT-0400 (Venezuela Time)

04/title.txt

@@ -0,0 +1 @@
+Capítulo 4

07/15.txt

@@ -0,0 +1 @@
+\v 15 Hiramä̧ bronce isä'ca to'care ki'opö ku̧ni̧nö̧ ji'catepönä̧ öotocumä 8 metros ki̧na̧'a̧, ja̧'hua̧nö̧ ja̧'a̧nä̧ 5 metros ja̧'a̧nä̧ 'cuäo'önä̧nö̧ ki̧na̧'a̧. kä'co päte'ö jo̧mȩmä̧ pö̧jä̧'quȩ isappänä pa̧ja̧cua̧'a̧ ki̧na̧'a̧. \v 16 'chuä̧rö̧ o'ca jȩi̧nö̧mä̧ todäre jo̧mȩnä̧ ji̧na̧'a̧; broncettö ȩttö̧ icu 'quiépö a̧'cua̧tö̧ cädinö̧mä̧; ji'cacu pönämä 2mtros ja̧'a̧nä̧ 25 cm. jo̧mȩnä̧ ki̧na̧'a̧ ju'tojucunä. \v 17 Ji̧sa̧tȩmä̧ cuoräu appiyättö 'torö a̧'cua̧tö̧ ku̧nä̧hua̧'a̧ ki̧na̧'a̧ icui'quiyö u ju'tämä̧. Ja̧'hua̧nö̧ ja̧'a̧ttö̧ ji'cate pönämä 7nö tädö appiyä ki̧na̧'a̧.

07/18.txt

@@ -0,0 +1 @@
+\v 18 Ji'cacu pönämä rö̧nä̧huä̧mä̧ a̧ttä̧chi̧na̧'a̧ tohuäre jo̧mȩnä̧ ppo̧ö̧ juäittö, juhua'a jö̧ta̧'a̧nö̧tä̧ jȩpi̧nö̧ koro rö̧nä̧huä̧'i̧nä̧. \v 19 Kä'co päte'ö icui'canä ru̧nä̧huä̧mä̧ Lirio dau ta'anö jö̧nä̧ a̧'cua̧cu̧nä̧ ki̧na̧'a̧, 1 metros ja̧'a̧nä̧ 8 cm jo̧mȩnä̧.

07/20.txt

@@ -0,0 +1 @@
+\v 20 Todäre icui'quiyö ju'tä ru̧nä̧huä̧nä̧mä̧ 200nö̧ ppo̧u̧ obamä tohuärenä ki̧na̧'a̧ ya'acunä ki̧na̧'a̧, ya'acunä rö̧nä̧huä̧ jä̧ji̧ ippeyenä̧, ja̧u̧mä̧ cuoräuttö adicuä̧sa̧ u̧mi̧nä̧ ka̧cui̧no̧. \v 21 Hiramä cä'epinö icuiquiyö ucuo isode kä'co jähuä, ja̧'hua̧nö̧ ja̧'a̧ icui'ca u̧huo̧jua̧'a̧cu̧nä̧ cäepäjä'ca imimä o'inö̧ Jaquin pä'ö, ja̧u̧mä̧ pa̧'a̧nö̧ pä'ö pähuä ji̧na̧'a̧ (Chu̧ru̧hua̧tä̧ ja̧'a̧ jȩpö̧mä̧) pä'ö; jua'a jö̧ta̧'a̧nö̧ icui'ca ö'ohue ja̧'a̧cu̧nä̧ cäepäjä'ca i̧mi̧mä̧ o'inö Boaz jö̧nä̧ ja̧u̧mä̧ pa̧'a̧nö̧ pä'ö pähuä ji̧na̧'a̧, (ja̧u̧ ya̧tȩnä̧tä̧ ja̧'a̧ tujuru ka̧'a̧) pä'ö. \v 22 Icui'quiyö u ju'tämä̧ ku̧ni̧nö̧ Lirio dauhuiyä jö̧ a̧'cua̧rö̧ adicuä, ja̧'hua̧nö̧ ja̧'a̧ttö̧ icui'quiyu adicuä jä̧ji̧mä̧ täcö cä'ädi.

07/23.txt

@@ -0,0 +1 @@
+\v 23 'Quiyö juäittö isoyä pä'i'ö huerächönä jȩpö̧ aditinö ajiya rö̧nä̧rä̧cuo̧mȩmä̧ järobunö jö̧nä̧ ji̧na̧'a̧, ja̧'hua̧nö̧ ja̧'a̧ pa̧ja̧cuä̧ttö̧mä̧ 4 metros ja̧'a̧nä̧ 'cuäo'önänö ji̧na̧'a̧. Ju'tojucumä̧ 2 metros ja̧'a̧nä̧ 25cm ji̧na̧'a̧, ja̧'hua̧nö̧ ja̧'a̧nä̧ järobunö jö̧ pa̧ja̧cuä̧mä̧ 13 metros ja̧'a̧nä̧ 'cuäonä ki̧na̧'a̧. \v 24 I̧so̧'ta̧ Broncettö adicuo̧'ta̧ dȩa̧'a̧mä̧ ku̧ni̧nö̧ tohuärenä  calabaza pähuä a̧'cua̧rö̧nä̧ jö̧ oba, tomöre jähuämä ya'ute pa̧ja̧cuo̧mȩ ju'tome pönätä̧ ji̧na̧'a̧ ja̧u̧mä̧ ya'utetä päi'önä aditö ku̧nä̧huä̧ ji̧nö̧ ajiya huerächomecu̧mä̧.

07/25.txt

@@ -0,0 +1 @@
+\v 25 Ajiya huerächö ri̧na̧'a̧ pä̧cä̧yu̧ 12nö̧ huotö ttu̧huä̧mȩnä̧ ja̧'hua̧nö̧ ja̧'a̧nä̧ jacuäcumä ki̧na̧'a̧ pa̧ja̧cuä̧nö̧ jo̧mȩnä̧ ki̧o̧pä̧rö̧ juäi'i̧nä̧, ja̧'hua̧nö̧ ja̧'a̧ pä̧cä̧yu̧ huä̧mȩtucuämä̧ to̧pä̧ri̧nä̧tö̧ norte ra̧'a̧cu̧ korotö pä̧cä̧yu̧ huä̧mȩtucuämä̧ to̧pä̧ri̧nä̧tö̧ sur ra̧'a̧cu̧  korotö pä̧cä̧yu̧ huä̧mȩtucuämä̧ to̧pä̧ri̧nä̧tö̧ kä̧hua̧ räopa'acu, juhua'a jö̧ta̧'a̧nö̧  korotö huä̧mȩtucuämä̧  pä̧cä̧yu̧mä̧ to̧pä̧ri̧nä̧tö̧ kä̧hua̧ ma̧ä̧cha̧'a̧cu̧ päte'ö. \v 26 Ajiya huerächome ijihuä ö̧rö̧ä̧mä̧ ji̧na̧'a̧ 8 cm jo̧mȩnä̧ ja̧u̧ jäyänämä̧ lirios ȩ'u̧ a̧'cua̧rö̧nä̧ jȩpö̧ adicuina'a. Ja̧'hua̧nö̧ ja̧'a̧ ju̧huȩnȩmä̧ ki̧na̧'a̧ 44 mil litros jo̧mȩnä̧ ajiya acuome ji̧na̧'a̧.

07/27.txt

@@ -0,0 +1 @@
+\v 27 Jueipä o'camä̧ broncettö̧ 10nö jo̧mȩnä̧ jȩpö̧ ku̧ni̧nö̧ ja̧u̧ ji̧yȩcu̧ pö̧nä̧ öotocumä ki̧na̧'a̧ 1 metros ja̧'a̧nä̧ 80 cm jo̧mȩnä̧ öcähuecumä juhua'a jö̧ta̧'a̧nö̧ öcähuecumä ki̧na̧'a̧ 1 metros ja̧'a̧nä̧ 80 cm jo̧mȩnä̧ ja̧'hua̧nö̧ ja̧'a̧nä̧ ju'tojucumä̧ 1 metros ja̧'a̧nä̧ 35 cm jo̧mȩnä̧ ki̧na̧'a̧. \v 28 Icui'quiyönä̧ adicuämä pi̧yȩ ji̧na̧'a̧: abiyämä 'ca̧tä̧hua̧'a̧ ki̧na̧'a̧ ja̧u̧ a̧'cua̧tö̧ ku̧nä̧huä̧cu̧ ka̧cui̧nö̧. \v 29 Ja̧'hua̧nö̧ ja̧'a̧ abiyä jä̧ji̧nä̧mä̧ tta̧'cua̧jui̧yä̧ ka̧cui̧na̧'a̧: Mo̧ yähui a̧'cua̧juä̧'i̧nä̧, pä̧cä̧yu̧ tta̧'cua̧juä̧'i̧nä̧, querubines tta̧'cua̧juä̧'i̧nä̧ ki̧na̧'a̧, a̧'cua̧tö̧ ku̧nä̧huä̧ jä̧ji̧ icui'quiyö ju'tämä yä̧hui̧tö̧'i̧nä̧, pä̧cä̧yö̧'i̧nä̧ ttuhuäme ja̧'a̧cu̧'i̧nä̧ tti̧dȩa̧'a̧ ja̧'a̧cu̧'i̧nä̧ pa̧'a̧nö̧ jö̧nä̧ ki̧na̧'a̧: korottö̧'inä korottö̧'inä do'ädö ku̧nä̧hua̧'a̧ ka̧cui̧na̧'a̧.

07/30.txt

@@ -0,0 +1 @@
+\v 30 Yo'tacu pönämä̧ ki̧na̧'a̧ pa̧ja̧cuä̧nö̧ jo̧mȩnä̧; ö̧jä̧pö̧ o'camä kä'co päte'ö a̧jui̧yä̧'i̧nä̧ ka̧cui̧na̧'a̧ broncettö adicuä, ja̧'hua̧nö̧ ja̧'a̧nä̧ ttumö töcäcuähuä deamä kiopä̧ri̧na̧'a̧ pa̧ja̧cuä̧nö̧ öyöca̧ri̧ jo̧mȩnä̧ kara'anä̧'i̧nä̧, kara'anä̧'i̧nä̧ ka̧cui̧na̧'a̧ a̧'cua̧tö̧ ku̧nä̧huä̧mä̧. \v 31 Ttumö töcähuä ämä a̧'cua̧tö̧ ku̧nä̧huä̧ jacuä ki̧na̧'a̧ ja̧u̧mä̧ huä̧mȩ huä̧mȩcu̧ räopina'a 45 cm jo̧mȩnä̧ ja̧u̧ ämä järobönö jinö. Ja̧'hua̧nö̧ ja̧'a̧nä̧ ppädärö jähuämä̧ 68 cm jo̧mȩnä̧ ji̧na̧'a̧ Ä jäyänämä abiyä a̧'cua̧tö̧ ku̧nä̧hui̧na̧'a̧ ja̧u̧mä̧ kara'anä'i̧nä̧, kara'anä'i̧nä̧ yorätehua'anä järobönö jo̧cö̧ ji̧nö̧.

07/32.txt

@@ -0,0 +1 @@
+\v 32 Pa̧ja̧cuä̧nö̧ ö̧jä̧pö̧ o'camä ka̧cui̧na̧'a̧ abiyä dȩa̧'a̧ jo̧mȩ, ö̧jä̧pö̧ o'canä kärächö o̧juä̧mä̧ kada'cattö chuä̧rö̧nä̧ ka̧cui̧na̧'a̧. Ja̧'hua̧nö̧ ja̧'a̧ ö̧jä̧pö̧ o'ca ji'cate pönämä 68 cm jo̧mȩnä̧ ki̧na̧'a̧. \v 33 Ö̧jä̧pö̧ o'camä carucä ö̧jä̧pö̧ o'ca jö̧ta'anötä̧ ji̧nö̧ i̧sä̧juä̧'i̧nä̧, rayo'i̧nä̧, ö̧jä̧pö̧ o'ca o̧tta̧'i̧nä̧ ȩttö̧ icu adicuä ji̧nö̧.

07/34.txt

@@ -0,0 +1 @@
+\v 34 Ja̧'hua̧nö̧ jö̧ta'anö̧ pa̧ja̧cuä̧nö̧ i̧sä̧ta̧ abiyämä pa̧ja̧cuä̧nö̧ ö̧yö̧'ca̧ri̧ jo̧mȩ ji̧yȩcu̧ pönä ka̧cui̧na̧'a̧ pi̧yȩcu̧mä̧ ji̧yȩtȩ jähuätä päi'inö. \v 35 Jueipä'ca ju'täcumä̧ ki̧na̧'a̧ järobönö jȩä̧cuä̧hua̧'a̧ 22cm jo̧mȩnä̧, ja̧'hua̧nö̧ ja̧'a̧ ki̧o̧pä̧ro̧mȩ'i̧nä̧, i̧sä̧ta̧ abiyä'i̧nä̧ huä̧mȩmä̧ ya'ute jähuätä päi'önä jȩpö̧ ku̧nä̧hui̧na̧'a̧.

07/36.txt

@@ -0,0 +1 @@
+\v 36 Ki̧o̧pä̧rö̧ o'ca beipome ju'tä'inä i̧sä̧ta̧ abiyä ju'tä'i̧nä̧. Hirammä be'epö ku̧ni̧nö̧ querubinesrö'i̧nä̧, mö yä̧hui̧tö̧rö̧'i̧nä̧, ojyä'i̧nä̧ ku̧nä̧'chä̧cuä̧hua̧'a̧ jäyämä tu̧ju̧nu̧'a̧nö̧ jo̧mȩmä̧. \v 37 To̧mö̧re jähuä jueipä o̧'ta̧mä̧ ȩttö̧ icu adicuä ji̧nö̧ ja̧u̧mä̧ ö̧rö̧ä̧ttö̧'i̧nä̧, öadihuättö'i̧nä̧ yoräteunä̧tä̧ a̧'cua̧cui̧nö̧.

07/38.txt

@@ -0,0 +1 @@
+\v 38 Hirammä jȩpi̧nö̧ tomöre jähuä ttu̧mö̧ töcäcuähuä'i̧nä̧ 'quiyö juäi broncettö ja̧u̧ ji̧yȩcu̧ pönämä ya'ute pa̧ja̧cuo̧mȩ ja̧'a̧nä̧ 80 cm. jo̧mȩnä̧ ji̧na̧'a̧ ja̧'a̧hua̧nö̧ ja̧'a̧ 880 litros jo̧mȩnä̧ ki̧na̧'a̧ ji̧na̧'a̧ ya'ute o̧'ta̧ pönämä. \v 39 Diosrö ucuocuäcuähuode u̧huo̧jua̧'a̧cu̧ ja̧'a̧nä̧mä̧ ku̧ni̧nö̧ ji̧mö̧tȩ jähuä o̧'ta̧hui̧yä̧, ja̧'hua̧nö̧ ja̧'a̧nä̧ ö'ohuecu ja̧'a̧cu̧mä̧ ku̧ni̧nö̧ jimöte jähuä ajiya acu oba ö̧yö̧'ca̧ri̧ jo̧mȩ u̧huo̧jua̧'a̧cu̧ ja̧'a̧nä̧ Diosrö ucuocuäcuähuodettömä kä̧hua̧ räopa'acuttö ja̧'a̧nä̧ ö'ohuecu ji̧na̧'a̧.

07/40.txt

@@ -0,0 +1 @@
+\v 40 Hirammä juhua'a yabocu aditnö uri oba'i̧nä̧, quirähuä oya'i̧nä̧, o̧'ta̧hui̧yä̧'i̧nä̧ pa̧'a̧nö̧ jö̧nä̧ cä'ädinö o'cajuiyönä adicui'amä ttu̧ru̧hua̧ ojusodettö ru̧hua̧ Salomónrö pätecuächinömä. \v 41 Tu̧huo̧jö̧'a̧nö̧ ja̧'a̧ to'care icui'quiyö'i̧nä̧, to̧'ta̧rȩ i̧so̧'ti̧yö̧ jä̧ro̧bö̧nö̧'i̧nä̧ ja̧u̧mä̧ a̧'cua̧tö̧ ku̧nä̧huä̧ ji̧na̧'a̧. Juhua'a jö̧ta̧'a̧nö̧ to̧sa̧rȩmä̧ a̧'cua̧tö̧ ku̧nä̧hua̧'a̧ ki̧na̧'a̧ o̧'ta̧hui̧yä̧mä̧.

07/42.txt

@@ -0,0 +1 @@
+\v 42 Ja̧'hua̧nö̧ ja̧'a̧ 400nö̧ ppähuö juäimä tomöre jähuä ji̧na̧'a̧ jisacu pönämä. To̧'ta̧rȩ i̧so̧'ti̧yu̧ järobönä jö̧nä̧ juä̧o̧pä̧rö̧nä̧ rö̧ja̧ pä'ö ji̧nö̧ icui'quiyu u ju'tä jo̧mȩ. \v 43 Ja̧'hua̧nö̧ ja̧'a̧nä̧ tomöre jähuä ji̧na̧'a̧ kada'ca jähuäcu ttu̧mö̧ töcäcuähuäcumä.

07/44.txt

@@ -0,0 +1 @@
+\v 44 Ajiya a̧'cuo̧'ta̧'i̧nä̧, pä̧cä̧yö̧ 12nö̧ huotö deanä 'chu̧'ä̧rä̧tö̧'i̧nä̧. \v 45 Uri oyu'inä quirähuä oya'inä, o̧'ta̧hui̧yä̧ bäreu'inä pi̧yȩ o'cajuiyönä järemä. Ja̧'hua̧nö̧ ja̧'a̧ Hirammä aditinö, tu̧ru̧hua̧ ojusodettö ru̧hua̧ Salomónrö pätecuächinömä broncettö särutu icuähuä ji̧na̧'a̧.

07/46.txt

@@ -0,0 +1 @@
+\v 46 Ru̧hua̧mä̧ o'cajuiyönä redä'cattö ȩttö̧ icu aditinö Jordán aje pämäroppättömä, ju̧huȩnȩmä̧ Sucot'inä, Saretán'inä 'quȩtȩ ji̧na̧'a̧. \v 47 Broncettö adicuä järeäcuähuämä juiyö rö̧ä̧nä̧ ji̧na̧'a̧, ja̧'hua̧nö̧ ja̧'a̧ Salomónmä täcö a̧'cua̧ tta̧'ȩcuo̧cö̧ pinö juhua'a

07/48.txt

@@ -0,0 +1 @@
+\v 48 Salomónmä hueinö jinö koro ku̧nä̧rä̧cuä̧huä̧ adicuä u̧ru̧hua̧ ojusode ka̧cui̧nö̧ ji̧nö̧ pa̧'a̧nö̧ pähuä: orottö adicuä'ca ku icu iyähuome, orottö adicuodä pan o̧ppä̧ rutähuodä ji̧na̧'a̧ u̧ru̧hua̧rö̧ ucuotö. \v 49 Ocurä kunähuäcä'inä päcuäi orottö adicuäcä ji̧na̧'a̧, ja̧'hua̧nö̧ ja̧'a̧ u̧huo̧jua̧'a̧cu̧ i̧sä̧mö̧nä̧mä̧ jimöte jähuä ki̧na̧'a̧, ö'ohuecu ja̧'a̧cu̧mä̧ jimöte jähuä ki̧na̧'a̧ surojö juiyoca̧ pä̧tȩcuä̧nö̧ jo̧mȩ. Juhua'a jö̧ta̧'a̧nö̧ ȩ'u̧'i̧nä̧ tejädäcuähuä ocä'inä, 'cuiocuä ocä'inä päcuäi orottö adicuä ji̧na̧'a̧.

07/50.txt

@@ -0,0 +1 @@
+\v 50 O̧'ta̧hui̧yä̧'i̧nä̧, uri oyu bäreu'inä, o̧'ta̧hui̧yä̧ bäreu huȩ'chä̧cä̧ bäreu'inä, incesarios'inä päcuäi orotä jinö. Ja̧'hua̧nö̧ ja̧'a̧nä̧ surojö juiyoca̧ äpate isodänä runähuäya'inä, juhua'a jö̧ta̧'a̧nö̧ u̧ru̧hua̧ ojusode kä'co päte'ö äpate isodä'inä orotä jinodä.

07/51.txt

@@ -0,0 +1 @@
+\v 51 Pa̧'a̧nö̧tä̧ jö̧nä̧ beichina'a o'cajuiyönä adicuä ru̧hua̧ Salomón hueinömä u̧ru̧hua̧ ojusode jähuä pä'ö. Ja̧'hua̧nö̧ ja̧'a̧ttö̧ Salomómmä ȩpi̧nö̧  jä'o David ö̧ca̧ca̧ti̧nö̧ ji̧nö̧mä̧ or'inä, plata'inä, o̧'ta̧hui̧yä̧'inä, ja̧'hua̧nö̧ ja̧'a̧ o'cajuiyönä hua'adö rutinö ihueye hua'adö rutähuome u̧ru̧hua̧ ojusodenä.

07/title.txt

@@ -0,0 +1 @@
+Capítulo 7

08/01.txt

@@ -0,0 +1 @@
+\c 8 \v 1 Ja̧'hua̧nö̧ ja̧'a̧ Israel ttö̧ja̧ttö̧ tä̧mö̧ huotörö huotta pä'ö hue'inö, Jacob minä 12 huotö ahuaruhä 'cotöttö jue'ipätöttö'inä, ttahuaruhuättö ucuo ttö̧ja̧rö̧'i̧nä̧, Jerusalénra̧'a̧ttö̧ i̧sä̧ca̧ ttȩma̧ja̧ pä'ö David idepiyu Sión päi'önä. \v 2 O'catoi'önä Israel ttö̧ja̧ttö̧ u̧mä̧tö̧mä̧ ru̧hua̧ Salomón ö̧'o̧mȩcu̧ 'chä̧hui̧'i̧nä̧tö̧ ja̧u̧nö̧mä̧ Etanim kä̧hua̧nä̧ ji̧na̧'a̧ ttö̧jä̧pö̧ttö̧ to'cherenö jo̧mȩnä̧ ja̧u̧nu̧mä̧ pä'cäri tteseu mo̧ro̧ ji̧na̧'a̧.

08/03.txt

@@ -0,0 +1 @@
+\v 3 Yotäcu Israel ttö̧ja̧ttö̧ tä̧mö̧ jö̧nä̧ huotö kä̧jä̧tö̧mä̧ Dios i̧huȩnȩ jiäcuähuä ttö̧ja̧'i̧nä̧ hueähuä huȩnȩ ȩcä̧ca̧ cä'epinätö. \v 4 Levitas'inä Dios i̧huȩnȩ jiäcuähuä ttö̧ja̧'i̧nö̧ Dios ö̧jo̧ca̧ ippeyenä ka̧cu̧'i̧nä̧ o̧'ta̧hui̧yä̧ ucuo jähuä ka̧cu̧mä̧ ȩpi̧nä̧tö̧. \v 5 Ru̧hua̧ Salomóncu̧ o'catoi'önä Israel ttö̧ja̧ ji̧nä̧ yo̧mȩtȩ pä'i'ätucumä Dios ö̧jo̧ca̧ ä'canä ka̧cui̧nä̧tö̧, ovejastö̧rö̧'i̧nä̧  pä̧cä̧yu̧rö̧'i̧nä̧, ku icu iyähuä jȩpi̧nä̧tö̧. Juä̧nȩmä̧ ttö̧ja̧mä̧ juiyo recuinätö̧ pa̧ja̧cuo̧mȩ'i̧nä̧ juiyönätä̧.

08/06.txt

@@ -0,0 +1 @@
+\v 6 Dios i̧huȩnȩ jiäcuähuä ttö̧ja̧mä̧ Dios ö̧jo̧ca̧ do'ädö ku̧ni̧nä̧tö̧ tu̧ru̧hua̧ ojusode ji̧nä̧ isocu surojötttö 'cäecuo̧ca̧ jacuä, Dios umöhuäyotö querubines ttujuabiyä dea'a ku̧ni̧nä̧tö̧. \v 7 Juätö querubinesmä ttujuabiyä sedetanö ka̧cui̧nä̧tö̧ juo̧ca̧ huä̧mȩ a̧ttä̧rö̧nä̧, hua̧mȩmä̧ dauhuiyä o̧'qui̧yä̧ hui̧na̧'a̧. \v 8 Ja̧u̧ dauhuiyä o̧na̧mä̧ rä'epö tticui'änö surojöttö 'cä̧ȩcuo̧ca̧nä̧ ja̧'hua̧nö̧ ja̧'a̧nä̧ toäcuähui'ocö jinö u̧mi̧ra̧'a̧ päi'ö́nämä jitä pi̧yȩ mo̧ro̧ jubö ja̧'hua̧nö̧tä̧ ki̧'i̧na̧'a̧.

08/09.txt

@@ -0,0 +1 @@
+\v 9 Juo̧ca̧ jacuä korojuäi'inä juiyina̧'a̧, Moisésrö inä obi̧ tobir iyäcu ȩni̧nö̧tä̧ ȩqui̧na̧'a̧ Horebttö tu̧ru̧hua̧ Dios Israel i̧tti̧mö̧rö̧ ppädäcua'a päinöta'anötä̧ Egiptottö rättopinö. \v 10 Dios i̧huȩnȩ jiäcuähuä ttö̧ja̧ surojöttö 'cä̧ȩcuo̧ca̧ttö̧ rättopäji o'ca'a isoppa teoppa mo̧ro̧jä̧ra̧'a̧ttö̧ mȩyȩhui̧'ö̧ Dios ö̧jo̧ca̧ a̧ttä̧chi̧'i̧na̧'a̧. \v 11 Dios i̧huȩnȩ jiäcuähuä ttö̧ja̧ isoppa mo̧ro̧jä̧ra̧'a̧ttö̧ mȩyȩhui̧'o̧mȩnä̧mä̧, ttiäre iyähuä'inä ttaditö juiyönä̧tä̧ ji̧na̧'a̧ juoppa a̧ttä̧chi̧'ä̧ja̧'a̧ttö̧.

08/12.txt

@@ -0,0 +1 @@
+\v 12 Salomónmä pä'inö: Chu̧ru̧hua̧ ucumä isoppa yo̧ä̧sa̧ joppanä chö̧jä̧cua̧sä̧ pä'inöjä̧. \v 13 Jitämä, täcö cuojusodemä aditäjisä, juodenämä 'cuäopönätä̧ cu̧jä̧cua̧jä̧.

08/14.txt

@@ -0,0 +1 @@
+\v 14 Ja̧u̧nu̧ o'comenämä ru̧hua̧mä̧ o'ca'acu topö Israel ttö̧ja̧rö̧ ä'canä ka̧cuä̧tö̧rö̧'i̧nä̧ topö adiunä pähuänä pä'inö. \v 15 Pä'inö: tesehuätucua Israel ttö̧ja̧ ttu̧ru̧hua̧ Diosrötä chä'o David minärö ucuocuinö'anötä jȩpä̧ji̧ chä'orömä pa̧'a̧nö̧ pä'inö. \v 16 Egipto rȩjȩttö̧ räépö chicuinäu̧ttö̧mä̧ ya̧tȩrö̧'i̧nä̧ ȩmä̧cö̧ pinösä̧ ttö chojusode aditäcua̧rö̧mä̧, ja̧'hua̧nö̧ ja̧'a̧nä̧ chumöhuäya̧  Davidrötä ȩmi̧nö̧sä̧ ru̧hua̧ ö̧ja̧ pä'ö'inä Israel ttö̧ja̧ ttu̧ru̧hua̧ päi'önä.

08/17.txt

@@ -0,0 +1 @@
+\v 17 Chä'o David amiso'quittötä esehuäri̧nö̧, tu̧ru̧hua̧ Dios ojusode adita pä'ömä. \v 18 Ja̧'hua̧nö̧ ja̧'a̧nä̧ Diosmä ttö chä'o Davidrö pä'inö. Ttö chojusode cuadita pä'ö cuȩsȩhuä̧rö̧mä̧ adihua'a. \v 19 Ja̧'hua̧nö̧ ja̧'a̧nä̧ ucumä ttö chojusodemä aditocö cuä̧cua̧jä̧, ucu cui̧tti̧ttö̧ ya̧tȩ aditäcua̧ ttö chojusodemä.

08/20.txt

@@ -0,0 +1 @@
+\v 20 Tu̧ru̧hua̧ Diosmä chä'o Davidrö ucuocu päinöta'anö päji, uruhuonä oinomemä ttötä pä̧mä̧di̧nö̧sä̧, ucurutä ucuotö jȩä̧cuä̧huode'inä aditäjisä. \v 21 Juode jacuä tu̧ru̧hua̧ ö̧jo̧ca̧'i̧nä̧ rötinösä̧, Egipto rȩjȩra̧'a̧ttö̧ rä'epö icuinö, jueunä pähuä päinö'a̧nö̧tä̧.

08/22.txt

@@ -0,0 +1 @@
+\v 22 Ja̧u̧nu̧ o'comenä Salomónmä tu̧ru̧hua̧ Dios ä'ca jo̧mȩ i̧sa̧rö̧ ku icu juä̧ca̧ äcanä kä̧mä̧di̧nö̧, o'catoi'önä Israel ttö̧ja̧ ttä'ca jo̧mȩttö̧, u̧mö̧ mo̧ro̧jä̧ra̧'a̧cu̧ cä'epinö. \v 23 Pa̧'a̧nö̧ pä'inö: Israel ttö̧ja̧ ttu̧ru̧hua̧ Dios ucu'anö hua̧mä̧ ka̧ra̧mä̧ toa'a mo̧ro̧jä̧'i̧nä̧ pi̧jä̧ dea'a'inä kö̧ päcumä jueötä jȩpö̧jä̧, chumöhuäyotö huotörömä, ucumä pa̧ja̧cuo̧mȩ juiyönätä̧ repecu i̧jȩcuä̧ i̧sä̧jä̧, ttamiso'qui jacuättö ucunätä̧ 'chä̧tu̧ru̧mä̧. \v 24 Ttö chä'o David cumöhuäya̧ pinörö̧mä̧ iso jönä päcuinöta'anö jȩpi̧nö̧jä̧, ucuocu päcuinö'anö cumönä me'ö̧  isopäi'önätä̧ jȩpö̧jä̧ pi̧yȩ mo̧ro̧ jubumä.

08/25.txt

@@ -0,0 +1 @@
+\v 25 Jitämä Israel ttö̧ja̧ ttö̧ä̧nä̧hua̧ Diosjä̧ ttö chä'o Davidrö päcuinöta'anötä̧ jȩpi̧. \v 26 falta por traducir.

08/27.txt

@@ -0,0 +1 @@
+\v 27 ¿Isopäi'önä ja̧'a̧ tä̧ji̧ pi̧jä̧ huä̧mȩ ö̧ja̧cua̧'a̧mä̧? ji̧'qui̧cha̧nö̧'i̧nä̧ mo̧ro̧ji̧yä̧ ju'toju 'chu̧huä̧ro̧co̧cu̧jä̧, ttö chaditnädenämä cu̧ju̧ juiyö'anötä̧ hua̧jä̧. \v 28 O'cajuiyönä̧tä̧ ttö cumöhuä̧ya̧ jädepömä ppä̧cuä̧dä̧cua̧jä̧, chu̧ru̧hua̧ Dios, ttö cumöhuä̧ya̧ cuä'ca jo̧mȩttö̧ huopönö jädepömä ä̧ju̧cu̧jä̧.

08/29.txt

@@ -0,0 +1 @@
+\v 29 'Cuäopönätä̧ mo̧ro̧'i̧nä̧ yodo'inä to̧pä̧rö̧ kö̧jä̧ pode isode huä̧mȩ'i̧nä̧ jacuä'inä, ucumä pä'inöjä̧: "Ttö chimimä kä̧cua̧'a̧" ttö cumöhuä̧ya̧ poruttötä jädepömä ä̧ju̧cu̧jä̧. \v 30 Ja̧'hua̧nö̧ ja̧'a̧ttö̧mä̧  ttö cumöhuä̧ya̧  jädepömä  ä̧ju̧cu̧jä̧, cuahuaruhuä Israel ttö̧ja̧ jättepö'inä, juätömä porötä jättepäcuotö, ucumä cu̧jo̧mȩttö̧tä̧ cuä̧ju̧cuä̧cua̧jä̧, mo̧ro̧ji̧yä̧ttö̧ cuä̧ju̧cu̧ttö̧mä̧ suronä jȩttö̧mä̧ unichi'i.

08/31.txt

@@ -0,0 +1 @@
+\v 31 Ya̧tȩ a̧hua̧ru̧hua̧rö̧ suronä jȩpä̧ji̧'ca̧ iso pähuänä, cuä'ca jo̧mȩ i̧sa̧ ucuoja ku icu iyähuomȩttö̧  pä̧cua̧. \v 32 Ucumä mo̧ro̧jä̧ra̧'a̧ttö̧ ä̧ju̧cu̧ jȩ'cuä̧cua̧jä̧ cumöhuä̧ya̧rö̧ suronä jȩpö̧jä̧ pä'ö ucuocuttömä, ja̧u̧rö̧mä̧ suronä jȩä̧ji̧ a̧'u̧cuä̧ ro̧cuȩpä̧cua̧jä̧.

08/33.txt

@@ -0,0 +1 @@
+\v 33 Ucu cumöhuäyotö Israel ttö̧ja̧ suronä jȩttä̧ji̧ micuä ttaboiyotö suronä jȩpä̧cuä̧huo̧tö̧ ttö̧jo̧mȩnä̧, pä'äjita'anö ucu cuiminä suronä jȩttä̧ji̧ jä'epö ttichäcuotö pode cuojusodettö. \v 34 Ucumä mo̧ro̧jä̧ra̧'a̧ttö̧ ä̧ju̧cu̧mä̧ suronämä jȩ'cui̧yä̧cua̧jä̧ cuahuaruhuä Israel ttö̧ja̧rö̧mä̧, ttä̧do̧tö̧ mi̧nä̧rö̧ cuiyinäjä̧ra̧'a̧ ppa̧cuä̧dä̧cua̧jä̧.

08/35.txt

@@ -0,0 +1 @@
+\v 35 Ucuru suronä jȩtto̧mȩnä̧ mo̧ro̧'i̧nä̧ mu̧ȩcuä̧chö̧ ajiya'inä ichö juiyönätä jö̧ttö̧mä̧ pä'äjita'anö pocu cuojusodettö cui̧mi̧nä̧ jä'epö ttichäcuotö ttidepänä suronä jȩttä̧ji̧ 'cuäopa pä'ö. \v 36 Ucumä mo̧ro̧ji̧yä̧ttö̧ cuä̧ju̧cuä̧cua̧jä̧, cumöhuäyotö suronä jä̧ttä̧ji̧mä̧  ro̧cuȩpö̧ jui̧yä̧cua̧jä̧ cuahuaruhuä Israel ttö̧ja̧rö̧mä̧, jueö mänänä tti̧'chö̧nä̧tä̧ ocuipä̧cua̧jä̧, ajiya'i̧nä̧ ichönätä̧ jȩ'cuä̧cua̧jä̧ rȩjȩ cuiyinäjä̧nä̧mä̧.

08/37.txt

@@ -0,0 +1 @@
+\v 37 Pi̧jä̧ttö̧ päi rȩbȩu̧ttö̧mä̧; suroju 'cuäopäcua'a tti'ettiyunä mä̧rä̧cä̧yu̧'i̧nä̧, ä̧ca̧u̧'i̧nä̧ ttucuäcuotö ttaboiyotö'inä cuahuaruhuärö tti̧rȩjä̧ 'chottipäcuotö, ttötahuiyä jä̧'i̧jo̧mȩttö̧ kä̧nö̧, koro tottocö jä̧'i̧jö̧'i̧nä̧ 'cuäopäcua'a. \v 38 Ja̧u̧nu̧ o'comenä cuahuaruhuä Israel ttö̧ja̧ suroju 'cuäopä̧u̧ pode cuojusodettö ttumö cä'epö jättepäcuotö.

08/39.txt

@@ -0,0 +1 @@
+\v 39 Ucumä mo̧ro̧jä̧ kä̧nö̧ cuäju̧cuä̧cua̧jä̧, suronämä jȩ'cu̧jui̧yä̧cua̧jä̧, ya̧cu̧nä̧rö̧ jȩttä̧'i̧jö̧ a̧'u̧cuä̧tä̧ cui̧yä̧cua̧jä̧, ucutä ja̧'a̧ttö̧ ttö̧ja̧ ta̧mi̧so'qui jacuä huo̧jua̧mä̧. \v 40 Ja̧'hua̧nö̧ ja̧'a̧ttö̧ ttä̧do̧tö̧ mi̧nä̧rö̧ cuiyinäjänämä ye'ecunätä ttö̧ja̧ pä'ö ja̧,a̧.

08/41.txt

@@ -0,0 +1 @@
+\v 41 Ja̧'hua̧nö̧ ja̧'a̧nä̧ i̧chä̧cuä̧hua̧'i̧nä̧ cuahuaruhuä Israel ttö̧ja̧ huocotö ja̧'a̧nä̧ ko̧ro̧jä̧ rȩjȩra̧'a̧ttö̧ i̧chä̧cua̧ ucu cuiminämä. \v 42 Buo cuimi ttä̧ju̧cuo̧mȩnä̧ cumöpi̧yä̧'i̧nä̧ cuojohuiyä'inä cujuru ttä̧ju̧cuo̧mȩnä̧, podera̧'a̧ttö̧tä̧ jä'epö ttichäcuotö. \v 43 Ucumä mo̧ro̧ji̧yä̧nä̧ cu̧mȩttö̧ cuä̧ju̧cuä̧cua̧jä̧ o'catoi'önä ucuru huopönö jä'epätörömä ppäcuädäcua̧jä̧, ja̧'hua̧nö̧ o'cajuiyönä ppäcuädomenä ttu̧huo̧juä̧cua̧jä̧, Israel ttö̧ja̧ ucuru ttucuotö'anötä̧ ttucuotäcuotö pode ttö chaditodera̧'a̧tä̧ ucuru jä'epö ttichäcuotö.

08/44.txt

@@ -0,0 +1 @@
+\v 44 Cuahuaruhuä ucutä huecuä̧mä̧nä̧ 'chä̧nö̧ ttaboiyotörö rohuäu tti̧'chö̧ttö̧mä̧, jua'attö ötahuiyäcu kärächi'ö jättepäcuotö ucu cui̧mi̧nä̧, ttö chaditinode cuojusodettö. \v 45 Ucu mo̧ro̧ji̧yä̧nä̧ kä̧nö̧ cuä̧ju̧cuä̧cua̧jä̧ jättepömä jitörötä 'cuäopömä ppä'ädi.

08/46.txt

@@ -0,0 +1 @@
+\v 46 Cuä'ca jo̧mȩttö̧ suronä jȩttö̧ttö̧mä̧ (¿Ya̧tȩ'i̧nä̧ suronä jȩpo̧cö̧mä̧ toa'a tä̧ji̧) jahuätörömä cu̧ra̧huä̧ra̧'a̧nö̧ ta̧ji̧, ttaboiyotörö iyö icu tti̧rȩjä̧ra̧'a̧ ttȩmi̧pö̧nä̧. \v 47 Jahuätö jitörötä ttȩmi̧pi̧nä̧jä̧ra̧'a̧ ppa̧'a̧di̧'ö̧, pärou icu ucurutä jättepöttömä  pa̧'a̧nö̧ pä'ö chu̧ru̧hua̧ ucu cuä'ca jo̧mȩttö̧ suronä jȩpä̧jä̧tö̧jä̧.

08/48.txt

@@ -0,0 +1 @@
+\v 48 Ttamiso'qui jacuä'inä, tta̧mö̧cuädönä'inä pärou icu tta̧mö̧cuädöttömä ttaboiyotö tti̧rȩjä̧ra̧'a̧ttö̧, jua'attö kä̧nö̧ ttä̧do̧tö̧ mi̧nä̧rö̧ cuiyinä̧jä̧ra̧'a̧cu̧ topö jättepäcuotö, ttötahuiyära̧'a̧cu̧'i̧nä̧, ttö cuojusode chaditinodera̧'a̧cu̧.

08/49.txt

@@ -0,0 +1 @@
+\v 49 Adiu cuidepiyönä kä̧nö̧ cuä̧ju̧cuä̧cua̧jä̧ jättepömä, o'cajuiyönä jättepömä ppä'äditö. \v 50 O'cajuiyönä ucuru suronä jȩtti̧nö̧mä̧ unichi'iyitö ucuru suronä ttucuocuäji'inä, jȩttö̧'i̧nä̧ ja̧'hua̧nö̧ jo̧mȩnä̧ ttaboiyo rȩrö̧jö̧nä̧ tottäcuotö.

08/51.txt

@@ -0,0 +1 @@
+\v 51 Jahuätömä ucutä cuahuaruhuä ja̧'a̧ ucutä cuȩmi̧nä̧u̧ ja̧'a̧, Egiptora̧'a̧ttö̧ rä'epö cuicuinä̧u̧ curäunä ȩttä̧huo̧mȩttö̧. \v 52 To̧pä̧rö̧nö̧ kä̧hui̧ cumöhuäya̧ jädepö'inä cuahuaruhuä Israel ttö̧ja̧ jättepö'inä, cuäju̧cu̧mä̧ huopinö jättepömä cuädätäcua'anö̧. \v 53 Jahuätö pi̧jä̧ ttö̧ja̧'i̧nä̧ i̧mi̧cu̧nä̧ 'quȩ'ȩpö̧ cuȩmi̧nä̧u̧, cumöhuäya̧ Moisésrö päcuinöta'anötä̧, Egipto rȩjȩttö̧ rä'epö icuinöjä̧ chu̧ru̧hua̧ Dios.

08/54.txt

@@ -0,0 +1 @@
+\v 54 Salomón Diosrö ucuocu o'cajuiyönä jäepäji o'ca'a ku icu iyähuä'ca ä'ca ihue'quiyönä pä̧mä̧dö̧ mo̧ro̧jä̧ra̧'a̧cu̧ umö cä'epinö. \v 55 O'catoi'önä Israel ttö̧ja̧rö̧ pä̧i̧cu̧nä̧ ucuocu adiunä pähuä pä'inö. \v 56 Adihua'a chu̧ru̧hua̧ cumöhuäyotö Israel ttö̧ja̧rö̧ eseäcuähuä cuiyömä, o'cajuiyönä päcuinöta'anö cumöhuä̧ya̧ Moisésrö. Ucumä  'cuäopönä to'epocö pinöjä̧.

08/57.txt

@@ -0,0 +1 @@
+\v 57 Tö̧ä̧nä̧hua̧ Dios ucumä ujutucutä ku̧jä̧, tä̧do̧tö̧ mi̧nä̧cu̧ cu̧ji̧nö̧'a̧nö̧tä̧, ji̧'qui̧cha̧nö̧'i̧nä̧ jaropi'ocöjä̧. \v 58 Tamiso'qui jacuä tesehuärönätä̧ jȩpi̧tö̧, ucu cumä̧nä̧nä̧tä̧ ti̧'chö̧nä̧, huȩyu̧tu̧ huecuinönätä̧ ttö̧jö̧nä̧, tä̧dä̧tö̧ mi̧nä̧rö̧ huecuinöta'anö̧tä̧.

08/59.txt

@@ -0,0 +1,2 @@
+\v 59 Pi̧yȩtä̧ ja̧'a̧ chu̧ru̧hua̧rö̧ jädepömä mo̧ro̧'i̧nä̧ yodo'inä 'cuäo'önä tta̧huä̧ra̧ pä'ö, umöhuäyotörömä̧ ahuruhuä Israel ttö̧ja̧rö̧'i̧nä̧ 'cuäopömä. \v 60 Ja̧'hua̧nö̧ ja̧'a̧ttö̧ pi̧jä̧ ttö̧ja̧ o'catoi'önä ttu̧huo̧juä̧cuo̧tö̧ ya̧tȩtä̧ ja̧'a̧ 
+ Diosmä, ka̧ra̧mä̧ toa'a pä'ö. \v 61 Ja̧'hua̧nö̧ ja̧'a̧ttö̧ ujutumä Diosrö esetö tu̧jä̧tu̧cua̧ tu̧ru̧hua̧ huȩyu̧tu̧ hueinö  jinötä̧ esetö, jitä pi̧yȩ mo̧ro̧ jȩpö̧ tö̧jö̧'a̧nö̧tä̧.

08/62.txt

@@ -0,0 +1 @@
+\v 62 Ja̧'hua̧nö̧ ja̧'a̧ ru̧hua̧mä̧ o'catoi'önä  Israel ttö̧ja̧cu̧ ji̧nä̧ yo̧mȩtȩ pä'i'ö ttiäre iyähuä iyinätö̧ ttu̧ru̧hua̧rö̧tä̧. \v 63 Salomón esecu iäre iyähuä iyönö, tu̧ru̧hua̧  Diosrö, 22 milnö pä̧cä̧yö̧rö̧'i̧nä̧, 120 mil ovejastö̧rö̧'i̧nä̧, ja̧'hua̧nö̧tä̧ ru̧hua̧mä̧ o'catoi'önä Israel ttö̧ja̧cu̧ tu̧ru̧hua̧ ojusodettö aditinätö̧.

08/64.txt

@@ -0,0 +1 @@
+\v 64 Ja̧u̧nu̧ mo̧ro̧ ru̧hua̧mä̧ tu̧ru̧hua̧ ojusode äpate ä'ca isotöttö, juoröttö ku icu ttiäre iyähuä iyönö, jȩru̧huä̧ ote ku icu iyähuä'inä, a̧dȩmä̧ eseäcuähuä iyähuä ji̧na̧'a̧, tu̧ru̧hua̧ ä'ca jo̧mȩ bronce i̧so̧'ta̧mä̧ juiyo a̧'u̧cui̧nö̧'ta̧, jȩru̧huä̧ o̧dö̧'i̧nä̧, a̧dȩ isoya eseäcuähuä ttiäre iyähuä'inä ttiya pä'ömä.

08/65.txt

@@ -0,0 +1 @@
+\v 65 Ja̧u̧nu̧ mo̧ro̧mä̧  Salomónmä pä'cäri jȩpi̧nö̧ o'catoi'önä Israel ttö̧ja̧cu̧, recuätö ca̧ca̧cui̧nä̧tö̧ Hamat ötahuiyä kä̧hua̧ räopa'acuttö'inä, Egipto rȩjȩ kä̧hua̧ ma̧ä̧cha̧'a̧cu̧ttö̧'i̧nä̧, pi̧yȩmä̧ tu̧ru̧hua̧ ä'ca jo̧mȩttö̧ ji̧na̧'a̧, ä'canämä tti̧jä̧pö̧ttö̧ todärenö mo̧ro̧ ja̧u̧nu̧ o'ca'a'inä ttö̧jä̧pö̧ttö̧nö̧ todärenö ji̧na̧'a̧ o'cajuiyönämä (4nö mo̧ro̧ ji̧na̧'a̧). \v 66 Ttö̧jä̧pö̧ttö̧ huäbodäcuä mo̧ro̧ jä̧ji̧ o'ca'a Israel ttö̧ja̧mä̧ täcö pene jubutä ja̧'a̧ pä'inö, jahuätömä ru̧hua̧rö̧ adiunätä̧ pä'inätö̧, ttoju odehuiyära̧'a̧ ppa̧'a̧chö̧mä̧, juiyo ya̧'a̧huä̧rö̧nä̧ esehuinätö̧, ttu̧ru̧hua̧ Diosrö esehuinätö̧ u̧mö̧huä̧ya̧ Davidrö jȩi̧nö̧'i̧nä̧, ahuaruhuä Israel ttö̧ja̧rö̧ jȩi̧nö'i̧nä̧ amucuädö.

08/title.txt

@@ -0,0 +1 @@
+Capítulo 8

09/01.txt

@@ -0,0 +1 @@
+\c 9 \v 1 Salomón Dios öjode aditö cä'ädinödo, ja̧'hua̧nö̧ ja̧'a̧ o'cajuiyönätä̧ jo̧mȩ päi'önä. Ru̧hua̧ chutä ö̧jode'inä. \v 2 Tu̧ru̧hua̧ Dios i̧jȩpi̧nö̧do Salomónrö todäre päi'önä, Gabaón ötahuiyä uhuahua jä̧'i̧nö̧'a̧nö̧tä̧.

09/03.txt

@@ -0,0 +1 @@
+\v 3 Ja̧'hua̧nö̧ ja̧'a̧ Dios pä'inö: ttöcu cucuocua'amä ä̧ju̧cui̧nö̧sä̧ jȩcu̧'i̧nä̧ juȩnȩtä̧ kö̧sä̧, ttö chiminä 'cuäopönätä̧ kä̧cua̧'a̧ chö'äriyä'inä, ja̧'hua̧nö̧ ja̧'a̧nä̧ chamiso'qui'inä 'cuäopönä mo̧ro̧ chö̧jä̧cua̧sä̧ juȩnȩtä̧.

09/04.txt

@@ -0,0 +1 @@
+\v 4 Ja̧'hua̧nö̧ ja̧'a̧ ucu cuä'o David chä'ca jo̧mȩ ki̧nö̧ ucu'inä chä'ca jo̧mȩtä̧ kö̧jä̧, cuamiso'qui yorätehua'a jȩpi̧ o'cajuiyönä ttö pädömä, ucuotönö ttö huedömä. \v 5 Ttö chö̧jä̧cua̧sä̧ ruhuonä huecuo'inä Israel ttö̧ja̧cu̧'i̧nä̧ 'cuäopönätä̧, ucu cuä'o Davidrö chucuocuinö'a̧nö̧, pä'inösä̧ todepö juiyä̧cua̧sä̧ ubo cuahuaruhuä o'cotöttö'inä ruhuonä hueähuome Israel ttö̧ja̧ttö̧'i̧nä̧.

09/06.txt

@@ -0,0 +1 @@
+\v 6 Ja̧'hua̧nö̧ ja̧'a̧nä̧ cu̧ni̧chi̧'ä̧tu̧cu̧ttö̧mä̧ cui̧tti̧mö̧cu̧'i̧nä̧, hueähuä huȩnȩ ji̧nö̧'i̧nä̧ ttö cuä'catucu jo̧mȩ chö̧jä̧cua̧sä̧, korotö ttö̧ä̧nä̧huo̧tö̧rö̧ esetö ttö'ä ja̧rȩyu̧ pä'i'ö jahuätörö jjȩ'cuä̧tu̧cu̧ttö̧'i̧nä̧. \v 7 Ttö rȩjȩ chiyinäjä̧ttö̧mä̧ 'to'opö chi̧cuä̧cua̧sä̧ Israel ttö̧ja̧rö̧; ja̧'hua̧nö̧ ja̧'a̧ pi̧yȩ jähuänä ttö chiminä 'quȩi̧pä̧cha̧'a̧, ttö chiärettömä ji̧yȩtȩ uhuähua'a, Israel ttö̧ja̧mä̧ i̧jȩcuä̧ päi'önä kä̧tö̧ o'catoi'önä ötahuiyä ttö̧ja̧ jö̧nä̧.

09/08.txt

@@ -0,0 +1 @@
+\v 8 Dios ö̧jode ki̧na̧'a̧ adiunä, o'catoi'önä jäyodenä 'cuäopätö'inä pättä'chipönä päi'äcua'a, ja̧'hua̧ta̧nö̧ pättäcuotö: ¿Däje pä'ö jȩi̧na̧'a̧ttö̧ po rȩjȩnä̧mä̧ ja̧'hua̧ta̧'a̧nö̧ pode isodemä? \v 9 ja̧'hua̧ta̧nö̧ pättäcuotö: Tu̧ru̧hua̧ Diosrö däje pä'ö jaroti'ina'attö̧ jö̧nä̧, Egipto rȩjȩttö̧ rä'epö icuinö̧rö̧mä̧, korotö ttö̧ä̧nä̧huo̧tö̧rö̧ teseta'attö̧, ja̧'hua̧ta̧nö̧ esetipö huettö jȩta̧'a̧ttö̧, ja̧'hua̧nö̧ ja̧'a̧ttö̧ tu̧ru̧hua̧ Dios ö'cächinö jahuätö o'catoi'önä̧rö̧ pocu surojomecu̧.

09/10.txt

@@ -0,0 +1 @@
+\v 10 20 a̧'ȩ jo̧mȩnä̧ Salomón Dios ö̧jodeínä todäre jo̧mȩnä̧ ötahuiyä cä'ädinö̧. \v 11 Hiram, Tiro ru̧hua̧mä̧ 'cä̧chö̧ iyinö Salomónrö̧ cedro dauhuiyä, ja̧'hua̧nö̧ ja̧'a̧nä̧ oro'i̧nä̧, ru̧hua̧ Salomón Hiramrö iyinö veintenö jo̧mȩ ötahuiyä Galilea rȩjȩnä̧.

09/12.txt

@@ -0,0 +1 @@
+\v 12 Ja̧'hua̧nö̧ ja̧'a̧ Hiram Tirottö rä'opinö ötahuiyä toipa pä'ö Salomón iyäjome, ja̧'hua̧nö̧ ja̧'a̧ töju'quipiyunä ji̧nä̧u̧. \v 13 Ja̧'hua̧nö̧  ja̧'a̧ pä'inö: ¿Däje ötahuiyä cuiyäcusättö̧ pi̧yȩmä̧, chu̧jä̧hua̧? ja̧'hua̧nö̧ ja̧'a̧ i̧mi̧ o'ö ku̧ni̧nö̧ Cabul rȩjȩ pä'ö, jitä pi̧yȩ mo̧ro̧ jubö ja̧'hua̧nö̧tä̧ micuome. \v 14 Hiram hue'ö icuinö ciento veintenö talentos jo̧mȩ oro.

09/15.txt

@@ -0,0 +1 @@
+\v 15 Ru̧hua̧ Salomón Dios ö̧jode ttadita pä'ö jȩpi̧nö̧, chutä ö̧jode jö̧nä̧tä̧, ju'tänä isode'inä ja̧'hua̧ta̧nö̧ Jerusalén tto̧ȩcuä̧rä̧'ca'inä, ja̧'hua̧nö̧ Hazor'inä, Meguido'inä ja̧'hua̧ta̧'a̧nö̧ Gezer'inä. \v 16 Egipto ru̧hua̧ faraón ja̧'hua̧ta̧'a̧nö̧  Gezer-rö ȩmo̧po̧'ö̧, ku̧ni̧nö̧, hua'aretä iyinö (cuäcuäpö icuinö) Cananeosnä ka̧cuä̧tö̧rö̧ ötahuiyänä, ja̧'hua̧nö̧ ja̧'a̧ Salomón iyinö chutä ittijuru irecua päi'önä.

09/17.txt

@@ -0,0 +1 @@
+\v 17 Salomón si'epö icuinö juiyönätä̧, Gezer ja̧'hua̧nö̧ ja̧'a̧nä̧ Bet-horón'inä. \v 18 Baalat, ja̧'hua̧ta̧'a̧nö̧ Tdmor'inä rȩjȩ de'a juiyä̧jä̧nä̧. \v 19 Ja̧'hua̧ta̧'a̧nö̧ o'catoi'önä ötahuiyä'inä Salomón ö̧ju̧nä̧rö̧ ätahuiyä ppo̧u̧nä̧nö̧ jö̧'i̧nä̧ bäreu'inä, cäruquiyä'inä ötahuiyä ttö̧ja̧'i̧nä̧, cabayu̧tö̧'i̧nä̧, ja̧'hua̧ta̧'a̧nö̧  Salomón o'cajuiyönä Jerusalén'inä aditinö, o'cajuiyönä rȩjȩ uruhuo päi'önä jo̧mȩ.

09/20.txt

@@ -0,0 +1 @@
+\v 20 O'catoi'önä̧tä̧ ötahuiyä ttö̧ja̧ ka̧cui̧pi̧nä̧tö̧ Amorreosnä̧tä̧, Hetos'inä, Ferezeos'inä, Heveos'inä ja̧'hua̧ta̧'a̧nö̧ Jebuseos'inä, jahuätömä tti̧tti̧mö̧mä̧cö̧ ji̧na̧'a̧ Israel ttö̧ja̧mä̧. \v 21 Chutä i̧tti̧mö̧ ka̧cui̧pi̧nä̧tö̧ rȩjȩnä̧tä̧ jahuätömä röjinä̧tä̧, Israel ttö̧ja̧ tti̧tti̧mö̧mä̧ jȩttö̧ juiyönä huinätö̧, Salomón jȩpi̧nö̧ jahuätörö adicuä ttö̧ja̧ jö̧nä̧ jitä pi̧yȩ mo̧ro̧ jubö.

09/22.txt

@@ -0,0 +1 @@
+\v 22 Ya̧tȩ'i̧nä̧ Israel ttö̧ja̧ tti̧tti̧mö̧rö̧ huettö adicuä ttö̧ja̧ jö̧nä̧'i̧nä̧ Salomón jȩpo̧cö̧ pinö, jahuätörö curä rohuähuäcuähuä ttö̧ja̧ jö̧nä̧tä̧, ppä̧'ä̧dä̧rä̧tö̧'i̧nä̧, príncipes jö̧nä̧ huotö'inä, capitanes jö̧nä̧ huotö'inä, comandantes jö̧nä̧ pä'ähuotö'inä jahuätö ttöcaruquiyä'inä ttö̧ja̧  cabayu̧tu̧cu̧'i̧nä̧.

09/23.txt

@@ -0,0 +1 @@
+\v 23 Salomón juȩ'i̧pa̧ jö̧nä̧ ki̧nö̧ ja̧'hua̧ta̧'a̧nö̧ to̧ä̧rä̧cuä̧huä̧ i̧sa̧tä̧ jö̧nä̧ öäre adicuättö'inä quientos cicuentas, ötahuiyä ttö̧ja̧'i̧nä̧ aditö ka̧cui̧nä̧tö̧.

09/24.txt

@@ -0,0 +1 @@
+\v 24 Faraón ittiju 'cha'achi'ö ki̧nä̧ju̧ ötahuiyänä David ö̧ji̧no̧mȩ isode Salomón aditinome; ja̧'hua̧ta̧nö̧ aditinö ji̧na̧'a̧ ju'toju lsode kö̧nä̧.

09/25.txt

@@ -0,0 +1 @@
+\v 25 Salomón ya'ute a̧'ȩttö̧mä̧ huäbodä jomenä öäre iyähuä iyinö cuä'ö icu iyähuome u̧ru̧hua̧  Diosrö, ku icunö Dios ä'ca jome, ja̧u̧nö̧ o'ca'atä isode'inä cä'ädinö.

09/26.txt

@@ -0,0 +1 @@
+\v 26 Ru̧hua̧ Salomón huoi'quiyö'inä aditinö Ezión-geber, ji̧nä̧ yo̧mȩtȩ ka̧'a̧ Elotcu mar rojo jäyoto, Edom rȩjȩnä̧, \v 27 Hiram ja̧'hua̧nö̧ ja̧'a̧ hue'ö icuinö jahuätörö öäre adicuä ttö̧ja̧rö̧, marinerotö̧rö̧'i̧nä̧ aje rö̧o̧tonä 'cha̧'a̧dä̧ to̧pä̧rö̧ huo̧juȩcu̧nä̧  huotörö'inä, Salomón öäre adicuä ttö̧ja̧rö̧'i̧nä̧. \v 28 OOfir dauhuiyä'inä ja̧'hua̧ta̧'a̧nö̧ 'chi̧nä̧tö̧ juorö ȩmi̧nä̧tö̧ oro'inä, cuatrociento veinte talentos jo̧mȩ'i̧nä̧, ja̧'hua̧ta̧'a̧nö̧ ru̧hua̧ Salomónrö i'chächö iyinä̧tö̧.

09/title.txt

@@ -0,0 +1 @@
+Capítulo 9

10/01.txt

@@ -0,0 +1 @@
+\c 10 \v 1 Salomón öadihuä u̧ru̧hua̧ i̧mi̧nä̧ i̧rȩbȩhui̧nö̧ ä̧ju̧cui̧nä̧ju̧ Sabá rȩjȩ ttö̧ja̧ tturuhuajumä, jäecuänä 'quiyö juäicu ichinä̧ju̧ ka̧cuä̧mö̧ tojarö pä'ö. \v 2 Ja̧'hua̧nö̧ ja̧'a̧ Jerusalénra̧'a̧ ichinäju̧ huo̧juä̧huä̧ ttö̧ja̧ recuätucu, a̧mȩu̧ juäi'inä, oro'inä rö̧ä̧nä̧ camellosnä i'cächinätö̧ rö̧ä̧nä̧ inä adiu'inä, Salomón ö̧jo̧mȩ ki̧'chi̧'o̧mȩnä̧ o'cajuiyönä kamiso'quinä ku̧ju̧nä̧rä̧ji̧mä̧ ucuocuinäju̧.

10/03.txt

@@ -0,0 +1 @@
+\v 3 Ja̧'hua̧nö̧ ja̧'a̧ Salomónmä o'cajuiyönä jäjepäjimä ädätinäcua̧ ji̧yȩtȩ'i̧nä̧ ki̧'i̧po̧ca̧'a̧ ji̧na̧'a̧ ru̧hua̧ ädätocö juäimä. \v 4 Ja̧'hua̧nö̧ ja̧'a̧ Saba rȩjȩ ttö̧ja̧ tturuhuajumä Salomón u̧huo̧ju̧ o'cajuiyönä, isode aditinode'inä topinä̧ju̧. \v 5 Juhua'a jö̧ta'anö u̧cuȩ cuäcuähuodänä cuäcuähuä ka̧'a̧'i̧nä̧, umöhuäyotö ttä'ome'inä churutä ppä̧'ä̧dä̧rä̧tö̧ ttö̧'ca̧tä̧huä̧ti̧yu̧'i̧nä̧ adihua'a, umöhuäyotöttö jue'ipotö u̧cuȩ iyähuä ttö̧ja̧rö̧'i̧nä̧, juhua'a jö̧ ta'anö u̧ru̧hua̧ ojosodettö i̧sa̧rö̧ cuä'ö icu jȩä̧'i̧jö̧'i̧nä̧ topö rö̧ä̧nä̧tä̧ ye'ecui'inäju̧.

10/06.txt

@@ -0,0 +1 @@
+\v 6 Ja̧'hua̧nö̧ ja̧'a̧ ru̧hua̧rö̧ päínäju̧: Isopäi'önätä̧ ja̧'a̧ ucu cuiärettö'inä, cu̧huo̧ju̧ttö̧'i̧nä̧ chi̧rȩjä̧ttö̧ chä̧ju̧cuä̧'i̧jö̧mä̧. \v 7 Ja̧'hua̧nö̧ ja̧'a̧ chichome jubö, ji̧nä̧ estocoju päjäjusä, ja̧'hua̧ta̧'a̧nö̧ chi'äriyänä topö ju'totämä pä'ocojusä, chä̧ju̧cuä̧'i̧jo̧mȩttö̧'i̧nä̧ abonänö rö̧ä̧nä̧tä̧ adihuaja cu̧huo̧juö̧mä̧.

10/08.txt

@@ -0,0 +1 @@
+\v 8 Cumöhuäyotömä eseu ka̧cuä̧tö̧, pi̧yȩ eseu ka̧cuä̧tö̧mä̧ huecu jȩä̧cuä̧huä̧ ttö̧ja̧tä̧ ja̧'a̧, 'cuäopö cuä'ca jo̧mȩ kä̧tö̧tä̧, ja̧'hua̧ta̧'a̧nö̧ cu̧huo̧juö̧ ä̧ju̧cuä̧tö̧tä̧. \v 9 Cu̧ä̧nä̧hua̧ Diostä adihuä i̧sa̧mä̧ ucuru eseunö topinötä̧ Israel ttä̧ja̧ tturuhuo dȩä̧cä̧nä̧ öta pä'ö Diosmä 'cuäopönä̧tä̧ repe'inö Israel ttö̧ja̧rö̧mä̧, ru̧hua̧ päcui'önä jȩi̧nä̧cu̧jä̧ jueönä jȩä̧cuä̧huä̧'i̧nä̧ adiunä jȩä̧cuä̧huä̧'i̧nä̧ jȩpö̧ ku̧ji̧ya̧rö̧ pä'ö.

10/10.txt

@@ -0,0 +1 @@
+\v 10 Ja̧'hua̧nö̧ ja̧'a̧ 120 talentos jo̧mȩnä̧ oro rö̧ä̧nä̧ adiu a̧mȩu̧ jähuä'inä rȩbȩhuo̧ca̧'a̧ ji̧na̧'a̧ pä'äjimä, Sabá ttö̧ja̧ tturuhuaju kiyäji'anömä.

10/11.txt

@@ -0,0 +1 @@
+\v 11 Juhuene yabonä Ofir rȩjȩttö̧ Hiram uhuoi'ca'inä oro'inä, sándalo dauhuiyä'inä inä adiu'i̧nä̧ i'cächinätö̧. \v 12 Ja̧'hua̧nä̧ ja̧'a̧ ru̧hua̧mä̧ Dios ojusode'inä, ru̧hua̧ ippeyänä ka̧cuä̧tö̧ ttoju odehuiyä'inä sándolo dauhuiyä odättö aditinö. Juhua'a jö̧ta'anö ra̧huä̧huä̧ ttö̧ja̧ ttiäre 'porähuä oba arpas pähuä'inä, salterios pähuä'inä aditinö sándalo dauhuiyä'anö jö̧mä̧ yori'isotä ichoca'a ji̧na̧'a̧, jitä pi̧yȩ mo̧ro̧ jubö päi'önä toäcuöhuoca'a.

10/13.txt

@@ -0,0 +1 @@
+\v 13 Ja̧'hua̧nö̧ ja̧'a̧ ru̧hua̧ Salomón sabá rȩjȩ ttö̧ja̧ tturuhuajuru o'cajuiyönä pä̧huä̧ tojä'inä, jäjepäji'inä iyinä̧cua̧, ja̧'hua̧nö̧ ja̧ji̧ o'comenä ruhuajumä cumöhuäyotucu ki̧rȩjä̧ra̧'a̧ ppa̧'ä̧chi̧nä̧ju̧.

10/14.txt

@@ -0,0 +1 @@
+\v 14 Ya'ute du'o rȩjȩ micuä ttimitömä Salomón u̧ju̧nä̧rö̧ oromä (666) talentos jo̧mȩnä̧ a̧mä̧qui̧na̧'a̧do. \v 15 Järe micuämä iyä'chätö, adiu ameu ttadita pä'ö hueähuä ttö̧ja̧, Arabia rȩjȩttö̧ o'catoi'önä ruhuotö, jä̧ttä̧yä̧jä̧ rȩjȩttö̧ jue'ipotö ttiyä'ijö pa̧ja̧cuä̧ juiyönätä̧.

10/16.txt

@@ -0,0 +1 @@
+\v 16 Juhua'a jö̧ta'anö ru̧hua̧ Salomónmä 600nö tto̧ȩcuäräcuähuä bäreu obi oro isähuattö aditinödo, 6 kilos oro jomenä jȩpö̧ icu aditinödo jibicu pönämä. \v 17 Juhua'a jö̧ta'anö  oro isähuattö  aditinödo 300nö tto̧ȩcuäräcuähuä ppo̧ö̧ obi, jibicu pönämä 3 libras  oro jomenä jȩpö̧ icuinö. Ojusode'inä Libano de'iyunä aditö ku̧ni̧nö̧.

10/18.txt

@@ -0,0 +1 @@
+\v 18 Juhua'a jö̧ta'anö ideäcä ruhuonä hue'ö ö̧'ö̧ ocä 'quiyö juäi marfil pähuättö aditinö ru̧hua̧mä̧, juhuäcä deäcämä juäocuä̧ri̧na̧'a̧ päcuäi orottö. \v 19 Ruhuo deäcära̧'a̧mä̧ koromöttö̧nö̧ yochetenö 'chahuächäcuähuä ocä ki̧na̧'a̧, ji̧nä̧ isocu ju'toju jo̧mȩ ö̧'o̧mȩmä̧ yoräteunä ö̧'ä̧cänämä ki̧na̧'a̧ kara'anä'inä, kara'anä'inä öjo rötähuome, juhuenemä ta̧ju̧ bärepätö yä̧hui̧tö̧ rutähuotö ki̧nä̧tö̧. \v 20 koromöttö̧nö̧ yochetenö   o'ca ocä 'chahuächäcuähuä ocänä tom'rettö to'cherenö bärepätö yä̧hui̧tö̧ rutähuotö ki̧nä̧tö̧, kara'anä'inä pätecutä ruhuonä hueähuomettö̧mä̧ koromettö̧'i̧nä̧ ja̧'hua̧nö̧mä̧ adicuoca'a ji̧na̧'a̧ ruhuo deäcämä.

10/21.txt

@@ -0,0 +1 @@
+\v 21 Juhua'a jö̧ta'anö ru̧hua̧ Salomón ahuähuä o̧'ta̧mä̧  orotä ji̧na̧'a̧ ojusode Libano de'ara̧'a̧ ko̧de jacuä jähuä'inä, Juhua'a jö̧ta'anö päcuäi orotä ji̧na̧'a̧, pärätättö adicuämä juiyina'a, Salomón ö̧ji̧nö̧ pä̧nä̧mä̧ ttöjö'cocö ja̧'a̧ttö̧. \v 22 Ru̧hua̧mä̧ aje röoto̧nä̧ ku̧nä̧ri̧nö̧ aje huoi'quiyu Tarsi rȩjȩra̧'a̧ttö̧ ichö'inä, Hiram rȩjȩra̧'a̧ttö̧ ichöcu. Huäbodäcuä du'o jo̧mȩnä̧mä̧ ya'utenätä̧ ichina'a huoi'camä Tarsi rȩjȩra̧'a̧ttö̧mä̧, jahuä'ca huoi'canämä ä'cächinätö̧ oro'inä, plata'inä marfil pättö'inä ji̧chu̧tu̧cu̧í̧nä̧, Juhua'a jö̧ta'anö i'cächinätö̧ pavo real pä̧ttä̧u̧rö̧'i̧nä̧.

10/23.txt

@@ -0,0 +1 @@
+\v 23 Pa̧'a̧nä̧tä̧ rö̧ä̧chi̧na̧'a̧ ru̧hua̧ Salomón uruhuomä, u̧huo̧juö̧'i̧nä̧ o'catoi'önä rȩjȩ ruhuotö ttoju odönä. \v 24 Rȩjȩ jä̧ttä̧yä̧jä̧ jö̧ttö̧tä̧ totta pä'inätö̧ ru̧hua̧ Salomón ö'ä u̧huo̧juö̧'i̧nä̧  ttä̧ju̧cua̧ pä'inä̧tö̧ Dios amiso'quinä u̧ju̧ni̧nö̧mä̧. \v 25 Juhua'a jö̧ta'anö o'catoi'önä du'o jo̧ta'anö ttö̧jö̧nä̧rö̧ juäi ȩpi̧nä̧tö̧, orottö adicuä'inä platattö adicuä'inä, 'ca̧tä̧cuä̧huä̧ o̧ta̧'i̧nä̧, rohuähuäcuähuä 'quiyöjuäi'inä, adiu a̧dö̧ juäi isoya'inä, cabayu̧tu̧rö̧'i̧nä̧ murotö̧rö̧'i̧nä̧.

10/26.txt

@@ -0,0 +1 @@
+\v 26 Salomón caruquiyä'inä, caballonä huä̧nö̧ rohuähuäcuähuä ttä̧ja̧rö̧'i̧nä̧ ca̧ca̧tö̧ ku̧ni̧nö̧ (1400)nö̧ jo̧mȩnä̧, caruquiyä'inä (12.000)nö jo̧mȩnä̧,  caballonä huä̧nö̧ rohuähuäcuähuä ttä̧ja̧rö̧'i̧nä̧ ku̧nä̧ri̧nö̧. Ja̧u̧ juäimä rohuäcuähuä  caruquiyä päjomȩtä̧ hue'inö, Juhua'a jö̧ta'anö  hue'inö curä ru̧hua̧rö̧ Jerusalén ru̧hua̧rö̧ tta̧ttä̧ri̧ya̧rö̧ pä'ö. \v 27 Ja̧u̧ ru̧hua̧mä̧ Jerusal'en pärätä rö̧ä̧nä̧ kö̧nä̧ jȩpi̧nö̧do, inä rö̧ä̧nä̧ ka̧'a̧ jä̧'i̧nö̧'a̧nö̧ päi'önä, Juhua'a jö̧ta'anö cedro dauhuiyä'inä yoähui'önä de'a pämärome ka̧cu̧ higuera dauhuiyä jä̧'i̧nö̧'a̧nö̧.

10/28.txt

@@ -0,0 +1 @@
+\v 28 Ja̧'hua̧ta̧'a̧nö̧ Egipto rȩjȩra̧'a̧ttö̧ i'cächinätö̧ Salomón ä̧ji̧mö̧ cabayu̧tu̧rö̧'i̧nä̧ öäre i̧sä̧ti̧yu̧ lienzo pähuä lino dauhuiyättö adicuä o̧ta̧, ru̧hua̧ öäre mitö micuänä iyä'chö adicuä ttö̧ja̧mä̧ ja̧huä̧jä̧ rȩjȩra̧'a̧ttö̧tä̧ mitö ä'cächinätö̧  cabayu̧tu̧rö̧'i̧nä̧, pö̧jä̧ti̧yö̧ lienzos o̧ta̧'i̧nä̧. \v 29 Egipto rȩjȩttö̧mä̧ caruquiyänämä ichina̧'a̧ (600)nö plata jo̧mȩnä̧, Juhua'a jö̧ta'anö räopina'a cabayunämä  150nö jo̧mȩnä̧, Juhua'a jö̧ta'anö jahuätönätä̧ po̧cui̧pi̧nö̧ o'cajuiyönä heteos ttö̧ja̧ tturuhuotöttö'inä, siria ttö̧ja̧ tturuhuotöttö'inä.

10/title.txt

@@ -0,0 +1 @@
+Capítulo 10

12/01.txt

@@ -0,0 +1 @@
+\c 12 \v 1 Roboamä 'chi̧nö̧ Siquera̧'a̧, dä̧bö̧ pä'ö jahuätö o'catoi'ö ichinätö̧ Siquera̧'a̧cu̧ ttu̧ru̧hua̧rö̧ cä'epö huȩnö̧ ru̧hua̧ päi'önä. \v 2 Jeroboamrö 'cuäopina'ado, Nabat i̧tti̧rö̧, pi̧yȩ huȩnȩmä̧ ä̧ju̧cui̧nö̧do Egiptora̧'a̧ kä̧nö̧, ru̧hua̧ Salomón ö̧jo̧mȩttö̧ tö'ipächinö ji̧na̧'a̧, ja̧u̧  Jeroboamä̧ Egiptora̧'a̧tä̧ ki̧nö̧do.

12/03.txt

@@ -0,0 +1 @@
+\v 3 Ja̧'hua̧nö̧ jo̧mȩnä̧ jahuätörömä hue'inödo ja̧'hua̧ta̧'a̧nö̧ huopö'inä huopinätö̧, ja̧'hua̧ta̧'a̧nö̧ Jeroboamrö'i̧nä̧ o'catoi'önä Israel ttö̧ja̧ huȩnȩ ucuocuärä̧'i̧jä̧tö̧'i̧nä̧ ichinätö̧do Roboamrö pä'inätö̧: \v 4 Ucu cuä'omä ä̧mä̧cö̧ cä'epö huȩni̧nö̧. Jitämä cojeönä jȩpi̧yi̧tö̧ cuä'o ä̧mä̧cö̧nä tadita pä'ö hueina'anömäcö̧, ja̧'hua̧ta̧'a̧nö̧ ucu huecu taditäcuotöjä̧. \v 5 Roboam pä'inödo jahuätörö: "Tätucuijo huäbodäcuä mo̧ro̧ jo̧mȩnä̧, ja̧u̧nu̧ o'comenä ppa̧cuä̧chä̧tu̧cua̧ja̧ ttöcu." ja̧'hua̧nö̧ ja̧'a̧ttö̧ ttö̧ja̧mä̧ 'chi̧nä̧tö̧.

12/06.txt

@@ -0,0 +1 @@
+\v 6 Ja̧u̧ ru̧hua̧ Roboamä̧ jä'epö ä̧ju̧cui̧nö̧ jahuätö ttä̧mö̧rö̧ Salom'on ru̧hua̧ hueinö pä̧nä̧ huȩnȩ 'qui̧'ȩpä̧rö̧ ji'ähuinätö̧rö̧, ja̧u̧ jä'orö a̧dȩcua̧ ö̧ji̧nö̧ pä̧nä̧, ja̧'hua̧ta̧'a̧nö̧ ja̧u̧ päinäcu̧: ¿Tta̧'a̧nö̧ jö̧nä̧ ucuocu ro̧cuȩpa̧'a̧jä̧ttö̧ ttö̧ja̧rö̧ chädäta pä'ömä? \v 7 Jahuatö ucuocu pättinäcu̧: "A̧'a̧ ucu jahuätö ttumöhuä̧ya̧ cuttömä jitä jahuätörö, ja̧'hua̧ta̧'a̧nö̧ adihuä cui̧huȩnȩnä̧ ädätö cucuocuttömä  jahuätömä 'cuäopönä cumöhuäyotö ttäcuotö."

12/08.txt

@@ -0,0 +1 @@
+\v 8 Ja̧'hua̧nö̧ ja̧'a̧nä̧ Roboamä jerupätö a̧'cua̧rö̧nä̧ jȩpi̧nödo jahuätö buecuächätö huȩnȩ 'qui'epö ro̧'ȩpö̧ jittähuinömä ja̧'hua̧ta̧'a̧nö̧ jȩö̧mä̧ möäyotörötä jä'epö ä̧ju̧cui̧nö̧do chutä uhuäpächinö pä̧nä̧ pöttächinätö̧rö̧ ja̧u̧cu̧tä̧ ja̧u̧nu̧ pä̧nä̧ ä'ca jo̧mȩ ka̧cui̧nä̧tö̧. \v 9 Ja̧u̧ päinä̧u̧: ¿Däje huȩnȩ cuiyätucua'attö̧ ucutumä ttö̧ja̧rö̧ chädäta pä'ö cucuocuätucu  ja̧'hua̧ta̧'a̧nö̧ pä'inö: cojeönä jȩ'cuä̧cua̧jä̧ cuä'o ujuturu a̧mä̧cö̧nä̧ hueinömä?

12/10.txt

@@ -0,0 +1 @@
+\v 10 Muäyotö ja̧u̧cu̧ huo̧jui̧'i̧nä̧tö̧mä̧ ucuocuinä̧tö̧ Roboamrö̧, pä'inä̧tö̧: "Pa̧'a̧nö̧ ucuocuijo pitö ttö̧ja̧rö̧ ucuru pä'äjätörömä ucu cuä'o Salomón amäcönä jeinö ji̧nö̧mä̧ , ja̧'hua̧nö̧ ja̧'a̧nä̧ ucumä huecua'anö ja̧'a̧ cojeönätä̧. \v 11 Ja̧'hua̧nö̧ ja̧'a̧nä̧ ttö chä'o amäcö̧nä̧ jȩi̧nö̧mä̧, ttömä yabo rö̧ä̧chi̧'ö̧nä̧ jȩchä̧cua̧sä̧. Ttö chä'o ro̧'ȩpi̧nö̧ cuä'ö ja̧'hua̧nö̧ ji̧na̧'a̧nä̧ ttömä ro̧dȩpä̧cua̧sä̧ i̧di̧yu̧tu̧nä̧.

12/12.txt

@@ -0,0 +1 @@
+\v 12 Jeroboam'inä ja̧'hua̧ta̧'a̧nö̧ o'catoi'önä ttö̧ja̧ ichinä̧tö̧ Roboamrö̧ huäbodäcuä mo̧ro̧ o'comenä, ru̧hua̧ päinöta'anö: ppa̧cuä̧chä̧tu̧cua̧ja̧ huäbodäcuä mo̧ro̧ o'comenä ttöcu". (ttörö) \v 13 Ja̧u̧ ru̧hua̧ ädätinö 'cä̧tȩnä̧ jahuätö ttö̧ja̧rö̧ jerupätö a̧'cua̧rö̧nä̧ tä̧mö̧ ro̧ttȩpä̧ji̧. \v 14 Yabocu ucuocu 'chä̧nö̧ icuinö muäyotö jittähuinönätä̧ ä̧ju̧cu̧, pä'inö: Ttö chä'omä a̧mä̧cö̧ cä'epö huȩnö̧ hue'inö, yacutä rö̧ä̧chö̧nä̧ jȩchä̧cua̧sä̧ ja̧u̧ ji̧nö̧ juäimä. Ttö chä'o ro̧'ȩpi̧nö̧ isappänä cuä'ö ttömä ro̧dȩpä̧cua̧sä̧ i̧di̧yu̧tu̧nä̧."

12/15.txt

@@ -0,0 +1 @@
+\v 15 Ru̧hua̧mä̧ ä̧ju̧cuo̧cö̧ pinö ttö̧ja̧ ttucuocua'a, täcö ja̧'hua̧nö̧ yoyonö 'chä̧nö̧ rä̧nö̧ 'cuäopa pä'ö päi'ina'ato tu̧ru̧hua̧rö̧, isopäi'önä jä̧cuȩ i̧huȩnȩ päinö ji̧nö̧. Diosmä Ahianä ucuocuinö, Silonita ttö̧ja̧sa̧ Jeroboamrö Nabat i̧tti̧rö̧.

12/16.txt

@@ -0,0 +1 @@
+\v 16 Ji̧yȩnö̧mä̧ o'catoi'önä Israel ttö̧ja̧ topinätö̧do ru̧hua̧ ä̧ju̧cuo̧ca̧'a̧ jahuätörö, ttö̧ja̧mä̧ ädätö pättinäcu̧: "¿Davidnämä däje tu̧ju̧nä̧rä̧cua̧'a̧ttö̧ ujutumä? ¡Ujutu Isaí i̧tti̧nä̧mä̧ yoriso jui'ätöjä̧ ki̧'ä̧cuȩmä̧! cuojusodera̧'a̧ tätucui Israel. David jitämä ucu cuojusodetä topi, pa̧'a̧nö̧ jo̧mȩnä̧ Israel ttö̧ja̧ ttojusodera̧'a̧ ppa̧'a̧chi̧nä̧tö̧do. \v 17 Ja̧'hua̧nö̧ jo̧mȩnä̧ Israel ttö̧ja̧ Juda ötahuiyänä ka̧cuä̧tö̧mä̧, Roboamtä̧  ru̧hua̧ päi'önä ki̧nö̧ jahuätörö.

12/18.txt

@@ -0,0 +1 @@
+\v 18 Ja̧'hua̧nö̧ ja̧'a̧ ja̧u̧ ru̧hua̧ Roboam hue'inö Adoniranrö̧, a̧mä̧cönä jö̧ juäi ttadita pä'ö hueähuä ru̧hua̧ päi'önä u̧ju̧ni̧nä̧cu̧, ja̧'hua̧nö̧ ja̧'a̧nä̧ o'catoi'önä Israel ttö̧ja̧  inädönä icuäu cuä'ö tticuinäcu̧ hua'ö icuome jubö cä'ädö. \v 19 Jarodäcuähuä ttö̧ja̧ huätö Israelmä esecuocotö David minä isotucu jitä jubö päi'önä.

12/20.txt

@@ -0,0 +1 @@
+\v 20 O'catoi'önä Israel ttö̧ja̧ ä̧ju̧cui̧nä̧tö̧do Jeroboam ppa̧huä̧chä̧ji̧ huȩnȩ ä̧ju̧cui̧nä̧tö̧do, ja̧'hua̧ta̧'a̧nö̧ ca̧ca̧cuä̧jätö̧ o'cotö huopinätö̧ Israel ttö̧ja̧ ttu̧ru̧hua̧ päi'önä ku̧ni̧nä̧tö̧ ja̧u̧rö̧. Täcö ya̧tȩ'i̧nä̧ toina'ado David ahuaruhuä o'cotö huetta'anä ttö̧ja̧ pä'ömä, jahuätucumö Juda ahuaruhuätä ji̧na̧'a̧ jahuätucu esecuinä̧tö̧mä̧.

12/21.txt

@@ -0,0 +1 @@
+\v 21 Ji̧yȩnö̧ pä̧nä̧ Roboam Jerusalénra̧'a̧ i̧rȩbȩhui̧nö̧mä̧, ja̧u̧ ä̧tȩpi̧nö̧ o'catoi'önä Juda ahuaruhuärö ja̧'hua̧ta̧'a̧nö̧ Benjamín ahuaruhuärö'inä; juȩnȩ ka̧cui̧nä̧tö̧do ciento ochenta milnö umätö̧ curä rohuähuätömä, Israel ttö̧ja̧cu̧ tturohuähua pä'ö, Roboam uruhuo ppättöda pä'ö, Salomón i̧tti̧.

12/22.txt

@@ -0,0 +1 @@
+\v 22 Dios i̧huȩnȩ rȩbȩhui̧na̧'a̧ Semaíasrö, Diosrötä a̧'cua̧ huȩnä̧rö̧ kö̧nä̧ pä'ö: \v 23 Ucuocuinö Roboamrö̧ Salomón i̧tti̧rö̧, Juda ru̧hua̧rö̧, Juda ojusodenä ka̧cuä̧tö̧rö̧ ja̧'hua̧ta̧'a̧nö̧ Benjamínrö̧'inä korotö ttö̧ja̧ ka̧cui̧pi̧nä̧tö̧rö̧'i̧nä̧ pä'i: \v 24 Ja̧u̧ ru̧hua̧ pa̧'a̧nö̧ pä'ö: Ucumä tto'epä'chu rohuäu cu̧ji̧yä̧tö̧ cua'anö ja̧'a̧ cu̧jä̧hua̧tu̧cu̧mä̧, Israel ttö̧ja̧  ya̧cu̧nä̧ u̧mä̧tö̧ ppa̧'a̧chä̧tu̧cui̧ cuoju isodera̧'a̧tä̧, pi̧yȩ 'cuäopa pä'ö ttötä pä'ö jȩchi̧nö̧." Ja̧'hua̧nö̧ jo̧mȩnä̧ jahuätömä ä̧ju̧cui̧nä̧tö̧ ttu̧ru̧hua̧ ttö̧ä̧nä̧hua̧ i̧huȩnȩ, kärächi'ö amöcuädö ppa̧'a̧chi̧nä̧tö̧ mä̧nä̧nä̧, ja̧'hua̧ta̧'a̧nö̧ ä̧ju̧cui̧nä̧tö̧ tu̧ru̧hua̧ tö̧ä̧nä̧hua̧ jiähuäjimä.

12/25.txt

@@ -0,0 +1 @@
+\v 25 Ja̧'hua̧nö̧ jo̧mȩnä̧ Jeroboam ädätinö: Siquen ötahuiyämä ki̧na̧'a̧, Efrain i̧rȩjä̧nä̧ mö̧ä̧'quiyu jä̧jä̧nä̧, ja̧'hua̧ta̧'a̧nö̧ juȩnȩtä̧ ki̧nö̧. Juorö rä'opö aditinö Penuelnä. \v 26 Jeroboam amöcuädinö amiso'quittö jitämä pä'äjita'anö pa̧huä̧chä̧cua̧'a̧ David ojusodera̧'a̧tä̧. \v 27 A̧'a̧ pitö ttö̧ja̧ ttö̧ä̧nä̧hua̧rö̧ ku icu Dios ö̧jodettö Jerusalénttö̧ jȩtto̧mȩnä̧ ja̧'hua̧nö̧ jo̧mȩnä̧mä̧ pitö ttö̧ja̧mä̧ ttami iso'quinä amöcuädö pättä'chäcuotö pä'äjita'anö Roboamrö̧ Juda ru̧hua̧rö̧. Jahuätö cuä'ö tti̧cuä̧cua̧sä̧ ja̧u̧nu̧ o'comenä ppa̧ttä̧chä̧cuo̧tö̧ Roboamrö̧ Juda ru̧hua̧rö̧tä̧.

12/28.txt

@@ -0,0 +1 @@
+\v 28 A̧'a̧ Jeroboam usinö aditö räepa pä'ö tätähuä'ca ta̧ju̧ pä̧cä̧yu̧ ppo̧'ä̧tö̧ tta̧'cua̧juä̧ orottö; ja̧u̧ pä'inö ttö̧ja̧rö̧: "Isopäi'önä otoa ja̧'a̧ ucuturumä Jerusalénra̧'a̧ cuichätucua pä'ö. Topätucui pitö ja̧'a̧ cu̧ä̧nä̧huo̧tö̧mä̧ Israel, ucuturu rä'epö icuinä̧tö̧mä̧ Egipto rȩjȩttö̧. \v 29 Ja̧u̧mä̧ ya̧tȩrö̧ hue'ö ku̧ni̧nö̧ Betelnä'inä, ka̧ra̧rö̧mä̧ hue'ö ku̧ni̧nö̧ Dan-nä'inä. \v 30 A̧'a̧ pa̧'a̧nö̧ jȩä̧ji̧mä̧ surojutä jȩpi̧nö̧do hua'aretä. Ttö̧ja̧mä̧ ka̧ra̧'a̧cu̧ pö̧nä̧ pperecuächinätö̧do, o'catoi'önä 'chi̧nä̧tö̧do juä̧mä̧nä̧ Dan jubö.

12/31.txt

@@ -0,0 +1 @@
+\v 31 Ja̧'hua̧ta̧'a̧nö̧ aditinödo odehuiyä'inä mu̧ä̧'quiyu ju'tä Levi ahuaruhuä pocotö ji̧na̧'a̧ Dios i̧huȩnȩ adicuä ttö̧ja̧mä̧. \v 32 Ja̧'hua̧nö̧ jo̧mȩnä̧ Jeroboam huo̧juȩti̧nö̧do koromö ttu̧mö̧ttö̧ huämetucuä kä̧hua̧tö̧ jo̧mȩnä̧, Judattö pä'cäri jȩpö̧ jȩtti̧nö̧'a̧nö̧ jȩpi̧nö̧ ucuotö  jȩtti̧nö̧'a̧nö̧; ku icu iyähuä iyinö tätu ku̧nähuä'ca huä̧mȩ huȩnö̧. Ja̧'hua̧nö̧tä̧ jȩpi̧nö̧do Betelttö'inä ku icuinö pä̧cä̧yu̧ aditinä̧u̧rö̧. Betelnä hue'ö ku̧ni̧nö̧ sacerdoterö mö̧ä̧'ca ju'tä aditino̧mȩ.

12/33.txt

@@ -0,0 +1 @@
+\v 33 Betelttö jȩi̧nö̧'a̧nö̧tä̧ ku icu iyähuä huä̧mȩ huȩnö̧ chutä jȩä̧cuȩ mo̧ro̧ pätetö ku̧ni̧nö̧ kä̧hua̧tö̧mä̧ 15 mo̧ro̧ pätecuächomenä ja̧u̧ kä̧hua̧nä̧ ji̧na̧'a̧ amiso'quittö suronä amöcuädinö pä̧nä̧; pä'cäri jȩpi̧nö̧ Israel i̧tti̧mö̧cu̧ ku icu iyähuome 'cha'achinö Incienso ujuhua pä'ö.

12/title.txt

@@ -0,0 +1 @@
+Capítulo 12

13/01.txt

@@ -0,0 +1 @@
+\c 13 \v 1 Ya̧tȩ ubo Dios u̧mö̧huä̧ya̧ u̧ru̧hua̧ i̧huȩnȩ päö'anö 'chä̧hui̧'i̧nö̧ Judattömä Bet-el jubö, ja̧'hua̧nö̧ ja̧'a̧ Jeroboammä ku icu iyähuome ki̧nö̧ a̧mȩu̧ juäi ku icu iya pä'ö. \v 2 Ja̧u̧mä̧ u̧ru̧hua̧ i̧huȩnȩ päö'anö ku icu iyähuomemä to'ija̧'a̧cu̧ ucuocu pä'inö:  ku icu iyähuome,  ku icu iyähuome jö̧nä̧ pa̧'a̧nö̧ pä'äji chu̧ru̧hua̧mä̧ David minä ahuaruhuättö ya̧tȩ ji̧'qui̧cha̧hua̧ u̧huä̧pä̧chä̧cua̧ Ja̧u̧mä̧ Josía pä'ö o̧ttä̧cua̧. ja̧u̧tä̧ jä̧cua̧'a̧ usurä ȩmä̧huä̧cua̧mä̧ sacerdotes huotö ju'toju jo̧mȩttö̧ ucurumä a̧mȩu̧ juäi ku icu ttiyö'anö jö̧nä̧ i̧yä̧cua̧mä̧ ja̧'hua̧nö̧'i̧nä̧ ja̧'a̧nä̧ ucurumä ttö̧ja̧ ttihue'quiyutä jä̧cua̧'a̧ ku icu ttiyäcua'amä̧. \v 3 Ja̧u̧nu̧tä̧ mo̧ro̧ Dios u̧mö̧huä̧ya̧mä̧ ji̧yȩtȩ i̧jȩcuä̧ iyö pä'inö: Pi̧yȩ ja̧'a̧ i̧jȩcuä̧ chu̧ru̧hua̧ ucuocuäjimä; pi'ca ku icu iyähuä'camä toe'ächäcuä'ca, ja̧'hua̧nö̧ jö̧ta̧'a̧nö̧tä̧ ä̧ya̧ri̧sa pi'ca jö'tä huȩju̧mä̧ isoyatä pä'i'ö toe'ächäcua.

13/04.txt

@@ -0,0 +1 @@
+\v 4 Ji̧yȩnö̧ pä̧nä̧ ru̧hua̧ Jeroboamä ä̧ju̧cui̧nö̧ Dios umöhuä̧ya̧ to'ija̧'a̧cu̧ ucuocua'a Bet-elnä kä'camä toe'äcuä'ca pä'ö. Ja̧'hua̧nä̧ ja̧'a̧ ru̧hua̧mä̧ u̧mö̧ cä'epö ku icu iyähuä'cattömä pä'inö: "Dios umöhuä̧ya̧rö̧mä̧ 'chu'ädätucui" jö̧nä̧, ja̧'hua̧nö̧ ja̧'a̧ to'ija̧'a̧cu̧ pä'ö kä̧nö̧ u̧mö̧ cäepäjä̧mu̧mö̧ joi'inäcu̧ yorisotä ya̧huo̧pö̧ juiyönätä̧ päi'önä. \v 5 Ja̧'hua̧nö̧ ja̧'a̧ ku icu iyähuä'ca ppo̧u̧cu̧tä̧ päi'önä dirächipinä'ca, ja̧'hua̧nö̧ jö̧ta'anö ä̧ya̧ri̧sa'inä juä'canä huäsamä isoyatä jö̧nä̧ päi'ina'a. Dios umöhuä̧ya̧ u̧ru̧hua̧ hueäji huȩnȩ jiähuäjimä isopäi'önätä̧ 'cuäopina'a.