adipatealberto_pid_obs_text_obs/42/06.txt

U̧wo̧juȩtä̧i̧jä̧u̧mä̧ pi̧yȩ 'cuäopäji wȩnȩ ttucuocuaánä, Jesúsmä doächiü ttü̧'cä̧tȩnä̧ kä̧mä̧dü̧, päinü: "¡Eseäcuäwätucui!" U̧wo̧juȩta̧u̧mä̧ isofa ttü̧ja̧sa̧cu̧ päü amucuädinä̧tü̧, ja̧wa̧nü̧ ja̧á̧nä̧ Jesús päinä̧u̧: "¿Tta̧á̧nü̧ päü yecuätucuaáttü̧? ¿Cuesetätucu juiyünä wotüjä̧ ttürümä? Topätucuittü chu̧mü̧pi̧yä̧í̧nä̧, chu̧jä̧pi̧yä̧í̧nä̧. Isofa wotumä ttidepä juiätü ttü jü̧a̧nü̧mä̧". Isofa ttü̧ja̧sa̧mä̧cu̧sä̧ päáttü, ucuá päü jäepinü. Po̧i̧sa̧ so̧ä̧wa̧ pä̧cuä̧da̧rü̧ ttiyäcümä cuinü.