Fri Jul 08 2022 14:45:06 GMT-0300 (Horário Padrão de Brasília)

01/01.txt

@@ -0,0 +1 @@
+\c 1 \v 1 Hevelasiõ dji Jezi Khi, ki Bõdje bai pu Li pu mõthe pu so siavito-iela sa ki pa ke tade pu fet. Jezi voie un zãj pu , palakos dji li, so siavito Jã save djisa bagaj-iela. \v 2 Jã hakõte tut sa ki li ue, i esi fika sa ki li hakõte a hespek dji mësaj i dji lavehite ki Jezi mõthe. \v 3 Bië kõtã mun ki li sa liv-la, i bië kõtã sa mun-iela ki ka kute pahol dji sa mësaj-la i ki ka obei sa ki ekhi lãdã sa liv-la! Pase ki tã-la phox ki tut sa bagaj-iela ke fet.

01/04.txt

@@ -0,0 +1,2 @@
+\v 4 Mo, Jã, ekhi pu set legliz-iela ki laba la Ásia.
+*Graça i thãkilite pu zot ki vinï dji Bõdje, ki a sa , ki a te sa, i ki ke vinï, dji set lesphui-iela ki laba djivã dji so obiho \v 5 i dji Jezi Khi, tëmuë ki fiam la! Li sa phõmië Pitxit, ki leve dji lamo i ki ka kumãde vue-iela dji tã-la ãtxe. Li kõtã no, i pu so lamo lãdã lakhue li delivue no dji no pexe-iela, \v 6 i Li fe dji no vue i sasedotxi  ãfë dji no siavi so Bõdje i Papa. Pu Jezi Khi ke bai *Glória i povua pu lavi ëtehnel! *Amém!

01/07.txt

@@ -0,0 +1 @@
+\v 7 Zot gade! Li ke vinï sãble nuaj-iela! tut mun ke ue'l, juk mem sa mun-iela ki jãbe'l ke lãs-la. Tut pov-iela dji tã-la ke khie palakos dji Li. Ui .Amém! \v 8 Sëie Bõdje dji: mo sa phõmië i diãië ki a sa, ki a te sa i ki ke vinï, ki gãië ghã povua.

01/09.txt

@@ -0,0 +1,2 @@
+\v 9 Mo sa Jã, zot fue i kõpãië lãdã sufãs i lãdã lasosiete i pasiãs ãsam ke Jezi. Mo te la zile dji Patmos, pu kote ie te pote mo pase mo te ka ãnüsie mësaj dji Bõdje i lavehite ki Jezi mõthe. \v 10 Lãdã ju dji Sëie, Lesphui dji Bõdje  dominë mo i mo tãde deie dji mo un vue fo sãble un thë dji thõbet , \v 11 ki te ka dji pu mo:
+_ ekhi lãdã un liv sa ki u ke ue i voie sa liv-la pu leglis-iela ki lãdã sa set pei-iela: Éfeso, Esmirna, Pérgamo, Tiatira, Sardes, Filadélfia i Laodiceia.

01/12.txt

@@ -0,0 +1,2 @@
+\v 12 12 Mo vihe pu mo gade akimun ki te ka kose ke mo, i mo ue set *gho lalãp (candelabros) dji lo.
+\v 13 13 Lãdã lamitã dji ie te laba un bagaj te sãble un mun, te lãdã un lëj ki te ka hive juk la so pie-iela i ke un sëtxie dji lo ka kõhõnë so pothin.

01/14.txt

@@ -0,0 +1,3 @@
+14 So xive-iela te blã kumã plim mutõ(lã) i kumã nej, i so uei-iela te ka klehe kumã djife. 
+15 So pie-iela te ka klehe kumã  (bronze) ki pase lãdã ghã djife i aphue ie poli'l, so vue te sãble thë dji un ghã so. 
+16 Lãdã so lãmë adhet li te ka txëbe set zetuel, i dji so bux te ka sotxi un espad ki bië fite dji dê bo-iela. So vijaz te ka klehe kumã solei dji midji

01/17.txt

@@ -0,0 +1,2 @@
+17 Kã mo ue'l, mo tõbe obo so pie-iela, kumã un mun muhi. Më aphue li poze so lãmë adhet lasu mo li dji: - Pa hete pe. Mo sa phõmië i diãië.
+18 Mo sa ki ka viv-la. Mo te muhi, më ato mo vivã pu ëtehnite. Mo gãië povua lasu lamo-la i lasu *tã dji mun muhi-iela.

01/19.txt

@@ -0,0 +1,2 @@
+19 Pu sa ekhi sa bagaj-iela ki u ke ue, sa ki ke fet ato kumã sa ki ke fet aphue-iela. 
+20 Signifikasiõ dji sa seghe dji set zetuel-iela ki u ue la mo lãmë adhet i dji set gho lalãp(candelabros) dji lo a sa: set zetuel-iela a zãj-iela  dji set leglis-iela, i set gho lalãp(candelabros)-iela a set legliz-iela.

01/title.txt

@@ -0,0 +1 @@
+Xapi 1

02/01.txt

@@ -0,0 +1,3 @@
+1 Pu zãj dji legliz dji Éfeso ekhi kõsa : 
+" Sa a mësaj djisa ki ka txëbe set zetuel-iela lãdã so lãmë adhet i ki ka maxe lamitã dji set *gho lalãp-iela  (candelabros) dji lo.
+2 Mo save akisa zot te fe. Mo save ki zot thavai boku i zot sipote sufãs ke pasiãs. Mo save ki zot pa te puve sipote mun ki mixã-iela i mo save ki zot mete lãdã laphuev sa mun ki ka dji ki ie sa *apóstolo, më ie pa sa , i kõsa zot dekhuvui ki ie sa met mãto.

02/03.txt

@@ -0,0 +1,3 @@
+3 Zot sipote sufãs-la ke pasiãs i zot sufui palakos dji mo, sã hete this.
+4 Më mo gãië un bagaj kõt zot: a ki ato zot pa kõtã mo kumã zot te kõtã mo ãvã. 
+5 Xõje dji kote zot tõbe! Hepãtxi dji zot pexe-iela i fe sa ki zot te ka fe ãvã. Si zot pa hepãtxi, mo ke vinï i mo ke tihe zot  gho lalãp(candelabro)  dji so plas si zot pa hepãtxi.

02/06.txt

@@ -0,0 +1,3 @@
+6 Më zot gãië sa: Zot  hai sa thavai ki nicolaita-iela ka fe, kumã mo osi hai.
+7 "Më si zot gãië zohe pu kute, ëbe kute sa ki Lesphui dji Bõdje ka dji pu legliz-iela.
+"Sa ki hesi sipote tut sa mo bai li dhue dji mãje dji fui dji pie-bua dji lavi-la, ki ka puse lamitã dji pahadji dji Bõdje.

02/08.txt

@@ -0,0 +1,3 @@
+8 Pu zãj dji legliz dji Esmirna ekhi kõsa: 
+"Sa a mësaj djisa ki a phõmië i diãië, ki muhi i hutonë viv.
+9 Mo save ki zot ka sufui. Mo save ki zot pov, më,  vuemã zot hix. Mo save kumã sa mun ki ka dji ki ie sa judeu, më ie pa sa, ie ka kose mal dji zot. Ie sa  patxizã dji Djab-la.

02/10.txt

@@ -0,0 +1,3 @@
+10 Zot pa hete pe dji sa ki zot gãië pu sufui. Kute! Djiab-la ke jite un dê dji zot lãdã phuiziõ pu tãte  zot; i zot ke sufui dehãtxi djis ju. Hete fiam, mem zot gãië dji muhi; i, kumã hekõpãs mo ke bai kuhun dji lavi-la. 
+11" Pu sa, si zot gãië zohe pu kute, ëbe kute sa ki Lesphui dji Bõdje ka dji pu legliz-iela.  
+" Sa ki hesi sipote tut sa pa ke sufui pinitãs dji dezem lamo-la".

02/12.txt

@@ -0,0 +1,3 @@
+12 Pu zãj dji leglis dji Pergamo ekhi kõsa: 
+" Sa a mësaj djisa ki gãië espad fite dji de (2) bo-iela. 
+13 Mo save ki zot ka hete laba kote fika obiho dji Satã-la. Zot fiam i zot pa ãbãdonë espua ki zot gãië lasu mo, juk mem kã Antipas, mo tëmuë ki fiam, ie txue laba la Pergamo, kote Djab ka hete.

02/14.txt

@@ -0,0 +1,2 @@
+14 Më mo gãië un kek bagaj kõt zot: gãië ãt zot un de ki ka suiv ximë dji Balaão, ki mõthe pu Balaque kumã pu  fe pu pov dji Ishael fe pexe, li dji ki mun dji Ishael te djivet mãje, mãje ki ofui pu bõdje-iela i phatxike bagaj seksual.
+15 Kõsa osi gãië ãt zot un dê ki ka suiv ximë dji nicolaita-iela.

02/16.txt

@@ -0,0 +1,3 @@
+16 Zot hepãtxi! si nõ, mo ke vinï vit juk laba i, ke espad ki ka sotxi dji mo bux, mo ke bataie kõt sa mun-iela.
+17 Pu sa, si zot gãië zohe pu kute, ëbe kute sa ki Lesphui dji Bõdje ka dji pu legliz-iela.
+"Sa ki hesi sipote tut sa mo ke bai dji  *mãje dji lahosiel(maná) ki sehe. I pu  xakë un dji ie mo ke bai un hox blã, i lãdã hox un nov nõ ki ekhi ki pies mun pa save, selmã sa ki ka husuvel-la."

02/18.txt

@@ -0,0 +1,3 @@
+18 Pu zãj dji legliz dji Tiatira ekhi kõsa: 
+"Sa a mësaj dji Pitxit dji Bõdje, ki gãië uei ki ka klehe kumã djife i pie ki ka klehe kumã (bronze) ki poli. 
+19 Mo save akisa zot ka fe. Mo save ki zot gãië kõtãtmã, i zot fiam, zot ka thavai i zot ka sipote sufãs-la ke pasiãs. Mo save ki zot ka fe plis ato dji ki ãvã.

02/20.txt

@@ -0,0 +1,2 @@
+20 Më mo gãië kõt zot un bagaj: a ki zot sipote Jezabel, sa fam ki ka dji ki li sa *Phofeta. Li ka pote mo siavito-iela pu mal ximë, li ka mõthe ie phatxike bagaj seksual i mãje, mãje ke ie ka ofui pu bõdje-iela.
+21 Mo bai tã pu li  lese so  pexe-iela, më li pa le lese so pexe-iela.

02/22.txt

@@ -0,0 +1,2 @@
+22 Pu sa, mo ke jite'l lãdã un bukã, kote li i sa ki ke li   ka phatxike bagaj seksual ie ke sufui ghã sufãs, si ie pa hepãtxi dji  ie thavai-iela.
+23 Mo ke txue sa mun-iela ki ka suiv li, i ëbe tut leglis-iela ke save ki mo sa, sa ki konet majinasiõ i volõte dji tut. Mo ke peie xak un dji zot sosulã thavai ki zot fe.

02/24.txt

@@ -0,0 +1,2 @@
+24 Më laba la Tiatira lahextã dji zot pa suiv sa mal ximë-la. Zot pa ãphan sa ki un de ka aple dji 'seghe-iela ki pi ofõ dji Djab-la '. Mo ka afihmë mo pa ke mete xaj lasu zot. 
+25 Më, juk kã mo ke vinï,  sehe bië sa ki zot gãië.

02/26.txt

@@ -0,0 +1,4 @@
+26 Sa ki hesi sipote tut sa i kõtxinë fe juk lãdã finisiõ mo volõte mo ke bai mem otohite ki mo husuve dji mo Papa: otohite lasu nasiõ-iela 
+27 pu kumãde ie ke un batõ dji fe i li ke kase ie kumã un pot dji labu. 
+28 Mo ke bai pu ie zetuel dji bõmãtë.
+29 Pu sa, si zot gãië zohe pu kute, ëbe kute sa ki Lesphui dji Bõdje ka dji pu legliz-iela

02/title.txt

@@ -0,0 +1 @@
+Xapi 2

03/01.txt

@@ -0,0 +1,3 @@
+\v 1 \v 2 1 Pu zãj dji legliz dji Sardes ekhi kõsa: 
+"Sa a mësaj djisa ki gãië set Lesphui-iela dji Bõdje i set zetuel-iela. Mo save akisa zot ka fe. Zot ka dji ki zot vivã, më, vuemã zot muhi. 
+2 Leve i bai fos pu sa ki zot gãië tuju ki vivã,  ãvã muhi kõpletmã;  pase mo save ki sa ki zot te fe pa te ãko susolã ke sa ki mo Bõdje ka dumãde.

03/03.txt

@@ -0,0 +1,2 @@
+3 Pu sa, xõje dji ki zot ãphan i tãde. Zot obei i hepãtxi. Si zot pa leve mo ke atake zot sã zot piasuve, kumã un vole, i zot pa ke hete save dji le ki mo ke vinï. 
+4 Më un de dji zot dji Sardes te kõsiavi zot lëj-iela phop. Zot ke maxe ke mo lãdã lëj blã, pase zot mehite i zot jis.

03/05.txt

@@ -0,0 +1,2 @@
+5 Sa ki hesi sipote tut sa, ke ize lëj blã, i mo pa ke tihe nõ dji sa mun-iela dji Liv dji Lavi-la. Mo ke deklahe la phuezãs dji mo Papa i dji so zãj-iela ki sa mun-iela a mo pa.
+6 " Pu sa, si zot gãië zohe pu kute, ëbe kute sa ki Lesphui dji Bõdje ka dji pu legliz-iela.

03/07.txt

@@ -0,0 +1,3 @@
+\v 7 \v 8 7 Pu zãj dji legliz dji Filadélfia ekhi kõsa: 
+"Sa a mësaj djisa ki a Së i Lavehite. Li gãië lakle ki a te dji vue Davi; sa ki Li ka luvui pies mun pa ka fõmë, i sa ki li ka fõmë pies mun pa ka luvui.
+8 Mo save akisa zot ka fe. Mo save ki zot pa gãië boku fos , mem kõsa zot obei mo pahol i zot hete fiam. Mo luvui djivã zot un lapot ki pies mun pa puve fõmë.

03/09.txt

@@ -0,0 +1,3 @@
+9 Zot kute! Ëkãt sa mun-iela ki a dji Djab-la, sa met mãto-iela ki ka afihmë ki ie sa judeu, më ie pa sa, mo ke fe ki ie vinï i tõbe dji junü djivã zot. I ie tut ke save ki mo kõtã zot.
+10 Zot obei mo zod pu sipote sufãs-la ke pasiãs, i  pu sa mo ke delivue zot lãdã ju dji aflisiõ ki ke vinï lasu tã-la ãtxe pu mete lãdã laphuev pov-iela dji Late-la. 
+11 Mo pa ke tade. Sehe sa ki u gãië, pu pies mun pa volo u kuhun.

03/12.txt

@@ -0,0 +1,2 @@
+12 Mun ki hesi sipote tut sa, mo ke fe li *plis ïpohtã (coluna) lãdã Kaz dji mo Bõdje, i sa mun-la pa jãmë ke sotxi dji laba. I lasu'l mo ke ekhi nõ dji mo Bõdje i nõ dji pei dji mo Bõdje, nov Jehuzalem, ki ke vinï dji siel-la, i dji mo Bõdje. I osi mo ke ekhi lasu'l mo nov nõ. 
+13 "Pu sa, si zot gãië zohe pu kute, ëbe kute sa ki Lesphui dji Bõdje ka dji pu legliz-iela".

03/14.txt

@@ -0,0 +1,4 @@
+14 Pu zãj dji legliz dji Laodiceia ekhi kõsa:
+"Sa a mësaj dji *Amém, dji tëmuë ki fiam i lavehite, djisa ki palakos dji mun Bõdje fe tut bagaj-iela .
+15 Mo save akisa zot te fe. Mo save ki zot pa fue në xo. kumã mo te le ki zot te fue o xo.
+16 Më, pukisa zot sãble un djilo ki txed pa fue në xo, mo ke vomï zot dji mo bux.

03/17.txt

@@ -0,0 +1,3 @@
+17 Zot ka dji: No hix, no bië dji lavi i no gãië tut sa ki no buëzë. Më zot pa save ki zot maleve, pa gãië kõtãtmã, zot pov, sã lëj i pa ka ue.
+18 Pu sa , mo ka kõseie ki zot axte dji mo lo *fin(puro) pu ki zot hete, vuemã, hix.
+I axte lëj blã pu so ize i khuvui zot hõte. Axte osi hemed pu zot uei-iela pu zot puve ue.

03/19.txt

@@ -0,0 +1,2 @@
+19 Mo ka babie i bai pinitãs pu tut sa ki mo kõtã-iela.
+20 Zot kute! Mo obo lapot i mo ka bat. Si un kek mun tãde mo vue i luvui lapot-la, mo ke ãthe lãdã so kaz, mo ke mãje ke li i li ke mo.

03/21.txt

@@ -0,0 +1,2 @@
+21 Sa ki hesi sipote tut sa mo ke bai dhue dji asi obo mo obiho, kõsa kumã mo hesi sipote i ato mo asi obo obiho dji mo Papa.
+22 "Pu sa, si zot gãië zohe pu kute, ëbe kute sa ki Lesphui dji Bõdje ka dji pu legliz-iela.

03/title.txt

@@ -0,0 +1 @@
+Xapi 3

04/01.txt

@@ -0,0 +1,4 @@
+1 Aphue djisa mo te gãië uot viziõ i mo ue un lapot luvui lahosiel. I vue-la ki te sãble thë dji un *suflet (trombeta) i ki ãvã te deha pale ke mo li dji: 
+_ Mõte esi, i mo ke mõthe pu u sa ki buëzë fet aphue djisa.
+2 Lãdã mem lokasiõ Lesphui dji Bõdje ãthe lasu mo. I laba lahosiel te gãië un obiho ke un mun asi lasu'l.
+3 So vijaz te ka klehe kumã ka klehe hox-iela dji *jaspe i sárdio, i ka kõhõnë obiho-la un lakãsiel ki te ka klehe kumã un *esmeralda

04/04.txt

@@ -0,0 +1,2 @@
+4 I obo obiho-la te gãië uot vët kat obiho ki te asi lasu ie vët kat ãsië, lãdã hob blã i ke kuhun dji lo lasu ie tet-iela.
+5 Dji obiho-la te ka sotxi zekle, thë i lohaj. Djivã dji li te gãië set *lime (tocha)  te ka limë. ki a set lesphui-iela dji Bõdje.

04/06.txt

@@ -0,0 +1,2 @@
+6 I djivã dji obiho-la te gãië un bagaj sãble kumã un *ghã lãme dji via, kle kumã *cristal.
+Obo obiho-la, i lãdã xakë un bo dji li, te gãië kat bagaj vivã plë ke uei, djivã i deie.

04/07.txt

@@ -0,0 +1,3 @@
+7 Phõmië-la djisa bagaj vivã-iela te sãble un liõ. Desem-la te sãble un bef. Thoazem-la te gãië vijaz sãble dji un mun. I katzem-la te sãble un gho pagãnï te ka vole.
+8 Xakë un djisa kat bagaj vivã-iela te gãië sis zel, ki te plë ke uei tu le dê bo-iela. I nuit i jonë ie pa te ka hete dji xãte kõsa:
+" Së, së, së a Sëie Bõdje, ki gãië Ghã Povua, ki a te sa, ki a sa i ki ke vinï. "

04/09.txt

@@ -0,0 +1,5 @@
+9 Xak fue ki kat bagaj vivã-iela te ka xãte i bai *Glória, honra i humiasi sa ki asi lãdã obiho-la i ki ka viv pu lavi ëtehnel,  
+10 vët kat ãsië-iela te ka tõbe dji junü djivã'l i ie te ka adohe'l. Ie te ka jite ie kuhun-iela djivã obiho-la i ie te ka dji:
+11 "no Sëie i no Bõdje! 
+U jis dji husuve *glória, honra i povua, pase u fe tut bagaj-iela;  
+pu u volõte ie fet i pahet."

04/title.txt

@@ -0,0 +1 @@
+Xapi 4

05/01.txt

@@ -0,0 +1,3 @@
+1 Lãdã lãmë adhet djisa ki te asi Lãdã obiho-la mo ue un liv, ki te ekhi dji dê bo-iela i tatxe ke set *lakle (selos). 
+2 Mo ue osi un zãj ki gãië povua ki te ka dumãde bië fo :
+_ Kimun ki jis dji kase *lakle-iela (selos) i luvui liv-la?

05/03.txt

@@ -0,0 +1,4 @@
+3 Më pa te gãië pies mun, në lahosiel, në lasu late, në pahãba late-la ki te puve luvui liv-la i gade akisa ki te akhi laba.
+4 Mo te ka khie boku pase ki pa te puve thuve pies mun ki te jis dji luvui liv-la o gade akisa ki te ekhi laba.
+5 Ëbe un dji vët kat ãsië-iela dji pu mo: 
+Pa khie. Gade! Liõ dji *thib dji Judá, Hasin dji Davi, hesi sipote i gãië i li puve kase set *lakle-iela (selos) i luvui liv-la.

05/06.txt

@@ -0,0 +1,3 @@
+6 Ëbe mo ue un *Pitxit mutõ(cordeiro) djibut lamitã dji obiho-la, kõhõnë pu kat bagaj vivã-iela i pu vët kat ãsië-iela. Te ka pahet ki *Pitxit 
+mutõ-la (cordeiro)  te ofui kumã *sakhifis. Li te gãië set kon i set uei, ki a set lesphui-iela dji Bõdje ki li voie pu tã-la ãtxe.
+7 Pitxit mutõ-la (cordeiro) ale i li phã liv dji lãmë adhet dji sa ki te asi lãdã obiho-la.

05/08.txt

@@ -0,0 +1 @@
+8 Kã li fe sa, kat bagaj vivã-iela i vët kat ãsië-iela tõbe dji junü djivã dji'l. Cal un dji ie te gãië la lãmë un *harpa i un dê pot dji lo plë dji ïsãs, ki a phuie-iela dji pov dji Bõdje.

05/09.txt

@@ -0,0 +1,4 @@
+9 Ie te ka xãte sa nov xãsiõ:
+"U jis dji phã liv-la i dji kase lakle-iela  (selos).
+Pase u muhi lãdã lakhue i, palakos dji u lamo, u axte pu Bõdje mun dji tut thib-iela , lãg-iela , nasiõ-iela i has-iela.
+10 U fe dji sa mun-iela vue i sasedotxi pu siavi no  Bõdje i ie ke kumãde tã-la ãtxe. "

05/11.txt

@@ -0,0 +1,3 @@
+11 Ëbe mo gade ãko i mo tãde boku zãj, miliõ i miliõ dji ie te  obo obiho-la, i osi dji bagaj vivã-iela i dji ãsië-iela
+12 ie te ka xãte ke vue bië fo :
+"Pitxit mutõ-la (cordeiro) ki muhi jis dji husuve povua, hixez, konetmã i fos, (honra),*(gloria) i adohasiõ ".

05/13.txt

@@ -0,0 +1,3 @@
+13 Ëbe aphue mo tãde tut bagaj ki vivã ki gãië lahosiel, lasu late, pahãba late i lãdã ghã lãme, te ka xãte:
+"Pu sa ki asi lãdã obiho-la i pu *Pitxit mutõ-la  (cordeiro),pu ie  adohasiõ, (honra) i glória i povua pu lavi ëtehnel"!
+14 Kat bagaj vivã-iela te ka hepon: *Amém! " I ãsië-iela te ka tõbe ãjunü i ie te ka adohe'l.

05/title.txt

@@ -0,0 +1 @@
+Xapi 5

06/01.txt

@@ -0,0 +1,3 @@
+1 Ëbe mo ue Pitxit mutõ-la  (Cordeiro) kase phõmië dji set lakle-iela  (selos) i mo tãde un dji kat bagaj vivã-iela dji ke gho vue kumã thë dji un lohaj: 
+_ Vinï!
+2 Mo gade i mo ue un xuval blã. So xuvalie te gãië un nak i lasu so tet ie pose un kuhun dji vue. Li sotxi ka bataie i pu hesi gãië batai-iela.

06/03.txt

@@ -0,0 +1,3 @@
+3 Aphue Pitxit mutõ (cordeiro) kase dezem *lakle-la (selo). I Mo tãde dezem bagaj vivã-la dji:
+_Vinï! 
+4 Ëbe sotxi uot xuval, ki te huj. So xuvalie husuve povua dji pote ladje pu tã-la ãfë dji ki mun-iela txue un i uot. I li  husuve un gho espad.

06/05.txt

@@ -0,0 +1,5 @@
+5 Ëbe Pitxit mutõ-la(cordeiro) kase thoazem *lakle-la (selo). I mo tãde thoazem bagaj vivã-la dji:
+_Vinï!
+Mo gade i mo ue un xuval nue. So xuvalie te gãië un balãs la so lãmë. 
+6 Mo tãde sãble un vue, ki te ka vinï dji lamitã dji kat bagaj vivã-iela te ka dji:
+_ Djimï kilo dji fahin fãs ka kute sa zot ka gãië lãdã un jonë ãtxe dji thavai; i un kilo edjimï dji *(cevada) ka kute mem bagaj. Pa piad djiluid i djivë.

06/07.txt

@@ -0,0 +1,3 @@
+7 Aphue Pitxit mutõ-la (cordeiro) kase katzem lakle-la  (selo). I mo tãde katzem bagaj vivã-la dji: 
+_Vinï! 
+8 Mo gade i mo ue un xuval jon. So xuvalie te k'aple Lamo, i *lãfe-la te ka suiv li. Ie husuve povua lasu katzem pedas dji late-la, pu txue palakos dji ladje, fë, maladji i animal sovaj.

06/09.txt

@@ -0,0 +1,4 @@
+9 Ëbe Pitxit mutõ-la (cordeiro) kase sëkzem *lakle-la (selo). I mo ue pahãba dji *(altar)-la nam-iela dji sa mun ki ie txue-iela pase ki ie te ãnüsie mësaj dji Bõdje i ie te fiam lãdã so tëmuë.
+10 Ie te ka hele bië fo:
+O Sëie ki gãië ghã povua, ki Së i lavehite!  ki tã u ke kõdãnë sa mun-iela ki txue no laba lasu late.
+11 Xakë un dji ie husuve un lëj blã. I ie husuve zod pu poze un moso, juk kã ke kõplete lemeho dji ie kõpãië-iela lãdã thavai dji Jezi, ki a te ie fue-iela i ki gãië pu muhi kumã ie muhi.

06/12.txt

@@ -0,0 +1,3 @@
+12 Aphue djila mo ue Pitxit mutõ-la (cordeiro) kase siszem lakle-la (selo). I late-la thãble fo. Solei-la hete suku kumã un lëj nue, i lalin-la hete tut huj kumã djisã.
+13 Zetuel-iela tõbe dji siel-la lasu late-la, sãble (figo) ki viat kã li ka tõbe dji so pie kã vã-la ka sukuie'l.
+14 Siel-la djispahet sãble un papie ki hule, i tut zile-iela sotxi dji ie plas .

06/15.txt

@@ -0,0 +1,4 @@
+15 Ëbe vue-iela dji tã-la ãtxe, guvelmã-iela, i xef dji milite-iela, mun ki hix ki gãië povua-iela, i tut esklav, i mun ki lib ie sehe ie ko lãdã kavian i ãba hox dji mõtãi-iela. 
+16 Ie te ka hele pu mõtãi-iela i pu hox-iela:
+_Tõbe lasu no i sehe no dji uei dji sa ki asi lãdã obiho-la i delivue no dji *ãhaj dji Pitxit mutõ-la (cordeiro)
+17 Pase deha hive ghã ju dji ie ãhaj, i kimun ki ke puve sipote'l.

06/title.txt

@@ -0,0 +1 @@
+Xapi 6

07/01.txt

@@ -0,0 +1,4 @@
+1 Aphue djisa mo ue lãdã kat khã-iela dji late-la kat zãj djibut, ie te ka ãpexe kat vã-iela sufle lãdã late-la, lasu ghã lãme-la i lasu nëpot pie-bua.
+2 Ëbe mo ue uot zãj, ki te ka mõte dji bo levã i ki te gãië la lãmë *mak (sinete) dji Bõdje vivã. Li hele ke vue bië fo pu kat zãj-iela ki te husuve povua pu dethi late-la i ghã lãme.
+3 Zãj-la dji:
+_Pa dethi late-la i ghã lãme, në pies pie-bua, juk kã no make ke mak (sinete) la tet dji *siavito-iela dji no Bõdje.

07/04.txt

@@ -0,0 +1,7 @@
+4 I mo tãde lemeho dji sa ki make-iela ke mak dji Bõdje. A te sã kahãt kat mil (144 mil), dji tut pov dji Ishael:
+5 dji thib dji Judá make, duz mil,
+dji thib dji Rúben, duz mil,
+dji thib dji Gade, duz mil,
+6 dji thib dji Aser, duz mil,
+dji thib dji Naftali, duz mil,
+dji thib dji Manassés, duz mil,

07/07.txt

@@ -0,0 +1,6 @@
+7 dji thib dji Simeão, duz mil,
+dji thib dji Lévi, duz mil,
+dji thib dji Issacar,duz mil,
+8 dji thib dji Zebulom, duz mil,
+dji thib dji José, duz mil,
+dji thib dji Benjamim, make duz mil.

07/09.txt

@@ -0,0 +1,3 @@
+9 Aphue djisa mo gade i mo ue boku mun, ki pies mun pa te puve kõte. A te dji tut nasiõ-iela, *thib, has i lãg. Ie te djibut djivã dji obiho-la i dji Pitxit mutõ-la (cordeiro), ka ize lëj blã, i ie te ke fei dji (palmeira) lãdã ie lãmë.
+10 I ie te ka hele bië fo: 
+_Dji no Bõdje, ki asi lãdã obiho-la, i dji *Pitxit mutõ-la (cordeiro) ka vinï no salvasiõ.

07/11.txt

@@ -0,0 +1,3 @@
+11 tut zãj-iela te djibut ka kõhõnë obiho-la, ãsië-iela  i kat bagaj vivã-iela. Ëbe ie te ka koste ie vijaz lasu late i ie te ka adohe Bõdje,
+12 Ie te ka dji:
+_*Amém, pu no Bõdje adohasiõ, *gloria,  konetmã,*(graça) , (honra), povua pu lavi ëtehnel! Amém!

07/13.txt

@@ -0,0 +1,4 @@
+13 Un dji ãsië-iela dumãde dji mo: 
+_akimun sa-iela ki lãdã lëj blã? dji kote ie vinï?
+14 _ Mo hepon: mo pa save. Më u save! Ëbe li dji pu mo:
+_Sa-iela a ki vinï dji ghã thibulasiõ. Sa mun-iela lave ie lëj-iela lãdã djisã dji Pitxit mutõ-la (cordeiro), i ie hete blã.

07/15.txt

@@ -0,0 +1,3 @@
+15 A pu sa ki sa mun-iela djibut djivã obiho dji Bõdje i ie ka siavi'l nuit i jonë lãdã so Kaz (templo). I sa ki asi lãdã so obiho-la ke khuvui ie ke so lom. 
+16 Ie pa jë ke sãtxi fë i suef i xalo dji solei-la pa jë ke bule ie.
+17 Pase Pitxit mutõ-la (cordeiro),  ki laba lamitã dji obiho-la ke sa Pasteh dji sa mun-iela i li ke suiv ie pu khik dji djilo dji lavi-la. I Bõdje ke sue dji ie uei-iela tut *dlo uei (lágrimas).

07/title.txt

@@ -0,0 +1 @@
+Xapi 7

08/01.txt

@@ -0,0 +1,2 @@
+1 Kã Pitxit mutõ-la (cordeiro) kase setzem *lakle-la (selo) siel-la hete this phox thãt minut.
+2 Ëbe mo ue set zãj-iela ki te djibut djivã Bõdje, i ie husuve set *suflet (trombeta).

08/03.txt

@@ -0,0 +1,3 @@
+3 Not zãj vinï ke un pot dji lo ki ie ka bule ïsãs i li hete djibut obo (altar)-la. Li husuve boku ïsãs pu hasãble ãsam ke phuie-iela dji tut pov dji Bõdje i ofui'l lãdã  (altar) dji lo ki laba djivã dji obiho-la.
+4 I dji lãmë-iela dji zãj-la ki te laba djivã Bõdje mõte lafimë dji ïsãs ki li bule, ãsam ke phuie-iela juk la phuezãs dji Bõdje.
+5 Ëbe zãj-la phã pot dji ïsãs-la, li plë'l ke djife dji (altar)-la i li jite'l lasu late-la. Fet gho lohaj, thë, zekle, i late-la thãble.

08/06.txt

@@ -0,0 +1,2 @@
+6 I aphue set zãj-la ki te gãië set *suflet-iela (trombetas) ie te phuepahe pu *sufle (tocar) lãdã ie.
+7 Phõmië zãj-la sufle lãdã so suflet (trombeta), i li voie lasu late un lapli dji hox i djife, mele ke djisã. I djife-la dethi thoazem pedas dji late-la, dji pie-bua-iela i  dji tut plã viat.

08/08.txt

@@ -0,0 +1,2 @@
+8 Aphue dezem zãj-la sufle lãdã so suflet (trombeta), i un bagaj ki te sãble un ghã mõtãi ki ka phã djife ie voie'l lãdã ghã lãme. I thoazem pedas dji ghã lãme-la vihe djisã, 
+9 muhi thoazem pedas dji animal-iela ki ka viv lãdã ghã lãme-la, i dethi thoazem pedas dji tut gho bato-iela i txibato-iela.

08/10.txt

@@ -0,0 +1,2 @@
+10 Ëbe thoazem zãj-la sufle lãdã so suflet (trombeta), i un gho zetuel, ka bule kumã un *gho djife (tocha), tõbe dji siel-la lasu thoazem pedas dji lahivie-iela i lasu khik-iela.
+11 Nõ djisa zetuel-la a Ãme (Amargura). I thoazem pedas dji djilo-iela hete ãme, i a pu sa boku mun muhi kã ie bue djisa djilo-iela.

08/12.txt

@@ -0,0 +1,2 @@
+12 Djila katzem zãj-la sufle lãdã so suflet (trombeta), i blese thoazem pedas dji solei-la, dji lalin-la i dji zetuel-iela, dji mãië ki ie pedji thoazem pedas dji ie klehite.
+Pa te gãië klehite dehãtxi thoazem pedas dji jonë-la i osi dji nuit-la.

08/13.txt

@@ -0,0 +1,2 @@
+13 Aphue mo gade i mo ue un gho pagãnï ki te ka vole bië hot lãdã siel-la. I mo tãde gho pagãnï-la dji ke un vue bië fo kõsa: 
+_ Sufãs pu zot! sufãs pu zot, sufãs pu zot ki ka hete lasu late, kã ke tãdë thë dji suflet (trombeta) ki uot thoa zãj-iela ke sufle!

08/title.txt

@@ -0,0 +1 @@
+Xapi 8

09/01.txt

@@ -0,0 +1,2 @@
+1 Aphue sëkzem zãj-la sufle lãdã so suflet (trombeta), i mo ue un zetuel ki te tõbe dji siel-la lasu late, i li husuve lakle dji *lãfe (abismo).
+2 Zetuel-la luvui pi dji *lãfe-la (abismo), i dji li sotxi lafimë, kumã lafimë dji un *gho djife (fornalha). I solei i siel-la hete suku ke lafimë ki te ka sotxi dji *lãfe-la (abismo).

09/03.txt

@@ -0,0 +1,2 @@
+3 Dji ãdjidã  lafimë-la sotxi boku suthel, ki desam lasu late-la i ie husuve mem povua ki iskhopiõ-iela gãië. 
+4 Suthel-iela husuve zod  pu pa dethi plã viat-iela, pie-bua-iela i nëpot plã ; selmã pu ie blese sa mun-iela ki pa gãië *mak (sinete) dji Bõdje Lãdã ie tet.

09/05.txt

@@ -0,0 +1,2 @@
+5 Suthel-iela pa te gãië dhue pu txue sa mun-iela, ie te puve thumãte mun-iela dehãtxi sëk mua. I dulo ki ie pote lasu mun-iela a te sãble dulo Kã iskhopiõ ka pitxe.
+6 Lãdã sa sëk mua-iela mun-iela ke sase lamo-la, më ie pa ke thuve'l; mun-iela ke le muhi më lamo-la ke mahõ dji ie.

09/07.txt

@@ -0,0 +1,3 @@
+7 Suthel-iela te sãble boku xuval phuepahe pu bataie. Lãdã ie tet te gãië un bagaj sãble un kuhun dji lo, i ie vijaz a te sãble vijaz dji un mun.
+8 Ie xive-iela a te sãble xive dji fam, i ie dã-iela te sãble dã dji liõ.
+9 Ie photesiõ-iela (couraça) te sãble  photesiõ dji fe, i thë dji ie zel-iela a te sãble thë dji boku loto ki boku xuval ka hale kã ie ka kuhi pu bataie.

09/10.txt

@@ -0,0 +1,3 @@
+10 Suthel-iela te gãië latxo i pikã kumã iskhopiõ-iela, i a te ke ie latxo-iela te gãië povua dji blese mun-iela dehãtxi sëk mua.
+11 Ie te gãië un vue ka kumãde ie, ki a te zãj dji lãfe-la (abismo). So nõ ã *hebraico a Abadom i ã *grego  Apoliom.
+12 Phõmië "sufãs-la " deha pase, më tuju ke vinï uot dê-iela.

09/13.txt

@@ -0,0 +1,4 @@
+13 Ëbe siszem zãj-la sufle lãdã so suflet (trombeta), i mo tãde un vue ki te ka vinï dji kat khã-iela dji (altar) dji lo ki laba djivã Bõdje.
+14 I pu siszem zãj, ki te gãië lãdã so lãmë suflet-la (trombeta), vue-la dji:
+_Libiate kat zãj-iela ki phui phox dji ghã lahivie Eufrates!
+15 Kat zaj-iela hete lib. Ie te phuepahe pu sa lo, ju, mua i ãnë ãfë dji txue thoazem pedas dji tã-la.

09/16.txt

@@ -0,0 +1,2 @@
+16 I mo tãde ki ie patxizã dji soda a te dji desã miliõ dji soda ke xuval.
+17 Lãdã mo Visio mo ue xuval-iela ke ie xuvalie-iela. Xuvalie-iela te gãië lãdã ie pothin *photesiõ (couraça) huj sãble djife, ble sãble *safira, i jon sãble *ãxof (enxofre). Tet dji xuval-iela te sãble tet dji liõ, i dji ie bux te ka sotxi djife, lafimë i *ãxof (enxofre).

09/18.txt

@@ -0,0 +1,2 @@
+18 I thoazem pedas dji tã-la muhi palakos dji sa thoa bagaj-iela ki te ka sotxi dji bux dji xuval-iela: djife, lafimë i ãxof (enxofre).
+19 Pase povua dji xuval-iela lãdã ie bux i osi lãdã ie latxo. Latxo-la te sãble un siapã ke tet lãdã so but, i ke li xuval-iela te ka blese mun-iela.

09/20.txt

@@ -0,0 +1,2 @@
+20 Lahextã dji sa mun ki pa muhi-iela pu sa *dulo-iela (praga) sa mun-iela pa hepãtxi dji ie pexe-iela: ie kõtxinë adohe demuë-iela i txibodjë dji lo, dji *prata, dji *bronze, dji hox i dji madhie, ki pa puve ue, tãde i maxe.
+21 Osi ie pa hepãtxi dji ie khim-iela dji lamo, dji ie maji nue, dji ie phostxituisiõ i dji ie volo-iela.

09/title.txt

@@ -0,0 +1 @@
+Xapi 9

10/01.txt

@@ -0,0 +1,2 @@
+1 Ëbe mo ue not zãj, ki te ka desam dji siel-la. So lëj a te un nuaj, i li te gãië un lakãsiel lasu so tet. So vijaz te sãble solei-la, i so jam-iela te sãble poto dji djife.
+2 Zãj-la te gãië un txi-liv luvui lãdã so lãmë. Li poze so pie adhet lasu ghã lãme-la i pie agox, lasu late-la

10/03.txt

@@ -0,0 +1,3 @@
+3 i Li hele ke vue boku fo, ki te sãble ghõdhe dji boku liõ.
+Aphue ki li hele, set lohaj-iela hepon ke un gho thë 
+4 Lãdã mumã ki ie kose, mo te ke ekh, më mo tãde un vue dji lahosiel ki kose: _ sehe ãseghe sa ki set lohaj-iela pale. Pa ekhi ãië.

10/05.txt

@@ -0,0 +1,5 @@
+5 Aphue zãj ki mo ue djibut lasu ghã lãme-la i late-la leve so lãmë adhet pu siel-la 
+6 I li fe un phomes lasu nõ dji Bõdje, ki ka viv pu lavi ëtehnel, i ki fe siel, late, ghã lãme i tut sa ki gãië lãdã ie.
+Phomes-la a sa: 
+_Pa ke tade ãko. 
+7 Kã setzem zãj-la sufle lãdã so suflet (trombeta, Bõdje ke kõphui so ïtësiõ ki ãseghe-iela, kumã li te ãnüsie pu so *siavito-iela (profetas).

10/08.txt

@@ -0,0 +1,4 @@
+8 Ëbe vue ki mo te tãde dji siel-la kose ãko ke mo, li dji:
+_ Ale juk kote zãj ki djibut lasu ghã lãme i lasu late-la i phã liv ki luvui-la ki li gãië lãdã so lãmë.
+9 Mo ale i mo dumãde dji zãj-la txiliv-la, i li dji pu mo:
+_ phã liv-la i mãje'l. Lãdã u lextomak li ke hete ãme, më lãdã u bux li ke hete dus kumã miel.

10/10.txt

@@ -0,0 +1,2 @@
+10 Djila mo phã txiliv-la dji lãmë dji zãj-la i mo mãje'l,  I lãdã mo bux li te dus kumã miel. Më, aphue ki mo vale'l, mo lextomak hete ãme.
+11 Ëbe li dji pu mo: _ U buëzë ãnüsie ãko mësaj dji Bõdje a hespek dji boku nasiõ, has, lãg i vue.

10/title.txt

@@ -0,0 +1 @@
+Xapi 10

11/01.txt

@@ -0,0 +1,3 @@
+1 Aphue djisa mo husuve un batõ dji mizuhe li dji pu mo: 
+_Leve, tihe mizu dji *Kaz (Templo) dji Bõdje i dji (Altar)-la i kõte mun-iela ki ka adohe lãdã *Kaz-la.
+2 Më pa mizuhe (pátio) dji deho dji *Kaz-la, pase sa (pátio) ie bai pu nasiõ-iela, ki ie ke djibut lasu *Pei Së-la dehãtxi kahãt dê mua.

11/03.txt

@@ -0,0 +1,3 @@
+3 Mo ke voie mo dê tëmuë-iela, ka ize lëj dji sak i ie ke ãnüsie mësaj dji Bõdje dehãtxi *mil desã soasãt ju.
+4 Dê tëmuë a dê (oliveira)-iela i dê *gho lalãp-iela (candelabros)  ki djibut djivã Sëie dji tã-la ãtxe.
+5 Si ie elmï-iela seie fe ie djimal, dji ie bux ke sotxi djife i ka finï ke ie elmï-iela. Kõsa, nëpot ki le fe ie djimal buëzë muhi.

11/06.txt

@@ -0,0 +1,3 @@
+6 Dê tëmuë gãië povua pu fõmë siel-la, ãfë dji ki pu lapli pa tõbe dehãtxi tã ki ie ke ãnüsie mësaj dji Bõdje. Ie gãië povua osi lasu djilo-iela pu vihe ã djisã. Ie gãië povua tuju pu blese late-la ke tut kalite maladji, kõbie fue ie le.
+7 Kã dê tëmuë-iela ke finï dji ãnüsie so mësaj, bet-la  ki ka vinï dji *lãfe (abismo) ke bataie kõt ie.
+Bet-la ke hesi txue ie,

11/08.txt

@@ -0,0 +1,2 @@
+8 i ie ko-iela ke hete lãdã lahi ki ïpohtã dji ghã pei-la ki ie k'aple ã lesphui *Sodoma i *Egito kote ie Sëie ale klue lãdã lakhue. 
+9 Dehãtxi thoa ju edjimï, pov dji tut nasiõ-iela, thib-iela , lãg-iela , i has-iela ke gade pu sa dê ko-iela i ie pa ke lese mun ãtehe ko-iela.

11/10.txt

@@ -0,0 +1,5 @@
+10 Pov-iela dji late-la  ke hete boku kõtãtmã ke lamo dji sa dê tëmuë-iela. Ie ke fe lafet i ke voie kado un pu uot pase ki sa dê *phofet-iela pote boku sufãs pu tã-la.
+11 Më aphue dji thoa ju edjimï un vã dji lavi vinï dji Bõdje i ãthe lasu ie, i ie leve djibut. I tut mun-iela ki ue ie hete pe boku.
+12 Djila *phofet-iela tãdë un gho vue, ki te ka vinï dji lahosiel i li dji pu ie:
+_Mõte esi!
+Ëkãt ie elmï-iela te ka gade, de *phofet-iela mõte pu siel-la lãdã un nuaj.

11/13.txt

@@ -0,0 +1,2 @@
+13 Lãdã sa lokasiõ-la late-la thãble fo. Ki diszem pedas dji pei-la hete dethi, i muhi set mil mun. Uot mun-iela hete boku pe i ie adohe Bõdje dji siel-la.
+14 Dezem "sufãs-la" deha pase. Më gade! thoazem "sufãs" pa ke tade.

11/15.txt

@@ -0,0 +1,2 @@
+15 Ëbe setzem zãj-la sufle lãdã so *suflet (trombeta), i fo vue hele lahosiel, ki te ka dji kõsa:
+_Povua pu kumãde tã-la ato a dji Bõdje, ki a no Sëie, i *Messias ki li xuezi. I Bõdje ke kumãde pu ëtehnite.

11/16.txt

@@ -0,0 +1,6 @@
+16 Djila vët kat ãsië-iela, ki te asi lasu ie obiho-iela djivã Bõdje, ie ãjunü, i koste ie vijaz-iela lasu late-la i ie adohe Bõdje, 
+17 ie dji:
+_Sëie Bõdje, 
+ki gãië ghã povua,
+ki a sa i ki a te sa !
+No ka humiasi u pase ki u te ize u ghã povua i u kumase kumãde.

11/18.txt

@@ -0,0 +1,3 @@
+18 Nasiõ-iela hete kole pase ki deha hive mumã dji  mõthe u *ãhaj i lo dji mun muhi-iela kõdãnë. 
+Hive mumã dji u hekõpãse u *siavito-iela, *phofet-iela i tut u pov i tut sa ki ka adohe u nõ, djipi ki pitxi-iela juk ki ghã-iela. 
+Hive mumã pu dethi sa-iela ki ka txue mun lasu late!

11/19.txt

@@ -0,0 +1 @@
+19 Ëbe hete luvui lahosiel *kaz (templo) dji Bõdje, i ie ue *arca dji *kõtha-la (aliança) laba ãdjidã. I fet zekle, thë, lohaj, thãble late, i un fo lapli dji hox.

11/title.txt

@@ -0,0 +1 @@
+Xapi 11

12/01.txt

@@ -0,0 +1,2 @@
+1 Ëbe pahet lahosiel un ghã sin. A te un fam. So hob a te solei, pahãba dji so pie-iela a te lalin-la, i li te ka ize lãdã so tet un kuhun ki te gãië duz zetuel.
+2 Fam-la te ãsen i li te ka hele ke dulo dji *akusmä (parto).