pid_jdg_text_reg/03/04.txt

\v 4 Pitömä juȩnȩtä̧ ka̧cui̧pi̧nä̧tö̧, TTU̧RU̧HUA̧ Dios jahuätönätä kä̧nö̧ ka̧cuä̧mö̧ to'a pä'ö, iso pä'iönä ttöcuotajá pä'ö hueähuä huȩnȩ tä̧do̧tö̧ mi̧nä̧rö̧ chutä Moisenä kä̧nö̧ hueinö ji̧nö̧. \v 5 Ja̧'hua̧nö̧ ja̧'a̧ttö̧ Israel ttö̧ja̧mä̧ Cananeoscu'inä, Hititascu'inä, Ferezeoscu'inä, Heveoscu'inä ja̧hua̧ta̧'a̧nö̧ Jebuseoscu'inä ttö̧'cä̧tȩnä̧ ka̧cui̧nä̧tö̧. \v 6 Jitö tti̧ti̧mö̧ nä̧tö̧rö̧mä̧, Israel ttö̧ja̧mä̧ tti̧rȩcua̧mö̧ päi'önä ȩmi̧nä̧tö̧, ja̧'hua̧ta̧'a̧nö̧ tti̧tti̧mö̧ nä̧tö̧rö̧mä̧ jitö tti̧tti̧mö̧ u̧mä̧tö̧rö̧ tti̧rȩcua̧mö̧ päi'önä iyinätö̧, ja̧hua̧nö̧ jȩpö̧ jahuätömä yapare ttö̧ä̧nä̧hua̧tö̧rö̧ ucuo te'äu jȩpi̧nä̧tö̧.