adipatealberto_pid_obs_text_obs/48/06.txt

Recuó a̧ȩ́ jo̧mȩnä̧, sacerdotetü̧mä̧ sacrificio iyinä̧tü̧ Diosrü. Pa̧á̧nü̧ jȩtto̧mȩnä̧ ttü̧ja̧rü̧ i̧jȩpi̧nä̧tü̧ surojü jȩttä̧i̧jü̧mä̧, Diosttümä ro̧ȩcuä̧tä̧ micuäwächü päü. Ja̧wa̧nü̧ ja̧á̧nä̧ pi̧yȩ sacrificiomä ttüja̧ surojünä jȩttä̧i̧jü̧mä̧ jȩpü̧ icuocu ji̧nü̧. Jesús ja̧á̧ jinäiso Sacerdotemä. Korotü sacerdote jȩtto̧cu̧ ji̧nü̧ jȩpi̧nü̧mä̧. Jesúsmä a̧'cua̧rü̧ iyäwinü pi̧yȩ sacrificio ji̧yȩtȩtä̧ ji̧na̧á̧ o'catoiünä surojünä jȩttä̧i̧jü̧ jȩpü̧ icuinünä. Dios ro̧ȩpa̧ru̧ päü iyäwinü o'catoiünä surojünä jȩtä̧i̧jü̧ micuäwächünä. Pa̧á̧nü̧ jȩi̧no̧mȩnä̧, Jesús ji̧na̧á̧ jinäiso Sacerdotemä.