adipatealberto_pid_obs_text_obs/45/07.txt

Ya̧tȩ Jesúsrü esetäijü Felipe päü micuinu. Ja̧ü̧mä̧ Jerusalénttümä̧ i̧wi̧nü̧, korotü Jesúsrü esetäijätü tti̧wä̧ji̧ ta̧á̧nü. Ja̧ü̧mä̧ Samaria rȩjȩra̧á̧ i̧wi̧nü̧, ju̧ȩnȩ ttü̧ja̧rü̧mä̧ Jesús ütü'cü jiäwinü. Ttü̧ja̧ recuätü esetinä̧tü̧, juätümä surojüttü ki̧í̧pi̧nä̧tü̧. Yaüte mo̧ro̧, ángel Dios weäcu ichiü Feliperü päinü meje'ca mä̧nä̧ra̧á̧ i̧'cha̧ päü. Felipemä juä̧mä̧ mä̧nä̧nä̧ i̧'cho̧mȩnä̧, topinü Etiopia ru̧wa̧cu̧ aditäijürü iäre carucä caballu̧tu̧ dottäcänä fa̧ä̧cha̧á̧. Espiritu Santomä Feliperü päinü ja̧ü̧cü̧ ucuocua päü.