pid_2sa_text_reg/07/27.txt

\v 27 Isopäi'önä̧ ucumä̧, su̧ro̧da̧u̧'i̧nä̧ ttu̧ru̧hua̧jä̧, Israel ttö̧ja̧'i̧nä̧ ttu̧ru̧hua̧ Diosjä̧, i̧jȩpä̧ji̧jä̧ cu̧mö̧huäyotö cu̧mö̧huä̧ya̧rö̧ ucutä ja̧'a̧ ja̧u̧rö̧ isode aditö cuiyä̧cua̧mä̧. Pi̧yȩ ja̧'a̧ ucuruttö ucu cu̧mö̧huä̧ya̧ cha'attö̧, ucuru jä'epäjisä yedoca'a ucuocu ucuru. \v 28 Jitämä tu̧ru̧hua̧ Dios. Isopäi'önä Diosjä̧, ja̧'hua̧ta̧'a̧nö̧ cui̧huȩnȩmä̧ isopäi'önä̧tä̧ ja̧'a̧, ucumä̧ adihuä huȩnȩ iyäjijä̧ cu̧mö̧huä̧ya̧rö̧. \v 29 Ja̧'hua̧nö̧ ja̧'a̧ttö̧ jitämä esehuächi'ö adiunä ja̧ pä'ö ucu cu̧mö̧huä̧ya̧ ojusode, ja̧'hua̧ta̧'a̧nö̧ yabocutä 'cuäopönä̧ ö̧jä̧cua̧'a̧ttö̧ ucu cuä'ca jo̧mȩ. Isopäi'önä̧ ucumä̧ tu̧ru̧hua̧ Dios pä'äjijä̧ pi̧yȩ jähuä, ja̧'hua̧ta̧'a̧nö̧ ucu päcuome adiu ja̧ pä'ö cu̧mö̧huä̧ya̧ ojusode adiu ja̧ pä'ö 'cuäopönä̧.